الفصل الرابع
عشقك امانتي
الفصل الرابع
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *عشقك.أماتني.tt* 😔💔
*❴🔢❵☟الـــبـــــــــــ❴4️⃣❵ــــــــــــارت☟*
➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
حسام : .....اختي انتي قلتيلي انو لؤي تزوح بس ماقلتيلي انو صاير اعمى الب .
ام لؤي : ...لك ليش اخي .
حسام وعينو عأمل : .....لأنو في واحد عاقل عندو كل بنات الدنيي مزروعة ببنت وحدة وبيتزوج غيرا .
احمروا خدودا لأمل وضل حسام كل القعدة يتغزل بجمال وانوثة امل .
بعد شوي اتصل لؤي ليخبر امو انو صار لازم يروحو للصالة .
طلعت ام لؤي وامل مع حسام ووقت وصلو الصالة تفاجئو انو في ناس سابقتهن كتير ...ووقت دخلو صارو محط انظار الموجودين وخصوصي امل اللي كانت راااائعة بجمالها .
انبهرت امل بجمال الصالة كانت كبيرة فخمة وراقية لأبعد حد كانت من اجمل الصالات اللي بالبلد.
اختارت ام لؤي طاولة قريبة من العرسان لتقدر تشوفهن من قريب .
اجو اخواتا لأم لؤي وسلمو عليها وفي منهن قعدو معها .
وقت قعدت امل صارت تتزكر يوم كتب كتابها وكيف لؤي تركها بيومها ورجعلها بعد وقت ....تحسرت عحالها وعحظها .
بعد شوي انطفت الأضوية بالصالة ليعلنو عن نزلة العرسان، نزلو عغنية رومنسية ..وصارو من بعيد يسلمو عالناس وهنن فوق وكانت نوال فرحتها كبيرة كتير لكن لؤي فرحتو كانت اكبر واخيرا حب عمرو صارت ملكو والو .
مع كل درجة كانت تنزلها نوال ترقص وتتمايل علؤي وتضحك مبسوطة ولؤي يبادلها نفس الضحكات والغمزات .
كانت نظرات لؤي لنوال رومنسية كتير كان مفتون فيها وبحبها عطاها حبو ووهبها البو غمرها بحنانو نساها بعاد اهلها ومرض ابوها عوضها بهالليلة زعلها منو وقت تزوج من امل .
نيجي لأمل ....
أمل عيونها مافارقت لؤي تمنتلو مع كل خطوة بيخطيها السلامة ومع كل رقصة عطتو ابتسامة ومع كل نظرة وهبتو من حبها علامة ...تخيلت حالها مكان نوال لابسة البدلة البيضا وانو لؤي كامشها من خصرها وعم يتطلع فيها نظرات حب ورومنسية وعم يلمسها بحنية و يهمس بأدنها ** بحبك ...بدي اياكي معي بدي ضل عمري كلو حدك والك ** .
وقت تتخيل هيك تضحك لا ارادي ووقت تصحى عالحقيقة تخونها دمعتها وتنزل وتضطر تمسحها بسرعة قبل ليحس عليها حدا .
ام لؤي حست عليها وشافتها اكتر من مرة عم تمسح دمعتها وانتبهت انو عينها كل الوقت كانت علؤي وحست فيها وبحزنها وانفطر البها عليها بس شو طالع بأيدها .
نوال وهي ترقص انتبهت عخالتها ام لؤي وين قاعدة وامل معها صارت تجاكر فيها وترقص مع لؤي وتتمايل عليه بدلع وتهمس بأدنو وتقرب منو وتشدو لعندها ....وهالشي خلا لؤي يدوب فيها وينسحر فيها اكتر .
قربت شيماء من امل وطلبت منها ترقص معها عشي غنية لكن امل رفضت وبشدة وخبرتها انو ماعندها نية تزعج نوال بليلة عرسها وماحبت تفكر انو عم ترقص لتلفت انتباه لؤي الها وانو هالحفلة الها ومن حقها هي بس اللي ترقص .
