الفصل 40
*– ࢪواية :« الا ي ليت الديار ديار خلي» .*
*– الباࢪت:« 𝟒𝟎 ».*
*– الڪاتبة:«وفاء».*
▭𝅼▬࣪▭𝅼▬ׄ▭𝅼▬࣪▭𝅼▬࣪▭𝅼▬
*ࢪوايات سعودية مشوقة🤎🦋.*
`https://whatsapp.com/channel/0029Vaqhdp07Noa5QQC4or0Y`
ـــــــــــــــــــــــ
> الروايه لاتلهيڪم عن الصلاﮫ اللهم بلغت اللهم فأشهد .
*الفصل (40) ☆*
* الا ليت كل الديالديار ديار خلي* نور:شفيهم عليتس ي شعلول ،
مشاعل:حسبي الله فيكم وش مسويه فيكم انا ، الشرهه علي موب عليك ي منصور ،
منصور وهو يحاوط كتفها:امزح امزح والله انه سعيد الحظ الي بيأخذتس،
مشاعل:فهمتها من اولها،
منصور:افااااا زعلتي مني ؟! والله امزح،
مشاعل:لا تمزح على حسابي،
منصور بضحكه:ابشري ي عيون اخوتس ،
سعود:اذا خلصتو لو سمحتو عطو خصوصيه لعروستنا تختار براحتها،
سما:محنا ماسكين يدها ، تختار،
سعود:خليتس ساكته احسن ، وانتي سلومه اختاري وش الي عاجبتس،
سلمى:احترت كلهم حلوات،
منصور:خذي بحسابتس اختاري اثنين واحد لك وواحد لزوجتي الثانيه،
نور:لا تصدقي انا بختار لها ، وردت تناظر لمنصور:ضرتي لازم اختار لها،
منصور:اجل اختاري بس لازم يكون مميز وانيق بغيت الكل يناظرها بالفستان ويعتمي من الجمال،
نور:عمى بعيونك انت وهي ، قال اختاري قال ، اقول اذلف قبل اهد المحل ع راسك،
سما:خفي علينا،
نور:شوفي ذا الي مايستحي،
مسكها من يدها وسحبها:تعالي معي،
نور:على وين،
منصور:تعالي بس،
اخذها ودخلو قسم فساتين واشياء حلوه،
منصور:اختاري او اختار لتس انا ؟!
نور وهي تناظر بالفساتين:قولتك اي واحد احلا ؟!
منصور وهو يأشر:ذا حلوه ،
نور:ما احب ذا اللون ، مستحيل البسه،
منصور:اللون البُني صح،
نور:البُني الأحب لقلبي ، اموت فيه،
منصور:ومنصور ماتموتي فيه ؟!
نور:لا،
منصور:اجل الحقيني بختار لتس افضل فستان،
مشى ومشت بعده وهم يدورو على فساتين وكانت اي شي يعجبها تشتريها وشرت لها كم فستان انيق ومنصور بزور قدر يشوف فستان حلو ع ذوقه،
منصور:ذا بيصير فوقتس يهبببل،
ناظرت للفستان:متأكد ؟!
منصور:ميه بالميه بنأخذه وانتي اللبسي بالبيت وبتشوفي بيطلع يهبل،
نور:اجل دام عجبك بأخذه،
منصور:ناقصتس شي،
نور:قول وش شريتي،
منصور:خافي ربتس ماتشوفين الاكياس الي بيدي ؟!
نور:ذول اشياء عاديه بغيت اشياء للعرس،
منصور:الله يستر،
نور:شف حلو ذا الفستان،
لف يناظر:الاخضر ؟!
نور:يععع لا الي ع يمينه،
منصور:حلو تعالي نأخذه،
نور:متأكد ،
منصور:بالله انا بوافق على شي موب حلو ؟!
نور:مدري،
منصور:تعالي تعالي،
نرجع عند سعود بعد ما اختارت سلمى الفستان وكل شي تبع الفستان،
سعود:متأكده ماعاد في شي يحتاج ؟!
سلمى:والله مافي خلصنا هنا بنروح محل ثاني اخذ لي كم اشياء،
سعود:يلا،
خرجو من قسم الفساتين ودخلو محل ثاني وكل واحده تبحث بالفساتين وتختار،
سما:سعود تعال،
راح لها:سمّي،
سما:كيف ذا الفستان،
سعود:مهوب حلو،
سما:خلاص بأخذه،
سعود: اجل تعالي نشوف السعر،
سما:هاهاهاهاها لحضه،
لف لها:وشو ؟!
