الفصل السابع
عشقك امانتي
الفصل السابع
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *عشقك.أماتني.tt* 😔💔
*❴🔢❵☟الـــبـــــــــــ❴7️⃣ والأخير❵ــــــــــــارت☟*
➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
ام لؤي: ..........
امل: .....الله يخليكي مرت عمي خليكي حنبي بهالشغلة ماتصفي ضدي قدام لؤي.
ام لؤي: .....انا موضدك والله بس كيف بدي اقنعو بشي انا مو مقتنعة فيه .....بس كرمالك رح قلو ازا وافق .
مسحت دموعا: ....وليش لحتى مايوافق انا عهامش حياتو ليه ليرفض انتي وتحسنت صحتك والحمدلله وحبيبتو تزوجا شو ضل بعد بدو ....يتركني ليريح راسو .
ضلت امل كل اليوم مو عبعضها ناطرة مرت عمها تحكي للؤي وماقبلت تنزل تاكل معهن بنوب.
وقت رجع لؤي من شغلو شافتو امو كان متدايق ماحبت تخبرو لكن وقت رجع المسا من مشوارو طلبت منو يقعد هو ونوال .
ام لؤي: ...اقعدو شوي بدي احكي معك امي بموضوع وبدي نوال تكون حاضرة عليه .
لؤي: ....خير امي شو في .
نوال: تفضلي خالتي .
ام لؤي: ....امي انت هلأ تزوجت البنت اللي بتحبا صح ....وانا صحتي صارت احسن من اول ماهيك .
لؤي: ...الحمدلله .
امو: ....لهيك امي مالازم نفكر بأنانية وننسى غيرنا ومايهمنا حدا تاني بهالدنيي .
لؤي: ....امي لشو بدك توصلي فوتي بالموضوع دغري .
امو: ...رح احكي ضميري انا .....ياامي انا شايفة انو امل وجودها بحياتك متل عدمو يعني مابصير البنت اتضل عنا هيك بلا ماتاخدها زوجة كاملة تعتبرها متلا متل نوال .
نوال: .....شو يعتبرا متلا متلي .
ام لؤي: .....لا تسبقي الكلام يانوال ليش هو شايفها اصلا .
لؤي: .....امي شو هالكلام ولشو بدك توصلي فهميني .
امو: ....بصراحة يااامي انا من رأيي امل حرام تبقى عوضعها هاد يعني لازم تعيش متلها متل باقي هالبنات المتزوجات .
لؤي بعصبية والدم عم يغلي بعروقو: .....امي هاد مو كلامك ..انتي من يومك بتحبيها لأمل ومابتحكي كلمة عليها ....بس هالمرة هالكلام مو من عندك .
اتطلع بنوال وزورها .
نوال: ...ليه عم تتطلع فيي هيك انا مادخلني بشي .
ام لؤي: ....لا ياامي نوال مالا علاقة بالحكي اللي عم قولو .
لؤي جن: .....لكان شو لزومو هالكلام .
امو: .....بصراحة ياامي امل هيي اللي قالتو .
لؤي : ......امل !
امو: ....اي ياامي امل طالبة الطلاق .
لؤي: ......نعم نعم .....هي نغمة جديدة .
امو: .....والله معها حق ...البنت قاعدة لا معلقة ولا مطلقة وانت مو حاسبها مرتك متل نوال من يوم اللي كتبت كتابك عليها مافي محبس بأيدا لمبارح ومن يوم اللي دخلت هاللبيت ماخصيتها بشي الها منك انت ....وغير كل هاد انت مابتحبا حتى انك مافكرت تاخدا متل مااخدت نوال صح يالؤي .
لؤي : .......المعنى شو .
امو: ....بدها الطلاق بتقلي الكل شايف حياتو وانا صار لازم شوف حياتي كمان .
عصب بشكل جنوني : .....شو يعني بدها تتزوج.
