الفصل 34
*– ࢪواية :« الا ي ليت الديار ديار خلي» .*
*– الباࢪت:« 𝟑𝟒 ».*
*– الڪاتبة:«وفاء».*
▭𝅼▬࣪▭𝅼▬ׄ▭𝅼▬࣪▭𝅼▬࣪▭𝅼▬
*ࢪوايات سعودية مشوقة🤎🦋.*
`https://whatsapp.com/channel/0029Vaqhdp07Noa5QQC4or0Y`
ـــــــــــــــــــــــ
> الروايه لاتلهيڪم عن الصلاﮫ اللهم بلغت اللهم فأشهد .
*
*الفصل (34) ☆*
* الا ليت كل الديار ديار خلي😔💔*
* بالمطبخ عند البنات،
نور الي كانت تسوي المعكرونه والبنات يصلحون العشاء دخلت الجده وانصدمت من البنات الي بالمطبخ وقالت:الهنوف شوق شتسوون هنا؟؟
الهنوف الي لفت لها:هلا ي جده،
ساره:تعالي ي جده قاعده اكلمهم ترا انتو ضيوف مايصير نتعبكم ماعنا بس موب راضيين يسمعون كلامي ،
الجده:ليه ي بنتي اخرجي وهن بيسوين ،
شوق:ليه شفيها،
مشاعل:افهمو يبون يورونا انهم يعرفو يطبخو،
سلمى بضحكه:عاد مافي معنا شب عزابي كلهم مزوجين،
شوق بنفس الضحكه:عادي حتى لو مزوج،
الكل سكتو يناظروها بهدوء،
شوق بضحكه:امزح امزح شفيكم،
رهف بتغير السالفه:الا وين وديتي فيصل ي سلمى ولا خايفه يسحب عليتس،
ناظرت لها سلمى بطرف عين وقالت الهنوف:لا شدعوه قلنا نطبخ شفيكم مكبرينها،
الجده:بس بس ي كثر حُبكم للطقطقة يلا نبي العشاء،
قامت سما وهي توقف جنب الجده وقالت:ما ابي عشاء محروق نبي عشاء يبيض الوجيهه عند الرجاجيل يلا،
نور:اقول اذلفي انتي،
سما بهمس للجده:جده خلينا نسير نتحرش ذيك الحُرمه،
الجده بنفس الهمس:اي حُرمه،
سما:ام الهنوف ما اطيقها،
الجده:تعالي،
مشت الجده وراحت للصاله وسما بعدها وقعدت على الكنب،
الجده:الا وينكم ي مُزنه ماهقيتو تجونا،
الخاله مُزنه:والله من زمان كان نبي نجيكم بس تدرين اشغال وكذا وجى عرس الاولاد قالنا فرصه لازم نجي،
ام الهنوف:بغيتي الصدق ي جده؟؟
لفت لها الجده:وشو؟؟
ام الهنوف:والله حنا قادرين نجي بس مانحب اجوئكم ذي الا انتم مدري كيف مستحملين العيشه،
الجده:والله مافي احلى من جو الديره وهوائها النقي انتو والمدينه وهوائها الملوث،
ام الهنوف:والله هواء المدينه الملوث انقى من هوائكم الصراحه انتو ماعندكم هواء زين مافي الا بقر ونياق وش ذا القرف،
الجده:ذي اصل البداوة،
ام الهنوف:اي بداوه واي قرف لوكان جيتو المدينه كان احلى لكم،
الجده:تخسين اني اجي المدينه واترك الديره،
الهنوف:الي يسمعك يقول وش هالديره ترا مرره مقرفه،
سما بهمس للجده:شكلها مش ناويه تسكت خلينا نقوم نضربها،
الجده بنفس الهمس:اهجدي موب الحين،
الجده:طب ولييه جيتي اذا ماعجبك هوئنا؟؟
ام الهنوف:شسوي زوجي يبغى يجيكم وتقدرين تقولين غصب عني وانا ترا م اقدر اتحمل جو الديره مره صعب،
الجده:بالغصب وانتي،لالا ذا مايدخل العقل انتي وزوجتس مثل الكلب وراعيه تقولي كذا يمشي بعدتس مثل الكلب،
ام الهنوف:فاهمه الحب غلط اذا زوجك يحبك بيسوي اللي تبيه ولا غيرانه مني ان زوجي يحبني،
الجده:ابو ناصر يحبيني بعد بس بكرامه موب لدرجه يصير كلبي مثلتس،
ام صقر:شفيكمممم؟؟
ام الهنوف:ترا زوتيها وذا زوجي وتراني من اول ساكتتن لك،
الجده:ساكته ولسانتس هالكبر(تقصد يدها🥲) تربيه اخر زمن وش ذي القله الادب،
