الفصل التاني
عشقك امانتي
الفصل التاني
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *عشقك.أماتني.tt* 😔💔
*❴🔢❵☟الـــبـــــــــــ❴2️⃣❵ــــــــــــارت☟*
➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
امو : ياامي ياحبيبي انا شو بدي من هالدنيي غير اني شوفك مبسوط مع بنت خالتك والله مابدي شي ....نوال معا حق واللي تصرفتو من حبا الك ...ماتزعل منها روح وحاول ترجعها لهون برضاي عليك .
لؤي: ....حاولت اقنعها وامنعها تروح بس مافكرت حتى تعطيني فرصة اشرح ووضح اكتر خلص الغيرة عمت عألبا .....امي هاليومين رح روح اكتب كتابي عأمل وجيبا لهون هيك اتفقت مع ابوها ....وموضوع نوال خلي لبعدين رح حاول معها بعدين المهم صحتك اهم من كل شي .
اجى اليوم اللي كانت امل خايفة منو وتمنت ودعت بسرها انو يتغير الوضع ولؤي يتراجع بكلامو مع ابوها لكن تجري الرياح بما لا تشتهي السفن .
المسا بييت امل اجى لؤي ومعو الشيخ بعد ماحكى مع ابوها وخبرو بوصولهن بعد ساعة من الموعد المحدد.
كان ابو امل مخبر المعارف والقرايب والجيران انو بنتو انخطبت ورح تتزوج وتسافر مع زوجها لأنو مستعجل لهيك مارح يعملو حفلة عرس .
جهزت امل وكأنها عم تروح للموت برجليها ...وقت وصلت لغرفة الضيوف خانوها رجليها ومابقى فيها تمشي اكتر .
بكت كتير قبل لتدخل لعندهن ....شحطتها مرت ابوها للمطبخ وهددتها ازا مابتفوت لعندهن الا تفتن لأبوها عنها .
بعد دقايق اجى ابوها واخدها معو لعند الشيخ ...
صار كتب الكتاب ...بس كتاب حزين من الجهتين شي بدو انسانة بحبا وشي مابدو يظلم وينظلم ويحرم ناس من السعادة مع ناس تانية .
اعتزر لؤي مباشرة وطلب من امل تجهز بعد ساعة ليرجع ياخدها .
بهالوقت راح لؤي لبيت خالتو اللي نوال عندهن طلب يشوفها لكن رفضت بقوة بعد ماعرفت انو كتب كتابو عأمل وصارت تصرخ انو مابدها تشوفو ولا ترجعلو .
خالة لؤي: .....اتركها خالتي كم يوم وبروقلك اياها ....انت ماغلطت الله يرضى عليك انت فكرت بأمك اول شي كلنا بنعرف انك بتحبا لنوال لكن ماغلطت وقت فكرت بصحة امك وراحتها .....اتركها هلأ وانا بحكي معها بس كم يوم ورح بتشوف كيف رح تجيك هيي وتعتزر منك.
لؤي: .....الله يخليكي ياخالتي انا مافيي بلا نوال فهميا انو كل شي عم اعملو من ورا البي وكلو مشان امي وهالبنت مارح المسا ولا قرب منا بنوب ورح احسبا متل اختي.
خالتو: ...لأ حرام مابصير تقول هيك ...هي مرتك هلأ وبعدين ماتوعد بشي لأنو مابتعرف لقدام شو بصير وشو مقدر .
لؤي: ....يعني نوال رح ترجعلي خالتي .
خالتو : .....اي حبيبي نوال الك هلأ وبعدين ..ورح تشوف .
بعد ساعة رجع لؤي واخد امل وحست وقتها امل بروحها عم تطلع وكان ملاحظ لؤي عليها انها مو مقتنعة بالفكرة بنوب وانها اتضطرت تقبل بهالجازة متلو تمام .
وقت وصلو عالبيت راح لؤي وامل لغرفة ام لؤي.
