سند الأنثى رجل - الفصل 41 - بقلم shosho - مكتملة | روايتك

اهدت نرجس شوية بعد نوبة بكااء معاذ شدها من يدها وقعمز مقابلها : احكيلي شن فيه نرجس قعدت تمسح في دموعها وسكتت ، نزلت راسها معاد مد يدها وقاملها راسها : احكي شن في يانرجس نرجس بصوت مخنوق : حسن خطب وحدة غيري معاد :كيف كيف خطب وحدة غيرك هادي كيف نرجس طلعت تليفونها من جيبها وفتحت الفيس قعدت تدور في صفحته مالقت شي خشت علي صفحة اخته مالقتش المنشور : وين المنشور اختفي ، معاد ممكن كنت نحلم ، صح في احتمال كان حلم معاد يشوفلها وعاجز ع الكلام نرجس بفرحة أمل : شكلي كنت نحلم مافيش ولامنشور عليه مهناش الصورة ، شكله صورة بيانه حلم مش حقيقة ، معاد حسن ماتخلاش عليا والا معاد قعد يشوفلها وخلاص معاش قدر ينطق بولا كلمة علي خشة نوال للمطبخ شافتلهم باستغراب : خيركم معاش طلعتو من المطبخ ؟ معاد نزل راسه ويحس في روحه مخنوق نرجس وقفت وجت لنوال اضبطتها ، وبفرحة : طلعت نحلم يانوال حسن ماتخلاش عليا كنت نحسابه امشي لوحدة غيري نوال قرنت حواجبها وشافت لمعاد ومش فاهمه شن الي صار نرجس مبتسمه وتمسح في دموعها : لكن مش عارفه خيره مسكر تليفونه انشغلت عليه ، وشدت تجرب في رقمه نوال معاش قدرت تتحمل : انتي امتى بتفيقي لعممرك الاخ الي مشغولة عليه بيانه امس كااان استاقظي ومغيره رقمه واهووو كان تبيه استني شوية بس تو نوريهولك ، وطلعت تليفونها ومدتهولها : اهووو رقمه لو مش مصدقة اتصلي واسمعي بودنك الخاين الحقير الي مشغولة عليه هو مش معبرررك فيقي لعمممرك معاد وقف ويشوفلهم الزوز ومش قادر يتكلم نرجس علي طول دموعها نزلو : تكدبي انتي مهناش المنشور والله مش موجود ها تعالي شووفي والله ماموجود نوال : مسحه بعد ماكلمته اني وهزبته ، زيدي اقعدي املي روحك هكي القاك درويشة وطيبة وتصدقي كل شي ، وطلعت وسيبتها نرجس قعدت واقفه وتبكي ، شافت لمعاد : تكدب عليا هي والا قولي يامعاد هي تكدب والا معاد قرت منها ومعاش عرف كيف يتصرف قعد يشوفلها ومحروق عليها وخلاص ، صب طاسة ميه ومدهالها نرجس مدت يدها وترعش شدت الطاسة ، معاد لما شافها ترعش شدلها الطاسة شربها ، وبعدها قعمزها الكرسي وخلاها تبكي وتفرغ الي بداخلها اما نرجس فكانت محروقه وبداخلها نار مهما نزلت من دموع ماتطفيهاش + " وااه من عشق قد مزق قلوبنا الما وااه من عشق يجعلنا نرى من نحب في حضن غيرنا ولانستطيع التكلم وااه من شعق يجعلنا نثق بااشخاص لايستحقون وااه من عشق يجعلنا نادمين على قرارات صائبة وااه من عشق يؤلم كل قلب قد دق بابه من قبل " ،،،،،،،، السرحان مايفارقش فيه ، وطول الوقت يفكر هل الي داره صح او خطأ رجع بتفكيره لاوقات غريبة غيرتله حياته بكاملها '" وقفت عليه : تبي شي حسن مقعمز : مية بس لو سمحتي امشت جابتله ميه ومدتهاله ومبتسمه حسن شرب وشافلها : ليش قاعدة واقفه قعمزي قعمزت وعيونها عليها ماحولتهمش منه حسن : تعرفي ، وشافلها القاها سرحانه : هلوو اميرة اميرة وقاعدة شبه سرحانه : قلب اميرة نعم حسن قعد يشوفلها اميرة فاقت لروحها ونزلت عيونها حسن سرح فيها ناضت اميرة بعد نادت عليها امها وجت قعمزت جنبه امه امه : ها ياوليدي شن رايك ، وشافت لجهة اميرة الي تتباعد وضحكت حسن : في شنو امه غمزتله : في اميرة حسن قعد يضحك : كنها امه : كاانك مولي تستغبى ياولد شن رايك فيها كعروسة ليك حسن :ياامي اني جاي وعارفتيني علي شنو بنكلمك امه : وكنها اميرة زي الغزالة اسم الله عليها حسن : ياامي اني نبي هاديكا صح اميرة جميلة وممكن حتى احلى من نرجس بس اني نبي نرجس امه لوت شواربها مش عاجبها : اسمع هما كلمتين حطهم في راسك اني هاديكا مش حنعدي نخطبها ، ووقفت امشت وخلاته حسن قعد مقعمز مصدوم من كلام امه ويفكر شن