ام الهنوف:لا تغلطي واحترمي نفسك وتراني ساكته لك كثير،
سما:اهااااي علينا اقول اسكتي وذي جدتش على عينش وراسش وغصب عنش تحترميها واذا قالت انش قليله ادب يعني قليله ادب وغصب عنش،
ام الهنوف:ماتحترمين الكبار انتي؟؟
سما:اذا ابسرتش (شفتس)احترمتيها بحترمش،
ام الهنوف:شوفي ي ام سعود كيف ماتحترم الكبير شوفي،
ام سعود:ماشاء الله عليتس تبيها تحترمتس وانتي موب محترمه عمتي سدو مالي دخل انا،
الخاله بهمس:تستاهل بردتي قلبي فيها وش القرف ذا ،
ام سعود:ماتستحي والله،
ام الهنوف:اعوذ بالله والبرود اسمعي زين ي جده خليك محترمه عشان احترمك،
سما وهي تحاول ترد بس قاطعتها الجده:اسكتي ي بنتي مانبغى نغلط على الناس،
سما:بس ي جده هاذي غلطت عليكم انتو وتشتوني اسكت هاذا مايسبرش الصدق،
ام الهنوف:اقول اسكتي اهلك ماربوكي ؟؟
الجده بصراخ:اقوووول دزي لسانتس بحلقتس وحترمين نفستس ترا حنا ماعنا ذا الكلام وذي حُرمه وليييدي واذا ماسكتي هاذاك الباب تدلينه مثل ماجيتين تخرجين،
ام الهنوف وهي تضرب الطاوله بغضب وقامت:تطريني انا تطرديني مانيب جالسه عندك ولا اتشرف،الهنننننننوف جيبي الجوال اتصل على ابوكِ يجيي يأخذني مانيب جالسسسسه،
قامت مسكتها الخاله وام صقر،
الخاله:استهدي بالله شفيك،
ام الهنوف:تطردني تطردني انا م عاش من يطردني،
الخاله بهمس:حُرمه استهدي بالله وترا ذي بدأت تخرف لاتأخذين كلامها بجد،
ام صقر:ايوه وهي صادقه اقعدي وقهريها بعد،
ام الهنوف:بس..
الخاله بمقاطعه:لا بس ولا شي اقعدي وقهريهم،
ام الهنوف:طب بروح اشوف زوجي وينه،
ام صقر:طيب،
لفت تناظر لسما والجده بطرف عين صد ت ومشت وطقت برجلها رجل الجده
الجده:وجععع،
ام الهنوف:العفو ماشفتها،
الجده وهي ماسكه رجلها:وشوله ماشفتيها وانا مادتها،
طنشتها وكملت طريقها ناظرت لها سما بغيضضض ومدت رجلها وتعثرت ام الهنوف وطاحت للارض،
* * سما بهمس لها:كله الا جدتي صح مالنا الى قليل بس حلوه تجلس تدي لي حلاوه،
فزت ام سعود:وش سويتي ي بنتي؟؟
الجده:ولا سوت شي البنت ماده رجلها تبي تفهن على نفسها ولى ماتبوها ترتاح،
ام الهنوف قامت بغضب:هييين انا تسوون فيني كذا بتشوفون،وخرجت وهي تتحلطم بغضب،
الجده:اقول تعالي ي بنتي نروح،
ام سعود:ويين والله ماتروحي الا وانتي متعشيه،
الجده:برجع بس عندي شي بعطيه لبنتي سما،
فزت سما:وشششو،
الجده:بتشوفين،
قامت:اجل ليييه قاعدين للحين يلا،
ضحكت وقامت خرجو للحوش وشافت سعود ومنصور ومشت لعندهم،
سعود:هلا ي جده وين رايحيين،
الجده وهي تطالع ب ام الهنوف بقرف:نغير جو،
ام الهنوف الي شافتهن زاد غيضها وسارعت بخطواتها متوجه لمجلس الجد ونضراتها ماتبشر بالخير التوى كاحل رجلها وتعثرت وطاحت للارض،
الكل فرط ضحك عليها واولهم الجده،
فز سعود:يُمههه طاحت خلنا نروح نشوف شفيها،
سما:اجلس وانت ساكت وبطل لك الفضول الحُرمه لها ساعه تتضحك علي وعلى الجده،
سعود:والله،
سما:والله وحنا ساكتين لها ماعرفنا حتى نرد سبت حُرمه سعود وسبت جدتك وحنا محترمينها نقول ضييف،
رفع حواجبه وهو يناظر لها:سوت فيتس كذا؟؟
سما:واكثر كما منقصه عليك بالليل اقول لك،
