الفصل 29
*– ࢪواية :« الا ي ليت الديار ديار خلي» .*
*– الباࢪت:« 𝟐𝟗 ».*
*– الڪاتبة:«وفاء».*
▭𝅼▬࣪▭𝅼▬ׄ▭𝅼▬࣪▭𝅼▬࣪▭𝅼▬
*ࢪوايات سعودية مشوقة🤎🦋.*
`https://whatsapp.com/channel/0029Vaqhdp07Noa5QQC4or0Y`
ـــــــــــــــــــــــ
> الروايه لاتلهيڪم عن الصلاﮫ اللهم بلغت اللهم فأشهد .
*
صد ودخل متجاهل للكل ودخل بعده سيف وبيلا والجد الي قعد هو وعياله بالحوش وهو يسب ويلعن خيرها واليوم الي جت فيه لذا البيت،
دخل ابو غسان البيت وهو يصارخ،
ام غسان بفجعه:بسم الله الرحمن الرحيم شصاير ليه تصارخ؟؟
ابو غسان:ولدتس ذا ماخلى لي كرامه عند ابويا واخواني،
ام غسان:ليه شمسوي؟؟
ابو غسان وهو يلف لسيف:اسمعني زيننن ي انت وزوجتك بالبيت ي امك،
اتسعت عيونها بصدمه وهي تسمع كلام ابو غسان،
رهف:يُبببببه،
ابو غسان:اخر كلامي،
سيف:يُبه الله يهديك موب كذا تنحل المشاكل،
ابو غسان؛تكلمت وانت حط عقلك براسك وفكر زين،
صد وتركهم بصدمتهم وطلع من البيت وتقدم للحوش وهو يشوف اخوانه كلهم وعيالهم الي تجمعو على الصوت ،
مشى ل ابوه وهو يبوس راسه:السموحه منك ي يُبه بس خلاص من الان مارح تزعجنا انهيت الموضوع،
الجد:زين حطيت عقلك براسك وفهمت،
ابو سعود:شسويت بالولد ي ناصر؟؟
ابو غسان:الي كان لازم اسويه من زمان ،
ابو يحيى:ناصر..قاطعه اتصال ابو ضاري رد:ي هلا ي ابو ضاري،
ابو ضاري:حي الله الصوت وراعيه، وين ابوك؟؟
ابو يحيى:الله يحييك ، ابويا ذا قاعدين بالحوش تعال للقهوه،
ابو ضاري:لا اليوم انا سابقتكم وعازمتكم على القهوه في بيتي ومجلسي تفضلو،
ابو يحيى:زين بنجيك،
ابو ضاري:يلا فمان الله احتريكم،
قفل وقال لأبوه:يبُه ابو ضاري عازمنا على القهوة،
الجد:مالي نفس بعد الي صار،
ابو سعود:يُبه خلنا نروح نغير جو ونوسع صدورنا،
ابو ملاك:اييييي بخاطري نروح والله،
الجد:دام بخاطركم مشينا،
ابو سعود:وانتم تمشون معانا(يقصد العيال)؟؟
محسن:جلسه شياب شنسوي معاكم؟؟
منصور:انا مانيب جاي،
الجد:انت بذات ما اسمح لك تجي حتى لو بغيت،
ضحكو الكل وقال منصور:لا تخاف ي جدي مستحيل يخطر ببالي اني اجي لبيت ابو ضاري،
سعود:خلاص انتو روحو وحنا بنروح بيت الشعر،
يحيى:ايوه ايوه من زمان مارحنا،
الجد:يلا مشينا،
مشو الجد وعياله متوجهين لبيت ابو ضاري،
سعود:بروح اجيب القهوه وانتم اسبقوني،
دخل سعود البيت وهو ينادي لسما خرجت له:هلا،
سعود:جهزي القهوة والشاهي بنروح بيت الشعر،
سما:بيت الشعر وين هاذا؟؟
سعود:خلف بيت جدي بالحوش الخلفي،
سما:قريب ليش اول مره اسمع به؟؟
سعود الي دق جواله:اسمعي برجع اخذك بعدين جهزي القهوه بروح ارد على الجوال وارجع،
سما:تمام،
مشت تجهز القهوة والشاهي ،وسعود راح يرد على خالد، بعد عده دقايق رجع للبيت وخرجت سما :جاهزه،
سعود اخذ منها داله القهوة وبياله الشاهي وقال:بروح اذا بغيتم شي خلي اي واحد من البزران يجينا،
سما:تحتاج جوالك؟؟
سعود:ليه؟؟
سما:اذا ما تحتاجه عطني،
سعود:شتبي فيه؟؟
سما:اذا ماحبيت جلسه البنات بتصل على امي،
خرج لها الجوال من مخبئه وعطاها:خذي يلا انا رايح،
سما:الله معك ،هاها اسمع،
لف لها:سمي،
سما:بعيون عدوك، قلت بتروح بيت الشعر؟؟
سعود:ايوه،
سما:كلكم صح،