حيدير "' ،،،،،، ومرت هادي الليلة علي الجميع بعض منهم فرحان وليلته مرت باامان وقلوبهم مليان حب ويستنو امتى ربي حيجمعهم تحت سقف واحد زي سارة ومعتصم والبعض مرت عليهم ليلة حزينه مليانه دموع ، ومااصعب شعور الخدلان والخيانه زي نرجس والبعض شعور الندم لايتركهم والتفكير بهل هم على صح ام خطأ زي عليا وحسن والبعض منهم كان خايف من المستقبل خايف يخسر حبه زي رنا وعبد المنعم والبعض رقد في امان وكل واحد فيهم في حضن حبيبه وهما يشوفو للمستقبل بنظرة تفائل زي نوسة ووليد هاجر وأيمن ،،،، " وياوجع ارحم قلبي من حب لاجدوى منه " تاني يوم الصبح معاد : غير ياخالتي ندير بيها دورة بس نغيرلها جو بس والله مش طايق نشوفها هكي افهميني ماما : يامعاد عارفاتك والله ماشاء الله عليك وماتبيلها الا الخير لكن غلط تطلعها بروحها معاد : ماهو سارة خليتها في الجامعه وسرور عندها امتحان تقرا من بنطلع معاها ماما سكتت شوية : امتى تروح بيها ؟ معاد بفرحة : مش حنعطلو نفطرو وندير بيها دورة ونروحو قبل الساعه 3 نكونو عندك ماما : باهي لكن ها قبل 3 تكونو اهني ورد بالك من السيارات عاد والطريق وترد بالك منها معاد طار من الفرحة : حاضر ياخالتي والله حاضر في عيوني ماما : باه خلي نمشي نشوفها ، وكيف بتنوض ماما بتركب نزلت نرجس تحك في عيونها الي معبيات نوم معاد ابتسم : صباح الخير صحة النوم نرجس استغربت في جيته : صباح النور ماما قعدت تشوف لعيون نرجس المنفوخات وواضح انها راقدة وهي تبكي : معاد يبي يطلعك ، تمشي ؟ نرجس قعمزت : لوين ماما كيف بتتكلم سبقها معاد : نفطرو هكي ونتدهور بيك شوية في المدينه مش حنعطلو ها شن رايك نرجس : ماعنديش نية يامعاد معاد :هيا بالله عليك تغيري جوك تي اني ماصدقت امك وافقت ماما قعدت تشوفلهم الزوز نرجس : بجد يامعاد والله ماعندي نية نطلع بكل عارفاتك تبي تغيرلي جوي بس صحيت خليها مرة تانيه معاد بخيبة امل : علشان خاطري نرجوسة هيا عاد والله مانعطلو وتغيري جوك نرجس سكتت معاد : هيا وتي روحك واني نستناك نرجس فكرت شوية القت روحها مش خاسرة شي : باه تمام نبدل ونجي ، وناضت ركبت معاد فرح وقعد مقعمز يراجي فيها ماما ساكته وتشوفله معاد لاحظها : خيرك ياخالتي ؟ راهو كانك مشغولة علي نرجس والله ماراح نعطلو وعد شوية بس نغيرلها جوها ماما شافتله نظرة غامضة ، وبصوت جدي : رد بالك عليها معاد : في عيوني هي ياخالتي ماما : حتى لو صارلي شي خليك ديما جنبها راهي حساسة وماتتحملش وقلبها رهيف معاد شاف لماما باستغراب : بعيد السو عليك ان شاء الله حاضر ماتخافيش عليها اني مستحيل نجرحها نخاف عليها من النسمه ماما ابتسمت وامشت من غير ماتحكي كلمة قعد معاد يراجي في نرجس امتى تنزل ويلعب بتليفونه اما نرجس فتحت الدولاب بتلبس اول ماقابلتها بلوزة سودا هدية حسن طلعتها حضنتها شمت ريحتها ، ولبستها !! وتت روحها ونزلت معاد وقف مبتسم : اووو شن الطرحات الصقع هادو نرجس ابتسمت وبصوت واطي : هدية حسن ، ووقفت للمراية تشوف لروحها معاد تلاشت الابتسامه من علي وجهه وحس كاانه من غرز في قلبه موسى وقت قالت هدية حسن ، قعد ساكت ويشوفلها واقفه ع المراية وتشوف للبلوزة وتدكر فيه وقت اهدهالها وعيونها تعبو دموع نزلت دمعه معاد شافها ، وبصوت مخنوق : هي نمشو ، احني طلعنا ياخالتي ماما : في حفظ الله ديرو بالكم علي روحكم سبق معاد نرجس فتحلها الباب خلاها تركب وسكره وراها وركب في مكانه ولع سيارة وطلع فتح اغاني ونقصهم شوية وقعد يسوق وساكت ومخنوق ويشوف للبسة نرجس ومتضايق وطايرتله نرجس : شكرا لانك ماسيبتنيش معاد نقص المسجل اكثر وشافلها : عفوا هادي حاجة ماتستاهلش شكر نرجس : بالعكس تستاهل نشكرك علي كل شي درته معاي مستحيل ننسالك شي ، وقفتك معاي ماوقفش معاي فيها حد بجد يامعاد شكرا ،كل مانقول ان اني وحيدة ومافيش حد يحس بيا ، تجي انت توقف جنبي وتكدبني في كلامي معاد ابتسملها : وحنقعد جنبك لاخر عمري نرجس : ربي يخليك ، ولفت وجهها شافت لجهة الروشن وسرحت اما معاد فكلمات نرجس فرحاته هلبا ، قعد.