زواج عرفي - الفصل الاول - مكتملة | روايتك

زواج عرفي الفصل الاول *📚قصص||روايات||منوعة📚* _*بإدارة 📚قصص||روايات||منوعة📚*_🧡 *❴📖❵زواج عرفي* *❴🔢❵الـــبـــــــــــ❴الاول❵ــــــــــــارت* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏❴📝❵↵تـنـسـيـق:قناة:* *📚قصص||روايات||منوعة📚* *❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️* *|✒️|↜لـلإشـت͜ـࢪاڪ بـ قناة* *https://whatsapp.com/channel/0029VaNMcGuHFxP9VtPQOm2A* *📚قصص||روايات||منوعة📚* ➖➖➖➖➖➖➖➖➖ . ➖➖➖➖➖➖➖➖➖ *❴🧡❵↵ *يمان سعيد* 🧡 ➖➖➖➖➖➖➖➖➖ *❴📝❵↵تـنـسـيـق:قناة:* *📚قصص||روايات||منوعة📚* https://whatsapp.com/channel/0029VaNMcGuHFxP9VtPQOm2A *{😍}قــرا۽ة ممتعــه للجميــع* *{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة* 📚كتب ||روايات|| منوعة📚: للكاتبه مايا الحجازي رجعت من الشركه لبيتي عملتلو ترتيبه سريعه وجهزتلي اكلة خفيفه وعزلت غرفه القعدة عملت شاور مدلل وحطيت مرطبات على جسمي ووشي نشفت شعري ع السشوار وعملت تسريحه بشعري القصير الكستنائي وبدون مكياج لانو بشرتي صافيه وفاتحه البست فستان قصير لفوق الركبه ديق من عند الخصر وكلوش والو حمالات رقيقه كتير كانت الساعه سبعه الا يعني دقائق وبيوصل مثنى من شغلو طفيت ع الطبخه وسكبت الاكل وجهزت التبولة والعصير ورجعت للغرفه انطرو قعدت على كرسي قدام لمرايا وحطيت لمساتي الاخيرة ما بيخلى الامر من كم صورة سيلفي لحد ما سمعت صوت باب البيت عم ينفتح وهيك بنفس شعور كل مرة دق قلبي بسرعه وتنهدت اكيد بكون تعبان فات للحمام يعمل شاور رجع لعندي واول ما فتح الباب ابتسملي نيرمين:نعيمن مثنى:ينعم عليكي نيرمن:يلا دوبك تلبس الاكل راح يبرد مثنى:ماشي وقفت بمكاني اجى لعندي وحاوطني بأيديه مثنى:ما يبلى ريتو نيرمين :ههه تسلم...راح طالعلك بجامه مثنى:لا بس بلوزة بدي ضل بالشورت نيرمين:براحتك طالعتلو بلوزة وبدل ما يلبسها حضني من جديد وهو عم يبوس فيني نيرمين:يلا الاكل برد مثنى:اممم نيرمين:ههه لك حاجتك خلص مثنى:ماشي يلا اسبقيني جاييكي تركتو عم يلبس ودخلت للمطبخ حضرت لصحون وقعدت انطرو دخيل طلتو وقت شوفو جاي لعندي قعد قبالي وبلشنا بالاكل سوى نيرمين:شو لوين وصلتو اليوم بالشغل مثنى:تقريبا الربع نيرمين:كأنو صارت خناقه مثنى:اي سمعت نيرمين وعلى شو مثنى:كنت انا بالحمام بس كأنو عن النسوان نيرمين:ههه انو نسوان مثنى:تناقرو وغلطو على بعض لحد ما وصلو بسيرة العرض وقال شو مكبرين على بعض بالمسبات وفهمك كفايه نيرمين:اي الله يصلحهن مثنى:شو صار انفضت الشراكه صحيح نيرمين:لا راح يتكلف المحافظ بالشغل وبعدها بيستلم ابو حسان مثنى:يلا منيح هيك نيرمين:بس الشغل ماشي مية بالميه مثنى:اي انتي ادرى نيرمين:عم تتعب صح مثنى:اي كرمال عيش نيرمين:قول نعيش مثنى:عم تجبري خاطري..ههه انتي عايشه ومادياتك مرتاحه اما انا نيرمين:مثنى انا مرتك ونحن بالحال واحد مثنى:مرتي بزواج عرفي وازا بيدرو اهلك ليمصعو رقبتي ورقبتك نيرمين:لوقتها بتفرج خلينا مبسوطين مثنى:شو هالاكل هاد من ايدين ما بعدمهن انشالله نيرمين:تسلملي حبيبي مثنى:بتحبيني نيرمين نيرمين:بموت عليك يا عمري الله يحميك يا سندي مثنى:دخيل حكياتك نيرمين:اسبقني للغرفه جاييتك مثنى:اوك لا تتأخري لاني تعبان راح نام بدون هز اليوم نيرمين:ههه لك بالصاله استناني لا تروح تنام مثنى:يلا #مايا_الحجازي ‏ seirotsevol._ ‏ (2) راح وانا ضبيت الاكل وحضرتلو فنجان قهوة ليروق بعد تعب قعدت حدو كان ساند راسو بتعب تنهد تنهيدة طويلة استناول باكيت دخانو وولع وحدة ابتسمتلو وغمزني ياروحي شو بحبو وبموت فيه شغلت اغاني رقص ليروق وينسى تعبو وبالتحديد اغنيه يا منعنع وبلشت ارقص عليها وهو عم يتأملني شقفه شقفه وبعدها اخدني معو قبل خلص الاغنيه للغرفه نيرمين:ههه لك بدي طفي الاغاني مثنى:خليها نيرمين:لك ليش مستعجل مثنى:فارط من تعبي نيرمين:ازا هيك نزلني ليش حاملني مثنى:اخف من الريشه انتي نيرمين:تقبر قلبي ريتك ما اقدرت اغفى بس هو كان بسابع نومه تأملت جمالو ونومتو الهادية رغم التعب دخيل شعراتك ووشك وعيون ودقنك البست اواعيي وقبل روح رجعت لعندو لحتى خبرو انو انا رايحه وما كان يرد عليي نيرمين:مثنى....يا قلبي سامعني ما رد بس ما تركتو ضليتني عم بوس فيه لصحي بس ما فتح عيونو نيرمين:تركتلك المفتاح حدك راح اقفل بمفتاحي اوك مثنى:خليكي عندي نيرمين:ههه يلا باي...بشوفك بكرى غطيتو منيح بعد ما حطيتلو ابريق مي كرمال ما يفيق من نومو ويدور على مي بيتعب كتير وكل نهارو بورشه حفريات تابعه لشركه الكهربا الي انا مقاولة فيها البست جاكيتي وطلعت من البيت وقفلتو وبوشي ع سيارتي . وصلت للبيت الظاهر انو عم يتعشو نيرمين:مسالخير بابا:اهلا عارف:ليش شرفتي نيرمين:شوقصدك مرت ابي: ما قصد شي عارف: لا قصدت هي الساعه عشرة وينك لهلا نيرمين:فكرتها طنعش او وحدة عارف:احكي متل العالم بابا:عارف ....