الفصل الخامس
عشقك امانتي
الفصل الخامس
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *عشقك.أماتني.tt* 😔💔
*❴🔢❵☟الـــبـــــــــــ❴5️⃣❵ــــــــــــارت☟*
➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
بعد شوي نزلت امل وكانت لابسة بنطلون جينز ازرق وكحلي وبروتيل نيلي .
راحت لعندهن وهي خجلانة من المنظر اللي كانت فيه من شوي .
كان لؤي قاعد ومو عبعضو واتطلع بأمل وزورها زورة خافت امل منها .
قربت وقعدت جنب حماتها : ....ياجماعة انا بعتزر عالمنظر اللي نزلت فيه من شوي ....بس والله من رعبتي عمرت عمي مابعرف شو صرلي ....وووووبصراحة مابعرف انكن اجيتو لهيك فكرت مرت عمي لحالها.
ام معتز : .....ولا يهمك حبيبتي ..بزمانو صار معي هالشي وقت اللي تعب ابو معتز الله يرحمه كنت لسا صغيرة مامعي غير شيماء ....يومها ابو معتز كان واقع ومكسورة رجلو واجتني اختو لأبو معتز وخبرتني بهالخبرية وقت الصبح وكنت لسا نايمة وكيف طلعت من غرفتي ورحت لعندو عالصالون وكانو سلافي التلاتة واقفين وماكنت منتبهة عحالي اني طالعة بقميص النوم ....ههههههه لو ماسلفي الصغير نبهني وقلي مرت اخي روحي استري حالك ...ههههه حسيت حالي وقتا قد الكمشة .....فعادي ياامي بتصير كتير .
ام جابر: .....اي وكمان مابتتزكري جارتنا ام عبدو وقت لاقت عقرب ببيتا وطلعت تركض حاملة ابنها وهي لابسة لبس البيت وجسما نصو مبين منو .
ام معتز : ...اي بتزكر ..ههههههه .
ام لؤي: ....ولا يهمك بنتي عادي ماتاخدي ببالك .
مااسترجت امل تتطلع بلؤي لأن كانت حاسة عليه عم يحرقها بنظراتو من تحت لتحت .
بيوم كان لؤي عم يشتغل ومعو اوراق عم يصنفهن ....وكان قاعد بغرفة امل .
قربت امل منو شوي وقعدت قبالو متوترة .
انتبه لؤي عليها: .....خير شوباكي .
امل: ....بدي ....بدي اطلب منك طلب ازا ممكن .
لؤي وعينو عالورق : .....طلب شو .
امل : .....بدي سجل بدورة كمبيوتر .
لؤي: ....ليش ....مابتعرفي تستخدمي الكمبيوتر .
امل: ....امبلى بعرف بس مو كتير ....وحابة اتعلم منيح عليه ازا ماعندك مانع .
اتطلع فيها وشرب من قهوتو شوي : ...وين بدك تسجلي .
امل: ....مابعرف ..بأي مركز بتحطني فيه .
لؤي: .....لبكرا بشوفلك مركز منيح وبسجلك فيه .
فرحت امل : .....كتر خيرك لؤي .
اتطلع فيها وشاف فرحة كبيرة بعيونها عشي بسيط وحس فيها قديه بسيطة .
تاني يوم سجلها بمركز منيح واتصل فيها ليخبرها تجهز حالها ليمرق ياخدها .
انبسطت امل وراحت وشافتهن نوال وهنن طالعين مع بعض بالسيارة وقت وصلت .
اتصلت نوال بلؤي :....شو حبيبي وينك .
لؤي: ....انا رايح وصل امل عالمركز ...بدك شي .
نوال: ...اااه ....لا مابدي شي وقت تصير لحالك حاكيني ضروري .
وقت رجع لؤي عالبيت نادى لنوال : .....خير شو كنتي بدك مني الصبح .
موال: ...ليه مادقيتلي وقت وصلتا والاااا ...لا يكون ضليت معها كل الوقت .
لؤي: .....اي ضليت معها ....لأنو ماعندي شغل انا .
نوال: ....لكان ليه ماحاكيتني .
لؤي: .....نسيت وانشغلت .
شلح جاكيتو وحطو بأيد نوال وعم يتطلع فيها مزعوج من اسلوبها .
لؤي: .....نوال هاتي من الاخر شو بدك .
