الفصل 28
*– ࢪواية :« الا ي ليت الديار ديار خلي» .*
*– الباࢪت:« 𝟐𝟖 ».*
*– الڪاتبة:«وفاء».*
▭𝅼▬࣪▭𝅼▬ׄ▭𝅼▬࣪▭𝅼▬࣪▭𝅼▬
*ࢪوايات سعودية مشوقة🤎🦋.*
`https://whatsapp.com/channel/0029Vaqhdp07Noa5QQC4or0Y`
ـــــــــــــــــــــــ
> الروايه لاتلهيڪم عن الصلاﮫ اللهم بلغت اللهم فأشهد .
💔*
* سما:يلا،
نزلو شوي ونزل منصور ونور ودخلو وكان البيت مليااااان حياه ريحه القهوه المختلطه معى ريحه البخور وسوره الكهف النور بين الجمعتين وسلمى ومشاعل يجهزون الفطور حرفيًا اجواء يحبها قلبي😭،
بعد مرور الوقت صارت وقت الخطبه والكل خرجو للحوش متوجهين للجامع والحريم يجهزون الغداء،
بعرفه محسن كانت اثير قاعده تبخره دخل عبدالله وهو يقول:ماما وانا وانا بخريني،
اثير بأبتسامه:تعال تعال ي حبيب ماما،
محسن:وش هالزين ي ولد طالع لأبوك،
عبدالله وهو يهز راسه بالنفي:لا طالع طالع لأبوك،
محسن بضحكه:ماتبي تشبه ابوك؟؟
عبدالله:والله اني بغيت اني اشبهك بس معى الأسف الكل يقول اني اشبه ابوك،
اثير:يازينه ولدي الي يشبه جده،
طاح عليه العقال وقال:بابا ليه حقتي موب مثل حقتك؟؟؟
محسن:مثلها لا تخاف،
عبدالله:طب ليه حقتي يطيح موب مثل حقتك يقعد بمكانه خله مثلك،
محسن:تعال،
تقدم له عبدالله وثبت له محسن العقال وقال:الحين تمام،
عبدالله وهو يناظر شكله بالمرايا:اييي كذا الواحد يسوي موب مثل ابوك ماثبتها ،
محسن:متى بتحط عقلك براسك ذا جدك جدك افهم،
عبدالله:طب بسألك ليه ابوك ماسوى لي مثلك؟؟؟
محسن وهو يناظر له بطرف عين:من؟؟
عبدالله:ابوك،
محسن:ومصُمم بعد،
اثير:علامك على الولد،
محسن:خلك محترم وقول جدي موب ابوك،
عبدالله:امااا جدي؟؟؟
محسن:ايوه جدك،
عبدالله:اجل بروح امشي معى ابوك،
محسن:وش قلت انااااااااا،
عبدالله ضحك وهو يركض لعند جده،
محسن الي لف لأثير:ولدتس ذا يبي تربيه من جديد،
اثير:انت تدري انه مايشوف الا جدك ويعتبره الجد الوحيد اما عمي يقول له ابوك،
محسن:ولين متى بيقعد يفكر كذا؟؟
اثير:خلك من الولد لين يكبر بيفهم،
محسن:زينن بروح الحق على الخطيب،
اثير:الله معك،
خرج للحوش وشاف الكل متوجه للجامع مشى لعند جده وهو يبوس راسه،
عبدالله وهو بحضن الجد يعقوب:جدي شف ابويا بغاني اقول على ابوه انه جدي،
ناصر بضحكه:وانا جدك ي ولد،
عبدالله وهو يقول للجد:جدي قل لولدك ذا يبي يأخذ مكانك،
الجد بضحكه:هو جدك وانا جدك،
* * عابرُون و الدّنيا ليسَت لنا، سنمضِي يومًا تاركين خلفّنا كُل شَي ربناّ اختمْ حياتُنا بعمل صَالح نلقّاك به.
يتبع بالحوش...
