الفصل التالت
عشقك امانتي
الفصل التالت
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *عشقك.أماتني.tt* 😔💔
*❴🔢❵☟الـــبـــــــــــ❴3️⃣❵ــــــــــــارت☟*
➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
طلع لؤي عغرفتو متأخر كان مشتاق لنوال كتير وكان حابب يقعد معها ...لكن وقت دخل الغرفة شاف امل نايمة عالصوفاية وكانت حاطة المخدة عراسها .
وقف شوي قبالها وقال بحالو حرام لوكانت اللي نايمة هلأ هون نوال مو وحدة تانية ...
لؤي بصوت خافت: .....فيقي ...فيقي ...لك شو كان اسما هي ....اي اي امل ....ياامل .
قرب منها وحط ايدو عالمخدة ليبعدها عنها .قام جفلت امل وقعدت مكانها .
بعدت شعرها عن وشها وفركت عيونها بنعس: ......خير...بدك شي .
لؤي وماعارها اي انتباه: .....ليه نايمة عالصوفاية .
امل: ....نعست وانا قاعدة هون ونمت .
لؤي: ....طيب قومي نامي عالتخت بدي نام انا كمان .
امل : ....طيب نام عالتخت وانا بنام هون مافي مشكلة .
لؤي: ....لأ قلت انا رح نام هون مابحب عيد كلامي كتير .
قامت امل وماكان فيها تعترض وقت شافت اصرارو .
عطتو بالأول بطانية خفيفة ومخدة.
نامت وهي خجلانة كل الوقت انو رح تنام مع رجال بنفس الغرفة وهي مو متعودة عهالشي .
تاني يوم فاقت امل وانتبهت انو هيي بغرفة تانية غير غرفة ام لؤي ...اتزكرت اللي صار بالليل واتطلعت مكان لؤي لقتو نايم عبطنو وضامم المخدة بحضنو .
قامت بشويش وراحت للحمام غسلت وشها وبدلت تيابها ونزلت لحماتها لتتطمن عليها .
قبل الفطور كانت امل قاعدة مع حماتها عالبرندا عم يشربو القهوة نزل لؤي وصبح عأمو وباس جبينها .
لحقتو بعد شوي نوال ووقت شافت امل قاعدة مع حماتها ولؤي كان واقف عم يحكي مع امو حست بالغيرة .
امل: يسعد صباحك خالتي ....كيف حاسة صباحك اليوم مو احلى صباح من اسبوع.
ام لؤي فهمت عليها: .....صباحي حلو بوجودكن كلكن من قبل وهلأ .
التفتت نوال للؤي وقالت بصيغة المجاكرة: .....صباحو حبي ....كيف كانت نومتك مبارح ان شاء الله ماتكون تعبان من نومة الصوفاية .
كانت امل منزلة راسها وعم تلعب بموبايلها وقت سمعت هالكلام الملغوم رفعت عينها واتطلعت بحماتها وابتسمت ابتسامة باردة معناها انو عادي وفهمت قصدا .
لؤي: ......لا عادي حياتي مافي مشكلة .....هلأ بدك وصلك عالشغل بطريقي والا بتروحي لحالك .
تمايعت عليه وقربت منو وكمشت ايدو لتغيظ امل : ....لا حبيبي مابدي روح بسيارتي بدي اطلع معك لنكون مع بعض .
لؤي: ....طيب يلا لكان جيبي شنتايتك لأشرب قهوتي .
ام لؤي: ....مارح تفطرو امي .
لؤي عم يشرب قهوتو بسرعة : .....مامعي وقت ياامي اصلا انا متأخر اليوم عن شغلي .
رجعت نوال وراحت مع لؤي وهي عم تتقصد ترمي كلام وكلام لأمل لكن امل كانت بنت عاقلة وواعية وصبورة اللي خلاها تصبر عأبوها ومرت ابوها وقسوتهن عليها رح بخلوها اكيد تصبر عنوال وبالزات لأنها مقنعة حالها بأنها حرمتهن من بعض .