بالصالة كان في شباب كتير اغلبهن قرايبينو للؤي و كانو بيعرفو حقيقة زواجو من امل وانو بحب نوال كتير ولوما هالشي ماكان تزوج نوال ....لكن برضو كان واضح اعجابهن بهالليلة بأمل وحست ام لؤي عهالشي ...ومن بينهن اخوها حسام ولو مابتعرف اخلاقو وعلاقتو القوية بلؤي والا كانت قالت عنو معجب متل البقية .
بعد شوي قرب لؤي ليسلم عأمو عانقها بقوة وباس ايدها وجبينها .
ام لؤي: .....مبروك ياامي الف مبروك ...
لؤي: الله يبارك فيكي ياست الكل .
ضمتو مرة تانية وهمست بأدنو : ....امي انا كتير فرحانتلك بس برضاي عليك راعي مشاعر هالمسكينة امل.
لؤي: .....امل .....ليش وينا .
امو: فعلا لما قال خالك عنك اعمى الب ماكزب ....ليكا قاعدة معي عنفس الطاولة .
رفع عينو وشاف امل قاعدة وكانت اول مرة من اربع شهور بيستشعر جمالها وبشوفها هيك وبركز فيها .
ضل عم يتطلع فيها ونسي حالو ..
اتطلعت امل فيه وقت سلم عأمو كانت مبسوطة انو قرب منهن وماتوقعت انو يتطلع فيها لأن من الاول هي ملاحظة انو مابيعطيها اي نظرة لو بسيطة .
علقت عيونهن ببعض ...كانت عيونا الحزينة عشوي رح تفضحها وتقلو مشاعرها ...ابتسمتلو ابتسامة باردة وخجولة وهمستلو برقة من بعيد وقالتلو * مبروك*
قبل ليرد لأنو بالأصل ماكان مركز الا بجمالها ...ماشاف حالو الا صار بنص ساحة الرقص وقت شحطتو نوال لما شافتو عطاولة امل .
صار كل شوي ينتهز الفرصة ويتطلع جهة امل ...ماعم يسدق انو هالملاك هيي نفسا البنت اللي تزوجها من اربع شهور وماركز فيها ولا مرة.
امل ماحست بنظرات لؤي انهن اعجاب لأن بتعرف شو هيي بالنسبة الو ..لكن لؤي كان مستغرب انو كيف ماقدر يركز فيها من قبل ..
خلصت الحفلة ورجعو عالبيت ..
اما لؤي ونوال راحو عالأوتيل ليقضو هالليلة هونيك لأن من بكير رح يسافرو شهر عسل عاليونان ...لكن قبل ليروح لؤي عالأوتيل سلم عأمو كتير ووصاها تاخد بالها من صحتها ...كان حابب يسلم عأمل وماشافها لأن كانت واقفة بعيد عند خالاتو وفضلت تبقى بعيدة وماتحكتك بنوال .
بعد ماوصلو البيت قعدت ام لؤي مع امل شوي وحكو عن العرس وكان قصد ام لؤي من هالشي بدا تتأكد من اللي شاكة فيه ازا مزبوط او لأ .
بعد ماتأكدت امل من حماتها انو اخدت ادويتا وارتاحت بتختا لتنام طلعت عغرفتها واول ماسكرت الباب عحالها قعدت ورا الباب وانهارت بالبكى رح تشتقلو رح تشتاق تشم ريحة عطرو بغرفتا رح يمرق وقتا صعب كتير رح تتغير بحياتا شغلات كتير رح ينفطر البا بلحظات كتير كلو بسبب الوجع اللي رح تعيشو من بعد زواجو ....ياترى رح تحبو اكتر والا رح تفكر تنساه ...امل محتارة منهارة حيرانة كيف رح تتصرف بوقت رجعتو كيف رح تتغير حياتو كيف رح يعاملها .....معقول يعاملها بطريقة مختلفة وجافة اكتر من اول .
