سند الأنثى رجل - الفصل 43 - بقلم shosho - مكتملة | روايتك

شافت لمعاد ، وفي لحظة جرأة مملوءة بخوف وحب مكسور ، شدت يد معاد معاد شافلها ومش متوقع ردة فعلها تكون هكي كانت يدها ترعش ضغط عليها ،محاولة منه يحسسها بالآمان اما حسن فقعد يشوف ليديهم ، ركب الدرجات وقاعد يشوفلهم نرجس قلبها يدق بقوة ، ودموعها بتنزل وترعش وكاانها هي الي مرتكبة الخطأ حسن خطم من جنبهم وقاعد يشوفلهم بنظرات غريبة نرجس اول ماخطم وشمت ريحته ، غمضت عيوونها بقووة ونزلت منها دمعه معاد شافها ، مد يده ومسحلها دمعتها : هي نرجس نرجس شافتله بنظرة حزينه ، وجت بتفك يدها ، شدها معاد اكثر ، قعدت تشوفله وعيونهم في عيون بعض معاد كان يشوفلها بكل حب وحنيه وعيونه تحمل هلبا معاني ، وفي نفس الوقت بخاطر مكسور اما نرجس كانت تحكيله في عيونها قداش هي حزينه ومحتاجة قلب حنون زيه ،كانت تحكيله على مدى الالم الي حساته مع حسن ، كانت تحكيله قداش هي ضعيفه ومتألمه معاد ابتسم : هي نرجوسة نرجس : نشوف اخواتي معاد :نراجوهم اهني مش مشكلة نرجس شافتله شوية ، بعدها امشت معاه قعمزو في مكان قريب من سيارة نورس معاد يحاول يغير الموضوع : بتجو عندنا اليوم صح في الغدي ، باه اهو نمشو من توا على طول علاش تروحو للحوش وبعدها اتعبو روحكم نرجس شافتله بنظرة حزينه : معاد اسفه اني بنت كااني ااستغليتك اني طول عمري نفكر فيك زي خوي ومش اكثر ولما شفت حسن مش عارفه بديت كااني ننتقم منه علي حسابك ، معاد سامحني اسفة انت زي خوي وكنت ليا افضل من الاخ بجد اسفة معاد قعد يشوفلها وساكت ، لدرجة لاحظت الدموع الي متجمعات في عيونه احني طلعنا شفناهم مع بعض ، قربنا منهم نرجس ووقفت وجاية جهتنا وتشوف لمعاد بنظرة حزينه معاد وقف وامشي من غير مايحكي ولاكلمة ، ركب سيارته وولعها وامشي نوال شافت لنرجس : شن في ؟ ، واشرت جهة المستشفى : كااني لمحت الدراه الكبد هداكا خاش للمستشفى نرجس قعدت تبكي : اني شن درت اني غبيه اني شن درت بس اني : شن في شن درتي اهدي بس نرجس تبكي : اني غبية اني حمارة اني اني حضنتها وقعدت نهدي فيها نورس ونوال شافو لبعض نوال بصوت واطي لنورس وبغيض : اكيد هداكا اشبح شن دارلها ، ولفت ولت للمستشفى نورس لحقتها تجري : نوال اوقفيي نوال ماشية تجري جهة المستشفى ، وهي بروحها ترعش بس تتظاهر بالقوة نورس وراها خايفه تتهور نرجس قعدت تبكي اكثر ، قعدت حاضنتها اكثر ونهدي فيها نورس لحقت نوال وشدتها من يدها : وين ماشية انتي هبلتي معاش فيك عاقل شن ماشية بتقوليله ترا علاش سيبت اختي نوال :اطلقيني بس تو تعرفي شن بنقوله نورس : ريحي روحك اختي مش مطوحة ليه نوال :لاماهو يااكل كلمات علي راسه باش مايتماداش ، اطلقييييني بس ونزال كيف حولت يدها من نورس ،تقيم عينها تشوف حسن ماشي جهة نرجس نوال مشتله تجري وقفت قدامه ،وهي ترعش وتحاول تكون قوية وبغضب :انتت شنوو حسن وقف قعد يشوفلها باستغراب : نعم نوال :جلم يلوي لسانك ، انت شنو قوولي انت شنو حسن مستغرب : كنك ؟؟ ان شاء الله خير ؟؟ شن تبي مني ؟؟ نورس وقفت جنب نوال : معليشي سامحنا ، نوال تعالي حسن : لحظة لحظة انتي نوال اخت نرجس نوال : مش مهم اني مني المهم انتي تباعد من طريقها يكفيها ماجاها منك حسن : هي تعرف ان اني قاعد نحبها نوال : شن الي قاعد تحبها بالله عليك ماتخلينيش نرتكب جريمه ، اي حب الي تحكي عليه اي حب الي يخليك تمشي تخطب من وراها ومخليها مشغولة عليك ومعلقه فيك اييي حب حسن : اني نتفاهم مع نرجس مش معاك انتي نوال : شن بتتفاهم مع نرجس بتخدعها بكلمتين وبترجعها ليك صح والا زي مااخدعتها المرة الي فاتت شن وظيفتك انت غير الكذب والخداع حسن : اسمعي اني قاعد محترمك ماتتعديش حدودك نوال بااستهزاء : واااو خفت ، وبجدية : اني نبهتك الي فيه اختي مكفيها تباعد افضلك ،ولفت وامشت نورس امشت وراها وتسب وتلعن فيها : حماارة انتي علاش مكلمتيه ، اصلا الشكل هدا مايكلموشي مش لازم الفضيحة هادي الي درتيها شوفي الناس يشوفولنا نوال وقفت وتلفتتلها : حقير مستفز نورس :انتي اصلا علاش ماشيتيله من الاول هكي ديما انتي تحبي تديري الي في راسك نوال : لما نشوف في حالة نرجس معاش نقدر نشد روحي الحيوان هداا بكل وقاحة جاي يقولي هي تعرف ان اني مزال نحبها ، وانتي تعرفي اختك عبيطة لو يقوللها نحبك ترجعله نورس : لا مش حترجعله لان نرجس توجعت منه بما فيه الكفاية نوال شافت القت حسن يشوفلهم ، عطاته نظره حادة ولفت وامشت هي ونورس بعد هدت نرجس ركبنا للسيارة وروحنا لحوش خالتي على طول ، مكلمتنا انه نتغدى عندها اليوم قاعدين نوتو معاها في الغدي في المطبخ اني : حجزتيها الكوافيرة والا قاعدة فاتحة فمك سارة : مش عارفه معاش شفتها اني : بجديات انتي والا تبصري امتى بتحجزي كان مزال اسبوعين بس خيرك سارة : مش عارفه بعد مرضت خالتي معاش دورت ومعاش طلعت من المستشفى نروح طول للحوش اني بحزن : سارة صح ماما مريضة وتاعبه لكن مش حترضى انك تنسي عرسك ونفسك وبعدين معتصم بيراجيك هكي ، بري خفي روحك واحجزي وديري عرسك وافرحي سارة : في رايك ان نقدر نفرح وخالتي مريضة وتتالم يانسيبة اني خقتني العبرة : بس ماما حتفرح هلبا بفرحك، هي كل يوم تقعد تقولي علي عرسك انتي وعرس نورس ونوال تبيه في نفس الموعد ،مع انهم لاحجزو ولاامشينا شرينا شي ، بس ماما تبيه في نفس التوقيت قالت مش مسامحتكم كان تأجلوه نورس قعدت تبكي : مش عارفه كيف ماما تبينا نفرحو من غيرها والا اني ندير عرس وامي مريضة والله مانقدر اني نحكي وغصة في قلبي : باش تفرحوها يمكن بعد تشوف بناتها بفليووات وفرحانات هي تتغير نفسيتها وتفرح شوية نورس : نسيبة راهو العرس مزال عليه 3 اسابيع بس خيرك امتى بنحجز وامتى بنوتي ومااشريتش حتى حاجة اني : الصالة ساهلة الكوافير ان شاء الله نحصلو انتو بس انوو انه تبو تفرحو ماما وباذن الله كل شي ساهل نورس : وحوايج مااشريت شي ع الاقل نوال شارية شوية حاجات بس اني مش شارية شي اني : نطلعو من غدوة وندورو والله لو ماما تقولولها غدوة حتفرح هلبا وان شاء الله تتعدل نفسيتها ، الدكتور قاللنا نص علاجها مربوط بنفسيتها سارة : هي خالتي نفسيتها متحطمة بكل وخاصه اليومين الاخيرات هادو في البداية مااشاء الله بعد شعرها طاح تحسيها زادت اني بصوت مخنوق : ايه هدا علاش اني مانبيكمش تأجلو فرحكم علي خاطرها بس نبيها تفرح وتنسى شوية نورس : شكلي ظلمت عدنان اني : علاش نورس : تعاركت اني وياه ، هو كلمني قعد يقولي هيا اطلعي ووتي روحك الحوش كملت فيه كل شي وقالي مزاله الصالون ودار النوم ، قعد يقولي هيا وفرحي امك ، اني حسيته كاانه يفكر في نفسه بس كاانه مش حاس باالي اني فيه ، حسيته مش حاس باالمي علي ماما قعد يقولي مش قصدي هكي اني علي امك واني معاش بيت نسمعله سكرت عليه سارة : غبيه وعبيطة اني : والله فعلا غبية نورس : شن ندير والله مضغوطة ، نحس كل هموم الدنيا علي قلبي وقت نشوف ماما كيف تتوجع من العلاج ، يجي هو بكل بساطة يقولي هيا دوري للعرس اني : وحتى لو كان يقصد نفسه او يفكر في نفسه هدا من حقه ياانورس اصلا نورس : شن هو الي من حقه يانسيبة اني : من حقه ايه يانورس لكن ماتقوليش عدنان مش مدور ماما راهو ، والله عدنان وايمن وبالذات ايمن واقفين مع ماما كاانه امهم ، واهو نقولك اني ماما قالتلي كلمت عدنان وقلتله اقنع نورس تديرو عرسكم نبي نفرح بيكم نورس سكتت وقعدت تشوفلي اني كملت : ها شن قلتو سارة : باه لكن مانعرفش اما كوافيره نمشيلها اني : بتاع عرسي اني والا الي دارتلك في بيانك ، وحتى انتي نورس احجزو من توا نوال خشت : في شن بتحجزو اني قعدت نحكيلها ونقنع فيهم علشان خاطر ماما ووافقو في الاخير وقررنا من غدوة نبدو نطلعو نشرو وفعلا من تاني يوم طلعت اني ونورس ونوال وحتى سارة معانا وقعدو يشروو ماما فرحت هلبا انهم وافقو وروحنا على طول عندها للمستشفى ماما مبتسمة :مااشاء الله وحجزتي انتي ياسارة سارة : ايه حجزت الحمد لله حصلت ومعاش مزالي هلبا حاجات ماما : ربي يكمل عليك بالخير ان شاء الله سارة : ان شاء الله وتروحي انتي بالسلامه ونفرحو بشفاك ماما :ان شاء الله اني : اني ظهري خلاص اووف وينه وليد عطل ماما : امتدي ع الكنبة من بين ماجي اني : معاش نقدر انوض بعدها وشوية وطق الباب خش وليد : السلااام عليكم اني : وعليكم السلام هيا واخيرا وليد : الطريق زحمة ، شن حالك اليوم عمتي ماما :الحمد لله بخير وانت كيف حالك وحال اميمتك وليد :بخير الحمد لله والله ،هي امالا نستاذنوكم ماما : في حفظ الله ردو بالكم من الطريق وليد : ان شاء الله هي السلام عليكم كلهم : وعليكم السلام طلعنا وليد شد يدي : شن تعبتي اني : بكل مشينا هلبا اعييت وليد : ناخدو موعد عند الدكتورة اني : تو نشوفها غدوة نتصل بيها وهكي امشت الايام نوتو للعرس ماما مستمرة في العلاج كل يوم نحسها تذبل اكثر ، كل مانمشي نشوفها نروح دمعتي علي خدي من شكلها فاتت الايام لعند عرس سارة اليوم حفله سارة ، دارت حفله بس علشان ماما + كيف مروحة من عند ماما خشيت للحوش وليد : خلاص يانوسة ماوقفتيش بكي من لما طلعنا من غادي اني قعدت نبكي اكثر : مش متخيلة الي صاير لماما ياوليد ، كيف كانت قبل شهر بس ياوليد بكامل صحتها وليد حضني : ربي يشفيها ياحبيبتي ادعيلها بس ماينفعش هدا كله اني : يارب يارب وليد شدني من يدي : تعالي اغسلي وجهك اني دموعي ينزلو اكثر كل مانتفكر ماما كيف كانت وليد :هيا عاد نووسة بطلي بكي ، وغسلي وجهي وبعدها نشفهولي بالفوطة اني نمشي معاه وخلاص وعقلي مش فيا وليد قعمزني ع الصالون وقعمز جنبي : نطلعو نتغدو برا شن رايك ؟ اني شفتله : عادي وليد : هيا به نوضي وتي روحك اني قعدت نشوفله ، وجت صورة ماما قدام عيني ، تعبو عيوني دموع تاني وليد جبدني وحضني : نوستي حبيبتي تعوذي من الشطان اني شديت في تيشرته وقعدت نبكي اكثر حسيت شي غام علي قلبي ، ماقدرتش نرتاح الا بعد بكيت ، حسيت نفسي ارتحت شوية واني في حضنه ومع كلماته الي تبت فيا راحة وامان ديما ماحسيتش بنفسي الا واخدني النوم وهو حاضني وليد طبس القاني راقدة قعد يضحك ، بعدها وساني علي الكنبة ، غطاني وقعمز جنبي اما في حوش خالتي كانو خواتي غادي ويساعدو فيهم نرجس مقعمزة وسرحانه معاد خش ، وكيف بيتكلم شافلها كيف مقعمزة وسرحانه ، سرح فيها شوية ، بعدها خش لداره وماباش يتكلم نرجس فاقت من سرحتها علي تسكيرة الباب ، وقفت وقدمت بتردد جهة داره ، طقطقت ووخرت معاد فتح الدار : هاا ، وسكت في نص كلامه لما القي نرجس نرجس بتردد : ممكن نتكلم معاك شوية معاد قعد يشوفلها ، وفتح باب الدار بمعنى خشي نرجس : لالا تعالى اهني في وسط الحوش معاد : باه ، وطلع وسكر باب داره قعمز ع الصالون ويشوفلها نرجس قعمزت جنبه : معاد اني نبي نتاسف علي الي صار هداكا اليوم عارفه زعلان مني ، عارفه تصرفي كان غلط مااحترمتش مشاعرك معاد كيف بيتكلم نرجس : خليني نكمل ، اني مانكذبش عليك ونقولك معاش نفكر في حسن او معاش نحبه او معاش نبكي عليه كل يوم ، بس انت وقفت جنبي هلبا ، معاد ساعدني ننساه ، ساعدني ننسى حبه ، ساعدني معاش نبكي كل ليلة ،وتعبو عيونها دموع معاد قعد يشوفلها ومش قادر ينطق بكلمه نرجس : انت تقول توا ان اني انانية صح ، انت تقول ان اني مش محترمه ولامقدرة مشاعرك ، اكيد حتفكر فيا انسانه ماعندهاش قلب وماتحسش ، بس اني قلبي من كثر وجع الحب معاش قعد يحس في شي تاني ، ساعدني نرجع قلبي منه ساعدني معاد ، وقعدت تبكي معاد مسح دموعها بسرعه ، وشد يديها بين يديه الزوز : نساعدك بس بشرط واحد نرجس شافتله : شن هو ؟ معاد غمزلها وبضحكة : تمشي معاي لمكان توا نرجس بااستغراب : لويين ؟؟ معاد شاف للساعه : شوفي هي توا الساعه 12 يعني الحفلة مزاااال ، نحطو سارة في المزين وبعدها نمشو نرجس : احني الزوز بس قصدك معاد : ايه نرجس : لالا مانقدرش ولين نقول لماما معاد : نقولو لاامي غييير هياا ماتسكريهاش نرجس : ويين باه معاد : انتي قولي باهي من غير اسئلة نرجس : بس .. معاد قاطعها : مابسش مش حنعطلو بنرفعك لمكان بس متاكد حيعجبك نرجس : باه نسالو خالتي معاد شدها من يدها : هيا وامشي وهو شاد في يدها لين وصلو في خالتي خالتي من قبل مايتكلمو : معااااد انت قاعد اهني من بيييجييب الكيكة معاد : اهوو بنمشي بنحط سارة مرة وحدة وبتمشي معاي نرجس خالتي : وعلاااش معاد : تي غير ياامي من غير اسئلة تسايرني في الطريق خالتي قعدت تشوفله بنظرة ع الجنب معاد : ماتبي شي تاني خالتي : لالا جيب الكيكة بس معاد مبتسم :حااضر ، وطلع وهو شاد يد نرجس ويمشي بيها نرجس : معاد استنى قاطعها معاد :اسس بس ، وماشي بيها جهة الباب فتحت الباب ونازل وشاد يدها نرجس : يامعااد اصبر معاد : اسكتي وكل مابتحكي هكي يسكتها ، نزل الدروج ، ولما بيفتح الباب الخارجي نرجس وقفت وقعدت تجبد في يدها معاد شافلها : خيررك ، وان شاء الله كنتي ناوية تطلعي هكي نرجس : ماهو اصلا انت ماخليتنيش ندووي كنت بنلبس عباييتي وانت تجبد فيا من يدي معاد : ههههههه ياغبية علاش ماتقوليش نرجس : تي كل مانتكلم تقولي اسكتي ، تو شن بيركبني تاني معاد : نقيمك نرجس : لا شكراا معاد : هياا باه اركبي فيسع نراجيك في السيارة ، وقولي لسارة هيااا ليا ساعه نراجي فيها نرجس ركبت فوق ، لبست عبايتها وكلمت سارة وطلعو الزوز حطو سارة بالمزين وبعدها امشو هما الزوز نرجس : ماتبيش تقول وين ماشيين لينا ساعه في الطريق معاد : اهوو وصلنا نرجس شافت من الروشن وباستغراب : بحر معاد نزل وفتحلها الباب ، نزلت نرجس وتشوف للمكان كان مكان هادي وحلو ، رغم فيه نسمه مصقعه بس كان منعش قدمت نرجس وتشم في ريحة البحر : حلوو معاد : مزال ماشفتيش المكان انتي نرجس : في مكان تاني احلى من البحر معاد :ايه تعالي ومشي معاد ونرجس وراه لحد ماوصلو لمكان عالي شوية ، وفيه رشاد حلو هلبا وهاديء نرجس قدمت وهي مبتسمه ، وفجأة وقفت تلاشت الابتسامه من علي وجهها وقعدت تشوف للمكان يشبه المكان الي اول مرة شافاته فيه ، الي اول مرة سمعتاه وهو يعزف ، اول مرة قلبها يدق بحب لشخص من غير ماتعرفه قعدت واقفه وتشوف وعيونها تعبو دموع معاد قعمز وهو مبتسم : شن رايك ، وشافلها باستغراب : خيرك نرجس شافتله بعيون معبيه دموع ، ووخرت معاد وقف وقرب منها ومستغرب : شن في خيرك ، نرجس تكلمي ماتهبلينيش نرجس قريب تبكي : خلينا نمشو لمكان تاني معاد : خيرك ماعجبكش ، باه نمشو قوليلي خيرك بس نرجس نزلت دمعتها : ارفعني من اهني معاد بالله عليك معاد قرب وعلامات الخوف والاستغراب علي وجهه : باه حاضر نمشو ، وشد يدها وولو للسيارة مدلها ميه : خودي اشربي ، باهي معاش تبكي خلاص تو نروحو باهي ، نرجس نرجس تبكي : عارف المكان هدا بيش يذكرني معاد : بشنو نرجس : بأول مرة خانني قلبي فيها ودقله ، اول مرة نسمعه يعزف ، أول مرة شفته فيها شخصية حزينه وغامضة ، عيونه العسلية تخفي هلبا اشياء معاد قعد يشوفلها ومش عارف شن يحكي وفي كل كلمة تقول فيها نرجس كاانه من يطعن فيه بموس في قلبه نرجس كملت : المكان نوض في داخلي مشاعر وجروح ليا فترة نحاول نخفيها وندسها معاد لفت وجهه للجهة التانية ومخنوق نرجس قعدت تبكي ولفتت وجهها لجهة الروشن معاد بصوت مخنوق : نرجس انتي الي مزال تبيه انتي الي مزال متشبته فيه تقووليلي ساعدني ننسى وكل مانديرر حاجة تقوليلي تذكرت اكثر ، وولع السيارة وهو متكنطي ويحاول يكتم غضبه نرجس تبكي وساكته ، ماتقدرش تنكر كلامه معاد قعد يسوق بسرعه وساكت ، وفجأة درس ، وتلفت لجهة نرجس : شووفي اخر مرة حنسالك يانرجس نرجس شافتله وهي تمسح في دموعها : شنو معاد : تبي ترجعيله يانرجس ؟ ماتبيش تعطي لنفسك فرصة تنسي ؟ قوليلي من توا نرجس : مش بيدي يامعاد نحببه معاد : انتي بيدك كل شي ، كنتي لما شفتي المكان بدل ماتقعدي تتفكري فيه وتبكي عليه لان المكان يذكرك بيه كنتي فكرتي بطريقه تانية نرجس : كيف معاد : كنتي فكرتي انه ممكن ربي رايدلك تنهي الي في قلبك من نفس المكان الي جمعك بيه وتبدي حياة جديدة من غيره كنتي تقدري تفكري بااجابية بدل الدموع الي قاعدة تنزلي فيهم ليل نهار علي خاطره وهو عايش حياااته نرجس نزلت راسها وسكتت ودموعها ينزلو معاد بتردد مد يده قاملها وجهها ، وبصوابعه مسحلها دموعها نرجس شافتله : اوك معاد : شنو اوك نرجس : حنعطي لنفسي فرصة تانية بس مانبيش الفرصة هادي يكون فيها اي شي يذكرني بيه اي مكان جمعني بيه معاد : كيف ماتبي نرجس رسمت ابتسامه علي وجهها معاد ابتسم لااراديا وقعد يشوفلها نرجس : هههههه بنقعدو واقفين في نص الطريق هكي معاد : ههه ها لالا باهي وين نمشو مزال الوقت نرجس : رغم ان عارفه خالتي تسحن علينا توا لكن جعانه وكلني قبل معاد : حااضر في مطعم مليح تو نمشوله نرجس ابتسمت :اووك ،، فتحت عيوني القيت روحي ع الكنبة ، قمت عيوني شفتله راقد وهو مقعمز ، ابتسمت ونضت قعمزت قعدت نشوفله ومبتسمه ، حولت شعره الي نازل علي جبهته فاق من لمسه يدي علي وجهه ، ابتسم ، وبصوت معبي نوم : صحة النووم ياكسولة اني : ههه مانعرفش كيف رقدت وليد قعمز : كنتي تبكي فجأة خداك النوم "ولاتنام انثى في حضن رجل الا لشعورها بأمان لاتشعر