سما:عجبك ؟!
سعود:ايوه،
سما:متأكد ؟!
سعود:لا،
سما:سعععععود،
سعود:وش بغيتي ؟!
سما:كيف الفستان ؟!
سعود:حلو،
سما:صدق،
ضحك ونطق:امزح معتس شفيتس ي الخبله حلو والله،
سما:اجل مارح اخذه،
سعود:رجعيه،
سما:حسبي الله عليك والله لا اخذه،
سعود بضحكه:قايل لتس حلو انتي الي ماتصدقي،
سما:تعال شوف ذي الشنطه،
قدم وهو يناظر للشنطه والسعر:موب حلوه،
سما:والله حلوه،
سعود:بغيتي تطفريني ؟!
سما:ايوه أساسًا شغلك كله لي اذا موب لي لمين ؟!
تجاهلها ومشى لعند البنات:اقول تحركي،
سما:لحضه لحضه ،
لف لها:وشو،
سما:كم معك فلوس،
سعود:ليش،
سما:كذا كم معك،
سعود:معي بيكفي ،
سما:عطني البوكيه حقتك،
سعود:ليش،
سما.كذا بطمئن،
سعود:اقول امشي قدامي،
مشت لها:قره فدوه عطني،
عطاها البوكيه وهو يتحسب،
سعود:يلا،
سما:انت رح بشوف اذا في شي عجبني بأخذه،
سعود:طيب لا تتأخري،
صدت ومشت من الجهه الثانيه:شنطه مارضي يشتريها لي حسبي الله عليه مستحيل يأخذ لي شي عجبني لاكن هييين بتشوف ، واصلت طريقها وهي تناظر للفساتين واي شي يعجبها تأخذه،
وصل سعود عند البنات،
سعود:خلصتو ؟!
سلمى:باقي بندخل محل ثاني،
سعود:اجل الحقوني،
مشاعل:وين سما ؟!
سعود:قاعده تناظر لشنطه سعرها سعر كليتي الحين بتجي،
سلمى بضحكه:حبت الشنطه،
سعود:ايوه،
مشاعل:حرام كان شريتها لها،
سعود:ماهيب حلوه ولا كان شريتها والله ماينقصها شي وانا موجود،
سلمى:المهم ذوقها،
سعود:ابد تطق راسي لين اقول لها حلوه والاخير تقول ماتبيها ،
مشاعل:ليه ترفس كذا،
سعود:خبله،
سلمى:هههههههه ، تعالو خلونا ندخل ذا المحل،
دخلو المحل وسعود كان مابين الاثنين المحلات ينتضر لسما لين تخرج،
عند نور الي كانت بقسم العطور ومنصور الي راح يحاسب ع الاولات رجع يشوفها تختار بالعطور راح لها،
منصور:خلصتي،
نور:ماشفت العطر الي انا دايم اشتريه ،
منصور:اما ليه ؟!
راعي العطور:العطر الي تسأل عنه موب موجود عندنا،
منصور:وش العطر الي تدورينه،
نور:شغف الورد،
منصور لـ راعي العطور:مافي متأكد،
راعي العطور:مافي،
منصور وهو يأشر:اجل عطني ذا العطر،
* خرج العطر ومده لمنصور ،اخذ
منه العطر وعطاها وهو يقول:ذا حلو،
اخذت العطر وهي تفتح وتشم:حلو،
منصور:شفتي قايل لتس انا،
نور:صراحه طلعت ذويق صدق،
منصور:ادري ، ولف لراعي العطور:بنأخذ ذا ، ورد بنضره لنور عقد حواجبه بأستغراب وهو يشوف الرجال القاعد بالأرض يطالع بنور،
نور:شفيك ،
طال النظر ومنصور يناظر بالرجال والرجال يناظر بـ نور ، ماقدر يتحمل وراح له ووقف امامه:خييير لييييه قاعد تطالع بزوجتي،
مارد عليه الرجال وهو لسى يناظر بـ نور،
نزل منصور لمستواه ومسكه من يأقه ثوبه:قاعد اتكلم معك انا تفهم ولا ماتفهم،
هز راسه بأستيعاب ونطق:من انت شقاعد تسوي فكني،
شد عليه بقوه لين اختنق الرجال:لا تسوي نفسك موب فاهم شقاعد اقول ترا لك ساعه تناظر بزوجتي احترم نفسك،
