قصص في الحياة - *قصه سودانيه مؤلمه - بقلم الشاعر | روايتك

*قصه سودانيه مؤلمه حدثت في قري السودان مغترب يتنكر لخالته التي ربته*... منذ ان كان عمره ثماني سنوات ترك بيت اهله وعاش مع خالته التي قامت بتربيته في كل مراحل التعليم وكان زوج خالته يصرف عليه رغم انو عامل بسيط لكن بشهامة السودانين ادخله الجامعه واعتبره مثل اولاده لانه كان لا يملك ولد وانما له اربعه بنات ... لما تخرج من الجامعه حالفه الحظ وعمل باحد البنوك السعوديه وصار ميسور الحال واقتني سياره كان يذهب بها الي العمل .. كان مستاجر شقه يشاركه فيها احد زملاءه السودانين وشغال معاو في نفس البنك ... بدت القصه لما زوج خالتو احيل الي المعاش والبنت الكبيره دخلت الجامعه وبقو محتاجين مصاريف ومحتاجين رسوم الجامعه ولما ضاق بيهم الحال ارسلت له بنت خالتو شريط تسجيل تطلب منه مصاريف للبيت ورسوم للجامعه لان ابوها احيل الي المعاش وفقد الوظيفه وبقي قاعد في البيت ... والتسجيل وصلو ولما رجع البيت هو وصديقه قام بالاستماع الي التسجيل وكان صديقه بالمطبخ يعد وجبة الغدا ولكن صوت التسجيل كان عالي فسمع كل الكلام الموجود بالتسجيل ... اتدرون ماذا كان رد الولد ؟؟؟ رسل ليها تسجيل وبقول ليها عليكم الله خلونا نشوف مستقبلنا وم تشبكونا طلبات نحن بنتعب مش عشان نوزع مرتباتنا في مشاكلكم الماعندها حد دى ... وصاحبو سمع الرد البايخ من زول اتنكر لعايله اتربي فيها وصرفو عليو حتي تخرج من الجامعه .. صاحبو زعل جدا وم رضي من رد صاحبو .. وكان الموقف محرج شديد وبالاخص انو بنت خالتو محتاجه رسوم الجامعه وهم محتاجين مصاريف لانو ابوهم لا يملك ولد ... صاحبو اتخذ قرار في سرو انو لازم يساعد الاسره دي لكن كيف ؟؟؟ ترك صاحبو ينوم وفتح تلفون صاحبو وشال رقم البنت ورقم بنكك ووضع التلفون مكانو .. وعلي طول خرج بره الشقه ورسل تسجيل للبنت واعتذر ليها عما بدر من ابن خالته وقال ليها من اليوم انا مسئول منكم وانا اسمي كذا وده رقمي وانا ساكن مع ود خالتك وسمعت تسجيلك وسمعت ردو ليك وانا شغال معاو في نفس البنك ونحن اصدقاء لكن م فعله ابن خالتك زعلني شديد ... وبقي صاحبو متواصل معاهم وكل شهر يرسل ليهم المصاريف وكل سنه يدفع رسوم الجامعه إلا ان تخرجت البنت مهندسه مدنيه ... ودارت الايام والدنيا لعبت بود خالته وجا يوم رسل حساب بالغلط وكان مبلغ كبير وصاحب الحساب خارج السعوديه وبقي الحساب مستلم من الطرف التاني في احد البنوك الاوربيه ولما حاولو يتصلو علي عشان يرد المبلغ طلع رقمو مقفول .. ادارة البنك حملتو المسئوليه وانو لازم يدفع الحساب والمبلغ كان كبير وتم حبسه ورفده من العمل ويتم اصلاق صراحه بعد دفع المبلغ ... وفعلا دفع كل م يملك في خمسه سنه حتي تم الافراج عنو وترحيلو الي السودان بملابسو بس ... وصل السودان وهو طبعا م كان قاعد مع اهلو ولا بعرف عن اهله اي شئ وانما تربي وتدرس وسافر من بيت خالتو ... في فترة الخمسه سنه البنت طبعا حكت لامها وابوها واخواته كل م دار بين ود خالته وم دار بين صديقه واستمرت العلاقه مع الاسره وتعرف صديقه علي الاسره وصارت بينم موده وصداقه ومعرفه وحب ... الولد الخايس لما جا من المطار طبعا خجلان فقام نزل عند اهلو وطبعا اهلو م كانو عارفين الحصل مع بنت خالتو .. والظروف ساعدت بنت خالتو واتعينت في شركة مقاولات تركيه وبقت تاخد مرتب عالي وركبوها عربيه لانها كانت شاطره وجات اول الدفعه وبقي وضعم في البيت تمام التمام ومازال الزول داك