/20/21
القائمة
روايات
بحث عن
الرئيسية/الجزء
الجزء
الجزء التاسع عشر من رواية محظوظ ولكن
الجزء التاسع عشر من رواية محظوظ ولكن
صورة مهند أدهم مهند أدهميونيو 20, 20220524 9 دقائق
وفي الجزء التاسع عشر من رواية محظوظ ولكن دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة لوزة .
الجزء التاسع عشر من رواية محظوظ ولكن
خ وداد : وين مفتاح اﻻحتياط متع شقة عمر
نازك : في المزهرية لكن شن تبي فيه
خ وداد : بنركب انشوف شن عنده ناخد عقد الحوش
نازك : ﻻﻻ يمى شن تخشيله حوشه في غيابه
خ وداد : بري ياسوسة هاتيه فيسع
نازك : باهي به
خدت خ وداد المفتاح وركبت هيا …وحاتم ل شقة عمر …
حاتم : نستناك اهنا خشي شوفي ف دار نومه
خ وداد : به
خشت ودادوه وقلبت دوﻻب عمر
عمر : حيي نسيت ..
ليال : شن نسيت
عمر : حاجة مهمة اخيييه لين قلبي حسيته مقبوض … استغفر الله العلي العظيم والله كان نقدر انوقف الطيارة بس
ليال : غير شن نسيت ؟؟ فلوسك
عمر : ياريت ياليال ياريت
خ وداد : وين حاطه هالمنجوه
حاتم : لقيتي حاجة يمى
خ وداد : ايه ايه اهو لقيت لفة ورق
عمر : نسيت عقد الحوش والوصية
ليال : هااا جبتهم معاي حطيتهملك ف شنطك
خ وداد : هاك اقراهم العيون بالهون
حاتم : هاتي هي
عمر : اووووف والله ريحتيني الله يريحك وﻻ عمري حننسالك هالمعروف ياليال
ليال : ﻻﻻ مش معروف مافيش بينا .. متعودة وقت نطلع مكان بعيد نقيم اﻻوراق المهمة شهداتي و ايفادتي وهكدا بش حتى كان صارت حاجة لحوشنا لا قدر الله اقلها نلقى حاجة تصبرني ههههههه
عمر : ياوخيتي عليها والله كان نقدر انضمك ليا ف هالحظة راني درتها غير الناس بس
ليال : غمض عيونك وتخيلني ههههه
حاتم : هادي ورقة متع لعب الكارطة وتسجيل نقاط هوا وفرج وصاحبهم
خ وداد : هه عازة ياكبدي
حاتم : وهادي ورقة اشتراك في الصالة الحديد
خ وداد : هدا فاش فالح ينفخ ف هداكا الزسسم وخﻻص
حاتم : وهادي ورقة اشعار …
خ وداد : غبارة ناض حتى يشعر
حاتم : مافيش وﻻ ورقة مهمة
خ وداد : استنى تو نزيد اندور
ليال : وشوشلي شن تتخيل من بكري مغمض عيونك
عمر : اه شنو ههههه خداني النوم راه
ليال : اياح هوا هدا خيالك يعني
عمر : به غير اصبري هي خلي نتخيل من جديد
ليال : باه
ومسي فيها عمر نومة وبدي اينخط
هزاته ليال
عمر : هاه …. صوابعك يالبال معش تغرزيهم ف كتفي هزيني ب ايدك كلها …وﻻ تحفري هكي اتقول متقاب
ليال : ههههه به كنت اتنخط معناها ماتخيلتش
عمر : والله تعبان … استني هاه … غمضي عيونك انتي ..
ليال : هاه غمضت ..
عمر : اتخيلي سرير هكي
ليال : ايه ايه ^^
عمر : سرير في حوش ايطل على بحر
ليال : ياسﻻااام كمل
عمر : ونسمة خاشة و الستار خاش يرفرف
ليال : ياربي خيالك محﻻه
عمر : والشمس خاشة هكي شوية منها ساطعة
ليال : ياحليلي
عمر : وصوت طيور النورس
ليال : الله الله
عمر : وسرير دائري جميل وعمر ﻻبس كت ومتكي عليه وغمض عيونه ومشي فيها نومة
ليال : >_>
عمر : هههه خيرك
ليال : برا برا
عمر : حرجتي
ليال : خﻻص خﻻص
عمر : به نبصر نبصر … وكان عمر ﻻبس كت و متكي وفي حضنه للوش يوكل فيها تشوكلت ..
ليال : روووعة ^^
(رتاج ..25.. هالة 24.. في تركيا .. جايبهم راجل رتاج عشان امهم عندها عﻻج عند دكتور )
هالة : شن ترسمي
رتاج : صورة شخص يطلعلي ف الحلم كل يوم ..
هالة : ومن يكون
رتاج : والله ماعارفة …
هالة : به شن يقولك
رتاج : مايقول في شي يبتسم و وخﻻص
هالة : شركيها الورقة خير مايشوفها راجلك تفعدي ف سين وجيم ..
