كنت في عز الثبات لين شفتك وانهزمت - الفصل 153 - بقلم ريناد | روايتك

آلبــــــــــــــــــــ 153ـــــــــآرت تنفست بصعوبه ودورت بعيونها على شي تحاول تكسر فيه قفل الباب بس مافيه اي شي كان يساعدها بكت بالم ورفعت يدها:.يارب ساعدني يارب الهمني الصبر يارب دلني على الصح يارب اخذت نفس وبعدها كملت تدور على اي طريقه تطلعها من هالمكان . . . ببيت تركي كانوا الكل مجتمعين ما عدا الرجال ام نواف بشك:.وين راحوا اخوانك ؟ شوق:.نواف ما دري وينه ما لقيته الصباح جوري:.وتركي قال انه بيروح مع عمي ديما:. ايه هم مع ابوي وراحوا يشوفون البيت ام نواف:.الله يعين البيت مافيه شي سليم يبي له وقت عشان يرجع نفس اول جوري:.تبقون معي حتى يتصلح ام نواف:.ما ينفع يا بنتي وامك معك وحنا كثير لا تخافين بندور لنا على شقه جوري:.بيتنا كبير وتركي مستحيل يرضى تطلعون شوق وهي تضحك:.جوري ليش يوم تتكلمين عن اخوي خشمك يحمر؟ ام نواف ضربتها على كتفها:.قومي الله لا يبارك في ابليسك شوق وهي تحط يدها على فمها:.هذاني سكت العذر والسموحه منه يمه .. ابتسمت جوري بإحراج ولمست خشمها وشوق غمزت لها .. . . بالقسم كان نواف جالس ويراقب ابوه اللي يتكلم بهدوء بس ما تحمل كلامهم البارد وقام وهو يصرخ:.وش اللي مالهم اثر انتم ليش كذا باردين ابو نواف:.نواف احترم وجودي ولا ترفع صوتك نواف وهو يضرب بيده على الطاوله:. انا ماني بجلس اناظركم وانتظر احصل جثة زوجتي او ولدي مستعد ادور عليهم بنفسي بدون مساعده احد تركي حط يده على كتفه:.خليك هادي مقدر خوفك وكلنا نبي نوصل لهم بس اضبط نفسك نواف:.تركي انت تسمع ابوي كيف يتكلم انا تعبت وانا انتظر الى متى وانا انتظر !! ابو نواف:.كلنا خايفين عليهم بس لازم نعرف كيف نتصرف نواف سحب نفسه وطلع قبل يسوي مصيبه .. . . تعبت من المحاولات الفاشله وجلست بتعب ابعدت خصلات شعرها وبكت بالم وتعب كيف راح تتحمل بعدها عنه مسحت دموعها ووقفت بس جسمها صار هزيل وقوتها تبخرت ورغم كل هذا ضغطت على نفسها ورجعت تحاول لازم تطلع اليوم لانها ماراح تتحمل اكثر وفجاه انفتح الباب تراجعت للخلف بخوف وسلطان دخل وبمجرد ما شافها صار يضحك:.تعبتي والا باقي؟ حنين رجفت بخوف وما تكلمت سلطان حط الاكياس اللي كانت بيده وقرب منها:.تتوقعين انك راح تقدرين تطلعين من هنا؟ حنين بترجي:.اتركني اروح انت ما بتستفيد شي .. ابتسم وهز راسه بالرفض:.الا بستفيد تدرين وش راح استفيد ؟ ما تكلمت وسلطان قرب منها اكثر ولمس شعرها غمضت عيونها بتقرف وهو كمل كلامه:.استفيد اني اشوفك قرفانه مني بس ما تقدرين تبعدين واستفيد ان زوجك الحين مثل المجنون واستفيد ان امك تبكي ليل نهار كل هذا وتقولين ما استفيد ؟؟ بكت بالم وهمست:.بعد عني سلطان:. زوجك الحين قالب الدينا عليك بس للاسف ما بيقدر يوصل لك حنين انهارت وحاولت فيه يرحمها:.اتركني اروح والله ما بقول لاحد عن مكانك سلطان انا مو لك ولا بكون ووجودي معك محرم الله يخليك اتركني حنا مو لبعض افهم انت راح تنهي حياتك وحياتنا ولا راح تستفاد شي فكر بالشهور اللي قضيتها بالسجن فكر حط يده على فمها وهو يمنعها تكمل خنقها وحنين حاولت تبعده عنها لأجل تتنفس بس كان اقوى منها نزلت دموعها وهي تحاول بكل جهد تبعد يده وبعد ثواني تركها صارت تكح وتحاول تتنفس وسلطان رجع مسكها:.مالك مفر مني يا انا يا القبر سامعه ؟؟ صرخت بوجهه:.اختار الموت ولا اختارك ضرب بيده على الجدار وهي خافت وسلطان تكلم بغضب:. راح تختارين لان مالك مفر مني سامعه؟؟ من اليوم انسي نواف لانه مستحيل يوصل لك حنين:.انا متاكده راح يجي وياخذني انا املي بالله كبير ابتسم وهز راسه:. انتظري نواف اجل .. . . ببيت تركي كانت شوق بالغرفة منسدحه تفكر في عبدلعزيز تذكرت كيف اشر لها بحواجبه وابتسمت وأطلقت تنهيده وبعد لحظات دق جوالها ومجرد ماشافت اسمه شهقت وما عرفت وش تسوي حست بالإحراج من اخر موقف وما ردت وصلتها رساله منه:انا برا يا تردين يا ترا بجي عندك! شهقت برعب واتصلت فيه وعبدالعزيز ابتسم:.ايه كذا من البدايه ليش ما تردين علي؟ كانت ساكته وهو يسمع صوت انفاسها عبدالعزيز:.تكلمي والله ما اصدق انك شوق .. شوق:.متصل عشان تضحك علي؟ عبدالعزيز:.لا عشان شي اهم شوق:. اسمعك عبدالعزيز:.ما ينفع على الجوال شوق:. كيف يعني عبدالعزيز:.يعني يا طويله العمر تطلعين لي برا شوق بخوف:.ما اقدر انت مجنون كل اهلي هنا عبدالعزيز:. اختاري اجيك او تجين؟ شوق:.عبدالعزيز الله يخليك ما اقدر قول هنا عبدالعزيز:. يعني تبين اجي اوك دليني على الشباك حق غرفتك شوق:.لا خلاص وقف انا بجي لعندك ابتسم وسكر وهو ينتظرها اما شوق لبست عباية ديما وتلثمت وطالعت نفسها بالمرايه وبعدها نزلت وهي تمشي بخطوات خفيفه وصلت للباب وفتحته وطلعت دورت عليه بعيونها .. 💐📚 @storykaligi 💐📚🖋 🍃💐 💐🍃💐 🍃💐🍃💐 💐🍃💐🍃💐