يسوق وهو مبتسم وطايرفرحه انا نرجس فكانت تشوف للروشن في عالم تاني ،،،،،، حسن : امي معاش نبيها اميرة امه : نعم نعم شن تقول انت لعبة امالا هي ، انت الي وافقت بروحك ماحد ضغط عليك حسن : ايه صح وافقت بس معاش نبيها ، حسبت روحي بديت نحبها لكن اني معاش نبيها امه : هني روحك الحب يجي بعد العشرة وخلاص توا درنا البيان بنحدد حتى العرس قريب ، وناضت وسيباته حسن حط وجهه بين يديه ، ويفكر ،،،،،،، هاجر : أييييييييييييييييمن أيمن انخلع : تييي خييبييرك هاجر : لييييا سااااعه انوض فيييك مش عندك خدمة نووض افطر أيمن : وهكي ينوضو الناس ماتعرفيش تنوضي بهدوء هاجر شافتله : طيح والله سعدك من بكري واني انوض ، تدلعت قلت ايمن حبيبي ياعيوني نوض ياروحي نورلي الحوش بنوضتك ، كتبت فيك شعر وانت تقول ميت ، وبدت تضم في السرير أيمن :وين معتز هاجر : في الصالة ، تي هيا نوض خلي نضم السرير أيمن قعمز : ووواااك مش عارف من الي قالي الزواج راحة ، شكله مجربش عياط الي عندي ، ووقف وماشي ويدوي : حتى التنويض مش زي الناس هاجر وقفت وشافتله : كملت والا مزال أيمن : هههه نسكت خير لانه ماتكملش الدوة هاجر : به الحمد لله عارف دوتك ماتكملش هي برا شد عزوو من بين ماحطيت الفطور أيمن : انتي يوم تاني بتخليني نرضعه بس ، حتى من شماله غيرتهوله مش عارف اني الام والا انتي هاجر : مافيهاش عيب كان ساعدتني حتى الرسول صلى الله عليه وسلم كان يعاون في زوجاته أيمن خش الحمام وخلاها تدوي هاجر تضم ومستمرة تدوي ، كملت دارها ،وطلعت حطت الفطور ع الطاولة ، وقعمزت تراجي في أيمن أيمن خش : اووو شكله فطوور مليح ، تراا مديلي ولدي نشوفه هكي هاجر مدتهوله أيمن قعد يبوس فيه ويلعب فيه هاجر قامت تليفونها وقعدت تصور فيه وبعدها : هي حبيبي هاته وافطر أيمن مدهولها وقعد يفطر شوية وصوت تليفون شرين أيمن : ترا هجورة شوفيلي هدا تليفوني هاجر شدت ولدها كويس : لالا هدا فوني امشت جاباته وجت وتشوف للرقم بخوف ممزوج باستغراب : رقم غريب أيمن حط الطاسة وشافلها : ترا اعطيني ، قعد يدقق في الرقم: هدا نفس رقم هداكا اليوم هاجر بخوف قعمزت : اما رقم أيمن رد : الوو ، منووو فصل الخط عليه هاجر قعدت تشوفله وخايفه وعيونها تعبو دموع أيمن خدي نفس ، ناض وقعمز جنبها هاجر تشوفله أيمن شدلها وجهها بين يديه ، وبصوت هادي وحنون : خيرك ترعشي هاجر : منو الرقم باهي اني مانعرفاشي أيمن قعد يشوف لعيونها اقري فيهم الصدق : تو نغيرلك شفرتك وترتاحي ومعاش يتصل ، خلاص ياروحي خيرك خايفه هاجر نزلو دموعها طول ، قعد أيمن يمسحلها فيهم : اهدي ياروحي خيرك هجوورتي هاجر حطت راسها علي صدره : وقعدت تسمع في دقات قلبه وساكته أيمن لف يده عليها ، باسلها راسها وقعد يفكر " وماأجمل الحب الذي يجعلنا نتغير من أجل من نحب " ،،،،،،،، عليا مقعمزة في دارها تقرا ونايضه من الفجر تسمع في صوت مش غريب عليها في حوشهم ، كذبت ودانها ، وناضت فتحت باب دارها ووقفت برا عمتي : خش ياعبد المنعم عليا انصدمت وقدمت عبد المنعم خش ، حول كندرته ، وقعمز ع الصالون عمتي : فطرت ؟ عبد المنعم : الحمد لله ياعمتي تعالي قعمزي بس ، بنحكي معاك في موضوع عليا حطت يدها علي قلبها وقدمت شوية باش تسمعهم من غير مايشوفوها عبد المنعم : اني ياعمتي جاي بنحكي معاك في الموضوع الي مرة كلماتك عليه امي ، بخصوص انه نبي عليا عمتي ساكته وتشوفله عبد المنعم كمل : اني صح كنت نبي نتقدم لعليا بس شكلي استعجلت في الموضوع شوية عمتي : انت درت بنتي لعبة يوم تبيها ويوم معاش تبيها ، بعد كلمت البنت اني وقلتلها يبيك تجي انت تاني يوم تقول لا معاش نبيها ، بنتي اني الف واحد يتمناها لكن لعب الصغار هدا لا ، انت دكتور وماشاء الله عليك بعقلك شن جااك ماعجبتنيش منك الحركة بكل الحق وجعتني عليا انصدمت عبد المنعم نزل راسه : عارف ياعمتي والله معاك حق وان شاء الله يجيها الي يسعدها افضل مني عليا حست كاانه من غرز في قلبها موس ، تعبو عيونها دموع بس شدتهم وقعدت واقفه عمتي : ان شاء الله حيجيها بادن الله الي يستاهلها عبد المنعم : واني عليا زي اختي باذن الله اي حاجة تبيها حاضر واني ديما حنقعد جنبها عمتي : كثر خيرك عندها 4 خوت مصنعين امنعين ماشاء الله عبد المنعم بلعها ، ووقف : ماشي ياعمتي سامحيني نستاذنك توا عمتي وقفت : اشرب حتى قهوة عبد المنعم :مرة تانيه ان شاء الله ، هي سلميلي ع الولاد ، ولبس كندرته وطلع عمتي : سلم علي امك بالسلامه ،وسكرت الباب عليا ولت لدارها ودموعها ينزلو ، انصدمت من كلام عبد المنعم ، رغم انه يعتبر تخلى عليها ، بس ماقالش ان هي الي رفضاته كبر في عينها حبه ، بس خلاص معاش ينفع هو قال حيجيها الي يسعدها يعني سيبني خلاص في لحظة ضعف قامت الموبايل وحتتصل بس للحظة تراجعت كان كبريائها وكرامتها اكبر من اي شي سمعت نغمه المسج ، فتحت على طول ( شفت ظلك وانتي تسمعي في كلامنا ، وعارفك سمعتي كل شي ماعنديش جرأة نتصل بيك لان نعرف نفسي ضعيف قدام صوتك ، ان شاء الله ربي يجيبلك الشخص الي يسعدك ويكون افضل مني ربي يعلم قداش حبيتك لكن انتي الي اخترتي هادي الطريق ورفضتي واخترتي حلمك الي من لما صغيرة تحلمي بيه ومعاك حق واني ماحبيتش نضغط اكثر وان شاء الله ربي يوفقك بس خليني نجي للجزء الي حيوجعك زي ماوجعتيني وقت فضلتي عليا قرايتك ، اني قررت نتزوج الانسانه الي فعلا حبتني بجديات ورغم ان اني كنت ندل معاها وسيبتها بس اول مارجعتلها سامحتني ، حب الجنون الي في صوتها كافي يخليني نعيش معاها في راحة طول عمري مانكدبش عليك ونقول ماتمنيتكش انتي نصيبي بس هدا اختيارك وتحملي عواقبه وان شاء الله بالتوفيق وتجاوبي في امتحاناتك سلام ) عليا طاح من يدها التليفون ومصدومة بالكلام طاحت تبكي وحاسة كاانها في كابوس اما عبد المنعم فمسح الدمعه الي نزلت من عينه وهو يكتب ، ولع السيارة وطلع وفي نص الطريق رن تليفون ، رد على طول : الو رنا : كيف حالك ياعبدو عبد المنعم : بخير وانتي رنا : بخير مادام حبيبي بخير ، عندييي ليييك مفاجئتين عبد المنعم : فرحيني رنا : بااما وحدددة نبدااا زعماا عبد المنعم : هههه ابدي بالي صارت اول وحدة رنا : اممم باااه ، امس فسخت خطووبتي واليوم جي اخدي حاجاته ودبلته عبد المنعم : واهلك ماقالو شي رنا :قلتلهم مش مرتاحة معاه وماحبيتاشي فااحترمو رايي عبد المنعم : وتاني مفاجأة شن هي رنا : احمم احممم عبد المنعم : هههه هي قولي رنا : الاسبوع الجاي مروحين لليبيا عبد المنعم : جدييييااات اووو حلو توصلو بالسلامه رنا : الله يسلمك ياحبيبي عبد المنعم : رنووش اني رنا قاطعاته : ياقلب رنوش والله استاحشتها منك الكلمة هادي عبد المنعم : هههه رنوش اني نسووق نكلمك بعدين رنا : باه رد بالك من الطريق ، نحبببك هي سلام عبد المنعم قعد يسوق ويفكر ،،،،،،، عبير : أسامه حبيبي نوض أسامه : خليني عطلة اليوم بنرقد عبير قعمزت ع السرير : غيرر هياا نوض اني نبي نستغل عطلتك نبي نطلعوو أسامه شافلها : وين بتمشي عبير : لاي مكان ياروحي ، وحتى الصغار يغيرو جوهم ، وممكن يتقربو من بعض اكثر ، قاعدة نسيبة مش متأقلمة مع محمد ولدك وحتى هو مش متعود عليها ، يمكن لو نطلعوهم يلعبو مع بعض يتعودو علي بعض اسامه : باه ساعه تانيه