سند الأنثى رجل - الفصل 40 - بقلم shosho - مكتملة | روايتك

حولت التليفون من ودنها سارة وتفكر وخايفه من الي قاعد يصير وهي ماتعرفاشي وبعد تفكير ناضت لبست عبايتها واخدت مفتاح السيارة : ماما بنمشي لمكان مش حنعطل تو نجي ، وطلعت من غير ماتسمع رد خالتي ! خالتي : ويين ماااشية تعااالي اهني ، نادي عليها بري سرور وقفت ع الروشن : ياماما مافيش الا غبرة السيارة امشت خالتي : وين ماشية هالمسحونه سرور : وين ماامشت تو تروح تقولك معاد طلع من داره :صباح الخير ، من الي طلع ؟ خالتي : هادي سارة مانندري عليها وين امشت معاد : مش ماعندهاش جامعه وين ماشية تدور تعرفي انتي الي هكي عودتيها اني التنسريف الزايد هدا مانبيششي وساكت علي خاطرك خالتي : المعفنه هادي غير تروح ماتكلمهاش انت اني تو نتصرف معاها ماسالتنيش حتى السؤال اما سارة فكانت تسوق بسرعه خيالية وماتشوفش الا في صورة معتصم بين عيونها !! وتفكيرها كله يااما يستمرو يااما يتفرقو للابد ،،،،،، وصلنا للحوش نزلت من السيارة وخديت معاي شنطة وليد محمود نزل وجي جهة باب وليد ، مدله يده وساعده في النزول وليد شاد علي سنونه ويتالم انسند علي محمود وخشينا للحوش عمتي ودموع في عينها جت تجري لوليد اضبطاته : الحمد لله ياوليدي الحمد لله ع سلامتك وليد يتالم لانه الضربة جاية علي صدره ، فك يده من علي كتف محمود واحضن عمتي عمتي وخرت : شن تحس ياوليدي وليد حط يد ورا كتف محمود وويد ورا كتف عمتي : لالا الحمد لله كويس وفاء : الحمد لله ع سلامتك وليد : الله يسلمك صحيتي منى : الحمد لله ع سلامتك ياوخيي ان شاء الله هدا حد السو رحمة : الحمد لله ع السلامه في محمود ولافيك ان شاء الله محمود :حي عليهااا هااادي ، وفك يد وليد بقوة وماشي يجري جهة رحمة وليد قريب طااح ، قدمت اني بسرعة وشديته عمتي : رزيني فيكم ماتكساابوو عقل بكل هي يامطفوش خووك قريب طاح رحمة هربت وعلقت في تركينه في الجنان محمود محاصرها ويتحلف فيها وليد قعد يضحك عليهم وساعدته اني وعمتي ودخلناه الداخل محمود ضربها برجله علي رجلها رحمة :ااي ياحيوان كسررة حوول من عليا محمود بيزيد بيضربها طقطق الباب ، تلفت رحمة استغلت انه تلفت وجت بتهرب محمود شافها ولحق عليها ضربها علي ظهرها ، وامشي جهة الباب بيفتح رحمة خشت :الحيوان اهوا كسرلي ظهري جدري باهي عمتي : هو قريب نزوجها وانتي قريب تولي في حوش راجل والزوز مافيكم عقل عارفاتك اني بتحشميني مع الناس رحمة قعمزت : هما الناس هادو مش خاطرهم يتكلمو يجيبو بيان ، يحددو العرس شن هدا اني ووفاء ومنى قعدنا نضحكو عمتي شافت لوليد وشافتلها : والله شي عرق الحشم ماعندك ولاتعرفيه تو خوك مقعمز وانتي طايرة ع الزواج تقول عنستي وليد قعد يضحك : ههههه تو نكلموه يجي يرفعها ويرحنا منها رحمة ناضت وقعمزت جنبه : والله