رتاج : هالزقاق هدا اف منه ياريتني نفتك من وجهه نادمة اني تجوزته
هالة : كنتي بتهبلي كان ماتجوزتيش
رتاج : وتوا بنهبل كان قعدت معاه
هالة : هدا نتيجة قرارك … اقعدي معاه واسكتي
رتاج : اخ بس كان انحصل هالشبوب وك عليا منه عالشعر اﻻصفر اللي عنده ايهبل عالعيون الملونات ماتفهمش شي
هالة : بالك تحلمي ب بريطاني ؟؟ ياودي ماعتقدش فيه ليبي بالمواصفات اللي قلتيها
رتاج : ان شاء الله ربي يجمعني بيه وخﻻص
هالة : تي اتحشمي راك متزوجة النهار المبارك … نوضي فزي خلي نمشوا لسوق ناخدو حاجات بعد غدوة مروحين…
رتاج: والله تعودت عالجو اهنا .. ليبيا مافيها شي ﻻ اماكن تريفيهية وﻻ واحدة
هالة : الله غالب شن بديري
الكابتن طيار : اعزائي الركاب لقد وصلنا وبحمد الله ل سماء اسنطبول سوف نهبط اﻻن يرجى ربط اﻻمان
عمر : انحس ف روحي جعاااان
ليال : تو نطيبلك حاجة بعدين
عمر : اهفتي شن طيبيلي تو نتغدوا ف مطعم الفندق
وهبط الطيار بطيارة… ونزل عمر وليال ف المطار استقبلهم شخص ورفعهم للفندق
ليال : محﻻها الغرفة
عمر : اي
ليال : عمر شن ادير
عمر : بنرقد ناعس
ليال : اللطف كيف ايجيك النوم هكي فيسع فيسع …
عمر : ايجي ايجي غير طبطبي عالمخدة هكي و حطي راسك هكي … ايواه … خﻻص …
Zzzzz ومشي فيها عموري نومة
خ وداد : شوره خداهم معاه يا حاتم
حاتم : ايه ممكن اتوقعي
خ وداد : باهي ياعمر به …
حاتم : احسن شي .. نكلموا فرج اكيد يعرف مكانه
ليال : عموري نوض ساعة 3
عمر : هاه تعالي ارقدي تعالي
ليال : ﻻ مانبيش نوض خلي نطلعوا
عمر : مافيش طلوع
ليال : عمر خيرك عالنوم سمله من كاتبلك كتيبة
عمر : 😳
{كتيبة مرة واحدة … ماقلتيش تعبان ناقص نوم حاجة … كتيبة عطك والله تكركيبة }
ليال : خيرك تشبحلي هكي
عمر : يعني كان ناعس وتاعب كاتبيلي كتيبة … بري امشي خشيلك ف تركينة من التراكين …اﻻيام اللي فاتت ماضقتش النوم
ليال : به
تلفلف عمر ف يرغانه … وقعمزت ليال عالكرسي تبكي وتنفنف
{اياح علينا عاد اهو بدت تبكي ششن ايحزها }
عمر : خيرك ليال
ليال : شي
عمر : غير خيرك
ليال : ياعمر ياعمر معقوووولة هكي ياعمر عاد بكل انت عمر
{ووووه عالزنين وووه}
عمر : تي بشوية خودي نفس بين كل كلمة وتانية
ليال : كل مانقولك حاجة اتكشخ عليا وحتى طلعة ماتبيش تطلع
عمر : باهي بطلي الصوت اهواه يشرين ف الدماغ خﻻص تو نطلعوا ف العشية واﻻ نقولك نوضي هي خلي نتغدوا برا
ليال : بجديات عمر بجديات اه قول عمر حقا بنطلعوا
{وووه على راسك ياعمر }
عمر : اسمعي نبرة الصوت هادي متع الزنين معش تدوي بيها مانتحملهاش حاد فوق الموجات الصوتية
ليال : هههههه حلوة فوق موجات صوتية
خ وداد : تي قول
فرج : مانعرف شي
خ وداد : تعرف بﻻ كدب هيا
فرج : مانندريش راه
خ وداد : تعرف كان ماتقولش مكان المرا ماني ماشية خاطبتلك البنت اللي تبيها
فرج : شن دخل هدا ف هدا تو
خ وداد : انا عندي يخش هدا ف هدا هاه شن قلت
هالة : شنو غدوة مراجعة متع امي واﻻه
رتاج : ايه …
هالة : اممم باهي خﻻص كملت شري حاجات …هيا نروحوا قبل مايروح سي البي ويديرلك مرداح
رتاج : فوتيه فوتيه مرداح حناه
هالة : باهي وامي خليناها راقددة تو تنشغل علينا
رتاج : نبي نخش مطعم انا جعانة
هالة : به بالك راجلك يروح ومايلقاش تعرفيه غيور
رتاج : يمشي ايملح اكبر غلطة ف حياتي اني تجوزته … اهواه مطعم السلطان احمد خلي نخشوله
هالة : احح باهي هي
فرج : النصيب على الله وانا مانعرف شي … وحتى لو نعرف مش حنقول وﻻ حرف
خ وداد : راسك يابس يافرج امتى بتتغير بس
فرج : وانتي حشرية و ماتحبيش الخير لولدك امتى بتتغيري بس
خ وداد : زمزاك وتقعد طول عمرك هكي نوض بالك من اهني
فرج :امروح اصﻻ كان نندري عليك مضبحة عليا عالموضوع هدا راني ماجيتكش
عمر : تي هيا … هيا ياليال
ليال : الوشاح بس
عمر : البسي هي
ليال : هي
{لفة اتنين تﻻتة اربعة ووشاح تاني ﻻﻻﻻ هلبا هكي }
عمر : شنن الوشاح التاني هدا
ليال : هكي خير
عمر : من اما ناحية
ليال : انحس ف راسي صغير كان مالبستاش