بوجودي ممنوع تحكي معها عارف:حاضر بابا:وينك لهلا نيرمين:سهرت مع صحابي مرت ابي:تعالي تعشي نيرمين:لا انا سبقتكن اتهنو انتو توجهت للدرج وشفت اخي سليم نازل ومتشيك ع الاخر نيرمين:شووو وين سليم:عندي لعبه شدة نيرمين:بالتوفيق طلعت لغرفتي بدلت تيابي وتمددت بالتخت وفتحت لشوف مثنى بس مسكر من الظهر ما بطيق الموبايلات ولو ما اشتريتلو تلفون ما بيشتري ابدن وكل همو انو يجمع مصاري ويبعت لامو واخواتو البنات رجعت للماضي للحظه الي التقيت فيه شي اقل من سنه ووقتها كنت انا متعهدة مشروع وهو عامل فيه ما راح من بالي وبالاخص وهو عم يحكيلي يا انسه وانا ابتسملو لفتني بشكل غريب وكان من المخلصين بشغلهن وافتكرت حالي موهومه بس طلعت عشقانه بدون ما حس اسمر بعيون بنيه فاتحه ووش مدور ودقن سودة وشعر اسود قصير بنفس الطول انا وياه وبنفس العمر ٢٣ سنه وبعد ما توطدت علاقتي فيه وهو لاحظ اهتمامي وكأنو كان ناطر مني اشارة وتبادلنا اكم حديث بالشغل وبعد كم شهر قررت انا انو نتزوج زواج عرفي(يعني بالسر) . ‏ seirotsevol._ ‏ (3) لانو معاد اتحملت كون بعيدة عنو ولريحو من اجارات شقق مو خرج السكن لهيك سكنتو ببيتي ومتوصيه فيه ...ياريت فيني نام ليلة وحدة معك متل باقي المتزوجين بس كمان هيك منيح عم نمارس حبنا بالحلال . اصحيت الساعه تسعه البست اواعي الشغل بنطلون اسود وبلوزة برتقاليه وفوقها جاكيت اسود طويل اشربت القهوة مع بابا ومرت ابي وبعدها شديت للورشه معي مخطط للحفر ومتر لقياس الشارع كانو ناطريني التقيت ب مثنى وعيوني تعلقو عليه بس ما كان شايفني كان عم ينظف الحفرة وبعد ما انتبهلي ما اكترث فيني ما بيحب يظهر لرفقاتو انو نحن على علاقه كان الشغل ماشي صحيح كنت شوفو كيف عم يصب تعب وعرق وعم يشتغل بأخلاصو المعتاد وبدون مهيصه وبس وصل المهندس المعتمد ترك الشغل مثنى واستلم عنو واحد تاني سلم عليي المهندس لؤي ووقفنا حد بعض وعيونو ما انشالو عني للحظه لؤي:شو كيف الشغل نيرمين:تمام لؤي:بس شادين الهمه نيرمين:بتعرف عل وشك مطر الجو وبكرى الحفر بتتعبى مي وساعتها راح نعلق لؤي:معك حق....شو رأيك نشرب قهوة نيرمين:غير مرة هلا مشغولة شوفت عينك لؤي:نص ساعه ما بأخرك نيرمين:عنجد مافيني ازا بيصير اي كسر او خربطه بخطوط المي انا بتكلف مو ناقصني لؤي:طيب براحتك تركني وراح بعد ما يأس من العزيمه ومثنى لسى عم يبحلق فيه غيرة رجل شرقي يعني شي طبيعي هديتو بأبتسامه هز راسو وشغل سيكارة وهو عم ينفخ تعب ويزور الرايح والجاي طبعن كفيت شغلي وبوقت الاستراحه وصيتلهن على غدا جاهز بكونو جوعانين انا مشيت حالي بسندويشه صغيرة ورجعنا للشغل بساعات لنهار القليله بعد ما خفت حرارة الشمس شوي لحتى انتهى الدوام اعطيت ل مساعدي يحاسب كل العمال وركبت بسيارتي هالمرة انطر مثنى ليرجع معي ع البيت حاسستو زعلان نيرمين:حبيبي انا ناطرتك بالسيارة ورا الشركه مثنى:يلا ماشي نطرتو شي خمس دقايق لحتى اجى فتح الباب وقبل يركب اطلع فيني نيرمين:شو ناطر مثنى:هلا بغبرلك السيارة نيرمين:فداك اطلع طلع وانا دغري شغلت ومشيت وحطيتلو اغاني نيرمين:شو حاسستك مو على بعضك مثنى:لا شو بدو يكون في نيرمين:عليي لك مثنى مثنى:المشكلة بتعرفي حالك وبتتغشمني نيرمين:ااه يعني كرمال لؤي مثنى:كأنو تشلخو حناكو وهو عم يضحكلك نيرمين:وانا ضحكتلو مثنى:لو كنتي مو مهتمه وما عم تطلعي فيه هو اكلك بعيونو...اي شو كان بدو منك نيرمين:اه ...كرمال المخطط لجديد واعتذرت مثنى:اي طمنتيني يعني مو شي تاني لهيك كان عم يضحكلك ويتمعن فيكي نيرمين:هو حر يسطفل مثنى:لولا العيب والحيا وكرمالك بس كنت قضيت على زهرة شبابو نيرمين:😂😂 مثنى:شو ليش وقفتي هون نيرمين:بدي جيب حلويات ‏ seirotsevol._ ‏ (4) تنهد وحمل تلفونو نزلت واشتريت كيلو حلو ورجعتلو وكملنا للبيت بولا كلمه نزلنا سوى وطلعنا بالمصعد وبس دخلنا البيت رن تلفوني وقفنا سوى انا بدي شوف مين بس مثنى ما بعرف ليش نيرمين:غريبه ...هي مرت ابي مثنى:ما بدك تردي نيرمين:خايفه يكون صاير شي مثنى:اي ردي نيرمين:ويمكن ارجع لا لا ما راح رد مثنى:ردي يمكن شي مهم رديت وانا مترددة نيرمين:اهلين خالتي مرت ابي:شو وينك جايه ع البيت نيرمين:اي خير في شي مرت:لا بس عمتك اجت وحابه تشوفك نيرمين:اي ماشي ما بتأخر لكن مثنى:بدك تروحي نيرمين:ما بعرف مثنى:روحي نيرمين:مع انو حابه نكون سوى وبكرى جمعه مثنى:اي معك حق بس مو مشكلة اقعدي نص ساعه وروحي نيرمين:كنت مقررة انضل سوى لوقت متأخر مثنى:مرة تانيه دخلت للمطبخ ضبيت الحلو ووقفت اتحزر روح او ابقى مع مثنى ...وكمان عمتي من شهور ما شفتها طلع من الحمام عامل دوش وابتسمتلو نيرمين:نعيمن مثنى:ينعم عليكي نيرمين:تشرب قهوة مثنى:اي بشرب ليش لا نيرمين:لكن ثواني بس عملتها وقعدنا بالغرفه مثنى:بكرى بدي شوفك نيرمين:اي انشالله...انت نام ولا تفيق بكير عوض ساعات التعب مثنى:لا اليوم بدي اسهر مع الشباب بالكافيه نيرمين:عنجد....