بقيت الليل سهرانة عم تبكي مشتاقة تشوفو بغرفتا ...من شوقها الو قامت ولبست بلوزة ييجامتو لحتى اتضل تشم ريحة عطرو عليها وتحس فيه قريب منها ...وضمة مخدتو لصدرها وحطت راسها عليها ونامت ...وقالتلو بصوت مخنوق بالدمعات ( تصبح عخير حبيبي .....ومبروك .....زواجك ....رح اشتقلك ماتتأخر عليي بعرف انك مو متزكرني وخصوصي هالليلة بس عم واسي حالي ههههه.....بحبك لؤي ....عفكرة انا مو زعلانة منك لأنك تزوجت وربي شاهد انك هيك ريحتني لأني ماكنت عائق بينك وبين نوال ولأني بحبك رح بتمنالك السعادة ....صحيح سعادتك مو معي انا بس المهم انك تكون مبسوط ومرتاح )..
كانت عم توجهلو هالحكي وهي ضامة مخدتو وعم تبكي .
تاني يوم اتصل لؤي بأمو وقت وصل اليونان وطمنها عليهن وانهن مبسوطين كتير .
اتصل لؤي بالبيت اكتر من مرة وكان يطلب من امو يحكي مع امل وكان احيانا مايلاقيها جنب امو واحيانا يحكيها بس دقايق ويتروحن البها فيهن .
اما لؤي ونوال فكانت هالليلة من اجمل ليالي حياتهن واللي كانو ناطرينها بفارغ الصبر ليكونو حلال لبعضهن ويبثو لبعض اشواقهن وحبهن اللي مرق عليه سنين .
مرق اول اسبوع عغياب لؤي ومرق التاني وداب البها لامل متل الشمعة عفراقو لليوم اللي اتصل فيه وخبر امو انهن راجعين تاني يوم وبيصلو وقت الضهر .
فرحت امل بهالخبر وحضرت مع الشغالة كل الأكلات اللي بحبا لؤي ...حبت تجهز حالها بطريقة حلوة وغيرت رأيها بآخر لحظة لحتى ماحدا يشك ويلمح حبو بعيونها .
بعد الضهر بوقت صغير وصلو لؤي ونوال عالبيت .
ضم لؤي امو بشوق كبير وبوس ايديها وخدها وراسها ..
لؤي: ....اشتقتلك ياامي اشتقتلك كتير كتير .
امو: ....وانا ياروح البي اشتقتلك كتير الله يرضى عليك .
سلمت نوال عخالتها بحرارة: ....اشتقنالك كتير خالتي .
ام لؤي: ....ياحبيبة البي وانا كمان اشتقتلكن كتير ماسدقت ايمتا ترجعو ...المهم طمنوني عنكن ان شاء الله انبسطتو .
نوال: .....كتير كتير كتير ....بتسدقي خالتي ماحبيت الوقت يمرق بسرعة ...تمنيت يوقف الزمن فينا ونضل مبسوطين .
ام لؤي: ....ان شاء الله ياروحي بتضلو عطول مبسوطين ....هلأ المهم كيف اموركن كلا تمام وغمزت لؤي😉.
ضحك لؤي ومسك ايد نوال وباسا : .....هههههه اي امي كلو تمام التمام اتطمني ابنك سبع ....حتى انو في نونو عالطريق.
ضحكت نوال بخجل ونزلت راسها.
امو: .....ههههههه لك مالحقتو ياامي ولو صار فعلا بدو وقت ليبين هالشي .
لؤي: ......هاد ابن لؤي لازم من اول يوم يبين حالو مااحلاه ويتخبى لهلأ.
ضحكت امو ونوال عليه .
اخدهن الحديث ...
الشغالة: ....مدام ...بتقلك مدام امل تسكر رشاشات المي اللي بالجنينة .
ام لؤي: ....اي خليها تسكرهن وتجي لهون .
لؤي: .....صحيح امي وينا امل .
امو بعتب: ......منيح اللي تزكرت تسأل عنها.
نوال بزعل: ......وليش عم تسأل عنها.
لؤي: ......ياربي لطفك ....ازا نسيتا وتزكرت بعدين امي بتقول منيح اللي تزكرتا وازا سألت سؤال عادي نوال بتقول ليش عم تسأل عنها يعني عالحالتين مو خلصان انا .