نوال: .....انااااا بدي سجل بدورة الكمبيوتر اللي سجلت فيها امل .
ضحك لؤي بصوت عالي : هههههههههههههههه ...لك مو معقولة انتي يانوال ...لك لهالدرجة الغيرة عمت عألبك ونستك انك دارسة هندسة كمبيوتر ....يعني انتي اللي بتعطي دروس مو بتاخدي دورات .
نوال: .....اي طيب سجلني بأي دورة بأي مركز .
لؤي: .....لك نوال شو صرلك فيقي عحالك ....يعني ازا امل بدا تاخد دورة بالكمبيوتر بس لتتقوى فيه لأنا بحاجتو ومافي داعي كل ماعملت شي تغاري منا وتعملي متلا .
نوال: .....اناااااا ....انا بغار منا لا ابدا ...بس بجوز تكون فتحت عيني عشي انا مو منتبهلو .
لؤي عم يضحك من كل البو : .....لك ولي عقلة عقل النسوان ....لك شوبيك انتي ...لك بنت متلك مثقفة وواعية بتغاري منا لأنو سجلت بدورة للتقوية ...واتتي اي شي بدك تسجلي المهم تسجلي وخلص .
نوال: ......شو يعني مارح تقبل اني سجل بشي دورة .
لؤي بعصبية : ....لك نوال شو صرلك موضروري كل ماساوت امل شي تعملي متلا او تغاري منا ....ليكي فكرك اني مو ملاحظ انك عم تراقبي كل شي بتعملو.
جنت وقتها نوال: .....اناااااا ....انا براقبها ليش بقى ...شو في عندا مو عندي ااااه .
لؤي: .....ليكي من الآخر بدورات مارح سجلك لأنك ماناقصك شي هي اولا وتانيا حاج حاطة عينك عكل شي لأمل اي .
نوال: ....شو سيد لؤ...
مالحقت تكمل كلاما وقت صرخ بوشا: ......نواااااال لا تصرعيني الله يرضى عليكي تعبان وبدي نام وهالسيرة بتنسيها اي .
سكتت نوال وماكان فيها تجادلو اصلا ..لأن بتعرف وقت يعصب او يزورها ما بتقدر عليه .
الحلو بلؤي انو حقاني ومابحب الغلط او الظلم ...رغم انو ظلم امل بزواجو منها واهمالو الها لكن كانت الو اسبابو هو شايفها مقنعة بس بالعقل والمنطق ابدا مو مقنعة ....بس السؤال رح يضل معها هيك والا بيتغير ...خلينا نرجع لقصتنا لنشوف شو رح يصير.
بيوم وقت العصر اتصلت ام جابر بأم لؤي خبرتها انهن طالعين عالحديقة الجديدة اللي عاملينا بوسط البلد وانو اختها ام معتز وشيماء وسرى بنتها وامينة رايحين معهن وانو تحكي لأمل ونوال ازا بحبو يروحو معها .
امل: ....اي مرت عمي بروح ماعندي شي بس لأسال لؤي بالأول .
طلعت عغرفتها وانتظرت لؤي لطلع عغرفتو نادتلو ...
راح لعندها وعيونو مسحورين فيها : ....اي امل بدك شي .
امل: ...من بعد ازنك مرت عمي بدا تروح عالحديقة مع خالاتك وطلبت انو روح معها ...فشو رأيك .
اتطلع فيها برومنسية وحط ايدو جنب كتفها عالحيط .
جفلت امل واتطلعت عأيدو وحولت نظرها لعيونو العلقانين بعيونها: .....
لؤي بهمس: .....انتي حابة تروحي .
امل عم تبلع ريقها: ......انا حابة ازا ماعندك مانع .
لؤي وعيونو عم تجول عوشها وشفافها: ....انا ....ماعندي مانع .
ابتسمت وشكرتو اجت لتروح حط ايدو التانية عالحيط وهيك صارت بين ايديه وقبالها مباشرة .
خافت امل وفكرت انو غير رأيو : ......شو لؤي .
لؤي: .....مع مين رح تروحو .
امل: ....شيماء رح تمرق تاخدنا لان نحنا بطريقها ....مرت عمي ماحبت تزعجك لأنك راجع هلأ من شغلك .
ابتسملها بخبث وقرب منها وهمس بأدنها : ....ازا احتجتو شي اتصلي فيي اي .