ناصر بضحكه:وانا جدك ي ولد،
عبدالله وهو يقول للجد:جدي قل لولدك ذا يبي يأخذ مكانك،
الجد بضحكه:هو جدك وانا جدك،
عبدالله:لا لاااااا انت جدي بس،
منصور:شقاعد تقول ذا جدي رح عند جدك،
عبدالله:شفيك انت الثاني ذا جدي وماني بمغير رئيي،
الجد:يلا يلا مشينا،
مشو متوجهين للجامع والناس يسلمو دخلو الجامع وقعدو يسمعو للخطيب الي كانت الخطبه عن فضل يوم الجمعه خلص الخطبه وصلو ،ومشو متوجهين للبيت وصلو للبيت وماهي الا دقايق معدوده ودخلو الغداء وبدئو يتغدون والسوالف معبيه المكان خلصو وكل واحد اتجه لغرفته يريح،
بعد العصر بغرفه منصور بعد ماصحته نور لصلاه صلي وخلص وقعد على السرير يناظر صور نور بجوالها ونور تجهز نفسها بتنزل عند البنات،
منصور بصدمه:الحين انتي متأكده ان ذي الي بصوره اليمن؟؟؟
نور:ايوه قد لي ساعه وانا بين اتحاكى (قاعده اتكلم)معك وبين اقولك اليمن مالك مشنت(منت) مصدق؟؟
منصور:صورتيها انتي؟؟
نور:ايوه،
منصور:بس انا اسمع ان اليمن ساحه حروب وتدهورت بعد الحرب ف كييف كذا حلوه؟؟
نور:ايوه هاذاك كان قبل قد له خيررات(كثير)، بس ذلحين قدي ضخمه وشوارعها قد صلحوها قدي اضخم من قبل ي حالي،
منصور:لا والله حلوه حيييل اول مره اشوفها، طب وذي الصوره الي انتي في جبل؟؟
نور الي خلصت مكياجها باقي بس شعرها:مشنت(موب)ناوي تخلاني اخلص انت وحقك الاسأله،
منصور الي رفع نظره لها:خلاص شعد باقي خلصتي،
نور:باقي شعري،
حط الجوال من يده وقام سحبها وقعدها على السرير واخذ المشط وقعد ورائها وعطاها الجوال:اجل الحين انتي شوفي الصوره واحكي لي وانا بمشط شعرك،
نور بضحكه:مصمم يعني؟؟
منصور:اكيد ابي اعرف كُل شي عن ديار خلي،
ابتسمت وقالت:ذي الصوره في جبل اسمه،جبل بعدان في اب،
منصور:وش اب؟؟
نور:ايوه،
منصور:بس انتي قلتي انتس ساكنه في صنعاء؟؟
نور:ايوه ساكنين في صنعاء بس نزور اب بكثره لانها من افضل الأماكن لقلبي تفوززز بجوها النقي وخضارتها وجبالها اخخخخ اشتقت لها وربي،
منصور وهو يمشط شعرها بهدوء:يعني تحبي اب اكثر من صنعاء؟؟؟
نور:مش هي قصه حُب وما حُب غر في اشياء في صنعاء حاليه بس اب احب جوها النقي وخضارتها يعووو كم قدنا فاقده لها،
منصور:وش الاشياء الي تحبيها في صنعاء؟؟
نور:في مكان اثري اسمه دار الحجر قدييييم من زمان الزمان واني الصدق احب تيه(ذي)الأثار احب الاشياء القديمه وكان زمان يعرف بحصن ذي سيدان ،
منصور:من اسمه مبين حلو ، يعني تحبي الاشياء القديمه؟؟
نور:يعوووه بس اعشقها الصدق عاد لو تبسر صنعاء القديمه تيه(ذي)احب شي لقلبي لوما تدخل لها ماتشتى تخرج من حلاوة بيوتها القديمه ومن الراحه الي تحس بها،
منصور:ليه كم في صنعاء عندكم؟؟
نور:لا مش هاكذا هي صنعاء واحده بس وبيوتها من الطين وذلحين صنعاء بدئت تطور بيوتها وحضارتها يعني صنعاء متحضرين بس سكان صنعاء القديمه على ماهم ريفيين،
منصور:احب ذي الاجواء جوي،
نور:ايوه تجنن،
منصور وهو يحاول يرفع شعرها،
نور:لالا خله بخليه هاكذا،
منصور:لالا ارفعيه ،
نور:ما احب ارفعه خله هاكذا،
منصور:ابيتس تخليه كذا وانتي عندي عند البنات لا،
نور:بس..
