البارت الحادي عشر⚡
«في يوم وليله»
🍒🦋🍒🦋
♕ البارت 11♕
•••••••••••••••
فارس بيحاول يسيطر علي طارق اللي خرجت من جواه صرخه بألم وبيحاول يدخل يرمي نفسه عشان يلحقها.
وخالد وعاصم اللي بيسندوا ريم اللي اغمي عليها.
وف الوقت ده وصل ايمن ومعاه. الدعم من الشرطه. والمكان بدخولهم بدأ ينهار. وبدأت الشرطه تساعدهم للخروج. واخيرا. خرجوا للنور بسلام. وكانت لوچي هيا الضحيه لخروجهم.
ادم شكر الظباط ومشيوا. وقالهم العائله تعبانه دلوقتي وانا هبقي انهي المحضر والموضوع كله.
فارس: جري علي ريم اللي مفاقتش.
وطارق قاعد علي صخره ومش حاسس ب اللي بيحصل حواليه هو مش شايف ولا سامع غير صوت لوچي وهزارها وضحكتها. ملامحها البرئيه مقالبها حراكتها الطفوليه . وفاق علي صوتها بحبكم اوييي ورمت نفسها. قام بينهج وكانه كان بيجري مسافات طويله . واخذ عربيته اللي كان جاي بيها المملكه وساق بسرعه رهيبه.
بعد فتره.
ايمن وفارس وعاصم وخالد وادم كلهم في المستشفي.
وجميله وفريحه لما عرفوا راحوا يجروا عشان يطمنوا علي ريم. ولكن مقالوش ل سعاد عشان متتعبش اكتر.
جميله: بابي وجريت واستخبت في حضنه وعيطت.
عاصم: اسش اهدي ي بنتي. الحمدلله هتعدي ان شاء الله. واحنا نقوي بعض وانت لازم تقوي ريم وبعياطك ده هيا هتضعف اكتر.
جميله: غصب عني مش قادره ريم بتروح مننا وكملت بعياط ولوچي ي بابي ومقدرتش تكمل وعيطت.
فريحه: جريت علي فارس بعياط هيستيري
فارس: اخدها ف حضنه جامد. اهدي بس انا بخير اهو قدامك. واجمدي كده انا اختي مش ضعيفه.
فريحه: بشهيق الحمدلله انك رجعتلي بسلامه. انا دعتلكم كتير ترجعولنا بسلامه. وكملت بعياط بس ريم مش بخير ولوچي ي فارس مش هعرف اشوفها تاني. ليه سبتوها وازاي ده حصل فارس: ادعلهم ي قلبي ولازم نبقي اقويه ونسند طنط سعاد وريم انهم يعدوا المحنه دي علي خير.
ادم: انكل خالد قوم انت شكلك تعبان وضغطك نزل خلي الدكتور يكشف عليك
عاصم: ايوه ي خالد ي اخويا قوم كده بنتك محتجالك وابنك.
خالد: سراحان وتايه ضاعوا مني وانا اللي ضيعتوهم . انا ليه لسه عايش. ليه ريم بنتي تتعب وتقع مني. وانا صحتي يخير وواقف علي رجلي. ليه لوچي الغلبانه تضحي بحياتها وانا اللي اعيش مع اني مستهلش. ليه ربنا بيعاقبني ب احساس الندم وتأنيب الضمير واني اشوف اولادي بيموتوا بسببي.
عاصم: استغفرالله ي خالد ربنا ليه حكمه في ذلك. فكر كده لو مكانش كل ده حصل كان زمان احفادنا كمان هيعانوا ونعيش طول عمرنا ف حزن. وبعدين وما ابتلاهم الا ليختبر صبرهم ورضاهم بقدروا قوم كده وحد الله واتوضي وصلي وناجي ربك يعديها علي خير.
ايمن: لسه متعرفش طارق راح فين ي فارس
فارس: بحزن وعينه علي ريم من الزجاج والأبر مغروزه ف ايدها. اتصلت بيه مردش. انا حاسس اني عاجز اوي ي ايمن اخويا اللي طلعت بيه من الدنيا. تعبان وموجوع. وانا واقف متكتف. ومش عارف مكانه ولا حتي اهون عليه. وريم اللي بتموت مني والعيله اللي بتنهار. انا حاسس اني بموت.