انت خو مش عادي بكل وليد : هههههه ، وشدلها ودنها ؛ تي تحشمي تحشمي شي ماتقولش خوي كبير نتحشم منه تبي تطيري لراجل تاني رحمة حاطة يدها فوق يد وليد الي علي ودنها وتعيط وتضحك في نفس الوقت اني : هههههه ياسرها حرام عليك عمتي : ايه زيدها اعطيها علي كبدها محمود خش : ترا ديرونا قهوة ، وانت وليد تقدر تطلع للمربوعه هدا عمر جي بيشوفك رحمة نطت : تو ندير اني القهوة محمود قام حواجبه : مش حنقوله ان انتي درتيها راهو رحمة : تو نقوله اني ، وامشت للمطبخ محمود خش وراها : شنووو قلتي حسسسك تعالي اهني منى طالعه من الدار : تي حرام عليك يامحمود خاش بكندرتك شوف شوف الرفاسي محمود شاف وراه وشاف لمنى : الحيوانه هادي اختك تكلم فيه منى : منو ؟ محمود : تكلم في عمر ؟ منى : تستفز فيك وانت تصدق علي طول ، اطلع بالله عليك كيف كملت ضمان محمود : باه حولتها ها السبيدرو ، وجي قعمز جنبنا عمتي :خيرك خليت الولد بروحه محمود : بنرفع القهوة مرة وحدة سمعت رحمة الكلمتين الاخيرات الي قالهم محمود نقصت القهوة ع الاخر فتحت باب المطبخ الي يفتح ع الجنان وطلعت وتمشي بالشوية وتواسي في شعرها + محمود لمنى : ترا مديهولي منى مدتله ولدها الصغير محمود شاده وحايس فيه : خيره هكي صغير بكل مايكبرش ولدك راهو منى : عينك والله زايد امشيت رفعته وزنناه قالتلي وزنه كويس تمشي بالشوية رحمة وجت جهة المربوعه ، وقفت جهة الروشن وقامت صوابعها بتشوف عمر : الوو مانسمعش فيك ياراجل امشي للتغطية ، تي تغطيتي كويسة ، ووقف رحمة ماقدرتش تشوف تلفتت وراها القت صندوق مية ، جبدااته وحطاته تحت الروشن وركبت عمر طلع ويتكلم بالتليفون وقاعد ماشافهاش رحمة يبست في مكانها تبي تنزل تنسحب بالشوية وتوخر عمر شافها استغرب وانصدم رحمة وخرت وعثرت وقريب جت طايحة ، الا ان وجود باتمان عمر جري وشدها رحمة فتحت عيونها القت روحها في حضن عمر ولاف يديه عليها ويشوفلها وخايف عليها رحمة قعدت تشوفله وضامه يديها ومصدومة عمر شد ضحكته بالسيف وواضح عليه علي شكلها رحمة وخرت ودفاته بالشوية ، وبتوتر وتاشر جهة الروشن : كنت نمسح في الروشن ، هكي يعني في شوية حاجات مسحتهم عمر قايم حواجبه : ههههه باش كنتي تمسحي بالتيشرت بتاعك رحمة شافت لوطى وكاانها تدور في حاجة : وينها طاحت هي مني مش عارفه وين امشت كنت شادتها عمر قايم حواجبه ويضحك ع الكذب وليد :هي نوض طلعني خلي نشوفو الراجل قاعد بروحه محمود : هادي وين بالقهوة ساعه ، هي نوض نطلعك ونشوفها ووقف وليد ومحمود ساعده وطالع بيه رحمة قاعدة دايرة روحها تدور ومعاش عرفت شن تدير ، وطبست بتدف صندوق الميه عمر طبس شد يدها : خليه رحمة شعرها طاح لما طبست ، قامت وجهها وشافتله وشعرها نازل علي شعرها عمر سرح في عيونها ، والاتنين عيونهم في عيون بعض محمود : ماارزنك الزح وانت حاط