وقت قرب منها غمضت عيونها واستنشقت ريحة عطرو .
امل بصوت دوبو مسموع: .....حاضر.
دفشتو بعيد عنها وراحت عغرفتها بسرعة ...سكرت الباب وراها وحطت ايدها عألبها حست انو رح يطلع من صدرها .
اما لؤي فعجبو خجلها وضحك عليها حسها متل طفلة وقت ركضت وهربت منو .
نوال اعتزرت انو مابدها تروح بحجة انو تعبانة بس كانت حابة تنفرد مع لؤي بماانو ضلو لحالهن بالبيت.
انبسطت امل وام لؤي بالحديقة الجديدة والقعدة الحلوة وشجر الزينة بكل مكان والمقاعد حوالين الطاولات المصنوعة من الخشب ...والعاب بعيدة عن القعدة شوي للأطفال .
بعد شوي لحقوهن الشباب كان من بينهن معتز اخو شيماء كان معجب بأمل بشكل كبير لدرجة انو الكل ملاحظ هالشي عليه .
تفاجأت امل بشوفة لؤي عم يقرب ناحهن وداخليا كتير فرحت بشوفتو.
سلم عالموجودين واستغرب وجود الشباب .
لؤي : ليه ماقلتو انو الشباب موجودين كنت اجيت من الاول .
ام معتز: ....من شوي اجو مو من الأول .
قعد لؤي جنب امل بس بينهن مجال كبير .
اجى ابن شيماء الكبير عدي عمرو عشر سنين وقرب من امل وقعد قبالها وسألها سؤال : .....امل انا وقت اكبر وصير خرج اتزوج بتقبلي تتزوجيني .
ضحك الكل عليه عسؤالو الغير متوقع .
خجلت امل وضحكت كمان .
ام لؤي: .....لك مابتعرف انو امل متزوجة .
عدي: .....ليش وينو جوزها .
ضربو لؤي بوكس عكتفو وقلو: ....شو ولااا مو معبي عينك انا والا عم تجدبا.
عدي : ....انت زوج نوال مو امل .
اتطلع الكل ببعض حتى امل رفعت عينها بلؤي وخجلت .
امل: .....لا حبيبي وانا كمان مرتو للؤي.
عدي : .....بس انا مابشوفو معك بالمرة هو عطول مع نوال .
امل بحرقة : ....اي لأنو بحبا دايما معها ولأنها مرتو وبنت خالتو .
عدي : ....ليكك قلتيها لأنو بحبا يعني مابحبك مع انك انتي كمان مرتو .
لؤي: .....شو قصدك ولااا .
شيماء عصبت عأبنها: عدي ...عيب ماما شو هالكلام .
عدي : ....اي خلي يتركها وانا بتزوجها .
ضحكو عليه من جديد لأنو صغير .
كمشو لؤي من قميصو لعدي وخربطلو شعراتو : ......حاطط عينك عمرتي ولااا ....لك قد الصوص لساتك وعم تحب من هلأ .
عدي: .....اي بحب امل انا .
لؤي: ..ههههه لك استحي ولاااا اي بتحبا قلنا ماشي بس مو قدامي ....العمى بألبك شو جريء.
ضحكت امل وقت شافت لؤي عم يمزح معو وانو مازعل منو واحترمتو للؤي انو قدر انو عدي لساتو ولد صغير وعم يحكي بعفوية .
ام معتز: ....والله ياتيتي انو الكل بحبا لأمل مو بس انت .
اتطلع لؤي بخالتو : .....الكل مين الكل خالتي .
ام معتز: قصدي نحنا كلنا يعني .
لؤي: ....اي فكرت حدا تاني .
كان لؤي مركز اغلب الوقت مع امل وهي عم تحكي وصار يلاحظ شوي شوي انها رقيقة وهادية وفهمانة ومتحدثة لبقة بتعرف كيف تجذب انتباه الكل الها ....هالشي لاحظتو شيماء وامينة على لؤي انهن عندهن نفس طريقة الكلام والحوار وجذب انتباه الكل .
امينة: .....بتعرفي ياامل انو اسلوبك بالحديث وهدوئك ورواقك نفس اسلوب لؤي.
شيماء: وانا لاحظت هالشي كمان ...حتى في بعض من تصرفات امل كتير بتشبه لؤي فيها .