قاعده 10 عبير : تي ياسرك نوم ياحبيبي حتى السهور ماسهرتش راقد من 11 هياا خلاص اسامه حط مخدة فوق راسه عبير : هههههه نبزع عليك مية والله لو ماتنوضش اسامه شافلها من تحت المخدة : تعرفي انك احرف من بو زنان لما تبي حاجتك عبير : هههه نعررف هيا نوض اسامه : باه نضت جيبيهملي الزوز نسيبة ومحمد عبير ناضت : باه حاضر ، وطلعت بتجيبهم اسامة ولى غطى راسه وغمض عيونه عبير : هي حمودي يبيك بابا ، وين نوسة محمد : ماندريس عليها راقدة في الدار عبير خشت للدار القتها راقدة قامتها ، حطتها في سريرها وطلعت ، شدت يد محمد ورفعاته لدار النوم عبير : اسسااامه نستسلم اني تي شن هداا نوض اسامه لاحياة لمن تنادي حتى خداه النوم محمد قعد يضحك وطلق يده عبير : بابا ديما هكي هدا هههه ، وطلع يلعب عبير قعدت تضحك ، اطفت الضي ، وتمددت جنبه ع السرير وتشوفله كيف راقد ،،،،،،، عماد شاد ولده يلعب فيه وليد ناض : صباح الحير ، وتمدد ع الصالون منى تحط في الفطور : صباح الورد ، نوض هي ياماما نغسلك وجهك وليد : غسلته عماد : باه وين بوسة بابا وليد : بعدين يابابا ماخاطريش توا منى : ههه عيب ياماما نوض لبابا وليد ناض باس بوه وولى تمدد عماد : هيا يامنى والله وقت منى : هيا هيا تعالى واتي عماد وقف وشاد ولده : هيا ياوليد نوض افطر منى : تحطني حبيبي في حوشنا توا وانت ماشي عماد : وين عطلت مانقدرش شن يرفعني غادي ونمشي للعمل منى : باه نكلم محمود يجيني، اكيد يجو ناس غادي نعاونهم عماد : باه مش مشكلة وتو نجيك في الليل نروح بيك ، وكيف بتتكلم منى : رد بالك تقوليلي بنبات بنروح بيك تعرفييني مانحبكش تباتي وتجيني قدام الباب تقوليلي بنبات منى : ماهو ياحبيبي ماما تقعد تقولي اقعدي ، ولما نلقى عندهم حوسة مادابيا نعاونهم عماد : غدوة الصبح نردك انوضو بكري بس ونرفعك ،،،،،، نورس فتحت باب سيارتها وبتروح ، تشوف سيارة عدنان خاشة للجامعه سكرت باب سيارتها وقعدت تراجي فيه عدنان شافها ، درس مش بعيد عليها ، ونزل نورس قدمت جيهته ومبتسمه عدنان يشوفلها ، وفجاة سمع صوت تلفت : مودة ! مودة : ايه كيف حالك ، ومدت يدها سلمت عليه سلم عليها : اهلين الحمد لله نورس وقفت في مكانها مودة : شن تدير اهني في الجامعه عدنان : والله عندي واحد اهني جايه مودة شافت نورس وقعدت واقفه : اها والا بالك حاي لخطيبتك هههه عدنان :للزوز مودة مشتها بضحكة : وين معاش نشوفو فيك معاش تجينا حتى امك سالت عليك هداكا اليوم عدنان : حايس اهو نكمل في الحوش بين سطاوات وبني مودة : باه كويس ربي يعاونك ، البيان خلاص الخميس ؟ عدنان : ايه ان شاء الله مودة : باه كويس نورس لما القتها مطولة غاضت وقدمت ، لين وصلت فيهم ووقفت جنب عدنان :اهلين مودة كيف حالك مودة من غير ماتمد يدها : الحمد لله كويسة ، باه امالا شكلي ازعجتكم نورس : حاجة قريبة من هكي عدنان شاف لنورس مودة شبحتلها شبحة حادة ، وامشت نورس ققعدت تشوفلها وهي مفنصة فيها وطايرتلها واتبع فيها بعيونها وكان تلقى تنط تاكلها عدنان : هههههه مشت خلااص تي عيونك بيطلعو نورس شافتله بتفنيص عدنان :ههههههه خيرك تفنصي نورس : علاش واقف عليها عدنان : تي هي كلمتني كيف نفوتها نورس : ايه فوتها ، نعرفهم اني حركاتها حافظتهم الي هكي اني عدنان : هههههه تي خطيبتي انتي ياهبلة نورس : نغار اني ، وشافت لمجموعه بنات يشوفو لجيهتهم ، ولعدنان وسيارته وكيف طارح وانيق عدنان شد يدها : باه غير تعالي نقعمزو في مكان ، وخطم من جنب البنات وشاد يدها نورس شافتلهم وابتسمت ابتسامه مكر البنات قلبو وجوههم ع الجيهة التانيه عدنان قعد يضحك ورفعها لمكان ، وقعمزو وقعدو يحكو ونورس تحكيله شن حتدير في البيان ،،،،،،، شرين تليفونها وهي كيف بتخش القاعه وخرت وردت :الو محمود : صباح الخير نوال : صباح الورد شن اخبارك محمود : تمام شن جوك ، وين في الجامعه ؟ نوال : ايه كيف كنت بنخش للقاعة قريب تبدا المحاضرة محمود : اها مزال عليها 20 دقيقه نوال : حافظ جدولي امالا محمود : حافظه ايه صممم نوال : صممم ، ههه باه ممكن العشية نجي عندكم ، بنمشو لنوسة محمود : اوو معناها مش طالع اني اليوم تلقيني جنب الباب نوال : من غير هبال ، اصلا بنجو امخر يعني بنطلع مع نورس بناخد قفطان محمود : وعلاش القفطان نوال : مش قلتلك بيان عدنان ونورس الخميس محمود : ايه ايه تدكرت وقعدت تحكي معاه ويخططو لحد مابدت المحاضرة ،،،،،، ركبت السيارة بعد ركب وليد جنبي وليد : هيا باش مانعطلوش الاولاد بيجوني ع الغدي اني ولعت السيارة : مانعطلوش باذن الله وطلعنا ، امشينا للمحلات واخديت قفطان علي ذوق وليد طبعا لونه احمر قصير لحد الركبة وكم ، وبتاع حوامل وطلع عليا حلو وبعدها مشينا قعمزنا في كافي شوية ووليد بدي يتعود ع العكازات شوية شوية وبدي عادي يمشي بيهم وصلنا للحوش نزلت اني ، وبعدها ساعدت وليد ينزل اول ماخشينا قابلتنا رحمة رحمة : الحمد لله ع السلامه ويينكم ، نساوين عمي جو ، واولاد عمي واصحاب وليد عطلتوو وليد : اهو جينا ، خلاص نوسة خليني تو نخش للمربوعه بروحي ، وانتي يارحمة خشي الباب البراني مفتوح وانتي طالعه هكي ، هي خشو الداخل ، وامشي للمربوعه خشيت اني ورحمة سلمت علي نساوين عمهم ، وخشيت للمطبخ القيت وفاء ومنى يوتو في شاهي ويديرو في الغدي قعدت نساعد فيهم ،،،،،،، نرجس نزلت :شكرا يامعاد بجد غيرتلي جوي معاد ابتسم : العفو ، هي خشي شكله المطر بتصب نرجس : ماشي مع السلامة معاد ركب سيارته ويشوفلها نرجس مبتسمه واشرتله بيدها وخشت وفعلا اول ماخشت للجنان بدت المطر تصب خشت تجري الداخل شرين تليفونها طلعاته كان رقم غريب استغربت وقعدت تشوف للرقم رن رن وفصل ، وهي قاعدة تشوف للتليفون عاود رن من جديد ردت وقعدت ساكته ...:الو نررجس نرجس قلبها قعد يدق بسرعه ، معاش قدرت توقف علي رجليها ، قعمزت والتليفون علي ودنها الصوت هدا هي تعرفه كويس ، لطالما رقدت وهي تسمع فيه ، عيونها تعبو دموع حسن : نرجس ردي عليا ، عارفك تسمعي فيا ، نرجس وبعدها تنهد وسكت نرجس دموعها نزلو ، لسانها ارتبط حسن سمعها ترشف في خشمها وواضح تبكي : نرجوسة معاش تبكي ياحبيبتي بالله عليك معاش تبكي ، سامحيني اني مانستاهلش حبك نرجس زادت تبكي اكثر : علاش بس ؟ حسن : لاني مانستاهلكش نرجس سامحيني ، نحبك اني نرجس تعرفيني نحبك والا نرجس بلعت ريقها ، وفي لحظة جرأة وحرقه : لو تحبني صح ماكانش تطعني في ظهري هكي ، لحد ماتفضحك اختك ونشوف بالصدفة ، حرام عليك انت شنو ، انت شنووووو ، جاي تقولي نحبك توا ، انت شنو حراام عليك ياانسان حرام عليك ، وانهارت بكي حسن قعد ساكت ويسمع فيها نرجس فصلت الخط ، وحطت وجهها بين يديها ومنهارة بكي ماما طلعت من المطبخ : نرجس انتي روحتي ، خيرك نرجس حسن بعد سكرت تنهد وقعد يفكر ماما قعمزت جنب نرجس : خيرك ياماما شن في يابنتي ، حولتلها يديها من علي وجهها نرجس حضنت ماما وتبكي + تستمر القصة أدناه <<< تسمحي لى يامه من وقتك شوية انسى جنبك حمل شايله تقيل عليا وزى عادتك تسمعينى لو بكيت استحملينى يامه زادت قسوة الايام عليا كل يوم بقى يشبه اليوم اللى عدى كلمتين مش مفهومين على دمعة شاردة حتى لون الدنيا باهت والمعانى ف قلبى تاهت >>> ،،،،،، فات يوم ورا يوم نوتو لبيان نورس وعدنان ونورس فرحتهم مش سايعتهم جي يوم البيان مشيت من الصبح نورس امشت هي وسارة للمزين ، اني بسبب ظهري ماقدرتش نمشي معاها كل يوم يمر وبطني تكبر اكثر وظهري يزيد يوجعني اكثر قاعدين في المطبخ نوتو في حلويات بعدين ونحطو في كل في متارده