بيه في مكان أخر" اني :هههههه ليش مانوضتني حي عليا تأخرت امتى بنوتي روحي للحفله وليد : والله شن نديرلك انتي خميرة نوم ، تي كنتي فايقه وتبكي فجأة القيتك راقدة اني حطيت راسي علي كتفه : مزال خاطري نرقد وليد : تبي الحق والله حتى اني جعااان نووم اني : اني جعانه نوم وجعانه ماكلة هههه وليد : ههههه تو نجيب غدي وبعدها نروح نحصل نومه لعند ماتوتي روحك اني : لاا ترقدش ساعدني وليد شافلي بااستغراب : في شن بنساعدك ، والا بالك تبيني نستشورلك شعرك والا نديرلك مكياج والا شن المطلوب مني بالزبط اني : هههههههه الله بعدها تقعد احسن زوج في الدنيا كلها وليد : ههههه حتى اني هكي احسن زوج اني : ههههه ياعيني ياثقه وليد : هي خلي انوض طلع وليد واني قعدت نوتي في روحي للحفله صح فرحت لسارة هلبا بس في غصة في داخلي في حزن منغص الفرحة ، في خوف يلاحق فيا مشي الوقت بسرعه قاعدين في الصالة سارة بتوتر : حلوة نسيبة بالله عليك قولي الحق اني : المرة المليون هادي الي تسالي فيا شييينه هكي تبي سارة : بري ياباردة ،لكن حلو قفطانك اني : ذوووق وليييد سارة تقلد فيا : ذوق ولييييد ياعييني اني : انتي غير الهي بعزوزتك شوفيها كيف تشووفلك هههههه سارة : اسكتي بالله عليك ماتذكريني ماحسبتهاش بتبدا في وعارتها من اول يوم اني : هههههه دايره حرب للعاملات الي في المطبخ خشيت درت دورة هربت سارة : اني هدا علاش مانبيش جو العرس المشترك اني : يلا ربي يكون في عونك ياحنه وسعي بالك ومع الوقت تو تحبك سارة : مش باين انها حتحبني يستر الله اني : لالا باذن الله تو تحبك لما معاملتك تكون معاها كويسة وحتى لوقالتلك كلمة ماترديش وماتسمعش منك الا كلمة حاضر سارة : درتيلي حتى انتي زي ماما تي اني مشكلتي لساني احرف شن ندير مانتحملش اني : تحملي علي خاطر معتصم الي يحبك سارة : حتى اني علي خاطره يعني هي اصلا حتى لما كلمتني ماخلت ماقالتلي بس ماعدلتش وحتى معتصم مااحكيتلاشي اني قعمزت جنبها : كيف امتى كلماتك ماحكيتيليش سارة :في فترة مرض خالتي ماهو هدا علاش ماحكيتلكش يعني اسبوعين قبل العرس قصدي جو ماتشرطيش هلبا حاجات ومش لازم تحطي تكلفه المزين والفيلو علي ولدي وولدي ياسر دارلك حوش هكي كبره وبمعنى بعد العرس مش تاخديه مني كل يوم لازم يجي يفطر عندي ومن هالدوة اني مصدومة : جدياات مش معقولة الصراحة سارة : حتى اني لما كلمتني قعدت مصدومة ، مابيتش نحكي لمعتصم قلت مرات عندها حق ولد واحد وخايفه معاش يعدل عليها وتشوف فيا اني اخديته منها فعاذرتها يعني اني : احسن مادرتي انك ماحكيتيش لمعتصم وقاطع دوتنا اخت معتصم : هيا ياكنتنا معتصم جي سارة قلبها بدي يدق بقوة وشافتلي بتوتر اني ابتسمتلها وغمزتلها وقفت سارة ، وخش معتصم كانو الزوز طالعين علي بعض الزوز يهبلو فرحتلهم هلبا ، وصورتهم هلبا صور علشان نوريهم لماما مر اسبوع وجي اسبوع عرس نوال ونورس الدكتور سمح لماما تطلع اسبوع من المستشفى علي خاطر العرس فرحنا هلبا ونورس ونوال فرحو اكثر صح ماما مريضة وتاعبة بس وجودها في الحوش مفرحنا هلبا ورجع نوره من جديد اليوم فاتحة نوال نوال فرحتها واضحة علي وجهها ، حلو شعور لما حب حياتك حيكون حلالك طول العمر وحتى فرحة نورس ماتقلش علي نوال اني : اني بنتغدا مع ماما نورس : عينك اني بنتغدا معاها نوال : لاانتي لاهي اني بنقعمز مع ماما احسبيني اني ياخالتي اني : غير احلمي انتي وهي اني اختكم الكبيرة لازم تسمعو كلامي وطلعنا احني التلاته نبو نسبقو جنب ماما ، وصلنا وقعدنا واقفين ونشوفو لنرجس الي مقعمزة جنب ماما بكاشيكها نوال : نوضي اني جنب ماما نرجس اشرت بالكاشيك : سبقت اني اني قعمزت جنبها من الجهة التانيه : ماما انتي قولي من تبي جنبك ماما : كلكم ماعنديش فرق فيكم اني : لاياماما ماهو خالتي بتحسب وحدة بس معاك ماما : قوليلها تحسبكم الاربعه اني بست علي راسها : ربي يخليك لينا وفعلا اكلينا احني الاربعه مع ماما واحني نضمو في الاماعين في المطبخ مرت عمي وخالتي يهدرزو مرت عمي : ايه اني عندي 3 اولاد خطبت لواحد توا خالتي : باه ماشاء الله خطبتي للكبير مرت عمي : لاوالله الكبير مزال مسكر راسه خطبت للتاني عبد المنعم ، وانتي بنياتك خالتي : وحدة تزوجت من اسبوع بس عرسها والتانيه لا كل الي