الفصل 33
*– ࢪواية :« الا ي ليت الديار ديار خلي» .*
*– الباࢪت:« 𝟑𝟑 ».*
*– الڪاتبة:«وفاء».*
▭𝅼▬࣪▭𝅼▬ׄ▭𝅼▬࣪▭𝅼▬࣪▭𝅼▬
*ࢪوايات سعودية مشوقة🤎🦋.*
`https://whatsapp.com/channel/0029Vaqhdp07Noa5QQC4or0Y`
ـــــــــــــــــــــــ
> الروايه لاتلهيڪم عن الصلاﮫ اللهم بلغت اللهم فأشهد .
*الفصل (33) ☆*
* الا ليت كل الديار ديار خلي* قاطع قبُلتهم الاولى من انها تصير سلمى وهي تدق الباب، رفع نظره للباب بضيق ورد يناظرها ويناظر الخوف بعيونها بعد عنها بهدوء وراح يثبت شماغه، ونور الي تنفست براحه فتحت الباب وكان ودها تبوس سلمى انها انقذتها،
سلمى:خلصتو؟؟
نور:ايوه،
سلمى:يلا الحقوني،
هزت راسها ب الايجاب وقفلت الباب وناظرت لمنصور الي كان بيبعد الشماغ،
نور:لا خله لا تبعده،
منصور:احس مهوب حلو،
نور:لا والله يجنن،
منصور:متأكده،
نور:ميه بالميه وليش برضى على زوجي يخرج بشكل مش حلو؟؟
ابتسم بخفه:اجل يلا مشينا،
نور:يلا،
مسكت يده ومشو متوجهين لعند الخاله مُزنه،
نزلو وقال بصوت مرفوع:طريييق،
دخلت الهنوف والباقي حطو الطرحه على راسهم،
ام سعود:ادخل،
دخل منصور ونور معه وتقدم يسلم على خالته وعلى حريم اخواله وقعد ونور جنبه،
الخاله مُزنه:ي حيا الله ولدي من امس منتضرينك انت وزوجتك،
منصور بضحكه:الله يحييتس ي خاله توه نور بيتنا،
الخاله مُزنه:البيت منور بأهله، بعدين مشاء الله جايب بنت ي حليلها،
منصور وهو يناظر بنور:وانتي صادقه ماشاءالله عليها،
ابتسمت بأحراج وقالت:تسلمي ي خاله،
ام صقر:لوكان زوجتوه من العائله كان افضل،
ام الهنوف:وانتي صادقه ليه يزوجون من بنات اليمن خلصو بنات السعوديه؟؟
منصور:وش فيهم بنات اليمن والنعم فيهم بعدين ذا النصيب وانا احمد الله على ذا النصيب باليوم الف مره واشكر ربي انه عطاني ياها وي حضي فيها ف يعني مافي داعي لكلامكم وذي حياتي ومرتاح فيها،
ام صقر:وش بك ماقلنا شي بس..