سعود:طب انا وش قايل لتس؟؟
سما:وش؟؟
سعود:قايل لتس تخرجين الضاربه مهوب المضروبه،
سما:تشتاني اضرب الحُرمه تشتاني ارد عليها انا سما سما،
سعود:وانتي قايلتي لي سما لا تخاف عليها،
الجده:اذا قالت لك لا تخاف ف لا تخاف ذي ماينخاف عليها،
سما:ليش ايش فعلت ي جده،
الجده:ابد ماسويتي شي انتي ماتسوي شي،
رفع حواجبه:صدق سما ماسوت شي؟؟
الجده:ردت عليها بشويه كلام مايعتبر كلأم أصلًا،
سعود:وشو الكلام،
الجده:ولاشي قالت اذا ماحترمتي نفستس الباب تدلينه،
سما:مش انا انتي الذي قلتي،
الجده:انا وانتي واحد،
سعود:لا والله طاردين الحُرمه وخارجين تشتكون بعد،
منصور:والله اني شكيت من قلتي انتس ماسويتي لها شي،
عند ام الهنوف الي شافتهم يضحكو فارت عيونها من الغضب ومشت دخلت مجلس الرجاجيل،
فز الجده:حُرمه وش جابتس هنا،
ام الهنوف:بغيتك في موضوع،
ابو الهنوف:وش بغيتي الله يهديك مايصير تجين هنا،
ام الهنوف:اسكت انت الثاني جايه اكلم الجد،
الجد:حسبي الله ،اخرجو اخرجو ،
خرجو كلهم من المجلس مابقى الا ام الهنوف وزوجها والجد،
الجد:يلا وش عندتس،
ام الهنوف بتمثيل البكى:ضربوني وطردوني وماخلو كلمه ماقالوها لي يرضيك ذا الشي،
ابو الهنوف:وشووو،
الجد بصراخ:طردوتس ممممن؟؟
ام الهنوف:سما والجده،
الجد بهدوء:سما والجده،
ام الهنوف:ايوه وتقول زوجي بعدي مثل الكلب
ابو الهنوف: ذي اهانه في حقنا،
الجد بنفسه(وهي صادقه بعدتس مثل الكلب)وقال بعصبيه تمثيل:ابشررري الحين اجييب حقتس اذلللفي،
ام الهنوف اتسعت عيونها بصدمه:وشو؟؟
الجد:لالا اقصد روحي وانا بروح لهن،
ابو الهنوف:يلا ارجعي دامك كلمتي الجد بيأخذ حقتك،
خرجت ام الهنوف وراح الجد للغرفه ودخل وهو يشوف الجده وسما يأكلين حلاوه،
الجد:تحلين بعد ماضربتو الحُرمه وطرتوها ،
الجده:من هرج لك ذا الهرج؟؟
الجد:انا عارف انتن الثنتين مايصير بعدكن خير،
الجده:اسكت بس خلها تستاهل،
الجد:اي والله تستاهل وذي المره سويتين شي صح ما اطيقها لا هي ولا زوجها حتى العقربه الثانيه وزوجها ما اطيقهم الا عشان خاطر ولدي استضيفهم بمجلسي ذول موب رجاجيل ذول حريييم يستمعون كلام زوجاتهم مافي رجوله الله يقلع ذا الطبع،
سما:ذلحين اعجبتك فعلتي،
الجد:نص بنص،
سما:دام حبيتها سير اده(رح جيب) لي حلاوه خلصت حق الجده،
الجد:توني قايل اكره الرجال الي ماسمع كلام الحرمه،
سما:بس اني مو حرمه مو حرمه بنتك انا بنتك،
الجده:اماااا دامتس بنتي بخلي واحد من العيال يروح يشري لتس،
سما:منصور خلى منصور يسير هاذاك الولد يشتي له تربيه من اول وجديد،
الجد:ليه وش مسوي،
سما بتنهيده:لو تبسر(تشوف) ي جدي انتو جزعتو علينا وهم جزعو وسارو (وراحو)لسياره وحنا افتجنا وخرجنا بعدهم بس مسكنا رجال وخطفنا وشل نور له ونور افتجعت ودوخت وجلست ساعتين ساعتين مدوخه والسارق يضحك يضحك استغربنا والاخير منصور مفعل (مسوي)لنا مقلب،
الجد:لا والله الولد ذا مزيدها،
الجده:نسختك،
الجد:انا ما اسوي كذا،
الجده:سويت فيني اكثر بعد،
الجد:لحضه لحضه الحين وقت عشاء ليه منتي بالمطبخ تسوي،
