كنت في عز الثبات لين شفتك وانهزمت - الفصل 164 - بقلم ريناد | روايتك

البــــــــــــــــــــ164 ـــــــــارت مي تنهدت وتكلمت بهدوء:.فيه مشاكل صايره وانا ما اقدر افرح واحد من اهلي زعلان بس انت اذا مستعجل القرار بيدك مشعل:.انا انتظرك العمر كله يا مي وانا مستعد انتظرك بكره وبعده المهم بالنهايه تكونين لي ابتسمت ودمعت عيونها ومشعل همس:.والله مو مصدق متى اشوفك قدامي ومعي وبين أحضاني اخذت نفس والابتسامه ما تفارق وجهها . . . بالمستشفى دخلت حنين وامها وام نواف وجوري ابتسمت لهم وام حنين قربت وطبعت بوسه على جبين جوري ولمست وجهها:.الحمدلله على سلامتك يا بنتي طمنيني فيه شي يوجعك الحين جوري ابتسمت بحب:.انا بخير يا يمه ماني مصدقه اني صرت ام ام حنين:.الله يحفظها لك يا بنتي حنين قربت منهم وبفرحه:.الحمدلله على سلامتك جوري وهي تلمح الحزن بعيون اختها:.الله يسلمك ليش تعبتي نفسك يا قلبي انا مقدره وضعك حنين:.انا بخير وبعدين لازم اشوف بنت اختي جوري:.الحمدلله انك ما جبتي ولدك اخاف على بنتي يخطف قلبها الرهيف ابتسمت حنين رغما عنها:.من الحين بنتك لولدي شوق قاطعت كلامهم:.اقول وش رايكم نشوفها ديما:.انتي مستعجله بكل شي شوق:.ايه نبي نشوف بنت اخونا ديما:. ممكن البنت ما تبي تشوف وجهك ذا شوق:.ليش وجهي مو عاجبك ؟ ام نواف:.خلاص انتي وياها ازعجتونا شوق:.والله يمه بنتك ذي علي مدري وش فيها ديما:. قومي روحي شوفي تركي وين راح شوق كانت بتتكلم بس قاطعهم دخول الممرضه وبيدها بنت جوري فز قلبها وهي تشوف الكائن الصغير اخذتها بحضنها وناظرت بأمها:.يمه شوفي يدها كيف صغيره ام حنين ابتسمت:.ماشاءالله جوري وعيونها تلمع:.هذي بنتي انا شوق:. والله تشبهك ما اخذت من تركي شي ديما:.ترا باقي ما فتحت عيونها وانتي مستعجله شوق:.بس تصدقون احس فيها شبه من نواف فر قلب حنين على طاري اسمه وناظرت في بنت جوري وهي تتاملها وتتمنى لو يكون كلام شوق صحيح وتلمح ملامح الانسان اللي تحبه . . . حاول يضبط أعصابه ويكتم مشاعره:.ادفع فلوس الدنيا بس ولدي يطلع المحامي:.مقدر وضعك يا طويل العمر وانا احاول باللي اقدر عليه ابو نواف:.طمني عليه ما خلوني اشوفه هو بخير؟ المحامي:.ولدك بخير وان شا الله يكون معك خلال فتره قصيره ابو نواف:.الله يريح قلبك وانا ما برتاح حتى اشوفه قدامي المحامي:.بحاول فيهم تشوفه لا تشيل هم .. . . رجعت وهي تحس بوجع داخلها ارتمت على سريرها وغمضت عيونها وحست بحراره واكتشفت انها تبكي الى متى راح تتحمل الم فراقه؟ الكل يطمنها بس هي مو مقتنعه حبيبها وزوجها بعيد عنها كيف لها ترتاح كيف لها تنام بسلام كيف لها تاكل بكت بصمت خوفاً انها تقوم عمر اللي كان غارق بنومه .. . . بالسجن كان منعزل عن الكل ناظر بالغرفه اللي يحتويها الظلام والبرودة ابتسم بعدم اهتمام وغمض عيونها وملامحها تنعرض أمامه زادت ابتسامته وهو يتذكر كل شي من البدايه يوم شافها للمره الاولى وكيف طاحت بحضنه رجفة يدها وعيونها اللي كانت ترمش بصدمه وخوفها من ناصر تنهد وابتسامته بدات تختفي اكيد هي تعبانه اكيد ما تنتبه لنفسها اطلق تنهيده وبعدها همس:.الله يرفق بحالنا الله يكون بعوننا .. . . صباح يوم جديد ناظر فيهم كانوا يناظرون فيه وواضح عليه الاستغراب تكلمت ام نواف بأمل:.صار شي بخصوص نواف قالوا لك شي؟؟ ابو نواف:.لا ولا حتى راضين اشوفه ام نواف:. انت ليش ابوه تحرك طلع ولدي حرام عليك النوم ماهو راضي يجيني وولدي بعيد عني ارحمني انت عندك فلوس الدنيا كلها وماهو ناقصك شي طلع ولدي يابو نواف ابو نواف:.وانا مثلك وازود تراه ولدي مثل ماهو ولدك بس الحكم اقوى مني ومنك ام نواف:. اذا ما طلع نواف خلال هالاسبوع انا بتصرف ابو نواف:. وش تقدرين تسوين يعني؟ عندك شي ماهو عندي؟؟ عهود تكلمت بهدوء:.اذكروا الله مايصير كذا ومافيه شي ينحل بهالطريقه ابو نواف:.انا جمعتكم هنا عشان اقولكم ان ملكه شوق يوم الجمعه وزواج ديما يوم الأحد وقفت ام نواف بصدمه:.وشو!! كيف تزوج بناتي واخوهم ما يندري عن حاله!! ابو نواف:. عبدالرحمن انتظر بنتك كثير ما يصير نخلي الرجال ينتظر وانا عندي امل يطلع نواف بيوم زواجها ام نواف:.انت ماعاد براسك عقل ناوي تفرح ببناتك وولدي مو معنا!! شوق:.يمه اهدي لا تعصبين ام نواف:.حتى انتي يبي يزوجك ويفتك منك ابو نواف:.ازوجها لواحد كان مستعد يبيع حياته لاجلها تسارعت نبضات قلبها ورفعت عيونها وناظرت بابوها حاولت تخفي ابتسامتها وتكون طبيعيه بس بمجرد ما ذكر ابو نواف اسمه اعتلى وجهها الخجل ونزلت راسها .. . . طلع من البيت وكان المحامي ينتظره عبدالعزيز:. وش سويت نواف بيطلع صح؟ تجاهل كلام عبدالعزيز وكمل يشرب القهوه اللي كانت بيده عبدالعزيز:.اكلمك انا لايكون ما بيطلع ؟؟ 💐📚 @storykaligi 💐📚🖋 🍃💐 💐🍃💐 🍃💐🍃💐 💐🍃💐🍃💐