مين ومين مثنى:الكل نيرمين:بأنو كافيه مثنى:ههه ليش عم تسألي نيرمين:ههه كرمال شوفك ازا طبعن اقدرت مثنى:ب كافيه المشرق نيرمين:اي ماشي انبسط حبيبي مثنى:بوجودك مبسوط نيرمين:انو وقت عمتي اليوم وهلا بعد ما جهزت الوضع للسهرة مثنى:.. نيرمين:يلا بكرى ما صار شي منسهر شربت قهوتي وودعتو وهو متمدد وعم يدخن وصلت للبيت وبس شافتني عمتي غمرتني عمتي:هي حصتي دخيلها الي بتشبه عمتها بكلشي عارف:ههه وبلمرجلة كمان عمتي:اخرس انت ‏ seirotsevol._ ‏ )5( نيرمين:مو قد ما بنطوش من كلامكن انا طالعه لغرفتي وراجعتلكن عمتي دافعيلي عمتي:روحي وانتي مطمنه اطلعت لغرفتي وعم فكر بكلام اخواتي يعني لو ما بعرفهن بقول حسودين بس يمكن معجبين بشغلي ههه لا وكاشفين طمعي بالمصاري اي في احلى من المصاري اكيد مثنى يقبر قلبي راح دقلو اكيد بكون لساتو صاحي نيرمين:نمت حبيبي مثنى اي على وشك نيرمين:طيب راح بتركك تنام مثنى:ما بعرف مو جاييني نوم لانك مو حدي نيرمين:هه كيف هيك مثنى:يعني من سنه لهلا عوديتني انت تنيميني نيرمين:ههه على اساس بيبي انت مثنى:اشتقتلك نيرمين:وانا بس هيك صار نام حبيبي مثنى:ازا اقدرت نيرمين:باي لبست بيجامه وانزلت اقعد مع عمتي وما خلت بهدلة ما نزلتها على راس بابا واخواتي ومرت ابي جهز الغدا وتغدينا وكل واحد رجع لغرفتو والمسا اجتمعنا بحديقه الفيلا عمتي:الله على هالسهرات والله وزمان سليم:خليكي كمان كم يوم عمتي:هيك ناوية عارف:شو سليم ما عندك سهرة سليم:الصراحه اي بس كرامه لعمتي انا هون عمتي:ييي دخيلو المزوق بابا:كتر خيرك الصراحه سليم:لا ولو ابو عارف خير الله عمتي:وين بتسهر بالعادة سليم:يعني حسب اوقات مع رفقاتي بشي مطعم او بالكافيه ليكون نفسك بشي سهرة عمتي:اي ياريت نيرمين:خلونا نروح لكن على شي كافيه عمتي:اي جبتيها عارف:اي والله وبتطلبيلك نفس اركيلة ولا شو عمتي عمتي:اي بدها ليش لا عمتي:بدي نفس عن روحي نيرمين:يعني نجهز حالنا عارف:انتي شو دخلك عمتي:انت اخرس لكن بدي روح بدون نيرمين عارف:هي بدون شي ما بتفوت البيت عمتي:صحيح عمتي نيرمين:بكون بالمشروع عمتي عمتي:الله يعطيكي العافيه...يلا لكن لروح جهز حالي انا كمان سليم:وانا معزوم عمتي:الكل عارف:اي وبابا كمان عمتي:لا خليه مع مدامتو هون بابا:ههه مرت ابي:على اساس عم تخلولنا الجو عمتي:اي اكيد توجهنا لغرفنا وطلعنا سوى كانت عمتي على اخر طراز تيور مرتب وتصفيفه شعر غير شكل وانا البست بلوزة بيضة وبنطلون اسود وفوقو جاكيت اسود رسمي واخواتي كل واحد على اخر موضة وتحزرنا على انو كافيه انا نفسي روح للكافيه الي بدو يروحلو مثنى لازم شوفو اليوم اشتقتلو لهيك انا حكيت لعمتي نروح على كافيه المشرق وما ردتني بتوثق بزوقي كتير وصلنا لهنيك وفتشت بعيوني عليه ما شفتو بس قعدت مقابيل مدخل الكافيه وكل شوي اتفقدو لحتى شفتو نازل من سيارة اجرة ومعو كم واحد من رفقاتو كان لابس بلوزة سودة وبنطلون جينز غامق وبوط رياضي وحاطت طائيه على راسو يمكن ما انتبهلي فتحت تلفوني وبعتلو رساله"انا هون". [تفاعلو لكفيها ] ❤❤❤🙈🙈🙈🙈 ‏ seirotsevol._ ‏ (6) شفتو عم يطلع بالكل ويمكن ما شافني قعد مقابيل الطاولات وعم يفتش يالطيف بيسحر وهو شارد عارف:شو نيرمين بشو صافنه سليم:قصدك لمين مبتسمه عمتي:ايوا وانتو شو دخلكن فيها عارف:لا ما دخلنا اصلن مين نحن لندخل نيرمين:لك لا ولاشي بس شبهت على حدا كنت معجوقه منهن لاخواتي وبعتلي رساله"عم قول ليش الكافيه منور"يعني شافني رفعت نظري شوي شوي عليه وابتسمتلو وهو ابتسملي بطرف تمو وكملنا عمتي طلبت نفس اركيلة واخواتي جنو عليها وبلشو تسفيئ"طيييببه عمتووو:عارف:ايه ما تبلا ريتها عمتي:اقعدو انت وياه احسنلكن سليم:والله يا عمتي من بعدك ما حدا يشرب عارف:اي والله شو بتحبي تشربي عمتي:على زوق نيرمين كنت عم وزع ابتسامات وطلبت قهوة وسليم عرض عليي اركل بس ما رضيت الدكتورة حمتني عنها وانا بلتزم بالتعليمات شردت بمثنى ويمكن شغلتلو تفكيرو كان كل شوي يطلع على طاولتنا وانا مو شايفه غيرو بكل المكان وهو كل شوي عم يشغل سيكارة همستلي عمتي :شو وين سارحه ليكون في شب هون عاجبك نيرمين:انتي يا ويلي منك عمتي:اشريلي عليه نيرمين:هههه بس لا يشتلقو سليم وعارف...هداك الي قاعد قبالنا ولابس طائية عمتي:ايه بيطلع منك ومعجب هو فيكي "بقلبي هههه جوزي هاد يا عمتي " نيرمين:لا بس عم يبادلني النظرات عمتي:ما بدها وقفه لازم تبادليه نيرمين:ههه دخيلك انا عمتي عندها هالشغلات عادي وبنظرها كل ممنوع مرغوب لهيك بتحب تدخل وتنصحني بدون ما تحسسني بالذنب هي ربتني بعد وفاه ماما وانا معلقه فيها بشكل كبير هي قبل اتجوز مثنى بس من وقت دخل حياتي نسيت حالي ومعاد شفت غيرو.