الفصل السادس
عشقك امانتي
الفصل السادس
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *عشقك.أماتني.tt* 😔💔
*❴🔢❵☟الـــبـــــــــــ❴6️⃣❵ــــــــــــارت☟*
➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
لؤي: ....... شو امل سمعينا شي غنية لنحكم عليكي متل ماعم تقول شيماء .
امل : ....طيب شو بتحبو غني .
شيماء غمزتها لأمل : ...عزوئك واللي بريحك .
اختارت امل غنية اليسا ....خد بالك عليا دي مش معاملة تعاملني بيها ...كانت قاصدة هالغنية وبنفس الوقت ماحبت تلفت نظر كتير لكن كانت هالغنية عالقة براسها دايما وبتحسها كأنو الها وبتحكي عنها .
غنت امل بأحساس كبير ورومنسية واضحة وهدوء سابق لطباعها ...كان تأثير هالغنية واضح عالكل وخاصة بصوتها الهادي الناعم .
من كلمات الغنية اتأثر لؤي اكتر شي لأن حس انو هو المقصود وانو الغنية بتحكي عن اهمالو الها ...حس بوخزة بألبو وضل هيك كل الوقت .
قبل لتخلص الغنية مااستحملت امل ونزلت دموعها وماشافت حالها الا عم تبكي بصوت عالي ومسموع للكل لقامت وركضت للبرندا .
لحقتها شيماء وام معتز وامينة ليشوفو شو قصتها ...شيماء كانت بتعرف كل شي بحكم علاقتها القوية بأمل وفهمت عصديقتها سبب بكاها وجرحها ووجعها .
اجى لؤي ليقوم حاولت نوال تمنعو لكن كان لؤي صاحب شخصية قوية ومافي شي بيقدر يمنعو ازا كان بدو شي ومافي شي بأثر عليه وعقرارتو .
لحقها لؤي وطلب من الكل يقعد مع امل لحالهن .
مسحت دموعها وقت شافتو .
لؤي: .....امل ليه بكيتي ...فهميني .
امل: ....مافي شي ....بس انا بتأثر كتير بهي الغنية وبحبا.
لؤي: ....وليه غنيتيها ازا بتدايقك وبتبكيكي .....امل ....انتي قاصدة حدا معين بهي الغنية ما؟
توترت امل وشكت انو رح ينفضح امرها: .....لا لا مافي حدا مقصود بهي الغنية ...بس.......شيماء طلبت هي الغنية .....بسبب.....اهمال جوزها ووووو ....وحبت انو لو ياخد بالو منها شوي.
لؤي وكان حاسس انها عم تخبي عليه شي : .....اكيد بس هيك القصة امل .
امل: ....اي بس هيك شو بدو يكون في .
وقت رجعو عالبيت راحت نوال لغرفتها متدايقة وزعلانة من لؤي ليه يبين اهتمام بأمل ..
امل رجعت لغرفتها واول مادخلت لحقها لؤي وسكر الباب وراه ومسك امل وشد عليها وطلب منها بأصرار ترجع تشرحلو سبب بكاها عالغنية لأنو مااقتنع بجوابها .
امل: .....لك مافي شي ...ليش مصر هيك انت.
لؤي: لأني مااقتنعت بجوابك وبدي تحكي الحقيقة .....احكي امل ليه بكيتي لك احكي .
صارت امل تبكي وتحاول تسحب ايدها من لؤي ...
امل: ......مشان الله لؤي عم توجعني اتركني ..
لؤي: ......انتي كنتي قاصدتيني انا ماهيك .
امل : ......لا ليه ....لحتى اقصدك انت ...قلتلك شيماء طلبت مني هالغنية .
لؤي: .....مااقتنعت بهالحكي .
امل: قصدك اني عم كزب .
لؤي: .....انتي ماعم تكزبي انتي عم تخبي ....واللي عم تخبي لازم اعرفو ياامل لازم .
امل : .....لك شو بدك تعرف سدقني مافي شي من اللي ببالك .
لؤي: ......وقت اعرف اللي بدي اياه رح تتضطري تواجهيني وبوعدك بهالشي.
قعدت امل عطرف التخت وصارت تبكي وتزكرت انو لازم تنبه شيماء ...حملت تلفونها ورنت لشيماء ..
شيماء : ....اي امولة .
امل عم تبكي: ....شيماء حبيبتي بدي قلك شي .
شيماء:....خير امل ليه عم تبكي صاير معك شي .