ثقلك كله عليا وليد : هههه تي ضم فمك يااما قمتك وانت صغير وانت كنت زي الدب رحمة سمعت صوت وليد ومحمود طالعين ، قعدت ترعش ، وتشوف يمين وتشدها جرري جهة المطبخ عمر قعد يشوفلها وهي تجري وهو يضحك ، طلع تليفونه وحطه علي ودنه علي اساس يتكلم محمود ووليد طلعو واستغربو ،سمعو صوت برا لكن ماشافو شي عمر حط تليفونه في جيبه : اهلا الحمد لله ع سلامه يابرو ، وقدم سلم عليه : سامحنا والله بنجيك في المستشفى الوالد تعب شوية وليد : مش مشكلة الله يسلمك ، لاباس عليه كيف حاله توا عمر :نقولو الحمد لله وخشو للمربوعه اما رحمة اول ماخشت للمطبخ ، سكرت الباب عليها واتكت ع الباب ويدها علي قلبها ،تفكرت نظرات عمر وضحكته ابتسمت وسرحت منى خشت للمطبخ شافتلها باستغراب كيف مبتسمه زي الهبلة ، وشافت للقهووة : هيييييييي ، وجرت للغاز وطفاته رحمة انخلعت وقربت للغاز ،القت القهوة فايجة ورونت الغاز كله منى بتشكيك :وين كنتي رحمة بدت تمسح في الغاز : وين بنكون يعني منى : ان شاء الله طلعتي لعمر ،حي عليك حي كان يندري عليك محمود رحمة : اسكتي بس ماعنده من وين بيعرف منى :احكيلي باه شن صار رحمة : عيب منى : هييييي رحمة :ههههههه تي اسسس نتسهوك ، وقعدت تحكيلها ،،،،،،، وصلت قدام المكان قامت تليفونها واتصلت بيه كانت تشوفله من بعيد وهي في السيارة معتصم نفض يديه ودخل تليفونه في جيبه ، شاف رقمها ، طلع من الورشة ووخر بعيد وقص الطريق ورد : الو سارة :اهلين شن اخبارك معتصم : تمام ، شغلتيني توا كنت نكلم فيك ؟؟ سارة تشوفله من بعيد : لاغير ماطاقنيش فضولي نبي نعرف المفاجئة معتصم ابتسم : اصبري مزال لبعدين توا مش فاضي سارة : علاش شن تدير معتصم : سريوة بعدين نحكو سارة : باه خلاص معتصم : هي سلام ، سكر وقص الطريق وولى للورشة سارة نزلت من سيارتها ، سكرت الباب وقصت الطريق جهة الورشة ، وقلبها يطق بقوة ،،،،،،،، نرجس مقعمزة وقاعدة مايأستش وتجرب في حسن مافيش اي رد او أثر عليه >>>> وإحشني ' إيدو تلمسني طريقة نطقو لـِ إسمي دا روحي وغايبا عن جسمي >>>>> فتحت الفيس وخشت علي صفحة حسن علي امل تلقى منه خبر وياريتها مافتحت !! تنزل وتتصفح منشور منذ 1 ساعه مبروك علي وخيي حسن امس كان بيانه ربي يهنيكم حسن&أميرة نجكم ليا احلى اتنين ربي يتمملكم علي خير ومدايرة تاق لحسن حست نرجس و كاانها في كابوس قعدت تسكر في التليفون وتفتح فيه وترجع للصفحة وكاانه الغلط من التليفون عيونها تعبو دموع حست الدنيا لفت بيها وقفت وطلعت من دارها ترعش طقطقت علي دار نوال نوال :هااا شنووو استمرت تطقطق وترعش ودموعها ينزلو نوال فتحت الباب : تي شن في ؟ وشافت لنرجس بااستغراب : خيرك شن في نرجس خشت وترعش وشادة التليفون ومن كثر ماخانقتها العبرة معاش قدرت تتكلم مدتلها التليفون وترعش وقعمزت ع السرير نوال سكرت الباب و شدت التليفون وجت قدامها صورة حسن لابس بدله رسميه وقرت الكلام الي فوقها انصدمت وقعدت تشوف لنرجس الي ترعش مع بعضها حطت التليفون ، وصبت ميه لنرجس اعطتهالها تشربها نرجس شربت شوية وبتمد الطاسة لنوال من كثر ماهي ترعش طاحت منها الطاسة انهارت بكي بالعبرة نوال معاش عرفت شن تدير حتى كلمات مواساة مافيش في موقف زي هدا ، قعمزت جنبها : خلاص هدي روحك والله ربي حينتقم منه اصلا مش عارفه كيف كنتي تحبيه دمه رزين ، نرجس اهدي نرجس من كثر ماتبكي قعدت تنهف وتدور في نفس وجههها ولى احمر وتفرفش نوال وقفت : نرجس خيرك نرجس ، وقامت مالقي الميه وصبت شوية في يدها وبخاته علي وجهها نرجس معاش تتنفس وقفت وتطيح علي طوولها نوال : نررجس نرجس ، وطلعت من الدار تجري وتنادي :ياماااامااا يانووورس تعالووو نرجس يااماما ،،،،،،،، وقفت قدام المحل وتشوفله كيف يخدم وعيونها مزغللات دموع وخايفه معتصم طلع تليفونه ووخر شوية لصاحبه : تعالى ياراجل كملت الحوش مزالي دار النوم بس تعالى شوف ، ومدله التليفون وقعد يوريله في الصور سارة قدمت وجت وراهم بمسافه كافية تسمع كلامهم صاحبه :والله صحة عليك ياراجل مبرووك ، قاعد ماقلتش لخطيبتك ؟ معتصم : اليوم بنديرهالها مفاجئة صاحبه : وخدمتك في الورشة معتصم : مش عارف والله عارفها بتنصدم وهي شاكة فيا لكن مش قادر نقوللها هي في بالها ان اني نخدم في مكتب ومهندس صاحبه : باه مش ذنبك ياراجل يعني هو اصلا قرار فصلك من الشركة كان ظلم ليك ، ومع هدا انت دورت خدمة وتخدم اهو وشوف كملت حوشك بعرق جبينك والله الحوش هدا ماتحلم بيه هي وحتى كان قاعد تخدم في الشركة معتصم نزل راسه ويفكر صاحبه : والله ليا اربعه سنين نخدم في الورشة ماقدرتش نخدم زيك من 10 الصبح لحد 7 العشيه سارة مصدومة وتسمع نزلت دمعتها معتصم يفكر ويلف وتجي عينه في عين سارة انصدم وقعد يشوف سارة عيونها دموع وتشوف لمعتصم معتصم قدم جيهتها ومصدوم وكانت المسافة قصيرة بينهم : ساارة سارة دموعها ينزلو وتشوفله ولحوايجه معتصم ارتبك صاحبه وخر وخش للورشة وقعد يراقب فيه من بعيد وخايف عليه صاحب الورشة : وينه معتصم عنده خدمة بيديرها صاحب معتصم : اعطيني اني تو نديرها خليه ، وامشي معاه + سارة مسحت دموعها باطراف صوابعها : نقدرو نطلعو من اهني ؟ معتصم : باه هي تعالي ، وقعد يمشي جنبها وخايف شن تكون ردة فعل سارة سارة تمشي وتشوفله ماقدرتش تحول عيونها من عليه تباعدو مسافة وشبه وصلو جهة مافيها حد معتصم : سارة ماتفهمينيش غلط اني كنت بنحكيلك بس... سارة حطت صبعها علي فمه : اسس ، ونزلو دموعها تاني واضبطاته بقوة معتصم قعد مصدوم وارتبك ، قام يديه وبتردد حط يديه علي ظهرها واحضنها اكثر سارة حاطة راسها علي صدره وتبكي ،،،،،،،،، ركبت ماما ونورس يجروو من عياط نوال الي يخلع وخشو