ايمن: بوجع حضن فارس هيرجع انا متأكد. مش هيسيب ريم. وبعدين ده ظابط مخابرات وميتخافش عليه. انت ناسي تجار المخدرات اللي قتل منهم11 واحد مره واحده ب الأربيجيه. الخوف علي طنط سعاد والبنات. دول روحهم كانت في بعض ودلوقتي فقدوا واحده منهم.
فارس: دمعه نزلت منه انت متعرفش طارق قلبه ميت اه بس مع المجرمين مع الاعداء. لكن لما. الامر لما يخص احبابه بيبقي زي الاطفال. واللي ماتت دي كانت الحياة ل طارق واللي تعبانه وكان هيفقدها دي بنت قلبه. صعبه عليه اوي ي صاحبي.
ادم: من وراهم ده مش عدل هو انا مش اخوكم ولا ايه وحضنهم وكلهم بيمدوا بعض ب القوه.
وفي مكان فوق جبل طارق نازل علي ركبه. ورفع راسه للسماء وصرخ بصوت اهتزت الطيور من قوته. وقاعد تايه. وفونه في العربيه بيرن من فارس وهو مش سامعه.
عند سعاد
سعاد: يعني بجد ي نوره هما رجعوا بسلامه
كريمه: بدموع مخبيها وابتسامه بتمثلها احنا هنكدب عليكي برضوا هما ف الطريق ي حببتي.
سعاد: اومال قلبي واجعني عليهم ليه كده. ربنا يرجعهم بسلامه يارب.
طارق دخل عليهم المستشفي وهدومه متربه وشكله ولا اللي كبر 100سنه من الحزن اللي كاسي ملامحه
فارس: شافوا داخل قام جري عليه حضنه.
طارق: انا كويس ي فارس متقلقش. ريم فين.
ايمن: من وراهم ريم قامت مفزوعه وبتنده علي لوچي وعيطت وانا ركبتلها محلول مغزي عشان جسمها ضعيف وادتها حضنه مهدئه عشان عندها انهيار عصبي. وهيا نايمه. لوقتي متقلقش هتبقي كويسه ان شاء الله. وانت اجمد كده ي اخويا وحضنه.
وقعدوا كلهم مستنيت ريم تفوق.
وخالد خارج من عندها شاف طارق جه وبيقرب يطمن عليه.
طارق: لو سمحت حضرتك ابعد متلمسنيش. متعملش خايف عليا.
عاصم: عيب ي طارق ده والدك مهما عمل لازم تحترمه.
خالد: سيبه ي عاصم انا عازره هو موجوع ومصدوم فيا وعنده حق.
طارق: قام من غير كلام ودخل ل ريم وقعد جمبها وباس ايدها واتكلم. قومي ي ريم مينفعش تسيبيني اخوكي وحيد ويتيم من غيرك. انت مصدقه الهبل ده وان لوچي ماتت لا هيا ما متتش لانها لو ماتت مكانش قلبي بينبض دلوقتي ده مقلب من مقالبها. قومي ي بنت قلبي. انتِ مش عارفه. انك روح اخوكي وميعرفش. يعيش. من غيرك. انا محتاجك ودمعه نزلت منه.
فارس: من خلفه حط ايده علي كتف طارق هتبقي بخير ان شاء الله انا متاكد
طارق: قام وحضن صاحب عمره يستمد منه القوه واتكلم. اخوك بيموت ي فارس حاسس اني ضعيف اوي
فارس: عيب عليك تقول كده ده انت حوت المخابرات. ودايما قوي. ومحنه وهتعدي.
طارق: يارب ي صاحبي عشان انا حاسس اني مسجون في قفص وبيديق عليا والاكسجين بيخلص وبتخنق.
فارس: ساكت وبيسمعه وبس لانه عارف اني طارق مش عايز حلول هو عايز اللي يسمعه ويخرج اللي جواه. ولان كمان الراجل مش لازم دايما يبقي صامد وصلب. لانه بشر برضوا وبيحس وبيتوجع. وان كتر المكابره وحبس الكلام والدموع والتعب جوانا ده شئ صعب جدا. ودموع الراجل عمرها مكانت ضعف دي حنيه وقلب عاشق ل أحبائه.