ام لؤي: .....لا ياخالتي كيف بتعتبي انو ليش بيسأل عنها هاد واجب عليه.
لؤي: .....يعني عم تسأليني انتي نسيانة انها بتكون مرتي .
نوال: .....هلأ تزكرت انها مرتك .
لؤي: .....ومين قال اني نسيان انها مرتي ...كل القصة انو انا بحبك انتي وكنت خايف انو زواجي منها يأثر ععلاقتي فيكي .
نوال: ....اي والمعنى .
لؤي بعصبية: ...نواااال شوبانا ماكفرت وقت سالت عنها لا تعمليلي منها قصة .
وقف وقلها: ....انا طالع اتحمم وبدل تيابي.
بهالوقت اجت امل وفرح البها وقت شافت لؤي .
امل وعيونها معلقة بعيونو وصوتها يادوب مسموع : .....حمدالله عسلامتكن ومبروك زواجكن.
مد ايدو ليسلم عليها وكانت اول مرة بسلم عليها وبيلمسها: ......الله يسلمك ...كيفك امل.
امل : .....الحمدلله .
انغاظت نوال كتير منهن وشبكت ايدها بأيد لؤي لتقول لأمل انو هاد الي .
نوال: .....شو حبيبي بنطلع فوق .
اتطلعت امل فيها بعفوية واتطلعت بلؤي وسحبت ايدها من ايدو .
لؤي رجع لوعيو : .....اااااه ...اي يلا ...
ام لؤي: ...ماتتأخرو امي الغدا جاهز .
اتطلع بأمو ولفتة من عينو لأمل: .....لا امي مارح نتأخر اكيد .
شدتو نوال وطلعو لغرفتهن .
ضلت امل واقفة مكانها عم تعصر عأيدها اللي لمسها فيها لؤي .
وقت وصلو غرفتهن انبحتت نوال عليه : ......شو كان الو داعي تسلم عليها عأساس مابتحبا .
قعد لؤي عأيد الكنباية واتطلع فيها : .....يعني ازا بسلم عليها بكون معناها اني بحبها ....انتي هيك بتفسري الأمور .
نوال: ....انا مابفسر غير هيك ....لا تحاول تثير غيرتي لؤي .
قرب منها وقت شافها معصبة وكمشها من خصرها وهمس بأدنها : .....ماتعصبي كتير بتصيري بشعة وقت تعصبي .....بحبك رايقة وهادية ..اي حبي .
ضعفت وقت كمشها وهمس بأدنها وضحكتلو ودابت معو بحضن كبير.
بعد ساعة نزلو وتغدو سوا وكان لؤي يسرق النظرات ويتطلع بأمل بشكل غريب .
بعد مارجعو من شهر العسل ضل لؤي ينام بغرفة نوال اسبوع زيادة .....ومن بعدا قرر يرجع يحط جدول ليلة عند نوال وليلة عند امل .
بالفترة اللي قعد فيها لؤي عند نوال قضت امل ليالي حزينة وحيدة ....حبيبا معا بنفس البيت وبالغرفة القريبة منا ومافيا تشوفو وينام حدها ....حست روحها ناقصة البها عم يوجعها ....ليش لتحبو وهيي بتعرف انو مو الها ليش لتتعلق بحب مافي منو امل لؤي لأنسانة وحدة وبس لؤي بس لنوال .....لكن امل البها بس للؤي .
بعد اسبوع ....
كانت امل قاعدة مع حماتها بصالة البيت ...اعتزرت امل وطلبت تروح تاخد حمام سريع تنتعش فيه .
وهي بغرفتها سمعت صوت دق عباب الحمام ......
لؤي: ......امل......ياامل ....استعجلي بسرعة يلاااا.
وقفت امل ورا الباب : ....خير لؤي شوفي .
لؤي بخوف كبير: ....امي مابعرف شو صرلا فجأةً غط عألبا .....استعجلي مشان الله ....
امل: ...يلا ...يلا جاية .
لؤي: ....بسرعة ياامل بسرعة ..ماتتأخري .
طلعت أمل وكانت لابسة روب الحمام وكان باللون الأحمر الغامق ....طلعت وشعرا مبلول ونزلت بسرعة .