الرجال:من زوجتك ذي،
شد على قبضه يده وعطاه بوكس بوجه ونطق بنبره غضب:قسم بالله ان ماتحترم نفسك وترحو من هنا لا اتوطى في كرشك،
الرجال وهو ماسك بوجهه:خبل انت ولا وشو ، وكييف تسمح لنفسك تمد يدك علي ي قليل المروه ، وقام وهو يرد له البوكس بقوه:اول شي انا محترم لنفسي ثاني شي ذا محلي انت اخرج ما ابي اشوف وجهك بمحلي،
قام له بغضب وهو يدفه ويعطيه الكف الاول والثاني:اول شي ما اتشرف اقعد بمحلك ، ثاني شي غض بصرك ولا تقعد تناظر على حريم الناس ،
رد الضرب لمنصور ومنصور يرد الضربه وصارت هواشه وضرب ، تعبو الناس وحاولو يفرقو ، اما نور الي حاولت تهدئ منصور بس مافي فايده قعدت تناظر من الزاويه بخوف،
قدمو اثنين من الرجال وهم يفكوهم ،
الرجال:شفيكم ليه مسوين هواشه،
منصور:ذا الواطي مايستحي على وجهه،
راعي المحل:تحكم يألفاضك ي الحقير،
الرجال:اصصصص خلوني افهم السالفه،
منصور:قاعد ساعه يطالع بروجتي لين جيت اسأله ليه قال من ذي زوجتك ،
راعي المحل:والله ماكنت اطالع فيها كنت شارد،
منصور بصراخ:لاتكذب لا تكذب شفتك بعيوني ي قليل الحيا،
راعي المحل:احترم نفسك،
الرجال:بس ادحرو الشيطان ، والقصه ماتستاهل خلونا نقفل ع الموضوع،
منصور:بس...
الرجال:اخويا الله يصلحك الولد يقول شارد ، خلنا نقفلها احسن،
صد وراح لعند نور ومسكها من يدها ومشى بغضب وخرجو من المحل ،
نور:منصورررر يدي،
من كثر غيرته عليها ما انتبه انه شاد على يدها،
وقفت وهي تحاول تسحب يدها:منصور يدي عورتني،
فك ليدها ومشى وهو يفك ياقه ثوبه ويتكى على سكه المول ، مشت لعنده وكانت تناظره بهدوء ، طال الهدوء وهو يحاول يستجمع افكاره ويضبط غيرته عليها ويتحكم بمشاعره المفضوحه ،لف لها وكانت تناظره بنفس النظرات،
منصور:اوجعتس ؟؟
نور:عادي،
منصور:اسف اذا اوجعتس مدري شصار فيني،
نور:لالا عادي مافيها شي،
مسح على وجهه وهو يتنفس بصعوبه،
نور:وش فيك ،
منصور:مافي شي ، تعالي نرجع،
مشت بعده بهدوء ورحو عند البنات،
فيصل:والله اني تعبت استعجلو،
ساره:اقعد من ماسك بك ،
فيصل:بالله بغيتيني اقعد وانتو هنا بلحالكم،
رهف:انت اقعد ومارح يصير شي،
فيصل:اقول استعجلو،
ساره:ليه ماتروح تأخذ الشبكه لزوجتك ؟!
فيصل:منتضركم تخلصو عشان اخذ راحتي،
ملاك:خلصنا خلنا نروح نختار لك،
ساره:يلا يلا،
فيصل:اقول انطمو انتو روحو عند البنات ونا بروح اختار بلحالي،
رهف:لالا خلنا نعطيك ذوقنا،
فيصل:مانيب حاجتكم انا ذويق،
ساره:اسكت اسكت ي الذويق ولحقني يلا بختار لك انا،
فيصل:ارجعي،
ساره:الحقني،
لحقينها البنت ونطق فيصل:حسبي الله اخرتها اختك تتحكم فيك ، وسارع بخطواته يدخل المحل قبلهن،
مشى منصور لعند سعود ونور انسحبت لعند البنات،
منصور:خلصتو،
سعود:تعال بشوف البنات،
دخل وهو يكلم البنات:خلصتو،
سلمى:لسى،
نور:وين سما،
سعود:ليه للحين مارجعت ؟!
مشاعل:وانت قاعد تنتضرها ؟!
