الفصل 31
*– ࢪواية :« الا ي ليت الديار ديار خلي» .*
*– الباࢪت:« 𝟑𝟏 ».*
*– الڪاتبة:«وفاء».*
▭𝅼▬࣪▭𝅼▬ׄ▭𝅼▬࣪▭𝅼▬࣪▭𝅼▬
*ࢪوايات سعودية مشوقة🤎🦋.*
`https://whatsapp.com/channel/0029Vaqhdp07Noa5QQC4or0Y`
ـــــــــــــــــــــــ
> الروايه لاتلهيڪم عن الصلاﮫ اللهم بلغت اللهم فأشهد .
*الفصل (31) ☆*
* الا ليت كل الديار ديار خلي😔💔*
*تفاعلوالنستمر😍* *قراءة ممتعة 🥹💗⃟🎀*
.
سيف كان ماسك راسه والدم ينزل وفيصل الي كان يعرج،
غازي:علامكم معى من متهاوشين؟؟
دخل الجد والاعمام ،
سعود:فيصل سيييف شفيييكم؟؟
الجد:البنات مكفخينهم مفكرين سرق،
منصور ضحك بقوه:بالله البنات مكفخينكم صدق؟؟
محسن بضحكه:ماني مصدق والله،
الجد:بنروح وانتو شوفو وش تسوو لراس ذا سيف وناااااامو،
سعود:ابشر،
خرج الجد وقام سعود لف على راس سيف ب الشماغ عشان ينقطع الدم وفرشو لهم ونسدحو ينامو،
سيف:لو كنت بعرف انو راسي بينفقع ماكان خرجت اشرب زقارتي،
فيصل:انا الي مدري شصار فيني وخرجت بعدك الحين رجلي انكسرت،
منصور بضحكه:والله البنات مو هينات،
سيف:وحوش والله وحوش،
يحيى:لا تغلط على اختي،
سيف:وانت شعرفك انها اختك؟؟
يحيى:اعرف ذي الوحشيه ماتجي الا منها،
سيف:توك قايلها بنفسك وحشيه،
غازي:وووين راحت هيبتكم ولا رجولتكم اسم،
سيف:هيبه قال اقول اربع او خمس فوقي تكفيخ بس في واحده كانت تضرب ب العصا ذي الله لا يسامحها قتلتني والله،
سعود:اسكتو اسكتو لاحد يسمع انه بنات مسويين فيكم كذا،
منصور:ايوه قولو صار حادث وش الافضل حادث ولا كرامتك،
فيصل:لوكانو موب بناتنا كان اشتكيت عليهن،
وليد:اعقب ي ولد وش بتقول بنت كفختني !
محسن:مافي احد بيصدقك،
منصور بضحكه:بتكون كبيرره في حقتكم اذا اشتكيتم بتطيح هيبتكم،
دخل الجد وهو يقول:قتلتو الرجال علامه ذا الضرب بكله؟؟
رهف:ضنينا سارق ي جدي،
سما:يستاااااهل ولو ماكنت جيت كنت عد اقتله ،
ابو سعود:وش تقتلين ي بنتي الله يهداتس ،
سما:كان بيخطف ساره،
ابو غسان:بس طلع موب حرامي،
نور:ضربنا الرجال بسبب تفكيرنا،
ساره:بنات والله يستاهلو فقعو لي راسي وخرعوني ،
ابو يحيى وهو يمسك بكتفها:والله ماينخاف عليكم وحوش،
ساره:وش يُبه؟؟
ابو يحيى:ابد قلت ماينخاف عليكم،
الجد:وعاد يضربو ويصارخون ساعدونا وش ذا،
رهف:جدي حنا نعزز لكم تجون تنقذونا،
ابو سعود:ماكان في داعي نجي كفيتم ووفيتم قتلتو الاولاد وخلصتو،
رهف:يستاهلو والله،
الجد:اجل يلا نامين،
وخرج وكل واحده انسدحت تنام وكانت سلمى بعالم ثاني وكان كل تفكيرها:كيييف قدرت اضربه من غير ما انتبه الحين الله يعلم وش قاعد يسب فيني،
«يوم جديد»