للدار القو نرجس طايحة نوال تبخ علي يدها في الريحة وتحط فيها علي خشم نرجس نرجس بدت تفيق ماما قعمزت جهة راس نرجس وخايفه : خيرها شن صارلها ، نرجوسة بنيتي نوال : غير ردو بالكم من المرش المكسور ، وصبت ميه في يدها ومسحت بيها علي وجه نرجس نورس : باه خلينا نقيموها ع السرير الارضية كلها مرش وشدتها نوال ونورس وحطوها فوق السرير نرجس بدت تفيق : حسن حسن ماما شافت لنوال ونورس بتفنيص ومستغربه :من حسن نوال دارت روحها ماسمعتش وقعدت تطبطب بيديها علي وجه نرجس وكذلك نورس قعدت علي اساس بتلم المرش مامت قعدت تشوفلهم وبحركاتهم قدرت تفهم الي صاير لبنتها بسبب شنو ، وفهمت علاش معاش تاكل زي قبل علاش تبكي قعمزت ماما جنب نرجس وقعدت تمسح علي شعرها : خيرك يابنتي خيرك ياحبيبتي شن صارلك نرجس شافت لماما ، وحطت راسها علي رجل ماما وتبكي بالعبرة ماما تهدي فيها وتمسح علي راسها نوال خدت تليفون نرجس و اشرت لنورس ، وطلعو الزوز من الدار نورس : خيرها شن صارلها نوال : الحقير هداكا الي اسمه حسن اليوم بيانه وشكله نرجس شافتها في الفيس كان هدا قعدت غافله نورس حطت يدها علي فمها بصدمة : مااحقره نوال فتحت تليفون نرجس ومداته لنورس نورس : شوفيه كيف مبتسم في الصورة وفرحان الله قداش حقير ومايتحشمش نوال جبدت منها التليفون : تعالي بس ننزلو خطرت في بالي حاجة نورس : شنوو نوال : تعالي بس ونزلو الزوز نرجس تبكي وماما تهدي فيها وتمسح علي شعرها ،،،،،،، سارة بعدت وشدت يده بيديها الزوز وتشوف لعيونه وعيونها معبيات دموع معتصم : سارة يديا امسخات يعني كنت نخدم سارة شدت يديه الزوز بيديها وتشوف ليديه : هادو ايديك الي خدمت بيهم باش تكمل حوشنا صح ، شافت لعيونه : اني فكرت انك معاش تحبني وبديت تتهرب مني قداش كنت انانية مانعرفش انت شن تعاني وتتعب باش تديرلي حوش معتصم يشوفلها وفرح هلبا لانه ماتوقعش ردة فعلها تكون هكي ، ضغط بيديه علي يديها وقامهم باسهم ، وكانت في دمعه علي خدها نفض يده ومسحهالها سارة ابتسمتله وشافت ليديهم : كاان يديا مايبانوش جنب يديك ههههه معتصم : ههههههه يهبلو زغيرونات ،نمشو لاي مكان ؟ سارة : ايه وبالمرة وريني حوشنا ، وغمزتله معتصم :هههه حاضر هي وركب معتصم سيارته وسارة سيارتها وامشت وراه << تعاهدنا سوية نبقى للثاني ولا نخلي عدو بيننا يدش هذا حبيبي .. بحبي يدردش ومن يوم انا ما اغازله يزعل يطنش موجات قلبي .. وقلبه يشوش ويلحقني رادار الهوى وعني يفتش >> معتصم يسوق ويشوف لسيارة سارة في المراية جت مرا بتقص الطريق فوقف سارة وقفت وشادتها كلاكس وراه ، وهو يأشرلها اصبري شوية وشاف للمرا الي بتقص كانت معاها بنت تشوف جهة معتصم ومبتسمه وكانت جميلة سارة شافتها من بعيد ، وقعدت تكلكس معتصم قعد يضحك وامشي ،،،،،،، مقعمزين في المطبخ نوال : اصبري اهو