سعود:ايوه،
سما:عادي لو نخرج الحوش؟؟
سعود:عادي اذا بغيتم تخرجو اخرجو حنا بنروح وجدي واعمامي مو بها،
سما:يلا بروح اكلم البنات،
مشت سما تكلم البنات ،
وسعود مشى متوجه لبيت الشعر وكلمهم انو خالد واخوياه بيجون يتقهوون وبنقعد كلنا،
غازي:من زماااااان على هيك اجواء،
يحيى:اي والله وانت صادق،
غسان:والله اشتقت لجمعتنا،
منصور:اجل اليوم جلسه الشباب كل واحد يحط جواله ع الصامت،
الكل حطو جوالتهم ع الصامت وقعدو يسولفون وينتظرون جيه الشباب،
عند البنات بعد ماكلمتهن خرجو للحوش يكملو جلستهم،
بغرفه سيف بيلا كانت تبكي وسيف موب عارف شيسوي،
سيف بصراخ:مالذي فعلته ي بيلا مالذي حدث لكِ اكُنتي تظنين انكِ ب إمريكا لم فعلت ذالك لماااااااا،
بيلا:لم اعد احتملُ اكثر لقد تعبت كثيراً فل نعد الى الولايات،
سيف:لن اعود لن اعود ابدا فأنا قررت عدم السفر مره اخرى،
بيلا:لا استطيع التحمل اكثر أُريد العوده،
سيف:لا استطيع العوده لا استطيع هل تفهمين؟؟
بيلا:اذا كُنت لا تستطيع سأذهب وحدي لم اعد أُريددددك بعد الان أُريد العوده ف العيشه معى عائلتُك لا تتتتطاق لا استطيع التحمُل اكثثثثر من ذالك لا استطيع تحمُل كلام عائلتُك لا استطييييع ي سيف لا استطيييع،
اخذ نفس وهو يمسح على وجهه:بيلا عزيزتي ستُحل،
بيلا:لم اعُد احتمل أُريد الطلاق والعوده الي دياري،
سيف بصدمه:ماذااااا؟؟؟
بيلا:طلقني،
سكت وهو يحاول يستوعب الكلام طال السكوت وبعد مده قال:حسنًا فل تجمعي اغراضكِ وذهبي الى السياره سأذهب لكي اخُذ عقد النكاح ،
خرج من الغرفه وبيلا جمعت اغراضها وخرجت،
سيف راح لأمه الي كانت تبكي تقدم لها وباس راسها:يُمه وين مفتاح الخزنه؟؟
ام غسان:ليه؟؟
سيف:بغيت اخذ عقد نكاحي انا وبيلا بروح السفاره واطلقها وتسافر،
فزت رهف بفرح:صدق؟؟؟
* * سيف الي لف لها:ايوه وين المفتاح؟؟
عطته ام غسان المفتاح وراح سيف يأخذ العقد،
خرجت بيلا ومعاها شنطتها ناظرت لها رهف بطرف عين صدت بيلا وخرجت للحوش متوجه للسياره بس وقفت من سمعت صوت ضحكات البنات مشت لعندهن والغضب بعيونها وقالت:لم انتن يُسمح لكُن ان تجلسً وانا لا؟؟
ساره الي كانت ماتتحمل وجودها:شايفه نفستس وشايفتينا ف لا تقارني نفستس فينا,
بيلا:انني فتاه مثلكُن لاكن انتُن متخلفات وتغارون مني،
سما:ابسرو ابسرو من بيتحاكى على الغيره على ايش نغار منش ي هانم؟؟؟
بيلا بصراخ:فل تصمُتي ايتُها الحقيره،
اتسعت عيون الجميع بصدمه،
سما:مّ بقع بش اليوم وليش تتحاكي هاكذا ومن الحقيره اني؟؟؟
نور:سما لا تحطي عقلش بعقلها مابش معاها عقل،
بيلا:اصمُتي انتي ايضا ايتُها الرخيصه،
سما وهي تقوم:لا والله طالت وشمخت،
بيلا:مالذي ستفعلينه ايتُها الع**
صفعتها سما كف على وجهها عبر عن شعور غضبها بأصابعها الي انطبعت بخد بيلا:هاذا غر تحذير لجل ماتغلطي مره ثانيه وتتحكمي ب الفاظش قبل مايقع شي مايعجب احد،
دفعتها بيلا وطاحت سما للأرض:اذا رفعتي يدكِ مره اخرى سأُكسروها ،
نور الي قامت لها بغضب:وقسم بمن احل القسم لو تمدي يدش مره ثانيه لا اكسر راسش قبل يدش ،
سما وهي تنظف نفسها:خليها اذا بنت ابوها تقدم وبتبسر م ع يقع لها،
بيلا:هل هاذا تهديد...