الضهر بعد ما صحو العيال وذبحو الذبيحه والحريم طبخو وجهزو غدا الرجال وغدا الحريم وتغدو وكانت الفرحه عامره بجمعت الاهل والاقارب،
عند البنات كان يشربون قهوة ويسولفون فزت رهف من شافت اشكال فيصل وسيف وقالت:بناااات تعالو شوفو كيف اشكالهم،
قامين البنات يناضرين مشاعل بضحكه:بنات بالله ذا احنا سوينا فيهم كذا؟؟؟
رهف:والله مدري لييه صرنا متوحشات كذا،
سما:هاا كيف تشتي نخليه يخطفها وحنا نبسر جبرني مانا اشتي اقتله،
نور:لا والله ماتسبر،
ساره:مسكييين اخويا ضربته سلمى لوحدها ورجعته اعرج،
رهف:اتخيلي سلمى لوحدها بس سيف كلنا فوقه،
اسيل:لا والله مسكين الولد ماخليتو فيه شي حي،
سما:هاذي سلمى اتهوره على راس الولد الي بيقع (يصير)زوجها،
سلمى:شعرفني انا انه فيصل كنت احسبه سارق،
سما:بالله في واحده تفعل هاكذا بزوجها؟؟
نور:اسكتي بس عادش اكثر منها ولا بالله عليش واحده تصيح لزوجها على جرح بيدها ولييييت جرح يستاهل،
سما:هي مشي قصه الجرح لا ،مابلا قلبي ماكان مرتاح كان ناقزني وكنت اشتي اتأكد ماقد وصلت لذي الخباله اصيح له لجل جرح خفيف،
نور:ليش ناقزش الي يسمعش يقول انه ب اسطنبول هاذهو جنبش،
سما:مدري اقولش ناقزني افهمي،
رهف:بس بس هدو لا تتضاربون الحين موب ناقصين يكفينا امس،
ساره:وانتي صادقه موب ناقصين،
مشاعل:بنات شرئيكم نروح عند الجده،
سما:ايوه يلا يعجبني اجلس اتجابر (اتكلم)معاها،
قامو الكل وراحو عند الجده والجد كان قاعد معها،
مشاعل:شكل جينا بوقت غلط،
الجد:لييه؟؟
سما:قاطعنا عليكم الرومنسيه خلاص بنرجع،
الجده:هاهاها اقعدو،
قعدو البنات وقالت الجده:خييير شجايبكم؟؟
سلمى:حبينا نجي نونسكم ،
سما:لا تصدقم ي جده جينا نشتي نسمع قصص الجد،
نور:طفشنا سمعينا ي جده،
الجده:كم احكي وكم اخلي،
ساره:لا والله فضايح،
الجد:ام ناصر اقول اسكتي ولا تفضحينا،
ملاك:جدي خلها تتكلم نبي نستانس شوي،
دخل ابو سعود وام سعود وهم يردو السلام وقعدو،
ابو سعود:مسويين جلسه من دوني؟؟
سلمى:توه مابدينا بتحكي لنا الجده قصص جدي،
ابو سعود:زييين جيت بوقتي،ابدئي ي يُمه،
الجد وهو يغير السالفه:الا يا ام سعود اخونتس شخبارهم ماعاد سمعنا لهم طاري،
فزت ام سعود بفجه:نبييييل،
ابو سعود:بسم الله علامتس؟؟
ام سعود:كلمني اخي قبل يومين وقال انو بيجي يزونا اليوم،
ابو سعود:وليييه ماقلتي من قبل؟؟
ام سعود:توي تذكرت يوم جاب عمي طاريهم،
الجد:لازم نتحرك يلا نبيل كلم العيال بنرجع عشان نستقبلهم،
* * ابو سعود:ابشر،
خرج ابو سعود وكلم الجميع والكل جهزو وركبو سياراتهم بيحركوا،
بسياره منصور حرك السياره بيمشي بس وقفته نور وهي تقول:منصورر جوال نسيته،