منصور بتطنيش:الا وش اخبارتس ي خاله؟؟
الخاله:الحمدلله بخير،
منصور:وين زوجتس ليه ما اجى؟؟
الخاله:انت تدري اذا اخواني موجودين مستحيل يجي قال بيجي مره ثانيه،
ام سعود:وين اخوك للحين مانزل،
منصور:والله مدري،قام وهو يقول:عاد انا استأذن،
الخاله:اقعد شفيك،
منصور:بروح اشوف اخوالي والعيال،
الخاله:اجل دام كذا الله معك،
خرج منصور وخرجت معه نور،
نور:منصور وقف،
لف لها:سم،
نور:سم الله عدوك ، بس لحضه اعد العمامه،
وقف بثبات ونور تعدل له الشماغ،
منصور:اذا قالو لتس شي تجاهلي هم كذا،
نور:تمام،
منصور:بس لو زودوها لا تسكتي،
نور بضحكه:ابشر،
دخلت شوق الي خرجت معى فلاح وناظرت لهم وعرفت ان ذا منصور وذي حرمته صدت ومشت متجاهله وجودهم،
نور:من ذي؟؟
منصور:معرفها شكلها واحده من البنات،
نور:خلصت تقدر تروح،
خرج منصور ودخلت نور وقعدت جنب ام سعود،
ببيت نايف،
ساره:الحين متأكده انتس بخير؟؟
آمال:والله اتحسنت شفيتس،
ساره:اخاف يحيى بيقتلني لوصار لتس شي،
ام يحيى:بنتي اذا فيتس شي وماتقدرين تخرجين معانا اقعدي وبقعد معتس،
آمال:لالا ابي اخرج اوسع صدري،
اسيل:اجل يلا مشينا،
ساره:وين حقتس البزر،
اسيل:يلعب معى البزران،
دخلت رهف:السلام عليكم،
الكل:وعليكم السلام،
رهف:جاهزين،
ام يحيى:ايوه امتس وين؟؟
رهف؛تحترينا يلا،
مشو متوجهين لبيت نبيل،
عند سعود ماهي الا دقايق معدوده ونزل وهو يقول:يُمه ادخل،
قامت نور ودخلت غرفه البنات وقالت ام سعود يدخل دخل وهو ماسك يد سما سلمو وقعدو ،
الخاله:ماشاءالله ريحتك الزواجه،
سعود بضحكه:لوكنت بدري اني برتاح كذا كان تزوجت من زمااان،
الخاله:ماشاءالله وزوجت حليوه،
سعود:يعني ماهيب حلوه مره بس نقضي،
ام صقر:عاد اذا ماملت عينك بزوجك اختي ،
ام الهنوف:ايوه لو تشوفها جميييله حيييل،
سعود:اذا في نصيب،
طارت عيون سما بصدمه ولفت تناظر له:ليش مامليت عينك؟؟
سعود وهو يهمس لأدنها:اشهد ان عيوني ماتشوف غيرتس بس ماعطيتيني حقتي،
اتسعت عيونها بصدمه:سعوووود،
ضحك بقوه وقال:امزح امزح شفيكم ذي زوجتي ومحد بيأخذ مكانها ومستحيل افكر فيها حتى تفكير ،
الخاله:الله يديم محبتكم ي ولدي،
سعود:امين ياخاله اميييين،
سما بهمس:لوكان قلت هاكذا من البدايه ليش عاد تنطل بالكلام،
سعود بنفس الهمس:قلت اشوف شكلتس اذا غرتي كيف بتكوني،
ام صقر:مشاءالله عليك ي سعود رجال والنعم فيك،
سعود من دون نفس:تسلمين،
ام صقر:عاد اذا نويت تتزوج اختي موجوده،
ماقدرت سما ماقدرت تتحمل وقالت:اختش ذي بيجي نصيبها ام انش تفكري تربطي نصيبها بسعود ب احلامش ،
ام صقر:والله وطلع لسانك ،وش ذا ي ام سعود عندكم مرت الابن تتكلم على اكبر منها،
ام سعود:وانتي زوتيها ،
اتسعت عيون ام صقر بصدمه وسعود الي لف لسما يضحك ،