قاطعتهم رهف:بنات اتغطين سيف بيخرج،
سما:رحمش زوجش يلا انقلعي ،
تغطين البنات وخرج سيف وهو صاد للأرض وساره الي كانت تناظر له بأسى وقرف انه تزوج واحده رخيصه مثل بيلا،
خرج سيف ومشت رهف للبنات وهي تتمايل بمشيتها وتغني ارتـحـنا ومنُه فـرحنـااااااااا
ناظرو لها بأستغراب،
رهف:تدرون وين راح سيف معى بيلا؟؟؟
الكل:وييين؟؟؟
رهف؛يطلقها،
فزت ساره:في ذمتس ؟؟
رهف وهي تضحك:والله،
منى:صادقه ي بنت؟؟
رهف:والله والله راح يطلقها ويسفرها،
سلمى وهي تزغرط:لللللوووووشششش ارتحنا واخيراً،
سما:اذا انت رايح اكثر بالفضايح،
نور:اي والله تمادت يوم راحت،
مشاعل:بنات لازم نسوي شي بذي المناسبه،
ساره:صح صح شنسوي؟؟
ملاك:بنات شرئيكم دام اجواء شتويه وكذا نكشت،
اسيل:فكره حلوه،
سما:وش ذي؟؟
آمال:يعني تخييم،
نور:يعووه حلوه حلوه خلونا نسير،
سلمى:لازم نقنع الجده وهي بتقنع جدي،
اماني:خلاص بعد الصلاه نجتمع ونروح لها ونكلمها،
الكل:تم،
عند الشباب بعد ماوصلو الشله سلمو وجلسو،
خالد:الحين انتو صادقين ذا غازي ؟؟
غازي:سلامتك ي ولد علامك موب مصدق؟؟
عساف:ابد طال عمرك من دخلت شغل المحاماه ماسمعنا لك طاري،
فيصل:وزاد عرسه كمل الباقي،
منصور بضحكه:موب بس غازي عيال عمي كلهم ماعاد سمعنا لهم طاري،
فايز:اي رياح ساقتهم اليوم لنا،
سعود:مسكناهم وقالنا اليوم بتسحبون على زوجاتكم وتجون لنا،
منصور بكذب وضحكه:عاد لو شفتو وجيهم بغون يبكون يوم قلنا يسحبون على زوجاتهم،
نبيل بضحكه:حتى انتم من تزوجتم سحبتو علينا ما الومهم الصراحه،
الكل:هههههههههههههههههههههههههههههههههههههههههههه،
محسن:يعني موب بس احنا الساحبين حتى انتو ي حسافه،
وليد:وتقول بغينا نبكي وحنا الي قررنا نسوي ذي الجمعه،
سعود:لا تكذب انا الي قررت،
غسان:مو مهم من الي قررت المهم اجتمعنا والله،
خالد:عطونا شي نستانس عليه،
فيصل:بغني لكم،
منصور:اقول اسكت بيأذن المغرب الحين مايصير،
بعد صلاه المغرب عند سيف الي كان يسوق متوجهين لسفارة وكان ضايق انه بيفلتها وهو حبها بصدق،
الحال عند الجد والعيال يتقهون وكلام شباب بس كانو فرحانين،
وعند البنات الي قررو يروحون الكشته وكانو يجهزو كيف بيقنعو الجده انها توافق،
عند الشباب كانت السوالف مليان حياه وضحك ووناسه ،
