كنت في عز الثبات لين شفتك وانهزمت - الفصل 160 - بقلم ريناد | روايتك

البــــــــــــــــــــ 160ـــــــــارت مي بصدمه ناظرت فيها وكأنها توها تستوعب غلطتها هي مستحيل ترتبط بشخص غير مشعل هي كانت تضحك على نفسها مستحيل تقدر تكون ملك لواحد غيره كانت راح تتكلم بس امها طلعت ومي جلست وهي تحط يدها على راسها:.يالله انا وش سويت الحين بطلع امي بموقف بايخ لو رفضت بس انا مستحيل اتزوج الحين!! نزلت دموعها وشتمت غبائها هي مستحيل تنسى مشعل وخصوصا بعد اخر موقف وقفت فجاه وطلعت وهي تدور عليه وتتمنى يكون قدامها دورت بالحديقه وكانت تنادي باسمه وتبكي:.مشعل وينك تعال انا سامحتك ونسيت انا مابي احد غيرك مشعل تعال انا مصدقتك خلاص ابي ارجع معك ونكمل كل شي مشعل يا مشعل! جلست وهي تبكي وتندب حظها العاثر وفجاه حست بشي يلامس شعرها رفعت عيونها وانصدمت فيه:.مشعل! غطى شعرها وتكلم ببحته:.مابي احد يشوفك غيري اتمنى تفهمين اني ما اسمح لاحد يشاركني فيك نزلت دموعها ولمست يده:.انت هنا! مشعل وهو يبتسم:.ايه انا هنا بس ما اعتقد تشوفيني وكل هالدموع بعيونك مسحت عيونها:.ماراح ابكي ابتسم وهمس:.قومي امي داخل تنتظر تشوفك ناظرت فيه بصدمه:.امك! مشعل:.ايه ليش مصدومه قومي رتبي شعرك شوفي كيف وجهك مرهق مي:.انت تتكلم جد!!لا يكون تمزح مشعل:.لا ما امزح وقومي اشوف امي متحمسه تشوفك قومها وكانت تناظر فيه بصدمه مشعل وهو يحك دقنه:.ماودك تتحركين مي:.انا ما احلم صح؟ مشعل:.مو حلم يا بنت الحلال ؟ . . لبسها جاكيته وكانت تبكي بدون توقف عطاها المويه تشرب وفعلا شربتها دفعه وحده بكت بالم:.بردانه نواف احتضن يدها وشغل مكيف السياره على الحار مسح دموعها وتكلم برجى:.خلاص يا حنين الله يرضى عليك وقفي بكا قطعتي قلبي حنين:.وين عمر وينه نواف:.لا تخافين ولدك ذيب مافيه شي وهو بخير .. حنين:.اكيد تعبان يا عمري عليه ما عرفت كيف احمي ولدي اكيد زعلان مني نواف:.وانتي احد يقدر يزعل منك لا تبكين خلاص انتي معي الحين وسلطان انتهى حنين:.خايفه منه نواف:.تخافين وانتي معي حنين برجفه:.اخاف عليك منه هذا مجنون نواف:.لا تخافين سلطان راح ينتهي حنين:.لا تسوي شي غلط مابي أفقدك انا تعبت خلاص نواف:.مستحيل اخليه بعد اللي سواه انتي بخير صح؟ بكت وهزت راسها ونواف سال بخوف:.قرب منك؟ سحبت يدها وغطت وجهها وبكت نواف وقلبه يحترق:.قرب لك حنين! هزت راسها بالنفي وهمست:.ما يقدر يقرب لي انا ملكك انت وبس وأفضل اني اموت ولا احد يلمسني غيرك حضنها وهو يحمد ربه وحنين نفس الشي .. راقبت بعيونها المكان هالمكان صار يرعبها وصارت تتمنى تتخلص منه كانت تتمنى لو تطلب من نواف يزيد السرعه وفجاه وقف وهي صرخت برعب وكانت راح تنط لقدام بس نواف مسكها وهو يناظر سلطان اللي اعترض طريقهم ووقف بكل برود نواف وهو يرص على اسنانه:.ما تطلعين من هنا ابدا ولو صار شي شغلي السياره وروحي فاهمه؟ حنين وهي ترجف وتناظر فيه نواف بحده:.حنين سوي اللي قلته هزت راسها وكان راح ينزل بس حنين تمسكت فيه:.لا تروح الله يخليك خلاص اهم شي نطلع من هنا نواف بحقد:.وربي ما اخليه وسحب نفسه وطلع كتمت انينها وقفلت أبواب السياره وهي تناظر بسلطان اللي كان يبتسم ويناظرها وفجاه سحبه نواف ووجه له لكمه على وجهه كان راح يطيح من قوتها وسحبه ناحيته وهو يصرخ:.جيت عند موتك برجولك ابتسم سلطان ورفع حاجبه بسخريه:.ممكن العكس ؟ نواف رجع يضربه وسلطان ماكان يقاومه حتى نواف وهو يتنفس بتعب:.انت لازم تموت حرام فيك النفس اللي تاخذه سلطان دف نواف عنه ومسح وجهه:.مو انت اللي يقرر يا نواف تشوف اللي بالسياره ما قالت لك وش سويت فيها؟ نواف هجم عليه ورجع يضربه بجنون وحنين بكت بخوف وغطت عيونها وفجاه سمعت صرخة سلطان واختفى صوته بعدت يدها عن عيونها وتوسعت عيونها برعب نزلت وهي تهز راسها بالرفض وتبكي وتحاول عدم تصديق اللي قدامها وقف نواف وعلى ملامحه برود تام .. حنين وهي تبكي:.انت ذبحته ذبحت سلطان !! نواف ناظرها ورجع يناظر سلطان الغرقان بدمه:.هذا اللي مفروض يصير قربت منه وهي تبكي:.انت صرت مجرم !!! ذبحته نواف انت ذبحته نواف ما رد عليها وعيونه على سلطان قربت من سلطان وهي تبكي وتحسست نبضه وحست بانفاسه الخفيفه وصرخت:.لسا عايش نواف ارجوك خلينا ناخذه للمستشفى نواف:.مستحيل هذا لازم يموت وقفت ومسكت بيده:.ما فكرت فيني ما فكرت بولدك وش بنسوي بعدك رجيتك لا تعذبني وسلطان خلاص ما راح يعترض لنا نواف:.راح يعترض لك لو مامات هالمره حنين صرخت:.لا انا احتاجك ما اقدر اعيش بدونك لا تخليني اموت من قهري نواف ناظر فيها:.انا روحي تفداك صرخت وهي تهز راسها بالرفض:.لا لا نواف خلينا نساعده قبل يموت .. نواف رجع ناظر سلطان اللي كان راسه ينزف اثر الضربه اللي تلقاها من نواف بالصخره .. 💐📚 @storykaligi 💐📚🖋 🍃💐 💐🍃💐 🍃💐🍃💐 💐🍃💐🍃💐