لف لها:وين،
نور:داخل مابشو (مش موجود)هنا،
نزل منصور من السياره:بروح اجيبه،
الجد من وسط سياره ابو سعود:على وين ليه راجع؟؟
منصور:نور نست جوالها بروح اجيبه،
الجد:اسرع وحنا بنحتريك ،
منصور:لا انتو امشو عشان اذا وصلتو الاولين تستقبلو اخوالي،
الجد:اجل يلا لا تتئخرون،
الكل مشي ومنصور راح وجاب الجوال ورجع ركب السياره،
سعود:ارجع بسوق انا،
ركب منصور معه ومد لنور جوالها وحرك سعود السياره بس توقفت،
منصور:شصار؟؟
سعود وهو ينزل من السياره:لحضه بشوف،
نزل وشاف انه حرك على قزاز ونفقع التائر،
سعود:منصور انفقع جيب التأر الثاني،
منصور:مافي خرجته عشان احط اللحافات والشناط،
سعود الي دق على التأر برجوله بغضب:لييييه خرررررجته كااان حط الشناط ب الأرض الاهم التأر وششش بنسوي الحيييين؟؟؟
منصور:مافي معنا حل غير ننتضر وبيرجعو لنا،
سعود:حسبي الله بس،يلا نرجع المخيم،
منصور:ليه؟؟
سعود:لالا نقعد بالسياره لييييين يجونا صح؟؟؟
منصور:علامك نافخ بوجهي كذا ماقنا شي يلا انزلو،
سعود:نافخ بوجهك لان ذي مصايبك شف يلا تحمل،
منصور:وانا شعرفني بالله انو بيفتع اليوم؟؟لوكان عرفت ماخرجته ،
سعود:يلا يلا انزلو،
رجعو للمخيم منتضرين حد يرجع يأخذهم بس للأسف طااااال الأنتضار وكان الجد وعياله واصلين البيت ومستقبلين الاخوال وصارت الساعه حوالي 10 مساءً ومنصور الي شب النار وقعدو حلقه على حوليتها منتضرين،
سما:متى ع يجو؟؟
نور:تجمدنا برد والله،
سلمى:الحين يكونو وصلو اذا ذكرونا بيرجعون واذا ما ذكرونا بنقعد هنا،
مشاعل:وش ذا الحظ الي معانا،
سعود:القهوه وين ؟؟ بالسياره ولا معاهم؟
مشاعل:لا معانا في السياره،
سعود:بروح اجيبه،
مشاعل:في شويه اكل باقي جيبه نأكل ميته جوع،
سعود:طيب،
راح سعود للسياره ومنصور الي قرب مكانه لجنب النار وقال:نور تعالي هنا تدفئي،
نور وهي تقوم:والله وسوييت خير تجمدت،
قعدت جنب منصور رجع سعود ومعه الاكل والقهوة قعد يسوي القهوه والبنات يأكلين خلص وصب للجميع،
منصور:نور تدري الحين احتمال يطلع لنا ضبان بأي وقت،
نور:صدق؟؟
منصور:عاد هنا في ضبان ثعابين يعني بأي وقت يضهر لتس،
سلمى:منصور لا تخرع البنت،
منصور:وانا صادق او ماتدريين؟؟
مشاعل:حتى لو صدق لا تقول للبنات بيخافون ،
منصور:ما اخوفهم انا بس قلت احذرهم بس،
سما:مابش داعي تحذرنا أصلًا احنا مانفتجع من حاجه(مانخاف من شي)،
نور وهي تمثل القوه:ايوه مانخاف أساسًا شفنا اشياء كثيررر في اليمن،
منصور بضحكه:لوكان ما اعرفتس كان صدقتس الصراحه،
نور:صدق بس،
مشاعل بتغيير السالف:سما الحين صدق الي قالوه كل اليمنيين يأكلون قات؟؟