منصور:لا بس ولا خربيط خليه مرفوع،
نور:تمام ابعد خلاني ابسره وامشط مثل الناس ،
منصور وهو يبعد:وليه ماحبيتي تمشيطي ؟؟
نور وهي تتوجه للمرايا:وليش مسوي هاذا تمشيط شعر؟؟
منصور:ايييي ي زيني والله ،
نور:بس بس...وسكتت من حست بدوخه مسكت راسها بوجع،
فز منصور بخوف:شفيتس؟؟
ماقدرت تمسك نفسها وطاحت للأرض،
مسكها منصور ورفع راسها لفوق رجوله ويطق وجهها:نور شفيييتس نوووووور شصار؟؟؟ سكت وهو يشوفها كيف تحرك عيونها كتم ضحكتو من شافها ماقدرت تمثل المقلب ،
حط يده برقبتها يشوف نبضها وقال:ابوووك ي النكبه البنت ماتت شسوي الحيييين؟؟؟
نور بنفسه(حسبي الله عليك كذا بكل برود تقول اني مُت)،
حط راسها ع الأرض واخذ جواله يمثل انه يتصل:الو نحتاج كفن ايوه شوي وبجي اخذه يلا سلام،
قفل ورجع يمثل الاتصال مره ثانيه:سعود نور ماتت ايوه اقول لك ماتت مدري يمكن سكته قلبيه ايوه كذا طاحت للأرض ومافي نبض ايوه كلمهم يجهزو القبر وقل لأمي تطلع بنأخذها نغسل لها ايوه يلا سلام،
قفل وهو بالزور ماسك ضحكته ولف رجع يناظر لها وقال:توتس صغيره بس الموت ما يفرق كبير ولا صغير الله يرحمتس،
نور(حسبي الله فيك حسبي الله انا ايش تزوجت من رجال مابش عنده مشاعر هاكذا يتكلم حتى دمعه مانزلها علي الله ينتقم لي منك)
مرت دقايق ومنصور على حركته يناظر تمثيلها الخايس وقال:متى بتخلصي حقتس السناريو ذا؟؟
* * نور الي استغربت وقعدت على حركتها تسمع له بهدوء،
منصور:ترا تمثيلتس تحت الصفر وانا ما انصحتس تمثلين ابد ولا عاد تسوين مقالب مره ثانيه ماتقدرين،
نور الي قامت وهي تناظر له:حسبي الله من متى وانت تدري انو مقلب؟؟
منصور بضحكه:من بدايتها ،
نور:طيب ننفرض انه صدق مُت كنت بتسوي كذا؟؟؟
منصور:اييييي ولا شتبيني اسوي؟؟
نور:صدق؟؟
منصور:ايوه صدق شفيتس؟؟
نور:حسبي الله معاد بش معك ضمير؟؟؟
منصور:ليه؟؟
نور:بالله عليك زوجتك تموت قدام عيونك وانت تتصرف هاكذا بكل تيه (هاذي)البرود يخوووه،
منصور:ليه وانتي معتبره زواجنا حقيقي؟؟
نور:ادري محد مننا يعتبره زواج بس..،
منصور بمقاطعه:شرئيتس لو نعتبره زواج؟؟؟
نور الي اتسعت عيونها بصدمه:ماهو؟؟
منصور بضحكه:امزح امزح شفيتس؟؟
نور:قم اخرج لك قم،
منصور:غرفتي،
نور:غرفه زوجي،
منصور:ومن زوجتس ذا؟؟؟
نور:منصور،
منصور:اجل غرفتي اخرجي انتي،
نور:لا اخرج انت شغلتني ،
منصور:شدعوه شمسوي انا؟؟؟
نور:ماتسكت مشنت ناوي تخلاني اخلص لجل انزل عند البنات،
منصور:يالييييييل تحاسبني وهي بغرفتي،
نور:منصور قم اخرج،
منصور وهو يقلدها:منصوررر قم اخرج،
نور:منصورررر
منصور وهو يقلدها:منصورررر
نور:خربت انوثتي الله يسامحك،
منصور:ترتس تسويين كذا،
نور ناظرت له بقله حيله وصدت تضبط شعرها خلصت ورشت من عطرها وطالعت بالمرايا على شكلها برضا تام،
منصور الي كان يناظرها بهيااااام تقدم لها وناظرها من المرايا رفع يده يحاوط عنقها ودفن وجهه في رقبتها يستنشق ريحه عطرها:اخخخ تبي تقتليني بعطرتس ذا؟؟
نور الي انقطع نفسها وتصنمت بمكانها وهي تشوفه انعكاسه وتحس بأنفاسه ويدينه المحاوطه عنقها وقالت:منصور...سكتت من باسها منصور على رقبتها تقشعر بدنها ورجفت يدينها بخوف مخالطه شعور الحُب الي بدا يتدفق لقلبها ،