بعد شوي اجاها اتصال لأمل كان ابوها عم يخبرها انو رح يسافر تاني يوم هو ومرتو لغير دولة .
صارت امل تبكي وتقول لحماتها : ....شايفة يامرت عمي ماسدق بابا يزوجني لياخد مرتو ويسافر ويتركني ....ليش هيك عم يعمل معي .
ام لؤي: ....مافيها شي ياامل وازا سافر يعني وين المشكلة ....انتي ببيت زوجك يعني مارح يأثر غيابو عحياتك .
امل : ...حاسستو عمل هيك وزوجني ليخلص مني ويقدر يسافر ....انا ليه عم ابكي هيك هيك انا مالي قيمة بحياتو ومالي حظ من يوم خلقت عشو والا عشو بدي ازعل وانقهر .
ام لؤي: .....الله يبدل حظك لأحسن حال هيك البي حاسسني والله .
امل عم تضحك وتمسح دموعها: .....ياحسرة .....مرت عمي المكتوب مبين من عنوانو ...من وقت اللي امي تركتني وراحت وانا حياتي جحيم مع بابا.
ام لؤي: .....قلتلك من قبل مابتعرفي شو الوقت مخبيلك بس خلي ثقتك بالله كبيرة وموجودة.
امل : ...ونعم بالله .
مرق اسبوع وامل ولؤي عم ينامو مع بعض بنفس الغرفة لكن انتبهت امل انو لؤي صار كتير يشكي من وجع ضهرو بسبب نومة الصوفاية .
قررت امل تتشجع وتحكي معو بحكم انو كلامهن مع بعض مختصر لأبعد حد .
امل رايحة لعندو بخجل ..كان قاعد عالصوفاية عم يشتغل عأوراق بين ايديه : .......لؤي .
اتطلع بطرف عينو لجهتها 🙄: ....نعم .
امل: .....فيك تنام عالتخت انت جسمك عريض والصوفاية مو مريحتك بنوب ...خليني انا نام هون بضل جسمي اضعف من جسمك .
لؤي وعيونو بالورق وعم يقلب فيهن: ......ماتاكلي همي روحي نامي.
امل: .....بس ..
قاطعها بنبرة حادة : ....قلتلك ماتاكلي همي خلص بكرة بتعود.
تاني يوم وقت شافتو امو عم يشكي من ضهرو قالتلو: ....لك ياامي ليش مابتنام عالتخت مو اريحلك .
لؤي: ...ياامي امل عم تنام عالتخت كيف بدي نام عليه .
امو بمسخرة: ....يالطيف عهالمصيبة عأساس اللي نايمة عندك بالغرفة مو مرتك مااا ....ياامي نام عالتخت جنبها وازا مابدك ومصرما يصير شي بينكن حط مخدة بينك وبينها ولا يضلو ضهرك عم يجعك هيك بكرة بصيبك ديسك .
المسا اجت امل لتنام وتزكرت لؤي قام شو عملت اخدت بطانيتو ومخدتو وسبقتو عالصوفاية وعملت حالها نايمة قبل ليطلع عالغرفة.
وقت طلع وشافها نايمة مكانو فيقها وطلب منها تنام عالتخت لكن رفضت بأصرار هالمرة وعملت حالا انو عم تحكي معو وهي نايمة ليتركها .
لكن لؤي كان زكي كتير فهم عليها وضحك عأسلوبها وتزكر كلام امو .
لؤي: طيب خلص رح نام عالتخت وانتي تعي نامي عالطرف التاني ورح حط مخدات بينا ...قومي .
قامت امل ومدت حالا عطرف التخت ونامت بخجل وقت حست بجسمو عم يتحرك جنبها ....ضلت هيك لتعبت وغفيت عينا .