سلمت امل عليها وضمتها وصارت تبكي بحرقة وكسرة خاطر .
ام لؤي: .....بس ياامي في عروس بتجي عبيت زوجها وهي زعلانة هيك وعم تبكي .
عطاها لؤي ضهرو وقت سمع هالكلمة .
امل: .....حقك عليي بس ماحبيت يصير شي بدون رضا حدا ....مابدي ابني سعادتي عتعاسة غيري .
لؤي : ....امي رح طالع الشناتي فوق انا وراجعلك بدي حاكيكي بموضوع بيني وبينك .
ام لؤي: .....اي امي ...خود امل عغرفتكن وارجيها اياها وبعدها ارجعلي (وعطتو غمزة انو خدها معك ).
لؤي: ....تفضلي معي .
راحت امل وحاسة بحالا تقيلة بمكان مو الها بييت ماحتكون مرتاحة فيه متل قبل لأنو وجودها هالمرة فيه مو متل قبل .
مشت وراه ودخلت عالغرفة بخجل من الموقف كلو وحست انو حياتها صارت مسخرة كانت بأيد ابوها متحكم فيها متل مابدو وهلأ هي بأيد لؤي والله اعلم كيف رح تكون عندو وشو مخبيلها الوقت .
قبل ليطلع لؤي نادتلو امل : .....معلش فيي احكي معك كلمة .
وقف وضل عاطيها ضهرو .
امل وبلشت دموعها تاخد مجراها : .....بعتذر عكل شي ....بعرف انك مابدك اياني لنفسي وانك تزوجتني كرمال الوالدة ....بس بدي تعرف شي واحد اني ماني خرابة بيوت وواضح انو بنت خالتك مو موافقة عهالجوازة ....انا حابة اعتزر منك ومنها .
لؤي: .....خلصتي ...بدي انزل شوف امي ....خدي راحتك بالغرفة وبدلي تيابك ووقت تشوفيني طلعت لهون انزلي لعند امي عطيها ادويتا وخديلا قياس الضغط ونبض القلب وووووو.....جهزتلك سرير بغرفتا لتنامي عندا .
امل بحزن😔: .......حاضر.
نزل لؤي لعند امو وخبرها شو صار مع نوال .
ام لؤي: ....كلام خالتك مزبوط ياامي اتركا كم يوم وانا براسي بروح برجعا وبطيب خاطرا.
لؤي: ....امي انا رحتلا لعاتبا انو ليه مافكرت فيكي وحكت بأنانية قدامك حتى مافكرت انو تعتزر منك عأسلوبها الغلط عرفتي ليش رحتلا ولقلا انو عندك الزمن بوقف وكل النسوان بعيوني بتموت بس انتي مايصرلك شي .
باست جبينو وتمنتلو حياة حلوة وهادية وروقتو بكم كلمة عطتو فيهن جرعة تفاؤل.
طلع عغرفتو كانت امل لابسة بيجامة سودة متل اياما وحياتا وكانت ناطرة رجعتو لتنزل وتنام عند امو وتقوم بواجبها كممرضة بس .
وقفت وقت شافتو. قبل لتطلع قلها : .....انتي قبل لأنزل قلتي اللي عندك ....هلأ وقت قول انا اللي عندي .
امل : ......
لؤي: .....اختصرتي عليي كلام كتير كتت بدي قولو باللي قلتي من شوي ، لكن حابب وضحلك شي انو زواجنا هاد حبر عورق يعني انا وانتي متزوجين قدام الناس بس ....وزواجي من نوال لساتو قائم ...عم تفهمي علي.
امل بكسرة 😔: .........اي .
لؤي: .....اي شي بتحتاجي فيكي تطلبي مني ماتخجلي ولا تترددي وهالبيت بيتك ...بس كل اللي بدي اياه منك انو اتديري بالك عأمي منيح ....وووقت تشوفيني مع نوال ماتنصدمي كتير واتركينا لحالنا واضح ....واي شي بقولو مابدي اعتراض عليه .