بعد عنها وهو للان اسير عطرها الي وداه لعالم ثاني طالع لها كيف متصنمه بمكانها وقال:اجل الحين بخرج،
خرج من الغرفه وهو معاد يقدر يتحكم بمشاعره وقال بنفسه(لييين متى بتحكم بنفسي لييين متى بحاول امنع نفسي نفذ صبري قدرت اتحكم اليوم بس بكره كييف طب ماهي زوجتي وذا الشي من حقي ولييه مقدر حتى اني اصارحها بحُبي لها ،
مقدر اصارحها بحُبي لعيونها الي تأخذني من الناس وانا ماعندي اغلى من هدب عيونها،اااه ياربي فرجها،
عند نور الي تجسدت كل مشاعر الحُب بقلبها لمنصور وكانت تحاول تخفف من فيضان المشاعر والخوف الي سواها وهي موب عارفه شتسوي وش الي صار بقلبها،
عند وليد دخل الحوش وهو راجع من البقاله وشاف بيلا صد بنظره وتجاهلها ومشي مكمل طريقه،
لفت له:سيف لقد تأخرت اين كُنت؟؟
وليد وهو صاد ويناظر للباب:وليد موب سيف،
بيلا:يا الهي تتشابهون كثيرًا فل تنظر الي لـ اراء هل لديكم نفس ملامح الوجه؟؟
وليد بعصبيه:ماتستحين انتي؟؟؟؟
بيلا:لماذا مالذي فعلتُه؟؟
وليد:حسبي الله فيتس وفي سيف الي مايستحي جايب لنا يهوديه للبيت اقول اذلفي وجهتس ماني ناقص ذنوبتس،
مشت له ومسكت يده وقالت:فل تنظر الي واخبرني مالذي فعلته لك ؟؟ ولما تتكلم معي هاكذا؟؟
دفها بعصبيه وطاحت للأرض لف يناظر لها وقال بصراخ:ياويلتس تمسكيني مره ثانيه ، تبيني اناظرتس ليه ناقص ذنوبتس انااااااا،
بيلا وهي ب الأرض:مابك لقد مسكتك لـ اراك ؟؟
وليد:ولتسسس عيين تتكلمين بعد اسكتتتي،
خرجو الاعمام والجد على صوت وليد،
الجد الي خرج بفجعه:ولد علامك ليه تصارخ شصاير؟؟
وليد:جدي شف ذي الي ماتستحي بغتني اناظر لها غصب ناقص ذنوب انا؟؟
الجد:حسبي الله شايف ي ناصر ولدك وش جايب لنا؟؟
ابو غسان الي صد للأرض بضيق،
ابو سعود:ماتستحين انتي وليه بغيتي وليد يناظرتس؟؟
بيلا:ارت ان ارا هل يُشبه سيف ام لا ،
الجد:انطميييي ما ابغى اسمع صوتس،
بيلا؛ولكن...
ابو يحيى:بس بس ولتس عين تتكلمين بعد،
ابو ملاك:صادق من قال ان الي يستحو ماتو،
الجد:حسبي الله فيك ي ناصر وبولدك وبذي الي ماتستحي،
ابو سعود بصدمه:يُببببه مايصير تدعي على ولدك،
الجد:كلمته من بدايتها يضبط ولده بس ما سمعني خله يشوف نتيجه اهماله،
دخل سيف الي كان عند اخوياه بس انصدم من الصوت وبيلا ب الأرض تقدم وهو يرفعها:بيلا عزيزتي مابكِ؟؟
بيلا الي بدات تبكي:ءءءلقد تهجم علي،
اتسعت عيونه بصدمه؛ماذاااااا من؟؟ومالذي فعلهُ بكِ؟؟؟
بيلا وهي تأشر على وليد:اردت ان ارا وجهه لكنهُ دفعني،
سيف الي قام:وليييييد شسوييت انت وكيف ترفع يدك على حُرمه؟؟؟
الجد بمقاطعه:وليه من متى عنا الحُرمه تمسك رجال مو زوجها؟؟
سيف بصراخ:جددددددي...سكت وسكتو كلهم على الكف الي وصل لسيف من ابوه وقال:ادخل نتفاهم داخل،
سيف وهو ماسك خده بعد الكف الي طن بوجهه طن:يُببببه،
ابو غسان:ولا ابي اسمع نفس ادخل،
*____________*
> *يتبــ؏ . .*
_استغفر الله
_سبحان الله
_الله اڪبر
_الحمدلله
_لا اله الا الله
*اتفاعلو لنڪَمل نشر الروايه .*
*باشراف:ميان.*
ــــــــــــــــــــــــ
*♯ࢪوايات سعودية مشوقة🤎🦋.*
`تقييمك للبارت من`🔟 *! ! !*