في المطبخ سمعنا كلام مرت عمي ، كلنا شفنا لعليا ، مافيناش وحدة كانت متوقعة انه سيبو بعض كنا نحسابو سوء تفاهم مش اكثر عليا سمعت ، بس قدرت في لحظتها تمسك نفسها وتتظاهر باللامبالاة : خيركم تشوفولي هكي ، هياا انتي وياها كملوو خلو نوتو روحنا راهو الفاتحة قريب رويدة بنت عمي كانت مقعمزة معانا في المطبخ : معليشي عليا بنسالك عليا شافتلها وقلبها دق بقوة : شنو رويدة : احني مرة عبد المنعم جي قال نبي عليا وبعدها غير رايه واخطب رنا عليا كاانه من صب عليها ميه سخونه ،اول شي لانها سالتها قدامنا انحرجت هلبا ، وزادت وقت سمعت انه خطب رنا ، للحظة سرحت وخنقتها العبرة ومعاش قدرت ترد رويدة : الووو وين امشيتي ههههه عليا بنبرة واثقه : لانه لما قاللكم انه يبي يخطبني مااسالنيش قبلها واني كنت رافضة الموضوع فبعدها اني قلتله مش موافقه رويدة : وعلاش ياحنه مش موافقه والا عندك موضوع تاني في راسك عليا حولت عيونها من رويدة ، جت عينها في عيني ،قعدت نشوفلها بخوف وقلق ، في اللمحة هاديكا قدرت نشوف مدى الحزن من الدموع الي معبية عيونها عليا ردت عيونها لرويدة من جديد : ايه عندي موضوع تاني رويدة عوجت شواربها وكيف بتتكلم عليا : والي هو قرايتي وحلمي وحلم بابا الله يرحمه انه يشوفني دكتورة رويدة : واهو حتى خوي دكتور واكيد مش حيحرمك من القراية قصدي ماتديريش في بالك ان اني نبيك توافقي علي خوي رااهو لانه اصلا خاطب توا وختى خطيبته قاللها عادي اصلا قراية وخدمة عليا : باه ربي يهنيهم ، وقلبت وجهها للجهة التانية تضم رويدة ناضت وطلعت من المطبخ ومافيناش وحدة قدرت تكلم عليا ولا تسالها ، لان كل وحدة فينا حطت نفسها في مكانها عليا : اني بنمشي نصلي الظهر نسيته تعرفو ، كملو تو نلحق عليكم ، وطلعت من المطبخ نورس :سخفتني شوفتو كيف عيونها معبيات دموع اني : ربي يصبرها واعرة والله نوال : بس عجبتني وقت ردت علي رويدة بكل ثقة ، مرض الباردة هادي بلعاني سرور : اصلا واضح عليها سوسة بنت عمكم ، لكن هي علاش ماوافقتش عليه قصدي مادام زي ماتقولو تبيه وتحبه اني : الي سمعتيه قالاته لرويدة نفسه قالتهولنا اما عليا فخشت للحمام على طول ، واول ماسكرت الباب دموعها نزلو ، تبكي بحسرة والم ، تبكي علي حب تشوف في نفسها ضيعاته بيديها اذن العصر وقعدنا نراجو امتى يقولولنا اقرو الفاتحة لحد ماشرين فوني قمته القيته "سندي" رديت على طول : ايوا حبيبي وليد : اقري الفاتحة باركيلي لنوال اني لااراديا : رورورورورورورروري وليد : هههههه يامهبولة ودني لما سمعو زغروتتي عرفو انه الفاتحة انقرت ، وانقلب الحوش زغاريط ويسلمو يباركو لنوال ماما حاضنه نوال وتبكي :مبرووك يابنيتي ربي يهنيك ردي بالك من راجلك واسمعي كلامه في كل شي نوال تمسح في دموعها : حاضر ياماما ماما تبكي لين دهشت خالتي : صلي ع النبي يانادية ربي يهنيهم ان شاء الله ماما: ان شاء الله ياوخيتي ان شاء الله عمتي : عقبال لنرجوسة ان شاء الله نرجس : لالا اني مانبيش نتزوج بنقعد طول عمري نعيش مع ماما ونخدمها بس نورس قعدت تبكي نوال : فاتحتي اني راهو هي نورس تبكي من جدها : اسكتي تذكرت لما انقرت فاتحتي تحسي روحك خلاص وليت علي ذمة راجل وبتطلعي من الحوش الي تربيتي فيه من لما صغيرة وعشتي فيه نوال : والله حق مصتصعبتها الطلعه ونخلي ماما اني : صح واعرة هي راهو لكن بعد تتزوجي وتقعدي في حوش راجلك حتحبي الحوش الثاني اكثر وماتلقيش راحتك الا فيه مشي الوقت ومشو اليومين وجي يوم الحفلة الاتنين طلعو يهبلو كانت حفله حلوة زي العرسان كل واحد خدي عروسته وروحو محمود : خشي برجلك اليمين نوال خشت وحولت الكاب من علي راسها : اووف نغميت محمود قعد يساعد فيها يحول في الكاب : كان معاش تقولي اوف بس نوال : حبيبي معاش تركز هلبا محمود شافلها كان بيرد عليها بس للحظة انسته فيها وقعد يشوفلها وسرحان نوال ابتسمت ونزلت راسها وشادة ضحكتها علي شكله كيف سرحان فيها محمود شد وجهها بين يديه وباس علي راسها + "وماأجمل حكاية بدأت بصدفة وانتهت بفستان أبيض وبدلة سوداء ، هي حكاية لم تنتهي بعد بل هي بداية لحب تحت سقف الحلال " + نورس مقعمزة ومتخزرطة متحشمه قريب يغمى عليها عدنان قعمز جنبها : هي احم احم ، شن الجو نورس بصوت يادوب طالع : تمام