سما:من قالش؟؟
مشاعل:الكثيير يقولون،
سما:مش كل اليمنيين صح في يأكلو قات بس مش الكل وعائلتي ماتأكل،
سلمى:انتي اكلتي من قبل؟؟
سما:لا مافي احد من عائلتنا يأكل،
نور:منصور متى ع يجو تعبت،
سعود:منصور تعال خلنا نروح نشوف الطريق اذا في سيارات ولا ناس شابين نار نأخذ منهم تأر،
منصور:يلا،
سما:هاها ويييين كييف تجزعو (تمشو)وتخلونا لوحدنا؟؟
سعود:موب بعيد بنرجع بسرعه،
سما:لا مانيش جالسه لوحدي،
منصور بضحكه استهزاء:قلتي ماتخافين من شي،
سما الي لفت له:اسكت انت مالك دخل اكلم زوجي،
سعود:بببنت برجع بسررعه ،وانتي انتضري هنا ولا تروحيين مكان تمام،
سما بتأفأف:تمام،
مشى سعود ومنصور يشوفون حد يساعدهم،
ببيت الجد يعقوب وصلو وماهي الا دقايق معدوده ووصلو الاخوال،
مُلاحضه؛ ثلاث اخوال وخاله
الخال الاول:محمد،ابو صقر،عنده ولدين توأم،صقر وسليمان العمر22،
الخال الثاني:ضياء،ابو الهنوف،عنده بنتين واحده متوفيه والثانيه الهنوف العمر25،
الخال الثالث:ماجد،عزابي،
الخاله:مُزنه،ام فلاح،عندها ثلاث اولاد،فلاح العمر26،شوق العمر23،اشواق العمر4سنوات،
بالمجلس عند الرجاجيل،
الجد:ي هلا والله زارتنا البركة ،
ابو سعود:توه ضوء البيت حياكم،
ابو صقر:البيت منور بأهله،
ابو الهنوف:الله يحييكم ويزود من فضلكم،
ماجد:اقول ي النسيب وين العرسان؟؟
غمض عيونه من تذكرهم ولف لأبوه:يُبه للحين ماجو؟؟
الجد:شويه بيوصلو،
ابو غسان:الا يامحمد وينكم ماسمعنا لكم طاري،
ابو صقر:والله اشغال ي طويل العمر ماقدرنا حتى نحضر عرس اولاد اختي الوحيدين،
ماجد:اول ماصحت لنا الفرصه قلنا نجي ونبارك لهم حتى لو تأخرنا على المباركه بس وش نسوي،
ابو سعود:ماعليكم قصور معذورين،
ابو الهنوف:وانتو وش الأخبار عندكم،
ابو سعود:مافي اي جديد روتينا اليومي عاد،
عند الحريم بالمجلس،
* * ام سعود:اخبارتس ي خيتي عساتس بخير،
ام فلاح:نحمد الله ونشكره وانتم وش اخباركم؟؟
ام سعود:الحمدلله عايشين،
ام فلاح:الا ويين زوجات سعود ومنصور ماني شايفتهم،
ام سعود:والله ي خيتي للحين ماجو شوي بيجون،
الهنوف:والله اني متحمسه مره اشوفهن ،
شوق:بغيت اشوف وش جايبين،
رهف:لو تشوفي ماشاء ي حليلهن بس،
ساره:اي والله عرفت مرت عمي تختار فرفوشات،
شوق:اقول بس مدح لين يجين بشوفهن،
رهف بكيد:عااااد لو تشوفي مرت منصور ي سلام بس هدوء وجمال وأدب مشاءالله،
ساره بكذب:رهوف شعرها البُني الطويل اعشقه انا فكييييف منصور؟؟
رهف:احتمال ميت فيه صراحه،
الهنوف:والله تحمست اشوفها،
شوق الي تضايقت ومشت وهي تتحلطم:بروح الحمام،
ساره بهمس لرهف:فقعنا ريتها،
