الفصل الاخير
*روايـة,ة: عـنـدمـا يـتـحـول الـحـلـم إلـي حـقـيـقـةة🌠💜𐙚 ⋆ֶָ֢*
*((الفـــــــــ{8.9🔚}ــــــــصل))⃟ .“↻.*
> الفصل 8
وفعلا راحوا المطعم والشخص اللي خديجه قابلته هي بنت تكون اسمها ساميه تكون بنت خاله مامتها وخديجه بتكرهها جدا وهي صغيره وساميه دي بتحب حمزه جدا من زمان لكن حمزه مش بيحبها وبيتجاهلها على طول يا ترى ايه اللي هيحصل
خديجة: حمزة يلا نمشي
حمزة: ليه يا حببتي بس في اي
خديجة: بالله عليك يلا عشان مخنوقة اول ما دخلت
ساميه وهي جايه عليهم: اي ده حمزاوي
خديجة: اخرسي
ساميه: اي يا بنتي في اي يخربيت الغيرة
خديجة: يلا بقى يا حمزة
حمزة: طيب حاضر امشي يا بت انتي وابعدي عني احسن لك؛ خديجة يا حببتي هنطلب الاكل تيك اواي وناكله في حته تانيه
خديجة بضيق: ماشي هستناك بره
و فعلا خديجة طلعت بره: ياربي اي اللي خلانا نقابل المصيبة دي لا حول ولا قوة إلا بالله
وفضلت تذكر ربنا
ساميه: اي يا بني انت اتجوزت خديجة ليه دي عيله ممله
حمزة: وانتي مال اهلك انتي
ساميه وهي بتحاول تلمسه: ااااه لو تعرف بحبك قد اي ومن زمان اوي
وللاسف خديجة كل ده كانت شافت المنظر
حمزة: خديجة والله مالمستها يا حببتي اقسم بالله مالمستها وكنت ببعدها عني
خديجة: كل كلامك ده في الهوا ما انت ساكت ومش بترد ليه مع السلامه بقى
ساميه وهي بتقرب من حمزة: عيله قماصه صح
حمزة وهو بيزقها:حسبي الله ونعمه الوكيل الله ينتقم منك يا شيخه
خديجة كل ده طالعه بتعيط
وقابلت سما صدفه
سما مسكتها براحة من دراعها: خديجة في اي يا بنتي
خديجة فضلت تعيط ومردتش
سما وهي بتحضنها: مين زعلك بس مين عيطك كده
خديجة بصوت متقطع من العياط: ح... حمزة.. يا سما انا قلبي بيتقطع
حمزة كل ده كان عمال بيدور عليها ولاقاها بالمنظر ده
حمزة وهو بيجري عليها: خديجة والله العظيم انا اسف بس صديقني بالله عليكي والله العظيم ما خليتها تلمسني
سما: اي اللي حصل يا حمزة حد فيكو يحكيلي اي اللي حصل
خديجة: بعدين مش دلوقتي وحضرتك يا استاذ حمزة متفتكرش الموضوع سهل بالنسبة لي ده قطع قلبي
سما: طيب يا حمزة انا هاخد خديجة دلوقتي ونحل الموضوع ده بعدين
وفعلا مشو
حمزة بعصبيه: ااااه يا ساميه... ال.... ك...ل... ب
🌸🌸🌸🌸🌸🌸🌸
سما: بالله عليكي قوليلي اي اللي حصل
خديجة حكتلها عن كل حاجه
سما: يا حببتي اسمعيني اكيد البنت دي عايزه توقع بينكم وحمزة فعلا مقربش منها ده كان مقهور من اللي حصل
خديجة: على اساس اني انا اللي كنت سليمه
🌸🌸🌸🌸🌸🌸🌸
هشام: حاول يعم بأي طريقة تكلمها
حمزة: مش راضية تسمعني يا هشام
وجه اليوم التالي
خديجة وحمزة اتقابلو في العياده محدش فيهم اتكلم بكلمه مع التاني
هشام: وبعدين بقى ليه محدش فيكم عايز يسمع التاني
لميس: يا خديجة اسمعيه
هشام: استهدو بالله كده وكل حاجه هتتحل بس بجد لو حد سمع التاني
خديجة: عايزني اسمع اي ده انا شوفت المنظر وسمعت
حمزة: يا خديجة اسمعيني انا طيب
هشام: يا خديجة اسمعيه يا بنتي
مبدئيا كده هشام اخو خديجة في الرضاعة
خديجة: طيب حاضر هسمع اتفضلو بقى كنتو عايزين تقولو اي
حمزة: خديجة بصي يا حببتي مبدئيا كده انا بكرهه البت دي ومش بطيقها ولا بطيق اسمع سيرتها و والله العظيم ما خليتها تلمسني
خديجة: طيب يا حمزة صدقتك
حمزة: بالله عليكي ما تزعلي مني؛ متأكدة انك مش زعلانه والله قلبي مش هيكون راضي على زعلك
حمزة وهو بيمسك ايديها : بجد خلاص مش زعلانه؟
خديجة وهي بتدمع: انا كنت بتقطع يا حمزة المنظر كان صعب
لميس : طب نستأذن احنا يلا يا هشام
حمزة وهو بياخدها في حضنه: انا اسف والله اسف حقك عليا وانا اللي كان قلبي مقهور عليكي
خديجة وهي بتشدد على حضنه : انا اسفه اوي يا حمزة اني مكنتش عايزه اسمعك او اصدقك وبدات في البكاء
حمزة: ااه يا روحي انا اللي اسف
خديجة وحمزة طلعو