عدنان : انتي خيرك خاشة بعضك ، ماتخافيش نورس : نبي ميه عدنان : حاضر هي ، صبلها ميه ومدهالها : صحة نورس : سلمك عدنان : هي انوضو نصلو نورس : ساعدني بتحويل التسريحة قبل عدنان : هي حاضر + "وكن لي عونا وسندا يازوجي يامن وجدت فيك صفات اب قد فقدته ووجدت فيك الاخ الذي لم يكن لي يوما ووجدت فيك صفات الحبيب الوفي " ومرت من اجمل الليالي علي العرسان طلع يوم صبح جديد كنت بايته مع ماما اني ونرجس ، رقدنا احني الاتنين جنبها هداكا اليوم ، وكااننا كنا حسينا انه ممكن يكون اخر حضن لينا ، كان حضن دافي ورقدنا بكل امان وراحة فقت الصبح القيت نرجس وماما قاعدين راقدين ، حاولت نطلع من الدار من غير ماندير صوت قابلتني خالتي : صباح الخير اني : صبااحوو ورد خالتي : رايقه ماشاء الله اني : ههههه ايه خالتي : هي امالا تعالي ديري معاي الفطور اني : حاضر هي ندوش بس ونجيك كملت دوش ونزلت نوتي في الفطور مع خالتي كنت فرحانه وجوي حلو ونراجي في وليد باش بنروح لحوشي خالتي : هي نوضي نرجس وسرور خلي يجو يفطرو اني : هي حاضر ، واني كيف راكبة القيت نرجس نازلة : صباح الخير ماناضتش ماما نرجس : صباح النور ، لالا قلت اكيد تعبانه مابيتش انوضها اني ركبت نوضت سرور ، وبعدها خشيت لدار ماما ، قعمزت ع السرير جنبها :ماما ماما ، حطيت يدي علي يدها ، كانت مصقعه ، حسيت بحاجة غمت علي قلبي ، عليت صوتي شوية : مااما مااما نوضي الفطور واتي حطيت يدي علي وجهها ، مصقع ، وقفت وقعدت نهز فيها من كتفها بالشوية : مااااماا دموعي نزلو وندعي في داخلي ، يارب مش الي في بالي ياارب احفظها ، حتنوض اهي غير شكلها تعبانه امس ومش راقدة : ماما نووضي مااامااا عيطت بااعلى صووتي وقت مالقيتش منها استجابة : ماااااااااااااااماااااااا ا في هاديكا اللحظة عرفت ان ربي اخدي امانته ، عرفت انه خدي مننا الصدر الحنون طحت علي ركابي ونبكي : ماما ماما لا ماما بالله عليك ماما نوضي بالله عليك ركبت خالتي ونرجس وسرور بسبب عيطتي خالتي اول ماخشت الدار القتني طايحة ، عيطت بالصوت العالي وقعدت تخبط علي وجهها : نااادية وووووه عليا وخيتي وخيييتي نرجس قربت من ماما ودموعها علي خدها : اسكتي ماما اهي بتنوووض ماااما ماما معاد الي كان راقد في الصالون فاق علي صوت عياطنا طلع يجري ، وركب : شن في شن في خالتي خيرها ، ولما شافنا ملتمين ونبكو انصدم وقعد واقف اني معاش قدرت نحكي من غير الدموع وكلمة ماما بس في فمي ، شديت بحاشية السرير ، نبي نوقف ، نبي انوض ماما ونساعدها توقف علي رجليها ، اليوم حتولي للمستشفى باش تكمل العلاج ، علاجها مزال في امل انه تنشفى اني مش قاطعة املي بربي ، وقفت حسيت الدنيا تلف بيا ، وخرت خطوة ومعاش حسيت بشي سرور جت تجري جهتي :نسيبة ، وتبكي : لااله الا الله ياربي ، ولقت مالقي ميه ، صبت علي وجهي فتحت عيوني ،واني قاعدة نبكي : ماما ماما معاد طلع امشي لحوش عمي يجري ، قعد يطقطق علي طلعله ويحك في عيونه : خير معاد داهش : خالتي مش عارف خيرها نبي من يرفعها معاي للعيادة علي : ان شاء الله خير معاد وعبرته خانقاته : شكله ربك خدي امانته علي : لااله الا الله وطلعو الزوز لحوشنا كانت لحظات ولاافظع ، ولت بيا الذاكرة لعزي بابا ، صوت العياط والتخبيط ، دموعي الي مش قادرة نوقفهم وحالة الصدمة الي اني فيها ،نحس بنار في داخلي ، يعني احني توا حنقعدو من غير لاأم ولاأب ، شادة يد ماما ونبكي : ماما بالله عليك نوضي ، يااربي يااربي ماتاخدش ماما ياااربي ماليناش غيرها في الدنيا ياربي ماحسيتش الا بيدين سحبو يد ماما اني قمت راسي ،وكاانه بيبي اخدو منه حاجته : ماما خلووها ماما حتفيييق حوووولووو معاد ودمعته علي خده : نسيبة وحدي الله بيجو الاسعاف بياخدوها اني وقفت : قوللهم يجو بسرعه خلي يسعفوها بالله عليك نرجس شدت في يد معاد وتبكي : ايه بالله عليك كلمهم بالله عليك قوللهم يسرعو علي لف وجهه وطلع بسرعه من الدار اما خالتي فتخبط وتعيط وسرور تحاول تهديها وهي لحظات وجو عيلة عمي وبعدهم جت سيارة الاسعاف ، ركبو المسعفين واخدو ماما اني نلف في وشاحي : راجي يامعاد بالله عليك بنمشي معاك نرجس طلعت وراه تجري : ارفعني ارفعني خالتي : اااه وخيييتي وييين امشيتي وسيبتيني سرور تبكي : اهدي ياماما