رهف بضحكه وهمس:إي والله شوفي كييف تغير وجهها ذي الي ماتستحي،
ساره:احس لسى تبي منصور،
رهف:ذا من زمااان بس لازم تحط شي براسها خلاص منصور تزوج،
ساره:لاتخافي اذا ماحطت ذا الشي براسها بنحطه حنا،
رهف بضحكه:اكيييد،
رهف:استغفر الله العضيم روحنا من المخيم عشان نشوف شكلها،
رهف:اي والله بناقص نشوف لها،
سلمى:لييه تأخرو؟؟
سما:لايكون بقع(صار)بهم شي؟؟
مشاعل:وش يصير اعقلي الحين بيجون،
فزت نور من سمعت صوت:يُممممه،
سلمى:بسم الله شفيييتس؟؟
نور:مدري سمعتو الصوت؟؟
سما:سمعت وش ذا لايكون ضبي،
مشاعل:لا تخافين مافي شي،
نور الي قامت:مانيش جالسه هنا،
سما:قري(اهجدي)وين ع تسيري(وين بتروحي)،
نور:نسير(نروح)عندهم يلا مستحيل اجلس يلا يلا يلا،،
سما:سيري (روحي)لوحدش مشنا جايه(ماني جايه)،
نور:بنات ي تمشين معي ي اسير لوحدي،
مشاعل:بنت اقعدي وين بتروحين؟؟
نور:ماني جالسه يلا،
سلمى:يلا بنروح لعندهم موب بعيدين اصلا،
سما:من جدش انتي ماسمعتي سعود ايش قال؟؟
نور:عادي نقول افتجعنا ،
مشاعل:بس اقول من الحين انا مالي دخل فيكم اذا صارخ،
نور:تمام يلا،
شغلت نور فلاش جوالها ومشين،
منصور:مافي امل خلنا نرجع البنات بروحهن،
سعود بقله حيله:يلا كله من تحت راسك يلا،
منصور:وانا شعرفني ان اليوم بينفقع؟؟
سعود:كان فكرت التأر مالازم يخرج مـن السياره ذا الاهم،
منصور:خلاص توبه مارح اخرجه مره ثانيه ابد،
سعود:نشوف، يلا،،
مشو وصلو للمخيم ومافي احد،
منصور:وييين البنات؟؟
سعود:قلت ونبهت لا تخجرون بس شف النتيجه وييين نشوفهن الحين؟؟
منصور:ابك لايكون صار شي؟؟
سعود:وش بيصير ها وش بيصيير اكيييد خافيين من المكان وخرجين،
منصور:امشي امشي خلنا ندور،
،سلمى:بنات وين رايحيين ويين السياره؟؟
مشاعل:شكل رحنا فيها والله،
سما:قلت لكم لا لا شوفو النتيجه ضااايعين ، حسبي الله عليش ي نور انه باليمن تضيعيني وانه بالسعوديه تضيعيني هو مشو عليش عليا اني لاني اصدقش واجزع بعدش،
نور:ايش دخلني اني؟؟
سما:لوما قلتي نجزع ماكان ضعنا ذلحين،
نور:ايش افعل افتجعت مالش الحين بنشوفهم اخطين(امشين)،
طفى الفلاش،
سلمى:ليييه طفيتيه؟؟
نور:خلص الشحن،
سما:ي ليلاه ذا الي كان ناقصنا،
سلمى:لييه طفيت بذي الحزه والله محتاجينك،
مشاعل:بنات نوقف هنا ونشب النار وهم اذا يدورو علينا بيشوفو النار ويجيو،
نور:نشب النار لأني صرراحه تجمدت ايش هاذا البرد ما اقدر اتحمل،
سما:تستاهلي قد كنا جنب النار قلتي نخرج افتجعت ابسري،
مشاعل:خلونا نأخذ خشب،
يدئين يجمعين الخشب خلصين ،
نور:بأيش عن نشغله ذلحين؟؟
مشاعل:مامعانا غير نفرك وحده بوحده ليين يشتعل،
كل واحده اخذت وبدئت تفرك بس مافي فايده،