مرق شهر واتنين وعلاقة امل ولؤي متل ماهي ماعم يعيرا انتباه ابدا لكن امل بلشت تتغير مشاعرا وتمشي بطريق تاني ماحبت هالشي يصير لكن ماكان بأيدا لؤي اغلب الوقت قداما ....اكتشفت في شغلات كتير حلوة انو حنون وهادي وعصبي بنفس الوقت استغربت من طبعو هاد احيانا بكون جنة وفجأة بصير نار وقت يصير معهن موقف بيستدعي انو يعصب ويتغير ....اكتشفت انو كريم كتير وكان شخصيية قوية كتير مافي شي بسيطر عليه كان متحدث متكلم بيفهم بأشياء كتير ...شافت فيو طباع حلوة لكن عيبو الوحيد انو عصبي كتير وقت بجد الجد .....من طيبة البها لامل ماحسبت اهمالو لألها من بين عيوبو وكانت تقول بحالا انو انجبر عليها متلا تماما وانو مابحبا وبحب بنت خالتو .
نوال ماكانت تترك فرصة لتغيظ امل وامل لزكائها وطبعها الهادي كانت اتطنش بمزاجها .
اما لؤي ماكان يدايقا ابدا ولا يحسسا بأي شي ولا انو حتى انجبر عليها كرمال صحة امو .
امل لأخلاقها الراقية وصفاتا الحلوة خالاتو للؤي وبنات خالاتو حبوها كتير وصارت صحبة معهن وخصوصي بنت خالتو شيماء كانت عطول تحكيها لأمل تلفونات ويطلعو مع بعض ويزورو بعض.
مرقت اربع شهور ...
اجو اهلها لنوال من السفر استراحة صغيرة وبعدا بدهن يرجعو ليكملو علاج لأبوها لنوال، ووقتها قررو نوال ولؤي يحددو موعد لعرسهن وتحدد الموعد وعرفت فيه امل كانت ردة فعلها وقت خبرتها ام لؤي بالموضوع عادية جدااا....لكن داخليا حست بوجع كبير لأن قدرت امل تتأكد من حقيقة المشاعر اللي بمكنون البها ناح لؤي وعرفت انها حبتو بشكل كبير ......(مافينا نلومها بضلو زوجها لو كان مهملها ولو كان مو شايفها من الاساس لأن معذور بحبو لبنت خالتو اللي عشقانها من سنين ....اما امل فحبتو لحسن معاملتو الها وانو ماسمح لنوال ابدا انو اتدايقها بشهادة مواقف صارت قدامها) .
ام لؤي : .....يعني مارح تزعلي ياامي وقت يتزوج لؤي .
أمل بابتسامة مصطنعة لكن كانت سادقة بكلامها : .....اكيد لأ مارح ازعل بالعكس انا بفرحلو انو
ما خسر حب حياتو وانو هلأ صار الوقت اللي يرتبطو ببعض ...وانو انا ماكنت عائق بطريقهن.
ام لؤي : .....الله يكملك بعقلك يابنتي ويهدي لؤي.
امل : يهدي عشو .
ام لؤي: اااااه لا مافي شي بس هيك حبيت ادعيلو .
المسا كانت امل بغرفتا كانت حزينة وبنفس الوقت مبسوطة انو ماظلمت لؤي معها رغم انو ماحدا مظلوم غيرا هيي ....لكن ماحبت تشوف بعيونو نظرات الحقد بشي يوم انو انحرم من حبيبتو بسببا هيي .....لكن البا كان مدمي بالجروح عم يصرخ موجوع مشاعرا متضاربة مابتعرف شو بدا .....بدا لؤي يتزوج وبنفس الوقت كانت طمعانة بنظرة اهتمام منو .
تحدد موعد العرس وكان قريب كتير بسبب سفر اهلها لنوال .
قبل العرس بيوم دخل لؤي عغرفتو كانت امل قاعدة عطرف الشباك وعم تتطلع لبعيد .
لؤي: ....امل .
امل وهي عم تتطلع لبرا ماحبت لؤي يشوف دموعا : .....نعم لؤي .
لؤي بتردد: .....رح تحضري العرس بكرة .
امل: ....متل مابدك ازا بدك بحضر اكيد .
لؤي: ......انا بدي اكيد بس مافيي اجبرك ازا مابدك .
امل: ....ماعندي مشكلة ...الله يتمملك عخير .
لؤي: ....مارح تتدايقي ازا تزوجت.