اهو رفعوها الاسعاف خالتي : شن ينفع الاسعاف اختتتتييييي ماااتتتت ووه عليا وووه اني : اسكتي ياخالتي اهو بنمشو معاها للمستشفى حنروحو بيها ياخالتي اسكتي بس وطلعت ورا معاد ونرجس ، وركبنا سيارة معاد وامشينا للمستشفى ،،،، محمود يلعبلها بشعرها علي وجهها : نوال نونو يااسمحة ياحلوة حبيبي نوال غمت راسها بالمخدة محمود جبد منها المخدة : تي هيااا نوضي نوال : حبيييبي بالله عليك خليني نعسااانه محمود : افطري معاي بعدين ولي ارقدي نوال : باه نفطرو بعدين محمود : لا ماهو نبي ندخن نوال قامت راسها : شنو مش علي اساس بتسيبه محمود : ماصارليش نوال قعمزت : خدعتني انت قلتلي يوم الفاتحة وعد معاد نحطه في فم محمود : بنحطه في خشومي نوال : بارد جد نحكي محموود محمود : تيي نبصر والله سيبته نوال ابتسمت محمود سكت شوية وقرب باسها علي خدها شرين تليفون محمود نوال : تليفونك محمود: خليه مانيش راد نوال : شوف يمكن شي مهم محمود : مش حيكون في شي اهم منك نوال مدت يدها وسحبت تليفونه :وليد يتصل بيك محمود : خليه تو بعدين نكلمه نوال : حبيبي شوفه يمكن في حاجة مهمة محمود خدي منها التليفون ورد : الو وليد : اسمع محمود كان جنبك نوال حول من جنبها اني بنقولك وانت اعرف كيف تتصرف راهو امها اعطاتك عمرها محمود قعد يسمع وساكت ومصدوم ، قام عينه شاف لنوال وهو ساكت وليد ؛ اسمع تصرف طبيعي وجيبلها الموضوع بالشوية محمود : بااه حاضر هي خلاص امالا نتلاقو سلم علي امي نوال : خيره محمود بتوتر واضح : يسال بس بتجو بعدين او لا هي نوضي خلي نفطرو نوال قعدت تشوفله شوية وناضت ،،،،، معاد يسوق ويديه يرعشو : خلاص وقفو بكي خلاااص والله نردكم للحوش اصلا اني مش عارف علاش جبتكم نسيبة ماوقفتش بكي : كلمت وليد قالي انه سبقنا للمستشفى ، قاعدة نتصل بيه من بكري مايردش ياااربي ياربي نرجس : اسرع يامعاد بالله عليك معاد : اهو نجري ماتوترينيش بس وصلنا للمستشفى ونزلنا بسرعه واني نركب من الدروج عترت في الدرجة لان ماشفتهاش عيوني معبيات دموع ، قعمزت وقعدت نبكي في الارض حسيت حاجة في ظهري وليد جي يجري ، طبس وساعدني : بالشوية يانوسة بالله عليك ، شن حبيبتي تحسي اني وقفت ونمسح في دموعي : شن صار في ماما وليد بالله عليك قولي وليد لف يده عليا : تعالي نمشو للسيارة اني لين معاش قادرة نتنفس : وليد قولي بالله عليك وليد قعد لاف يده عليا ويساعد فيا ، لحد ماوصلنا للسيارة ، دخلني وليد للسيارة وقعمز جنبي + اما نرجس فخشت تجري ورا معاد ومانتبهتش حتى لحسن الي كان جاي جيهتها فتاته وخشت تجري وصلو القو اولاد عمتي واولاد عمي واقفين عبد المنعم : انا لله وانا اليه لراجعون نرجس لما سمعتها ، طاحت علي ركابها وتبكي حسن قدم جيهتها يجري ، بس وقف في النص وقت معاد طبس علي نرجس وقامها من يدها ، سندها عليه وطلعها من المستشفى حسن قعد واقف ويشوف + وليد : نوسة وحدي ربي انتي انسانه مؤمنة بالقضاء والقدر اني ولت بيا الذاكرة وقت قالولي علي وفاة بابا كانت نفس كلمات ايمن وقت قالي انتي مؤمنة بالقضاء والقدر قعدو دموعي ينزلو ونشوفله بصدمة : لا لا لا لالا ماااما لااا ماما ماااما ، وفتحت الباب وجيت نازلة وليد شدني من يدي : نوسة اهدي اني : ماما وليد ماما مش حتمشي وتسيبنا وليد حضني بقوة : ادعيلها بالرحمة ادعيلها ياحبيبتي اني شديت تيشرتها بيديا بقوة ونبكي ليش يادنيا تاخدي مننا كل الي نحبوهم ، ليش يادنيا تحرمينا من صوتهم وحنانهم ليش يادنيا تخلي في قلوبنا نار تشعل علي فرقاهم ليش يادنيا ،،،،،، نوال ومحمود بعد فطرو قعمزو في الصالة نوال حطت راسها علي كتف محمود : ماسالتش علي ماما اليوم اني مانعرفش امتى بتولي المستشفى محمود : نوال نوال : نعم ، ترا اتصل انت محمود اسال حتى نسيبة محمود : نوال انتي مؤمنة بالقضاء والقدر صح نوال حولت راسها وقعدت تشوفله محمود : تعرفي انه الاعمار بيد الله نوال : محمود تكلم شن في محمود : بصراحة بنقولك ومانبيش عياط لاشي نبيك تكوني مؤمنة بالقضاء والقدر نوال : محمود احكي خلاص صبيت الميه في ركابي ماما فيها حاجة محمود قعد يشوفلها وساكت نوال وقفت : ماما فيها حاجة والا صارتلها حاجة صح ، وامشت تجري لدار النوم تدور في تليفونها محمود : ياربي الصبر ، وامشي وراها : نوال