{الصبر يارب .. راسي صغير حق }
عمر : سقديني وراس امك
ليال : تميت هي
رتاج : شن بتطلبي
هالة : مش عارفة .. زعما دجاج بروست
رتاج : امممم ﻻﻻ انا بناخد نص دجاجة عالفحم
هالة : به اطلبي هي
رتاج : والله بنكلب بنكككلب
هالة : عﻻش
رتاج : بنهبل عليه شوفيه كيف رسمته … ستني ستني نطلعهالك الرسمة … كملتها … شوفي هاه
هالة : ابتهبلي انتي
رتاج : والله بنهبل عليه اول مرة نتعلق بحلم ب وهم زي هكي ياريته نحصل فانوس سحري .. ونطلب منه يجيبهولي .. ااااخ مريضة مانبيش حبوب مريضة مانبيش حبوب
هالة : اتحشمي ياهمي اتحشمي راك متجوزة خيرك
عمر : تعالي اهنا
ليال : به
{المعفن ايكحل فيها هالتافه غير ف بﻻد الناس كان هدا عفجته
طريحة ﻻ تاكل وﻻ تشرب }
عمر : شن رايك انخشو ل مطعم السلطان ايمن
ليال : ﻻﻻ انخشوا السلطان احمد
عمر : خيره ايمن من شن يشكي
ليال : ايمن المرش متعه معتم ومعبي غبرة اما احمد مهتم بنفسه ومرشه نظيف
عمر : ديما تقنعي فيا نوعا ما ذكية.. هي نخشوا ل السلطان احمد
هالة : ياقرررردة شوفي شوفي
رتاج : شنو
هالة : الرسمة ياحنارة اللي ترسمي فيها
رتاج : بري بﻻ تسهويك زايد
هالة : والله بجد غير شوفي
رتاج : ين وين
هالة : اووونه غادي … اهو يتقدم
رتاج : ♥_♥
ليال : هكي قعمزت طووول …تبيش تجبدلي الكرسي واتقعمزني
{ايه جينا تركيا اوكي… لكن بش تتأثري بمسلسلاتهم ﻻ مافيش داعي }
عمر : قعمزي ياليال تو وقت انوضوا نجبدلك الكرسي ادللي
ليال : به اماﻻ ^^
هالة : ريحي روحك باين عليها مرته
رتاج : طز فيها مش شايفتها بكل
ليال : عمر
عمر : نعم
ليال : معاك انحس براحة سبحان الله ياربي هكي راحة تامة..
عمر : ايه وشن تاني
ليال : وانحس بروحي ديما فرحانة بيك هههه خخيرك تشبحلي هكي والله بجد..
عمر : حلووو ان شاء الله ربي يقدرني نفرحك العمر كله
ليال : ان شاء الله يارب .. امبكري نتفرج عليك وانت راقد … حسيتك زي البيبي نايم عطيتك بوسة ع خدك وانت فتحت عينك شووووية
وغمضتها
عمر : هههههههه غير تاعب والله كان هدا انقضيت عليك وريتك النشاب شن شكله
ليال : هههه مهبول واديرها
هالة : موتي باين عليهم متهنيين اونه يضحكوا وبعدين هني روحك وين تندري عليه شن جنسيته مايطلعلك مغربي واﻻ تونسي واﻻ مصري
رتاج : زعماااا … صح اي احنا مش ف بﻻدنا بش اتقولي ليبي … ايه ايه …ﻻﻻ ركبتيلي الشوشو خلي انوض نشوف
هالة : قعمزي ياحمار بﻻ عار
رتاج : انبحي
عمر : انا بنطلب وجبة نص دجاجة علفحم
ليال : زيك عموري
عمر : ﻻﻻ ماتاخديش زيي
ليال : عﻻاااش
عمر : بش اضوقيني وجبتك ب ايدك
ليال : هاااا به اماﻻ نطلب وجبة شاورما دجاج
عمر : تمام …
رتاج : غير ضمي فمك ياهالة تو انجي
هالة : حسبي الله ونعم الوكيل
وكيف طلب عمر وجبته ومشي النادل خطمت من جنبه رتاج ودارت روحها طاح نقالها تحت عمر
عمر : ياساتر
رتاج : حي نقالي
لملها عمر بتارية و كفر النقال ومدهولها
رتاج : حي عليا كما فسد
عمر : ﻻﻻ ان شاء الله ﻻ … طيحة بسيطة
رتاج : ان شاء الله … صحيت بارك الله فيك
عمر : فيك بارك الله
رجعت رتاج ل هالة وقتلها : موووتي ليبي هههههه
هالة : لتدكير فقط انتي متزوجة
ليال : حي نكالي سحيقة مصح وجها متزوجة و تتبسم
عمر : خيرها بسمتها حلوة شوفي هاه
وقت عمر قال الكلمة هادي رتاج كانت متلفتة ل هالة
وتلفتت فجأة
رتاج ل هالة : حي حي يشوفلي
وقت ليال قظشافت جيهة رتاج واختها لقت رتاج تشبح ل عمر وتبتسم …عمر نزل راسه طول بمجرد جت عينه ف عين رتاج
ليال : تو والنبي مطلعني بش تعاكس قدامي ياعمر … توجع اللقطة والله توجع
عمر : وحق ربي يا ليال وقت قتلك ماحﻻ ابتسامتها والله نبصر نبي نغيضك بس
ليال : شفت غيضي بعيني ياعمر .. تبادل ابتسامات .. كنت نتوقع اي شي اﻻ هادي …
عمر :والله ماصارت ياليال انا مش هكي
هزت راسها ليال وقالت : باهي به
{شن هالحظ ياربي كنت بنغيضها بش انحس بأحساس الحلو متع الغيرة انقلب الموقف وصار زعل }
عمر : خﻻص للوش عاد …
ليال : باهي عمر اوكي
عمر : باهي شن ايرضيك قولي هي !
