كنت في عز الثبات لين شفتك وانهزمت - الفصل 163 - بقلم ريناد | روايتك

البــــــــــــــــــــ163 ـــــــــارت بالسجن كان المكان بارد ولكن نواف ابدا ماكان مهتم كل همه عند حنين اللي متاكد انها مو بخير ابتسم وهو يتذكر كلماتها الاخيره غمض عيونه وملامحها تنعرض أمامه يتمنى اللحظه اللي يحضنها فيها ويقولها كل شي انتهى كل شي هو قدر انه يمحي سلطان وابداً مو ندمان على هالشي ما يهمه لو يموت الحين المهم انه تخلص من شي كان سبب في المها . . . فزت من نومها وهي تصرخ باسمه وتهز راسها بالرفض وتنادي عليه انفتح الباب ودخلت ام حنين وهي تسمي عليها قربت منها وحضنتها:.بسم الله عليك يا بنتي كان حلم حنين وهي تبكي وأطرافها ترجف:.يمه نواف راح وخلاني نواف راح ام حنين:.يا يمه نواف موجود لا تسوين بعمرك كذا حنين:.لا هو تركني وراح نواف راح ام حنين شدت عليها وهي تقرا عليها حتى تهدا حنين وهي ترجف برعب:.ليته ما أنقذني انا السبب هو اخذ الصخره ورماها على سلطان وسلطان مات يمه انا السبب هو صار مجرم بسببي ام حنين:. يرضيك اللي تسوينه بنفسك؟ عاجبك حالك انتي مو بنتي اللي اعرفها انتي مو حنين القويه يا يمه اصبري وباذن الله زوجك بيرجع حنين بكت وغطت وجهها بيدينها . . . عند نوف كانت تنتظره وكل مره تراقب الشباك وتشوف وبعد لحظات انفتح الباب ودخل عبدالعزيز نوف فزت:.انت وينك ما ترد على اتصالاتي عبدالعزيز:.كنت بالاستراحه مع الشباب فيك شي؟ نوف:.ابوي جا اليوم بس ما فتحت له عبدالعزيز احتدت ملامحه:.وش يبي!! نوف:.ما آدري قلت لك ما فتحت عبدالعزيز:.والله لو يرجع يجي ان يصير شي ما يعجبه نوف:.عزوز الله يخليك خليك قريب مني انا خايفه عبدالعزيز:.انا معك لا تخافين من احد .. . . غمضت عيونها بالم وهي تصرخ باسمه كانت الممرضه تحاول تهديها بس جوري كانت مرعوبه وقفت وهي تحاول تتنفس وتتكلم بتعب:.ما اقدر ما ما اقدر الممرضه:.يا مدام شدي على نفسك شوي قربتي جوري وهي تبكي بالم:.تعبت ما اقدر الممرضه:.الله يرضى عليك حاولي للمره الاخيره اخذت نفس عميق وكانت تحاول بكل جهد وبعد وقت سمعت صوته يبكي ارتخت أعصابها وغمضت عيونها بتعب .. . . ببيت نواف كان المكان يعمه الهدوء مشت بحذر حتى وصلت غرفه حنين لاحظت ان حنين غارقه بالنوم ابتسمت وهمست:.الحمدلله نايمه قربت من عمر اللي كان باحضان حنين وكانت متمسكه فيه وكأنها تخاف ترجع تفقده ابتسمت شوق وطلعت من الغرفه سمعت رنين جوالها اخذته وكان تركي ردت:.هلا تركي؟ تركي:.فيه عندي لك خبر شوق:.لايكون نواف طلع؟ تركي تنهد:.والله كنت اتمنى بس مو هذا شوق:.وش عندك؟ تركي:.جوري ولدت وجابت بنت شوق توسعت عيونها وصرخت:.كيف!!جوري جابت بنت تركي:.بشويش فجرتي اذني شوق:.تركي انت صرت اب!! وانا صرت عمه للمره الثانيه تركي:.بس جوري تعبانه شوي انتي جيبي امي وامها وتعالوا شوق:.يا عمري الحمدلله على سلامتها مسافه الطريق .. . . بالمستشفى دخل غرفتها وابتسم وهو يشوفها نايمه جلس بهدوء ولمس وجهها وهمس:.الحمدلله على سلامتك ياقلب تركي .. تحركت وفتحت عيونها وهي تحس بالالم ناظرت فيه وهمست:.تركي؟ تركي:.يا عيوني جوري:.كيف ولدي؟ تركي:.جبتي بنت نسخه منك تماماً ابتسمت:.ابي اشوفها تركي:.شوي واخليهم يجيبونها جوري:.صرنا ثلاثه تركي مسك يدها:.بتكثر عايلتنا مع الوقت جوري عقدت حواجبها:.لا خلاص جبت لك وحده وخلاص .. . . ببيت نواف كان الكل يفطر ماعدا حنين اللي كانت جالسه بعيد عنهم وتفكيرها بنواف نزلت شوق بخطوات سريعه ووقفت قدامهم وهي تحاول تلتقط انفاسها:. يمه يمه ما دريتي ؟ ام نواف فزت والكل فز معها:.وش عندك يا بنت! حنين وقفت ودموعها بعيونها:.نواف طلع؟ شوق انرسم على ملامحها الحزن:.والله يا عمري كنت اتمنى ان هذا اللي بقوله بس الموضوع ما يخص نواف مسحت حنين دموعها بخيبه وشوق كملت كلامها:.جوري ولدت وجابت بنت يا يمه ام نواف بصدمه:.جوري ولدت متى ! شوق:.امس ولا تخافون هي بخير تركي طمني عليها والحين قوموا نبي نروح لها حنين رغم وجهها والحزن اللي يبان عليها ابتسمت بفرحه:.جوري صارت ام التفت حولها وعيونها تدور على عمر اخذته بحضنها وشدت عليه وكأنها تعتذر له عن تقصيرها . . . عند مي كانت تراقب جوالها وتنتظر منه رساله وحده يطمنها فيها عليه بس خاب املها بعد مرور ساعات وهي تنتظر آخذت نفس وهي تسأل نفسها معقوله مشغول؟ رمت جوالها وقامت وحاولت تشغل نفسها وما تفكر بالموضوع كثير وبعد فتره سمعت رنين جوالها فزت واخذته وابتسمت وردت بهدوء:.هلا مشعل:. الله لا يحرمني من هالصوت مي ابتسمت وسكتت ومشعل همس:.مي؟ سامحيني انشغلت شوي بس الحين اتصلت اشوف متى تبين نملك مي ودقات قلبها تتسارع:.الوقت المناسب لك مشعل:.لو بيدي الحين اجيك ونملك واخذك .. 💐📚 @storykaligi 💐📚🖋 🍃💐 💐🍃💐 🍃💐🍃💐 💐🍃💐🍃💐