الفصل 2
عالم القصص والروايات 📚
#قصص1وروايات1وحكايات
*ياموت_باقي_روحي 💔*
الجزء_الثاني
✭ نزلت تسنيم عالدرج وتوجهت ناحية غرفة أبوها
طقت الباب ودخلت أول ما شافها ارتسمت ابتسامة فرح على وجهه مشت لعنده وجلست عالسرير وهو يطالع فيها مسكت ايده بشوق وباستها : شلونك يبا .. عساك طيب ما لقت رد منه كالعاده ..بس كانت حركات وجهه تدل على انه يخبرها انه بخير
تسنيم بحزن : آسفه يبا هالفترة ما قمت أشوفك وايد. . إعذرني يالغالي كلي هموم ومشاكل ..<حطت عيونها بالارض ورفعتهم > أبيك تدعيلي يبا .. ادعيلي يمكن دعوتك تستجاب .. ادعيلي انه الله يسعد قلبي.. ويريح بالي .. من لما توفى فيصل >>تجمعت الدموع بعيونها >> وانا مالي خلق أشوف أحد ولا لي خلق لشي كلش .. انا وايد تعبانه يبا .. وايد تعبانه .. حطت راسها على صدر أبوها وهي تبكي تحس بأمان كبير لما تكون جنب أبوها .. مع انه مو بإيده يسوي شي ويساعدها بس وجوده معها يطمنها وايد
نزلت دمعة حزن من أبو تسنيم على حالة بنته
طالع عيونه للسقف وكأنه يدعي لرب العالمين
✭برا البيت
وقفت سيارته السوداء الفخمة مقابل باب البيت .... نزل المرايا للنص ونزل نظاراته الشمسيه بشويش وطالع في البيت .. خمسة شهور وهو على هالحالة .. يجي كل يوم يشوف تسنيم يبيها تطلع معه تغير جو .. يبيها تطلع من جو الحزن الي هي فيه بس بدون فايده. .. نزل من السيارة ومشى ناحية الباب وهو يدري انه تسنيم ماراح تطلع معه .. بس يرتاح لما يشوفها ويتطمن عليها دق جرس الباب وفتحت له الخدامة لما عرفته سمحت له بالدخول
وراحت نادت على تسنيم شوي ودخلت عنده
تسنيم بإبتسامة باهته : هلا وائل
وائل وقف بكل حب : اهلين فيك .. شخبارك اليوم ?
قعدت عالصوفه المقابله له : الحمد لله شخبارك انت ?
وائل : بخير لما اشوفك ..
اكتفت تسنيم بإبتسامه
كمل وائل : بعدك ما داومتي?
تسنيم وجهت راسها للارض ورفعته : لا .. مالي خلق اشتغل .. كل شي يذكرني ب فيصل ...>>وبدت عيونها تحمر
وائل كل يوم فيصل فيصل تضايق من هالشي : بس يا تسنيم لغايه متى بتظلين كذا .. ترى فيصل مات خلاص .. ماراح يرجع .. وانتي بتظلين كذا لمتى؟
تسنيم وعيونها مليانة دموع : انا مو مصدقة انه مات
قاطعها وائل : كل يوم هالسالفه .. لو ما مات كان جاء ..
تسنيم مسحت دموعها : مدري احساسي يقولي كذا ..انا حتى ما شفت جثته ...ولا ادري وين قبره .. المشكله ما معي رقم احد من اهله ولا اعرف احد منهم ولا كان سالتهم عليه ..
✭وائل اخذ نفس بضيق : خلاص يا تسنيم تراك تكبرينها وهي صغيره... الحياة مو بس فيصل .. عيشي يومك بكل فرح ترى هالايام تنقضي من عمرك.. طالعي حولك في وايد ناس يحبونك ويبونك قربهم سكتت تسنيم وماردت عليه
وائل تنهد بضيق : ليلي وين؟
ما سمع غير صوت ليلى وهي جايه لعندهم: انا هنننااا هههههه
وائل : ههههههه ذكرنا القط جاء ينط
ليلى طقته على كتفه : من صجك تنكت انت و وجهك
وائل رفع حاجبه : وش فيه وجهي شحلاته
تسنيم ضحكت من قلب على تفاهتهم
وائل : عيل نوره وين .. مافي مدرسه اليوم صح?
كمان ما سمع غير صوت نوره مدري جات من وين المهم انها جات تطامر : انا هووون ههههههه
وائل : شفيكم علي اليوم ... كل شوي تطلعلي وحده
نوره جلست جنب تسنيم وحضنتها : هههههه اقول وائل ترى كلنا زهقانين نبي نغير جو
وائل لقاها فرصه : عيل بنطلع نتمشى ..
ليلى : ايه والله طفشانين
تسنيم : روحو انتو ..انا تعبانه شوي
نوره عقدت حواجبها : وجع تسنيم وش فيك صايرة ممله ..نبي نطلع وراح تطلعين معنا
تسنيم : نوره تكفين لا تجبريني .. مالي خلق للطلعه
الكل سكت وما تكلم
وائل : ها وش قلتو
نوره : خلاص مارح نطلع .. كنت ابي تسنيم تغير جو مو أكثر .. بس اذا ماراح تروح معنا ماله داعي نروح حنا
تسنيم ابتسمت : حبيبتي نوره .. انا مرتاحه كذا. لا تشيلين همي
ليلى : عيل نبيك تداومين شغلك تسنيم..انا ماني قادره ادير كل شي لحالي ...
تسنيم سكتت شوي
وكملت : خلاص عشان خاطرك بكرة بروح المكتب ..
ليلى نقزت لعندها وحضنتها : صجججج ... حياتي انتي
وائل كان مبتسم ويطالع فيها : هاذي تسنيم الي نعرفها
تسنيم اكتفت بابتسامه
✭في الليل
جالسه على سريرها والضوء خافت ومعها جوالها تطالع في صور فيصل .. وصورها وهي معاه في احتفالاتهم وعروضاتهم الي نجحو فيها .. حست بفقد كبير من بعد ما توفى .. حست حالها مشتاقه وايد لجلساته وسوالفه الي ما تمل منها .. كان يحبها بس دوم كانو يتناقرون .. كان يحب انه ينرفزها ويطلع اعصابها .. طلعت معها صورة ورقة مرسوم عليها تصميم فستان ومرسوم فوق وجه بنت بشعه مكتوب جنبها تسنيم. ضحكت من قلب لما شافتها وتذكرت الي صار وقتها
✭كانت جالسه بالكرسي وفيصل بالكرسي الي جنبها .. هي ترسم وهو يرسم .. بس طبعا لما كانو يجلسون يرسمون مع بعض ماكانت تكمل ولا صوره .. يرسمون شوي ويقطونها سوالف ...شوي قرب ايده من ايدها.. وهي بعدت ايدها ومسويه نفسها مركزة في الشغل.. قرب ايده اكثر واكثر لغايه ما مسك ايدها بكل قوة
تسنيم بخجل: ههههههههه و
جع خليني اكمل التصميم
👍
1
527views
A/ Alngeb Mohammed
,
Jan 9, 2020 at 16:51