الفصل 1
اتعلمت درس كبير ما امن لحدا
الدرس الصعب بيصير يقتل عل هدا
كب الحكي كلو الي قبل كلمة بس
كلو كذب كلو لما الحقيقة تغص
لما الوفي بيخون واقرب شخص بيكون منو الك ممنون وبحسرتك ما حس
قوم العتم ضويه بلش عمهلك شوف
رح تنصدم وتخاف خلف الوجه في الوف
وجه الغدر بلحب والي الاماني كب والصحبة علمكشوف
تسأل لحالك ليش بلكي انت السبب
وبتدور عل الحقيقة بلكي خف العتب
بس العتب مجروح مالو طعم ولا روح وببقا ما بروح
لولا جرحك غلبني
تعلمت درس كبير
سما : لك انتي رح تجننيني لأيمت رح تبقي هيك ااااه لأيمت
سنا :رح ضل هيك لأخر العمر
سما :لك وبعدين معك ما حدا دق بابنا لهلق بدو يخطبك
سنا :بل ناقص اصلآ انا هيك مرتاحة والي رح يجي رح طفشو
وهنن عم يتناقشو بسمعو صوت وحدة عم تصرخ حرامي حرامي
ركدت سنا لتشوف شو صاير .
سنا :خير خالة شو في
الحجة : حرامي سرقلي شنتايتي وفيها اوراق مهمة
سنا : ولا يهمك خالة من وين راح الحرامي
الحجة: من هاد الطريق
سنا : 😏😏شو وفر علي هل حرامي شكلو مو محترف
ركدت سنا من حارة تانية لحتى وصلت على حارة سد وكان في شب واقف بأخر هل حارة عم يلف حولين حالو ليشوف مخرج لف ليطلع من الحارة وسنا اعترضت طريقو
سنا :شوو وين يا حباب
الشب :بعدي احسن ما تندمي
سنا:ما فشرت واحد متلك يخليني اندم
الشب : الي هي فشرت وهجم على سنا بدو يضربها بس كانت سنا اسرع منو بحركة مباغتة منها لوت ايد الحرامي وخبطتو برجلها على ايدو لحتى نكسرت
الشب :الله لا يوفقك كسرتيلي ايدي
سنا :رح اكتفي بكسر ايدك هل مرة بس وحيات الله اذا برجع بشوفك بل حارة لأحسب الله ما خلقك
اخدت سنا شنتة الحجة ومشيت
☘️☘️☘️☘️☘️☘️
الحجة : يسلمو ايديكي يا بنتي لولاكي ما كنت عرفت شو بدي اعمل والله هل وراق كتير مهمة
سنا :ولو يا خالة هاد واجبي
الحجة :بس كأني ما عرفتك بنت مين انتي
سنا :انا سنا بنت سما
الحجة :انتي ال😯😯
سنا :اي خالة انا المعقدة
الحجة :لا بس
سنا :حجة هي شنتك وصارت معك السلام عليكم
الحجة :وعليكم السلام
خلوني احكيلكم شوي عن سنا
سنا بنت عمرها 19سنة تركت المدرسة من الصف السادس لأسباب رح تعرفوها بل قصة ابوها من لما كانت ببطن امها تارك امها ومسافر يعني سنا ما بتعرف شي عنو من هواياتها كلشي فيه شغل وقوة تصليح فك تركيب يعني ما بتحب تحس حالها ضعيفة وما بتحب شغلات البنات
جمالها عادي وبتكره جنس ادم بسبب هجر ابوها الها
☘️☘️☘️☘️☘️☘️
سما:شو وين كنتي ست سنا
سنا : ما سمعتي انو في حرامي بل حارة رحت عرفتو قيمتو
سما : ومن بين كل شباب الحارة محدا رح يقدر يعرفو قيمتو غير انتي
سنا : لا والله ما حدا قدر يعرفو قيمتو
سما :فعلآ متل ما بحكو عنك
سنا : انا مو معقدة
سما :بصراخ لا معقدة
سنا : حتى انتي عم تقولي عني معقدة ماشي يا امي متل ما بدك بس حطي ببالك شي يوم رح تندمي وتقولي ياريت الي جرا ما كان
ودخلت على غرفتها وهي عم تصرخ أنا
مو معقدة مو معقدة
☘️☘️☘️☘️☘️☘️
سنا بلشارع بدون وجهة والدنيا عتمت من فترة وسنا مو حاسة على شي ماشية وشاردة
........:شو يا حلو ليش ماشي لحالك بليل ما بتخاف من ولادين الحرام ههههه
سنا : ........