اتطلعت امل فيه والحزن عم يغطي وشها: ....ماتعودت قول الا حاضر .
لؤي: ....حلو ....فيكي هلأ تروحي .
امل: ....تصبح عخير .
لؤي: ......الله معك .
دقت باب غرفة ام لؤي ودخلت .
طلبت منها حماتها تقعد جنبها لتحكي معها .
ام لؤي: ......حقك عليي يابنتي لولا مرضي ماانجبرتي عرجعتك لهون ماهيك .
امل : ....وشو عرفك اني انجبرت عرجعتي لهون.
ام لؤي: ....واضح هالشي عوجهك ياامي ....وانتي بنت حساسة وبطبعك خجولة وانا شفت فيكي انسانة مابتحب تاخد شي مو الها ...مزبوط كلامي .
امل: ....وكيف عرفتي ؟
ام لؤي :...لأنو زواج ورجال ورفضتي انو تاخدي لأنو بدو بنت غيرك ًوحسيتي انو مو الك ...فكيف لو كان شي عادي .
صارت امل تبكي اكتر .
امل: والله ياخالتو انا مابدي هالزواج كلو مو اني رافضة لؤي لنفسو لأ بس لأنو بحب بنت خالتو وهيك بكون حرمتهن من بعض .
ام لؤي: ...اولا هي خالتو بتنسيها انا مرت عمك هلأ هيك بتناديلي .....وتانيا لؤي ماخبرك .
امل : عن شو .
ام لؤي: ...انو رح يرجع نوال لهون ولسا حاطط ببالو يتزوجها .
امل: امبلى خبرني .
ام لؤي: ....رح تزعلي شي .
امل ابتسمت : بالعكس هيك بعرف اني ما وقفت بطريق حبهن ....الكل رح يرتاح اتتي ان شاء الله بتتحسن صحتك ....ولؤي ونوال بيتزوجو بس ......انا الي رح ضل بعزابي عمري كلو .
ام لؤي: ....قلتلك مابتعرفي الوقت شو مخبي خلي ثقتك بالله كبيرة .
امل : ونعم بالله .
ام لؤي: ....بكرة بتتعودي عالعيشة هون وعلى طباع لؤي وخاصة وقت تنتقلي لغرفتك .
امل: .....انتقل لغرفتي؟ .....ليش انا مارح ضل عندك .
ام لؤي عم تضحك: .....هههههه لأ اكيد نومتك عندي بس كم يوم ليتأكد الدكتور من وضعي وبعدها بتروحي لغرفتك .
امل: ....اي ولؤي؟
ام لؤي: .....شوبو لؤي ....رح ينام معك بنفس الغرفة .
امل بتوتر: ....كيف يعني هيك.
ام لؤي: ....بنتي هاد زوجك حتى لو ماصار بينكن شي ..الناس هلأ عرفت انو لؤي تزوج معناها مرتو وين لازم تنأم مو بغرفتو ....اللي بينكن مالازم حدا يعرف فيه عم تفهميني .
امل : ....اي خالة .
ام لؤي: ....وبعدين معك قولي مرت عمي.
امل: بخاف لؤي يتدايق .
ام لؤي: ....ياويلي عليكي من هلأ عم تحسبي حساب لزعلو ...لأ اتطمني مارح يزعل انا رح قلو اني هيك قلتلك تناديني .
امل : ...طيب وبالليل افرضي صار معك شي .
ام لؤي: ماتخافي في بيني وبين غرفة لؤي جرس جنب تختي وقت احتاجك برنلك الجرس وبتنزلي لعندي عطول مااتطلعي اعذار .
قامت امل هديك الليلة بكل واجباتها تجاه حماتها وعطتها دواها وسهرت شوي حدها لتأكدت انها نامت ..