تم كملته ، نحطو صورة راجل بس الاسم mahmod mohamed ( تاليف من راسي راهو هههه ) ودرت مواليد 80 باش يكون قريب من عمره وشن ناقص نورس : ديري يخدم دكتور لانه هداكا دكتور نوال : ايه واهو درتها شن تاني ، والله نوريه مسكر تليفونه اكيد عنده تليفون تاني والله نجيبه نجيبه نورس : ديري كل شي مسكر في الحساب يعني مايشوفه حد الا اصدقائك باش لما تعلقي ماتنكشفيش نوال : ايه والله وقضتيني ... وهي كملته ترا اعطيني تليفون نرجس باش نعرف ايميله الدراه الكبد ، واخدت التليفون واخدت اسم الايميل نورس : ترا وريني شن بتكتبي نوال : اصبري هي وفتحت صفحة حسن وكانت الصورة الي حاطتها اخته تقدر تعلق عليها ، وخشت كتبت " اووو مبروك يادكتور ، بالله هو مغير رقمه ؟ معاش حصلته بالله يااختي كان مافيهاش احراج نبي رقمه ضروري ضروري " نورس : ههههه ياعطيهالك والله مستحيل تشك في الموضوع بكل نوال : والله نجيبه الحيوان ماهو فالت من التهزيبة ، وشوية ووصل اشعار لنوال نوال : حييي رددددت ، وفتحت بسرعه وتخش ماما للمطبخ نوال ونورس حاشيين روسهم في التليفون ماما : شن تديرو الزوز انخلعوو ووخرو ، نوال حطت التليفون في جيبها ماما تشوفلهم بتشكيك : انتو تعرفو علاش صاير لاختكم هكي والا ، وماحاولتوش تمنعوها وتعرفو اختكم صغيرة نوال : قصدي ماما راهو شن صغر بيها راهو تواما احمي يعني نفس العمر ماما : وحتى وكان هي غير تعرفيها حساسة هلبا وطيبة وساهل ينضحك عليها اما انتي عارفاتك تهني علي روحك والحمد لله طلع محمود راجل وتقدملك مع ان حتى انتي مش موافقه عليك تتكلمي في البداية غير الحمد لله طلع ولد حلال ، لكن اختكم كيف تخلوها تكلمه ومن هو اصلا هدا وشن دارلها اني عارفتها ليها قداش مش طبيعيه ولاتاكل ولاترقد وانتو اخواتها الكبار مفروض تردو بالكم منها مش تشجعوها تكلمه وتدسو عليها وماتبوش تقولولي نوال :ياماما ماهيش صغيرة لدرجة ماتعرفش شن تدير وبعدين كيف تبيني نمنعها نقوللها لا ماتكلميش واني بروحي كنت نكلم نورس : والله ياماما احني نحسابوه كويس وهو ماهوش صغير ودكتور يعني عمره 30 سنه ماهوش صغير ، تذكري لما غرقت نرجس في البحر مش انقضها واحد ؟ ماما :ايه نورس :هدا هو ونفسه الي لما نكسرت خلاها تبات في المستشفى يبيها علي اساس وهي شافت في النت اخته حاطة صورته واليوم بيانه وطلع حقير ماما : هييي حسبي الله ونعم الوكيل فيه ، ترا وريني هالي مايتحشم نوال فتحت الصورة : اهو شوفيه ماما : مااشاء الله عليه ، خزي الي مايتحشم نوال ونورس قعدو يضحكو نوال : ههههه ماما ماشاء الله عليه قنين والا مايتحشمش ماما مدتلها التليفون : هههه هو قنين ماهو ، خسارة فيه بنتي هو الي خسرها اصلا بنتي احلى منه ، وتنهدت : ان شاء الله ربي ينتقم منه المهم ردو بالكم من اختكم ، وفكت توكتها بتواسيها طاح