.........: عم نحاكيك يا حلو وبحط ايدو على كتف سنا لتنقز
سنا : مين انتة وكيف بتسمح لحالك تحط ايدك على كتفي
.......:شو الحلو وين كان شارد
سنا : اولآ يحلى وبرك الهي وتانيآ مو شغلك انقلع من هون
.......: اوووو شكلك شرسة يعني رح نتسلى كتير
سنا :تتسلى بمين ولاك ****
بصفر المجهول صفرة ليطلعو اربع شباب كانو متخبين. ويحاصرو سنا من كل الاتجاهات
سنا :مين انتو وشو بدكم مني
.....:بدنا ياكي
سنا :اي ما فشرتو وبتبلش ضرب على هاد وهداك لحتى تتعب وما تعود تقدر تضرب
...... شو شكلك تعبتي بسرعة
سنا :لا ما تعبت وهلق بتشوف
بتحاول سنا ترجع تقاوم بس ما بتقدر وبجو تنين شباب لميسكوها بس بجيهم صوت من بعيد
.....:تركوها احسنلكم
.......: ومين انتة كمان
......: انا عزرائيل الي رح ياخد ارواحكم واحد واحد
......:هههههههههه والله ضحكتني
طالع الشب شنتيانة من جيبتو وراح ورا الخمس شباب وهجم عليهم
تعارع معهن بس هنن ما كانو مسلحين وما قدرو عليه فهربو منو
سنا :ومين انتة كمان يا اخ على فكرة ما كان في داعي تدخل
الشب :لا شكر على واجب
سنا :شكرآ ☺️
☘️☘️☘️☘️☘️☘️
فاقت سنا من النوم وهية عم تفكر يا الله شو هل منام الي على طول ملاحقني ومين هاد المنقذ
سما :سنا يا سنا قومي الفطور جاهز بدنا نفطر ونخلص شغل البيت جاي لعنا خالتك سميرة وبنتها
سنا :يالله جاي جاي
راحت سنا فطرت مع امها وبلشت بشغل البيت. ( سنا مسترجلة شوي بس كمان بتعرف بشغل البيت والطبخ يعني من وين ما دقيناها بترن )
☘️☘️☘️☘️☘️☘️
سنا : ماما خلصت شغل البيت شو رح نطبخ لخالتي
سما : رح اطبخ مقلوبة
سنا : خلص انا بطبخها لكن رايحة البس وانزل جيب اواتيل الطبخة
سما :الله يرضى عليكي لكن انا رايحة شوي عند جارتنا ام جود
هنيها بسلامة ابنها مبارح رجع من السفر
سنا : جود رجع من السفر ايمتة
سما :اليوم وجه الصبح
سنا : هل عاطل ما قلي على كل الاحوال سلميلي عليه وقليلو بتقلك سنا حسابك عسير
سما:هههه ماشي الله يسلمك
☘️☘️☘️☘️☘️☘️
راحت سما عند جارتها ونزلت سنا جابت اواتيل الطبخة وطبخت بعد ما خلصت طبخ
دخلت تاخد دوش لبين ما يوصلو
سما : سنا وينك بنتي
سنا : ليكني امي عم البس تيابي
سما : اي مبقا الا توصل خالتك
وهنن عم يحكو اندق الباب
سنا :ها هي اجت خالتي امي لو سمحتي فتحي الباب لوقت اخلص
راحت سما استقبلت اختها سميرة وبنتها شهد وقعدو شوي بعدين حطو غدا تغدو
شهد :سوسو تعي نقعد لحالنا ونخليهم يقعدو لحالهم
سنا :ماشي بس بلاها هي سوسو
شهد: حااضر 😒
عملو شاي وبعدين كل واحد قعد لوحدو
سنا : اوووف ولو