سما:أصلًا اني كنت اطبخ لكم بس خرجت لما سمعت تيك (هاذيك)العقربه تصيح على الجده وانا خرجت ادافع عليها ابسر ابسر(شف) يرضيك ذي البرائه والحلاوه تغلط عليها تيك (هاذيك)العقربه ابسر ابسر (شف)ماشاء الله جدتي الثانيه الشبه رقم 8 وما اسمح لأحد يغلط عليها وطبعًا ماقدرت ترد مسكينه وعلى نياتها،
الجد:ام ناصر على نياتها،
* * سما:أي والله على نياتها،
الجده:مثل ماهي تعرفني انا كمان اعرفها ذي عشره سنين،
سما:يعني ماقلت شي كبير غير زوجش كلب وخرجي وكذا كلام مايستاهل،
الجد:طب الحُرمه وش قايله لكم لحتى طردتوها،
الجده:تقول حنا مانستحي،
الجد:وانتو صدق ماتستحو طاردينها من البيت وهي ضيفه عندكم،
سما:اسمع ي جدي سير(رح) اده لي الحلاوه هاذي ع تخلص،
الجد:تطرديني من غرفتي بعد،
سما:معصي من يطردك ي جد اقعد،
الجد:لا انا رايح بغيتي اقعد تجننيني،
الليل الساعه 11 بعد ماتعشو وكل واحد راح غرفته،
عند نور بعد ماخلصت الصلاة دقت على امها وقعدت تسولف معاها دخل منصور وشافها على الجوال دخل الحمام غير وخرج انسدح على رجولها طالعت فيه بأستغراب خلصت المكالمه وقالت:منصور ايش فيك؟
منصور وهو يأخذ جوالها من يدها:مافي شي معى من تكلمتي؟؟
نور بأبتسمه:امي وابي،
فز من حضنها من تذكر:ايوه صح،
نور بفجعه:بسم الله ايش فيك،
منصور:اتصال العصر كان مسجل اختي،
نور:ايش فيها ؟
منصور:قلتي ماعندك خوات ؟؟
نور:ها ماكلمت عن سلطانه،
منصور:لا،
نور:بكلمك،
رجع ينسدح على رجولها ويقلب بجوالها:اسمعتس،
نور:قبل اتكلم مابتفعل(شتسوى)،
منصور:بنوفي شهرين وحنا مزوجين ورقمتس مهوب معي بسجله،سجل رقمه وحفضه بأسم صوت العافيه
نور بضحكه:صوت العافيه شايف نفسك والله،
منصور:ادري ان صوتي عافيه،
نور:واثق،
منصور:ميه بالميه،المهم وش قصه اختس ذي،
نور:ايوه صح سلطانه مشي اختي بنت خالي ماتت امها يوم ولدتها وخالي مات وهي عمرها 12 وابي اخذها وربها عنده واعتبرها زي اختي واكثر،
منصور:مزوجه صح،
نور:ايوه مزوجه ماقدرت تطلع معانا مكه لانه زوجها شلها سقطرى،
منصور:سقطرى،
نور الي ماقدرت تستحمل اكثر قدمت يدها لشعره وقعدت تلعب فيه:سقطرى هاذي باليمن منطقه سياحيه واكثر السُياح يجون سقطرى لاني جزيييره النعيم واشهر شجره فيها هي شجره دم الأخوين وفي اشياء كثيره،
منصور:دم الاخوين؟؟
نور:ايوه دم الاخوين وفي معاها اسماء كثيييره،
منصور:طب ليه دم الاخوين،
نور:تيه (هاذي)النقطه معرف لها كثير الصدق بس الاسم هاذا اطلقه السقطريون لانه يخرج منه دم،
منصور:دم ،
نور:ايوه سائل أحمر يشبه الدم،
منصور:يعني تلمسيها وتخرج دم؟؟
نور بضحكه:ماقد سرت لها بس اسمع عليها،
منصور:وليه مارحتي ؟؟
نور:والله مدري مافكرنا من قبل بس ان شاء الله لوما (لين)ارجع بكلم ابي وابسر (واشوف)،
غمض عيونه بضيق وقال بعد تنهيده:الحين لين يجي ابوتس بتروحين؟؟
نور:اكيد ،
منصور:مستحيل يتغير قرارتس ،
نور الي استغربت من نبره صوته:على ايش تلمح بالضبط،
منصور:بقول لتس لين يجي ابوتس،
نور:ليش،
منصور:كذا،
