الفصل الاول
عشقك امانتي
الفصل الاول
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *عشقك.أماتني.tt* 😔💔
*❴🔢❵☟الـــبـــــــــــ❴1️⃣❵ــــــــــــارت☟*
➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
الدكتور : ....ام لؤي هي امل ممرضة شاطرة وهادية كتير متخرجة من اشهر بس كتير شاطرة وعضمانتي ورح تفهم عليكي وتريحك وانا متأكد من هالشي ...رح اتركك تشوفيها وتتفقو .
ام لؤي وموجهة كلامها لأمل: .....بنتي انا بدي ممرضة تفهمني وتحن عليي انا مريضة قلب ومابواتيني ابقى لحالي اغلب الوقت لأن احيانا بتعب فجأة وبكون بحاجة حدا يبقى معي والدكتور سالم شهدلك انك آدمية وفهمانة ...ازا بتوافقي انو تجي وتصيري الممرضة تبعي وتبقي معي .
نوال: خالتي قصدا أنو كمان تسكني معنا بنفس البيت انا بكون بنت اختا بس بشتغل بمكتبي الخاص يعني مابكون موجودة معها كل النهار فهمتي علي يعني اتتي رح بتضلي معها ليل ونهار ...شو قلتي .
كل هاد وامل ساكتة ومابتعرف كيف بدها تقلون انو بجوز ابوها مايقبل او طبيعة عقل ابوها ...رغم انها تعاطفت كتير مع وضع ام لؤي وحست فيها قديه تعبانة لأن شافتها وهي عم تلهت وهي عم تحكي .
امل: ......والله خالة انا ماعندي مشكلة ..بس ......بصراحة ..هو انا لازم قول لبابا بالأول يعني مافيي اخد هيك قرار بلا مااسألو مااهيك .
ام لؤي بتعب: .....اي بنتي اسألي ابوكي واهم شي بتخبري انو رح بتنامي عندي ورح بخليكي تشقي عليه وتزوري وقت الي بدك .
أمل بتردد وهي خايفة : .....اي ان شاء الله بسألو وبردلك جواب .
نوال: ...اي حبيبتي والراتب اللي بتطلبي نحنا جاهزين فيه المهم راحة خالتي .
أمل بخجل: ...اي مافي مشكلة بالنسبة لهالموضوع .
ام لؤي: ....لكان عطي رقمك لنوال ونحنا بندقلك الليلة او بكرا ونشوف شو ردك .
عطتها امل الرقم وانتهى الموضوع لهون .
المسا ببيت امل .
راحت امل للصالون كان قاعد ابوها ومرت ابوها عم يشربو الشاي .
قعدت امل خايفة من ردة فعل ابوها .
اتطلع ابوها فيها وحس عليها انو عندها شي تقولو ...حط كاسة الشاي من ايدو وسألها : ......هاتي لشوف شو عندك حابة تخبريني فيه .
أمل: .....بابا ......اجاني اليوم عرض .
ابوها: ....عرض شو ....بمستشفى يعني .
أمل: ....لا ...عند جماعة اجو اليوم ...بدهن .....بدهن ممرضة للست الكبيرة ...تبقى معها كل الوقت لأنها مريضة قلب ومافيها تبقى لحالها ..وهي تعبانة كتير .
ابوها: ....ليش ماعندها ولاد يعني .
أمل: ....اللي فهمتو انو عندها ولد واحد بس مسافر وين مابعرف ...وعندها بنت اختها بس بتشتغل وبترجع المسا من شغلها يعني مشغولة كل اليوم .
ابوها: .....اي يعني مافي حدا يقوم فيها يعني بدهن خدامة ...انسي الموضوع .
امل: ....لأ بابا مابدهن خدامة بدهن اياني كون الممرضة الها بس هنن وضعهن مرتاح وعندهن خدم .
ابوها: ....ايواااا ....وشو يابنت عطيات انتي رأيك انا لازم وافق يعني هيك بلا مااعرف اصل وفصل الجماعة .
أمل والدمعة مخنوقة بعيونا: .....بابا مشان الله ارحمني حاج اتضل تقلي بنت عطيات انا ماالي زنب ...ماالي زنب مشان الله حس فيي شوي والله تعبت عقد مابتعايرني پامي .
ابوها: ....وعم تردي بوشي يابنت الكلب .
