انا لست معقده - الفصل 5 - مكتملة | روايتك

طلعو لؤي وسنا من الورشة سنا :لوين نحنا رايحين هلق وليش تركنا الشغل لؤي :لاحقين على الشغل حابب اعزمك على فنجان قهوة إذا ما عندك مانع سنا :بس الشغل لؤي :لا بس ولا شي اصلآ انتي مو مركزة ابدآ ومارح تقدري تشتغلي بهل وضع سنا :بعتذر لؤي :على شو عم تعتذري ؟ سنا : عم عطلك عن الشغل بدال ما اشتغل شغلي اصلآ انتة مو مجبور تكون معي هلق لؤي :ممكن بلا هل حواجز الي بينا وتفضلي نشرب فنجانين قهوة على رواق سنا :تفضل دخلو لؤي وسنا على الكافيه وطلبو فنجانين قهوة وقعدو ساكتين سنا صافنة بل عدم ولؤي صافن بسنا لؤي : سنا انا معجب فيكي سنا :نعم 😳 لؤي : متل ما سمعتي انا معجب فيكي بعد صمت لعدة دقايق نطقت سنا بإنزعاج وعصبية انتة شو مفكر حالك عم تعمل اااه سمعت كلام جود مبارح وانو محدا طلب ايدي لهلق جاي تشفق علي وتقلي انا معجب فيكي لؤي : سنا اهدي نحن بمكان عام سنا :ما بدي اهدا انا هيك حرة بتصرفاتي وبحالي محدا الو علاقة اخدت شنتتها وغراضها وطلعت برا الكافيه دموعها بدهم ينزلو بس كبريائها كان مانعها تنزلهم حتى قدام حالها لؤي حاسب وطلع لحق سنا لؤي :سنا يا سنا لك انطريني شوي سنا :خير شو في لسة عندك حكي بدك تحكيه لؤي :والله انتي فهمتيني غلط انا عنجد معجب فيكي والدليل الورقة الي كانت مع هدية عيد ميلادك متذكرة شو كان مكتوب فيها سنا : ..... لؤي :{رغم قلة رؤيتي لكي الا انني عندما اراكي احس بشعور مميز لا اعرف ما هوة ولكني اعرف انه شعور جميل جدآ} تذكرتي انا عنجد معجب فيكي ومن اول مرة شفتك فيها حسيت بكهربا سرت بكل خلايا جسمي يمكن هاد هوة الحب من النظرة الاولى ما بعرف بس عنجد انا بحبك كانت سنا مصدمة كتير هي اول مرة بتقابل شب وبيقلها بحبك اصلآ اول مرة بتسمع كلمة حلوة من غير امها حست بفرحة بس ما حبت تظهرها للؤي استأذنت منه ومشيت بسرعة من قدامه ليصرخ لؤي سنا انا بحبك والمسا رح حاكيكي لأخد الجواب منك واعرف شعورك تجاهي لما سمعت سنا هل كلام اسرعت من مشيتها اكتر وبين عليها التوتر الخوف الفرح الحب كل المشاعر اختلطو مع بعض ليكونو مزيج لا يمكن وصفه وهية ماشية تذكرت كلام اخوها جود عن الدكتور النفسي دورت على دكتور نفسي بنفس المنطقة الي كانت فيها بس ما لاقت عطوها عنوان دكتور نفسي الكل وصفوه انو شاطر بس كان محلو بعيد لهيك اخدت عنوانو على التمام واجلت الروحة لعندو ☘️☘️☘️☘️☘️☘️ ضلت تتمشى وتتفرج على العالم على الي رايح والي جاي سنا : يا الله شو في حكايات بقلوب البشر الي بمعن النظر بهل ناس الي ماشية بل شوارع بلاقي انو كل واحد عندو هم وكل واحد عندو قصة حتى لو كان هل بني ادم عم يضحك بس ما عاد شفنى هديك الضحكة الي نابعة من القلب هي الضحكة ماتت عند اغلب العالم بعد تمشاي طويلة تعبت سنا اخدت تكسي وراحت على البيت و كان اخوها جود عم يستناها جود :شو ام السوم لسة زعلانة مني سنا :لا مو زعلانة من الاساس جود :لكن ليش ما عم تردي على اتصالاتي اذا مو زعلانة سنا :حاطة التليفون صامت وما حسيت عليه جود :بقلبو اي دللي وكتري بكرا بس اخد الي بدي ياه ابقي زعلي قد ما بدك ويلعن ابو الي بدو يصالحك اصلآ من شو زعلامة لاني قلتلك بدك دكتور نفسي ليش مو هي