ومعاد حسيت بالدفا والامان غير معو . بعد قعدة طويلة تبادل احاديث وضحك ومسخرة وتأخر الوقت اتصل بابا ليطمن علينا وهيك قررنا نرجع ع البيت وقفنا سوا واستقصدت كون الاخيرة فيهن اخدت جاكيتي وحطيتو على ايدي واطلعت من الكافيه ولساتو عم يطلع فيني وصلنا للبيت كنت بعالم تاني اسمو مثنى ما قدرت كفي السهرة لانو صحيت بكير تمددت بتختي سمعتلي كم اغنيه وراقبت تلفوني على امل يتصل فيني بس الظاهر سهرتو طولت بدلت تيابي ورن تلفوني بابا:سبحان الله بكلشي يا وردة بتشبهك عمتي:تقبريني يا بنت اخي نيرمين:بعيد الشر عنك قعدنا سوى وشكلو في وليمه غدا عمتي:اي كيف شغلك نيرمين:تمام هون سليم ادخل وهو عم يوزع ابتسامات سليم:الله وكيلك كأنها وحيد وراجع مهندس بورشه حفريات بابا:ليكون مو عاجبك وحيد سليم:له يا بابا انت على عيني وراسي بس هي لازم تستلم مكان بشركتنا مو بشركه الكهربا عارف:بس اربحلها بيني وبينك نيرمين حاسبتها صح بتدفع صحيح بس مردودها اكبر نيرمين:خمسه وخميسه بعيونكن انشالله سليم:ههه خايفه مننا نحسدك بابا:لا لانو هنن مو عارفين يشتغلو صح ويخططو ...اي استلم الشغل ابو حسان نيرمين:لا بابا لسى عمتي:الله يحميكي وبتتعبي سليم:لا هي ماسكه المخطط وعم تأشر للعمال يمين شمال وحاملة المتر على اساس مهندسه نيرمين:مقاولة لو سمحت عارف:وما بتنطوشي بصوت الاليات نيرمين:اهلين يا عمري مثنى:شو ما نمتي نيرمين:ناطرة اتصالك مثنى:اي شو عاملة نيرمين:على وشك النوم مثنى:وانا متلك نيرمين:زمان وصلت مثنى:من نص ساعه نيرمين: شو عامل مثنى:ما راح تحزري نيرمين:بدك تنام اكيد مثنى:اي بدي نام ومستفقدلك كتير نيرمين:هههه بكرى منقضي لنهار سوى مثنى:اي راح بنطرك بردان انا نيرمين:تغطى منيح مثنى:اي متغطي ولساتني بردان نيرمين:هههه فهمت عليك حاجتك تلميحات مثنى: ههه كاشفيتني لكن نيرمين:شو اعملك مثنى:تعالي لعندي نيرمين:يلا لكن افتحلي‏ seirotsevol._ ‏ (7) نيرمين:تغطى منيح مثنى:حاضر نيرمين:تصبح على خير مثنى:وانتي من اهلو بس بدي قلك شي نيرمين: شو مثنى:عم شم بتيابك عم ونس حالي انك حدي نيرمين:ههه لا انت مو معقول باي باي انبسطت كتير من كلامو هو من النوع الكتوم الي بيجاوب بكلمه وما بدخلني بحياتو الشخصيه ابدن ودمو حامي لدرجه وقت يشوفني واقفه مع مهندس بيضل عم يتزاور كلشي في ناس . يوم الجمعه ما اقدرت اتهرب من البيت بوجود عمتي بس ضليتني ملبكه وبدي اتحجج بأي شي لاطلع ما لقيت حالي الا واتصلت ب رفيقتي ايناس وواعدتها انو شوفها ببيتها وراح التزم بس كرمال ارجع لعند مثنى ما اقدرت افطر ودغري جهزت حالي البست فستان لتحت الركبه لونو سماوي وفوقو جاكيت نصي جينز وسكربينه عاليه شوي واخدت جزداني وبوشي لعندا تسايرنا وبعدها اعتذرت عن الغدا واطلعت على بيتي كنت مبسوطه كتير راح شوف مثنى واكيد مرتاح اليوم لا شغله ولا عمله فتحت بمفتاحي وتوجهت للمطبخ على ريحه الاكل طبعن كان حايص وعم يجهز اكلة طبعن المطبخ لا يوصف وريحه البيض واصله للمريخ ما انتبهلي على قد مانو معجوق ما لقيت حالي الا وفرطانه ضحك التفتلي دغري وباين عليه اثار الاصطهاج مثنى:اجيتي نيرمين:خلصت مثنى:ههه تكه وبكون طبق البيض جاهز نيرمين:ما صار مثنى:لا هاد طبق خاص بدو طبخ شي خمس دقايق كفى طبخو وانا عم اطلع على لفطور المتواضع الي مجهزو غليت ابريق الشاي وحضرت الكاسات وقعدت انطر الوليمه بس كانت من اطيب الاكلات صحيح ريحه البيت معبئه منو بس ما لازم اظهرلو الانزعاج. مثنى:شو عجبك نيرمين:متلك بيجنن مثنى:يعني بنفع كون شيف نيرمين:واحلى شيف ...هلا صحيت مثنى:يعني هيك شي نيرمين:تأخرت لنمت مثنى:لا دغري نيرمين:حبيت مفاجئتي الك بالكافيه مثنى:اي بتجنن وانقهرت منك كوميات نيرمين:مني انا ليش مثنى:يعني مع عيلتك ومالي حق فيكي نيرمين:شو نعمل طلع بأيدنا شي وما عملنا...يعني مانك مبسوط بحياتك معي مثنى:بلعكس من احلى ايام عمري بس كمان لو الشغله رسميه وعلى عيون اهالينا احلى نيرمين:دايما انشالله مثنى:انزعجتي صح نيرمين:لا اكيد بس انت الي راح تنزعج مثنى:فهمان عليكي ونفس الشغله اهلك ازا بيعرفو ما بتعرفي شو ممكن يعملو فيني وفيكي نيرمين:انت ما الهن فيك انا وبس بالواجهة مثنى:اي انا دايمن رجل كرسي بحياتك نيرمين:ليش هيك عم تحكي مثنى مثنى:مو هيك انا نيرمين:لا اكيد مو هيك مثنى:يلا طمنتيني شوي نيرمين:... مثنى:لا تزعلي بس هاد واقع نيرمين:واقع شو مثنى:انو انتي الكل بالكل وانا نيرمين:خلص لا تكفي ما بدي نتخانق على شغله متل هي مثنى:تافهة نيرمين:.... انسحبت من الحوار انا جاي لاقضي يوم حلو معو مو لينسم بدني ‏ seirotsevol._ ‏ (8) مثنى:سبحان الله ما بيعجبك كلامي لانو صح نيرمين:انا سكتت لانو ما بدي اخلق مشاكل وبس مثنى:انا مشكلجي صح نيرمين:لا مو صح وانا ما حكيت هيك بترجاك مثنى خلص مثنى:اي خلص معك حق خلص انتي بدك تحوليني لعبد بأيدك نيرمين:لا انت مو معقول مثنى:لا معقول ونص نيرمين:... مثنى:انا من اول ما عرضتي عليي الزواج وعرفي كنت واثق من العيشه هي نيرمين:شو صاير عليك مثنى:لا ولاشي متلي متل كل هالرجال ما الي حق ادخل بشغلك ولا مقاولاتك ولا بحياتك مع اهلك وعادي كل شوي بيجي كادر رجال وهيك بتتناقشو وبتعرفي كل الشخصيات المهمه وانا..