وقاملا بدو يضربا بس مسكتو مرتو عنها .
أمل: .....بابا مشان الله امي متل ماتركتك تركتني الي انا كمان يعني وقت راحت هيي كنت بحاجتا اكتر منك يعني انا اللي عم اتعزب بغيابا اكتر منك ....بتعرف ليش .....انت هلأ جبت مرة غيرا عم تخدمك وتلبيلك كل طلباتك وفيك تتزوج تلاتة عواض امي .....بس انا اللي من وين بدي جيب ام تانية بدالا ....من وين بدي جيب حدا يحن عليي بغيابا ....من وين بدي حس بوجودا وهيي بعيدة ....بكفي اني عم بتعاير فيها كل الوقت غير قلة الثقة اللي حارمني اياها وشخصيتي اللي طمستا بقراراتك وقمعك الي كل الوقت والله يابابا انا تعبت ارحمني شوي وحاج اتضل تقلي بنت عطيات .
ابوها بقسوة: .....اي لأنك بنتا واكيد رح بتاخدي من خصالا الوسخة ....ومو بعيدة تعملي متلا وتهربي من هون ....يلا شو ناطرة هالشي طلع من الاصل مابدو يطلع من الفرع .
امل وعم تبكي : .....الله يسامحك بتضلك ابي ومافيي قلك غير الله يسامحك .
ابوها: ....لك الله ياخدك لأرتاح من همك يافضيحتي انتي وامك .
راحت امل وهيي عم تبكي ومقهورة .
مرت ابوها: ......لك وافق تشتغل بلكي بنرتاح منها شي كم يوم .
ابو امل: ...اخرسي انتي التانية احسن ماقوم شوف شغلي معك ها ......بدك اياني وافق تروح تشتغل عندهن بلا مااسأل عن الجماعة بالأول ....بلكي طلعو مو مناح مو خرج يعني يتحملو مسؤولية بنتي تبقى عندون .....والا بس بدك تخلصي وخلص انتي .....لك تضربو انتو النسوان الواحد مو من قليل مابيثق فيكن.
مرتو بصوت واطي وعم تحكي مع حالها: ....لك تضرب الساعة اللي عرفتك فيها بحضي بديني مرتك ماهربت منك من قليل .
ابو امل: ...شو عم تبربري مع حالك ااااه .
مرتو: .......اااااه لا مافي شي عم قول الله يهدي البال .
تاني يوم اتصلت نوال بأمل لتشوف شو رأيها ورأي ابوها وخبرتها امل انو ابوها بدو يحكي معهن ويفهم منهن كم شغلة .
المسا اتصلت امل بنوال وحكى ابوها لأمل مع نوال ومع ام لؤي وقدر يفهم منهن طبيعة مرض ام لؤي وانو قديه هيي بحاجة امل تبقى معها ....وتاني يوم راح ابو امل وسأل عن الجماعة وتأكد انهن جماعة ظراف ومحترمين كتير .
بالمحصلة وافق ابو أمل تشتغل عندهن ...بهاللحظة امل حست انها عم تعيش حياتها للمرة الأولى بدون قيود ابوها وخباثة مرتو معها .
انتقلت أمل لبيت ام لؤي ومرقت ايام وهيي مع ام لؤي كل الوقت ماتفارقها الا وقت النوم وكانت تخلي موبايلها جنبها عأساس ازا احتاجتها بشي وهي مو عندها .
مرقو اسبوعين ماراحت امل لبيت ابوها غير اربع مرات تقعد شي ساعة كل مرة وترجع لعند ام لؤي .
هالأسبوعين كانو من احلى ايامها لأمل شافت فيهن حنية ام لؤي عنوال حتى عليها هيي وشافت عندهن الهدوء وراحة البال وطيب الخاطر ....لكن علاقتها بنوال كانت سطحية جدااااا ....كانت اغلب وقتها بشغلها والمسا تقعد مع خالتها واحيانا تطلع من البيت تروح لعند خالاتها التانيين مع ام لؤي واحيانا لحالها .
لأول مرة بترتاح ام لؤي مع ممرضة بتفهم عليها وبتكون حنونة ومابتتعزب معها ...لدرجة انو صارت اي مشوار بدها تطلعو تاخد امل معها بحكم انها ممرضتا ولازم تبقى معها كل الوقت .