سعود:خاطركم انا رايح،وهمس بأذن سما:لا تسكتين لها واذا اضطر الأمر اضربيها المهم تخرجين الضاربه موب المضروبه،
سما:اكييييد معك سما ،
ضحك عليها وتقدم يخرج متوجه للبيت الجد،
دخلت نور الغرفه،
فزت سلمى:شفيتس؟؟
نور:مابلا(مافي الا) سعود جى وجيت اتخبى عندش،
الهنوف:ذي نور حرمه منصور صح؟؟
نور:ايوه وانتي من، لايكون البنت الي كانت لابسه عبايه قبل شويه؟؟
* * الهنوف:لا اني الهنوف الي شفتيها شوق بنت عمتي،
نور وهي تسلم عليها:حياش،
الهنوف وهي تناظر شكلها:مشاءالله مثل ماقلت رهف تهبلي،
نور بأحراج:تسلمي وانتي ماشاء الله عليش حالييه،
الهنوف:ي ربييي كلامك مررره حلو،
نور:وانتي كلامش ب الكاف،وأخيرًا شفت احد يتكلم كلام غير السين،
الهنوف:عايشه بالمدينه وكلامي يختلف،
مشاعل:ليه حقتنا ماعجبتس؟؟
نور:لالا حاليه بس قلت اخيرا في تغيير،
الهنوف:حرمه سعود ويين؟؟
نور:خارج هي وزوجها،
سلمى:بروح اشوف اذا راح،
خرجت سلمى وشافت سعود راح ورجعت كلمت البنات ودخلين وقعدت نور جنب سما شوي ودخلت شوق وسلمت بدون نفس وقعدت،
سما بهمس لنور:البنت هاذي ماتطمنت لها،
نور بنفس الهمس:نظراتها ماتطمن ،بس اسكتي حرام ،واحسنو الضن ب الأخرين،
سما:اسمعي اسمعي الخاله احس على نياته بس الثنتين ذوك يهود وباين من اشكالهن،
نور:جالسه تدي محاضرة لمنصور ليش اتزوج من اليمن،
سما:عاد اني قالت لسعود نزوجك اختي،
نور:اهااااايه علينا شكلنا بنشوف اخرتنا معاهن،
سما:سعليش(لاتخافي) سما موجوده مش ع يقع(مارح يصير) شي واذا اتمادين والله لايسفح الدم للركب،
نور:هو هاذا الذي اني خايفه منه مشنا ناقصه لجنانش واذا قالين شي تحملي،
سما:اها اني اتحمل تمام بتبسري بعدين قد قالي قره عيني اخرج الضاربه مش المضروبه،
نور:ي سلااااااااام كان نقصنا سعود ذلحين اجتمعو سعود وسما الله يعيننا بس،
سما:سعليش مش ع يقع شي،
نور:ذلحين صدق قالش تضربيها؟؟
سما:ايوه والله ،
نور:مايستحي على وجهه وكيف يشتيش تضربي مرت خاله؟؟
سما:شكلها غثيثه للكل ف عادي،
سلمى:شفيكم تتهمسون على وش؟؟
نور بضحكه تسليك:مابه شي،
الهنوف:اجل اسمعي ذي عمتي مرت عمي مافي معاها غير ولدين توئم،
نور:توئم!! وينهم اشتي ابسرهم (ابي اشوفهم)،
ام صقر:حسبي الله عليك ليه زوجك ماملى عينك تبي تشوفي اولاد الناس،
نور:مالش ومايقع لو ابسرناهم (مايصير لو شفناهم)؟؟
الهنوف:عمه البنت ماتدري،نور حبيبتي هم كباره موب بزران،
نور:كان قولي من قبل بدل الموال وعيال الناس وملى عينش ،
الهنوف وهي تحاول تغير السالفه:وذي امي وانا وحيدتها وذي خالتي عندها ولد وشوق واشواق،
سما وهي تهمس لنور :طلعت ام براطيم بنت مُرنه محد مصدق،
نور:سبحان الله،
سما:شوق موجوده واشواق؟؟
سلمى:اشواق ذي بزر خرجت تلعب،
دخلين البنات والامهات وسلمين ورهف الي قعدت بيمين نور وساره الي قعدت بشمال سما،
سما:بسم الله ماعبش بقعه (مافي مكان)ثانيه،