هع انا عامل تحت ايدك نيرمين:خلص مثنى شو صرلك لهدرجه مدايقك شغلي مثنى:لا مدايقني حياتي معك وبالاخص انو ما الي حق بمرتي بس ما بلومك الك بلوم حالي على هيك صفقه انا حمااار نيرمين:لانك تجوزتني مثنى:لا لاني قبلت بهيك عرض ولا كان خطبتك وتزوجتك حسب الاصول نيرمين:لا تضحكني مثنى لانو اهلي ولا يمكن يقبلو فيك زوج الي مثنى:اي بعرف شي اكيد لانو انا مو من مستوى ابوكي الباشا وحيد صاحب اكبر العقارات والشركات بالبلد ولا اخوكي الحوت عارف ولا اخوكي سليم الي بالع نص البلد بواسطه ابوكي (كان عم يستهزء بكلامو ) نيرمين:بكفي مثنى بكفي لهون وبس سيرة بابا واخواتي لا تجيبها على لسانك مثنى:ليش ولا انتي متلهن بتطلعي بالناس من القمه نيرمين:لك شبك ليش هيك انبحتت عليي ليكون الك تار مع بابا واخواتي وجاي لاتستردو مني مثنى:ليش مين انا نيرمين:بس يكون بعلمك اهلي مو متل ما عم تتهمهن مثنى:انو بيطلعو بالناس من القمه بس هنن اكيد تبع بلع المصاري والواسطات نيرمين:لا لهون وبكفي مثنى وقفت وتماسكت قد مافيني لاكتم الدمعه البست جاكيتي بسرعه واخدت جزداني وتوجهت لباب البيت وقبل اطلع مسكني وشدني لعندو مثنى:اسف حبيبتي نيرمين :ماني حبيبتك مثنى لا تقول حبيبتك مثنى:😂قلبي وروحي هزيت الورد لشمو نيرمين:لا انت استقصدت تجرحني مثنى:بجرح روحي وما بجرحك بس من زمان ما تناقرنا وقلت بهزلك بدنك احب على قلبي شوفك هيك متوترة لا تزعلي ضمني بقوة وحاولت اسحب حالي منو ما اقدرت وكنت عم حس على صوت ضحكتو الي روقتلي اعصابي بس ما اظهرتلو‏ seirotsevol._ ‏ (9) نيرمين:بعد عني مثنى:دخيلو الي بيزعل دغري نيرمين:خلص بعد عني مثنى:ولا يمكن لازم راضيكي نيرمين:برجع بعدين مثنى:وليش بعدين وانا ناطرك على نار شو رأيك نتحمم انا ما اخدت دوش اليوم نيرمين:مالي خلق مثنى:بروقلك اعصابك نيرمن:ما بدي رايحه اتغدا ناطرتني عمتي اخدت تلفوني واتصلت فيها لزق فيني وحط ادنو كمان على سماعه التلفون نيرمين:اي عمتي وينك عمتي:بالبيت نيرمين:كأنك متصله فيني عمتي:لا حبيبتي ما اتصلت نيرمين:لكن هي مكالمه فايته عمتي:يمكن وينك انتي نيرمين:بطريقي ع البيت عمتي:جيبيلي معك بزر ومكسرات نيرمين:حاضر عمتي سكرت معها ونزلت التلفون كان مبتسم مثنى: اي مو متصله فيكي نيرمين:شو انا كزابه يعني مثنى:وما راح خليكي تروحي نيرمين:لاتحاول فيني خلص تعكر كل مزاجي مثنى:ههه ولا احلى من هيك قفل الباب وضل ساحبني وراه للغرفه وتزاورنا بعض قعدت على طرف التخت بس هو تمدد واسترخى مثنى:اي وبعدين نيرمين:ما بعرف مثنى:روقينا حبيبتي نيرمين:خلص مزاجي وانا صاحبتو بروق على كيفي ضليت على نفس المود ورغم تودداتو وملاطفتو بس انا اعصابي مشدودة لدرجه مو قبلانه احكي معو شدني لعندو وكان عم يستنشق انفاسو من شعري مثنى:مقهور منك نيرمين:.. مثنى:انا مبارح حسيت بفقداني الك صحيت وانا عم دور عليكي ما اقدرت اغفى ولا شوي اعطشت وما قدرت روح جيب مي تعودت على دلالك المستمر واشتقتلك وحسيت الغرفه بدونك عتمه مافيها روح يمكن لاني تعودت عليكي انفعلت وقت تزكرت هالليلة الصعبه نيرمين:ما بعمري نمت عندك يمكن مرة بس يوم تزوجنا كيف تعودت مثنى:كل يوم عم نغفى سوى وانتي بتروحي ما بحس عليكي للصبح وبشوفك بالشغل بس مبارح اول مرة بنام هيك نيرمين:وانا شو طالع بأيدي مثنى:ازا عرفانه زواجنا غلط ليش اصريتي ع الزواج نيرمين:لاني بحبك وكرمال ما تكون علاقتنا بالحرام مثنى:وما سمعتي وقت الشيخ حكا انو الزواج بدون علم الاهل يعتبر باطل نيرمين:هاد مو شيخ وبعدين شو دخلو هو...خبر اهلك ازا بدك بس انا لا مستحيل ما فيني مثنى:لايمتى يعني نيرمين:.... سكتت وبقلبي حسرة "بس لاحمل منك مثنى وبعدها راح حاربهن ما بهمني " مثنى:يمكن طريقنا يكون مسدود نيرمين:لشو كل هالنكد خلينا هلا عايشين ولا تخاف عثرات الزمان كتار حسيت على نفسو الطويل سحبو ورجع طالعو وكأنو مخنوق وانا لسى عند موقفي ‏ seirotsevol._ ‏ (10) لبست اواعيي بعد ما شفت عشر رسايل من عمتي وبابا متصل فيني لازم هلا روح بعد ما نيمت مثنى السهران طول الليل عم يفكر فيني اخدت جاكيتي من تحت ايدو شوي شوي ودغري لبستها عدلت شعراتي وبوشي ع السيارة اشتريت لعمتي الي وصتني عليهن كانو ناطريني ع العشى وما توقعت تكون الساعه عشرة معقول الوقت هيك مضى بسرعه عارف:شو تأخرتي عند رفيقتك نيرمين:اي عزموني ع الغدا وما اقدرت اتهرب بابا:بس مين منهن نيرمين:ايناس ما بتعرفوها عمتي:هاتيلك بوسه ياروح عمتك بوستني وهمستلي"ما سدءتك" انجبرت ابتسم اطلعت لغرفتي ركض سكرت الباب وقعدت بأرضي وجع راسي مو طبيعي كنت عم اتزكر كل شي من شهور تقريبا اللحظه الي شفتو فيها . بالورشه كان اول يوم دوام الي مع الشركه لجديدة وكنت متحمسه بشكل مو طبيعي ما شفت كل العمال بس الكل عرفني اني المسؤولة عن المشروع رغم صغر سني بس كانو عم يسمعو تعليماتي ومن بين العمال لفتني مثنى الي كان عم يشتغل على الاليه بدون ما ينتبهلي وبوقت الاستراحه طلبتلهن قهوة واصر انو يشربها سادة واستغربت منو ما شفت ملامحو بس شفت هيبتو طولو وسمارو لبعيد وبعد ما قرب حسيتو اكلني بعيونو وكنت عم بادلو بنفس النظرات بدون ما حس على حالي هيك لاخر الاسبوع استويت ع الاخر بالبيت كنت عم فكر فيه كل شوي كل ثانيه لحد ما استسلمت وقف عندي يمكن كان مستقصد وسألني مثنى:المشروع بيخلص هالشهر نيرمين:انتو وهمتكن مثنى:هي عم نركض وما عم نلحق نيرمين:وانا شوفت عينك ما عم استريح ولا يوم ولازم سلم المشروع خلال هالاسبوع مثنى:اي نحن على وشك الانتهاء ...