بيوم الصبح كانت امل بغرفة ام لؤي عم تعطيها ادويتا بعد ما قاستلا ضغطها وتأكدت من وضعها انو كل شي تمام وانها مرتاحة .
بهالوقت دق باب الغرفة .
ام لؤي بلهفة : ......هاد لؤي اكيد اجى .....
وطلبت منو يدخل .
دخل لؤي وركض عأمو عم يبوس ايديها وراسها .
تزكرتو أمل وقت كان يتصل بامو ويحكي معها ....كان مسافر بشغل كل هالفترة .
ام لؤي: ....ياحبيبي ياامي حمدالله عسلامتك طمني عنك ان شاء الله منيح .
لؤي: .....الله يسلمك ياامي الحمدلله انا بالف خير طول ماانتي بخير ......ماشاء الله اول مرة بشوفك هيك مبسوطة ومرتاحة .
ام لؤي: ....اي هاد كلو بفضل رب العالمين اللي بعتلي صبية ملاك متل أمل مابدك تسلم عليها .
التفتلا لؤي لامل وسلم عليها سلام عابر وشكرها كتير عحسن معاملتها لامو وانها كتير مرتاحة معها .
خجلت أمل وقت اتشكرها رغم انو كان بارد كتير لكن خجلت وقت التفتلا واستشعرت جمالو وهدوئو .
تركتهن امل وراحت لغرفتها لياخدو راحتهن مع بعض .
المسا رجعت نوال من شغلها كانت امل وام لؤي قاعدين عالبلكونة .
لؤي: .....شو مابدك تسلمي علي ست نوال .
التفتت نوال وبلمح البصر صارت بحضنو للؤي .
خجلت أمل ونزلت راسها واتزكرت انو نوال بتكون خطيبتو للؤي وانهن بحبو بعض حب جنوني هيك خبرتها ام لؤي .
ضمها لؤي بشوق ولهفة كبيرة .
ام لؤي: .....يارب افرح فيكن قبل ماموت .
لؤي راح لأمو وقعد جنبها ومسك ايدها وباسها : ...بعيد الشر عن البك ياامي ان شاء الله بتجوزينا وبتشوفي ولادنا كمان .
نوال: خالتي مشان الله ماتقولي هيك بتعرفي انتي اكتر وحدة بحبا بين خالاتي والقريبة مني لاتزعليني منك .
تاني يوم راحت امل لبيت اهلها تزور ابوها لكن ماتوقعت ردة فعلو وقت عرف برجعة لؤي .
ابوها: .....يعني ابنها رجع مبارح من سفرو ورح يضل عندها بالبيت .
امل: ...اي بابا هو بس كان مسافر بشغل يعني مو مستقر ببلاد برا.
ابوها: ...معناها انتي ماالك رجعة عالبيت هداك .
امل: .....ليش بابا .....الست ام لؤي كتير منيحة معي وبحاجتي كتير وبصراحة ماتوقعت حالي ارتاح عندهن هيك .
ابوها: اتتي جنيتي شي عندها رجال بالبيت يعني مابصير تنامي عندهن ولا حتى تبقي لوقت متأخر حبهن تروحي من الصبح للعصر ماعندي مانع ...ماحبهن بالناقص منهن بس انا مو رجال عديم شرف لخلي بنتي تنام عند.ناس غريبة وفي رجال نايم بالبيت ......وهلأ روحي عغرفتك .
حاولت امل تقنع ابوها بس بلا فايدة وعصب عليها اكتر من اول ...
امل: طيب واغراضي اللي عندهن .
ابوها: ...بتتقلعي بكرة عندهن بتعرضي عليهن رأيي عجبهن كان بها ماعجبهن يصطفلو يشوفو ممرضة غيرك .
اتصلت امل بأم لؤي وخبرتها برأي ابوها .
قضت ام لؤي هديك الليلة لحالها بدون ممرضة بس ماتركها لؤي ابدا كل شوي يشق عليها .
تاني نهار من بكير كانت امل عندهن وعرضت الفكرة عأم لؤي واعترض لؤي وقال انو مابدهن ممرضة بوقت محدد بدهن الممرضة تبقى مع امو كل الوقت وتقضي النهار والليل معها .