امل: ....لؤي مو مقتنع اني غنيت الغنية الك حاسس انها الو انا خبرتو انو انتي طلبتيها مني ليحس جوزك وينتبه انو مهمل فيكي وبالولاد بس لؤي رجع وسألني مرة تانية .....ازا حاكاكي او شفتي خلي كلامنا واحد مابدي اطلع كزابة قدامو ....كرمالي عندك ياشيماء اعملي متل ماعم قلك .
شيماء: ....خلص حبيبتي ولا يهمك رح يصير متل مابدك .
بعد كم يوم كانت امل قاعدة هي وام لؤي بالبرندا وهنن قاعدين دخلت ام معتز وشيماء وامينة وعدي وكانو جايبين معهن جاتو وحلو وورد .
استغربت ام لؤي انو شو في .
قبل ليوصلو نزل لؤي من غرفتو وقعد مع امل وامو .
رحبت ام لؤي وامل فيهن .
عدي : ......امل انا خبرت ماما انو لازم اجي وعايد عليكي اول واحد .....كل سنة وانتي سالمة امل ....انا بحبك كتير ..
وعانقها لأمل بقوة وعانقتو امل وباست راسو وضحكة ودمعة بعينها وعخدها .
ام لؤي: .....شو في اختي لشو كل هالحلو .
ام معتز : ....نحنا جايين كرمال امل اليوم عيد ميلادها ونحنا جايين نباركلا بهيك يوم .....شو اختي كأنو ماعندكن علم .
ام لؤي اتطلعت بأمل وبلؤي ونزلت راسها .
لؤي عينو عأمل كيف معانقا عدي وكان رح يطق من غيظو وغيرتو عليها حتى لو كان ولد صغير.
قربت شيماء وباست امل : ....كل سنة وانتي سالمة حبيبتي ....عدي اصر الا يجي هو ويعمللك حفلة صغيرة لو انتي مابدك تعملي قال رح يعمللك هو ....لك انتي شو عاملة للولد لحتى بحبك هالقد .
امل عم تضحك وتبكي : ....هههههه ولاشي والله ..بس بجوز لأني بحبو كتير لهيك هو حاسس فيني .
ام لؤي غمزت لؤي ليقرب منها .
ام لؤي: .....انت مابتعرف انو اليوم عيد ميلاد امل؟
لؤي: ....لا والله ياامي ماعندي علم .
ام لؤي: ....بدون ماحدا يحس عليك بتروح بتجيب هديتين مني ومنك وورد وجاتو ....ماتتأخر .
راح لؤي وامل افتكرتو طلع عند نوال .
خاب املها ورجعت للحاضرين واندمجت معهن بالأغاني والحديث .
نزلت نوال : .....شووو عاملين حفلة ومابتعزموني .
شيماء: ....مافي لا حفلة ولا شي بس اليوم عيد ميلاد امل وحبينا نفاجئها بجاتو وهدايا ....تفضلي تعي شاركينا بنت خالتي .
نوال وشيماء من البداية ماكانو صحبة كتير مع بعض ومع وجود امل صارت صحبتهن مستحيلة .
كانت نوال رح تعتزر وتروح بس مسكت فيها ام لؤي وطلبت منها تبقى.
بعد شوي رجع لؤي وجاب معو الجاتو والهدايا ...فرحت فيهن امل وبانت ضحكتها عوشها وحست انو هالشي ثار اهتمامو للؤي .
قدم الكل الهدايا واجى وقت هدية لؤي .
عطاها اول شي بوكيه ورد ومن بعدا فتح علبة كبيرة كانت سنسال دهب عقد الرقبة في تعليقة قلب ...واسوارة دهب برضو فيها قلب كانو طقم واحد لبسها اياهن وهو عم يلبسها بالطوق كان قريب منها كتير وكان نفسو واضح عرقبة امل مشت قشعريرة بجسمها من لفحات انفاسو .
لؤي: ....هي الهدية من امي ....اما هي مني انا واخد علبة صغيرة وفتحها واندهشت امل وقت شافت الهدية ....كانت محبس ...كان هالمحبس بالنسبة لأمل اجمل هدية بكل الهدايا ...لأنو المحبس بيرمز للترابط بين الزوجين وحست امل بشعور حلو كتير وقت مسك ايدها ولبسها المحبس بأصبعها وباس ايدها .
خجلت كتير وخصوصي وقت طبع بوسة تانية عخدها وقلها : .....كل سنة وانتي سالمة يااحلى امل بالدنيي .
كانت صدمة الكل كبيرة وواضحة لكن الصدمة الكبيرة كانت لنوال وقت شافت المحبس ووقت باسها وعايد عليها .