ليال تشوفله وساكتة
عمر : به اسمعي انتي مش مصدقتيني ؟؟
ليال : مصدقاتك عموري خﻻص صار خير
{والله قلبها طيب الدعوة .. وعفوية وجميلة .. مش عارف عﻻش كنت نعامل فيها معاملة مش كويسة فترة الخطوبة وبعد الزواج }
عمر : ربي يحفظك
هالة : هي نوضي
رتاج :ﻻ مش حانوض لين انكلمه
هالة : اتكلمي طياح سعدك…
رتاج :والله مانايضتها لين نكلمه
ليال : عموري نبي نغسل ايديا .. تتعال معاي
عمر : ﻻﻻ بري فيسع خليني بحدا شنطتك وحاجاتك وقت ترجعي انوض انا .. مافينا متنضنا نهزو احنا اتنين للحمام ههههه
ليال : هههه به تمام
ناضت ليال وانتهزت الفرصة رتاج ونحت دبلتها وجت لعمر ومعاها الرسمة متعها
رتاج : عفوا لو سمحت
عمر : تفضلي
رتاج : انا مانعرفكش باهي .. وانت ماتعرفنيش لكن كان نقولك حاجة ماتصدقنيش
عمر : نعم شنو فيه
رتاج : انا نحلم بيك ليا شهر
عمر : شن الكﻻم هدا راك متجوزة
رتاج : هههه فال وعلى ربي الكمال مش متجوزة انا
عمر : به انا متجوز اماﻻ هي لو سمحتي امشي من اهنا
رتاج : شوف هاه حتى اني نرسم فيك كل يوم
طلعتله الرسمة ورتهاله وخدتها وطبقتها وحطتهاله عالطاولة ..
على طلعة ليال من الحمام وشافت رتاج واقفة ع عمر …
يتبع……
لقراءة الجزء التالي : الجزء العشرون من رواية محظوظ ولكن
لقراءة الجزء السابق : الجزء الثامن عشر من رواية محظوظ ولكن
للإطلاع علي فهرس اجزاء الرواية : رواية محظوظ ولكن ( جميع الاجزاء كاملة ) للكاتبة لوزة
جميع الحقوق محفوظة للكاتبة لوزة .
فيسبوك X بينتيريست Reddit
صورة مهند أدهم
مهند أدهم
مقالات ذات صلة
صورة جميلة لغلاف الجزء الأول من رواية احببتك كقهوتي
الجزء الأول من رواية احببتك كقهوتي
يونيو 15, 2022
صورة جميلة لغلاف الجزء الحادي عشر من رواية عقارب الساعة
الجزء الحادي عشر من رواية عقارب الساعة
يونيو 1, 2022
صورة جميلة لغلاف الجزء الثاني عشر من رواية قلبي ملكي ولكن أنت من
الجزء الثاني عشر من رواية قلبي ملكي ولكن أنت من
مايو 18, 2022
صورة جميلة لغلاف الجزء الثامن من رواية تزوجنا ولكن هل يبقي الحب
الجزء الثامن من رواية تزوجنا ولكن هل يبقي الحب
مايو 15, 2022
اترك تعليقاً
لن يتم نشر عنوان بريدك الإلكتروني. الحقول الإلزامية مشار إليها بـ *
التعليق *
الاسم *
البريد الإلكتروني *
الموقع الإلكتروني
احفظ اسمي، بريدي الإلكتروني، والموقع الإلكتروني في هذا المتصفح لاستخدامها المرة المقبلة في تعليقي.
© حقوق النشر 2026، جميع الحقوق محفوظة | من موقع قصص واقعية
فيسبوك
فيسبوك
X
واتساب
تيلقرام
زر الذهاب إلى الأعلى
القائمة
روايات
بحث عن
الرئيسية/الجزء
الجزء
الجزء الحادي والعشرون من رواية محظوظ ولكن
الجزء الحادي والعشرون من رواية محظوظ ولكن
صورة مهند أدهم مهند أدهميونيو 20, 20220539 10 دقائق
وفي الجزء الحادي والعشرون من رواية محظوظ ولكن دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة لوزة .
