الفصل 3
انسجمت سنا بل شغل بطريقة عجيبة لدرجة انها ما حست على حالها غير وهية مخلصة كل الشغل
سنا :يي خلص الشغل والله ما حسيت على حالي مدت ايديها وتمطمطت بس اااخ ظهري صار يوجعني من هل قعدة
ضبت سنا الشغل وراحت عند امها
سنا :السلام عليكم كيفها ست الحبايب
سما : الحمدلله شو خلصتي شغل
سنا :اي خلصت هلق بحاكي جود ليتصل برفيقو ويخبرو إني خلصت
سما : اي الله يرضى عليكي يارب
سنا : ماما شو عم تعملي 🤨
سما :متل مو شايفة عم احفر كوسا اليوم طلب الخضرا كان كوسا
سنا :بس انتي معك التهاب اوتار حاد وحفر كل هل كمية من الكوسا رح تأذي ايديكي
سما :الله بعين
مسكت سنا ايدين امها واخدت منها الشغل وحطتهم قدامها وقالت لا إله إلا الله بس قومي انتي ارتاحي وانا بكمل شغل
سما :لا هاد الشغل شغلي ومارح خليكي تشتغليه
نزلت سنا عند رجلين امها وقالت انتي خلفتيني وكبرتيني وساعدتيني لكون سند الك لساعدك بل صراء والضراء مو لكون حمل فوق حملك
سما :الله يرضى عليكي يا بنتي لكن لقوم اطبخ انا
سنا :ماما يا ماما شبكي بس بدك تشتغلي ريحيلي حالك اليوم مارح نطبخ رح ناكل من الفريزر ولا نسيانة الطبخ الي فيها ارتاحي شوي شو ما بتقدري ترتاحي
سما: يا بنتي انا راحتي بل شغل بدون شغل بحس حالي بدون روح
سنا :لكن عمليلنا فنجانين قهوة من تحت دياتك لنشربهن وانا عم احفر الكوسة
سما :امري لله رايحة اعمل قهوة
راحت سما عملت قهوة ودخلتها ودخلت معها قطعتين جاتو
سنا :شو من وين هل جاتو
سما :اخوكي مبارح جابهن معو بس نسيت ما حط منهم والله
سنا : اي الله يرزقو
☘️☘️☘️☘️☘️☘️
قعدو سنا وسما وقصو قصص وحكايا لحتى خلصت سنا حفر الكوسة
سنا :ها شفتي كيف ما تأخرت بحفرهن
سما :اي لأني جنبك وعم ونسك
سنا :يعني مو لأني سريعة
سما : مداح نفسو بسلم عليكي ست سنا
سنا: الله يسلمك ويسلمو 😅😅
☘️☘️☘️☘️☘️☘️
قامت سنا ضبت المطبخ مكان ما كانت عم تحفر الكوسا وبس خلصت عملت مج كبير نسكافيه ودخلت على غرفتها وفتحت موبايلها
كان جاييها اتصالات من شهد ومن جود ورسايل من شهد
استغربت سنا من شهد
هي اول مرة يتدقلها كتير وبتبعتلها رسايل بل عادة ما بتحاكيها ابدآ
دقتلها وخلال ثواني كانت فاتحة الخط
سنا :الو مرحبا شهد
شهد : بصوت مبحوح لك وينك من الصبح وانا عم حاول اتصل فيكي
سنا : خير شو في
شهد : لازم شوفك لنحكي
سنا : ماشي بكرا المسا بشوفك
شهد : ما فيكي قبل
سنا : لا والله ما بقدر
شهد : ماشي بس لا تطولي اكتر
سنا :طيب خالتي فيها شي يعني ؟
شهد : لا ما فيها شي بس اذا ما نحلت القصة بأسرع وقت رح يصرلها شي
☘️☘️☘️☘️☘️☘️
سكرت سنا مع شهد واتصلت على جود