سعود:دق جوالي رحت ارد،
سلمى:مارجعت،
عقد حواجبه بأستغراب ونطق:منصور خلك معى البنات بروح اشوف،
منصور:طيب،
راح سعود وهو يدور عليها بالمول ودخل اخر محل شافها فيه عند الشنطه وماشافها ونطق بنفسه(وين راحت ذي الخبله وين اشوفها الحين) ومشى يدور عليها بكل المول وماشافها ،
عند سما الي كانت بمحل الأحذية واختارت لها كم كعب ومشت لعند الكاشير ونطقت:بأخذ ذول،
اخذ منها الاحذيه وحسب الأسعار وقال لها ، خرجت بوكيه سعود الي اخذتها منه وعطته الفلوس وخرجت والاكياس بيدها وكانت شبه مخلصه ومشت بترجع لعند البنات ، وطال مشيها وماشافت المحل الي كانت فيه ونطقت بنفسها(وين ذك المحل ي ربي لايكون ضعت) ومشت وهي تلف على كل المحلات وماشفت احد،
عند سعود الي تعب من كثر مادور عليها وماشافها رجع عند منصور وهو يقول:رجعت !؟
منصور:لا ليه ماشفتها ،
احتدت ملامحه بخوف من انها تكون ضاعت وجلس بحيره موب عارف شيسوي ، دخل فيصل معى البنات ولف له سعود:شفتو سما ؟!
* *
فيصل:لا ماهي عندكم،
سعود:لاحوووول وين بتكون راحت،
منصور:فيصل اقعد عند البنات بنروح ندور عليها،
فيصل:بأمانتي ،
راحو يدورو عليها بكل المحلات ومافي لها اثر ، مرت نص ساعه وهم يدورو والكل بان عليه الخوف واولهم سعود الي رجف قلبه بخوف من عدم وجودها خاف انه يكون صاير لها شي او حد سوى فيها شي ، وسما من كثر مابحثت ماشافت احد حطت الاكياس ب الأرض ووقفت بتوتر وخوف من انهم يكونو نسوها واذا صدق نسوها وش بتسوي ماتعرف احد بذا المكان وبلاد غير بلادها ،
وقف منصور بتعب ونطق:تعبت ومالقينا ذيك المجنونه،
سعود:لاحول ولا قوه الا بالله وينها وين راحت وشوله بنشوفها الحين ،
منصور:وش رئيك نسوي نداء واذا موجوده هنا بتسمع وتجيك،
سعود:خبل انت بغيتني اناديها البنت موب بزر تعرف وتفهم بعد،
منصور:قلت احسن مانقعد ندور ترا لفينا المول اكثر من مره،
سعود:لا تقول احسن ، قال اناديها قال ، وكرامتي وين اؤديها ؟!
منصور:طب عندك حل غيره ؟!
سعود:مافي الا نقعد ندور لين نشوفها،
منصور:خلاص ذي المره نفترق،
سعود:طيب يلا،
تفرقو وكل واحد راح من مكان يدور عليها ، سما الي تجمعت الدموع بمجحر عيونها وهي تناظر للاكياس الي ب الارض وكانت الافكار توديها لكل مكان ،
عند سعود الي كان يمشى ويدور عليها وقف من لمحها بس خاف انه يروح لها ويتفشل من اطلع موب هي قرر يتقدم ويشوفها من بعيد ، قدم وماكان يشوف غير قفائاها قرب اكثر وهنا تأكد انها سما احتدت ملامحه بغضب وخوف وصرخ بنبره غضب:سماااااااا،
فزت بخوف من الصراخ ولفت له وهي تشوف ملامحه الغاضبه تجمعت الدموع اكثر بعيونها ورتمت بحضنه لاشعوريا وهي تبكي بهدوء حتى شهقاتها كانت بهمس ، انصعق من حس انها تبكي وخاف انه صار لها شي ، بعدها من حضنه ومسك وجهها بكفوفه ارتخت ملامحه وهو يشوف دموعها ونقابها المُبلل ولأول مره يشوف دموعها اول مره يشوفها بذي الحاله وهو من عرفها مايشوف غير طقطقتها على الكل ودايم تضحك وصدرها وسيع بس اليوم يشوفها بذي الحاله وبذي الهزيمه ، وين راحت سما الي مستحيل يرف لها جفن ، تقطع قلبه عليها من منضرها شد على وجهها بكفوفه ونطق:سمائييييي شفيتسس ،
ماقدرت تتحمل نبرة صوته وتعامله الحنون معها ورتمت بحضنه مره ثانيه وهي تبكي ورتفع صوت بكائها اكثر ، شد عليها بحضنه وهو يمسح على ضهرها ويهديها ، وقعد حاضن لها ليين بدئت تهدئ شوي شوي ، بعدها عن حضنه ورفع يده يمرر اصبع ابهامه بجفونها ويمسح دموعها ، ناظرت له بعيون باكيه وكانت اول مره تشوف ذا الجانب الحنون من سعود ،
مسح دموعها ونطق:ليه تبكي ي عيوني،
نطقت بنبرة باكيه:دورت بكل المول بس ماشفتك ضنيت اني ضعت وانتو نسيتوني،
سعود:اما انا انسيتس انسى نفسي ولا انسيتس ي سما قلبي انتي،
اختفت كل دموعا وبلعت ريقها بخوف وهي تشوف جديه كلامه لها ،
سعود:ليه مارجعتي للمحل ؟!