الجزء الحادي والعشرون من رواية محظوظ ولكن
عمر : السﻻم علييييكمممم
جاته تجري نازكوسلمت عليه
وقالت : وعليكم السﻻم … كيف حالك حمدلله ع السﻻمة
عمر : الله يسلمك كيف حالك نزوكة
نازك : الحمدلله
عمر : وين امي
نازك : اونيه ف وسط الحوش … كيف حالك ليال انننننه حمدلله عالسﻻمة
ليال : اننننننه الله يسلمك انننه كيف حالك انتي
نازك : ﻻ بخير الحمدلله خشي خشي
عمر : السﻻم عليكم
خ وداد : وعليكم السﻻم
جي عنر ل امه سلم عليها وباسلها راسها وقالها : كيف حالك
خ وداد : الحمدلله من الله بخير
عمر : الله يسامحك بس
خ وداد : اجمعين طيب ع سﻻمتك
عمر : الله يسلمك … استفقدتك يمى
خ وداد : هه ماتفقد غالي واﻻ ﻻﻻ فقدته الله يرحمه
عمر : o_O … هلبا هكي يمى بجديات هلبا معقولة تقولي كﻻم زي هدا … ان شاء الله ربي يرحمه ويغفرله …. للوش ليال تعالي سلمي ع اﻻك
خ وداد : شايفاتك ادلع فيها هدا غير كنت ماتبيش
عمر : غيرت رايي
ليال : السﻻم عليكم …
خ وداد :وعليكم السﻻم
ليال : اننننه كيف حالك الاي
خ وداد : اننه باهية طيب ع سﻻمتك
بري طيبي الغدي … خاطري ف كسكسي
ليال دارت باص عيون ل عمر …
نازك : طيبت يمى مكرونة مسقية خليها اللطف ترتاح كيف واصلة
خ وداد : ﻻ خاطري ف كسكسي
عمر : خشي ياليال طيبي كسكسي
ليال : ان شاء الله
طلعت ليال ووجها عالمطبخ
ناضت نازك وبتلحقها
خ وداد : على وين ؟؟
نازك : ماشية بنسعدها مش مهقولة انتي يمى … البنت كيف واصلة ياناري وتعبانة وتبيها اطيب
خ وداد : سوسة الله غالب
حاتم : اوووو مرت بونا وصلت
عمر : مافيش داغي للغلط
خ وداد : شنو شورك ماترضاش فيها عمر : اسمي عمر مافيش داعي يتسهوك عليا
حاتم : انبصروا ياودي
عمر : حط ملح على جرح وقول نبصر حاتم : باهي الحمدلله عالسﻻمة وانت معش طايق منا كلمة
عمر : الله يسلمك … هي نستادنكم بنركب ونركب الشناطي
حاتم : غير قعمز هدرز
عمر : ناخد دوش ونبدل وتو ننزل تاني
طلع عمر على برا وخدي شنطة ليال وركبها ونزل تاني ورمب شنطته وخششهم للحوش وخش لدار النوم .. فجأة لقي حاجة غريبة ف الدار .. مش زي ماخﻻها فيها تحويسة ..
{بسم الله الرحمن الرحيم من حوها هكي … اللطف تقريبا ليال ماتخليش وراها حاجة محوسة واخر مرة طلعنا مانت مضمومة … زعما حد خش لحوشي ف غيابي … لو كﻻمي صح مايكون اﻻ حاتم ﻻﻻ خلي نزيد نسئل ليال قبل ماندير عركة ونرعش ليال }
نازك : والله امي احوال سبحان الله
ليال : معليشي الكسكسي ساهل ماياخدش مني نص ساعة
نازك : اسمعي اهو البصلة واتية مطيبة انا اصﻻ … بوخي الكسكسي وخﻻص وراك اتقوليلها هادي بصلة مدايرتها نازك ﻻنها حتنوضك وتقولي طيبي تاني
ليال : باهي تمام لكن بالك اتقولك وينها بصلتك ..
نازك : اي صح
ليال : اقسمي منها ف طنجرة الصغيرة ودسيها في التﻻجة
نازك : اي فكرة والله ..
قاعد عمر ع اعصابه يستنى ف ليال غير امتى تركب بش يسئلها ..
ليال : حقا … شن رايك في الشاب يلبس الوان مخلطة ..
نازك : كيفﻻ
ليال : يعني احمر اصفر ليمي فسفوري
نازك عرفتها تتكلم ع فتحي فقتلها : عادي هادي حرية شخصية مدام الشخص مقتنع بالشي اللي يدير فيه خﻻص
ليال : اي
نازك : عﻻش تسئلي
ليال : ﻻ شي غير خطر فبالي سؤال بس ..
تمت ليال التطييب
ليال : طيبت الغدي وانا راكبة ماتبي شي اﻻي …
خ وداد : سﻻمتك ..
ركبت ليال و فتحت الحوش وخشت لقت عمر ف وسط الحوش ..