طارق: بلوم مقولتليش ليه ي صاحبي كنت روحت معاك ل ريم بدري.
فارس: مش وقته ي اخويا. بس عايزك تعرف اني مقصدش اخبي عليك ده انا عمري مخبيت عليك حاجه.
طارق: وده اللي زعلني منك احنا دايما مع بعض علي الحلوه والمره والمره قبل واللي كانت هناك دي اختي يعني انا.
ريم:بدأت تفوق لوچي طارق لوچي انا فين ليه ي لوچي سبتيني.
طارق قرب وقعد جمبها قلب طارق حمد الله بسلامه روح اخوكي فداكي ي بنوتي الحلوه.
ريم: بعد الشر عليك. من كل أذي ي حبيبي
طارق سندها وحط مخده وراها وقعدها
فارس: بيحاول يخفف عنهم اه يحلوه قومتي تهلوسي ب اسم اخوكي الحلوف ده ونسيتي فروسه وغمزلها.
طارق: اقعد ي فارس الله يهديك بدل ملعب ف وشك
فارس: لو مش عاجبك طلقني
ريم: ابتسمت بوجع.
عرفوا ان ريم فاقت وجميله وفريحه جريوا عليها بدموع حمد الله بسلامه ي ريمو
فارس: براحه ي بت انت وهيا عليها انتوا مش شايفن احجامكم وريمي تعبانه ومش حملكم
البنات بصلوا بشرز وقالوا عشان ريمو هنعديها ي رخم
ريم: انا بخير ي حبايبي متقلقوش
ودخل عاصم وخالد وادم واطمنو عليها
ريم: هو انا بقالي كام يوم هنا
ايمن؛ انت عجبتك النومه وبقالك 3 ايام وقلقتينا عليكي ي ريمو، حمد الله بسلامه
ريم: الله يسلمك،، أكيد مامي قلقانه عليا هيا عامله ايه.
وفجأه الباب اتفتح وكانت سعاد ودخلت ب لهفه ودموع وشافت ريم وجريت حضنتها حببتي كل ده ي ريم هونت عليكي ي قلبي
وكريمه ونورا دخلوا وراها واطمنوا علي ريم.
طارق: ليه قولتولها هيا لسه تعبانه
نوره: اصرت ومعرفناش نخبي عليها
سعاد: ايه ي طارق مش عايزني اطمن عليكم وانا كنت بموت في غيابكم. البيت ملوش طعم من غير ضحكتكم ومقالبكم في بعض.
ولاحظت سعاد الأصابه الي ف دماغ طارق اللي ملفوفه ب الشاش
سعاد: دمعت حبيبي ايه اللي عمل فيك كده وحضنته وبتلمس علي جرحه
طارق: حاضنها وحابس دموعه وساكت.
ريم: حزينه علي اخوها وساكته.
فارس: لاحظ ومسبهاش ل افكارها وهمس جمبها. عاجبك كده مش عارف اطمن عليكي ولا اكلمك. بس ماشي هانت خفي كده وهخطفك وتبقيى ليا لوحدي بدل م كل واحد بيحضنك شويه ده انا ماسك نفسي بمعجزه.
ريم: ربنا ميحرمني وجودك جمبي. وجواها بتحمد ربنا علي حب فارسها وحنيته وانه مش بيسبها لحزنها ولا ل افكارها توجعها. وافتكرت لوچي وعيطت في صمت.
جميله: ايه ي سوسو ده انت محضنتيش ريم كل ده طروقه بخير وريم اهي الحمدلله وانت برضوا دموعك نازله احنا ك ستات بنموت ف النكد والدراما
كريمه: ضربتها علي دماغها بخفه نكد ي أخرة صبري حد يقول كده لمرات عمو
سعاد: ب ابتسامه ده اول فرحه لقلبي ي جميله اول ماما سمعتها منه ده عكازي ف الدنيا وابن قلبي
ريم: بمرح لتخفيف الاحزان. الله الله ي غلبناه ي ريم يلي راحت عليكي ي ريم كل ده ل طروقه وانا ف الاخر يودوني دار للأيتام واتنسي واتشرد
سعاد وطارق: ايه كل الدراما دي وحضنوها
سعاد: اومال خالد فين
عاصم: اطمن علي ريم وراح يصلي العصر
ادم: جمب جميله ب همس طروقه ده انت نهارك اسود ي جميلتي
سعاد: هيا لوچي رجعت السكن علي طول ولا ايه فينها وحشاني بت الأيه
الكل رجع للحزن تاني بعد مكانوا بيحاولوا يدعموا بعض ويتخطوا ويضحكوا
سعاد: شافت حالتهم قلقت وقالت هو انا سؤالي صعب اوي كده بنتي فين
ادم: لاقاهم محدش قادر يتكلم وقالها هيا في مكان احسن دلوقتي ادعيلها ربنا يرحمها
طارق: بتحذير لوچي مامتتش سامعين هيا هترجع.
