كنت في عز الثبات لين شفتك وانهزمت - الفصل 142 - بقلم ريناد | روايتك

البــــــــــــــــــــ142 ـــــــــارت صعدت لغرفتها وشالت عبايتها ورمتها وما بدلت ملابسها ارتمت على سريرها وقلبها يوجعها عمرها ما فكرت بانها راح تحب واحد ما يدري عنها هي اليوم تبكي عشان عبدالعزيز اللي كانت تعتقد بأنه طوى صفحتها ونسى من تكون شوق ولكن كان العكس عبدالعزيز كان يتجرع نفس المها واكثر ولكن الافكار اللي كانت تدور براسه كانت تثبت له ان شوق فعلا ما تكن له اي مشاعر . . . وصل الجميع وتجمعوا وصوت الضحكات كان سيد المكان معدا شوق اللي كانت صامته مكسوره حزينه ! كانت تسمعهم ولكن تفكيرها بمكان واحد فقط تفكيرها كان مستولي عليه عبدالعزيز اللي ذهب وتركها حست بالدمع يتجمع بعيونها ولكن قاومت كل شي ورفعت راسها وابتسمت لحنين اللي كانت تراقبها وهي مستغربه صمت شوق:.فيك شي ؟ لايكون تعبانه شوق وعلى فمها ابتسامه مزيفه:.لا بس توني صحيت حنين ابتسمت لها وعطتها عمر اللي كان يضحك ويعض أصابع يده اخذته وحضنته وهي فعلاً كانت تحتاج حضن يحتويها ويخفف عنها كل اللي تحس فيه من وجع . . . بلندن كانت حياه مي تتحسن وكل مالها تصير احسن واحسن فكرت انها تشوف مشعل وفعلاً اخذت حجابها وطلعت قربت لشقته ورنت الجرس وبمجرد ما انفتح الباب انصدمت وحست بشعور غريب وهي تشوف الانسانه اللي واقفه مي وهي تحاول تتكلم بشكل طبيعي:.مين انتي!! ابتسمت وحركت شعرها الأشقر :.انا صديقه مشعل ! مي باستغراب:.بس مشعل ماعنده صديقات بنات! استغربت وعقدت حواجبها:.لم افهم؟ وبهالحظه طلع مشعل وبمجرد ما شاف مي ابتسم:.هلا والله تعالي كنا ندرس مي ببرود:.واضح انك مشغول عشان كذا بروح! لاحظ تعقيدها لحاجبها ابتسم وهو متاكد انها غارت من تلك اللي اساسا نسى وجودها بمجرد ماشاف مي:. افضى لعيونك والله تعالي ادخلي همست جيسيكا وهي تناظر مشعل وتبتسم:. تفضلي معنا مي دخلت وهي تحس ودها لو تقوم وتذبحها جلس مشعل واشر لها:.مي ارتاحي حنا قربنا نخلص مي وهي تحك حاجبها بقهر:.اساسا قلت لك بروح واضح انك مشغول معها جبسيكا وهي تبتسم:. مشعل هل هذه حبيبتك؟ مشعل وعيونه تتركز حول مي الجالسه:.اجل هذه هي اميرتي مي نزلت عيونها بالارض وما عندها القدره انها ترفع راسها وتناظره جسيكا باعجاب:.انها جميله حقاً مشعل وهو ياشر على مي:.اجل انها فعلاً جميله ولا احد يشبها ابداً مي حمر وجهها ورفعت راسها وناظرت مشعل اللي كان يبتسم وجسيكا وقفت وهي تضحك:. يجب ان اذهب بشكل سريع مشعل وعيونه على مي:.نعم من فضلك مشت جسيكا ومي وقفت ومشعل وقف معها وتقدم منها ومي رجعت لورا بإحراج بس مشعل قرب وهو يهمس:.تغارين علي؟ مي باحراج:. لازم ارجع البيت مشعل وهو يبتسم:.لا بدري مي بتوتر:. لا اساسا جيتي من البدايه غلط قرب منها بخطوه وهالمره مسكها وشدها نحوه وهو يتكلم بهدوء:. وين الغلط ما اشوفه انا مي بقهر:.لانك غبي ابتسم وهو يتاملها:.حلوه حتى بوقت غيرتك ! مي ضربت يده وبحده:.لا تستغل قلبي فاهم! مشعل:. الله يعدمني لو فكرت أستغلك مي بخوف:. بِسم الله عليك .. . . بمكان ثاني وتحديداً عند عبدالعزيز كان يدخن بشراهه ويناظر السيارات اللي تمر من جنبه تقدم منه صديقه المقرب:. ما ودك ترحم حالك من صباح ربي وانت تدخن عبدالعزيز:. خلني بحالي مالك شغل حسام بضيق:. ياخي والله ما اقدر اشوفك كذا!! عبدالعزيز بتعب: مابيدي شي اسويه حسام بشك:.انت تحب؟ عبدالعزيز تنهد:. ماهي من نصيبي ياخوي حسام وهو يمسح على ظهره:. هذا النصيب وما يصير تسوي بنفسك كذا عشان بنت عبدالعزيز:. انا ليش حبيتها !! حسام:. هذا قلبك وانت مو قادر تتحكم فيه عبدالعزيز رمى الدخان:. وش صار على سالفه زواجك ؟ حسام:.الوالده شافت لي وحده واختارتها عبدالعزيز:. وناوي تعيد تجربه الزواج؟ حسام:. والله اذا تبي الصراحه الوالده اصرت علي عبدالعزيز ببتسامه:.الله يوفقك حسام وهو يربت على كتفه:. انسى وهذا النصيب والله بيعطيك اللي احسن منها عبدالعزيز وهو يكلم نفسه:. ما بحصل احسن منها والله! حسام وقف ونفض ثوبه:.من الصبح وحنا هنا وشوف وش صار بثوبي وقف عبدالعزيز وهو يضحك بسخريه:.والله يالنظيف محد قالك تجلس معي حسام:.لو ما جلست معك بتذبح نفسك بهالدخان ابتسم عبدالعزيز وهو يحمد ربه على وجود حسام اللي دايم يساعده ويكون معه . 🌸📚 @storykaligi 🌸📚🖋 🍃🌸 🌸🍃🌸 🍃🌸🍃🌸 🌸🍃🌸🍃🌸