عمر : من بكري نستنى فيك
ليال : عﻻش ان شاء الله خير
عمر : تعالي معاي
رفعها عمر لدار النوم
ليال : اللطف عمر عﻻش محوس الدار هكي وخيره الدوﻻب الحوايج معفجات ياربي . حالة ياعمر قداش اتحب ااحنكيس
عمر : مش انا
ليال : اماﻻ منو
عمر : روحت لقيته هكي … وشاك ف حاتم كان ايدور عالوصية
ليال : استهدى بالله معقولة حاتم بيخشنا اهوا
عمر : ايديرها مدام امي باعتاته يدور عالوصية وعقد الحوش
ليال : اه به وين ناشي
عمر : نازلهم لوطا… كنت نستنى فيك بش نتأكد بس
ليال: ﻻﻻ ياعمر مافيش داعي للمشاكل وتتعارك مع امك وخوك .. واللي يدورو عليه معانا وماخدوشي خﻻص اطمن
عمر : بالك يعاودوها ياليال
ليال : لو عاودوها وقتها اتكلم ويكون عليهم حق مرتين
عمر : استغفر الله العلي العظيم .. باهي خلي انخش اندوش … ومعليشي اكيدة زعﻻنة ع خاطر امي قتلك طيبي الغدي وانتي كيف مروحة
ليال : ﻻ والله … عادي مازعلتش ماياخدش مني وقت التطييب بش قتلك هوايتي
عمر : هههه صح اي نسيت
ليال : يﻻ خود وشك
عمر : بينا
ليال : شنو بينا
عمر : يعني هيا بينا لدوش
ليال : هههههه عينك برا امشي دوش مابين ضميت هالحوسة
عمر : هههههه به
بعد ايام مشي عمر و فرج ل حوش مرت بوه وعرف من الجيران انها اتوفت قبل 15 اليوم …وخلتله لمفتاح عند راجل كبير ف السن يسكن ف هديكا المنطقة .
فتح عمر الحوش وخش هوا وفرج
حوش يتكون من تﻻتة ديار وصالة كبيرة ومطبخ وحمام وجنان
لقي اغلب حاجات القديمة ف دار الخزين
عمر : فرج هادي بدلة الغطس… خدهالي بوي وقت كان عمري 11 العام … ايييه يادنيا
فرج : ايه وهادي صنارة الصيد ايامات بالله كان بوك يطلع فينا عالقارب نصطادوا من الفجر
عمر : اااه اااه ايام حلوة والله
فرج : الله يرحمه ويغفرله
عمر : اتعيش وتترحم …الحاجات هادي كانت مفقودة ف حوشنا معش لقيتها وهيا تاريتها اهنا
فرج : بالله… باهي اللي جابهم اهنا ﻻن امك ماكنتش حتخليهم
وللحظات دمعوا عيون عمر ..
فرج : وحد الله ياعمر … ادعيله بالرحمة
عمر : ايييه الله يرحمك يابوي ويغفرلك …
فرج : شوووف ياعمر الصورة اهيا بغبرتها
عمر : بببب هدا تاني يوك من تخرجنا من كلية ههههه شوف روحك متكزمت على خاطر البنت ماعبراتكش
فرج : وووه شورك ماتنسى شي
عمر : ههههه لحظات زي هادي ماننسهاش ..تعرف انحس ف روحي بنسكن اهنا
فرج : توافق مرتك ؟؟
عمر : مش عارف بس انحس انها ماتقول شي
فرج : باهي وكان سمعت امك شن ادير فيك
عمر : مش عارف ..بس امي في الحالتين امي ماتحبنيش سوا قعدت معاها واﻻ ﻻ تو كل يوم نخطم عليها ف العشية بعد الصالة وخﻻص
فرج : به خلي نستكشف الحوش اماﻻ
عمر : راك اتحنكس
{اخ ياربي اغلب الحاجات موجودة ايااااه ميدالية الفضية بطولة الغطس ف تونس اياااح بوي كان يشجع فيا }
فرج : عمررررر تعااال فيسع
عمر : شنوو شنوو
فرج : شوف لقيت لفة فلوس
عمر : هات اهني
فرج : تي خلي ناخد منهم
عمر : ﻻﻻ مافيش
فرج : تي عﻻش
عمر : هادو بنصدقهم عليها اكيد هيا داستهم
فرج : ماه متزرط انا ماعنديش فلوس
طلع عمر تيزتانه وطلع فلوس ومدهم ل فرج
فرج : اه هكي باهي صدق واﻻ حتى زكي ههههه
عمر : ههههه مبردك … تساعدني يافرج انشطب الحوش … نزوقه هكي و ناخدله موبيليا
فرج : تم عادي
ليال : ﻻ ابدا يافتحي
فتحي : تي كلميهانا
ليال : مستحيل لو سمع عمر بيها يدير فيا وفيها حالة
فتحي : الصبر ياربي
ليال : باهي انت تبي تخطبها نازك ؟
فتحي : انا بنلعب عليها ونفوتها ونخربلك حوشك مزبوط … تي هنينا ياليال وكلمي البنت شن نقعد نتجدا فيك
ليال : اممم صعب
فتحي : 7 ايام وعد نكلمها سبعة ايام وفي الثامن نخطبها
ليال : اكيد
فتحي : اكيد
ليال : به خﻻص تو نكلمها كان وافقت تو نعطيها رقمك كان هدا خﻻص
فتحي : به اوكي تمام سﻻم
ليال : سﻻم
عمر : هيا نمشوا ناخدوا زواق
فرج : هي
عمر : نبي ندير دار النوم حيطين احمر وحيطين اصفر هافت
فرج : ياسﻻااام الله الله
نازك : هيا ليال … المسلسل بيبدى ليال : نازك نبيك ف موضوع وبنخش فيه طول
نازك : قولي
ليال : فتحي
نازك : خيره ♥_♥
ليال : طالبك ويبي يكلمك سبعة ايام وفي الثامن يخطبك
نازك : ﻻﻻ عاد ﻻش المكالمات مانقدرش
ليال : كلميه نازك حسيته صادق .. به نقولك خودي الرقم وفكري على راحتك
نازك : باهي هاتيه وتو نفكر ..