حاكى لؤي ابوها لأمل وحاول يقنعو بس بدون جدوى وام لؤي برضو حاولت معو لكن رأيو ماتغير.
وبهيك تركت امل الشغل عند ام لؤي ، ورجعت للمركز الطبي اللي كانت تشتغل فيه من قبل .
بهالفترة اللي غابت فيها امل تعبت ام لؤي كتير وجابلها لؤي ممرضة تانية لكن ماارتاحت معها متل ماارتاحت مع امل وكانت هالممرضة متزوجة وعندها ولاد ومافيها تنام عندها يعني رجعت لنفس المشكلة .
طلبت ام لؤي من ابنها ياخدها عالمركز لعند امل .
رحبت امل فيها كتير وعانقتها بحرارة ...وحست كأنو الروح نردتلها بشوفة ام لؤي .
ام لؤي : ....لك هيك مابتسألي عني ياامل وانا اللي اعتبرتك متل بنتي .
امل عم تبكي : .....حقك عليي بس والله مشغولة كتير ومابدي احرق دمي واسمع صوتك عالتلفون مو اني شوفك وتكوني قبالي .
ام لؤي: ....طيب انا بدي زوركن بالبيت عطيني عنوان بيتكن ازا ممكن .
امل : ياريت بتشرفينا والله .
المسا ببيت امل اجت ام لؤي مع ابن اختها لأن لؤي كان طالع وكانت ضروري تروح لعند امل لتقنع ابوها يرجعها لعندهن .
ابو امل : ...والله يامدام صعب اللي عم تطلبي مني ...حطي حالك مطرحي عندك بنت وبدا تشتغل ببيت فيو رجال غريب عنها ومابتجوزلو وشوفة عينك بنتي مابينقصها الجمال لينفتن فيها اي رجال .
ام لؤي: .....بس ياابو امل ابني مربى احسن ترباية وهو خاطب بنت خالتو ورح يتزوجو عن قريب وبنت اختي عايشة معنا بالبيت يعني امل مو لحالها بالبيت .
ابو امل: ... اي بجوز بس الشيطان ما مات وكلامك هاد كلو مابهمني هي بنتي وماعندي استعداد تعيش مع رجال غريب عنها انتي بتقبليها لبنتك .
نفخت ام لؤي لبعيد واتطلعت بأمل ....لكن امل مابأيدها حيلة وجوابها كان انو نزلت راسها يعني مافي فايدة .
بعد فترة تراجعت صحة ام لؤي كتير ودخلت المشفى وحاول لؤي يجبلا ممرضة شاطرة وتفهم عليها لكن برضو بدون نتيجة كلهن يااما متزوجين يااما بيرفضو ينامو عندها او يبقو لوقت متأخر.
ام لؤي : ...قلتلك ياامي ماحدا ريحني وفهم عليي متل امل .
لؤي مسك ايد امو : ....طيب ياامي شو نعمل ازا ابوها مو قبلان يرجعها لعنا شو طالع بأيدي انا.
ام لؤي: بكرة وقت اطلع بدي ارجع لعند ابوها وارجع حاكي واللي بدو اياه بعمللو اياه ...بس امل ترجع لعندي والله حبيتا لهالبنت .
لؤي: ....لك ياامي تروحي لعندو واتتي تعبانة وتكسري نفسك الو وبالآخر يكسفك والله وقتا بجن .
ام لؤي: .....مضطرة ياامي شو بدي ساوي .
لؤي: ....مارح تروحي لحتى ترتاحي ورح كون انا ممرض الك منيح هيك والا لا يكون انا مابيمشي حالي .
ام لؤي: ....يا حبيب البي لك انتي دوايي ياامي مابدي من هالدنيي غير شوفك مبسوط ومرتاح.
باس ايد امو وضمها لصدرو : ....الله يخليلي اياكي ومايحرمني منك يارب .
طلعت ام لؤي تاني يوم ومرق اسبوع عالقصة .
وبدون علم لؤي اتصلت بأبن اختها لياخدها عبيت امل .
فتحت امل باب البيت وقت سمعت الجرس وانصدمت وقت شافت ام لؤي اللي عالباب .
ضمتها وباست راسها وصارت تبكي عوضعها كان باين انو لساتها تعبانة ووجها اصفر .