حطت حالا بتختا وصارت تتزكر كلام حماتها انو معقول الوقت رح بغير شغلات .....وصارت تقنع بحالا لتصبر عالحياة اللي جاية وانو كل شي رح يكون منيح بس هي اتضل بعيدة عن لؤي ونوال لحتى مايصرلا مشاكل ..ورح تعتبر انو لؤي مو زوجها وانو اصلا هيي مو كنة بالبيت بس مجرد ممرضة .
تاني يوم فاقت امل عجرس المنبه كسلانة ونعسانة بس فاقت لتعطي مرت عمها الدوا .
راحت عالمطبخ لتجيب مي رجعت كان لؤي نازل عن الدرج .
لؤي وهو مبعد وشو عنها: ...صباح الخير.
امل بخجل: ....يسعد صباحك .
لؤي: امي فاقت .
امل: ...لسا ...رحت جبلا المي لحتى فيقا واعطيها الدوا .
لؤي: .....كنت خايف تكوني ناسية شغلة الدوا لهيك فقت بكير ...انا طالع اعمل رياضة حوالين البيت ازا احتجتو شي اتصلو فيي .
مرقت اربع ايام وصحت ام لؤي وارتاحت جسديا ونفسيا وصار هلأ وقت رجعة نوال عالبيت هيك قالت ام لؤي بحالا .
خبرت امل لوين رايحة وطلبت منها انو تتحاشى اي كلام مع نوال لأن بتعرف انو نوال مو سهلة ولسانها سليط وممكن تجرح امل بكلامها القاسي وكانت بتعرف حقيقة شخصية امل انها مو من البنات اللي بتعرف ترد وتجاوب وانها مابتحب المشاكل .
وصلت ام لؤي لبيت اختها وشافت نوال وخبرتها وعاتبتها انها زعلانة منها وانو حتى مافكرت تتصل فيها وتسأل عن صحتها.
نوال: ....والله بعرف انو قصرت معك ياخالتي ....بس والله لؤي حرق البي بجوازتو .
ام لؤي: ....لك يابنتي اتتي مابتعرفي ليش تزوجها يعني والا عم تتغشمني ....لك كل العيلة بتعرف انو تزوجها كرمالي كرمال تبقى حدي وابوها اللي كان السبب وقت اللي رفض انو ترجع لعنا ولؤي بالبيت .
نوال: ....اي ولؤي هلأ شو مبسوط والا كيف .
ام لؤي: ....يعني عأساس مابتعرفي انو لؤي بحبك انتي ومابدو غيرك ومحروق البو عبعادك ورفضك الو كل هالفترة ....لك ياامي هلأ جيتي لهون وانا تعبانة ماالها قيمة عندك.
نوال: .....امبلى كيف لكان خالتي بس مافيي شوفها بالبيت عندكن والله مافيي .
ام لؤي: ...والله البنت طيبة ومسكينة ومهضوم حقها بهالدنيي ياريتك تعرفيها من قريب وتصيرو رفقات يانوال هيي طيبة وانتي عسلامتك بلا منو الناقردي واىزعل بينكن لسا ماعرفتي خيرا من شرا ...اسمعي مني وصيرو رفقات انسي انها شو بتقرب للؤي هلأ بس اتزكري انها كانت رافضة الزواج من لؤي كرمالك انتي واياه ...ولعلمك البنت اكلت قتلة من ابوها لأنو رفضتو ...بتسدقي .
نوال: .....مابهمني كل هاد بالاخر صارت هي مرتو للؤي صح .
ام لؤي : ....اي وشو يعني مارح ترجعي معي رح بتفشليني يانوال .
اتطلعت بخالتها التانية ونزلت راسها .
خالتها ام نزار: ....لا اختي نوال مارح تفشلك ورح ترجع معك اليوم ماهيك خالتي كرمال جية خالتك لعنا وهي بوضعا هاد .
نوال: ......امرك خالتي....بس من هلأ بتخبريها ماالها كلام معي بنوب .
