الفصل 6
طلعت شام من عند اخوها من الورشة واتصلت على سنا
ثواني واجاها الرد
سنا : الو ؟
شام : الو مرحبا كيفك
سنا :يا هلا مين معي
شام :مو حصرتك الانسة سنا
سنا :اي بس ما عرفت مين معي
شام :انا بكون شام ممكن نتقابل ضروري لو سمحتي
سنا :عفوآ منك بس ما عرفت مين شام
شام :انتي ما بتعرفيني ممكن نتقابل ورح تفهمي كلشي
فكرت سنا شوي حست عليها شام انها مترددة
شام : بأي مكان انتي بتحدديه والموعد الي بدك ياه
سنا : طيب ممكن اخد فكرة عن الموضوع الي بدك تحاكيني فيه
شام :قلتلك بس نتقابل رح تفهمي كلشي
سنا : طيب بعد ساعتين بكافيه الزهور
شام :ماشي اتفقنا
الممرضة :انسة سنا الدكتور بإنتظارك صار دورك
سنا :يالله جاي
بتسكر سنا التليفون وبتدخل عند الدكتور بينما شام استغربت سنا عند دكتور شو وليش
☘️☘️☘️☘️☘️☘️
الدكتور : احكيلي يا سنا شو قصتك
سنا :قصتي اني وحيدة من صغري
الدكتور :اتفضلي قعدي هون وغمضي عيونك واحكي كلشي عم تحسي فيه
بتقعد سنا على كرسي نص تسطيحة وبتغمض عيونها وبتشرع بل حكي
سنا :انا من طفولتي كنت وحيدة كنت كتير عاني من التنمر لانو ما عندي اب وبسبب حالتنا المادية القليلة ما كنت اقدر كل يوم البس بدل جديد متل باقي البنات
الدكتور :لاحظت انك قلتي متل باقي البنات وما قلتي متل باقي رفقاتي ليش رفقاتك كانت حالتهم متلك
سنا : هه لا ما كان عندي رفقات من الاساس كان صفي مقسم لمجموعات وكل مجموعة عاملة شلة بس انا كنت لوحدي يخافو يحكو معي كان لقب معقدة مرافقني من الصغر معقدة بسبب طريقة لبسي معقدة بسبب طريقة تفكيري
الدكتور: وما حاولتي تواجهي هل اتهامات ولا مرة
سنا :واجهت كتير وبعدين مليت مليت من كل الاتهامات خلص الي مفكرني معقدة بكيفو والي شايفني طبيعية كمان بكيفو
الدكتور :قلتليلي انو ابوكي مو موجود وينو هلق
سنا :من لما وعيت على هل دنيا وانا ما بعرف شي عنو ولا بعرف ليش ترك امي
الدكتور :طيب وما حاولتي تعرفي ولا شي عنو
سنا :هوة تخلا عني حتى قبل ما اخلق على هل الدنيا ليش لأسال عنو
الدكتور :بس انتي لازم تسألي عنو وتعرفي شو ظروفو
سنا : .......
الدكتور : يا سنا نحن لازم نواجه مشاكلنا وما نهرب منها بعمرو الهروب ما كان صح ولا كان تلتين المرجلة الهروب اكبر غلط برتكبو اي انسان وخاصة الهروب من المشاكل لأنو رح يزيد الطين بلة ورح تتفاقم المشاكل
سنا :شو بتنصحني اعمل هلق
الدكتور : بدي تواجهي امك وتسأليها عن ابوكي وليش ترككم وبترجعي لعندي لنتناقش بلي رح تقلك ياه امك وتعرفيه
بدي اسألك انتي بتصلي شي
سنا :يعني كتير احيان ما بصلي
الدكتور : بدي ياكي تداومي على الصلاة وكل يوم إذا قدرتي جزء قرأن وإن ما قدرتي ما تيسر معك من القراءة (قليل دائم خير من كثير منقطع )
☘️☘️☘️☘️☘️☘️
طلعت سنا من عند الدكتور وهية عم تفكر بكلامه فعلآ هية كيف ما فكرت تسأل عن ابوها قبل وليش تركهم معقول من الباب للطاقة تركهم ومشي اكيد في سر مخبيته سما وسنا صارت مصرة انها تعرفو
بعد ساعة بكافية الزهور
شام قاعدة على طاولة لحالها وكانت عم تستنى سنا
اتصلت فيها سنا
سنا : الو انا صرت بل كافيه وانتي
شام :وانا بل كافيه ورفعت ايدها كرمال تعرفها سنا
شام مدت ايدها انا شام
سنا : سلمت عليها وقالت تشرفت فيكي انسة شام وانا سنا
شام : عرفتك اول ما شفتك والله اخي حقو يحبك كل هل حب
سنا :عفوآ بس مين اخوكي
شام :اخي لؤي
سنا :اااه هلق فهمت اخوكي باعتك كرمال يكمل كذب وشفقة علي
شام :لا والله اخي لا كذب ولا شفق عليكي اخي عنجد بيحبك
سنا : وشو بيثبتلي صحة كلامك بصراحة انا مبقا اوثق بحدا
شام طالعت تليفونها من شنتها وحطت هلى فيديو وعطتو لسنا لتتفرج عليه سنا وتنصدم من الي سمعتو
شام :هاد الموقف الي بس شفتي اخرو انتي واتدايقتي من اخي
سنا :طيب انا شو عملتلهم ليفكرو يأذوني
شام :انتي ما عملتي اخي هوة الي عمل اخي حبك ورفض فاطمة
سنا : .......