شهد : وعينها بتليفونها خير شبكي
سنا: بدك نقعد لوحدنا كرمال تقعدي على التليفون وكل شوي تضحكي على مدري شو
شهد: استني شوي عم حاكي القلب
سنا: ومين القلب وليك عشقانة وما عم تقليلي
شهد : اي واحد كتير طيوب اسمو حمزة وكتير بحبني كل شوي بحاكيني
سنا: وكيف تعرفتي عليه
شهد : هوة بشتغل بمحل البسة بل سوق واتعرفت عليه هنيك
سنا :لك حيوانة ليكون عم يتضحك عليكي
شهد : لا تخافي علي انا قدو
اي ما قلتيلي انتي مو عشقانة
سنا: لا عشقانة ولا بدي اعشق
شهد : ليش وليك
سنا: هيك لحالي احلالي
شهد : حلي عني ولو فعلآ انك معقدة
سنا: 🙂🙂شو رئيك نطلع نقعد مع امي وامك
طلعت سنا قعدة مع امها وخالتها شوي بعدين استأذنت وراحت على غرفتها قفلت الباب وصارت تبكي على السكت
قعدة قدام مرايتها وشغلت غنية حمزة نمرة
( تسمحيلي يمة من وقتك شوية انسة جنبك حمل شايله تقيل عليا وزي عادتك تسمعيني لو بكيت استحمليني يمة زادت قسوة الايام عليا يمة زادة قسوة الايام عليا كل يوم بقى يشبه اليوم العدى كلمتين مش مفهومين على دمعة شاردة حتى لون الدنيا باهت والمعاني بقلبي تاهت خوفي لا تطول علينا الشدة ديا
خوفي لا تطول علينا الشدة ديا ........)
هي وحدة من مميزات سنا هي سند حالها وامها يعني سما ما بتعرف شي عن احزان سنا بس سنا بتعرف كلشي عن سما
سما : سنا وينك يا بنتي بيت خالتك بدهن يمشو
سنا لك يا سنا
اكيد بتكون نايمة لانو هية بتفيق كتير بكير
سميرة : ولا يهمك سلمي عليها
☘️☘️☘️☘️☘️☘️
ودعت سما بيت اختها ورجعت حاولت تدق على سنا
بس سنا كانت بعالم تاني وما بدها تحاكي حدا
سما : الله يصلحك ويهديكي ويهدي بالك يا بنتي
سنا :بينها وبين حالها يا الله شو محتاجة يهدى بالي يا امي وشو جاي على بالي قلك قديش تعبانة وقديش محتاجة سند 😢😢 بس انتي تعبانة اكتر مني
تاني يوم فاقت سنا على صوت دقة منغمة على الباب
راحت فتحت الباب
سنا:لك تضرب شو شايفني بمنامك
جود :فوق مو جايكي من بكير لراضيكي اسمعت انك زعلانة مني هيك بتستقبليني خلص انا رايح 😢
سنا:له يا ابو الجود عم امزح معك الف الحمدلله هلى السلامة
جود :الله يسلمك سوسو
سنا:جووود😡
جود :شو رح تخليني واقف على الباب
سنا:يي نسيتك يا ميت اهلا وسهلا تفضل
جود :لاا اموت واعرف كيف انتي بتقلبي بفرد قلبة
سنا:لا لا تموت روح عميل قهوة لوقت غسل وشي وغير تيابي وانا بحكيلك
جود:انا كنت عم امزح معك لا بدي موت ولا شي انا رايح 😅
سنا:ابو الجود كأنك نسيتني بهل كم يوم الي سافرت فيهن
جود :لسة الغراض مكانهم
سنا :اي ها هيك انتة عيني