امو: ....هيي وقت سألتها قالتلي انا مابفكر بالموضوع ...بس ولو فكرت لقدام من حقها (وقتها بلشت امو تغيظو لتطالع اللي مخبى جواتو ويعترف ازا في بألبو شي لأمل والا لأ) يكون عندها رجال يحميها وياخد بالو منها ويحبها ويعطيها اللي انت ماعطيتها اياه ....يعني يشوفها مرة الو تصون بيتو يحبا وتحبو يحسو ببعض ......حاجتا قاعدة هيك عندك .
لؤي وغضب الكون كلو بعيونو: .......انا خلي رجال تاني يلمس امل .......امل اليييي ......امل الي انا مو لغيري وازا بتفكرو اني ممكن طلقها بتكونو غلطانين..مارح طلقها ورح حاسبها بس لأنو اجى ببالها هيك شي .
نوال: ......لؤي ليش لأ ازا هيي مابدها اياك ...وبجوز تكون يعني انا عم قول بجوز تكون حابة حدا لهيك عم تطلب الطلاق.
لؤي بصراخ: ......نواااااال هلأ بقوم بكسر البيت كلو فوق راسك ...اصلا ماطقت براسا هالفكرة الا اليوم معناها اكيد واصلا كلام عن موضوع المحبس او بجوز سمعتك مبارح.
نوال: ......ازا هيي هيك بدا ليش انت لتتدايق ...طلقها وخلينا نعيش حياتنا.
لؤي: ..مستحيييييييل مابطلقا لو بتطقي نصين ....وهديك حسابا عندي .
دخل لؤي لعندها وكان حاطط الشر بين عيونو .
لؤي: .......شو الكلام اللي قايليتو لأمي .
امل: .....خبرتك مرت عمي.
لؤي: .....بدك تتطلقي ...ليش اااه ليش ....انا اسأتلك شي ....
حسستك اني متدايق منك ...زعجتك شي .
امل: .......بجوز لأنو ماعملت ولا وحدة من هدول .
لؤي: مافهمت .
امل: ....لؤي ....صار لازم تشوف حياتك وانا شوف حياتي .
لؤي: ......بدك تتزوجي يعني.
امل: ....ماعم فكر بهالموضوع.
لؤي: ....اي لكان شو بدك .
امل:...بدي استقر بحياة عادية هادية بدي حس بكل اللي قلتو هلأ .
لؤي : ....وازا قلتلك مارح طلق.
امل : .....ليش لؤي ...ليه باقي علي انت مابتحبني وتزوجت من البنت اللي بتحبا ....لا تفكر بأنانية واتركني شوف حالي .
قرب منها ولزقها فيه مافي شي بيفصل بينهن: ......امل انا تعودت عليكي مستحيل شوفك مع غيري او حس انك لغيري مستحيل اتركك تروحي مني ...انتي الي انا عم تفهمي .
امل عم تتنفس بصعوبة من قربو منها: ......الزواج مو تعويد وبس .....الزواج حب مشترك عطاء تبادل بكل شي بالمشاعر والاحاسيس حس فيك وتحس فيي تقدملي وقدملك ...شوفك بعين الرضى وتكون مالي عينك مني وتحس بوجودي ماكون بس وسيلة لراحتك وراحة غيرك .....حس فيي مشان الله .
لؤي عم يهمس وحط ايدو عوشها ورقبتها: ........مارح طلقك انتي الي انا مافيي اتخيل حالي بدونك .
امل والبها عم يدق بسرعة وعم ترجف بين ايديه: .......بترجاك لؤي خليك مع حبيبتك واتركني ...انا هون كرمال امك وهيي خفت كتير هلأ ووجودي هون ماالو لازمة .
عصب لؤي وبعد عنها : .......ماارح طلق عم قلك لو بتموتي بهالبيت مارح طلق انتي الي ...الي وبس ...الي وبس .
راح وتركها عم تبكي قعدت عالأرض وسندت حالها للحيط وصارت تبكي و تضرب راسها بالحيط .
بقيت يومين على حالها ماعم تقبل تاكل ولا تطلع من غرفتها لوقت اتصلت فيها شيماء وطلبت منها ترافقها للسوق، رفضت امل بالبداية لكن شجعتها شيماء وخبرتها انو لازم تشوفها ويحكو بهالموضوع.