ساره:اسكتي احنا جايين نحذر،
نور:خير،
رهف:نور شوق ذي من زماااااان وهي تبي منصور زوج لها وللحين عينها عليه ف احذري،
نور بشهقه:امانه عليش،
رهف:والله،
ساره:وانتي ي سما ام صقر كانت تشتي تزوج سعود على اختها لانه سعود يعجبها وتقعد تناظره كل ماتشوفه،
سما:عمى يعمي عيونها هاذا زوجي خلوها تحترم نفسها ولا والله ثم والله لايقع شي مايعجب احد،
نور:هدي هدي الله يقلعش انتي وحقش الغيره هاذي اهدئي،
سما:ابسري ابسري (شوفي)حتى اني لوما (يوم)جيت انا وسعود كانت تبسر صليه (تشوف له)ولا بعدت عينها وانا مشنا داريه (مانيب عارفه)على ايش تفكر هيييين بتبسري،
ساره:بنت مانبي مشاكل،
سما:مشاكل واني لالا مايجتمعين ،
نور:كل ماتبسري مشاكل بتبسر سما راس المشكله ف سعليش مايجتمعين المشاكل وسما،
رهف:الله يستر ،
بمجلس الجد دخل منصور وسعود بعده سلمو وقعدو جنب ماجد،
ماجد:وأخيرًا شرفتونا،
منصور:شفيك؟؟
ماجد:طفشت هنا،
منصور:وليه تطفش والكل موجود،
ماجد:شياب شياب ومابغيتني اطفش،
سعود:مشاء الله وانت وش ولا شايف نفسك صغير؟؟
ماجد:اعوذ بالله منك قول مشاء الله ادري انك حاسدني بتقول خالي ويبان اصغر مني،
منصور:اص اص لو انت مزوج الحين عندك عيال بعمرك قال صغير قال ماتشوف نفسك؟؟
سعود:بعدين على وش نحسدك وانت مربي عيال خالي والحين شف رجال قريب بيتزوجو وبتصير جد وش باقي وين الصغر فيك، الا قول منت ناوي تتزوج؟؟
ماجد وهو يمسك بكتف صقر بيده اليمين وسليمان بيده اليسار:ذول عيالي وماعندي اي مانع اني اصير جد لأولادهم بس الزواجه مانيب متزوج،
STORY CONTINUES BELOW
"مُلاحضه؛بعد موت ابو وام ماجد عاش معى اخوه الكبير وهو الي ربي صقر وسليمان وطبعًا صقر وسليمان ماخذين طبع وطيبه عمهم ماجد"
منصور:ماجد مشنت ناوي تبعد ذي الفكره من راسك؟؟
ماجد:بالله تبغاني اجيب حرمه تخليني اقلب على خواتي مثل اخواني مصدقين زوجاتهم بكل شي؟؟ مستحيييل،
صقر:أمي الله يهديها بس، انا معك ي ماجد لاتتزوج ابد،
سليمان:ايوه لا تتزوج اخاف تسحب علينا،
ماجد بضحكه:هامين انفسكم لا تخافو مانيب متزوج ولاني ساحب عليكم،
سعود:بس انت وهو، شف ي ماجد موب كل الحريم زي بعض،
ماجد:انا الحين مالي احترام ولاوش ؟؟؟ذا يقول ماجد وذا يقول ماجد شفيكم؟؟
**
* منصور:بتقعد ماجد لين تتزوج ،
ماجد:لين اتزوج وليه يعني؟؟
منصور:بنحس انك كبير وانك صدق خالنا،
سليمان:لاتصدق انت كبير بعيوننا ي يُبه،
ماجد وهو يطق صقر براسه:شف كيف الواحد يتكلم معى الاب،
صقر مسك راسه بألم:يُبببببه عورتني ،بعدين ادري انك ابويا بس احب اسم ماجد،
ماجد:لا تحبه خليك على يبه بس،
عند الحريم،
ام سعود:سلمى رحتي عند الجده وينها؟؟
سلمى:قالت بتجي وقت العشاء،
ام الهنوف:ليه ماتبي تشوفنا؟؟
سما بهمس مرفوع للبنات:طلعت تعرف ذي النقطه،