عند سما الي حست بوجع بيدها بعد ما توضت وصلت خرج من غرفتها وراحت لعند البنات تتناسي وجعها وصلت ودخلت بيت الجد والكل بعدها،
سما:السلام عليكم ،
الكل:وعليكم السلام،
قعدو البنات وقالت الجده:اللهم اجعله خير شجايبكم ذي الحزه،
نور:مابلا جينا (ابد جينا)نطمن عليش،
الجده:تطمنون عليا انا هههههههه اختصرو وقولو وش بغيتم؟؟
رهف:جده،
الجده:ايوه،
ساره:جده،
الجده:ايووه،
ملاك:جده،
الجده:شفيكم؟؟
سما:جده،
الجده:وجع يوجعتس انتي وهي انطقي وش بغيتم؟؟
اسيل:الصراحه ي جده الاجواء حلوه ونبي نروح نكشت،
الجده:وشوووو؟؟
سلمى:جده بغينا نروح والله لا تقولين لنا لا،
سما:جده الله يحفضكم خلينا نسير اشتي اجرب هاذي الاجواء جبرش ي جده جبرش،
نور:جده وافقي الله يحفضكم،
ملاك:ترا طفشنا بالبيت بغينا نغير من جونا،
الجده بعد تفكير:تمام بكلمهم اول ما يرجعو وبنروح بكره،
سما الي فزت بفرح:ايووو واخيراً اجواء يحبها قلبي،
رهف وهي تبوس راس الجده:الله لا يحرمنا منتس ي جده،
* الجده:بغيتو شي ثاني؟؟
الكل:لا،
الجده:اجل انقلعو،
مشاعل:بنروح بكرامتنا، يلا بنات خرجنا،
خرجو وهم فرحانين انهم بيغيرون جو دخلت سما المجلس وكانت ام سعود قاعده تستغفر انسدحت على رجولها وهي تحس بألم خفيييف بيدها،
ام سعود:علامتس ي بنتي فيتس شي؟؟
سما:ما اقدر اتحمل الصدق،
ام سعود بفجعه:شفيتسسسس؟؟؟
سلمى:توتس قبل خمس دقايق كنتي معنا ومافيتس شي؟؟
سما وهي تصارخ:مقدررررر اتحمللللل جيبو لي سعوووود،
ام سعود لنور:نور بنتي شفيها اختس،
نور:والله مدري ي عمه،
سما وهي تصارخ ماتبي الا سعود،
نور:سما بنت مالش تصيحي ايش بش؟؟
سما:سعوووو وينك ي سعووود قره عيني وينك،
ام سعود:مارح تفهم علينا اتصلو بسعود وخلوه يجي،
مشاعل:جوال سعود معاها،
ام سعود:اتصلو على منصور،
سلمى الي اخذت جوال سعود وتدق على منصور بس مافي رد:يُمه مايرد،
ام سعود:لاحول الله روحي ي مشاعل خذي عبدالله وخله يروح يناديه من بيت الشعر،
خرجت مشاعل ورحت لعند اثير بس الصدمه انه عبدالله تعب من كثر اللعب اليوم ونايم من بدري،
رجعت للبيت:يُمه عبدالله نايم،
ام سعود:حسبي الله وش الحظ ذا؟؟
سما:سعووود،
ام سعود بقله حيله:مشاعل روحي انتي وسلمى ونادي على سعود،
سلمى طارت عيونها:يُمه مايصير اروح انا؟؟
ام سعود:مارح يصير شي انتي ي سلمى انتظريها بخارج وهي تروح تكلم سعود،
مشاعل:يُمه..