حكت امل لام لؤي انو بدها تطلع مع شيماء وشجعتها هي كمان .
رجع المسا لؤي وكانت امل لسا مو راجعة ، طلع لغرفتو مالاقاها ، نزل لعند امو وسأل عنها ..
امو: ....راحت مع شيماء من ساعتين عالسوق .
لؤي: ....هيك بدون ماتخبرني .
امو: ....انا اللي قلتلا تطلع كانت رح تتصل فيك انا ماخليتا قلت خليها تغير جو بلكي بتتغير نفسيتا لا تضغطا ياامي انت شايف وضعا بهالكم يوم .
لؤي: .....زمان طلعت.
امو: ...قلتلك امي من ساعتين بس.
لؤي: ..رح روح جيبا.
امو: .....لأ امي اتركا ترجع براحتا بتكون خففت عن حالا شوي......وبعدين ياامي نحكي مرة تانية ....لك ابني اتروك البنت تشوف حياتا انت تاركها ومو سائل فيها لك حتى ماعم تهتم فيها والكل ملاحظ من وقت اللي اجت لهون لليوم وانت مابتهتملا ...حرام ياامي مابجوز من الله .
لؤي: .....طلاق مابطلق.
امو: ....لك لا عم تطلع معا ولا عم تحكي معا كتير ولا عم تعاملا متل نوال لك حتى لهلأ مااخدتا شو معنى هالحكي معناتو انك مابدك اياها ..مالازم تكون اناني يالؤي بس لأنك تعودت عليها ...من حقها تتزوج من جديد زواج بعرس وبدلة ودهب رجال ترقص معو يضما يباركلا بزواجهن والناس تهنيهن من حقا الشرعي يكون عندا رجال بكل شي يعاملا متل زوجة عم تفهم عليي رجال يحن عليها ويحبها وتجيب منو ولاد .
لؤي: ..ً....بدك اياها تتزوج !
امو عصبت عليه: .....من حقا .....من حقا يالؤي انانية منك انت مرتاح ومبسوط بحياتك وهي لأ .
لؤي بعصبية: .......مستحيل خلي رجال يلمسها مافيي شوفها مع غيري ولغيري .
امو: ....وبعدين يالؤي .
لؤي: ........بعدين مارح طلق ..خلص امي مارح طلق .
طلع لؤي وهو معصب وشافتو نوال وهو رايح .
نوال: ....شو القصة خالتي ليش لؤي معصب هيك.
ام لؤي : ....رجعت فتحت معو موضوع امل .
نوال: ....اي وشو قال.
ام لؤي: .....متل ماشفتي طالع .
نوال: .....خالتي انا مليت من هالوضع.
ام لؤي: ًشو انتي كمان بدك تتطلقي .
نوال: ...ً.لا طبعا بس الضغط اللي علؤي عم يأثر عحياتنا كتير.
ام لؤي: ......الله يحل عسيرا ويهدي البال.
اما لؤي عم يسوق بسرعة مابيعرف لوين بدو يروح وبالاخر قرر يروح لبيت خالتو ام معتز ليجيب امل من عندهن.
اتصلت ام لؤي بأختها ام معتز وخبرتها انو لؤي اكيد رح يمرق لعندهن ليجيب امل واتفقت معها تحاول تستفز لؤي بنفس الكلام ليغير لؤي رأيو واسلوبو مع امل ويعدها زوجة الو متل نوال .
وصل لؤي عبيت خالتو .
ام معتز: .....كيف امك ونوال .
لؤي بضيق: الحمدلله بخير.
ام معتز: .....خير خالتي باك شي مو طبيعي .
لؤي: ..ً....معقول امي ماخبرتك انو امل طالبة الطلاق.
ام معتز: ......اي امبلى خبرتني.
لؤي: .......اي خالتي شو رأيك انتي بالموضوع.
ام معتز : ....حقها .