باش بعدين مانتفركسوش ونوتو روحنا وطبعا عليا جتنا علشان تساعدنا ، وبعدين في البيان بتجي عمتي وعمات عدنان ونساوين عمه فاتحين اغاني بالمنظومة وحاطينها في المطبخ نرجس تدير وسرحانه مش معانا بكل ، دايرة تليفونها وضع طيران من يوم كلمها حسن ، وتحاول تنساه نوال : ان شاء الله غير ماتلعبش فيها المزينه اني : هي علاش ماامشتش للمزينه نفسها الي مشيتلها اني وياك ، هاديكا يديها ماشاء الله وتسريحاتها حلوة نوال : ماحصلتش عندها اليوم ، عندها هلبا عرايس خميس ماهو ، هي هادي الي مشتلها المزين الي دارت لهاجر في عرسها اني : تعرفي في هاجر هي الوحيدة الي طلعت قنينه ، شفتهم العرايس الي معاها لاعبه فيهم نوال : حي والله كان هدا نورس تهبل عليا : تعرفي اني نحس فيها حظوظ المزين راهو ، هاجر محظوظة بس هاجر خشت للمطبخ : كااني سمعت اسمي ، شن تقرمو اني : هههه نحكو علي المزين الي مشيتيلها في عرسك هاجر :خيرها ماتقوليش نورس امشتلها نوال : ايه هاجر : ماتصلحش بكل اني قريب لعبت فيا ، غير اني قعدت نقوللها مانبيش هكي ومانبيش هكي وتعرفي طيرتهالها قريب لزتني قلتلها دافعه فلوس نبي حاجة حلوة مانبيش نروح لعريسي غولة اني : هههه حي كان تسمعك نورس ممكن تسيبها وتروح مايصيرلهاش من المكياج نوال : والله تعرفي هي ماشية ويدها علي قلبها سرور : نكلمو سارة باهي نقولولها قصدي تقوللها ماتكترلهاش مكياج وتديريلها تسريحة بسيطة عليا : كان بتكلميها تو تخاف هاجر : لالا تكلمها خير تنبهها ، اتصلي بيها واعطيهالي اتصلت سرور ومدت التليفون لهاجر هاجر قعدت تشرحلها عليا : بالله غيري الاغنيه الحزينه الي فاتحينها افتحيلنا وحدة ناشطة ، تعرفي اني كنت امتحانات ونبي نفرغ شحنتي بصراحة اني : هههه تي هو هدا تليفون مني الس عالقينه نرجس : تليفوني اني اني : شدي اغانيك كلهم هادية ، اعطيني يانوال تليفونك خديت تليفون وفتحت فيه اغاني اول اغنيه جت <<شايف روحه قايم خشمه شايف هلبا رويحته >> كانت لعصام الطويل عليا قعدت تغني معاها وبعدها قعدت ترقص نوال :هههههه اكبر بلعوطة البنت هادي تو علاش مابكيتيش عليه بكل عليا : بكيت شوية وبعدين وليت لعقلي ، ماهيش واقفه علي حد اني قعدت نضحك ونشوفلها شوية وطق باب المطبخ عليا تغسل في الاماعين وتغني مع الاغنيه نضت لفيت وشاحي علي راسي ، وبعد لبسو اوشحتهم فتحت الباب كان عبد المنعم اني : اهلا تفضل عبد المنعم خش ويمسح في شعره من الميه لانه مطر برا ، وكيف بيتكلم شاف لعليا الي مش مستاقظة بيه وتغني احني سكتنا وقعدنا نشوفولهم الزوز عليا كملت الاماعين ، وتمسح في يديها وتغني : يحسابني بنطير نجن ماريت غير زويله ** مسيكين لو يحسابني بنطيحله ونمشيله وتغني بالحركات ، وتلف تشوف عبد المنعم واقف يشوفلها ، يبست في مكانها كل وحدة فينا من البنات تظاهرت انها تدير في حاجة ومش معاهم ومش منتبهيلهم عليا عيونها تعبو دموع ، نزلت راسها وتجاهلاته وقعمزت تساعد في البنات عبد المنعم قعد واقف وشوية ويجينا صوت من ورا عبد المنعم :انت اهني من بكري ندور فييك ، اووو يعولو لبياني ، وخش يمسح في شعره ميه من المطر اني : هيييي انت شن جابك اهني عدنان : تي اسكتي غير ماتقولوش لامي بس ، وطبس خدي مقروضة نوال : تيييي فرركستها بعد ساعة واني نرتبب فييه ، تي امشي انت العريس توا مفروض في الحلاق عدنان شاف لعليا الي كانت سرحانه وماتبيش تقيم راسها : هادي شن تدير اهني ، وضربها برجله عليا : تييي هااا خير بلاك ، شافته :انت شن تدير اهني كان تندري عليك ماما اني طلعت خليتها تدور فيك مش عارفه شن بتجيب عدنان :حتى اني هربت منها هروب بنلهى بروحي اليوم فاتحتي وبياني وقعدت غير في جيب وارفع اني : تي مزال ساعتين علي الفاتحة بس وانت قاعد مش واتي