دخلتها امل لغرفة الضيوف ونادت لأبوها ومرتو وقعدو معها كلهن وصار نقاش طويل عريض ...
ابو امل: ....يااختي حطي حالك مكاني بتقبلي عبنتك تنام ببيت فيو رجال غريب عنها .
ام لؤي: ....لك يااخي ازا مو متطمن من هالناحية رح خلي امل تنام معي بنفس الغرفة منيح هيك والله رح خاف عليها اكتر من ابني ...والله ابني ماعندو حركات ولدنة والشباب الطايشة .
بهالوقت طلب ابو امل من امل تروح وتعمل ضيافة ليعرف يحكي مع ام لؤي.
ابو امل: .....ليكي ازا مصرة وبدك اياها لأمل ....ليه مابتاخديها لأبنك .
ام لؤي والصدمة كانت واضحة عليها : .....اي ياريت والله بتشرف انا فيكن وفيها انا امل حبيتا والله يعلم قديه ....بس ياابو امل ابني خاطب بنت خالتو وبحبا كتير وناطرين يرجعو اهلها من بلاد برا ليتزوجوا.
ابو امل : ....وشو عليه الشرع محللو اربعة ..هيك بنتي بتقعد عندك بالبيت ومافي خوف عليها ومابينشغل بالي ومنو بتراعيكي كممرضة ...شو قلتي .
ام لؤي بتردد: .....اي شو عليه ...بس لازم اسأل ابني بالأول مو هيك .
ابو امل : اي اكيد ...وقت تسألي ابقي رديلي جواب .
رجعت ام لؤي عبيتها والصدمة مامفارقتها ابدا .
لؤي: ....لك ياامي مين قلك تروحي لعند الرجال واتتي تعبانة بعدين ليه مااستنيتيني كنت باخدك انا .
ام لؤي: ....ااااه لك ياامي انا صرت هلأ احسن وقلت بستغل الوقت بلكي ابو امل بيقتنع .
لؤي: ....اي وشو طلع معك هالمرة .
ترددت تحكي وكل شوي تتطلع فيه وتفرك بأيديها مابتعرف شلون رح تفاتحو بالموضوع.
اخر شي اتطلعت فيه واتجرأت تحكي : ....امي ابوها للبنت لساتو عند رأيو ....بس انا لقيت حل ومترددة قلك عليه لأن اكيد مارح توافق.
لؤي: ....معقول ياامي انا ارفضلك طلب ويكون بخص صحتك مستحيل ارفض .
ام لؤي: ....اي بس بجوز هالطلب بالزات ترفضو .
لؤي: .....امي شغلتي بالي شو القصة .
ام لؤي: ......انا ....بقول يااامي يعني لأنو ماشفت حدا بيفهم عليي الا امل وهي الوحيدة اللي ريحتني وكانت حنونة عليي ومافارقتني بنوب وحسيت بحالي تغيرت بوجودا ......يعني بقول لحتى يوافق ابوها ترجع لهون ....شو رأيك ......انوووو....انو يعني .....تتزوجها انت.
لؤي😳: .........انتي عم تحكي جد امي والا عم تمزحي.
ام لؤي: ......ليش في مزح بهيك امور ....انا عم احكي جد .
لؤي: ......امي ....كيف يعني اتزوجها ....انتي بتعرفي انو انا بعشقها لنوال وبموت فيها واللي مأخر زواجنا لهلأ هو سفر خالتي وجوزها وشغلة علاجو بس و الا لازم نحنا من زمان متزوجين ماهيك .
امو: .....امبلى ياامي بعرف هالحكي بس انا قلت يعني لو الك اخ تاني كنت بزوجها الو .
لؤي: .....لا لا امي مستحيل انتي بتعرفي قديه بحبا لنوال ومافيي اكسر بخاطرها او اغدر فيها .....امي انسيلي هالقصة الله يخليكي عمرينو ابوها لا يقبل ...انا رح بعمل المستحيل لجبلك ممرضة عطلبك لو بعطيها عواض المرتب عشرة بس مافيي اعمل هيك شي واتزوج وحدة غير نوال .
حست امو بالخذلان وبنفس الوقت كانت هيي بالأساس مو مقتنعة بهالفكرة لتقدر تقنع ابنها .