ام الهنوف:وش قلتي ؟؟
سما بتجاهل:رهف نشتي نلعب،
ام صقر:ي هانم ماتسمعين قاعده اكلمك،
رفعت ناظرها:تكلميني؟؟
ام الهنوف:لا قاعده اكلم الحماره الي تتهمس تسب الناس ،
سما وهي تناظر بعيونها:دام فهمتي عليها سدو ايش دخلني انا،
ام الهنوف:وشوووو احترمي نفسك ياقليه الادب،
اخذت فنجان القهوه وهي تقول:ليش ايش قلتو لش؟
ام صقر:ماتستحين انتي لييه تتكلمين كذا على اكبر منك؟؟
رهف:صلو على النبي ي جماعه،وبعدين البنت ماقلت شي شفيكم،
ام صقر:ماسوت شي وهي قايله عنها انها حماره،
ام سعود:بس بس ترا هي الي قالت موب سما وبعدين لاتحطين عقلك بعقلها وانتي كبيره وتفهمين،
ام الهنوف:ذي اهانه ومستحيل اسكت،
حطت القهوه من يدها وقامت:بنااات خلونا نسير المجلس الحرمه مشي ناويه تسكت،
ام الهنوف:شفتي شفتي،
الخاله مُزنه:وهي صادقه اذا ما سكتي بنروح كلنا،
مشت سما والبنات بعدها ماعدا الهنوف وشوق،
ام الهنوف:بنات اخر زمن وانتو رحتو وطبيتو لبنات اليمن الملقوفات،
الهنوف:يُمه بس بس لا تغلطي على احد خليك بحالك ومحد بيقول لك شي،
ام الهنوف:اسكتي انتي الثانيه جايبه تعلم امها متى تتكلم ومتى لا زودنا لك الدلع وتماديتي قومي انقلعي ماابي اشوف رقعه وجهك،
خرجت بضييق من امها وراحت عند البنات وشوق بعدها،
بالمجلس عند البنات،
ساره:حسبي الله عليها ماتستحي وانتي ماقصرت فيها،
سلمى:اي والله تستاهل ،
سما:فطرتني والله،
نور:حتى لو فطرتش ماكان لازم تفعلي هاكذا عيب هي اكبر منش وبمقام امش،
ملاك:انتي اسكتي من اي زمن جايه خليها والحرمه ذي ملقوفه تستاهل،
رهف:سما لا تصدقين كلام نور ولا تسكتين لها اذا سكتي تمادت اكثر،
دخلت الهنوف وشوق والبنات سكتين،
الهنوف:اسفه بالنيابه عن امي طبعها كذا مانقدر نسوي شي،
سما:ماعليش عادي،
مشاعل:خرجونا من ذا الجو نبي نلعب نونس،
ملاك:صح عطونا لعبه،
رهف:عندي لعبه التخمين
سلمى:اشرحي لنا،
رهف:يعني انا اجيب شي كذا مثل السؤال وانتي جاوبي،
مشاعل:ابدئي وبنشوف،
رهف:يبكي بلا عينين ويمشي بلا رجلين؟؟
ساره:وش ذا حيوان ولا انسان؟؟
سما بضحكه:جني جني،
مشاعل:اكيد ولا كيف ع يبكي بدون عيون؟؟
رهف:والله سهله فكرو،
فكرو بس بدون فايده محد عرفت،
نور:اعلان استسلامي هاتي الأجابه،
رهف بضحكه:الغيوم،
الهنوف:اماااا عاد مافكرت بها،
مشاعل:شكلي وانا قاعده ادور بين الحيوانات😭،
الكل فرطو ضحك عليها،
عند الجد في المجلس،
فيصل:شباب وش ذا الملل عطونا شي يونس،
الجد:تعال عندي لك شي يونس،
فيصل:اجل ذي الشخصيه الي احبها بجدي فديتك عطني وش؟؟
الجد:رح جيب الذبيحه وذبحها انت وسعود ودخلوها لعند الحريم نبي عشا،
فيصل:ابووك يالنكبه موب كذا ياجدي،
الكل:ههههههههههههههههههههههههههههههههههههههههههههههههههه
منصور بضحكه:يونس مررره،
الجد:يلا بسرعه،