ليال : خودي هي **09136017
نازك : تمام
فرج : بمن تتصل
عمر : بمرتي …. الو اهلين ليال
ليال : اهلين بيك
عمر : بنسئلك ..
ليال : نعم
عمر : لو بننتقل ف مكان تاني اتجي معاي
ليال : اكيد وين ماالراجل وين مامرته
عمر : تمام يﻻ سﻻم
ليال : عﻻش ؟؟
عمر : ﻻﻻ شي هي سﻻم
فرج : شن قتلك
عمر : وافقت … مفكر نفاجئها بمفجئة حلوة … البنت كويسة وطيبة هلبا وكنت غالط ف تصوراتي قبل …الحمدلله ربي عوضني عن كل المر اللي شفته
فرج : الحمدلله … ربي يهنيك عموري
وبعد يوم بدي عمر وفرج الزواق وتشطيب الحوش
فتحي : ايوه نعم
نازك : مساء الخير
فتحي : كان ماكدبنيش ربي ام الخدود صح ؟؟
نازك : هيا باي
عمر : ﻻﻻﻻ انبصر سامحيني … كيف حالك نازك
نازك : الحمدلله وانت كيف حالك
فتحي : شن مدايرة
نازك : باهية الحمد لله
وفات يوم اتنين تﻻتة اربعة وفتحي يهدرز مع نازك … وعمر غايب عن ليال في الليل ف العمل وفي النهار يوتي في الحوش ..
عمر : خيرك عطلت يافرج خليتك وراي انت وصاحب الطانطا
فرج : طريق زحمة هي قريب نوصلوا صبر بالك
عمر : باهي به
وبعد شوي وصلت الطانطا وفرغوا العمال الموبيليا وركبهاله عامل
وعامل تاني سيقله الحوش ونظف الحمام والمطبخ و فرشوا البسطات الجدد وولى الحوش تحفة …
فرج : حلووو مبارك عليك …
عمر : الله يبارك فيك ..
روح انت يا فرج
فرج : عﻻش شن بدير انت
عمر : ماشي محﻻت ناخد شوي حاجات ..
فرج : اوك سﻻم
روح فرج
ومشي عمر محﻻت … خدي فستان ابيض حلو ل ليال … وروب احمر قنين … وتوتة لروحه .. وورد حلو ..وتورتة من الساحل .. واكل من مطعم .. ومشقشقات من محل ورجع لحوشه الورث حط فيه كل الحاجات وزين الحوش بالزينة.. وطلع مشي روح لمرته
عمر : ليااال للووووش
ليال : نعم نعم
عمر : غمضي عيونك
ليال : غمضت هاه
عمر : افتحي هي
ليال : الله عموري محﻻاااااااه ايهبل
عمر : للوش يﻻ اليوم عندنا عرس .. ليال : عرس منو
عمر : عرس خالد صاحبي
ليال : اها اماﻻ خلي انوض انصلي الظهر ونستشور ونمكيج ويالله انلحق
عمر : باهي تمام … طالع انا توا .. وبعدين قبل المغرب نرجع اندوش و نبدل
ليال : اوكي عموري
عمر : سﻻم ..
فتحي : انا كله عندي عادي اشتغلي مش مشكلة البسي المهم لبس مستور بس اهم حاجة عندي ماتقوليليش ماتلبسش الون كدا او البس كدا
نازك : ﻻ هادي حرية شخصية
فتحي : ايه حتى تشوفيني ﻻبس احمر مع البودري راك اتقوليلي هاه كيف طالع هكي ههههه
نازك : هههههه ﻻﻻ اطمن
*قبل المغرب *
روح عمر وخدي دوش وحلق ولبس بدلة وقعمز ف الصالة يستنى ف ليال …
عمر : تي هيا ياليال
ليال : هيا نلبس الخمار بس … تمام هي
طلعت نازك لصالة…
عمر : شنو ماتبيش اتوريني كيف طلع عليك القفطان
ليال : هههه ﻻﻻ خليك هكي متشوق لين انروح من العرس
عمر : ههههه مسمومة … هيا خلي نمشوا
نزلوا من الدروج طلعوا هما اتنين وركبوا سيارتهم
فتح عمر اغنية … الليلة رايحين ع بيتنا
عمر : وياربي كمل فرحتنا
ليال : احححح
عمر : خيرك
ليال : اﻻغنية هادي قعدت نسمع فيها قبل الخطوبة كنت نحلم احﻻم يقظة ايجي يروح بيا من الصالة وجو هه بعتلي خوه
عمر : هههههه يااااانااااري اتسخف
ليال : ههه ياسر عاد
عمر : هي انزلي
ليال : وينها الصالة
عمر : مش صالة
ليال : حوش قصدك
عمر : ايه
ليال : اممم به هي بس وين الطبلة والزمرة والامبات الملونات والقيطون والفروخ اللي يلعبوا
عمر : تي انزلي خايفة واﻻ شنو
ليال : هيا نازلة نازلة
سكر عمر السيارة ومشي خطوات مع ليال
ليال : الستر ياربي الشارع ظﻻم اما عرس هدا وين الزغاريت
فتح عمر الحوش وقالها : تفضلي خشي برجلك اليمين يااروع واجمل عروس ..