سكتت وهي تناظره بهدوء ومنصور الي غمض عيونه بضيق ودخل بنومه يبي يهرب وما يواجه حقيقه انها في يوم من الايام بتروح ومايضل الا ذكرياتها كان يتمني انه ينام ومايصحى أبدآ خايف من لقائها بأبوها وتركها له وهو مايقدر على فراقها مايقدر من دونها تعود عليها كثير واكثر من كذا حبيبه قلبه،
بغرفه سعود كانت سما تلعب بجواله وهو منسدح جنبها،
سما:اللعبه تيه(هاذي) حاليه قوي،
سعود:مثل راعيها،
سما:لاتبسر نفسك محور الكون،
سعود:انا أساسًا محور الكون،
سما:منين جايب ثقتك تيه(هاذي)،
سعود:منتس،
سما:لا تحرجني ،
سعود:جعل ماغيرتس ينحرج،
سما:ذلحين اسمع تتذكر البشاره الي عندك او لا؟؟
سعود:اي بشاره؟؟
سما:البشاره حق بيلا،
سعود:شفيها،
سما:متى ناوي تده لي،
سعود:اذكرتس انتس قلتي خلها لبعدين،
سما:ايوه صح خلها لبعدين ،ذلحين اني جاوعه،
سعود:ليه ماتعشيتي ؟؟
سما:ماقدرت اتعشي من تحت راس العقربه ،
سعود:عقربه،
سما:ام الهنوف ،
سعود:وش مسويه فيتس،
سما:كانت جالسه بتبسر صليا(لي)وتشتي تأكلني كأني اكله ورث ابوها افتجعت منها وقمت قبل تصرعني عين،
سعود بضحكه:ههههههههه كان اكلتي مايصير شي،
سما:لا تضحك اكلمك صدق،والله بعدين لا ارجع اضربها واني حذرت خلوها ترح لها من طريقها ولا تجي صليا،
سعود:بنت وش قاعده تقوليين؟؟
سما:يعني كلموها لا تدخل بي ولا اني ادخل به كما صبري قليل،
سعود:هههههههههه قليل الا مافي صبر ابد،
سما:الحين انت مالك اليوم اي شي اتحاكى عليه تضحك وش مفرحك؟؟
سعود:والله مدري،
سما:ذلحين اني جاوعه من صدق،
سعود:وليه متى اخر مره شبعتي،
سما:سعوووود،
سعود:اقول طفي الجوال ونامي وبكره الصباح اكلي،
سما:مقدر اجلس لصبح،
سعود وهو يتلحف بالبطانيه:تبي تنامي نامي ماتبي اقعد لين الصبح،
سحبت منه البطانيه بغضب وتلحفت فيها:اني الخبلا الي جيت اكلمك،
سعود الي لف لها وكانت معطيته ضهرها:هاتي البطانيه،
سما:ارقد بدون البطانيه حقي،
سعود:هاتي شويه لي،
سما:ماااااعه،
سعود:ي ظالمه ماتشوفين كيف الدنيا برد،
*
** سما:تشته ترقد ارقد ماتشته اجلس لصبح،
سعود:رديتيها،هاتي البطانيه قبل اسحبتس انتي والبطانيه،
فزت بخوف وبعدت البطانيه وعطيته:شل اشبع بها،
سعود بضحكه:الناس ماتجي الا بالعين الحمرررا،
سما:ارقد وانت ساكت،
سعود:هههههههههههههههههه،
سما:لا تضحك لاتضحك،
سعود بضحكه:اضحك على حسابتس؟؟
سما:لا بس تستفزني بضحكه هاذي،
سعود:اجل هههههههههههههههههههههههههههههههههههه،
انسدحت بغضب وعطته ضهرها،
ضحك وسحبها شويه له ولحفها وقال:اخاف انبلش بمرضتس ،
اتغطت بالبطانيه مطنشته ونامت،
عند سلمى خرجت للبنات الحافات ودخلتهن الغرفه ينامين ورجعت غرفتها وانسدحت بتعب،
سلمى:شكل ذي المره مارح تعدي على خير،
مشاعل:والله صادقه سما مستحيل تسكت عليها،
سلمى:عاد الجده شافت من يساعدها ونفس تفكيرها،
مشاعل بضحكه:عاد تشوفيهن تقولين ام وبنتها نفس التفكير،
سلمى:الله يستر وش بيصير،
مشاعل:الله يعلم بس خليها تكفخها تستاهل،
سلمى:اي والله خلها تبرد حرتنا فيها،
مشاعل:عاد تصرفات الهنوف احسها غريبه،
فزت وقعدت على السرير:حتى انتي لاحظتي صح،
مشاعل:ايوه لاحظت تقولي شفيها،
سلمى:والله مدري بس في شي غريب وبنكتشفه ،