خرج فيصل وهو يتحلطم وخرج منصور بعده،
فيصل:ليه جيت؟؟
منصور:بساعدك،
فيصل:مابي مساعده،
منصور:بالغصب،
فيصل:والله،
منصور:والله،
فيصل:على وش ناوي قول اعرفك ترا،
منصور بضحكه:والله مافي شي وش بك؟؟
فيصل:بنشوف بنشوف،
مشو ومنصور يضحك عليه راحو جابو الذبيحه وحطوها بالحوش،
منصور:اعوذ بالله وش فيها ذي؟؟
فيصل وهو ماسكها:جنيه ذي ولا وشو ماتهجد،
منصور:عطني عطني،
فكها فيصل من يدها يوصلها لمنصور وانحاشت،
منصور وهو يلحقها:ابوووووك يالنكبه امسكها قبل تخرج،
فيصل:اعوذ بالله اعوذ بالله،
انحاشت ودخلت مجلس الجد الي كان اقرب شي لها،
منصور:وقف وقف خلها بأمان الحين،
وقف يستجمع انفاسه:اي الحين ماينخاف عليها،
سكتو شويه وسمعو صوت،
منصور:وش ذا الصوت،
فيصل:ادخل خلنا نشوف،
بالمجلس،
كانو يسولفون فزو كلهم بخوف من دخلت الغنمه وهي تنط على الغرفه كلها،
سليمان بصراخ:وش جايبها ذي خرجوههههههها،
صقر المتخبي ورا ماجد:يُبههه بالله خرجها لا تخليها تقرب يُببببه،
ماجد:الحين صرت ابوك؟؟
صقر بصراخ:يُبببه موب وقتها الحييييين،
ابو الهنوف:وش ذا ي ابو سعود وش جايبها خرجوها،
سعود والبقيه كانو يلحقوها وهي كانت تنط بالغرفه نط،
دخل منصور وفيصل وهو يشوف حال اخواله وعيالهم كيف كل واحد متخبي ورا الثاني،
فيصل:وش ذا يخافون من غنمه،
**
* * منصور:اهل المدينه مدلعين،
ابو صقر:منصوووور وشششش ذا خرجهااااا ليييه جايبها هنا؟؟
منصور وفيصل الي فرطو ضحك على شكله،
وسعود مسك الغنمه وأخيرًا واخذها خرج بعده منصور وفيصل وراحو يذبحوها ،وصلو وسعود الي كان للان بيده الغنمه وكان يكلمهم يجهزو،
فيصل:خلصنا توكل،
منصور:لحضه لحضه لحضه،
سعود:شفيك؟؟
منصور:بذبحها انا،
سعود:من من انت؟؟
منصور:ايوه بذبحها انا،
سعود:الشمس اليوم من اي جهه طالعه ي فيصل؟؟
لف يناظر رفع يده لجبينه وصغر مجحر عيونه:مدري الشمس غربت،
منصور:سعود تكفى ابي اذبحها تكفى،
سعود:طب انت ماعمرك ذبحتها وكييف تبي تذبحها الحين؟؟
منصور:بجرب خلني اجرب،
فيصل:خله اليوم بغى يحشر خشمه،
سعود:لاحوووول تعال،
تقدم منصور وهو يمسك الغنمه وسعود الي رجع بخطوات بسيطه لورا،فك منصور للغنمه وبحركه سريعه حاصروها فيصل وسعود وقدرو يوقفوها،
سعود بصراخ:الله يلعن ابليييييسك ي حيوووان ،
فيصل:وش صار لك ليه فكيتها؟؟
منصور بضحكه:بغيتها تعيد لنا المشهد كان شكلهم يفطس ضحك،
طقه سعود على راسه بقوووه،
مسك راسه بألم:وجع وش فيييك؟؟
سعود:وجع بعيونك ي الخسيس تبي تعيد المشهد عشان جدي مايقصر فيك ،
فيصل:صراحه اشكالهم مررره يضحك،
لف له بغضب:اسسسسكت انت الثاني انقلعو ماابي اشوف رقعه وجيهكم انقلعووو،
منصور:ومن بيساعدك؟؟
سعود:بذبحها بالحالي انت مالك دخل اذلف،
منصور:ياخي وش ذا الدم الحار الي فيك ترا ماسويت شي وانت مسكتها،
