كنت في عز الثبات لين شفتك وانهزمت - الفصل 162 - بقلم ريناد | روايتك

البــــــــــــــــــــ162 ـــــــــارت عهود ربتت على كتفها:.هو سوا هالشي عشانك وهذا دليل حبه الكبير لك واي واحد راح يسوي نفسه نواف سوا الصح لا تزعلين نفسك وادعي انه يطلع حنين:. من عرفني وهو بمشاكل انا ما استاهله عهود:.لا تقولين كذا ولا تلومين نفسك ان شاء الله بيرجع وهو بخير لا تخافين عليه .. . . الساعه ٢:٣٠ ص كانت جوري تتقلب وتحس بالم يزيد ناظرت بتركي اللي كان غارق بنومه تنفست بهدوء وهي تهمس بكلمات تقنعها:.لسا باقي شهرين على ولادتي أكيد اني اتوهم وهذا مجرد مغص وبيروح اخذت نفس عميق وغمضت عيونها ومرت دقايق بسيطه وهي فزت وهي تبكي وتصرخ باسمه:.تركي تركي قوم انا بولد تركي فز بسرعه:.جوري ك كيف! جوري وهي تمسك بطنها:.اقولك بولد تركي قرب منها ومسك يدها:.بس باقي شهرين ؟ هذا وش جابه الحين صرخت بالم:.ترررركيي وقف وسحب عبايتها ولبس ثوبه بشكل سريع وقفت بصعوبه وهي تبكي برعب:.ابي امي معي! تركي:.انا معك ما يحتاج امك جوري بخوف:.ابيها تركي انت ما تفهم بذي الأمور قرب وكان راح يشيلها بس جوري صرخت:.لا وش قاعد تسوي!! تركي:.ما تقدرين تنزلين بالدرج الاصنصير خربان ما قدرت تتكلم وكانت تتنفس بصعوبه شالها وجوري خافت تطيح وتمسكت فيه:.انا ثقيله عليك اخاف اطيح تركي:.انتي بين يد تركي لا تخافين ارخي اعصابك بنوصل المستشفى بعد شوي .. . . نامت بصعوبة وعهود طلعت كانت شوق وديما قاعدين يتكلمون قربت منهم عهود:.ليش ما نمتوا؟ شوق:.ما بيجيني نوم وهذي حالة امي عهود:.صح ما أكلت شي اليوم؟ ديما:.ماهي راضيه تحط لقمه وحده بفمها شوق:.يا عمري يا نواف تتوقعون نايم ؟ ديما:.ان شاء الله يكون بخير عهود:.ابوكم ما رجع؟ شوق:.ابوي نايم بالمجلس قال لا احد يزعجه تعبان عهود تنهدت وجلست وديما تكلمت:.جوري ما كلمت احد منكم شوق هزت راسها بالرفض وعهود اخذت جوالها:.اكيد نايمه الحين واكيد تركي عندها وقفت شوق:.استاذنكم بروح ارتاح شوي بعدت عنهم ودخلت الغرفه ارتمت على سريرها وحست بعيونها تحرقها وغمضت بس رنين جوالها اجبرها تفتح عيونها ناظرت باسمه وتنهدت بتعب وفتحت وكانت ساكته عبدالعزيز وهو يسمع صوت أنفاسها:.شوق؟ دمعت عيونها ما تدري ليش صوته يخليها ضعيفه مسحت دموعها وبهمس:.هلا عبدالعزيز عبدالعزيز:.ليش صوتك كذا انتي تبكين؟ بكت بصوت مسموع وعبدالعزيز رجف قلبه من صوت بكاها:.يا شوق لا تسوين كذا وقولي وش زعلك ليش تبكين وش صار معك لا تبكين شوق بتعب:.تعبت وانا ابين انه عادي واني قويه عبدالعزيز اخوي بالسجن وعايلتنا بدات تتدمر امي مو راضيه تاكل وحنين حابسه نفسها بغرفتها واخوي ما ادري اذا بيطلع او لا والله تعبت عبدالعزيز:.يا قلب عبدالعزيز أهدي وفهميني ليش اخوك بالسجن؟ شوق:.هو قتل سلطان بس ما الومه سلطان حرق قلبه على زوجته وولده نواف والله ما سوا شي غلط عبدالعزيز:.طيب لا تبكين انتي الله يرضى عليك وقفي بكي عشان افهم شوق:.ابيه يرجع حنا نحتاجه ليش ما يطلعونه .. عبدالعزيز:.اكيد تعرفين ان القضية كبيره وتحتاج وقت بدال تبكين وتعذبين نفسك ادعي انه يرجع لكم شوق:.اخوي صار قاتل والسبه سلطان هو اللي حوله لمجرم نواف سوا كذا عشانه خطف ابنه وزوجته .. عبدالعزيز:.اخوك صح اللي سواه غلط بس ما الومه ما احد يتحمل اللي حصل معه انا معك لا تخافين بحاول باللي اقدر عليه حتى يرجع اخوك شوق بفرحه:.كيف ؟ يعني بترجع نواف لنا؟ عبدالعزيز:.لي معارفي وبحاول باللي اقدر عليه انا ما اقدر اشوفك حزينه كذا شوق مسحت دموعها وهمست:.احبك عبدالعزيز اخذ نفس وهمس:.ما سمعتك وش قلتي ؟ شوق وهي تضحك بخجل:.احبك والله احبك حط يده على قلبه اللي كان ينبض واخذ نفس وهو يهمس:.وانا اموت على الارض اللي تمشين عليها . . . وصل على المستشفى وجوري كانت تبكي بالم تركي وهو محتار:.يا قلبي لا تبكين وصلنا جوري:.تركي بطني يوجعني تركي جاب لها الكرسي وجلسها عليه ومشى فيها وجوري كانت تحاول تكتم المها وصل عند الاستقبال وسوا الاوراق وبعدها جلس جنبها جوري وهي تشد على يدها:.ارحموني متى يدخلوني تركي:.حبيبتي تحملي شوي الحين تجي الدكتوره جوري مسكت بيده وصارت تشد عليها لدرجه غرزت أظافيرها بيده تركها تفرغ المها وتعبر عنه بيده وكان ينادي على الدكتوره وبعد وقت تجمعوا عليها وفحصوها وفعلا كان وقت ولادتها بكت ومسكت بيده:.مابي اروح معهم لا تخليني لوحدي تركي:.تحملي كلها ساعه وتخلصين بكت وهي تهز راسها بالرفض الدكتوره:.يا مدام الله يرضى عليك خلينا نسوي شغلنا تركي مسح على يدها:.روحي معهم الحين جوري تمسكت فيه اكثر:.لا تتركني تركي تنهد وهمس:.نهايه اللي يتزوج طفله حاولت تتنفس وبكت وهي تمسك بطنها .. 💐📚 @storykaligi 💐📚🖋 🍃💐 💐🍃💐 🍃💐🍃💐