سما:كنت اتسوق خلصت وماشفتكم مادريت كيف سرحت بالتسوق لدرجه ماعرفت وين رحت،
سعود:صار لي ساعه قاعد ادور عليتس،
سما:وانا لفيت كل المول ادور عليكم وماشفتكم ضني انكم نسيتوني،
سعود:ايوه صح انسيتس وانا لي ساعه ادور عليتس ،
سما:طب انا فكرت كذا،
سعود:بعدين طلعتي تعرفي تبكي،
سما:كله بسبتكم خوفتوني ،
سعود:مابكيتي يوم نسوتس بالسعوديه والحين بكيتي ،
سما:نور كانت موجوده خليت البكى لها ،
ضحك بالخفيف ونطق:ماكان في داعي لكل ذا الخوف وانتي تدري ان قره عينتس بيجيتس ،
سما:حاولت وقلت قره عيني بيجي بس خفت كثير ، تخيل حد جى لي وقال تعالي بوديتس لعند سعود وضحك علي واخذني معه ،
سعود:وذا الي بيضحك عليتس وش عرفه انه انتي ضايعه وتدورين على سعود،
سما:مدري بس قلت تخيل،
سعود:لاحوووول خبله انتي ولا وشو من ضحك عليتس تروحين معه كذا ،
سما:هو يجي ويمد لي يد المساعده ، وانا في بلاد غريبه معرف احد اكيد بروح ،
سعود:ذا الي بيضحك عليس اذا اخذتس بيردتس يوم ثاني مارح يقدر يتحملتس ، انا متحملتس غصب ، فكيف هو،
سما:اقول احمد ربك اني زوجتك ، الكل يتمني اني اصير زوجته واولهم بن عمي الغني،
سعود:نحمده الله ونشكره على ما ابتلانا ، بعدين ماعندتس سالفه غير ذا ولد عمتس ، الرجال يكون عايش حياته ومتزوج ومرتاح وانتي قاعد تتأملين فيه،
سما:اول شي انا موب بلوه واذا كنت بلوه ي محلاها من بلوه ، ثاني شي بن عمي منتضرني لين افتك منك وبيجي يتقدم لي وانا اكيد بوافق،
سعود:الرجال اكيد ماصدق انتس رحتي وشكله وشكله تزوج ثاني يوم من فرحته ، الحين امشي الكل منتضر لتس،
سما بفخر:ادري الكل ينتضرني مايقدرون من دوني،
سعود:امشي امشي ،
اخت الأكياس ولحقته ومسكت يده،
سعود:ليه مسكتي يدي امسكي يد بن عمتس،
شدت على يده:بمسك بيدك عشان ما اضيع مره ثانيه واقعد بحمايتك لين ارجع لولد عمي بمسك بيده،
* *
سعود:لاحووول الله ، امشي وانتي ساكته،
سكتت شويه ونطقت:قره عيني،
سعود:وشو،
سما بدلع:ي قررره عينييي،
سعود:وشو،
سما بنفس النبره:قره عينييييي،
سعود:وششششو،
سما:حسبي الله فيك ،
سعود:علامتس ي المخبوله ؟
سما:ماتقدر تقول سمّي او امري او تم او على خشمي ؟!