سما:ليت في كبريت،
فزت سلمى:معي من امس شبيت النار وخبيته بجيبتي ،
سما:استغفر الله العضيم ساعه جالسين نفرك قدامش وانتي ساكته؟؟
سلمى:نسيت شفيتس،
نور:مالك منها هاتي نشغل،
خرجت سلمى الكبريت واخذته نور وشغلت وسوين حلقه على حوليت النار ومر الوقت ومافي احد جاء،
نور:بنات ايش ذا الصوت؟؟
سلمى:مافي شي،
سكتين بس صرخت نور يوم زاد الصوت:يُمممممه والله في صوت ايش ذا،
الكل بان عليهن الخوف بس يمثلين القوه،
مشاعل:بنت اسكتي مافي شي،
نور:بالله الصوت ذا ومافي شي،
اتسعت عيون سلمى بخوف من شافت رجال ورا نور متلثم بشماغه قالت بخوف:ءءءنوور...سكتت على صراخ نور يوم مسكها الرجال،
نور:يُمههههه يُمهههههه بنااااات من ذااااااا،
صرخو البنات بخوف ومن صراخ نور،
* * عند منصور وسعود الي تعبو من كثر مادورو على البنات بس بدون فايده،
سعود:وين بنشوفهن الحين؟؟
منصور:سعود شف في نار،
لف سعود يناظر:صادق شكل البنات،
منصور:تعال نشوف،
تقدمو شويه وشافوهن البنات،
سعود:حنا قاعدين نلف الدنيا ندورهن وهمَ قاعدين يشبون النار،
منصور:ذا حرام والله بس خله الحين اوريهن شلون يخرجين من المخيم،
سعود:وش بتسوي؟؟
منصور وهو يتلثم بشماغه:بتشوف انتظر هنا،
مشى بخطوات خفيفة لين وصل لعند نور ومسكها،
نور بخوف: يُمههههه يُمهههههه بنااااات من ذااااااا،
صرخين البنات بأقوى قوه،
سلمى بصراخ:وشششش تبي فلتها،
سما:من اننننت؟؟
نور الي بدئت تبكي بخوف:لو سمحت فلتني ايش تشته مني فلتني،
سكر فمها بيدها وقال بصوت مشحب:خليكِ ساكته،
عقدت حواجبها من الصوت وقال بنفسها(منصووور لا والله منصور ذي ريحه عطره هييين ي منصور هيين بوريك،بدات تدق على يده بخوف وتأشر للبنات بمعنى انها اختنقت،
سما:فلتهااااا البنت اختنقت بتمووت،
ماقدرين البنات يسويين شي لإنه محاصر لـ نور واي حركه بيأذيها،
نور الي مثلت الاغماء وطحت لحضنه،
سما بصراخ:نووووور،
سلمى:ي وييييييليييي قتلت البنت نووووور،
منصور وهو يحط راسها بفخذه ويبعد الشماغ،
طارت عيون مشاعل بصدمه:منصوووور!!!
سلمى:حسبي الله ماتستحي على وجهك انت خرعت البنت،
منصور وهو يطالع بنور:لا تخافي مافيها شي،
سما:ايش الي مافيها شي مشنت(منت) شايف كييف دايخه؟؟
مشاعل:منصور مافييي مويه حاول تصحيها،
منصور:شفيكم زوجتي واعرفها اكثر منكم مافيها شي،نور يلا اصحي،
نور الي عرفت انو كشفها أصلًا رئيس المقالب وماتبي يكشفها قامت بهدوء والبنات يناظروها بصدمه،دخل سعود شافته سما وتخبت ورا سلمى،
سعود:ليه طلعتو من المخيم؟؟
مشاعل:والله كله من نور سمعت صوت وخافت وقالت مستحيل تقعد وخرجنا ندوركم بس...