سعاد: بعياط لااااااااااا بنتي سبتوها ضيعت حببتك ي طارق محمتش بنتي
طارق؛ وجعه كلام سعاد وانه محمهاش برغم انه عارف انها متقصدش
ريم: بدموع مامي الله يخليكي طارق مش مستحمل ولا انا نرجع البيت ونتكلم.
ادم: استأذن ومشي عشان شغله ويطمن اهله.
في المنزل
فارس وعاصم قالوا كل حاجه ل سعاد
والبنات اللي جمب ريم اللي عيطوا بوجع علي لوچي وصعبت عليهم
سعاد: لا لااااااااااا مستحيل نرمين ولوچي وبصت ل خالد بحزن ليه خبيت عليا ليه 😞 طول عمري بسألك علي سبب اللي بيحصل معاك وازاي نرمين ماتت. وزعلت علي طارق انه عرف ان مامته ماتت وهو صغير.
خالد: بحزن اتمني تسامحوني
ريم: بدموع بس ي بابي متقولش حاجه انت كنت ضحيه أينعم غلطت ف حاجات بس كان غصب عنك مكنش معاك داعم زييي وانت متعرفش ان كله ده هيحصل وكلنا بنغلط ورب العباد بيسامح يبقي العبد مش هيسامح .
سعاد: قربت من طارق اتكلم ي بني متفضلش حزين وساكت كده
طارق: اقول ايه اقول اني كنت عايش ف وهم واني خسرت الانسانه اللي مكنتش عايز غيرها اكمل معاها حياتي واني السبب ف موت امي ايوه انا السبب لو مكنتش خلفتني مكنتش ضحت بحياتها عشاني.
فارس: ايه اللي بتقوله ده كل حاجه متقدره ومكتوبه وده نصيب ايه هنعترض.
ريم؛ قربت منه وحضنته اكيد هيا مبسوطه انك عايش وبخير بس انت كده بتزعلها ب كلامك وحزنك ده.
طارق: مسك ايد سعاد وباسها شكرا علي حبك ليا وانك عمرك محسستيني اني مش ابنك شكرا علي لهفتك اللي بشوفها في عيونك عليا شكرا علي كل حاجه.
سعاد: حضنته وعيطت بتشكرني علي ايه انت مصدق انك مش ابني. الام مش اللي بتحمل وتخلف وبس يبني لأ الام اللي تسهر وتربي وتعلم وانا ربيتك وكبرت قدامي اول خطوه خطتها كانت قدام عيني اول ابن كنت انت ليا اول ماما منك اول كل حاجه حلوه عشتها كانت منك يبني انا امك غصب عنك بقي ده انت انا لما كنت اتعب تسهر علشاني تزعل علي زعلي وتضحك علي فرحي انت بن قلبي واخويا وصاحبي وسندي يمكن نريمن الله يرحمها هيا اللي خلفتك بس انا اللي ربيت انا امك سامعني انا والدتك وانت ابني ونور عيني وعيطت بصوت مسموع
طارق: اسف والله اسف كفايه دموع ي سوسو انت عارفه اني مدب ف الكلام متزعليش من طروقه حبيبك ي امي وباس ايدها ودماغها.
والكل بيتفرج عليها ومتأثر علشانهم.
طارق: بس انا عايز اطلب طلب وياريت توافقوا انا مش عايز اقعد ف الشقه هنا مش هقدر اقعد فيها تاني الفتره دي
ريم وسعاد وحصل....... 😨
♡بقلمي نيره حسين ♡🍒