هشام: اكيد اتصالحتو صح يا ختي لو كنت اعرف ازغرط كنت ازغرط
حمزة ضحك بصوت عالي
خديجة: يا خفة دمك يا خويا
هشام: قصدك اي يا بت ده انا دمي عسل
خديجه: عسل تقيل
حمزه بضحك: والله ياحبيبتي معاكي حق
هشام: انتو هتستلموني انتو الاتنين انا ماشيي
حمزة مسك ايد خديجة ونزلو
حمزة: ياه لمسات ايدك وحشتني
خديجة: شوفت بقى انا ليا وحشه
حمزة وهو بيشدد على مسك اديها: ده انا كنت حاسك روحتي مني بس الحمدلله
خديجة: بالله عليك ما تجيب
سيرة الموضوع ده
يتبع الجزء 9
ده بقى اللي هيكون فيه حاجات كتشير اوي وده الاخير للاسف
--------------------------------------------♡
*نحرڪ لسان واحنا بنقراء عشان نأخد الأجر 🥺🪻*
* سبحان الله
* الحمدلله
* الله أكبر
* استغفرالله العظيم
--------------------------------------------♡
9 والأخير
في العياده
سما: جمال جمعهم كلهم عايزه اكلمهم في الموضوع اللي قولتلك عليه
جمال: حاضر يا حبيبي
سما: خلاص بقى يا عم مش طلاما كتبنا كتب الكتاب امبارح يبقى نفضل كده طول الوقت
هشام: خديجة٫ حمزة جمال قالي ان سما عايزانا
خديجة: خيرٌ إن شاء الله
سما: في الحقيقة كده في موضع ليه علاقه بالشغل وده حاجه مهمة الموضوع هيكون فيه إما فراق او اكتمال مع بعض
خديجة: ياستي اخلصي
عائشة: لا ماهو لازم اكشن في اول الموضوع
سما: بس بقى؛ المهم يعني انه في عندي قرايب في تركيا محتاجين عيادتنا عندهم هناك
خديجة: يعني هنسافر؟
سما: اه اللي حابب يجي يعني
حمزة: طيب هنشوف الموضوع انا وخديجة وبرضو يا دكتورة سما لازم نقول للأهل الاول
خديجة: فعلا بس يا سما السؤال بقى هل هنفضل في تركيا ومش هنرجع
سما: لا يا بنتي هتنزلو إجازة كل شهر او كل سنه على حسب بقى
مازن: انتي اي رايك يا شهد
شهد: اللي انت تشوفه يا مازن انا عادي يعني اي حاجه وبصراحه حابه نسافر
مازن: طيب يا حبيبي على بركة الله
🌸🌸🌸🌸🌸🌸🌸
حمزة: وبس كده يا خالتي احنا ممكن نعمل الفرح قبل ما نسافر وبعد الفرح على طول نسافر ولا انتي اي رايك يا خديجة
خديجة: انا معنديش مشكلة انا كان نفسي اصلا بصراحة اروح تركيا
إيمان: شوفو اللي يريحكم لان دي حياتكم انتو ومصلحتكم
حمزة: طيب على بركة الله هنسافر وإن شاء الله هنشوف هنسافر امتى ونعمل الفرح يومها
🌸🌸🌸🌸🌸🌸🌸
خديجة: سما هنسافر امتى
سما: الأسبوع الجاي إن شاء الله
حمزة: ها قالتلك اي
خديجة: الأسبوع الجاي يوم الاربعاء؛ بس اتصدق انا إسكندرية هتوحشني
حمزة: ما إحنا هنرجع اصلا
ومرت الأيام وجه يوم الفرح
هشام: مبروك يا عريسنا ومبروك يا اختشي خديجة
خديجة: الله يبارك فيك يا خويا
لميس: ماشاء الله اللهم بارك اي الجمال ده
كانت خديجة لابسه دريس أبيض واسع سواريه والاستايل كان رقيق ومش منفوش وخمار يزيد من جمالها
هشام: يلا يا بت يا لميس ننزل نجهز العربية
لميس: اوكي بيبي
هشام: والله هسيبك واسافر انا
حمزة وخديجة ضحكو ولميس وهشام نزلو
حمزة هو ايده محاوطه وش خديجة: اخيرا هنكون في بيت واحد؛ يا اعظم انتصاراتي
خديجة خدودها احمرت
حمزة: طبعا مافيش ميكب
خديجة: اه يا حبيبي متقلقش
حمزة وهو بياخدها في حضنه: انا مقلقش غير عليكي بس ياروحي انتي عارفه انا نفسي ادفنك جوه حضني كده ومتطلعيش منه لحد اخر نفس في عمري
خديجة: بحبك اوي يا حمزة
حمزة: وانا بموت فيكي يا قلبه
تمت....
مافيش احلى من صاحب صالح يرافقك طول حياتك ويحبك ويقدرك وميقدرش يزعلك
#عندما يتحول الحلم إلى حقيقة 🌸
اتمنى تكون عجبتكم
--------------♡--------------
اختم القراءة بذكر الله 💜
* سُبحان الله
* الحمدلله
* لا إله إلا الله
* اللهُ أكبر
* سُبحان الله وبحمدهِ
* سُبحان الله العظيم
* استغفر الله العظيم واتوب إليهِ
* لا حول ولاقوة إلا بالله
* اللهُم صلِ علي نبينا محمد
* لا اله الا انت سبحانك اني كنت من الظالمين