سعود:وش بغيتي،
سما:استغفر الله ، بغيت في موضوع جاد جدًا ،
سعود:وش ذا الموضوع الجاد،
سما:اول قول تم،
سعود:والله ما اقول لين اسمعتس ،
سما:ليييه تحلف ليييه،
سعود:قولي بسرعه وش بغيتي،
نزلت راسها للأرض ونطقت بعد تردد:ابيك ماتكلم احد اني بكيت،
ابتسم بخبث وهو يناظر لها:ليه وش بيصر اذا تكلمت،
سما:كذا لا تتكلم ،
سعود بضحكه:خايفه على كرامتس ، اجل ابشري بسوي تغريده بالتويتر واقول للكل انتس بكيتي،
سما:سعووود،
سعود:اسرعي اسرعي يادوب الحق اكلم الكل،
سما:سعووود تكفى تكفى لا تكلم احد،
سعود:اممممم بفكر يلا،
سما:مايحتاج تفكير لا تكلم احد وبس،
سعود:تمام يلا،
سما:احلف ماتكلم احد،
سعود:طب والله ما اكلم احد،
تنهدت براحه:اجل الحين يلا مشينا،
وصلو ومشت سما لعند البنات،
سعود لـ فيصل:الحين انتو خلصتو صح،
فيصل:ايوه،
سعود:نمشي ؟!
منصور:وين كانت،
سعود:ضايعه،
منصور:ماعندهم شي غير الضياع ، يلا يلا خلونا نطلع قبل الكل يضيع محنا ناقصين،
سعود:يلا،
تفرقو وكل واحد راح على سيارته والكل ركب وحركو،
نور:وين رحتي ي البقره،
سما:مدري كنت اتسوق الف وما اشوف احد،
مشاعل:خوفتينا وخوفتي سعود عليتس،
نور:خبلا ليش رحتي تتسوقي لوحدش،
منصور:لفينا المول عليتس ميه مره كان ابي اناديتس بالمكرفون بس سعود قال لا،
سلمى بضحكه:وهي موب بزر بغيت تناديها ويضحكون عليكم،
سعود:كلميه قال يناديها قال ماعنده عقل يحسب ماعندي كرامه مثله،
منصور:لا تغلط ي الخوي،
منصور:وانا صادق ياما كفخك جدي على المقالب بس انت ماتفكر،
منصور:هو ورثني ذي الصفه انا مالي دخل،
مشاعل:جدي ورثك وحنا ابتلينا،
منصور:احمدو ربكم اني من عائلتكم،
سعود:ماكان نبيك بس شنسوي قدر ربي،
نور: دام انتو تعذبتو وبتليتو فيه ليه ماكلمتوني قبل العرس كان رفضت،
سلمى:السموحه منتس،
مشاعل:مانقدر نقول شي غير العفو منتس،
نور:الله يسامحكم بس،
منصور:ليه مامليت عينتس،
نور:مليت حياتي خوف،
منصور:احمدي نعمتس غيرتس يدورها،
نور:مافي عندنا شي غير نحمد الله،
مشاعل:بس بس ياحبكم للطقطقه ، اقول شغلي لنا اغنيه يانور نستانس،
منصور:بتشغل لنا كراميش الحين،
سلمى بضحكه:الجيه طيور الجنه ، والرجعه كراميش يلا،
نور:لا بخلي لكم مساحتكم وش بغيتو وانا بشغل،
سما:منين نزل لش الاحترام فجاة،
نور:قلت عيب،
منصور:شغلي لنا نادر او عبدالله ،
سلمى:لا لاتصدقي مانبي ولا واحد فيهم،
نور:وش تبي،
سلمى:شغلي لنا اصاله،
منصور:شغلي الي قلت لتس،
سلمى:لاتصدقي بالله،
منصور:وش قلت انا،
نور:اووووف صرعتوني خلاص مانيب مشغله شي ،
سما:افضل نقعد نسولف،
سعود:صادقه انتو والأغاني خلونا نريح رئوسنا شوي،
منصور:ماعندي مانع،
سلمى:وانا ماعندي مانع،
مشاعل:اجل نسولف،
بدا منصور ودخلو الكل معه بشويش وقعدو يسولفو وضحكاتهم معبيه المكان،
وصلو وكانت الساعه تقريبًا ٩:٢٤ مساءً نزل منصور من الساره وهو يشوف ماجد وعياله وفلاح جنب البيت وعبدالله يلعب معاهم ، فز من شاف السياره مقبله لعند عبدالله وسارع بخطواته يركض لعنده ونطق بصراخ:عبدالللللله اببببعد ، الكل لف يناظر بخوف وسليمان الي صرخ:منصووووور
ركض منصور ودف عبدالله وطاح بين السياره ،
ماجد بصراخ:منننننننصووور ، ركضو الكل بدون استثناء وقدم فيصل وهو يرفعه ويطبطب على وجهه ويصرخ:منننننصورررر تكفىىىىىى افتتتتح عيوووونك،
سعود بصراخ:من ذاااااا السوووواق الخبل ماييييشوف الووولد ،
فيصل:منصووور افتح عيونك منننصور،
فتح عيونه بشويش ونطق بوجع:قببل اموووت عنددي وصيه،
فيصل:لا تقول كذا تكفى منصور،
منصور:ذا قدر الله ، اسمعوني زين زوجتي في امانتكم لين يجي ابوها ، وجدي قولو له يسامحني وانا اسف اني سويت فيكم مقالب سامحوني ، غمض عيونه ونتهى من كلامه،
البنات الي بدئو يصارخو ويبكو وفيصل يطبطب بوجهه وسعود الي راح عند السواق يكفخه والباقي ماحد قدر يتحرك ، يخرج الجد وهو يناظر لهم:حسبي الله فيكم حسبي الله فيكم عيال اخر زمن ، وصد رجع للبيت،
ماجد:سعععود وقف لا تضربه،
سعود الي كان ماسك فلاح من ياقته:ليييه ؟!