لؤي:.....نعم ..ًحقها ...حتى انتي ياخالتي ...انا قلت انتي الوحيدة اللي رح تحسي فيي وتفهميني .
ام معتز: ......اي بحس فيك وبفهمك بس مابظلم بنات الناس .....ليك خالتي انت من يومك وانت بتحب نوال وكل العيلة بتعرف بقصة حبكن ويوم اللي كتبت كتابك عامل بتتزكر كيف اجيت لعنا وانت مخنوق ومابدك هالجوازة وقلت انو صارت مشان امك بس وقلت لنوال انو مارح تعملها زوجة بشكل جدي صح ....وقعدت امل اربع شهور عندك ومالمستا صح ...ومن بعدا تزوجت نوال والبنت مااعترضت وكانت هادية ورايقة كل الوقت ....وامك تحسنت صحتها وانت تزوجت بنت خالتك يعني مين اللي قاعد هلأ بلا قيمة وبلا هدف معقول رح اتضل العمر كلو وهي عندك بلا ماتشوف حالها متلا متل بقية المتزوجات زوج وحضن وحب واهتمام وولاد ....هيك مابصير .
لؤي: .....شو اللي بصير لكان اني طلقها مثلا .....مستحيل خالتي مستحيل .
بعد شوي وصلت شيماء وامل وتفاجأت امل وقت شافت لؤي.
امل: ....لؤي ...خير في شي .
لؤي: ...لا مافي شي بس جيت اخدك ....تفضلي .
امل: .....اي ماشي ....تصبحو عخير .
وهنن بالطريق كان لؤي معصب كتير وكان واضح عليه هالشي .
مااسترجت امل تحاكي وقت شافتو هيك ماحبت تثير غضبو اكتر.
وصلو البيت ودغري سحبها لؤي لغرفتهن .
مسكها من كتافها وشد عليها لوجعها: ......وبعدين معك ...مابدك تتركيلي هالسيرة بقى .
امل: .....اااخ لؤي عم توجعني ....عن شو عم تحكي .
لؤي: ......ليكي من اخر الكلام رح اعطيكي ومارح وجع راسي وبلش معك من البداية......طلاق مارح طلق عم تفهمي لو بتموتي وبدفنك هون مارح طلقك....وهالسيرة ازا بترجعي بتفتحيها مرة تانية وعزة ربي ياامل رح بتشوفي وجهي التاني وانا لهلأ لساتني ماسك اعصابي واتتي مابتعرفيني وقت بجن وبتطلع اخلاقي لهيك اختصري عحالك وسكري عالموضوع .
ضلت امل محتارة من تصرفات لؤي وانو ليه هيك عم يعمل وتقول بحالا انو مابحبها ...لكن اخر شي توصلتلو انو مابدو يطلقها كرمال تبقى مع امو وتضل ممرضة الها وبس ....وقتها حست بأنانية لؤي وانو مافكر الا بأمو وسعادتو هو مع مرتو وحبيبتو وماهمتو بنوب مشاعر امل وكانت اخر همو .
تاني يوم اجت امينة اخت شيماء وطلبت من امل تساعدها باختيار تيابها من النت .
امل: .....طيب ليه مابتروحي عالمولات بتلاقي طلبك هونيك .
امينة: .....انا بحب زوئك كتير وانتي بتعرفي عرسي قرب وصار لازم خلص جهازي واختار بدلة عرسي وقلت مالي الا امل مزوئة كتير وهي اللي رح تساعدني .
امل : ...تكرم عينك هاتي لشوف.
اختارت امل وامينة تياب للبيت وتفريعات للنوم وتياب خرج طلعات وسهرات وفساتين واكسسوارات بتخص العرس واخر شي ....
امينة: .....طيب حلو لهلأ ....بدي تختاري معي بدلة العرس.
امل: ...حتى هي انا اللي بدي اختارا .
امينة: ....قلتلك بحب زوئك ومارح البس الا اللي بتختاري بدي كون مميزة بيوم عرسي .
امل: ....بأزن الله رح تطلعي احلى عروس .
اختارت امل فستان حلو كتير راقي وناعم وحست انو بيشبه زوئها باللبس كتير .