مرق وقت تاني وجاب لؤي ممرضة تانية وكانت مبتدئة ومرة من بين ادوية ام لؤي خربطت وكانت رح تعطيها نوع غير اللي بتاخدو وكان هالنوع بتعبها كتير ازا بتاخد منو باستمرار لو ماانتبه لؤي باللحظة الاخيرة .
بالحسنى تعامل لؤي مع الممرضة وعطاها حقها وزيادة وصرفها من الشغل عندهن .
مرق وقت تاني وام لؤي عم تتعب اكتر لدرجة انو اقتنعت انو لؤي لازم يتزوج من أمل بس ماحبت تضغط عليه .
شاف لؤي امو عم تدبل يوم عن يوم وحس بضعفها وانو فعلا مافي ممرضة ارتاحت معها او قبلت تبقى عندها ....شفق عحال امو وخاف يخسرها .
لؤي: .....شو اعمل ياامي لتخفي وترتاحي شو ساوي كرمالك .
امو وهي عم تلهت من التعب: .....سلا....متك......يا...امي.
كنت...قلتلك.....عال....حل ...بس انت ...رفضت .
لؤي: .....شو هو ياامي اؤمريني .
امو : ...كنت قلتلك ....تتزوج .....من ...امل ....بس ..انت مااا....قبلت.
نزل راسو ماعرف شو يقول .
نام هديك الليلة عند امو خاف تتعب وهو مو عندها .
ضل لؤي عم يفكر بكلام امو وكان كل شوي يقوم ويشوفها كيف تعبانة وهي نايمة .
عز عليه يشوف امو بهيك وضع وحس بالأنانية انو امو تعبانة كتير وراحتها بين ايديه وقت ترجع لعندها امل ......لكن وال ماكانت تفارق خيالو بحبا كتير ومافيو يشوف حالو عم ينزف لوحدة غيرها او يكسر بخاطرها وهي حب حياتو والكل بيعرف قديه بيعشقو بعض.
تاني يوم من بكير اتطمن عأمو وراح دغري لبيت امل وماكانت امل بالبيت كانت بالمركز الطبي .
التقى بأبوها وقعد معو وطلب امل منو رسمي وابوها وافق عطول بحجة انو متعاطف مع وضع امو للؤي .
العصر رجع لؤي عالبيت وكان مخنوق وخاصة وقت شاف نوال كيف مشت ناحو مبسوطة .
نوال: .....شو حبيبي باين تعبان ماهيك.
ما قدر يتطلع فيها خجلان منها .
نوال: .....حبيبي ....خير باك شي ....ليه ماعم تتطلع فيي .
لؤي: .....لا حياتي مافي شي بس تعبان شوي معلش روح ارتاح .
تركها وراح ...وقف شوي والتفتلها :....نوال ....وقت فيق بدي احكي معك بموضوع ضروري كتير .
راح لامو اتطمن عوضعها وخبرها انو راح لأبو امل وطلبها منو .
وقت رجعت امل عالبيت خبرها ابوها انو اجى لؤي وطلبها منو وانو وافق .
جنت امل وصارت تبكي : .....يابابا ليش هيك ....مين قلك اني موافقة .
ابوها: .....نعم نعم ..شو تفضلتي بابنت عطيات ....ليكي ولي كلمة وحدة وعزة الله ازا بيجو الجماعة وبترفضي او بتحسسيهن انك رافضة الا تموتي بين ايديي شو فهمتي ...تضربي شو انك ماعندك نظرة لبعيد غشيمة لمين بدك تطلعي غير للي خلفتك وتركتك .
امل: ....بابا بترجاك مشان الله والله لؤي ماوافق عليي الا لأنك هيك طلبت من امو ومشانها قبل يتزوجني ليش لتحرجني معو وبكرة بصير يعايرني ويقلي ابوكي فرضك عليي ....وبعدين هو بحب بنت خالتو والله حرام هيك ..انا مافيي اتزوج من واحد البو معلق بوحدة تانية واحرق البهن عبعض .
ابوها: ......شو كمان عم تحكي عن الحب والله وصرتي تعرفي وتسترجي تحكي بهيك قصص .
راحت لأبوها وباست ايدو وصارت تترجاه : ....يابابا الله يوفقك مشان الله انسالي هالموضوع والله مافيي عهيك شي انا مافيي كون لرجال بس عالورق يعني حتى عقلو مارح يكون معي رح يضل عقلو وفكرو والبو مع بنت خالتو .....فكر شوي فيي لك انا هون عايشة مذلولة عندك بسبب امي وشو عملت بدك تكمل عليي وتجوزني لرجال مابدو اياني الا مشان كون ممرضة لأمو .