انتي التزمتي بس بالمشروع هاد نيرمين:لا فيك تقول العقد لمدة سنه وقابل لتجديد مثنى:اي كتير منيح كنا عم نحكي ونحن عم نراقب الشغل لحد ما ندهلو البديل وحكالو تعال استلم عني. بعد فترة عملنا احتفال صغير بقلب الشركه لنجاح المشروع وهيك بلشت علاقتي تتوطد مع العمال بس مثنى كان استثنائي كنت استقصد قرب منو لاحكيه قلبي لهلفلو بدون ما حس على حالي كنت حب الشغل بس بعد ما عرفت مثنى صرت اعشقو عزمتو على فنجان قهوة وما تردد وبعد كم مشوار انا صارحتو بمشاعري بدون خوف وبدون تردد وحكالي انو ملاحظ اهتمامي وهو اهتم فيني ومن بعدها خلص معاد قدرنا نوقف هالحب كل يوم عن يوم عم يزيد اقترحت عليه انو نتزوج وما تردد للحظه . زفرت بتعب ليش اليوم متغير عليي شو صاير معو ظروف لحتى احتاجني بس هالليله انا كل جمعه بتركو لحالو بس مبارح كان غريب نظرات اعجابو ما بتتغير . ‏ seirotsevol._ ‏ (11) اغاني فيروز من الراديو بعدك على بالي عرفت انو هي عمتي حكايتها مع فيروز ما بتخلص وشميت ريحه القهوة غسلت وشي ونزلت للمطبخ كانت بس عمتي والخدامه صبحت عليها لساتني ببجامه النوم عزمتني على فنجان قهوة وما رديتها عمتي:اي حبيبتي ما حكيتيلي نيرمين:عن شو عمتي:مبارح نمتي بكير نيرمين:تعبت عمتي:بس ابوكي واخواتك مو هيك مفكرين نيرمين:شو مفكرين لكن عكتي:بدك الصراحه عارف ما سكت ولا للحظه وحكا لابوكي عيونها ونظرة العشق الي فيهن واضحه يا اما لاحق بنتك يا اما اتركني شوف شغلي معها نيرمين:هلا هيك بس عمتي:اي بدك احسن من هيك نيرمين:بتعرفي عمتي انا ماني سأله عن هالحكي ابدن انا ما عدت صغيرة انا بعرف شو بدي ولشو خلقت انا ماشيه بالطريق الصح وعارف ازا بدو يواجهني ما يحكي من قفا ظهري عمتي:هو ما بدو يجرحك نيرمين:لا هو بيفكر عن بعد ليخلي بابا بالصورة ويا ستي اعشقت وين الغلط عمتي:خلص سكري ع الموضوع بس ديري بالك من تحركات عارف نيرمين:اي ما بيقدرلي انا عندي عيون شغاله ليل نهار عمتي:رايحه للشغل نيرمين:اي بعد دوش دافي دوبني الحق يلاا باي عمتي:راجعه انا اليوم ع حلب نيرمين:عنجد اي ساعه عمتي:اربعه نيرمين:خلص راح كون موجودة طلعت لغرفتي اخدت دوش وحطيت مرطب على وشي وايديي مشطت شعري والبست بلوزة خضرة وبنطلون جينز غامق وبوط برتقالي والبست الطائية اخدت الشنته والمخطط وطلعت من البيت قبل التقي بحدا طلبت للعمال فطور وكفيت لموقع الشغل كانو عم ينطروني وعم يمهدو للشغل شافني مثنى بس ما اهتم سند حالو وهو عم يشرب سيكارة نيرمين:يلا جاهزين عبود:اي اكيد نيرمين:بس كأني شايفه الهمه بالارض ساهر:بدك الصراحه اي نيرمين:خلص لكن فركشو ساهر:مو هيك قصدنا نيرمين:نوروني لشوف عبود:قبل توصلي اتفقنا نيرمين:وعلى شو عبود:ع المصاري قصدي اليوميه نيرمين:ما عاجبتكن ساهر:هلا لا تفهمينا غلط بس انا عم حط نص يوميتي اجارات نيرمين:والحل عبود:انو تنصفينا نيرمين:خلص بلشو شغل هلا وبعدها منتفق ساهر:يعني ما زعلتي نيرمين:لا ابدن يلا دوبنا نخلص والجو بارد ادعو ما تمطر وقفت على راس الشغل واستنيت لحتى وصل لفطور وندهت ل لؤي اتناقش معو بالخصوص هاد وقفنا قريب من الشغل نيرمين:قال مو عاجبهن اليوميه لؤي:انتي مدلليتهن نيرمين:يمكن معهن حق لؤي:وبدك تزوديها نيرمين:اي طبيعي لانو همتهن بالارض وبدي استأجرلهن باص خاص للمواصلات لؤي:وبطريقك افتحيلهن سكن نيرمين:مش غلط لؤي:على فكرة الي صاحلهن مو صاحح لغيريهن في عمال بتطلع عيونهن وما بيشوفو اليوميه وعم يشتغلو من تم ساكت بس هدول اخدو وش نيرمين:بس مو حق انو يتعبو بدون راتبهن ‏ seirotsevol._ ‏ (12) لؤي:وعلى فكرة هي غير بورشتك فطور وغدا نيرمين:كلو فيو اجر ليش لاحرمهن لؤي:طيب ليش ما بيحسبوها هيك نيرمين:خلص انا راح زود الراتب لؤي:اي منيح كتير تركتو بسرعه قلبي راح يطلع من مكانو نظرات مثنى الي شلتني بس تظاهرت بالبرود كفينا شغلنا وبعد ما خلص الدوام جمعتهن كرمال الراتب ولاخبرهن انو هي اخر زيادة ع الراتب وكتير انبسطو نيرمين:شو ساهر افندي منيح هيك ساهر:اي كتير الله يزيدك من نعيمو يارب نيرمين:ما بدي اعتراضات بعد اليوم عبود:بس احلى ما نحكي وع الفاضي نيرمين:وانتو كمان عم تدللو ساهر:خلص منوعدك هي اخر مرة منطلبها منك نيرمين:اي بكون احسن وكل واحد يلتفت لشغلو مثنى:يعني خلص الدوام نيرمين:اي الجو على وشك المطر خلص طفو الاليات وكل واحد على بيتو وانت ساهر زبط القواطع منيح قال مبارح واحد واقع بالحفرة ساهر:ههه هاد بدو تعويض نيرمين:شايفلك الكل بدو مني عبود:انتي كريمه نيرمين:بس انتو ما بتستاهلو كلهن ضحكو عبود:له الله يسامحك نيرمين:امين يارب ... ساهر:منوعدك نوصل بكرى بكير نيرمين:اي وبطريقك اعملي كامل القياسات ع الطول وما بدي مهيصه بعد اليوم تركتهن مبسوطين ووقفت عند سيارتي انطر مثنى ليطلع فيني حط راتبو بجيبتو وودع رفقاتو اشرتلو براسي كالعادة وضل ساحب لبعد الشركه ركب معي من هنيك نيرمين:متفقين عليي لكن مثنى:هاد ساهر حرضهن نيرمين:اي بعرفو مثنى:اصلن ما كانو شاكين انو ما توافقي نيرمين:اي وليش انت ماطلبت متلهن مثنى:ههه حبيتها هي نيرمين:شو حكوو كمان مثنى:هنن ما بيسكتو نيرمين:اي حلال عليهن وعليك مثنى:مافيني افسد بكرى بتعاقبيهن نيرمين:لا خلص ما بعاقبهن مثنى:نيرمين نيرمين:عيونها مثنى:ع البيت صح نيرمين:انا بدي روح ودع عمتي مثنى:كنت حاسس نيرمين:بحاول بعد ما تروح مثن:ما تتأخري ما راح نام الا لتيجي نيرمين:انت نام وانا بس اوصل بصحيك مثنى:اي بحاول...