مشاعل وهي منسدحه:بنشوف ،بس الحين انا جاوعانه،
سلمى:ليه ماتعشيتي،
مشاعل:مااكلت كثير،
سلمى:روحي كلي لتس شي،
مشاعل:تعبانه مقدر،
سلمى:نامي وكلي الصباح،
مشاعل وهي تتلحف:اكيد ميته نوم،
سلمى:تصبحي على خير،
قبل أذان الفجر بنص ساعه بغرفه سعود سما الي صحت من ساعه وهي تصحي سعود يروح يجيب لها اكل،
سما وهي تهزه:سعود،
كان يرد عليها بتمتمه، نفذ صبرها وصرخت:سعععععععود،
فز سعود بخوف:بسم الله شفيتس،
سما:ساعه جالسه اصيح لك ليش ماتجاوب،
رجع انسدح وهو يقول:احتمال كنت نوم ماقدرت ارد عليتس،خير شتبي ليه صحيتيني،
سما:ميييته جوع اشتي حاجه اكلها،
سعود وهو يتلحف:حسبي الله صبرتي كثير باقي القليل،
سما:مقدرش مقدرش بطني توجعني،
سعود:اقول نامي والصباح رباح،
سما وهي تبعد اللحاف:قم قم،
قام وناظر لها:وش بغيتي؟؟
سما:جاوعه،
سعود:شسوي لتس انا؟؟
سما:كبسه اقل شي،
سعود بصدمه:وششششو،
سما:مثل ماسمعت،
سعود:من وين كبسه ذي الحزه،
سما:اطبخ لي،
سعود:بنت تراتس خرفتي اقول نامي،
سما ببرئه:تكفى ي قره عيني تكفى تكفى اطبخ لي تكفى،
سعود:الضهر اطبخ لك،
سما:ايش اشتي به بالضهر،
سعود:تغدي،
سما:سعود اشتي اكل ذلحين جبرك والله للحين مانسيت طبخه الكبسه حقك،
سعود:حسبي الله طب يلا نزلنا،
فزت بفرحه:يلايلا،
لبست سما شي ساتر ونزلو وكانت مشاعل توها دخلت المطبخ تبي شي تأكل دخلت سما وفزت بخوف:اعوذ بالله مالش جالسه هانا،
مشاعل:اعوذ بالله منتس خرعتيني شتسوي هنا،
سما:جااوعه،
مشاعل:مافي شي حتى انا جيت ادور شي للأكل ميته جوع،
سما بأبتسامه:سعليش(لاتخافي) سعود موجود بيطبخ لنا،
دخل سعود وطالع بمشاعل:حتى انتي جوعانه؟؟
مشاعل:اي والله والحمد لله الي جابك،
رفع اكمام الفنيله:يلا جهزو الرز،وفتح الثلاجه وخرج الدجاج المثلجه وعطاها لسما تغسلها وخرج البصل وبدا يقطع خلص وحط البصل ع الزيت وبدا يطبخ،وماهي الا دقايق وخلص طبخ وقعدو ينتضرو،
سما:بسير الحمام وارجع،
سعود:تمام،
خرجت وقعد سعود ومشاعل،
مشاعل:والله وصاير تغير صاحي ذي الحزه عشانها،
سعود:اخرت من يتزوج دلوعه ذي النتيجه،
مشاعل بضحكه:هههههههههههههههه ذي دلوعه شكلها تدلع عليك اما عندنا لو تشوف بس،
سعود:والله اني مادريت وش شخصيه البنت ذي،
مشاعل:ي حليلها والله فرفوشه ماتقدر على الهدوء،
سعود:لا تخافي بعلمها لا انها طقت راسي صراحه،
مشاعل:هههههههههههههههههه حنا تقعد معنا بس شوي واحس راسي بينفج فكيف انت،
سعود بضحكه:مايعلم الا الله،
عند سما الي كذبت انها بتروح الحمام طلعت وطقت غرفه منصور فزت نور بخوف:بسم الله الرحمن الرحيم من يدق ذي الساعه منصور منصور منصور قم قم شف من يدق،
منصور بأنزعاج:وش فيتس؟؟
نور:قم ابسر من يدق الباب،
منصور:يدق الباب من ؟؟
نور:مدري قم،
منصور:حسبي الله،
نور بشهقه:لايكوووون سارق؟؟
منصور:اهدئي سارق ويدق الباب لا ذا سارق محترم صراحه،
نور:منصور مش وقت حقك الخباله احتمال سارق،
منصور:السارق ذا جاي بستأذنتس تسمحين له يدخل يسرقتس اذا تسمحين قومي افتحي،
نور:منصووووور،
سما من ورا الباب:مش ناويين تفتحو يدي اوجعتني،
نور:سما!!