امينة: ......يسلمو حياتي مابعرف كيف بدي اتشكرك رح يكون جهاز مميز وحلو كتير .
امل: ...بأزن الله رح تكوني احلى عروس والله يبعتلك ايام بيضا متل لون بدلتك .
ضمتها امل بحب كبير لأمينة وحست بنقص كتير كبير انو كل الصبايا عم تلبس بدلة العرس وتفرح باختيار جهاز عرسها الا هي هالشي كتير كان ناقصها وحاسة بحرمانو .
بهالفترة كانت امل صدفة لتلتقي بلؤي كان يتحاشى يشوفها ويقعد معها كتير ....وحست عليه انو مو طبيعي بهالفترة حتى حماتها كانت غريبة شوي معها تقعد معها بس مو كتير وشكت امل انهن اخدين عخاطرهن منها .
بعد اسبوع اجو خالاتو للؤي وامو وشيماء وامينة لعند امل لغرفتها و ارجتها امينة بدلة العرس اللي اختارتها واستغربت امل انو ليه لتجيبها معها وتأرجيها اياها .
ام لؤي : .....شوفي ياامل مااحلى الفستان اللي اخترتي لأمينة ...ماتوقعنا يطلع هيك حلو .
ام معتز : ....لك.بنتي نحنا ماشفناكي ببدلة العرس قومي قيسيها خلينا نشوفها عليكي .
امل: .....لا مابصير خالة هي للعروس ومابصير حدا غيرا يلبسا .
امينة: ...اي والله فكرة قومي امولة كرمالي ولووو لك قومي يلا .
تكاترو كلهن عليها لقامت امل ولبستها .
انصدم الكل قديه طلع الفستان حلو عليها .
شيماء : ....بتعرفي لأ هيك ماببين جمالو الا ازا عملتلك حركة حلوة بشعرك .
امل: ....لا يوو ...خلص هيك بكفي .
ام لؤي: ..ماتردي عليها شيماء قومي اعمليلا شي حلو بشعراتا .
عملتلا شيماء كم حركة حلوة مع رفعة بشعراتا متل تسريحة عروس بس بسيطة وهادية .
امينة: .....اي يلا بقى مابقي غير المكياج وهيك ببين منظر الفستان اكتر .....لحتى شوف ازا حلو الفستان مع التسريحة والمكياج مع بعض مشان اعمل متلهن يوم عرسي شو رأيك امل .
طبعا ماعطوها مجال تحكي شي .
عملتلا شيماء المكياج وطلعت امل عروس بتاخد العقل انبهر الكل فيها .
انصدمت امل بحالا وقت شافت حالا عروس كاملة ....بس شو الفايدة عروس بدون عريس .
نزلو دمعاتا لأمل غصب عنها وحرقت الب الكل ببكاها .
ام لؤي: .....حاج تبكي ياامي. ...في عروس بتبكي هيك بليلة عرسا ياامل .
امل عم تضحك وعم تبكي : .....ههههههه ...اللي بيسمعك مع هالمنظر اللي عليي بسدق انو الليلة عرسي جد .
ام معتز: .....لك اي ياامي الليلة عرسك ياروحي لكان شو مفكرة انتي ..انو نحنا عم نعمل كل هاد يس هيك تمثيل ولنشوف الفستان عليكي وبس .
امل بصدمة كبيرة : ........شوووو .
شيماء عم تبكي مبسوطة لرفيقتها: ......لك اي امولة الليلة عرسك انتي ماصارلك عرس وهلأ اجى الوقت لتفرحي وتعيشي حياتك متل كل الصبايا المتزوجة .
اتطلعت امل بأمينة انو شو اللي عم يحكو .
امينة هزت راسها ووقعو دمعاتها عخدها: .....اي امل انا عملت كل هاد حيلة انو تختاريلي تيابي وفستان عرسي انتي اخترتي يكون كل شي بيوم عرسك عزوئك انتي وبس .