ابوها بنظرة حقد وقت جابت سيرة امها: ....لك انا بسبب امك ماتت الحنية بألبي حتى انتي بنتي ماعاد الي حنية وشفقة عليكي لك حتى احيانا مابحسك بنتي لا تلوميني كلو من امك عم تفهمي واي قرار اخدتو ورح اخدو هلأ وبعدين رح تتحملي نتيجتو انتي لأنها امك .
دفشها بعيد عنو وراح وتركها عالأرض عم تبكي وحاطة ايديها عوشها وعم تضرب بحالها .
رجعلها : .....من هلأ بقلك الخميس هاد يعني كمان كم يوم جاي لؤي مع الشيخ لنكتب الكتاب رح تروحي معو مباشرة بدون عرس ولا شي بس رح خبر المعارف والجيران ليعرفو انك تجوزتي وطلعتي من بيتي ومن حياتي بالمرة .
ببيت لؤي ....
وقت فاق من نومو كانت نوال قاعدة مع خالتها بغرفتها وخبرتها انو لؤي مو عبعضو وانو في شي مو مريحها من طريقة كلامو .
ام لؤي مابتعرف كيف رح يخبروها لنوال بالموضوع.
فات لؤي لعندهن اتطمن عأمو وماسلم عنوال .
نوال باستغراب : ....لك لهالدرجة مو شايفني يالؤي ...لك حتى مافكرت تسلم عليي او تسألني شلونك ..شو صرلك من وقت رجعت وانتي مو طبيعي .
لؤي : .....نوال .....بدي خبرك شي وبدي تتفهمي انو كل ياللي عملتو لمصلحة امي واني ماعملتو بدافع شي تاني ..
نوال: ....خير لؤي حاجتك من وقت رجعت وانت عم تحكيني بالألغاز وعم تحكي وكأنك قرفان مني ....شو في فهمني .
اتطلع فيها وهو مخنوق ....واتطلع بأمو ونزل راسو .
لؤي: .....نوال انتي شايفة وضع امي وصحتها كل مالها بالنازل وقديه صرنا جايبينلا ممرضات ماارتاحت مع بنت وحتى اللي ارتاحت معهن ظروفهن صعبة واكتر وحدة امي حبتها وارتاحتلا هيي ......امل .
نوال: .....اي مزبوط ...هالبنت كتير خالتي ارتاحت معها حتى نفسيا ...بس شو دخل هاد بأنك ماعم تحاكيني منيح .
لؤي: .....خليني كمل كلامي لتفهمي شو بدي وصللك .
نوال: ..تفضل كمل .
لؤي: .....ابوها لأمل مو رفض انو ترجع وتبقى مع امي لأني موجود بالببيت وانو مابصير نكون مع بعض بنفس البيت بدون صلة قرابة .
نوال: ....اي .
اخد نفس عميق وكمل كلامو: ....لهيك انا لمصلحة امي وكرمال انو تتحسن وتلاقي حدا يريحها وياخد بالو منها ....قررت ......بصراحة نوال انا رحت لأبو امل ....وطلبتها منو.
فتحت نوال عيونها عالآخر: ......كيف يعني طلبتها منو ....وضحلي اكتر .
لؤي: .....كرمال امي تقدمتلها لأمل لحتى يكون قعادها عنا شرعي ولحتى مايتحجج ابوها بالرفض.
نوال: .......شوووو ...تقدمتلها ...رح تتزوجها يالؤي ....كيف هيك وليش.....طيب وانا ..ونحنا انا وانتي شوووووو .....هيك بهالبساطة بدك تتركني وتتزوج غيري ....وحبنا وكلامنا عن مستقبلنا وزواجنا وولادنا ....وين راح هاد كلو اااااه .
لؤي: .....نوال انتي حياتي وحبي الوحيد .....انتي بتعرفي اني بموت فيكي وانو مافي بحياتي غيرك والله شاهد ....بس ظروفي حكمتني وجبرتني اعمل هيك .