منصور:خير انشاء الله،
نور بشهقه:لايكون سعود فيه شي،
منصور:حسبي الله على افكارتس فكري بشي زيين،
نور:حسبي الله عليك انت،وقامت فتحت الباب،
سما:كيف حالكم متى كنتو ناويين تفتحو بكره،أصلًا الغلطانه اني مش انتم اني طلعت،
منصور:اخلصي وش صاير؟؟
نور:سعود فيه شي؟؟
سما:اعوذ بالله بزوجش ولا بزوجي،
نور:طب وش جابش هاذي الساع؟؟
* سما:والله مافي شي بس في شي جيت اكلمكم،
نور:ضبطي كلامش وقولي يلا،
سما:مابلا قلت اجي ابسر اذا انتو جاوعين وتشتو عشاء معانا انزلو،
منصور:عشاء ذي الحزه؟؟
سما:ايوه سعود طابخ كبسه،
منصور:كبسسسسه،
سما:ايوه،
منصور:بنجي اكييييد ،
سما:يلا الحقوني،
مشت سما ودخلو الغرفه،
نور:هاهاهاها وين ع تسير ؟؟
منصور:كبسه ذي كبسه تفهمين انتي،
نور:حتى ولو كبسه ذي الساعه؟؟
منصور:وش فيها؟؟
نور:فجر الحين فجر بتوجع البطن بعدين من الاخبل الي يسوي كبسه ذي الساعه،
منصور:اقول البسي بسرعه ذي كبسه سعوددددد ماتتفوت،
نور:والله كان عندي سما مجنونه ع الكل طلع لي انت الثاني،
منصور:اقول اسرعي،
مشت تلبس وهي تستغفر خلصو وخرجو وسما الي راحت لغرفه سلمى دخلت وهي تهمس:سلمى سللللمى سلمى،
فزت سلمى:بسم الله وش جابتس لهنا،
سما:تشتي كبسه من حق سعود؟؟
سلمى:سعود!!
سما:ايوه،
سلمى:قولي والله وينهي؟؟
سما:والله الحقيني للمطبخ،
سلمى وهي تبعد اللحاف:الان،
سما:اذا تأخرتي بنخلص عليش،
سلمى:لالا انتضرو الان بجي،
خرجت ورجعت للمطبخ بهدوء،
مشاعل:تأخرتي،
سما:توضيت للفجر،
مشاعل:الي يشوفنا الحين بيقول مجانين كبسه بالفجر،
سعود:كلميها،
سما:جاوعه مفعل،ذلحين متى ع يخلص؟؟
سعود:خمس دقايق بالكثير،
دخل منصور ونور وسلمى دخلت بعدهم،
سعود:أعوذ بالله منين جايين انتم،
منصور:سمعنا انك طابخ كبسه وجينا،
سلمى:اكيد مافي احد يقدر يفوت الفرصه،
سعود:من قايل لكم...سكت وهو يناظر لسما بطرف عين،
سما بضحكه ارتباك:قلت ابسر اذا يشتو حرام،
سعود:ماقلنا شي حياكم اقعدو الحين احط الصحن،
قعدو وقام سعود يصب للصحن وحط:بالعافيه،
سلمى:اخخخخ الرييحه،
مشاعل:ريحه من زماااان عليها،
منصور:سمو بالله،
سما:في شطه؟؟
مشاعل:لحضه بشوف،قامت وشافت الثلاجه بس مافي،
مشاعل:خلصت،
سلمى:روحو جيبو لنا من المخزن،
سما:ايوه صح انتو ليش تحطو الأشياء بالمخزن،
مشاعل:عشان اي واحد يبي شي يروح يجيبه واذا في نقص يشترو،
سما:ليش كل واحد ما يشتري لبيته ويتخارج،
مشاعل:مدري مافكرت بأسألتس من قبل،
نور:مالكم منها هي كذا تستفسر على كل شي،
سعود لمنصور:شفيك تناضر مالنا من سوالف الحريم قم معي نروح نجيبها،
قام منصور وسعود راحو للمخزن،