شام :انسة سنا انا اول مرة بشوف اخي بهل حالة هوة كتير بيحبك وعلى فكرة انتي اول حب بحياة اخي
سنا :بصراحة انا مو عارفة شو قول
شام : انا ما بدي تقوليلي شي بدي توافقي على اخي
سنا :خلص رح فكر بل موضوع بشكل جدي
شام :ممكن سؤال
سنا :تفضلي
شام :دكتور شو الي كنتي عندو يعني ماشاءالله مبين عليكي صحتك حديد
سنا :بس الصحة الجسدية مو كل شي
شام :كيف يعني ما فهمت
سنا :يعني الصحة النفسية الها عامل كبير بحياة الإنسان
شام :وانتي كنتي عند دكتور نفسي
سنا :اي 😟
شام حطت ايدها على ايد سنا وقالت :هلق كبرتي بعيني اكتر لا تفكري حالك عملتي الشي الغلط بل عكس كلنا منمر بفتر. منكون بحاجة فيها لدكتور نفسي وفكرة انو الي بروح عند دكتور نفسي بكون مجنون هي كتير غلط والي بفكرو هيك بهل زمان هاد بكونو كتير معقدين
سنا :🙂🙂🙂
شام :خير في شي
سنا :لا ولا شي
🎶🎶🎶 برن تليفون شام
شام :الو اي اخي لا انا بكافيه الزهور اي ماشي ماشي يلا سلام
سنا :رح يجي لهون
شام :ااه لا مو جاي بس عم يتطمن على
سنا :اممم بس بدي اسألك كيف جبتي خل فيديو
شام: في كاميرات مراقبة بل ورشة وموصلين على تليفوني وتليفون لؤي بس شكلو اخي نسيان او هيك شي
بعد خمس دقايق من الحديث المتواصل وهنن مدموجين كتير مع بعض بيدخل لؤي على الكافيه بتشوفه شام من بعيد
شام :ليكي انا رايحة على الحمام وجاي
سنا : اوك لا تتأخري لانو لازم امشي
شام :ماشي
راحت شام على الحمام بدون ما تخلي لؤي يشوفها
دخل على الكافيه عم يدور بعيونو على اختو لمح سنا قاعدة لوحدا واتجه لعندها
لؤي : يا محاسن الصدف شو هل صدفة الحلوة
لتطلع سنا من شرودها وتنقذ
لؤي : بعتذر اني نقذتك مو بقصدي بس انتي مع مين فيني اقعد معك
سنا :انا مع رفيقتي وانا هلق كنت رايحة امشي
بتقوم لتمشي بس في شي مسكها من ايدها وما خلاها تتحرك
سنا : انتة شو مفكر حالك عم تعمل تروك ايدي احسنلك 😡
ليترك ايدها لؤي بتوتر من الاحاساس الي اجاه اول ما لمس ايديها كهربا سرت بكل جسمو خلتو يتخدر وما يعرف يتحرك
او يحكي
طلعت سنا من الكافيه
شام :لك تضرب على هل حب ما عرفت تحكي ولا كلمة جيت لتكحلها قمت عميتها 🤦♀️ اخدت اغراضها ولحقت سنا
ولؤي ضل واقف مصدوم من كلشي صار وكأنو حلم وشو الي جمع سنا مع شام وصارو رفقة بسرعة 😵
☘️☘️☘️☘️☘️☘️
شام :سنا سنا اهدي شوي
سنا :انتي كنتي متفقة معو
شام :لا والله بس لما حكى معي كان قريب قلت بجي ومنطلع سوا وهوة والله بدون ما يحس على حاله
سنا :وانتي شو عرفك بالي صار اكيد ما لحق يشرحلك شي لانو بعد ما طلعت انا من الكافيه فورآ انتي لحقتيني
شام :ااه بصراحة لما طلعت من الحمام و شفتو اجا قلت خليكن تتفاهمو مع بعض شوي بس هوة الاجدب راح بدال ما يكحلها راح عماها
سنا : اها قلتيلي بعد ما طلعتي من الحمام شفتيه اجا
شام :اي 😁
سنا :طيب انا لازم امشي عن ازنك وانتي رجعي لعند اخوكي خليه يوصلك 😏
شام :ماشي se you
سنا :الله معك
راحت سنا اشترت عدة للسهرة ورجعت على البيت
سما :شو ست سنا صايرين ما عم نشوفك
سنا راحت عند امها باست راسها وقالت :حقك علي ست الكل والله انا مقصرة بحقك لهيك جبت عدة للسهرة كرمال نسهر سوا شو طابختلنا ست الحبايب
سما :زعلامة منك وما طبخت شي
سنا :بس كأني شامة ريحة ملوخية 🙃
سما : هي من عند الجيران