جود : اهلين بأم السوم والله منيح الي استرضيتي تردي علي
سنا :لك والله كنت عم اشتغل وكان التليفون صامت
جود :ما هوة كرمال هيك عم اتصل فيكي لانو لؤي اتصل فيني وخبرني انو اذا ممكن تستعجلي بل شغل
سنا: اي اتصل فيه وخبرو اني خلصت الشغل
جود : خلصتي كل الشغل 😯
سنا :اي لكن شو مفكر 😌😌
جود :ماشي لكن رح حاكيه وخبرو
سنا : ماشي
☘️☘️☘️☘️☘️☘️
سكرت مع جود وفتحت الفيس تشوف اخر الاخبار
دقايق قليلة وكانت جايتها رسالة من جود
جود : سنا لؤي اخد رقمك كرمال يتواصل معك وتتفقو على تفاصيل الشغل وكيف رح يتم التوصيل
ما لحقت سنا ترد الا وكان جاييها اتصال من رقم غريب
سنا : الو
لؤي :مرحبا انا لؤي
سنا :اي اهلين استاذ لؤي بل نسبة للشغل خالص ايمت ما بتحب تفضل خدو
لؤي :ما شاء الله لحقتي تخلصيه
سنا : اي والحمدلله
لؤي :بما انك ما شاء الله سريعة بل شغل وبتلقطيها على الطاير شو رئيك تجي تشتغلي عندي بل ورشة انا بحاجة لحدا نشيط وسريع متلك
سنا: بس
لؤي : الورشة كلها بنات وانا بدخل بأشرف على الشغل وبعطيهن تعلماتي وبطلع على مكاني اشتغل
سنا : طيب وين الورشة
لؤي :قريبة على بيكن بعد بيتكن بتلت شوارع لفي على اليمين بأخر الحارة في باب اسود حديد هي هية الورشة
سنا :ماشي استاذ لؤي بفكر وبردلك خبر وكرمال الشغل الي عندي ايمتة بدك ياه
لؤي :بكرا الصبح على الساعة عشرة جيبه وتعي عملي نظرة على الورشة واجوائها
سنا : ماشي اتفقنا
☘️☘️☘️☘️☘️☘️
سكرت سنا الخط وهية عم تفكر وقامت دخلت على المطبخ لتجهز الغدا
سما :شو سنا شو عم تعملي
سنا : رح جهز الغدا
سما :لا تجهزي شي اليوم معزومين عند بين ام جود
سنا :ليكي جود العاطل من شوي كنا عم نحكي وما خبرني
سما : بكون نسي يخبرك يالله روحي جهزي حالك وانا رح جهز حالي لننزل
سنا : ماشي امي
سما :ليكي
سنا : اي امي
سما : البسي روبك الزهري
سنا :اي حاضر !
لبسو سنا وسما ونزلو لتحت
دقت سما الباب
انفتح الباب وما كان باين حدا دخلت سما وسنا واقفة برا مو فهمانة شي دخلت شوي شوي كانت الدنيا عتمة والاضوية مطفية وفجأة اشتغلو كل الاضوية وصدح صوت قوي
مفاجأةةةة 🥳🥳🥳
وقفت سنا مصدومة ومو عرفانة تعطي اي ردة فعل هية اساسآ كانت نسيانة انو بهل يوم بكون عيد ميلادها
سنا : لك كيف متذكرين اذا انا صاحبة المناسبة نسيانة
جود :له يا ام السوم معقولة انسى عيد ميلاد احلى اخت بل كون
كانو عاملين حفلة بسيطة كتير وعازمين عليها القرايب والاصدقاء وبلشو يعايدو على سنا ويعطوها الهدايا اول حدا عايد عليها هية امها
سما :كل عام وانتي بخير يا بنتي
سنا :وانتي بخير يا احلى ام بل دنيا
جود:كل عاموانتي بخيراختي
سنا وانتة بألف خير
سميرة:كل عام وانتي بخير سنا
سنا :وانتي بخير
وبعدين عايدت عليها شهد وام جود وبعدين قرب لؤي وعايد عليها
لؤي :كل عام وانتي بخير انسة سنا وعطاها كيس فيه هدية
سنا :وانتة بخير بس ليش معذب حالك
لؤي : لا ولو شو هل عذاب هاد
ام جود :يالله يا جماعة تفضلو على الغدا
لؤي :انا بستأذن
جود : وين رايح يا زلمة قعود تغدا معنا
لؤي :لا معلش انتو عيلة ببعض انا شو مدخلني بينكم
ام جود :قعود يا ابني يا لؤي مو حلوة تمشي الغدا جاهز
لؤي :خلص يا جماعة متل ما بدكن
سنا كانت عم تراقب الحديث من بعيد ومن جواها كان في شي ما بدو لؤي يمشي وارتاحت لما رضي يقعد
قعدو كلهن على الغدا تغدو سوا وبعدين قطعو الجاتو
سنا حست على شهد انها مو طبيعية واتذكرت اتصالها لهيك اخدتها لوحدهن على البلكون وطلعو
سنا :خير شهد شو صاير معك
شهد :ولا شي
سنا :شهد لا تجننيني شوفي حالك كيف والصبح صوتك ما عجبني شو صاير معك
شهد:تتذكري الشب الي قلتلك عليه
سنا :اي بتذكو حمزة الي بشتغل بمحل البسة شبو
شهد : بيوم رحت لعندو كرمال شوفو وهوة هداني فستان كان كتير حلو واصر علي اني قيسو بغرفة القياس كرمال يكون هوة اول واحد بيشوفو علي وانا متل الهبلة صدقتو ورحت قستو وبعد ما خلصت طلع الحقير حاطط كاميرا بغرفة القياس ومسجل كلشي وهلق عم يهددني يا بعمل الي بدو ياه يا اما رح ينزل الفيديو على النت
سنا :انتي عملتي معو شي؟ ؟
شهد:لا وربي لا
سنا :خلص ما تاكلي هم قصتك محلولة عطيني عنوان المحل على المظبوط واسمو وشو بتعرفي عنو بعتيلي ياهن على الواتس وبعتيلي رقمو
شهد :شو رح تعملي
سنا :عملي متل ما قلتلك وبس وهلق يالله ندخل مو حلوة واقفين هون وافرديها محلولة بإذن الله
شهد :يارب يسمع منك
☘️☘️☘️☘️☘️☘️
دخلو شهد وسنا قضو سهرة لطيفة مع الباقي وبعدين كل واحد رجع على بيتو
سنا اخدت الهدايا ودخلت على غرفتها
وبلشت تفتحهم
هدية جود كانت فستان ناعم بلون الاحمر
هدية امها كانت كنزة وبنطلون
هدية شهد وسميرة كانت ساعة ايد حديثة
اما هدية لؤي كانت طوق فضة محفور عليه اول حرف من اسمها وقنينة عطر ريحة (غبار الذهب )
وورقة مكتوب عليها
{ رغم قلة رؤيتي لكي إلا أنني عندما اراكي احس بشعور مميز لا اعرف ما هوة ولكني اعرف انه شعور جميل جدآ }
سكرت سنا الورقة وهية محتارة وهية كمان عم تحس بشعور حلو لما بتشوفو بس خايفة منو وعم تنكرو بكل حواسها
☘️☘️☘️☘️☘️☘️
حاولت سنا تتجاهل كل الافكار الي براسها
وتنام لكن هل شي كان كتير صعب عملت قهوة وطلعت على البلكون تشربها وتفكر كيف بدها تساعد شهد بنت خالتها.
صفنت كتييير سنا وحاولت تفكر لحتى لمعت براسها فكرة
سنا :لاقيتها بس إن شاء الله تزبط وما اكل هوا انا كمان😅
احسن شي روح نام كرمال اعرف زبط الخطة لبكرا
☘️☘️☘️☘️☘️☘️
راحت سنا تسطحت وضلت تتقلب بل فرشة لحتى قدرت تنام
تاني يوم
فاقت سنا من بكير
اول ما فاقت فتحت
تليفونها وشافت انو شهد باعلتها رقم حمزة ومعلومات عنو
سبتت الرقم وبعتتلو
الو مرحبا وسكرت النت
راحت جهزت حالها وعملت لمة للبيت وعملت فطور
سما :صباح الخير شو فايقة بكير اليوم
سنا : اي والله يا امي اليوم رح روح سلم الشغل
سما : الله يعطيكي العافية يارب
سنا :يعافي قلبك يا عمري
سما : وايمت رايحة
سنا: هلق بس لحتى نخلص فطور بلم الفطور وبروح
☘️☘️☘️☘️☘️☘️
خلصت سنا الفطور مع امها ضبت الفطور وعملت المطبخ على الماشي وراحت
وهية طالعة اجتها مسج من لؤي فيها عنوان الورشة بل تفصيل وكاتب هي العنوان ناطرك
ابتسمت لا اراديآ لما شافت الرسالة وتذكرت الورقة تبع قبل بيوم ومشيت على العنوان الي بل رسالة
اول ما وصلت كان لؤي قدام الباب اطلع على ساعة ايدو وقال ما شاء الله مواعيدك على اليبرة
سنا :متل ما بحب تكون مواعيد ناس معي على اليبرة لازم هيك تكون مواعيدي
لؤي :معك حق
سنا :تفضل هي الشغل
لؤي اخد منها الكيس ودخلها على الورشة كرمال يفرجيها على الورشة ونوع الشغل
عرفها على الورشة وكيفية الشغل وبلش يعرفها على الصبايا
لؤي : هي اسماء وفاطمة وياسمين صبايا هي سنا الصبية الي رح تبلش شغل معكم من بكرا
سنا :تشرفت فيكن صبايا
أسماء : ونحن بل اكتر
بعد ما عرفها على الوشة والصبايا سنا استأذنت وبدها تروح
لؤي : شو رايحة على البيت
سنا : لا رايحة عند بنت خالتي
لؤي : ايوا طيب معناها بكرا موعد شغلك عل 9
سنا : اوك راحت سنا عند بنت خالتها وقعدت معها شوي وحكو عن حمزة وشو نقاط ضعفو
سنا : انا عملت خطة محكمة وإن شاء الله انتي بأمان وما حدا رح يعرف
شهد : انا اسفة والله ما كنت بعرفو هيك انا كل غلطي اني حبيت
سنا : ولا يهمك يا قلبي المهم تاخدي احتياطاتك تاني مرة.
فتحت سنا نت وكان جايها رسالة من حمزة
حمزة :يا هلا مين
سنا : وحدة معجبة
حمزة : معجبة ومن وين بتعرفيني
سنا : انا وحدة من زبوناتك
حمزة : ومن وين جبتي رقمي ؟
سنا : شو بدك بهل حكي انتة خلينا بل مهم
حمزة: امم وشو هوة المهم
سنا : انا بدي شوفك انتة ما عندك فضول تشوفني
حمزة :شو هل سرعة هي كأنو طلبك فيو شوية جرأة
سنا : مو مصدقة ايمت شوفك من زمان وانا عم استنا هل يوم
حمزة : طيب بعتيلي صورتك بركي بكرا ضيعت وقتي وما كنتي حلوة او بتستاهلي
سنا :لا لا لا لامن هل ناحية لا تاكل هم بنوب وبوعدك مارح تندم
حمزة : كتير واثقة من حالك
سنا :اي شو قلت رح تشوفني ولا لا
حمزة : ماشي ايمتة ووين
سنا : بكرا الساعة 6 والعنوان رح ابعتو برسالة
حمزة. : ماشي اتفقنا
سكرت سنا مع حمزة ودقت تليفون لجود
جود : الو كيفك روحي شو وينك من الصبح مو مبينة
سنا : الحمدلله والله انا عند شهد
جود : سلمي
سنا :الله يسلمك ابو الجود الك ولا للديب
جود : خسا الديب قولي
سنا :بدي. منك ........