عند الجد الي توضى كان رايح يصحي اولاده للصلاة بس سمع صوت غريب طنش وكمل طريقه،
خرج منصور وسعود من البيت متوجهين للمخزن منصور بهمس:جدي خرج،
سعود الي طق الباب وماسمع منصور،
منصور:وجعععع اقول جدي خرج،
سعود:احلف ماسمعت والله الحين بدخل بشويش اجيبها وانت راقب،
دخل سعود جابها وخرج وقفل الباب وطلع صوت،
منصور:وجعععع بشويش،
سعود:نسييت وش بك،
منصور:جدي بيسمع الحين،
الجد من وراهم:وش يسمع وشتسوووون هنا ذي الحزه،
لفو له بخوف،
سعود بأرتباك:ووولاشي،
منصور:صحينا وقنا بنصحيكم حنا،
الجد:وليه دخلتو المخزن،
سعود:نبي نتأكد اذا في نقص،
الجد:في نقص؟؟
منصور:لا،
الجد:يلا مشينا،
منصور:رح وبنلحقك،
الجد:وش عندكم حاسس في شي،
سعود:مافي شي ي جدي روح،
الجد الي ماكان متطمن منهم بس عداها ورح يصحي اولاده وسعود ومنصور تنفسو براحه ورجعو للمطبخ،
سلمى:ليه تأخرتو؟؟
سعود:الجد مسكنا،
سما:قول والله،
مشاعل:وش سوى فيكم،
منصور:قدرنا نعديها ،
سعود:كان بنتكفخ من تحت رئوسكم،
سما وهي تطب بكتفه:عادي عادي انت مأجور،
سعود:على وش مأجور؟؟
سما:ذا اجر انك تشبعنا اجر كبيير،
سعود:سمي واكلي طاقه راسي تبين شي تأكلينه الحين يلا،
اكلت وقالت:اشهد انك طباخ،
سلمى:وانتي صادقه،
مشاعل:سعود مستحيل مايبدع بالكبسه،
نور:مشاءالله طعمها حاليه،
كملو اكلهم والسوالف تروح وتجي خلصو وسلمى غسلت المواعين وسعود ومنصور راحو الجامع والبنات راحو غرفهم يصلو خلصو الصلاة ورجعو وكل واحد انسدح يكمل نومه،
الصباح في الحوش عند الجد كان قاعد معى عياله يشربون قهوه خرج محسن ومعه عبدالله سلم وقعد،
الجد:حيا الله ولدي شخبارك ي بطل،
عبدالله الي راح وقعد بحضنه:بخير ي جدي انت شخبارك،
الجد:الحمدلله زين، انت وين رايح،
عبدالله:بابا قال اذا ناديت لأبوه بجدي بيوديني البقاله،
الجد:تستغل الولد ي محسن،
محسن:وش عاد اسوي ماقدرت له مابغى يحترم نفسه قلنا نشوف ذا الحل،
ابو غسان:عادي ي ولدي مايهم الولد لسى صغير لين يكبر بيعقل ويفهم،
محسن:بس لازم يتعلم ويحطها في راسه،
دخل غسان الي خرج من الصباح معى بناته:السلام عليكم،
الكل:وعليكم،
الجد:من وين جاي،
غسان:خرجت البنات شوي،
مشت ليلى لعند ابو غسان وهي تقول:جددددي،
رفعها لحضنه:ي عيون جدك شخبارتس،
ليلى:الحمد لله انت كيفك ،
ابو غسان:الحمدلله ،
سلمت انهار على الكل وقعدت جنب ابوها،
محسن:شف ي ورع كيف الواحد يتعامل معى جده،
*____________*
> *يتبــ؏ . .*
_استغفر الله
_سبحان الله
_الله اڪبر
_الحمدلله
_لا اله الا الله
*اتفاعلو لنڪَمل نشر الروايه .*
*باشراف:ميان.*
ــــــــــــــــــــــــ
*♯ࢪوايات سعودية مشوقة🤎🦋.*
`تقييمك للبارت من`🔟 *! ! !*