سنا :طيب لكن رايحة غير تيابي واجي اطبخ ملوخية
راحت سنا غيرت تيابها وغسلت لترجع على المطبخ وتلاقي الاكل جاهز على الطاولة
سنا :ابوس قلبك شو بحبك يا امي يا حنونة انتي
سما :يالله كلي وبلا مكولكة بعد العشا مارح اعمل شي بتعمليلي كاسة شاي لبين ما تلمي المطبخ وتجلي الجليات وبعدين منزبط السهرة
سنا :انتي بتأمري امر 😊
☘️☘️☘️☘️☘️☘️
شام :لك انتة مجنون لتمسكلها ايدها بهل طريقة قدام الكل
لؤي :اييي اختي قلنالك مية مرة انو لا اراديآ لما شفتها رح تمشي مسكتلها ايدها
شام :ما شاء الله عليك
لؤي :اختي هلق حاج تبهدلي فيني ونصحيني شو اعمل
شام : هات جوالك لقلك شو تعمل
☘️☘️☘️☘️☘️☘️
كانت رايحة راجعة وهية عم تاكل حالها من الغيظ
فاطمة :انا انا اتبهدل هل بهدلة كرمال وحدة مسترجلة متل هي لك مافيها شي من مناظر الانوثة على شو حبها ما كنت اعرف
ياسمين :ايي وهلق شو رح تعملي رح تستسلمي
فاطمة :اكيد لا انا في بإدي كرت رابح وهلق صار وقتو
ياسمين : شو هوة الكرت. ولا ليكوون والله انك داهية الله لا يعلقني تحت ايديكي
اي وايمت التفيذ
فاطمة: بكرا
وطالعت تليفونها ودقت رقم واستنت الرد
فاطمة : الو. اي. بكرا بتنفذ. بس المهم اسمي ما يظهر
تمام. سلام
سكرت فاطمة الخط وهية عم تحيك الشر بعيونها ياسمين مو رضيانة عن الي بدها تعمله بس مو عرفانة كيف بدها توقفها
☘️☘️☘️☘️☘️☘️
سنا :وهي احلى سهرة لاحلى ام بل كون
سما :يالله تعالي قعدي هون
سنا :لا ما بدي اقعد
سما :لكن شو بدك تضلي واقفة
سنا :اكيد لا انا محتاجة دفعة حنان راحت سنا تسطحت على رجلين امها وغمضت عيونها يالله يا امي شو محتاجة لهل حضن وشو تعبانة نفسيتي والله يمكن ما تصدقي بس حاسة كل جبال الدنيا قاعدة على صدري بدي ابكي بس كبريائي عم يمنعني حاسة مبقا فيني قوة من الي كانت فيني ولا بتعرفي شو انا من الاساس مو قوية انا ضعيفة كتير متل ما كنتي تقليلي على طول انا بس بمثل القوة بس من جوة هشة اكتر من البسكوت
سما :وهية عم تمسد على شعر بنتها يا عمري انتي شو صاير معك
سنا :ليش كلهم بيكرهوني وما بدهم ياني انا شو عملتلهم لك حتى ابي تخلى عني
سما :.......
سنا :امي انا وين الغلط الي فيني لحتى هيك بعاملوني الكل
سما :الغلط مو فيكي يا عمري الغلط فيهم هنة
سنا :ماما وينو بابا وليش تركني من لما كنت ببطنك وما عاد سأل عني
سما :......
سنا : ماما عم اسالك بترجاكي جاوبيني وينو بابا وليش تركني
سما :وينو ابوكي ما بعرف بس ليش تركك
سنا :ايي ليش تركني
رجعت سما بذاكرتها لهداك اليوم
سما : واخيرآ اليوم رح اعرف جنس المولود الدنيا مو سايعتني من الفرح
فؤاد(ابو سنا) :بفرحة يارب يكون صبي لحتى ربيه احسن تربية
سما :يا فؤاد الي بيجي من الله يا محلاه المهم الخلقة التامة
تغيرت ملامح فؤاد للأنزعاج وقال يالله قومي بسرعة البسي لنروح
لبست سما وراحو على الدكتورة وهون كانت الصدمة
فؤاد :شووو كيف يعني بنت ارجعي تأكدي دكتور ليكون مخربطة
الدكتورة :عفوآ كيف يعني مخربطة وبعدين ليش هيك عم تصرخ بنت بنت المهم الخلقة التامة
فؤاد :انا هيك بعيط على الي بدي ياه ومحدا الو عندي شي وبوجه كلامو لسما
قومي لشوف يبلاكي بقتلك انتي والي جواتك
راحت معو سما عند اكتر من دكتورة وكلهم اكدو انو بنت اخر
شي طلقها وضب تيابو ومشي
باك
سنا :هيك بهل بساطة