نوال بعصبية : ....ظروووف ....ظروف شوووو ......ظروفك بتقلك تتزوج من غيري وانت لسا من يومين كنت تقلي عن حياتنا وشو عم نخطط لقدام اااه ...هيك فجأة ظروفك حكمت عليك .
ام لؤي: ...امي خلص انسى الموضوع ...روح لأبو البنت وتفاهم معو واعتذر منو .
لؤي: ....امي شو ولد انا لحتى ارجع بكلمتي ...هيك موضوع مافيو مزح وبعدين انا عم بعمل هالشي كرمالك انتي .
ووجه كلامو لنوال اللي كانت عم تحرقو بنظرات الغضب .
لؤي: ....انا مابدي اتزوجها لأني بحبا اصلا ماشفتا منيح يادوب لمحتا للبنت ...وعم قلك انو رح بتزوجها لتاخد بالها من امي ....بكفي اني رح كون اناني مو معك بس لا ومعها هي كمان يعني هي بس وسيلة رح تكون كرمال راحة امي عم تفهمي عليي .....لك مو كل شي عليي وانتي كمان عليي بدي تفهميني انا مارح اتركك رح نتزوح وكل شي خططنالو رح يصيرر وبموعدو كمان ...بس هالموضوع صار فجأة وانتي شايفة كيف وضع امي عم يسوء يوم عن يوم .
نوال: ....اي وشو مطلوب مني هلأ ....بدك قلك مبروك مثلا.
لؤي: ....حبيبتي كرمال الله افهميني انتي بتعرفي انو مافي بحياتي غيرك وهالجازة فيكي تقولي بس مصلحة مو اكتر .
نوال: ....فيك اتدور منيح وتلاقي لخالتي ممرضة منيحة .
لؤي: ....لك كم ممرضة صرنا جايبين وكلو على عينك صح ومافي وحدة قبلت تبقى هون بسبب الظروف او لأنو امي ماارتاحت معها .
نوال: .....هالحكي انا مابفهمو ...ازا بدك تتزوج هالبنت بتنساني نهائيا وبتطلع من حياتي عم تفهم لؤي .
لؤي عصب وطلع صوتو : .....لك نوااااال ماتكوني انانية وتفكري بس بحالك لك فكري بخالتك وبوضعها الصحي ...انا مشان امي بحرق الدنيي كلها وبرجع بقلك مارح تكون هالبنت الي زوجة بالمعنى الكامل لأ ....رح اتزوجها بس كرمال امي واللي اتفقنا عليه انا وانتي هو اللي رح يصير وبس .
نوال: ....اي وشوي شوي بتتعلق فيها وبتصير تحبا مو هيك ....لأ يالؤي انا مو هبلة ...خالتي ماتزعلي مني بس انا مافيي كون زوجة تانية ....ليك لؤي اعمل اللي بدك اياه لكن انسى انو كنت بيوم من الايام بحياتك ...عن ازنكن .
راحت ودموعها معبيين عيونها مقهورة انو معقول حب عمرها رح يصير لغيرها .
لحقها لؤي وحاول يقنعها ويفهمها وجهة نظرو وانو ليه هيك رح يعمل لكن غيرة نوال كانت اكبر من انها تفهم انو كل اللي عم بعملو لؤي لمصلحة امو .
ضبت اغراضها وراحت لبيت خالتها التانية وخبرتهن بالموضوع .
ام لؤي: .....ياامي برضاي عليك رجع بنت خالتك لهون والغي زواجك من امل ...خلص امي رح اقبل باي وحدة بتجيبولي اياها او قلك خلص ماتجبلي حدا ازا الي باقي عمر رح عيشو وازا ماالي بكون احسن بس ماشوفك زعلان وماتاخد البنت اللي بتحبا.
لؤي بضيق وصدمة : .....بعيد الشر عن البك ياامي ....الله يخليلي اياكي .....بس ليه هيك نوال عملت تقدر انو انا كمان هالشي صعب عليي انو تكون وحدة تانية عأسمي غيرها وانو كل اللي بعملو كرمالك انتي....هيي مافكرت فيكي مافكرت غير بحالا .....بس لا امي مارح غير رأيي ولا رح الغي مع ابو امل عجبا لنوال او ماعجبا ...امل رح ترجع لهون كل شي كرمالك ياامي بهون حتى لو كانت سعادتي .
يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