الحقيقة وهوة عم يحكي ابتسم سنا :هيي وين سرحت وعلى شو هل ابتسامة جود :ااه لا ولا شي هون انا ماشردت سنا :لك صحيح بدي اسألك انتة ولؤي كيف عرفتو اني هنيك بهداك اليوم جود :اول ما طلعتي من البيت وقلتي لامك عند رفيقتي امك ما صدقت لانها بتعرف انو ما عندك رفقات لهيك اتصلت فيني وكان عندي لؤي ولحقناكي وعرفنا وينك سنا :اممم جود :ام السوم ممكن طلب سنا :تفضل جود :بدي رقم شهد سنا :وشو بدك فيه لرقم شهد جود :ولا شي بس بصراحة انا معجب فيها وحابب اخد رقمها منك كرمال ندردش سوا ونتعرف على بعض اكتر سنا : اي تكرم عيونك بس لأسألها بل اول واذا وافقت تكرم عيونك بقلبها ههه شو مفكرني غشيمة عنك انا بعرف انو بعد الشي صار مع شهد حابب تتسلى معها بس بعيدة عن سنانك جود :الله يكرمك حبيبت قلبي سنا :يالله انا بستأذن رايحة غير تيابي وغسل واجي كرمال نتغدى سوا جود :لا معلش انا رايح امي ناطرتني على الغدى سنا :اي متل ما بتحب سنا ودعت اخوها وبعدين دخلت اخدت دوش وطلعت لبست بيجامتها ونشفت شعرها وتسطحت تفكر بكلام لؤي ويا ترى فعلآ هوة معجب فيها ولا بس شفقان عليها بعد الي قالو جود نفضت سنا الافكار من راسها وقالت ايي وبعدين واذا معجب يعني اصلآ انا ما بدي اتجوز هيك مقررة وما بدي ينعاد نفس الشي الي صار بأمي معي مارح اتحمل اخسر حدا جديد بحياتي مبقا اتحمل حدا جديد يتخلى عني خلص حتى ولو تقدملي انا رح ارفضو اي هاد احسن حل سما بتدق الباب وبتدخل :شو لك بنتي عم تحكي مع حالك شو صاير معك سنا :لا ولا شي بس شكلي نفعلت شوي بأفكاري لهيك علي صوتي سما :اذا مو تعبانة تعي سهري معي بل صالون سنا :والله يا امي نعسانة بدي نام بكرا عندي شغل سما :اي نوم العوافي إن شاء الله سنا :يعافي قلبك امي قفلت سنا تليفونها كرمال بس يحاول يحاكيها لؤي يطلع مغلق ونامت ☘️☘️☘️☘️☘️☘️ عند لؤي قاعد مع اخته بل صالون وعم يدق لسنا يطلع مغلق كانت اخته عم تحاكيه بس هوة بعالم تاني شام :هيي لؤي لؤي :اي شام شبكي ليش عم تصرخي شام :من ساعة وانا عم حاكيك وانتة وكأنك مو هون شو صاير معك اخي صرلك كم يوم متغير عم تشرد كتير ومو معنا بنوب لؤي :والله يا شام اخوكي وقع وما حدا سما عليه شام :ولي على قلبي إن شاء الله شو صاير معك من شو وقعان لؤي : هههه لك لا اختي مو متل ما انتي فهمتي قصدي وقعان بل حب شام : اي ها هاد الخبر الي عليه علامات إن شاء الله الف مبروك لللللللليش لؤي :اختي اهدي فضحتينا عم قلك حابب مو تجوزت شام :من بكرا رايحة اخطبلك ياها بس انتة قلي مين هية لؤي :اختي بدك تروقي شوي شام : ليش اخي شو صاير لؤي : هاد يا ستي .......... وبحكيلها القصة من لما اعجب بسنا لحد ما اعترفلها بحبو وهية صدتو خوفآ منها انو يكون كلامو شفقة بسبب جود شام :يعلي إن شاء الله في اخ بحكي مع اختو هيك وبنص الشارع وقدامك لؤي :من خوفو عليها حكى هيك شام : بقول المتل بيني وبينك دبحني وبين الناس لا تفضحني لؤي : اي هاد الي صار بقا شو رئيك شام :تركها علي مو قلتلي هية بتشتغل معك لؤي :اي شام :خلص خليها علي معناها 😎 لؤي :ماشي لنشوف شو رح يطلع معك ☘️☘️☘️☘️☘️☘️ فاقت سنا تاني يوم بس ما كان بدها تروح على الشغل بعتت رسالة للؤي انها مو رايحة ورجعت قفلت الموبايل