سعود بمقاطعه:بس شفتو المكان ذا حلو قلتو خلونا نقعد وطز فيهم المهم حنا نستانس صح،
سما من ورا مشاعل:تكبير المواضيع عندك ماشاءالله ايش هاذا السيناريو الي سويته؟؟ ضعنا مش عجبنا المكان ونور كانت بارده شبينا النار لجلها،
سعود:انتي بذات ما ابي اسمع صوتس اسكتي،
سما:ابشر،
سعود:يلا نرجع،
مشو البنات بهدوء ونور الي اخذت جوالها ولفت بتمشي بس مسكها منصور الي تعمد يمسكها ليين يمشون،
نور بنبره غضب:معد باقي في راسك مقلب؟؟يلا طبق مستعده،
كاتم ضحكته من عرف انها زعلانه من نبره صوتها:مافي مقلب في بالي بس انتظري الحين بيطلع مقلب،
ناظرت له بطرف عين ودفته ومشت،
لحقها ووقفها وسحبها لحضنه وشد عليها وهو يدفيها بفروته ،
نور وهي تحاول تبعده:منصور ابعد،
منصور:خليتس كذا شويه،
هدات بس شويه وهي تحاول تبعده،
بعد عنها وهو ماسك يدينها:ليه كذا بردانه؟؟
نور:ماتبسر كيف الدنيا برد خلنا نرجع،
منصور الي رفع يدينها لفمه وينفخ فيهم،
نور الي ناظرت له بهدوء وكل تفكيرها تقلبات مزاجه ساعه مافي احن منه عليها وساعه مايخلي شي مايخوفها احتارت من ها الانسان وتصرفاته وقعدت تفكر هي حُب ولا وش؟؟ واذا حُب ما ابي اشوف حنيته ابدا لانه بتصرف من تصرفاته الحنونه توديها بستين داهيه وماتقدر تتحكم بمشاعرها ،
ترك يدينها وفسخ فروته ولبسها،
نور:لابسه خله،
منصور:جاكيتس خفيف تدفئي بفروتي،
نور:بس برد عليك،
منصور:لا تهميني المهم انتي مانيب ناقص تمريض،
نور:هاذا شغلك، انك تهتم بزوجتك وتعالجها اذا مرضت ،
منصور وهو يمشي:ادري ان شغلي هو انتي بس نأخذ ب الاسباب ،
نور وهي تلحقه:الزوج لازم يحترم زوجته ومايفجعها ويخاف عليها ومايفجعها ويغار عليها ومايفجعها بس سبحان الله ربي خلقك عكس،
ضحك من عرف انها تلمح لمقالبه:ابد انا اذا حبيت شخص كذا اعبر عن حُبي،
نور:ايش هاذا من حُب عام كم انت..سكتت من جت لها لحضه ادراك انه اعترف لها اعتراف غير مباشر بلعت ريقها بخوف ومشت تسارعه بخطواتها،
ابتسم وهو يشوف كيف تفشلت واسرع بخطواته يسبقها،
ناظرت له وسارعت اكثر،
وكذا كل ماسارعت سبقها ماقدرت تتحمل وركضت وهي تضحك،
منصور:بشويش بتوقعين،
نور وهي تركض:بسبقك،
ضحك عليها وركض يسبقها بس كان يتعمد يبطىء عشان تسبقه،وصلو للمخيم وكان الوقت متأخر نامين البنات بالمخيم ومنصور وسعود قعدو خارج المخيم ينتضرون احد بس طال انتضارهم ونامو بدون مايحسو،
الجد:للحين ماوصلو وش الي صار عليهم؟؟
وليد:بنروح نشوفهم ي جدي،
الجد:اهجد ي ولد وين تروح ذي الحزه نص الليل؟؟
وليد:نشوفهم،
الجد:بننتظر اذا ماجو الصبح روحو،
وليد:بس..
ابو غسان:جدك صادق بكره نشوف،
ابو يحيى:جربتو تتصلو عليهم؟؟
ابو سعود:اتصلت بس مافي شبكه عندهم،
غازي:لايكون لسى بالمخيم ترا مافي شبكه فيه،
*____________*
> *يتبــ؏ . .*
_استغفر الله
_سبحان الله
_الله اڪبر
_الحمدلله
_لا اله الا الله
*اتفاعلو لنڪَمل نشر الروايه .*
*باشراف:ميان.*
ــــــــــــــــــــــــ
*♯ࢪوايات سعودية مشوقة🤎🦋.*
`تقييمك للبارت من`🔟 *! ! !*