ضمتها ام لؤي وباركتلها: ....فكرك نحنا بهالأسبوع متغيرين معك من قليل عم نخطط وندبر لنعمللك هي المفاجأة .
امل: .......اي ولؤي شو رأيو .
ام لؤي: ....هههههه لؤي هو اللي خطط لكل هاد والبيت تحت جاهز لنعمللك حفلة روووعة .
نزلت امل عن الدرج وهيي مو مصدقة حالا انو عنجد هاد عرسها .
وقت وصلت لبداية الدرج اللي مقابيل صالة البيت شافت لؤي جاي ناحها ببدلتو السودة ودقنو المحددة وشعرو المسرح بأحلى شكل وهيبتو اللي بتأسر الب اي صبية .
وقت وصلت لعندو استقبلها وباس ايدها ورفع طرحتها عن وشها وماكانت صدمتو اقل من صدمة امو وخالاتو بجمالها .
باس جبينها بشوق كبير ومشى معها لتشوف صالة البيت مزينة بشكل مبهر وكأنها صالة افراح .
رقص معها رقصة رومنسية ..
لؤي: .....امل بدي اعتزر منك عن تقصيري وتأخيري لشوفك عروس الي بهيك يوم .....حقك علي .
امل: .....عملتلي هيك لتقنعني ابقى معك .
لؤي: ....لا وربي مو مشان هيك عملت هيك لأثبتلك انو مافيي عيش بدونك ولقلك اني .........بعشقك ....بحبك ياامل ....بحبك بموت فيكيي .
امل: .......
لؤي عم يضحك عمنظرها وهي مصدومة: .....ههههههههه لك اي حبيبي بحبك بحبك ....بدك اياني طلقك ماااااا ليش قالولك عني جنيت لخلي كل هالحلاوة وهالرقة تروح لرجال غيري .
امل: لؤي انت عم تحكي جد والا انا عم احلم والا شو .
لؤي: .....ههههههه لك ياروح البي انتي ماعم تحلمي وانا هلأ ضامك وعم ارقص معك وعم اتطلع بعيونك اللي بيفتنو واللي رح .......اخدك الليلة وخليكي كل الليل بحضني واعملك زوجة كاملة ...والا شو رايك مابدك تجيبيلي عتريس وحنفي ووطفة .
ضحكت امل وخجلت : ....لك شو هالأسماء لؤي .
لؤي: .....اي انا هيك ماعجبك ارجعي جيبو غيرهن وسميهن عزوئك بس من هلأ انا ابو عتريس مشي .
ضحكت امل وضمتو ضمة كبيرة وماسدقت انو الدنيي واخيرا ضحكتلا .
صارت لامل حفلة اكتر من رائعة صحي هيي صغيرة بس كانت رومنسية كتير مليانة حب وشوق وكلام غزل ونظرات جريئة .
اللي فهمتو امل انو نوال زعلت كتير من لؤي وقت قرر يعمل لامل عرس صغير وانو كان بقيان عليها ومابدو يطلقها لانو تأكد.من حبو القوي الها .
بعد يومين ....
لؤي: .....اي دكتور خير طمني كيف صارت.
الدكتور : .....بعتزر منك يالؤي بس المدام اجهضت .
لؤي: .....شووووو اجهضت ليش كانت حامل .
الدكتور: ...اي كان الها شهر ونص .....عوضك عألله.
دخل لؤي لعند.نوال وكانت دبلانة وتعبانة كتير .
لؤي: .....حمدالله عسلامتك ياروحي .
ماردت عليه ولا التفتتلو .
لؤي: .....لك نوال ليه ماخبرتيني انك كنتي حامل .
نوال: .......شو كنت رح تعمل كنت رح تغير رايك وتبطل تعمللها عرس .
لؤي: .......لك شو دخل هي بهي .
نوال. .....دخلا ......دخلا انو انا مااستحملت شوفك عم تنزف لمرة غيري .
لؤي: .....لك ماانا انزفيت الك وقداما وماحكت شي ولا عملت شي .
نوال: ....لانك ماكنت تحبا .
