كنت في عز الثبات لين شفتك وانهزمت - الفصل 161 - بقلم ريناد | روايتك

البــــــــــــــــــــ 161ـــــــــارت نواف:.انا ما يهمني اهم شي تخلصت من شخص سبب لك ولي الحزن .. حنين تمسكت بيده اكثر وبترجي:.انا ما اقدر بدونك لا تسوي فيني كذا حرام عليك والله اتمنى الموت ولا اعيش بعيده عنك مسك يدها وطبع عليها قُبله وهي بكت بالم وفجاه تجمعت سيارات الشرطه وحنين زادت دموعها .. كانت تبكي وتناظره بترجي قربت وهي تهمس:.انا بقولهم اني انا اللي سويت كذا دفاع عن نفسي ابتسم وهز راسه بالرفض:.انتي ما بتسوين شي ويلا روحي على السياره المكان هنا بارد حنين بغصه:.نواف! نواف ببتسامه:.روحي حبيبتي بكت وهي رافضه تماماً تتركه:.ما اقدر اخليك والله ما اقدر نواف بهدوء:.سلطان انتهى من حياتنا بعد اليوم ماراح تبكين الا على فرح مسحت دموعها:.انا معك بخير بس بدونك والله دموعي ما توقف ناظر فيها وحنين كانت تبادله النظرات هالمره ما ارتبكت وهي تناظره حست بعيونها تحرقها وكانت تترجاه بنظراتها نواف بنبره هاديه:.انا اسف على كل شي قاطعته:.ليش تعتذر نواف:.اعتذر لعيونك ولقلبك على كل هذا حنين:.لا تعتذر بس خليك معي لا تتركني! نواف:.انا عطيت نفسي وعد امحي كل شخص يبكي عيونك حست بقلبها ينعصر من الالم كانت تتمنى ترتمي بأحضانه وتبكي وفجاه نواف بعد بخطواته عنها وتوجه لرجال الشرطه جلست على الارض وهي تكتم صراخها وفجاه حست بيد على كتفها رفعت راسها وجوري همست ودموعها تجري على خدها:.حنين بكت حنين وحضنت جوري:.نواف راح يروح مني نواف صار قاتل بسببي! جوري شدت عليها:.نواف سوا الصح حنين بصوتها المتقطع من البكاء:.ما اتحمل بدونه والله ما اقدر قول لهم انا المذنبه وانا السبب جوري شدت عليها:.اذكري الله يا عمري خلاص كل شي انتهى لا تبكين . . . بعد مرور اسابيع ببيت نواف كان الكل حولها وكل واحد تفكيره مشغول حنين كانت رافضه تماماً تاكل او تشرب وكأنها بهالحركه راح ترجع نواف قربت منها امها:.يا بنتي ما تبين ترحمين نفسك اللي صار ماهو بيدك وزوجك سوا الصح حنين بتعب:.الصح ماهو انه يبعد عني! ام حنين:.هو حماك ولا تخافين ابوه وأخوه يحاولون يطلعونه ما بيطول بالسجن شوق قربت ومعها صينيه الاكل:.كلها إجراءات وبيطلع لا تخافين اخوي يقدر يتحمل بس تعرفين وش اللي ما يتحمله ؟ اذا شافك تعبانه كذا مدت لها كاسه العصير وبترجي:.عشاني وعشان صحتك؟ اخذتها حنين وشربتها ماكانت تعرف مكونات العصير ولا حتى حست بطعمه بس عشان ترضي العيون اللي كانت عليها ابتسمت شوق بامتنان:.اي كذا من اول . . . بالليل رجع وهو تعبان دخل البيت وتوقع ان جوري عند حنين دخل غرفته وانصدم فيها نايمه ابتسم بتعب وقرب منها وجوري حست بحركه حولها وفزت:. تركي رجعت كنت انتظرك وغفيت هز راسه وهو مبتسم جوري:.كيف اخوك؟ بشرني وقول انه بيطلع تركي:.موت سلطان سبب تعقيدات ولا تحسبين السالفه سهله ذي روح بس حنا نسوي اللي نقدر عليه .. جوري:.والله امك تعبانه وحنين مو احسن منها قرب وانسدح جنبها وحط راسه بحضنها وهو يحتاج هالشي يحتاج قربها جوري بحنيه:.اذا جوعان بقوم احط لك اكل؟ تركي:.الحمدلله مالي نفس جوري سكتت وحست بالم ببطنها ولكنها تجاهلت بس كان المغص كل ماله يزيد تركي:.فيك شي؟ ليش تتحركين كذا جوري كتمت وجعها وابتسمت:.لا ما فيني شي نام انت تعبان تركي غمض عيونه وهو يفكر بنواف وجوري كانت تكتم وجعها وتقنع نفسها انها ما بتولد اليوم .. . . عند مي بعد اخر موقف حصل بينهم ابتسامتها ماهي راضيه تفارق وجهها قامت وصارت تدور وهي تضحك بصوت مسموع وحولت نظراتها على الباب اللي انفتح ودخلت منه امها مي بخوف:.يمه فيك شي ليش وجهك كذا! ام مي:.يا بنتي اختي بمصيبه الله يهون عليها مي بعدم فهم:.ما فهمت يمه وش صاير؟ ام مي:.نواف ولد خالتك بالسجن عشانه ذبح واحد توسعت عيونها ونطقت بعدم استيعاب:.ذبح!! ام مي:.والله ما ادري وش اسوي ما عندي غير ادعي لها الشي مو سهل مي:.يمه وش ليش ما قلتي لي متى صار هالكلام ؟ ام مي:.توني اعرف يا بنتي انتي لا تشغلين تفكيرك ان شاء الله انه بيطلع ابوه ما بيخليه مي:. يا عمري وحنين كيفها؟ ام مي:.والله ما ادري هذا اللي اعرفه بس حتى مدري وش السبب اللي اجبر نواف يذبحه مي جلست وهي تفكر بحنين وش ممكن يكون حالها! ام مي:.المهم الحرمه عجبتيها وهي تبي نحدد موعد مي:.هو اللي يحدد انا اي وقت جاهزه امي مي:.الله يسعدك يا بنتي ويعطيك اللي فيه الخير .. . . عند حنين كانت تحاول تنام بس كيف لها تنام؟ وحبيب روحها بعيد عنها كيف لها ترتاح ويهدأ بالها وابو ولدها بمكان بعيد عنها ما تدري عن حاله مسحت دموعها:.انا السبب كله صار بسببي ليش نواف اللي تحمل كل شي المفروض انا اكون مكانه.. 💐📚 @storykaligi 💐📚🖋 🍃💐 💐🍃💐 🍃💐🍃💐 💐🍃💐🍃💐