في موضوع بدي احكيه معك نيرمين:بخصوص شو مثنى:خلص لوقتها نيرمين:لمحلي مثنى:هو طلب صغير نيرمين:خلص ماشي وصلتو للبيت انشغل بالي شو بدو يطلب مني بس شكلو متوتر قبل الطلب وصلت ع الموعد ودعت عمتي وصلها عارف وبالفترة هي انا ارتحت سليم بنفس اللحظه طلع من البيت وبابا ومرتو راحو مشوار وانا دغري حضرت حالي لروح لعند مثنى وهيك طول الطريق وانا عم اتزكر برودو وقت العمال حكو معي وكيف كان عم يطلع فيني وبعد ما وقفت مع لؤي ترك كلشي وقف يطلع ويتزاورني امرو عجيب بس لازم اتحملو انا وياه روحين بروح . ..... (تفاعلوووووو 😭😭😭)‏ seirotsevol._ ‏ (13) فتحت بمفتاحي صوت التلفزيون كان واضح بس مثنى مو بالصاله ندهتلو ورد عليي من الغرفه دخلت لعندو كان عم يلبس بلوزة اللبيجامه نيرمين:بردان مثنى:يعني هيك شي نيرمين :راح بعمل القهوة مثى:اوك عملت القهوة وحطيت صحن حلويات كان حاطت ايديه بجيابو ومادد رجليه ع الطاولة وناطرني ظل مراقبني لقعدت حدو مثنى:شو هالقميص نيرمين:حلو مثنى:هلا الاصفر مو حلو بس انتي حليتيه نيرمين:عم تتغزل يعني مثنى:يسلموو نيرمين:اي شو هالطلب مثنى:ههه من اولها خلينا مبسوطين هلا قربت منو وضمني تحت كتفو نيرمين:شو عملت بس وصلت مثنى:دوش سريع وضليتني بمكاني لبردت ووصلتي..وانتي نيرمين:ودعت عمتي وجهزت حالي واجيتك مثنى:شو بدك تشاركيني القهوة نيرمين:اي ...مثنى انا معاد استنى اطلب هالطلب وخلصني مثنى:طلب عادي نيرمين:شو ما كان مثنى:انا بدي استلم الاليه عن ساهر نيرمين:ليش مثنى:انا عم اتعب وانا عم ارجع وانظف الحفر واصلن هي مو شغلتي انا اول ما استلمت ع الاليه بس من وقت فات لؤي عيين ساهر نيرمين:عنجد مثنى:اي و اعترضت بس ما رد لؤي نيرمين:وليش لهلا ساكت مثنى:انا كل ما قرر لاحكيلك برجع بقول بلاها بس معاد اتحمل هلا حكيت نيرمين:خلص ما صار شي من بكرة استلم الي بدك اياه مثنى:لا مو هيك انتي اطلبيني بالاسم وخبريهن وعلى مسمع لؤي وساهر ليعرفو مو انا الي تحططت عليهن نيرمين:يا عمري الف طلب من هالطلب ولا يهمك مثنى:بس ما تفكريني عم استغل منصبك نيرمين:لا بالعكس وانا لاحظت بس فكرت هاد شغلك مثنى:لا شغلي ولا شي بس مرة تخانقت مع لؤي وهو عمل هيك نيرمين:وعلى شو مثنى:على شغله ناكته نيرمين:طيب احكيلي مثنى:من فترة كان واقف مع شب وما كنت متأكد انو قاصدك بالحكي نيرمين:حكي عني انا مثنى:اي كان واقف مع شخص كنت قريب منهن ما شافوني وكان عم يتغزل فيكي نيرمين:لؤي مثنى:اي ضراب نيرمين:شو حكا مثنى:كتير شغلات والاهم انو يا هيك المقاولين يا اما بلا وانو انتي مافي منك نيرمين:بس هيك مثنى:خبص كتير بس هاد الي فيني احكيلك اياه نيرمين:وكيف تخانقتو مثنى:انا شلتلو اياها واستقصدت انفض عليه تراب وتعالقنا ومن وقتها ما بطيقني هو نيرمين:هههه عنجد...بتغار عليي مثنى:بس بغار بموت غيرة انا بس هيك مافيني اعمل شي غير عصب وبس نيرمين:ههه بتهون مثنى:انا بعرفك منيح وبعرف انك مربايه بس لؤي مو خرج يكون ابن عالم وناس انا ما بحب خلطتك فيه نيرمين:بس هو المهندس المعتمد مثنى:الله يلعنو نيرمين:يلا بدها طولة بال مثنى:يلا عم اتعود على كل شي نيرمين:هلا فهمت سبب العداوة مثنى:ولاخر يوم بعمري راح فرجيه قيمتو نيرمين:خلص يسطفل النا بحالنا وبس مثنى:اي امبلا ‏ seirotsevol._ ‏ (14) سهرنا سوى ورغم اقناعو الي بأني نام عندو رفضت دغري وبالاخص بعد كلام عمتي عن عارف كنت دفيانه كتير بس معاد بدي ابقى اكتر حسيت بنعس لهيك سحبت حالي منو مثنى:شو لوين نيرمين:بكفي سهر راح تصير تسعه حابه ارجع قبل العشرة مثنى:كمان شوي ما شبعت منك نيرمين:ولا راح تشبع بدي روح مثنى:طيب ماشي بس ما راح سامحك نيرمين:لا حنون ما بتعملا فيني على كلن بشوفك بكرى مثنى:اي ...مافي غمرة قبل تروحي نيرمين:هه لا في اكيد........يلا مثنى حاجتك بكرى بشوفك طلعت من البيت دغري وما سدءت ايمتى وصلت لحط راسي ونام بالورشه قبل يبدا الشغل جمعتهن بس وصل لؤي نيرمين:من اليوم راح ارجع عيد الترتيب لؤي:ترتيب شو نيرمين:يعني مو عاجبني هاد الوضع ساهر بيرجع لتنظيف الحفر ومثنى بيستلم مع كامل الشغل ع الاليه ساهر:متل ما بدك نيرمين:ومعاد بدي تبديلات ما الها لزوم وممنوع اي حدا يبدل مكان حدا بدون علمي لؤي:خلص ولا يهمك بس ليش نيرمين:مو ملاحظين انو عم نضيع الوقت ومبارح استعجلني المحافظ يعني لايمتى لنقضي السنه بالمشروع هاد وعلى حد علمي ما بياخد وقت الا شهر عبود:بس نحن قريب نخلص نيرمين:بعد شو..