ام لؤي: ....ماتخافي هيي بتعرف اني هون وليش اجيت وحاكيتا بالموضوع وخبرتا انو ماتقرب منك بنوب .
نوال: ....اي منيح .
رجعت ام لؤي عالبيت ومعها نوال ..كان لؤي راجع قبل منها بربع ساعة كان قاعد وناطر وشاكك انو حبيبتو مارح ترجع عالبيت .
كانت امل ناطرة بغرفة ام لؤي عم تستنى رجعت حماتها وتتأكد من رجعة نوال مغها ليرتاح بالها .
ابتسمت وقت شافت سيارة نوال وشافت ام لؤي وهي نازلة معها .
وقت دخلو البيت ركضت امل ناح الباب لتشوف ردة فعل لؤي كيف رح يكون .
وقف لؤي لما شاف امو ونوال مع بعض راح لأمو وباس ايدها وقعدها عالكرسي ورجع لنوال باس راسها واعتذر منها عاللي صار .
لؤي: ...بس لسا ماعاتبتك انا .
نوال: ....كمان انت اللي بدك تعاتب .
لؤي: ....اي بس مو هلأ المسا بنقعد وبنحكي اي ....هلأ خليني مبسوط برجعتك .
ابتسمتلو الابتسامة اللي بيعشقها وبتخلي يدوب فيها اكتر : ...متل مابدك حبيبي.
ارتاحت امل هلأ وقت شافت العشاق رجعو لبعض مع غصة بألبها انها هيي السبب ببعادهن عن بعض وكانت امل متأكدة برجعة نوال رح تبكي كتير ورح تتغير شغلات كتير ..بس لوين رح توصل الامور ....خلينا نشوف .
ام لؤي : ....امل يلا بنتي صار وقت تروحي وتنامي بغرفة لؤي .
امل: ....مرت عمي خليني عندك والله انا هيك مرتاحة .
ام لؤي: ....لك يابنتي شو حكينا....هلأ نوال رجعت عالبيت والناس رح تصير تجي لعنا كرمال يباركو للؤي بجوازتو منك....ومابدنا حدا يشك بشي او يحكي علينا شي عم تفهميني يعني مافي داعي الكل يعرف طبيعة علاقتك بلؤي كيف هيي بكرة الناس بتصير تنقل بسيرتكن من مكان لمكان ولؤي مارح يسكت طبعا ومارح يعحبو الحكي ...لهيك ياامي اعملي متل ماعم قلك وروحي لغرفتك فوق .
كانت ام لؤي مخبرة لؤي انو امل رح تنتقل للنومة بغرفتو ومااعترض طبعا لأنو فهمتو امو نفس الكلام اللي قالتو لأمل .
طلعت عالغرفة فوق وخجلت وقت شمت ريحة عطر لؤي بالغرفة وشافت بيجامتو عطرف السرير ...قشعر بدنها من فكرة النومة جنبو ....وانو رح يتسكر عليهن باب واحد .
المسا بالجنينة كان قاعد لؤي ونوال مبسوطين لكن اجى وقت العتاب .
لؤي: .....راح المزح واجى الجد يانوال .....هلأ انتي كيف كان فيكي تفكري بأنانية هيك ....ليكك شايفة وضع امي كيف تغير وتحسن من وقت ما رجعت امل لهون .....ولولا ماقامت امي بالسلامة والا ماكنتي رجعتي انتي كمان لهون والفضل بيرجع بعد رب العالمين لأمل ومافينا طبعا ننكر هالشي .
اجت نوال لتحكي وقفها عن اللي بدها تحكي وقت رفعلها ايدو .