ماجد:انتهى المشهد ،
قام منصور وهو ميييييت ضحك والكل مثله فرطو يضحكو (دايم اسوي مقالب في العائله ذي المره دوركم😂💔)
تستمر القصة أدناه
اخذ عبدالله لعبته السياره ودخل البيت ، والبنات دخلو بعده ، وبعد نوبه ضحك هستيري قال صقر:ان اشهد انك سويتها ي منصور تمثيل ولا غلطه
* * متوقع من شخص عايش حياته على المقالب،
فيصل:الركض والإنقاذ والاكشن والوصيه صراااحه حبيييت ، عاد سواقه فلاح تفطسسسس،
فلاح:ماقدرت اتحكم بها ماتشوف الحجار انت ،
منصور:معذور ي الخوي معذور،
ماجد:الحين اذا خلصتو هبل خلونا نخرج ،
سعود:وين ،
ماجد:اي مكان المهم ما ابي اقعد بالبيت،
منصور:اجل تعالو معي نروح عند اخوياي،
فيصل:يلا،
مشو كلهم لعند خالد والبقيه،
عند البنات الكل دخل وهو يضحك وكلهم مشو لبيت ابو سعود والبنات كان يبغون يشوفون شكل الهنوف وامها دخلت سما الاوله وشافت الكل بالصالة وشهقت من شافت شكل الهنوف:بنت شفييييتس من مسوي بوجهتس كذا ؟!
الهنوف:انتي ي الحيوانه،
قعدت على الكنب ورفعت رجل فوق رجل ونطقت:حيوانه !! ليش ابسرتيني(شايفتيني) مرايتش ؟!
الكل فرط يضحك عليها،
فارت بعيض ونطقت بصراخ:اسسسكتي ي ام لسااان،
سما:تشتي اقسم لش متر تستري به كرامتش ؟!
رهف بضحكه:بوووم بمنتصف الجبهة،
الهنوف:اسكتي انتي الثانيه ، وانتي خلي لسانك لك ي حقيره،
سما:بسكت كني ماسمعتس افضل،
الهنوف:وش بتسوي يعني ،
نور:بنت يكفي الي جاتس روحي،
مشاعل:بنات صلو على النبي شفيكم،
سما:مافيني شي انا ، وين عمتي ما اشوفها،
شوق:بالغرفه هي وزوجها،
سما:وامتس وين،
شوق:بالغرفه هي واشواق،
ساره:اجل خاطركم،
سلمى:اقعدي نسولف،
ساره:نسولف بكره يلا سلام ، خرجت وخرجت بعدها ملاك ورهف،
ملاك:شفتو كيف وجهها ؟!
رهف:اخخخخ بردت قلبي،
ساره:حتى انا بس ياليت شفناها وهي تكفخها،
ملاك:مالنا نصيب،
بببت ابو سعود كل واحده راحت غرفتها ،
بغرفه نور كانت ترتب الأغراض الي شريتهن وقفت من دق جوالها حطت كل شي من يدها وراحت للجوال وبتسمت بفرح وهي تشوف الاسم ابي الغالي ردت والابتسامه شافه وجهها:هلا بالغاااالي عاااش من سمع صوتك عااااش ،
ابو صلاح:تعيشي ي الغلا،
نور:كيف حالكم وكيف امي،
ابو صلاح:الحمدلله بخير انتي كيف حالش،
نور:نحمد الله ونشكره منتظره جيأتكم،
ابو صلاح زفر بضيق،
نور:سلامات ايش فيك يُبه،
تنهد تنهيده طووويله وفضل السكوت ، اخذ منه الجوال ابو سما ورد:هلا ي بنتي،
نور:عمي ماله ابي،
ابو سما:مافيه شي،
نور:ليش مايرد علي،
ابو سما:اتصلنا على شان نكلمك انه مانقدر نطلع ذا الشهر،
نور:لييييش وانتو قلتو اقل شي ثلاثه اشهر،
ابو سما:اشغلنا مانقدر،
نور:ومتى ع تطلعو ؟!