فرحت ام لؤي بهالشي : .....انا ملاحظة هالشي من زمان بس حبيت حدا يأكدلي احساسي.....رغم انو امل كتيييير هادية بعكس لؤي نيراني وعصبي كتير .
ابتسم لؤي وقت سمع هالكلام منهن مابيعرف ليه عجبو كلامهن بس حس بنشوة كبيرة وراحة .
لؤي: ....هلأ انا ياامي نيراني انا ايمت بعصب مو وقت شوف الشي بيحتاج العصبية .
ام لؤي: ...امبلى بس وقت تعصب بتحرق الكل .
ضحك الكل وكانت قعدة حلوة انبسطو فيها حتى لؤي رغم انو ماقعد كتير لكن مانكر انو القعدة كانت حلوة وخصوصي وقت شبهو بأمل كتير .
رجعو عالبيت ودخلت امل مع ام لؤي لترتاح بغرفتها وساعدتها بتبديل تيابها .
طلعت امل عغرفتها ودخلت الحمام واخدت حمام سريع وهي طالعة استغربت بوقفة لؤي بغرفتها ماحست عليه وقت دخل .
لؤي: .....ليش تفاجأتي هيك .
أمل استحت من منظرها بروب الحمام: ......لا مافي شي بس .......ماحسيت عليك وقت دخلت .
قام لؤي وراح لعندها خافت امل وضلت واقفة مكانها .
وقف قبالها مباشرة مابيفصل بينهن الا شي بسيط .
لؤي: .....شو رأيك باللي قالو الأزعر عدي .
امل: .....ماتاخد بكلامو بضلو طفل يعني مو وعيان عكلامو وبيحكي اللي بالبو ...لو كان اكبر اكيد مارح يحكي هيك وقدامك تحديدا.
عم يتطلع عشعراتا وهنن مبللين : اي بس ....بماانو حكى اللي بالبو معناها بحبك جد صحيح هو صغير بس الصغير بحب من القلب لأن مابيعرف الكزب والخباثة مو .
امل بخجل: ....اي بجوز .
لؤي: .....لا مو بجوز .....اكيد ....وانتي عجبك الموضوع ماا.
امل: انا ......لا .....بس شو بدي قلو بضلو ولد متل ماقلتلك .
لؤي :.....اي والولد بكرة بيكبر ياامل صح ؟
امل: ....مزبوط بس شو رح ساوي يعني .
لؤي: ....ماتساوي شي انا بلاقي حل .
امل: ....رح تحط عقلك بعقل ولد صغير.
عصب لؤي عليها: ......قلتلك الصغير بيكبر افهميها هي .
امل: .....اي بس وقت يكبر بيتغير تفكيرو لشي تاني .
لؤي: ...وافرضي توسع تفكيرو ماتغير .
امل: .....هههه مو ملاحظ انك مكبر الموضوع زيادة .
مسكها من ايدها : .....لأ مو مكبرو لأنو الموضوع زاد عن حدو مو بس لعدي هالكلام لغيرو كمان .
امل: ....مافهمت مين قصدك.
لؤي: ....موضروري تعرفي .
راح وتركها واستغربت امل انو شو قصدو لكن لؤي كان بيعرف شو بيقصد لأنو كان ملاحظ عقرايبينو انهن بيهتمو بأمل كتير اكتر من نوال .
بعد فترة بكون عيد ميلادو لعدي ابن شيماء وبيعملولو حفلة عيد ميلاد كبيرة وبيعزم امل بالزات هو بنفسو وبيشد عليها الا تجي .
بيحضر الكل وبتجبلو امل هدية حلوة .ً.....وبيجي لؤي ونوال كمان وبتتقصد نوال تبقى جنب لؤي كل الوقت وترقص معو لتغيظ امل .....وبالفعل بتنجح بهالشي وبتنقهر امل وبتغار كتير بس ما بتبين هالشي الهن لحتى ماتعطي فرصة لنوال لتدايقها وامل بتكون فهمانة عنوال .
عدي ولد خبيث عم يشوف نوال انو ماعم تترك لؤي فبيضطر يعمل حركة ليغيظ لؤي ونوال مع بعض .
بيطلب من امل ترقص معو وبصيرو يغنو مع بعض ...هون لؤي بجن وبصير يقول بحالو هاد زادها كتير ....بقوم شو بيقول لعدي ..