كانت ام لؤي بالصالة لساتا قاعدة مكانا وتفاجأت امل بوجود اخواتا لأم لؤي مع الصبايا والشباب اجو ليسلمو علؤي ونوال .
شيماء : .....استعجلي ياامل خالتي مدري شو صرلا غط غألبا ونحنا عم نحكي معها وفجأة داخت وغميت .
راحت امل عغرفة نوم ام لؤي وجابت ميزان الضغط وجهاز فحص السكر .
قعدت حدها وشافت نبضا اول شي كان سريع كتير .....
لؤي :...شو امل احكي مع الدكتور .
امل: اي اي دقلو بس انا بقلك من هلأ انو مرت عمي السكر نزل عندا بس مو اكتر ....لأنا من شوي كانت عم تقلي انو عبالا شي حلو .
امل: .....مليكة ...بسرعة جيبيلي مي وسكر اوام.
اتصل لؤي بدكتور القلب اللي بتراجع عندو ام لؤي وخبرو عن وضع امو وطلب منو يحكي مع امل .
امل: .....مرحبا دكتور ...يعطيك العافية .
الدكتور: ....اهلا امل ...دقات البا لأم لؤي شلون ....وضغطا والسكر اخدتي قياسهن كلهن .
امل: ...اي دكتور متل ماتوقعت السكر نازل عندا .
الدكتور : ...طيب عطيها مي وسكر بسرعة وحاولي تفيقيها ....وطمنيني عنها وقت تفيق ...لو ماكان عندي عملية هلأ كنت اجيت .
امل : .ولا يهمك دكتور رح اتصرف انا .
ضغطت امل عجفن ام لؤي لحست عليها عم تفيق ، وشربتها المي والسكر وشوي شوي بلشت تستعيد وعيا .
خالة لؤي: .....ماشاء الله عليكي ياامل عرفتيلا شو سبب غميانا من قبل لتحكي مع الدكتور .
امل : ....اي خالتي هي شغلتي ....واللي صار مع مرت عمي غيبوبة سكر مو اكتر.
لؤي: .....يعني هلأ راح الخوف عنها .
اتطلعت امل فيه بلهفة وقت وجهلها الحكي: .....اي لؤي اتطمن هلأ بتروق وبتصحصح منيح ماتقلق .
ام لؤي بتعب : .....انا ...منيحة ...ياامي.
امل: ...كيف حاسة حالك هلأ مرت عمي ان شاء الله احسن .
ام لؤي: .....اي حبيبتي احسن ان شاء الله .
امل: ...قلتلك من الأول كلي شي حلو ماقبلتي .
ام لؤي: ....نصيبيي بس ماتوقعت اتعب هيك ودوخ .
ام معتز : ....لولا امل جنبك هلأ ومعك بالبيت الله اعلم شو كان صار فيكي يااختي .
خجلت امل : ....ماساويت شي انا .
ام معتز : ....ياحبيبة البي الله يعطيكي العافية ....وشك هيك لونو من الخجل والا لون الروب عاكس عليه.
انتفض لؤي وانتبه انو امل نازلة بروب الحمام وكانو الشباب قاعدين .
لؤي: .......امل .
التفتت امل عليه : .....نعم.
لؤي: ....تعي شوي عاوزك .
استأزنت امل وقامت.
بالمطبخ .....
لؤي: ......شو هاد اللي نازلة فيه ....ماشفتي كيف الكل عم يتطلع فيكي .
امل: .....انت ناديتني بسرعة ومابعرف انو في حدا تحت لأن وقت طلعت لغرفتي مرت عمي كانت لحالها .
لؤي عم يكز عسنانو: ......بسرعة بتطلعي عغرفتك بتبدلي تيابك وبتنشفي شعرك وبتنزلي .
امل: .....
قرب منها ومسك ايدها : شووو بشوف ماعجبك كلامي .
امل: ......لا لا ماحكيت شي .
لؤي: .....روحي بسرعة واياكي تطلعي من غرفتك مرة تانية بالروب .
بلعت ريقها بصعوبة: .....حاضر .
يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*