ابو سما:ثلاثه اشهر ثانيه احتمال او اكثر ،
نور بشهقه:ماااااهو ثلاثه تمزح معي صح ؟!
ابو نور:لا مانمرح معش صدق مانقدر نطلع ، بعدين قلتي انش مرتاحه ومنصور مايفعلش شي،
نور:حتى لو اني مرتاحه بيت ابي ثاني،
ابو نور:مانفعل ذا قضاء الله وقدره،
ضاق حالها وهي تسمع ذا الكلام قامت وفتحت الغرفه وخرجت لغرفته سما ، فتحت لها وعطتها الجوال بدون مقدمات وانسدحت على السرير بضيق وهم ، اخذت منها الجوال وهي مستغربه وقعدت على السرير وهي ترد:الو،
ابو سما:حيا بالصوت الي يرد الروح،
ابتسمت بفرح وهي تسمع صوت ابوها:ي هلا بقلبي وروحي كيف حالك وكيف امي ،
ابو سما:الحمدلله بخير انتي كيف حالش اخبارش كيف العيشه عندش،
سما:الحمدلله كل شي تمام ، مالها نور،
ابو نور:كلمتها وقلت مانقدر نطلع زعلت،
سما:ريع ريع (استنى)ماتقدر تطلع ؟! ليييش ؟؟
ابو نور:اشغلنا مانقدر احتمال ثلاثه اشهر او اكثر،
سما:وانتو قلتو بتطلعو ذلحين،
ابو سما:ماقدرنا ي بنتي ماقدرنا،
سما:ذلحين عاد نزيد نجلس ثلاثه اشهر،
ابو سما:ايوه،
سما:سابر،
ابو سما:يلا خاطرش انتبهي على اختش،
سما:تمام،
قفلت المكالمه وانسدحت جنب نور بضيق وهم،
سما:تعبت الصدق،
نور:ما اقسى غربه الأوطان ،
سما:ذا احنا وكيف المغترب،
نور بتنهيده:الله يصبرهم بس،
سما:اخخخخ والله اشتقت والله ليش هاكذا ليششش،
نور:مامعانا الا الصبر،
سما:لامتى ع نصبر لامتى ،
نور:لما يفرجها ربي ،
سما:بالله ليش ع تتعكر الطلعه ، الا يقولو مايشتونا ي الله افتكو مننا،
نور:تقولي صدق،
سما:هو الا ايش عاد باقي امانه عليش،
نور:اشتحطي اشتحطي مابش عائله ترجم ببناتها هاكذا سعليش هم ع يطلعو،
سما:متتتتى متتتتى ع يطلعو متتتتى قصدش من خرط الناس مرتاحين وناسيين لنا وعايشين حياتهم،
سكتت وهي تناظر لسقف بهم وضيق،
الصباح ببيت ابو يحيى بالمجلس ماكان في الا فيصل وابو يحيى وام يحيى دخلت ساره وهي تتحلطم وتتأفأف،
فيصل:اصبحنا واصبح الملك لله،
ساره:فيصل قول يالله اليوم رضاك،
فيصل:اهبببد علامتس تنافخين كذا،
ساره:خليك في حالك،
ام يحيى:شفيتس ي بنتي،
ساره:اتصلت على يمنى وكلمتها على العرس قالت ماتقدر تجي،
ابو يحيى:والله طب ليه ماتقدر،
ساره:تقول انها مسافره معى زوجها،
فيصل:احسن خلصنا من واحده باقي الثانيه ان شاء الله قريب،
ساره:وجععع مستانس انها ماتقدر تجي تحضر عرسك،
*____________*
> *يتبــ؏ . .*
_استغفر الله
_سبحان الله
_الله اڪبر
_الحمدلله
_لا اله الا الله
*اتفاعلو لنڪَمل نشر الروايه .*
*باشراف:ميان.*
ــــــــــــــــــــــــ
*♯ࢪوايات سعودية مشوقة🤎🦋.*
`تقييمك للبارت من`🔟 *! ! !*