أمل: .....لا مارح اتدايق انا بعرف انا ليش هون وبعرف انك عشقانا لنوال وهاد حقك انو تتزوج الأنسانة اللي بتحبا .
لؤي : .....هيك انا ارتحت .....بدك شي مشان حفلة بكرة ....ازا احتجتي شي خبري امي اي .
امل: ...كتر خيرك .
طلع لؤي وبكت امل من صميم البا عحب مستحيل وعرجال مادخلت حياتو والبو الا مرة وحدة .
بيوم العرس كان فرح كبير للؤي ونوال وجرح ووجع كبير وفرحة بنفس الوقت بألب أمل كانت حزينة وسعيدة رضيانة وزعلانة مكتئبة ومتفائلة ....معاكسات كتير كانت بداخلها واللي حيرها انو ليه كل هالتضارب هاد وهيي بتعرف انو لؤي بالاول وبالاخر مو الها ...بجوز يكون هالشي اللي مزعجها بكل القصة .
جهزت حالها ولبست فستان وردي طويل مفتوح من الصدر لعند الكتاف عشكل سبعة ومن الضهر نفس الشي ورفعت شعرها رفعة حلوة ومكياج باللونين الوردي والخمري واكسسوارات ناعمة كانت ساحرة متل الممثلات .....بعد ماجهزت قعدت عطرف التخت وصارت تتزكر يوم كتب كتابها قبل اربع شهور وقت ارتبطت بأسم رجال وكان البها دليلها انو بعمرو ماحيكون الها وهاليوم تأكدت انو مو الها ....بكت امل بألب محروق وكانت كسرة خاطرها كبيرة وقت اللي رماها ابوها لرجال مابحبها ومابدو اياها الا ممرضة لأمو وبس .
بعد شوي دقت الشغالة الباب ..
فتحت امل الباب وانصدمت الشغالة بجمالها واناقتها وانوثتها ..
مليكة الشغالة: .....ماشاء الله عليكي مدام طالعة بتجنني احلى من ملكات الجمال .
ضحكت امل : .....الله يجبر بخاطرك يامليكة ...
مليكة: ....لا والله مدام مو جبرة خاطر بس عنجد انك احلى من ملكات الحمال بعيونك الحلوة ومبسمك الرائع والله بتسحري اتخن رجال .
صفنت امل بكلامها وحكت بحالها(ههه اتخن رجال الا اللي عندي ).
امل: ....خير مليكة كنتي بدك مني شي .
مليكة: اي مدام المدام ام لؤي عم تسأل عنك وبتقلك ازا جهزتي انزلي .
امل: ....اي يلا لاحقتك .
اخدت نظرة اخيرة عحالها وتأكدت انو كل شي تمام .
نزلت وماكانت بتعرف انو خالو للؤي جاي من السفر .
خال لؤي رجال اعزب بعمر الخمس واربعين وعد حالو ما يتزوج الا ليلاقي بنت تعجبو بشكل جنوني وقتها بس بفكر بالموضوع بشكل جدي .
ام لؤي قبل لتنزل امل خبرت اخوها بقصة لؤي وكيف تزوج من امل .
مشت امل ناح حماتها واخوها ...وقت شافها خال لؤي وقف وضل صافن بجمالها .
قدمت وسلمت عحماتها .
ام لؤي بأعجاب كبير: بسم الله ماشاء الله عليكي لك شو هالجمال كلو ياامل .
خجلت امل ونزلت راسها .
خال لؤي: ....مابدك تعرفيني عالقمر اختي .
ام لؤي: ....اي اخي هي امل مرتو للؤي اللي حكيتلك عنها .
خال لؤي وعينو مانشالت عنها: ....انتي حكيتيلي انها حلوة كتير بس ماعطيتيها حقها كفاية .
كان وجه امل رح يتفجر من كتر الخجل ...ابتسمت واتطلعت بحماتها.
ام لؤي: ....امل هاد اخي حسام اليوم اجى من السفر .
امل: ....حمدالله عالسلامة .
حسام بنظرات اعجاب: ....الله يسلمك .
يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*