لؤي: ....اي وحقا انو اعمللا عرس وقت اتأكدت اني بحبها كمان وصار الوقت انو اعطيها حقها موو.
نوال: ...اي وانا بطلت تحبني .
لؤي: ....لك ليه هيك عم.تقولي انتي بتعرفي شو انتي عندي صح .
صارت نوال تبكي .
ضمها لؤي لصدرو : ....خلص ياروحي ولا يهمك الأيام جاية وبازن الله رح بترجعي بتحملي من جديد وبتجيبيلي بنوتة قمر متلك واللي راح الله بعوض فيه .....بس بدي اسالك كيف اجهضتي وقعتي والا من الزعل .
نوال بجرأة : ......لا ماوقعت انا اجهضت حملي قصدا .
لؤي بصدمة كبيرة: .......شووووووووو ...شو قلتي .
نوال: ....اي لؤي انا مابدي منك ولاد.
لؤي: .....لك انتي شو عم تقولي نوال ...قتلتي ابني .
نوال: ...اي ...اي قتلتو لحتى مايكون عندو مرت اب .
لؤي: .....لك انتي جنيتي لك كيف فيكي تقتلي ابني .....لك مو هاد اللي كنت انا وانتي ناطرينو ...مو هاد اللي كنا نحلم فيه ونربي سوا ....مو هاد كان ثمرة حبنا .....لك جنيتي انتي .
نوال عم تبكي : ...لأ ماجنيت ....انا مابدي ولاد منك ...بتعرف ليش ....لاني بدي منك اتطلقني عم تفهم .
لؤي: .....هي نغمة جديدة كمان .....لك انتي وعيانة عحالك شو عم تحكي او عم تخبصي .
نوال: ....اي وعيانة وانا ماعم خبص عم احكي وانا بكامل عقلي وماجنيت ....مستحيل اقبل انو ابني يكون عندو مرت اب .
لؤي: ....لك ليش مين اللي رح يربي مرت ابو والا انتي .....شفتي انك انانية من اول ماتزوجت امل وانتي عنفس انانيتك يوم اللي كتبت كتابي عليها حردتي وتركتي البيت وماهمك انو امي مريضة وانو زواجي من امل كان بس مصلحة كرمال امي وهيي كانت فهمانة هالشي ...وهلأ كمان بينتي انانيتك انو اسمحلا تكون زوجة بعد سبع شهور زواج منها وفوق كل هاد قتلتي ابني ...لك ابني شو دخلوووووووووو ....ردي ..ابني شو دخلووووو ......الله لا يسامحك يانوال ...الله لا يسامحك .
تركها ووجعوبألبو كبير كتير كان لؤي يحب الاولاد كتير وبيتمنى طول عمرو يجيلو ولاد.كتير لانو وحيد لأمو وكان محروم من العزوة والاخوة لهيك قرر يجيب ولاد كتير ليعوض النقص اللي عندو وكان حابب يجي ولادو من نوال حبيبتو ...ومن بعد ماحب امل كمان فرصتو زادت انو يجيب ولاد اكتر .
رجع عالبيت وخبر امو وامل باللي صار .
زعلت امل انو كل هالشي صار بسببها وصارت تلوم بحالها قدام لؤي وامو .
لؤي : ....لك امل انتي مادخلك ....نوال جنت عالآخر لك ليش لتنزل الولد شو دخل زواجنا بالولد .......مستحيل خلي هيك مرة عزمتي .
جنت امل : ......لا لؤي حرام لا تكسر بخاطرها اكتر ...هيي هلأ مجروحة اكيد لأنو سقطت حملا وهالشي رح تكتشفو بعدين ...وموجوع البها بسبب زواجنا كمان ...بس مو تقوم انت تزيدها عليها واتطلقها كرمالي عندك .....برحمة ابنك الي راح ماتعمل هيك .
صار لؤي يبكي متل طفل صغير: .....ابني لك ابني هيي اللي قتلتو ....كيف بدي سامحها والا اتطلع بوجهها .