راحت سنا غسلت وغيرت تيابها وجود عمل قهوة فيقو سما وقعدو يشربو قهوة على البلكون
جود : ام السوم اليوم محضرلك مشوار ولا اروع
سنا:عنجد لوين
جود:مفاجأة طبعآ من بعد اذن خالتي سما
سما :لا ما عندي مانع خليها تغير جو شوي
جود :لكن قومي غيري تيابك
سما :فطرو وبعدين روحو
جود :لا بدنا نلحق اليوم من اولو وكمان امي عازمتك على الفطور
سما :ههه هيك هيك كنت نازلة لعندها
☘️☘️☘️☘️☘️☘️
سنا:ابو الجود
جود:خير انشالله نبرت صوتك ما عجبتني
سنا:بدي فطاير جبنة ودبس فليلفلة
جود:بعدين مو هلق
سنا:اي على راحتك
تركت جود واقف وراحت لحالها عند بياع الفطاير
سنا:معلم لو سمحت عطيني عشر فطاير جبنة وعشرة دبس فليفلة
البياع :اي تكرمي يا انسة
جود :يخربيتك يا سنا شو عم تعملي هون
سنا:انا ما بحب عيد الطلب مرتين قلتلك جبلي قلتلي لا جيت جيب لحالي
جود:بالله شو
سنا :والله شو
البياع تفضلي يا انسة هاد طلبك حقن 20الف
سنا اي تكرم
طالع جود المصاري حاسب ومشيو مع بعض وقضو كل الطريق على نقار ونقير وكل شوي يتخانقو ويرجعو يتصالحو
جود :انا تعبت من التمشاي تعي ندخل على هل كافيه نشرب شي
سنا :هي اول مرة بوافقك برأي
جود : اي يكتر خير الله والله
دخلو جود وسنا على الكافيه وهنن عم يتسايرو بجي شخص بسلم على جود
.....: جود هاد انتة ايمتة رجعت من السفر
جود : ابو اللول حبيبي والله امبارح
لؤي : ومعقول مباح جيت يا عاطل وما بتخبرني
جود: والله اتصلت على كل ارقامك طلعو مقفولين لك صحي وينك شو صاير معك
لؤي:خليها على الله شو كني جاي وجايبلنا معك عروس
جود : عروس وين العروس بعدين انتبه انو عم يحكي عن سنا
اااه نسيت عرفكم
سنا اختي بل رضاعة
سنا :هاد رفيقي لؤي رفيقي من ايام الصف التاسع
سنا :تشرفت بمعرفتك
لؤي : وانا بل اكتر
قعدو شوي مع بعض بعدين كل واحد راح على بيتو
سنا كانت حاسة حالها شايفة لؤي قبل هل مرة بس مو متذكرة وين
لؤي حس بأحساس غريب بس حاول يتجاهلو
جود حس من نظرات سنا في شي غريب بس سنا انكرت هل شي
☘️☘️☘️☘️☘️☘️
سنا :ماما حابة احكيكي بموضوع
سما : شو يا قلبي احكي
سنا: انا من بكرا رح بلش دور على شغل
سما : ليش ناقص عليكي شي 😢
سنا: يا ماما يا ماما لا مو ناقص علي شي بس نحن بلش مصروفنا يكبر وانتي شغلك بتقطيع الخضرا مبقا يوفي
سما : بس ما بدي ياكي تشيلي هم على بكير يا قلبي
سنا: ماما انا صار عمري 20 سنة تقريبآ وبهل 20سنة انتي ما نقصتي علي شي لو صحلك تقطعي من لحمك ما كنت قصرتي وصار لازم ردلك 1%من افضالك لانو لو بشتغل العمر كلو مارح اقدر وفيكي اكتر
فتحت سما ايديها لترتمي سنا بحضن امها ويبكو