بس متل ما خبرتكن ويلا كل واحد على شغلو وبدي تخففولي مدة الاستراحه يعني فطور وغدا وهي كل شوي سيكارة الغوها بس ترجعو على بيوتكن اشبعو دخان لؤي:ههه شو معصبه اليوم نيرمين:لا معصبه ولا شي بس ملاحظه انو انا عاطيتكن وش بدون ما حس لؤي:خلص الي بدك اياه بيصير يعني سلمك المخطط اليوم نيرمين:عادي ماعندي مشكلة بس بدي اياه دقيق ومفصل فيه كلشي وانت عبود من بكرى بتشمعلي الواجهة راح جيب عمال لنطم الحفر عبود:الي بتشوفيه سفئتلهن (يلا انتهى الاجتماع) وانبسطت وقت شفت مثنى مبسوط وعلم على لؤي الي ما قدر يعارض بشي هو لو من زمان حاكيلي ما خليتهن يعملو فيه هيك وقفت لاعطيه التعلميات وانا عم اشتغل مو سمعانه شي حسيت على ايد على كتفي اطلعت وشفت عارف نيرمين:عارف شو جابك لهون عارف:تعالي عاوزك بموضوع نيرمين:ما بيتأجل شوي عارف:لا اعطيتو اشارة ليكفي ورحت مع عارف لعند سيارتو نيرمين:خير شوفي عارف:شو الهمه فوق نيرمين:اي اكيد عارف:على كلن جايكي كمان بخصوص شغل نيرمين:هلا شوفت عينك ماني فاضيه عارف:الشغل الي انا وليه نيرمين:عههه اي على عيني انت وراسي امرني عارف:قلت مادامك بالشغل واكيد ما راح نشوفك هلا بدي ترسميلي مخطط كامل نيرمين:ليش...كرمال شو عارف:كرمال المعمل بدي حولو لطاقه شمسيه نيرمين:طيب بس اكيد لخلص المشروع هاد بدي سلمو كامل حسب الاتفاق عارف:اي انا بنطر نيرمين:طيب خلص اتفقنا عارف:بس تخلصي تعالي ع الشركه ومنتفاهم نيرمين:اوك‏ seirotsevol._ ‏ (15) عارف:يلا بدك شي نيرمين:خليني اطلبلك قهوة عارف :بوقت تاني يلا باي نيرمين:باي الطلب غريب والاغرب هي جيتوو ليحكي معي هون بالشغل كان اجلها للبيت انا ما بهرب معقول جاي ليشوف العمال اي بيعملها عارف كفيت شغلي معهن لحتى خلصنا واتصلت بالشركه لخبرهن ان انتهينا حفريات ويكونو على استعداد ليمدو الخط بأقرب وقت . طلعت بالسيارة كانو العمال شبه رايحين ومثنى حمل جاكيتو واجى لعندي نيرمين:شو كيفني معك مثنى:ولا احلى من هيك نيرمين:يلا اطلاع مثنى:ماشي اطلعنا سوى وحسيت بتمو في حكي نيرمين:شو ليش ساكت مثنى:شو احكي نيرمين:اي شي مثنى:هلا بربك شو دخل الدخان بقلب الشغل اه نيرمين:ههه لانو عنجد مو طبيعي هالدخان معكن مثنى:هيك لكن وازا قلتلك اشربت نيرمين:ههه معك انت تصريح مثنى:ههه ...هاد اخوكي الي اجى نيرمين:اي عارف مثنى:ما عرفتو بس عبود حكالي ...شو كان بدو منك نيرمين:شغل سكتنا وكملت بطريقي شفتو عم يدور على شي بجيابو وتوقعت يكون بدو يولع سيكارة طالعت من الدرج وولعتلو مثنى:احتياط هي نيرمين:اكيد مثنى:جايه معي صح نيرمين:وبدي حضرلك غدا مدلل مثنى:ههه انا ماني جوعان ابدن نيرمين:اي ولو كان انا بدي اطبخلك كوني مرتك مثنى:اي انا مابدي اتغدا نيرمين:ههه وربي فهمان عليك خلص بعدين منتفق مثنى:يعني حاسه بتقصيرك تجاهي نيرمين:هو مو تقصيرر ظروفي انا مثنى:هي عمتك وراحت مافي ولا حجه اليوم لتتركيني نيرمين :لا خلص بوعدك متل العادة ...... لساتني بمريول الجلي وعم شق ع الطبخه كل شوي والبيت لحالو قضيه مع انو مو ناقصني وقوف بس كرمال مثنى سمعت صوت نفسو وفتح البراد نيرمين:جوعان مثنى:اي هيك شي نيرمين:يلا تكه وبيستوي الاكل ما رد علي بس سمعت صوت طقه ع الرف اطلعت لورا وشفت مثنى عم يفرغ بيضه نيه بتمو كش بدني وطلعو عيوني من مكانون نيرمين:ايييع مثنى شو هااااد مثنى:جوعان نيرمين:ييييي شو هاااد مثنى:طيبه دوقيلك وحدة نيرمين:حل عني ياه شو هاد مثنى:بيض شو هاد نيرمين:ما بيتاكل هيك وني ياربي منك مثنى:هههه ازا ما سكتي راح اكل وحدة كمان غمضت عيوني ولفيت ع الطنجرة نيرمين:انو هيك ايييع من هون لاسبوع ممنوع تقرب عليي مثنى:ليش نيرمين:لانو ريحتك بيض هلا انا بعرفك مدمن ع البيض بس مو ني مثنى:هلا شو علاقت اني قرب عليكي نيرمين:روح فرشي اسنانك من ريحه الزنخه مثنى:ههه بدي بوسك فورا خليها تكون ازنخ بوسه ‏ seirotsevol._ ‏ (16) كان عم يقرب تجاهي حملت الملعقه ووجهتها عليه نيرمين:مثنى لا تقرب اكتر مثنى:بتقرفي مني نيرمين:لا من هالريحه مثنى:ياعمري انا شو اعملك انا متعود نيرمين:عندي الغيلي هالعادة مثنى:اي مو مشكلة يعني مابدك اياني اليوم كرمال شقفه بيضه نيرمين:حاجتك تناقش روح غسل تمك مثنى:بدي بوسك نيرمين:حاول لشوف مثنى:هههه والله لبوسك نيرمين:مثنى ماعم امزح هااا عم قلك مثنى:طيب ماشي لفيت لكفي الطبخه وانا كاشش بدني من المنظر والريحه حاوطني بأيديه مثنى:يا قلبي عنجد ما بدك بوسك نيرمين:لاسبوع ممنوع مثنى:ههه اناماني متحمل كم ثانيه نيرمين:شو قصدك ما جاوبني وباسني مسحت دغري وزورتو نيرمين:مثنى 😭😭خلص مثنى:يلا شو صار انا نعست لو طلبنا جاهز اريح نيرمين:روح غسل وتعال راح اسكب غمزني بشقاوة وراح خلاني ابتسم سكبت لحتى رجع ودغري بلش بالاكل يتبع ــــــــــــــــــــــــــــــ