ليال : هههه عموري ،؟؟
عمر : خشششي
خشت ليال وسكر عمر الباب وفتح الضي
اندهشت ليال لزينة والحوش الحلو والمرتب
ليال : مافيش عرس واﻻه
عمر : فيه … عرسنا سموحتي
نحي عبايتك وخمارك
نحت ليال الخمار والعباية … وعمر فتح من نقاله موسيقى رومنسية
وشدها من خصرها وحطت ليال يد ورا ظهره ويد ورا رقبته
عمر : انتي اجمل واروع هدية بعثهالي ربي … والله يشهد عليا ربي اني مرتاح معاك راحة مايعلمها اﻻ ربي
ليال : حتى انا عموري ربي ايخليك ليا
رقصوا وهدرزوا وتعشوا وقصوا تورتة وهييصوا وكان ليهم عرس
وقامها في غمرها وخششها لدار النوم … وحطها عالسرير وقعمز جنبها …
عمر : للوش
ليال : نعم حبيبي
عمر : اتصوري انا كنت رافض فكرة الزواج التقليدي
ليال : اياح
عمر : اي كنت نحساب ان حياتنا حتكون منكدة ومش حلوة وان انا مش حنفهمها وﻻ هيا حتفهم عليا بس بالعكس معاك حاس بحاجة حلوة فوق الريح
ليال : يعنس سعيد معاي عمر ؟؟
عمر : هلبا ..
ليال :اممم يعني اقتنعت توا بالزواج التقليدي
عمر : اي… كنت مصرر اني نتجوز عن طريق عﻻقة حب بس سبحان الله العبد ايقول قول وربي يفعل فعل
ليال : الحمد لله ع كل حال… من بداية زواجنا كنت انقول عمر مايبينيش ديما يتهرب مني كل مانقربه ينفر مني ويبعد عليا وديما مشغول .. في اﻻول قعدت نبكي ﻻنك تخلي فيا ف الحوش بروحي ومش مهتم بيا بس مسحت دموعي وصبرت حتى امي مابيتش نقوللها ودعيت ربي انك تغير معاملتك معاي …اخ حتى فترة الخطوبة مرت عليا مش حلوة زي باقي بنات اهتمام وحب و وله
عمر : ان شاء الله ربي ايقدرني نسعدك ونعوضك عن كل يوم شفتيه مش حلو … يا اروع واحﻻ واجمل للوش … انحبك … انحبك حبيبتي
ليال : حتى انا انحبك وانحبك هلبا
عمر : وانا اكثر ياحب حياتي اممموه
{وهادي قصتي وانا لقيت حب حياتي ان شاء الله تلقوا حب حياتكم ﻻنكم دعيتولي هلبا وتأثرتوا معاي وزعلتوا لزعلي وفرحتوا لفرحي ويﻻ توا مطر انطفي الضي ونقولكم تصبحوا على خير ليال تستنى فيا …سﻻم هااااه راكم تنسوني يﻻ باي }
-خ وداد تعاركت مع عمر ع خاطر مشي سكن بروحه ومازال مش مدايرة فيه خير ومع هدا كل مايمشيلها يخشلها بحاجة قنينة
– فتحي اتقدم ل نازك و فضوا فيها ودارلها بيان حلو والعرس حددوه بعد العيد
– فرج خطبتله اخته اللي يبيها بس مازال مادارش بيان ﻻن عيلة البنت عندهم ظروف
– عاشوا عمر وليال في راحة وهناء وارتاح ﻻنه لقي حب حياته حب صافي وحنين عليه
النهاية ………….
لقراءة الجزء السابق : الجزء العشرون من رواية محظوظ ولكن
للإطلاع علي فهرس اجزاء الرواية : رواية محظوظ ولكن ( جميع الاجزاء كاملة ) للكاتبة لوزة
جميع الحقوق محفوظة للكاتبة لوزة .
فيسبوك X بينتيريست Reddit
صورة مهند أدهم
مهند أدهم
مقالات ذات صلة
صورة جميلة لغلاف الجزء الثامن من رواية زوجة المغترب
الجزء الثامن من رواية زوجة المغترب
يونيو 13, 2022
صورة مميزة لغلاف الجزء الثاني من رواية إمرأة بلا هوية
الجزء الثاني من رواية إمرأة بلا هوية
يوليو 7, 2022
صورة جميلة لغلاف الجزء السادس من رواية محظوظ ولكن
الجزء السادس من رواية محظوظ ولكن
يونيو 18, 2022
صورة مميزة لغلاف الجزء الرابع عشر من رواية قد كفاني
الجزء الرابع عشر من رواية قد كفاني
يونيو 28, 2022
اترك تعليقاً
لن يتم نشر عنوان بريدك الإلكتروني. الحقول الإلزامية مشار إليها بـ *
التعليق *
الاسم *
البريد الإلكتروني *
الموقع الإلكتروني
احفظ اسمي، بريدي الإلكتروني، والموقع الإلكتروني في هذا المتصفح لاستخدامها المرة المقبلة في تعليقي.
© حقوق النشر 2026، جميع الحقوق محفوظة | من موقع قصص واقعية
فيسبوك
فيسبوك
X
واتساب
تيلقرام
زر الذهاب إلى الأعلى