مواصل معاهم في المصاريف رغم انو البنت عرفتو انو وضعهم بقي كويس وانو م قصر معاها .. الشاب رد ليها انو بفضلهم ترقي الي نائب مدير للبنك وانو امورو بقت ظابطه وح يزيد المصاريف كمان .. نرجع لاخونا الباطل طبعا بقي قاعد عاطل فقامت امو فكرت تزوج ليهو بنت اخته اللهي مهندسه ووضعها ظابط وراكبه عربيه اخر موديل وعندها مرتب ضخم فقالت ل ولده دي فرصه واخير م يجي واحد غريب يشيل الجمل بماحمل وخصوصا انو البنت جميله شديد منقه بس ... ومشو هو وامو وابو واخوه الكبير عشان يخطبو البنت المهندسه ... ودخلو البيت واستقبلوهم كويس وجابو ليهم العصير والحلاوه وهم طبعا فرحو وقال بعد ده نخطب ونخش في الكلام وفعلا ابتدرت الكلام ام الولد الخايس وقالت والله نحن اسره واحده واخير زيتنا يكون في بيتنا وجينا نخطب المهندسه ل ولدنا فلان وانتو طبعا عارفنو ومتربي معاكم وطول الفتره دي م قصر معاكم في المصاريف الشهريه ورسوم الجامعه لما المهندسه اتخرجت والحمد لله وبقت مهندسه كبيره فحقو ترد الجميل انها تتزوج الزول الوقف معاها ... ام الولد الخايس مفتكره انو المصاريف دي ورسوم الجامعه كان برسله ولده ... إم البنت قالت لام الولد الخايس والله فعلا الزول الصرف عليها وصرف علينا انا لو جا يخطبه ادفعه ليهم مجان .. ام الولد الخايس بقت تزغرد وقالت ليها م قصرتي والله وولدي ذاتو م قصر معاكم ... وكانت المفأجاه انو المهندسه طلعت تلفونه وقالت لام الولد الخايس ... ياخالتي وكلكم اسمعو التسجيلات دي قبل م نتم الخطوبه لانها تسجيلات حلوه .. وقامت شغلت التسجيلات من الاول ورد الولد الخايس وشغلت تسجيل صاحبو ... الجماعه صبت فيهم مطره وسكتو سكات الطرش ... وقامت ليك عليو خالتو وقالت ليو نربي فيك من شافع لما دخلت الجامعه والحظ ضرب معاك ولما عمك نزل المعاش واحتجنا ليك تقوم تذلنا وتضلنا وتقول لينا انا م اغتربت عشان اضيع قروشي وتعبي علي الفاضي وتاني م ترسلو لي حلو مشاكلكم بعيد مني .. إلا صاحبك المابعرفنا ولا بنعرفو ولا شافنا ولا شفنا لكنو راجل ود رجل مصرفنا خمسه سنه م خلانا احتجنا ل حاجه وبدفع مصاريف الجامعه والرسوم لكل بناتي وده انسان غريب عمل معانا كده وانا حلفت بتي المهندسه دي دفعتها ليو ب صداق تمرات .. وي اختي لو انتي فاكره انو عندك ولد يعوضك الله ونحن تاني ب شارعنا م يجي ... وكانت الفرحه عندما اخبرهم الشاب انه قادم السودان في اجاز وساقوم بزيارتكم لاتعرف عليكم وفعلا بعد شهر وصل السودان وقام بزيارة عائلة المهندسه وكانت فرحة استقبل بالزغاريد والافراح والذبائح ... ووسط زحمة الاهل لاستقبال البطل برزت ام المهندسه وامام الحضور حكت كل القصه وقالت لا املك ان ارد الجميل لهذا الانسان إلا ان اقدم له الباشمهندسه زوجه له علي سنة الله ورسوله ... فقال لها موافق ي خاله دون ان اراها .. والمهندسه تقدمت نحوه ممسكه بيد امها وقالت له ام المهندسه هي هذه هديتي لك زوجه علي سنة الله ورسوله ووالله بس تدفع مهره تمن تمرات توجم وغلبه الكلام وصار يرتعد ويعرق ويتلعثم وب اخر نفس قال ليها والله لا ادفع تمرات في هذه الاخلاق والجمال والرقه التي اراها امامي والله منذ ان خلقت لم اري جمال بهذا القدر واليوم انا افتخر باني كسبت قلوب تحبني الي هذا الحد وسيكون فرح الباشمهندسه لم يشهده المجتمع السوداني ... وهلل الجميع وكبرو وحملوه علي الاعناق وطافو به ارجاء المنزل وسط الزغاريد والغنا والترحاب .. المغتربين اعملو حسابكم الاغتراب ليس له امان ..