عدنان : توا بنمشي ماهو كنت ندور في السطل اهوا ، واشر علي عبد المنعم عبد المنعم : برا روح امشيتلك لحوشكم مالقيتكش وانت زي الزربوط ماتقعدش في مكان عدنان : باه غير اسمعي مشفشفه عندي دسكة اغاني وفي اغاني نبيك تفتحيهم لما نخش اني اني : وين ترا اعطيني عدنان طلع الدسكة : تعالي نسمعوهم في المنظومة ونوريك كل وحدة اني : تعالى باه اهي وقعد عدنان يوري فيا كل اغنيه امتى نفتحها اني : وبااه لما بتقصو التورته شن بنفتح عدنان خبط علي جبهته : تي نسيت ، باه اسمعي هي عادي الي لما بنلبسها الدبلة خليها مفتوحة لين بنقصو التورته اني : لالا تو عندي اغنيه حلوة عدنان : ترا سمعيهالي اني طلعت تليفوني وقعدت نسمعله عبد المنعم : تيي هياا ياراجل كان بتحلق وتوتي روحك عدنان : باهي هي ، ها ماتنسيش ايوه كل وحدة وكيف ماقلتلك اني : حااضر عدنان : واسمعي ديري جو هكي بتاع هدية من العريس وقيميها بيا ، وغمزلي اني : هههههههه ياسلام عدنان ضرب عليا برجله علي رجلها : واسمعي حتى انتي اختي ايوه قيميها بيا لما نخش هكي وديرو جو لنورس ايوه مش تلهو بروحكم وبالمكياج والستوك ومعاش تلهو بالبيان عليا كانت تحط في الفاكهة ، ولما ضربها علي رجلها قامت راسها وشافتله : عاارف انت المووس هدااا بنبقك بييه توا ، ياحيوان رجلي كسرتهالي عدنان وقف ع الباب : اخدمي خدمتك اخدمي وانتي مافيك الا الدواا ، وهاا زي ماوصيتكم ماتنسوش نوال قطعت عليه : عدناااااان اطلللع وراس امك والله نتصل بعمتي شن هداا نفس الاسطوانه يعاود فيها عدنان طلع وهو يضحك ،،،،،،، وهكي فات الوقت تغدينا وبدينا نوتو في روحنا وبعد العصر بساعه اتصلو بينا وقالو اقرو الفاتحة وبدت الزغاريط تعبو عيوني دموع فرحة ، نزغرط ودموعي ينزلو وشوية وسمعنا كلاكس كان معاد جايب نورس وسارة طلعنا بسرعه خش بالسيارة للجنان ويكلكس نزلت نورس ، وعمتي وخالتي يزغرتوو قدمت جيهتها حولت الكاب من علي راسها : روروروروري ، تهبلي طااالعه ، واضبطتها ونبكي جت ماما سلمت عليها وتبكي وتباركلها كانت لحظات الفرحة فيها طاغيه علي الحزن وشوية وخش عمي سلم علي نورس وباس راسها وباركلها نورس اضبطاته ودموعها نزلو مانتوقعش شعورها كان يختلف عليا ، كنت نتمنى بابا هو الي حضنها وباركلها ديما في فرحتنا نتمنو في بابا معانا خشت نورس الداخل وامشي الوقت لحد ماجابو البيان وكلاكس وجو كاانه عرس ، ومنظومة مفتوحة طلعت نورس وبعد قعمزت سكرنا المنظومة وقعدنا ندربكو ودرنا جو حلو ماما طول الوقت تشوف لنورس وتبكي خالتي : يانسيبة اسمعي الكلام وحولي الدربوكة ياسرك راك حامل اني : ياخالتي خليني كان بنحول الدربوكة بنوض نرقص عمتي :هيييي بعدها وين يحطنا وليد تنوضي ترقصي اني : ههههههه امالا خليني ندربك عادي ياخالتي راهي والله مامضايقتني + خش عدنان وفتحت الاغاني الي هو يبيها وكانو يهبلو هما الزوز مع بعض خدو لقطات ولبسها دبلتها ولبساته وقصو التورته مع بعض عدنان طول الوقت يضحك وفرحان بيطير وفرحة نورس مش اقل منه بس كانت متحشمة بكل مرت هادي الليلة من احلى الليالي وكلها مليانه فرح وحب حتى الي كان حزين بعد يشوف فرحة زوز عاشقين جمعهم ربي بالحلال ينسى حزنه ويتمنالهم كل الفرح والسعادة بحياتهم "وكم نتمنى ان يدوم الفرح ولايرحل عنا ابدا ولكن هذه هي الحياة توجعك عشرات المرة وتفرحك مرة والحمد لله على كل شي " + تاني يوم كنت بايته معاهم نضنا من الصبح وقعدنا نضمو وانظمو وفرحة اليوم الي قبله قاعدة علي وجوههنا ماما : خلاص قعمزي يانوسة ياسرك ظهرك اني : هي ياماما نكمل الصالة بس ماما راكبة في الدروج : عنيدة بكل وفجأة وقفت ، وحست الدنيا تلف بيها ، ولت نزلت نزلت اخر درجة وجت طايحة علي طولها اني :مااامااا ماااما خيرررك وو۔۔۔۔۔۔۔