كنت في عز الثبات لين شفتك وانهزمت - الفصل 152 - بقلم ريناد | روايتك

آلبــــــــــــــــــــ 152ـــــــــآرت حست بحراره داخل عيونها وغمضت وهي تبكي ورجعت فتحتها وانصدمت فيه واقف ومعه عمر اللي يشرب حليبه بكت ومدت يدها وعيونها تترجاه يعطيها عمر لو دقيقه وتفاجأت يوم عطاها زادت دموعها وهي تشم ريحه ولدها اللي دايم يذكرها في نواف حضنته وكأنها تستمد منه الامان والقوه ابتسم سلطان وهو يناظر فيها:.ما تتغيرين!! تجاهلت كلامه وجلست وعمر بين أحضانها سلطان:.بروح اجيب لك اكل حنين ما ردت وفجاه حست بيده ترفع وجهها خافت وحاولت تضبط نفسها سلطان بتحذير:.شوفي محد هنا عشان يقدر يساعدك وهالبيت حاليا امانك الوحيد انتبهي تطلعين برا لان وجودك معي احسن من وجودك مع غيري وأساسا الباب بقفله يعني ماعندك مجال للهرب قرب وهو ناوي يبوسها ولكن حنين نزلت راسها وهي تبكي هز راسه وابتسم ابتسامه سخريه وطلع . . . ببيت تركي استغربت جوري وجود نواف وحنين مو معه دخل تركي بعجله واخذ ثوبه وجوري استغربت منه وقربت له:.تركي علامك كذا مستعجل ؟ تركي:.حبيبتي وين راح شماغي بطلع مع ابوي جوري:.تركي صار شي ليش كذا وجهك تركي وهو يمسح وجهه:.ابد والله بس امس نواف ما تركني انام وهو يسولف جوري وكأنها تذكرت:.ايه ليش ما جاب حنين معه تركي:.عمر شوي تعبان وامه جلست معه جوري بخوف:.وشفيه عمر هي اساسا ما ترد تركي مسك بيدها:.ليش تبكين الحين اختك وعمر مافيهم الا العافيه بس شوية تعب جوري:.ما ادري بس انا مشتاقه لها تركي مسح دموعها:.فديت الحساسين انا جوري ابتسمت بإحراج وراحت جابت له الشماغ تركي وهو يناظر فيها:.تدرين اني نسيت وش كنت ابغا زين انك تذكرتي جوري استحت من نظراته وهمست:.روح لا تتاخر تركي:.خلي ابوي ينتظر جوري:.بعدين يعصب عليك تركي:.خليه يعصب جوري:.تررررككككي ابتسم وهو ياشر لها:.اهدي خلاص وتنفسي مانبي البيبي يموت انا بطلع الحين . . . بالمطبخ اخذت شوق القهوه لنواف اللي كانت تتوقع انه بالمجلس وراحت دخلت وهي منزله عيونها على القهوه وتتكلم:.نواف شوف سويت لك القهوه ويارب تطلع زي ما تحب صح اني احترقت بس كل شي يهون عشانك ورفعت عيونها وهي مبتسمه وفجاه صرخت وطاحت الصينيه من يدها وهي تناظر عبدالعزيز اللي كان يحاول يكتم ضحكته وابوها المصدوم حست برجولها تخونها ووقفت وهي تناظر فيهم عبدالعزيز شتت نظراته عنها وابو نواف وقف:.ادخلي يا بنت شوق بغباء:.انت هنا يبه ابو نواف:.شوق تحركي ما تشوفين الرجال رجعت تناظر لعبدالعزيز اللي رفع راسه واشر لها بحواجبه وشوق ركضت وهي تغطي وجهها وتسب نفسها رجع ابو نواف وتكلم بإحراج:.والله هالبنت مستحيل تكبر وهي اللي انت أنقذتها ابتسم عبدالعزيز:.اهم شي انها الحين بخير ابو نواف:.والله يا ولدي الشكر ما يكفي قاطعه عبدالعزيز:. يا عم اي واحد بيسوي اللي سويته ابو نواف:.محد يرمي نفسه كذا بالنار والله انك كفو وانا عاجز عن شكرك عبدالعزيز بتوتر:.واذا قلت لك اني ابغاك تزوجني بنتك؟ انصدم ابو نواف وعبدالعزيز حس انه تسرع ابو نواف بسعاده:.يشرفني انك تكون زوج لبنتي عبدالعزيز ابتسم وقام وهو يقبل راسه بحب ما توقع ان ابو نواف يوافق بذي السهوله ابو نواف:.ما بلاقي واحد مثلك مناسب لبنتي عبدالعزيز:. والله لي الفخر ان بنتك تكون لي ابو نواف:.خلاص يا ولدي بس تخلص هالمشاكل ونرتب امورنا يصير خير عبدالعزيز:.اي شي تحتاجه انا موجود ابو نواف:.والله ما تقصر يا ولدي ربي يسعدك ابتسم عبدالعزيز وكان وده يشوفها ويقولها انها صارت له للابد . . . كان ضايع تماما يمشي بدون هدف ملامحها ما تفارقه غمض عيونه وهو يحاول يرتاح يحاول بكل جهد ما يكون ضعيف بس الحقيقه ان حنين هي نقطه ضعفه سند راسه على مرتبة السياره واخذ الدخان وصار يدخن وهو يفكر فيها وكأن الدخان راح تساعده كان قلبه يغلي كم تمنى يوصل لسطان حتى يمحيه من الارض مستحيل يخليه يفلت منه . . . عند مي كان الحزن يسكن ملامحها كم كرهت نفسها لانها سمحت لشخص يزرع فيها كل هالالم والمعاناة حست بحراره على خدها واكتشفت انها تبكي مسحت دموعها وهي تحاول ما تبكي عشانه تركت كل شي عشان مشعل تركت كل الأحلام اللي رسمتها ورجعت تتخبى بغرفتها وتبكي يا ترى مشعل يفكر فيني؟يا ترى مشعل سأل عني؟ يا ترى لاحظ رحيلي !! دفنت وجهها بمخدتها وبكت لعلى ويرتاح قلبها . . عند حنين حطت عمر اللي نايم على الكنبه ودورت بعيونها على شي تغطيه فيه ولقت بطانيه وحطتها عليه وطبعت بوسه على جبينه وهي تكتم دموعها:.سامحني يمه لاني ما اقدر اسوي شي امك عاجزه والله وقفت وهي تدور على مكان تطلع منه كان الشباك مقفل شتمت حظها وراحت تحاول تفتح الباب ولكنه مقفل! 💐📚 @storykaligi 💐📚🖋 🍃💐 💐🍃💐 🍃💐🍃💐 💐🍃💐🍃💐