الفصل 151
آلبــــــــــــــــــــ 151ـــــــــآرت
كم من المحزن ان الذكريات لا تنسى مهما كانت تتبعنا دائما بكل موقف تمر علينا طيف من ذكريات الماضي ابتسمت ومسحت تلك الدمعه المكسوره ولكن دموعها لن تتوقف وهي تتذكر خيانه مشعل نزلت دموعها وبكت بالم وهي تسال نفسها
لماذا حظي العاثر دايماً يقودني للأشخاص الغلط
حاولت تكتم نفسها لأجل امها ما تكشفها ولكن دموعها رفضت كلامها ونزلت رجعت تمسح دموعها وهي تتكلم بصعوبه:. ليش ابكي الحين!! هو اللي اختار ذا الشي هو اللي فضل انثى غيري هو اللي اختار الخيانه هو اللي لعب بقلبي هو..
ولكنها لم تستطع ان تكمل واجهشت بالبكاء .
.
.
رجع نواف مع ابوه كان بقلبه فراغ وحزن وكل تفكيره حول حنين وعمر كان يتمنى لو خبر واحد وانها بخير حاول يكون طبيعي رغم العاصفه اللي تجري داخل قلبه
مسك ابو نواف بيده:خليك قوي ولا تبين شي لهم وخصوصا ام زوجتك المسكينه ما بتتحمل
نواف هز راسه
وابو نواف كمل كلامه:.روح الحين ارتاح شوف بالمجلس فيه سرير نام عليه وارتاح وبكره
قاطعه نواف:.كيف تبيني انام يبه وانا مدري زوجتي وين وولدي وين واذا هم بخير والا لا التفكير بيذبحني
ابو نواف بحنيه:. انا متاكد انه ما بيسوي شي يضرها دامه كان يتمناها له من الاول
نواف بغيره وحده:عمرها ماكانت له ولا بتكون!!
.
.
عند سلطان وحنين كان المكان بارد والأرض اللي
كانت حنين جالسه عليها مثل الثلج حست بكل جسمها يالمها ناظرت عمر الغارق بالنوم بكت بالم على حالها وحال ولدها اللي ماكانت حتى تقدر تحضنه وتأخذه بحضنها حاولت توقف وتروح له وفعلاً وقفت ومشت وقبل توصل له
وقف بوجهها سلطان:.وين رايحه !!
حنين بترجي:.ابوس رجلك خليني اشوفه واخذه اكيد هو الحين جوعان تكفى يا سلطان بس شوي
سلطان:.ارجعي مكانك ولا توجعين راسي
حنين بكت وانهارت عند رجوله وتمسكت بطرف ثوبه:.لا تحرق قلبي بهالطريقه خليني اشوفه بس شوي انا ام ارحمني ولا تعذبني زياده!
سلطان مسك بيدها المجروحة وسحبها حتى صارت قريبه منه بكت وهي تحاول تبعده عنها بس سلطان ما سمح لها ابتسم وهو يمرر يده على خدها الاحمر :.ليش وجهك احمر كل هذا زعل عشانك مو معه؟
حاولت تفلت من بين يديه بس ما قدرت:.اتركني
سلطان بتحدي:.واذا ما تركتك وش بتسوين يعني!!
حنين بضعف:.ارحمني صدقني قوتي راحت ارحمني خلي بقلبك شويه رحمه لا تخلي حقدك يعميك
سلطان وعيونه على وجهها:.انتي خليتي هالحقد انتي زرعتيه بقلبي
هزت راسها بالرفض:.لا والله انا عمري ما ضريتك
سلطان:. انتي اخترتي نواف وخليتي قلبي يتعبى حقد
حنين:.انا نصيبي معه مو معك
صرخ في وجهها وحنين خافت وزادت دموعها
مسح دموعها وهو يهمس:.لا تبكين دموعك تزعجني
حنين ما سمعت له وبكت وهي تحاول تتخلص منه بس سلطان حضنها بالقوه حاولت تدفه عنها بس قوته كانت اكبر منها حست بجسمها يوجعها واختنقت وهو يشد عليها وبعد ثواني تركها طاحت على الارض وهي تحاول تتنفس وسلطان سحب نفسه قبل يفقد أعصابه ..
.
.
كان يحس بالليل طويل والوقت ما يمشي وقف وهو يتعوذ من الشيطان ورأسه يكاد ان ينفجر من الافكار مشى وطلع لبرا وحاول ياخذ نفس وهو يدعي ربه تكون حبيبة قلبه بخير وولده بامان كان يتمنى وجود سلطان امامه حتى يعبر عن كل القهر والكره اللي بداخله لف على صوت تركي اللي كان مستغرب وجوده:.نواف غريبه ما نمت
تنهد وحاول يكون طبيعي:.ما فيني نوم وطلعت اشم هوا نظيف
تركي بشك:.وين زوجتك غريبه ما جبتهم؟؟
نواف:.ابد بس عمر تعبان شوي وامه ما حبت تخليه
تركي:.ليش ما رحت لهم !
نواف:. ما حبيت اترك ابوي لحاله
تركي:.نواف انا اعرفك زين وانا ماني طفل عندك تلعب عليه بكم كلمه وجهك مو معجبني صاير شي؟
نواف بتعب:.تركي لا تضغط علي خلاص
تركي:. نواف انا اخوك ليش تخبي عني
نواف غمض عيونه بس كان يحتاج شخص يواسيه ويخفف عنه همه:.سلطان طلع
تركي بصدمه:.وشو!! قول انك تمزح!!وش طلعه!
نواف:.طلع وهو السبب بحريق بيتنا واخذ معه حنين وعمر وما ادري وينه ! تعبت ياخوي احس عقلي بينفجر ما ادري اذا هم بخير او لا
تقدم منه تركي وحضنه وحاول يخفف عنه ..
.
.
عند حنين فتحت عيونها بصعوبه كانت ترجف من البرد حاولت توقف بس قوتها ماكانت تساعدها لفت بعيونها وهي تدور على عمر وفجاه شهقت ووقفت متجاهله المها وجسمها اللي يطلب الرحمه ركضت وهي تصرخ:.وين عمررر سلطان وين خذيت ولدي !!
💐📚 @storykaligi 💐📚🖋
🍃💐
💐🍃💐
🍃💐🍃💐
💐🍃💐🍃💐