امو: ....ابني هيي غلطت صحيح بس متل ما قالتلك امل لاتكسر بخاطرها هيي عملت هيك بلحظة غضب ووجع وغيرة ...لكن وقت تفيق عحالها هيي نفسا ماحتسامح حالا عهيك غلطة .
روقتو امو وامل وخلتو يعيد حساباتو اكتر ويعيد النظر بقرارو .
طلعت نوال بعد يومين وكان لؤي معها لكن ماكان حابب يتطلع فيها وقررت تروح لييت خالتها مابدها ترجع للبيت لانو كانت مصصمة عالطلاق .
تركها ترتاح بعدها اسبوع ورجع حاول معها وراحتلها ام لؤي و اقنعتها وحسستها بقيمة غلطها .
بكت نوال بحرقة عأبنها اللي راح نتيجة غيرة وتسرع واعتزرت من لؤي عاللي صار .
ضمها لؤي وشاف ندمها بعيونها وسامحها عاللي صار لأنو عرف انو ماعملت هيك الا لأنها بتحبو كتير وغيرانة عليه.
نوال: ....لؤي بدي اطلب منك انو سافر لعند اهلي بس فترة صغيرة لغير نفسيتي شوي وريح اعصابي .
لؤي: ......مع انو مافيي اقعد بدونك بس مارح ارفض طلبك ....بس من هلأ وقت ترجعي جهزي حالك لتعوضيني بنونو جديد بدل اللي راح اي .
ضحكت نوال وضمتو : .....اكيد حبيبي اكيد .
اشترى لؤي لنوال بيت الها لحالها لحتى ماتتصادم مع امل وتصير بينهن مشاكل وتكبر اكتر.
اما امل فبقيت مع امو بالبيت الكبير عاشت معهن بحب ورواق وسعادة كبيرة اثبتلها فيها لؤي انو بيعشقها وبنفس الوقت لساتو باقي عحبو لنوال لكن بقيت غصة صغيرة بألبو منها ومانسي اللي صار .
بعد كم شهر فرح لؤي انو رح يجيلو ولدين من نوال ومن امل .
قدر لؤي بحكمتو وعقلو الكيير انو يسيطر عحياتو مع زوجتين واحسن قرار اتخذوا انو فرق بينهن بالمسكن واعطى لكل وحدة حقها بالكامل من الاهتمام والحب وماقصر معهن ابدا ...وطلب منهن ماوحدة فيهن بتتدخل بالتانية ولا بحياتها ابدا لو شو ماصار .
هيك صار وهيك تغيرت الحياة من ممرضة مغصوبة عالزواج لزوجة محبوبة معشوقة من زوجها لتتبدل حياتها وتتغير من قسوة اب ظالم واهمال زوج لحب كبير وحياة كلها فرح وسعادة ورضىى.
امانوال فرضيت بحياتها ورضخت للأمر الواقع لان بدورها عرفت انو مافيها تعيش وتكفي حياتها بدون لؤي وبلشت تتأقلم بوجود ضرة بحياتها وحياة زوجها وحبيبها .
اما لؤي ...فكان مقسم حالو. مقطع بعضو بين التنتين😂 ليرضي هي ويرضي هي لحتى مايصير بينهن مشاحنات وخلافات ويربو الولاد بعيلة اساسها المشاكل والنكد .
لؤي عم يتطلع عصور عرسو مع التنتين ويحكي مع حالو : ....هههه معتر ياجوز التنيتن تؤبروني مااحلاكن .😂.
لؤي حب نوال بشكل جنوني لهيك سامحها وماحب يضيع حياتو معها وحبو الكبير الها وهو فيو يعوض الشي اللي راح وبيقدر يجيب بدل الولد تنين وتلاتة ....وماحب يخسر خالتو واحترام الكل لالو ويقولو طلق مرتو مشان شي بيتعوض .
وبنفس الوقت حبو لامل كان سادق لأنها كانت انسانة حساسة متسامحة قنوعة راضية بكل شي ومرضيتو اول شي.
*الـــــــــ͢ـོ͓ـــنهـــــــايـــــــོـ͓ـــ͢ــة*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