جنت نوال وانغاظت وطلعت عغرفتها .
بعد شوي راحت امل عالمطبخ لحقها لؤي فتلها لعندو : .....ليه ماخبرتيني انو اليوم عيد ميلادك .
امل: ....انا ماخبرت حدا ....وشفت انو مو مهم اني خبرك او خبر غيرك .
لؤي: كيف مو مهم وماخبرتي حدا ....لكان خالاتي وشيماء كيف عرفو ....هيك طلعتينا بالخجلة انا وامي واحرجتينا قدام الكل .
امل : .....بعتذر لؤي ماكان قصدي طالعكن بالخجلة اكيد بس انا ماخبرت حدا لأن مابهتم لأعياد الميلاد كتير .....وشيماء بجوز عرفت من عدي بيوم ميلادو سألني قديه عمري واي يوم بكون عيد ميلادي .
لؤي عم يحكي ويقرب منها :...بعرف انو ماقصدك تخجلينا بس نحنا اتدايقنا انو هنن بيعرفو قبلنا .
وهو عم يقرب منها دخلت شيماء والشغالة مليكة .
اعتزرت امل وراحت معهن .
بعد وقت راح الكل وطلع لؤي لغرفتو وكانت نوال ناطرتو والمشاكل معها .
لؤي: ...شوباكي مبوزمة هيك
نوال: .....شو هاد اللي جبتو لست الحسن.
لؤي: ....شو جبت هدية .
نوال: اي هدية وليش المحبس .
لؤي : ....انتي مو ملاحظة انو كتير بتراقبيها لأمل عشو لبست وشوعملت وشو جابت وشو سجلت وهلأ شو جبتلها ...لك ليش هيي مابتحكي عنك ولا بتجيب سيرتك بنوب.
نوال: ....انت اللي مو ملاحظ انك كتير صاير تهتم فيها ..لك ماكنت هيك .
لؤي: .....لك اينو اهتمام ...لك الي سبع شهور كاتب كتابي عليها لهلأ مااتزكرتها بحبة شوكولا وكلو الك والوقت كلو معك والضحك والمزح الك والطلعات والقعدات والسهرات ووقت اجي ونام عندك بنسهر انا وانتي للصبح وبنطلع عالشغل دايخين من النعس ...اما هيي لا بطلع معها ولا بقعد ولا بسهر ولا بشوفها متل الخلق ووقت نام عندها بقعد شوي عالتلفزيون او بشتغل شوي بشغلي وبحط راسي وبنام ....وين الاهتمام بقى فيها يعني لو جبتلا خاتم بتسمي هاد اهتمام.
نوال: .....لو خاتم عادي اي ...بس مو محبس.
لؤي: ....ههههه اها هلأ فهمت عليكي لأنو بنظركن انتو النسوان انو المحبس رابط مقدس بين الزوجين ....وانتي خايفة يكون في قدسية بيني وبينها ....لك نوال شو صرلك انتي مثقفة واعية صاير تفكيرك غريب عم تنزلي بتفكيرك لدرجة اقل من عادية ....قلك عشي ....ليه مابتكوني بسيطة متل امل ...لك والله مافي مرة جابت سيرتك قدامي لا بمنيح ولا بعاطل ...اللي لاحظتو انك مو شاغلة بالها وانك اخر همها بس انتي العكس هيي كتير شاغلة بالك ومن اول اهتماماتك صرت حسك عم تفكري فيها اكتر مني .
نوال بصراخ : عشو عم تضحك ااااه .
لؤي سكت شوي وحك دقنو بأيدو وراح جهتها زاح شعراتها عن خدها بهدوء كبير ومخيف : ......حياتي صوتك بخفيلك اياه ازا بتعلي مرة تانية اوك.
نوال بعصبية: ....ماتتركلي الموضوع الرئيسي وتبلشلي بعليتي صوتك ونوصتيه....انااا....
قاطعها لؤي بصرخة جفلتها فيها: ......نواااااااااااال .......اخر مرة بقول صوتك مايعلى شو فهمتي .......لشو كل هالنكد ااااااه لشو مشان شقفة محبس جبتلها اياه وتزكرتها فيه .
جمدت نوال وماعادت تعرف شو تحكي وقت صرخ بوشها وكانت بتعرف لؤي وقت يعصب مابعود يشوف قدامو بيتحول من رجال حنون لوحش غريب .