لؤي: ....شو سيد عدي تسمحلي ارقص مع مرتي اجى دوري هلأ .
عدي بيفهم انو قدر يستفز لؤي لحتى يطلب منو هيك شي .
عدي: ....اي تفضل .
بيحطو عغنية هادية رومنسية ...بقرب لؤي من امل وبحط ايدو عخصرها وبيطلع بعيونها بعمق كبير بيسرح معهن وبدوب وبدوبها كمان ....بهالوقت تمنت امل ماتخلص الغنية لتضل بحضن لؤي وخاصة وقت قرب منها وحط راسو عراسها وغمضو عيونهن وصار يعاتب فيها ..
لؤي: .....ليه هيك لابسة .
امل بتوتر: .....مافهمت .
لؤي: ....فستانك قصير وحلو كتير .....مابدي تلبسي هيك .
امل: .....
لؤي: ...بشوف سكتي .
امل: .....مابعرف شو بدي قلك .
لؤي: .....هاد الأزعر ليه عم يتقصد يدايقني ويغيظني .
امل: ....مين قصدك ...عدي .
لؤي: .....اي زفت ....ماقلتلك بكرة تفكيرو بيكبر معو .
امل: ......هالحكي من فترة وقلتلك لساتو ولد .
شدها من خصرها لعندو بقوة وضم ايديه عضهرها لحتى التزق صدرها بصدرو .
لؤي: .....قلتلك الولد بيكبر وبتتغير مشاعرو يعني ممكن تتطور اكتر .
امل بخجل: .....مع اني مابوافقك بهالشي .
لؤي وعم يدوب بعيونها الحلوين: ......مابصير لازم توافقيني ...انتي.........مرتي .
قشعر بدنها وقت شد عالكلمة وقت قلا مرتي .
هلأ بهالحظة في وحدة قاعدة وعم تحرق بحالها متل موقدة حطب ......اي هيي نوال كانت عم تفور وتغلي متل بركان .
وماعاد عندا صبر اكتر قامت من مطرحا وقت شافت لؤي عم يهمس لأمل همس وعم ياكلها بعيونو وضاممها لمكسر ضلوعها وراحت وكانت اول مرة بتوجه لأمل كلام .
نوال: ......تسمحيلي ارقص مع حبيبي بظن صار دوري .
خجلت امل وانصدمت من جرأتها وبالزور لقدرت تبعد ايدين لؤي عن خصرها .
امل: .....اي ...اكيد ...تفضلي .
رقصت نوال معو واغلب كلامها عتاب انو ليه رقص معها وليه كان ضاممها بقوة ولهفة .
شيماء كان عندها شي بدها تخبر الكل فيه ...واللي هو ...
شيماء :....ياجماعة انا بشكر حضوركن لحفلتنا المتواضعة كانت رائعة وفيها شغلات متنوعة ومختلفة بس انا حابة يكون فيها شي مميز ويسعدني انا شخصيا ويطربني هلأ نحنا سمعنا اغاني من المطربين وعالتسجيل لكن انا بدي اسمع شي مميز من حدا بحبو كتير ...وبدي صوتو يضل مرافق الحفلة وينحكى فيها سنين لقدام .
صار الكل يسأل مين هالحدا ...
راحت شيماء ناح امل ومسكت بأيدها وشدتها لنص المكان وحطتلا كرسي ..
شيماء: ....كلنا بنعرف انو امل بنت رقيقة وناعمة وهادية وصوتا وقت تحكي حلو لكن مو الكل سمعها وهي تغني والا شو رأيك لؤي .
لؤي: ......انا شخصيا ماسمعتا ولا مرة .
شيماء : ...بس انا سمعتا كتير وكانت اول مرة صدفة ..لهيك امول حبيبي بدي تغنيلي غنية حلوة عزوئك .
امل بخجل : ....لك شيماء انا بخجل غني قدام حدا اعفيني الله يخليكي .
شيماء : سامعين امل مابدها تغني لؤي .....حاكي مرتك واقنعها وشوف قديه عندك وحدة صوتها بوقع الطير من السما من جمالو .
اتطلع لؤي فيها وشاف الخجل عوشها اللي بحياتو ماشاف متلو عبنت : ......شو امل سمعينا غنية.
يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا