الفصل 2
لســـت أنـــا مـــن اواجـــه زمـــانـــي بـــ الانحنـــاء ...
و لا أنـــا مـــن تخـــدع الأحبـــة ... و تخـــون الأصـــدقـــاء ...
و لا أنـــا مـــلاك بـــلا أخطــــاء ...
و لا أنـــا قـــاسيـــة متـــل الالمــاس ... و لا سهلـــة كسهـــولـــة المـــاء ...
أحـــب الشـــك لأنــــه ينجينـــي مـــن عـــواقـــب الثقـــة العميـــاء ...
و أكـــره الغـــدر لأنـــه مـــن شيمـــة الجبنـــاء ...
لا أبيـــع أغلـــى الأشيـــاء لأكســــب أرخــــص الأشيـــاء ...
أعــــرف قـــدر نفســــي ...
فـــلا أخطــــي خطـــوة تعيـــدنـــي دهـــرا إلـــى الـــوراء ...
هـــذه هـــي شخصيتــــي و هـــذه هـــي أنـــا ..🌹❤ 👑
فاقت تاني يوم سنا بكير كرمال تدور على شغل
سما: برضاي عليكي يا بنتي بلاها
سنا راحت باست ايد امها وراسها وقالت:ماما يا قلبي لا تخافي على بنتك هية قدها وقدود بعدين بغير جو ومنتساعد بمصروف البيت
سما : الله يرضى عليكي يا بنتي وييسرها بطريقك ويبعد عنك ولاد الحرام ويقرب منك ولاد الحلال
سنا :اي سمسوم كتريلنا من هل دعاوي
سما :سمسوم يا كلبة انا بورجيكي
سنا:خلص خلص توبة والله وهربت برا البيت
اول سكرت سنا باب البيت تنهدة تنهيدة وجع وتغيرو ملامح وجها من هيك 😄لا هيك 😔
ودعت رب العالمين انها تلاقي شغل بسرعة
☘️☘️☘️☘️☘️☘️
ضلت سنا حوالي الاسبوع تدور على شغل بس عبث ما كان حدا يرضى يشغلها وهية ما معها شهادة ومافي بإيدها صنعة
بعد ما تعبت سنا من الفتلة لاقت حالها قدام ال كافتيريا الي دخلت عليها هية وجود
ولاقت حالها تعبانة نفسيآ وجسديآ لهيك قررت تدخل عليها ترتاح شوي قبل ما ترجع على البيت
☘️☘️☘️☘️☘️☘️
دخلت سنا على الكافيتيريا طلبت فنجان قهوة وقعدة صافنة
بينها وبين حالها شو لازم اعمل يا الله لازم ساعد امي بمصروف البيت وما عم لاقي شغل بدون شهادة ااااه ما اغباني لو مو تاركة المدرسة كنت هلق عم اشتغل بإختصاصي
ورجعت بذاكرتها لورا
فلاش باك
البنت :هههه تعو شوفو هي شو لابسة يا حرام اهلها ما معهن يشترولها تياب مدرسة
بنت2:لك هي ابوها مطلق امها اكيد امها على شاكلتها وطافش منها
بنت1: يعني يتيمة يا حرام شوفي انا البابا شو جبلي مبارح هية ما عندها اب يجبلها ههههه
سنا: لك خلص خرسو خرسوووو وهجمت سنا على البنات متل الاسد المفترس وصارت تضرب فيهن لحد ما اجت المديرة وخلصتهن عن بعض
باك
قطع صفنتها شخص
قعد معها على الطاولة
سنا:عفوآ بس مو شايفني قاعدة
لؤي:انا بعتذر بس متل مو شايفة المحل اليوم زحمة ومافي طاولات فاضية مو انتي سنا اخت جود
سنا:اطلعت حواليها لاقت فعلآ المحل زحمة ردت بهدوء اي ورجعت تشرب من القهوة بشرود
لؤي : كيفو جود إن شاء الله بخير
سنا :اي
لؤي:عفوآ كأنك متدايقة من قعدتي معك
سنا:اي
لؤي اتدايق اعتذر وقام مشي بسرعة بينما سنا انتبهت على حالها شو حكت حاولت تلحقو بس ما لحقتو
سنا :يا الله من غبائي شو بدو يفكر فيني الزلمة هلق
بس شو هل احساس كأني شايفتو قبل هل مرة بس ويين وين يا سنا ويين حاولت تتذكر بس ما تذكرت اطلعت على الساعة لاقت الوقت بلش يتأخر
لك انا شو صاير معي اليوم كأنو مخي مو شغال ابدآ هلق امي رح يتم بالها عندي رجعت سنا على البيت كانو جود وامو عندهم بل بيت
☘️☘️☘️☘️☘️☘️ جود :والله اهلين سنا خانم عاش مين شافك اخوة على الفاضي
سنا: لك عيفها على ربك يا ابن الحلال من اسبوع عم دور على شغل بس ما كنت لاقي ايا محل يقبل يشغلني
جود:🤦♂️🤦♂️ ما قلتلك اخوة على الفاضي
سنا :ليش في حواليك شغل 😁😁
جود:رفيقي فاتح ورشة خياطة شناتي ولازمو بنات بل بيت يركبو الاكسسوارات
سنا: الله وايدك يا زلمة
جود:رايح احكي معو لشوفو دبر بنات ولا لسة عم يدور
راح جود على جنب حكى تليفون ورجع لعند سنا
سنا:شو بشر
جود :يا اختي حظك حلو
سنا:يعني مشي الحال
جود :اي وهلق رح يجيب الشغل ويجي بذات نفسو ليعلمك كيف الشغل
سنا:شكرآ اخي
جود :اي شو هل انوثة الي هبطت على سنا فجأة لك حتى اول مرة بتقلي اخي
سنا :تضرب ما بلبقلك الدلال انا رايحة غير تيابي لبين ما يوصل رفيق حضرتك
جود:اي ها هي سنا الي بعرفها 😂😂
☘️☘️☘️☘️☘️☘️
راحت سنا غيرت تيابها وعملت قهوة ورجعت
سنا: هي احلى صينية قهوة لأحلى عيلة
جود : الله قديش صرلنا ما شربنا القهوة سوا
سنا: من لما بطلت حضرتك تسأل عني
جود : انا بطلت اسأل عنك ولا انتي
سنا: مين الشب ومين الي لازم يسأل عن التاني
سما: اي والله يا جود كان لازم تسأل عن اختك 🙂
ام جود :مو هيك بالله
جود :اها قولو انكم عاملين حلف ضدي وخلصنا
سنا : وانا رئيستو كمان 😁
🎶🎶🎶
جود : دقيقة لرد على التليفون بس
راح جود رد عل التليفون ورجع
جود :سنا عملي فنجان قهوة سادة رايح جيبو من راس الحارة واجي
سنا: اي تكرم عيونك اخي
نزل جود هلى راس الحارة جاب رفيقو ورجع
جود: يا ميت اهلا وسهلا ابو اللول
لؤي: اهلين فيك اخي جود
جود:اي والله منيح الي تذكرنا الشغل كرمال نشوفك
لؤي :ولو يا ابو الجود والله انتو في البال بس مشاغل
خلصت سنا القهوة ودخلتها وانصدمت لما عرفت انو رفيق جود هوة نفسو لؤي الي غلطت بحقو الصبح 🫣
استجمعت سنا قوتها ودخلت قدمتلو القهوة وهمست
سنا :انا بعتذر عن الي صار الصبح بس كنت شاردة وما كنت منتبهة على حكيي
لؤي :بنفس الهمس واعتذارك مو مقبول 🙂
انغاظت سنا كتير بس كتمت غيظها وقعدة جنب امها
لؤي :اي كرمال الشغل هاد هوة وما بظن يكون صعب عليكم شغلتو هينة ⛓️⛓️ هوة عبارة عن تركيب هي السلسلة وبهل طريقة يتتركب وقعد يشرحلهم كيف بتتركب
لؤي :شو فهمتي انسة سنا 😏
سنا: بغيظ اي فهمت حدا قلك فهمي قليل
وقامت سحبت السلاسل منو وصارت تركب بعصبية لحتى عملت وحدة كتير طويلة
لؤي:عفوآ بس هي ايد شنتة مو جنزير للربط 😂
سنا: امم سوري بس فكرتو الك 🙂
لؤي :عفوآ 😳😳
سنا :ولا شي هلق بظبطو
سما :يا جماعة الغدا جاهز تفضلو على الغدى
لؤي :انا بستأذن صار لازم روح
جود :له يا ابو اللول هي ما حبيتها منك قالتلك خالة سما الغدا جاهز يعني تفضل بدون حكي
لؤي: غير مرة
سما : جود خلي رفيقك يتفضل على الغدا بدال ما ورجيه وجهي التاني
جود : لااا كلو الا هيك يستر على ولاياك تفضل على الغدا
لؤي :خلص يا جماعة متل ما بدكم
راحو كلهم مع بعض تغدو وبعدين قامت سنا لمت الغدا وعملت شاي وشربوه على البرندا ولؤي اسأذن ومشي
جود : وليه سنا كيف هيك بتحكي مع الزلمة
سنا : يي ليش شو حكيت انا 🤔🤔
جود :بقلد صوت سنا ( امم سوري فكرتو الك )
سنا :مو معقول وانتة عم تقلدني ما احلاك بربك تعيدها
جود :لك شوف شوف انا بشووهية بشو
سنا :بتطلع حوليها بغباء مع مين عم تحكي 🤓
جود :لا إله إلا الله
سنا :يسسسس
جود :على شو هل يسس ؟؟
سنا :خليتك تعلن اسلامك
جود :ليش كنت كافر بعدين تعي لهون شو هل غباء الي هبط عليكي فجأة وصار يركد وراها وسنا تهرب منو
سنا :والله التوبة بحياة الله التوبة
مسكها جود وسبتها منيح
جود :احلفي انها التوبة
سنا :فلتت منو بحركة مباغتةوقالت بحياة حياة وطنط عنايات انها التوبة ههههه
☘️☘️☘️☘️☘️☘️
قضو سنا وجود احلى سهرة اخوية سهرة عمرانة بل ضحك والمزح وخالية من ايا كره او حقد او غيرة
تاني يوم الصبح كانو نايمين سنا وجود بطريقة عشوائية كل واحد على كنبة والصالون كأنو كان فيه حرب طاحنة ما كان فيه شي مكانو
سما :بصريخ لك شو هاد 😲😲
نقزو سنا وجود ووقعو على الارض
سنا :شو في
جود :ما بعرف يمكن زلزال
سنا :قوم بسرعة قوم ننزل
سما :🤨شو عم يصير معكم وشو الي عامل هيك بلبيت
سنا :ما سمعتي صاير زلزال قومي بسرعة ننزل
جود:بغباء امي انا رايح اطمن على امي وحاول يهرب
سما : وقف عندك
سنا :اجاك الموت يا تارك الصلاة 😄
جود : بتهرب طيب انا رح روح شوف امي شوي وراجع
شدتو سما من ياقة كنزتو وقالت
سما:اي تعا لهووون شو مفكر دخول الحمام متل خروجو
وهنن عم يحكو بندق الباب وبتجي ام جود
سما :والله ويا ميت اهلا بأم جود
سنا روحي عملي فنجانين قهوة ولا تحسبي حسابك وحساب جود وجود انتة طلاع على البرندة جهزلنة القعدة
سنا وجود :شوو وليش ما نحسب حسابنا بل قهوة
سما :والله هل كركبة مارح تتنضف لوحدها
جود : وانا رح نضف معها 😳
سما: اي لأنكم خربتو سوا بتنضفو سوا
جود : بس انا ما بعرف
سما :اي بتتعلم
رضخو سنا وجود للأمر الواقع وكل واحد راح يشتغل الي قالت عليه سما
جود كان يخرب الشغل وسنا تنضف من وراه وهية عم تتأفأف
سنا :اي خلص بقا جود حاجتك لعب
جود :انا عم العب
سنا :طيب ما عم تلعب قلي شو شتغلت من لما بلشنا لهلق
جود : اشتغلت
سنا :اي وشو شتغلت
جود :مو متذكر بس اشتغل
قضو كل وقت الشغل نقار ونقير وسما وام جود عم يتفرجو عليهم من البرندنا ويضحكو عليهن لحتى بعد عناء طويل وبعد ساعتين ونص من الشغل لحتى خلصو
جود :واخيرآ خلصنا شغل😩
سنا:😲😲😲
جود :شبكي
سنا :ولا شي
سما :يا ولاد الفطور جاهزغسلو ايديكم وتفضلو على الفطور
سنا :انا مو جوعانه رايحة اتحمم واشتغل شوي كرمال بكرا بدو يستلم الشغل
جود : وانا رايح ارتاح شوي
سما : على الاكل وبدن نقاش🙎♀️😡
فطرو على السريع وكل واحد راح على شغلو
جود نزل تحمم وطلع على شغلو جود بشتغل بمخبر تحاليل الطعام وكان برا ببعثة من المخبر
سنا :تحممت وراحت تبلش بل شغل
اول ما قعدة لتبلش تليفونها رن 🎶🎶🎶🎶
سنا :يا الله شو بدها هي هلق مني اكيد بدها تسمعني كلام طالع نازل وانا ما الي خلق بنوب
حطت تليفونها صامت 🔇🔇 وحطتو جنبها وبلشت بل شغل وانسجمت فيه وما انتبهت على الاتصالات والرسايل الي عم يجوها