سعود:نفترض ماقدرنا عليها وش كان بيصير،
فيصل:يارجال خلك من الافتراضات ذي مسكنها وخلاص،
سعود:حسبي الله فيكم حسبي الله،
منصور:خلاص بنذبحها ماني مسوي شي،
سعود:اقول اذلف،
منصور:والله مارح اسوي شي والله ،
فيصل:سعود بس خلنا نتخارج،
سعود:لو شفت شي كذا ولاكذا ي ويلكم،
منصور وفيصل:ابشر،
تقدمو مسكوها وسعود ذبحها ويقطعها،
ساره:شي ملكتس انتي بس يستخدمه غيرتس اكثر منتس وشو؟؟
سلمى:نعالي حقتي وتلبسه مشاعل اكثر مني،
مشاعل:عاد لبسته مره واحده لا تقعدي تطقين راسي الحين،
سلمى:يخسى عليتس ي كذابه،
مشاعل:وشو انا كذابه انتي الكذابه ي كذابه،
سلمى:لا تغلطين على اختس الكبيره،
ساره:ايوه الكبيره مخطوبه بعد لأخويا،
مشاعل:اقول اذلفي وجهتس انتي وهي،والخطوبه بيجي لي ولد الحلال وبصير مخطوبه بعد ،
رهف بطقطقة:انتي وبيجيتس ولد الحلال مانتي شايفه نفستس ولد الحلال مستحيل يختارتس انتي،
سما:اسكتي احسن لش،وانتي ي ساره ايش الجواب،
ساره:فكرين وجاوبيني ،
الهنوف:العين هي حقتي بس اشوفكم يعني انتو تستخدموها اكثر مني،
سلمى:وش ذي السخافه عينتس انتي موب عيونا،
الكل:هههههههههههههههههههههههههههههههههههههههههههههههه،
سما:فطرتيني الصراحه،
رهف:ساره هاتي الأجابه قبل ما واحده ثانيه تجيب العيد،
نور:ايوه هاتي الأجابه احسن،
ساره:اسمتس نستخدمه حنا اكثر منتس،
سلمى:استغفر الله اجابه خبله مثلتس،
ملاك:والله ان حنا خبل بالله ذا الشي التافهة وماعرفنا له،
شوق بضحكه:الفرق بين اجابه الهنوف واجابه ساره ي ربي يفطس،
منصور وهو يصارخ من ورا الباب:نووووور وينتسسسس تعالي خذي اللحمه وسوو العشاء،
قامت نور وفزت واحده من البنات وقالت بصوت مرفوع متعمده منصور يسمعها:بسوي انا العشاء،
رهف:انت ضيف مايصير،
البنت:مااحب اللحمه بس بطبخ معاكم،
ساره:طيب،
لفت لها نور الي كانت عند الباب بأستغراب وايش مقصدها من الحركه ذي ردت بنضرها وخرجت لعند منصور،
نور:هلا،
منصور:خذي اللحمه نبي العشاء،
اخذت من اللحمه ومشت بتروح،
منصور:لا تنسين ماتسوين لتس شي وتأكلينه،
لفت له بأبتسامه عذبه:ابشر،
أبتسم لاشعورياً وهو يشوف ابتسامتها:بشرك الله بوجهه النبي،
نور بنفس الابتسامه:امين وياك،
منصور:اجل فمان الله،
نور:الله معك،
خرج منصور ودخلت نور المجلس وحطت اللحمه ب الأرض:يلا فعلين العشاء،
ساره:خير وانتي ؟؟
نور:عشائكم فعلينه بنفسكن واني بفعل لي معكرونه،
شوق:معكرونه احسبي حسابي مااكل اللحمه،
ناظرت لها بطرف عين وقالت بدون نفس:تمام،
رهف:يلا يلا خلونا نقوم قبل تجي الجده تكفخنا،
*____________*
> *يتبــ؏ . .*
_استغفر الله
_سبحان الله
_الله اڪبر
_الحمدلله
_لا اله الا الله
*اتفاعلو لنڪَمل نشر الروايه .*
*باشراف:ميان.*
ــــــــــــــــــــــــ
*♯ࢪوايات سعودية مشوقة🤎🦋.*
`تقييمك للبارت من`🔟 *! ! !*