لؤي: ....لسا ماخلصت كلامي ...ليكي نوال في شغلات بدي منك تعرفيها .....اتتي بتعرفيني من زمان مزبوط وبتعرفي طباعي وشو بحب وشو بكره مزبوط وبتعرفيني احيانا اكتر من حالي ....لكن اللي مابتعرفي انو انا رجال وبكون سيد هالبيت ورجالو يعني وقت قول شي لازم الكل يفكر فيه وينفذو مو تسلط طبعا بس اكيد رح يكون اللي بدي قولو لمصلحة البيت ....وشي تاني واللي هو انو انا مافي شي بيجبرني وبيضغطني وبيضعفني ....زواجي من امل بتعرفي حقيقتو صح ...يعني مافي داعي تزعلي وتقهري حالك وتنكدي عحالك وعليي ...وشي تاني اوعك يانوال تحاولي تمسكيني من ايدي اللي بتوجعني مرة تانية واللي هي انتي ....لأنك بتعرفي اني بحبك ومافيي كون زوج عن حق الا الك انتي صح لهيك قلتي بزعل وبعرف انو رح يرجع يترجاني لأرجع مو هيك ...مزبوط انا اجيت لعندك بس لعاتبك مو لرجعك ليكون بعلمك يعني ولحتى ماتنغري بحالك وتفكري انك رح بتستضعفيني ....انا بحبك وبموت فيكي لكن ماتستغلي هالشي لمصلحتك الشخصية ضد حدا لأني سهل اكشف اي شي بدك تعملي وبتعرفيني بعرف كيف بتفكري صح .
نوال: .....طيب انا مو من حقي ازعل انك تزوجت غيري .
لؤي: ....رجعنا لنفس الديباجة لك ياعيوني انتي بتعرفي حقيقة زواجي منها ليه مصرة ترجعي تحكي بالموضوع ....نقطة انتهى ولبقى ترجعي تحكي فيه اوك .
شي تاني واللي هو الأهم ...امل نهائيا مابتجي صوبها لأنو انا نبهت عليها قبل منك وفهمتا انو رح نتزوج انا وانتي وقت يرجعو اهلك يعني هي هلأ فهمت انك كل شي بحياتي وانو هيي بس ممرضة لأمي وهي من البداية بتعرف هالحكي ....يعني لا بتقربي منها ولا بتحاكيها ولا بتتطلعي فيها مجرد نظرة حس فيها انو رح بتولع حرايق من وراها لأنو انا مابحب مشاكل النسوان اي .
واخر شي رح قلك عليه انو امل الليلة رح تنام بغرفتي .
نوال بصدمة: ....شوووو عأساس متزوجين بس هيك وانها رح تنام بغرفة خالتي .
لؤي: ....هاد مبدئي انو تنام بغرفة امي لحتى اتابع حالتها من قريب لكن هلأ امي صحت وتحسنت وهي اللي طلبت مني انو تطلع امل لغرفتي ومعها حق بوجهة نظرها لأنو الكل هلأ بيعرف انو امل مرتي ...يعني لازم تنام بغرفتي والا رح تنجاب سيرتنا وانتي ادرى الناس باللي بس بدهن كلمة علؤي صح .
نوال: ......اي يعني رح بتنامو عنفس التخت .
لؤي: ......ههههههه لا رح نام عالصوفاية اللي بالغرفة ورح اتركلا التخت الها .....حياتي اتطمني مارح يصير شي بينا انا مابكون زوج بهالشغلة بالزات الا معك انتي مبسوطة هلأ .
نوال: ....اكيد لؤي .
لؤي : ......بتشكي فيي .
نوال : لأ مو هيك بس خايفة تضعف .
لؤي: ....ماانتي الك شهور بتنامي عنا بالبيت كنت ضعفت عليكي انتي ياهبلة ماهيك .
نوال: اي بس انا مانمت معك بنفس الغرفة .
لؤي: .....والله ازا بتنامي معي عنفس التخت ومابدي اياكي مابتأثري علي......اتفقنا نوال خلص كلامي هاد مابدي عيدو مفهوم .
نوال: ......مفهوم .....بس هيي اتضل بعيدة عني .
لؤي: ....هوهوهو علينا قلتلك فهمتا هالحكي من قبلك خلصنا بقى فضيها سيرة .
يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