كلو كرمال ما حدا يزعجها عند لؤي كان فايق من بكير وعم يشرب قهوتو الصباحية وصلتو رسالة من سنا انها مو جاي على الشغل حاول يتصل فيها بس كان تليفونها مسكر لهيك حس انو بدها فترة راحة بعتلها رسالة كرمال بس تفتح تليفونها تشوفها وسكر التليفون وطلع على الورشة وصل على الورشة كانو الصبايا مبلشين شغل بلش هوة شغل شوي واجت لعندو أسماء أسماء :مرحبا معلم لؤي لؤي :اهلين أسماء خير في شي الشغل فيه مشكلة أسماء: لا بس كنت حابة أسالك عن سنا ليش ما اجت اليوم لؤي :سنا اليوم اجازة أسماء :ااه اي شو عليه لؤي :خير كأنو لسة في بتمك حكي أسماء :بصراحة اي بس خايفة ما تصدقني لؤي :احكي بسرعة شو فيه أسماء : فاطمة وياسمين عم يحكو على سنا ويقولو فيه شي بينك وبينها وغير هيك ناويلها الشر وخاصة فاطمة قال هية بتحبك من زمان وما بدها ولا بنت تقرب منك لؤي :هيك لكآ أسماء :اي والله يا معلم لؤي :روحي هلق انا بتصرف راحت أسماء وبعد فترة صغيرة لحقها لؤي كرمال باقي الصبايا ما يحسو انو أسماء هية الي فسدت عليهن راح عند الصبايا وصار يصرخ ويقول سمعونو منك الها سمعان الكلام كتران على سنا وانو انا وياها في بينا شي واتطلع على فاطمة وقال وانو في ناس ناويلها الشر لانهم بحبوني قسمآ بالله العظيم الي بتقرب على سنا لا تلوم الا حالها فهمتو ولا لا ممنوع ولا وحدة فيكن تقرب على سنا بهل اثناء كانت سنا داخلة على الورشة وما سمعت من كلام لؤي غير ممنوع ولا وحدة فيكن تقرب على سنا لهيك اتدايقت كتير وطلعت من الورشة ركد انتبه لؤي عليها حاول يلحقها بس وقف كرمال تترتاح شوي وقرر بعدين يحاكيها ويشرحلها الموضوع ☘️☘️☘️☘️☘️☘️ عند سنا كانت ماشية بل شارع بدون وجهة حست حالها نكسرت كتير بهل كم يوم ومن ناس ما كانت تتوقع منهم الكسرة لسة مبارح لؤي كان عم يقلها انو بحبها هلق عم يمنع ايا بنت انو تقرب منها ليش مشيت كتير لحتى رجليها ودتها قدام عيادة الدكتور النفسي اخدت نفس طويل ورجعت اطلقتو وبعدين دخلت على العيادة سنا :مرحبا الدكتور موجود الممرضة :اي عندك موعد مسبق سنا :لا والله فيني اخد موعد هلق الممرضة : طبعآ بس عبلي هل ورقة كرمال نفتحلك اضبارة عنا عبت سنا الورقة وسجلت على دور وقعدة تستنا الدور فتحت موبايلها شافت عليه كتير محاولات اتصال ورسايل من لؤي لؤي :خدي اجازة قد ما بدك بس المهم لما ترجعي ترجعي سنا القوية الي شفتها اول مرة سنا :بقلبها هه على اساس كتير سائل عني وعن زعلي ☘️☘️☘️☘️☘️☘️ عند لؤي بل ورشة اعطى اجازة لباقي الصبايا وقعد هوة لوحدو شارد قاطع شرودو طرقات على باب الورشة راح لؤي فتح الباب ورجع قعد محلو شام :خير اخي ليش مسكرين الورشة اليوم لؤي :اعطيتهم اجازة اليوم شام :اوف ليش مو عندك رشق لازم تسلمو هل يومين ضروري لؤي :مو مهم شام :خير في شي جديد لؤي :اي في شام :شو في احكيلي وبوعدك اجمعكم مع بعض بس شو حلواني اذا جمعتكم لؤي :اطلبي واتمني انتي شام :بدي شنتة ما حدا شال منها قبلي وما حدا يشيل منها بعدي بدي تفصلها الي وبس لؤي :غالي والطلب رخيص شام :والله انك اخ كفو عطيني رقمها لشوف لؤي :شو بدك فيه شام :يوو شقد بتنق اعطيني ياه وبس اعطاها لؤي الرقم لتتركو بحيرة من الي بدها تعملو وتطلع من الورشة كلها