كانت اصواتهن عالية كتير وصلت لعند امل وفهمت من صراخ نوال انو معترضة عهدية لؤي وبالزات المحبس ...هالشي كتير زعجها وخلاها كل الليل مخنوقة والدمعة مافارقت عينها ...هيك لطلع الصبح واخدت في امل قرارها النهائي .
تاني يوم طلع لؤي عشغلو وكان باين عليه مزعوج ومتدايق .
فاقت امل من بكير وراحت لغرفة ام لؤي صبحت عليها وجابت معها القهوة .
ام لؤي: .....وينو محبسك ليه مو لابستيه ليكون ماعجبك .
امل: ....امبلى مرت عمي حلو كتير بس........بصراحة انا جايتلك
هلأ بدي حاكيكي بموضوع وازا بتحبيني وبتعتبريني متل بنتك بتوقفي معي .
ام لؤي: معلوم انتي متل بنتي والله شاهد ورح اوقف معك اكيد .
شربت رشفة مي بالأول وتنهدت واخيرا قالت: ...مرت عمي بصراحة انا بدي اطلب الطلاق .
ام لؤي بصدمة: ......شوووووووو.
امل: ......مرت عمي بترجاكي افهمي عليي وحسي فيي ...انتي بتعرفي ليش انا هون من سبع شهور وانا حالي متل ماهو لا بحكي ولا بعترض ولا بحقلي ازعل ولا شي بس خلص انا كتير مخنوقة ومتدايقة وحاسة روحي رح اتطق ومابدي تكبر المشاكل بين لؤي ونوال بسببي هنن بحبو بعض وتعزبو لصارو لبعض لهيك خليني انسحب من حياتهن بهدوء ليقدرو يكفو مع بعض .
ام لؤي: ....لك يابنتي والله مو سهل اللي عم تطلبي لا عليي ولا على لؤي ولا حتى عليكي انتي اول شي ....وين رح تروحي بحالك اااه ابوكي سافر من اول ماتزوجتي ومابحاكيكي غير كل كم شهر يعني لوين رح تروحي ولعند مين .
امل: .......رح دور عبيت صغير او برجع لبيت اهلي بفتحو وبسكن فيه وبشتغل متل قبل وبعيش مو قضية يعني ....بس ماضل هيك عم اتعزب وعزب غيري معي .
ام لؤي: .....طيب انتي عم تفكري فيهن ومافكرتي بحالك .
امل: ......امبلى عم فكر بحالي .
ام لؤي: ......طيب نحكي بصراحة ......انتي فيكي تعيشي من غير لؤي .
انصدمت امل من هالسؤال: ........
ام لؤي: احكي ...فيكي تعيشي بدونو .....انا بعرف انك بتحبيه وبتموتي فيه .
صارت امل تبكي : ....اي وشو الفايدة من حب من طرف واحد من حب مامنو امل من حب مو الي ....موالي يامرت عمي مو الي ....لؤي مو الي لؤي لنوال وبس انتي بتعرفي قديه بحبو بعض وكيف علاقتهن حلوة ببعض صح .....وانا شو مكاني بينهن ولا شي .....بدي قلك شي لو انا بنتك عن حق وصار مع بنتك اللي عم يصير معي بترضيلها بهيك وضع .
ام لؤي: .......لا اكيد مابرضى بس يابنتي مابتعرفي شو بجد وشو بتغير .
امل: ......مارح يتغير شي انا هون كرمالك انتي واجيت وانا بعرف هالحكي ومااعترضت عليه ...وانتي هلأ والحمدلله صرتي احسن من اول بكتير يعني ماعدتي بحاجتي ووضعك عم يتحسن كتير مع عناية الدكتور تبعك .
مسكت ايدها وصارت تبكي اكتر من اول : ......بترجاكي حاجتي لهون يامرت عمي انا بدي ارتاح كمان انتي تحسنتي ولؤي تزوج حبيبتو والكل مرتاح الا انا .....عم اتعزب والله (حطت ايديها عوشها وصارت تبكي بحرقة) ......ماحدا حاسس فيي لك شو فايدة حبي للؤي وهو مو شايفني شو فايدة حبي اىو وهو لغيري ...خلص مرت عمي الله يخليكي كوني حقانية وانصفيني بهالقصة وخلوني اطلع من حياتكن وحياة نوال ولؤي .
ام لؤي صارت تبكي عليها: ....يعني بدك تتزوجي.
امل: ......ماعم فكر اكيد بهالموضوع......اول شي بدي ارجع لبيت بابا واشتغل وبس ماعندي نية فكر او خطط لشي تاني .
يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*