ام سعود:شوفين حاله البنت مدري حتى شصاير معها يلا روحين ي بناتي فمان الله،
خرجت سلمى ومشاعل ونور وام سعود يحاولون يسكتون سما،
عند الشباب وسوالفهم الي ماتمل خرج خالد الحمام والشباب يسولفو فجاه سمع سعود صوت همس كانت مشاعل تناديه بهمس قام وخرج شاف مشاعل
وقال بهمس غاضب:مشاااااااعل شتسوييين هنااااا،
مشاعل:امي قالت لي اناديك،
سعود:وش تبي وليه ماخليتو اي بزر يجي ليه جيتي انتي عند الرجاجيل،
مشاعل:حُرمتك قاعدت تصارخ لها ساعه وامي قالت اجي اكلمك،
سعود بصدمه:سما؟؟ شفيها وليه تصارخ؟؟
مشاعل:مدري نكلمها ماترد تقول بغت سعود،
سعود:طب صار معها شي بعد مارحت،
مشاعل بتفكير:تهاوشت معى بيلا بس،
سعود:لاحوووول امشي امشي الرجال داخل بالحمام ،
مشت مشاعل وسعود دخل لهم وهو يقول:بروح البيت وارجع،
منصور:شصاير؟؟
سعود:مافي شي اقعد وانا بروح اشوف وارجع،
خرج سعود بعد مشاعل متوجهين للبيت،
وخالد الي سمع كُل شي وهو حرفيًا ذايب بصوت مشاعل،
وصل سعود للحوش وهو يسمع صوت سما دخل البيت بفجعه وصارخ من ورا الباب:يُممممه ادخل،
ام سعود:ادخل ادخل،
دخل بس انصدم وهو يشوف سما بحضن امه وماتقول الا اسم سعود سارع بخطوطه وصل لها نزل على رجوله ورفعها من حضن امه وهو يمسك وجهها بيدينه:سما شفيتس وليه تصارخين صاير معتس شي؟؟
سما:سعود قره عيني ويينك ويييينك؟تعال ابسر ماوقع بي،
سعود:سما علامتس وراتس تقولين كذا صار معتس شي؟؟
ام سعود:والله ساعه قاعدين معاها مارضيت تتكلم بغت سعود،
سعود بحده:بنتتتت لاتخوفيني،
سما وهي ترفع يدها توريه الجرح وسعود الي مسك يدها يطالع فيه وقال بصراخ:شذااااااااااا؟؟
سما:ماتشوف جرح جرحتني بيلا يوجعننننني،
سعود بصراخ:روحتيني من عند الشباب وصوتس واصل اخر الدنيا وب الأخير ذا الجرح الي ماتشوفه العيييييين؟؟
سما:ابسر ابسر ذا الجره وماتبسره شف وش كبره ي قره عيني،
سعود:طقيتيني بقره عينتس طقيتيني ادري اني قره عينتس،
سما:لا والله طلعت واثق من نفسك،
سعود:لاحولا الله حتى بذا الموقف ماتعرفين تهجدين حتى بذا؟؟
سما:ليش ايش فعلت،
سعود:الحين مافي الا ذا الجرح؟؟
سما:ايوه،
سعود:متأكده ؟؟
سما:ايوه،
سعود بصراخ:انا جاي اسعف جاي اسعف ماااااااتستحين على وجهتس انتي ؟؟
سما:لا تستهين فيه والله يوجعني،
سعود:حتى انتي ي يُمه جايبه لي مشاعل قلت مدري شصار معاها،
ام سعود:والله ي ولدي شفتها تصارخ قلت مدري شفيها خفت عليها تقول ابغى قره عيني ابغى قره عيني ،انتي ي بنتي من علمتس قره عيني ذي ترا والله طقيتينا،
سما:انتو بالسعوديه تقولو كذا وانا حبيتها وقلت قره عيني ماتناسب الا سعود، اي صح ابشرك،
سعود:هاتي شعندتس؟
سما:بيلا تطلقت،
سعود:صدق،واخيراً افتكيت منتس،
سما:ليش ايش فعلت بك؟؟
سعود:ابد طال عمرتس ماتسمحين لي اخرج لين تلفي الحوش بكبره وتتأكدين،
سما:اكيد ما اسمح لزوجي يخرج وذيك الساقطه موجوده، ذلحين اشتي بشارتي،
سعود:وش بغيتي؟؟
سما:اقول لك بعدين الحين يدي،
سعود:سلمى روحي جيبي لزقه لذا الجرح، الحين ي يُمه دام ناديتوني من عند الرجاجيل جهزو العشاء،
ام سعود:ابشر، بنات يلا سويين العشاء،
سما:انا يدي توجعني،
سعود:يُمه ما ابي العشاء الا من يد سما،
سما:ماهو يدي مقدرش،
قام سعود وهو يضحك:يلا بروح جهزو العشاء،
خرج من البيت ورجع لعند الشباب وكملو سوالفهم والبنات يجهزون العشاء وبعد العشاء الكل راحو وصارت الساعه 11 والجد وعياله رجعو وقعدو بالحوش والشباب راحو وقعدو معاهم ومر الوقت لين خرجت الجده وقاطعت سوالفهم،
*____________*
> *يتبــ؏ . .*
_استغفر الله
_سبحان الله
_الله اڪبر
_الحمدلله
_لا اله الا الله
*اتفاعلو لنڪَمل نشر الروايه .*
*باشراف:ميان.*
ــــــــــــــــــــــــ
*♯ࢪوايات سعودية مشوقة🤎🦋.*
`تقييمك للبارت من`🔟 *! ! !*