في يدها الشعر نورس : ماما كاان شعرك خف هلبا لين بدي فراغات ماما لماته بسرعه : لالا عادي غير شكله من كثر مانشد فيه ، وتلفتت بتطلع : زي ماوصيتكم ردو بالكم من اختكم بنمشي نكلم نسيبة نشوف شنو روحو بوليد والا مزال ، وطلعت نوال فتحت بسرعه بتشوف الرد "اخت حسن : ايه هو غيره لانه راح منه 09134***** نوال : الله اكبررر رقمه ودارت نسخ علي طول سجلاته واتصلت من غير اي تفكير ،،،،،،، اني ركبت فوق للشقة بنوتي ملابس لوليد بنزلهم قاعدة نلف سمعت صوت الباب يطق قربت من الباب : منو محمود : اني هاك خودي راجلك لفيت الوشاح علي راسي وفتحت القيته مركب وليد وسانده عليه ، ووليد ساند ع العكازة اني فتحت الباب بيش يخش : كيف كنت حننزل محمود : مانندري عليه قال بنرقد وليد : تي اعييت مقعمز زي الصنم مانتحركش محمود : هي امالا تبو شي كلموني اني : ان شاء الله مشكور امشي محمود وسكرت الباب وساعدت وليد وخشينا قعمز ع الكنبة : بنقعد مربط اني هكي مزال 3 شهور ننتحر كان هدا اني : بدي الشيباني في التنقريز اهو وليد : هههه باه جيبيلي مخدة بنرقد اهني ع الكنبة اني : هي حاضر ، جبتله مخدة وفتحت اغنيه << مجنون احبك غيرك انا مجنون انا مجنون مجنون احب غيرك انا وش فيه صايبنى عمى حبيبى شايف ها البشر تسواهم عندى انا >> وقعدت ندور ونضم في الشقه ونغني مع الاغنيه وليد متكي ويراقب فيا بعيونه : باه خلاص تعالي قعمزي اني : شوية بس حبيبي نكمل المطبخ يبي شوية ضم وليد : تعالي بس اصلا ظهرك اني : ياعيوني ليا يومين ماضميتهاش الشقه وليد : تي قلت تعالي اني اني : هي جيت ، وقعمزت جنبه ع الكنبه وليد جبدني حطني علي صدره : خيرك ماتسمعيش من الكلمة الاولى وتجي اني : حبيبي بالك صدرك يوجعك وليد : لاخليك مايوجعنيش ماتتحركيش هلبا بس ، وحط يده علي بطني : شن حال بنيتي اني ابتسمت : مستاحشاتك وليد طبس باس بطني : ربي يخليكم ليا ، وقد يشوف لبطني ويحكي : هياا يابابا تعالي فيسع ماتعطليش مانحبش نراجي اني راهو اسالي حتى امك اني : ههههه مجنون انت وليد : مجنون لاني نهدرز مع بنتي ، اسمعتي امك شكلها غارت منك من توا عارفها اني ، ايه عارفها يابابا اني : ههههه ردت عليك ؟ وليد : اسكتي بس خلينا نحكو اني قرنت حواجبي : باه اني بنوض وانت احكي وليد : ههههههههه مع من بنحكي اني : مع بنتك وليد : ههههه كان بترفعيها معاك كيف بنحكي معاها اني سكتت وشادة ضحكتي وليد : ههههه عليك هبلة ، وطبس عليا باسني ،،،،، هي : حسسن راهو كلمني واحد يبي رقمك حسن : منو ؟ هي : مانعرفش صاحبك كتبلب يبيه في تعليق اعطيتهوله ، ومدتله التليفون حسن هدا اما منشور ، وشاف الصورة : شن دررررررتي انتييييييبي ووووو هي : حسسن راهو كلمني واحد يبي رقمك حسن : منو ؟ هي : مانعرفش صاحبك كتبلي يبيه في تعليق اعطيتهوله ، ومدتله التليفون حسن هدا اما منشور ، وشاف الصورة : شن دررررررتي انتييييييبي اخته : شن درت كنك حسن : من قااااالك نزززلي هكي من قاااالك اكتبي الززززح شن درتتتتتي بسسسس اخته : تي كنك مادرتش شي غلط راهوو اني ، هات تليفوني حسن : امحييييه المنشوور امحييي تواا ويطلع تليفونه من جيبه يلقى 5 مكالمات من رقم نوال : الحيوان مايردش والله وراه وراه لين يرد ، وعاودت الاتصال حسن رد باستغراب : ايوه نوال : الو حسن : خير ؟ نوال :منين بيجي الخير وفي مخلوقات زيك تمشي علي سطح الارض حسن طلع من جنب اخته : شن تقولي انتي منو ؟ نوال :اني الجني الي بيلبس عروستك الليلة في بيانك نورس حطت يدها علي فمها وتضحك ونوال تفنص فيها حسن : نعمم ؟؟ نوال : جلم يلوي لسانك ، انت ماتتحشمش علي وجهك بكل مافيكش ذررة احساس قصدي بجد مش مصدقة في ناس بالحقارة هادي زيك حسن مصدوم : احتترممي نفسك نوال : اي احترام يللي ماتتحشمش علي وجهك لكن ربي هو الي ياخد فيك الحق ، برا ان شاء الله اليوم بيانك ينقلب فوقي لووطي بااهي ، لكن اختي ربي ياخد حقها يالي حسباتك رااجل حسن : احترمي نفسك راجل غصبن عنك ومن هي اختك نوال : لالا شكلهم هلبا هما لدرجة متلخبط اما فعلا والله ماتستحي علي وجهك ، لكن شكله اختك فضحاتك ماتندريش عليها انت لكن الحمد لله باش اختي ماقعدتش علي عماها حسن : مش عارف علاش قاعد نسمع لدوتك الفاضية اني بتقولي انتي منو والا نسكر علي وجهك توا نوال : تصرف برجولية المرة هادي واسمع البنت المجنونه الي قاعده تكلم فيك ، اني اخت المسكينه الغافله الي لاقيها صغيرة وفيسع تصدق جاي تلعب عليها تحساب ماعندهاش اهل والا انت في بالك ماعندهاش اخ واب ماعندهاش من ياخدلها حقها عندها رب فووق مننا ويشوف فيناا ، والله ياحسسن يجيك يوم وتبكي دم بدال دموع اختي هادو والله ماني مسامحاتك لو يصير شي لاختي ، ولو في بالك ان اني بنت مانقدر ندير شي زي ماجبت رقمك توا نوصلك وين ماكنت لكن كلمة وحدة بس حسبي الله ونعم الوكيل فيك ، وسكرت التليفون حسن قعد كلام نوال بين ودانه وواقف ومصدوم يحس بالدنيا تلف بيه وانه غلط في غلللطة كبيييرة وظلم انسانه حباته بصدق وخايف من العقاب الي حيجيه من ربي <<نتهور ونقوم بالاخطاء دائما ولانعرف انه كما تدين تدان ولنا رب فوقنا سيحاسبنا >> نوال مسحت دمعتها بسرعه : قداااش حقير نورس : ربي ينتقم منه ان شاء الله ، نوضي نشوفو نرجس وناضو الزوز ركبو ،،،،،،، اني : حبيبي نجيبلك شاهي وليد : لا تعالي اهني بس اني : تي ياحبيبي هني روحك بس جسمك كله مكسر وانت شي مش مهتم بروحك بكل ، خليك اصبر نجيب عصير طبييعي درته امبكري وليد : باه جيبي وتعالي فيسع اني : باه حاضر ، وخشيت للمطبخ صبيت عصير وجبتهوله وليد : تعالي قعمزي اني قعمزت جنبه : حقا حبيبي بيان عدنان ونورس الخميس الجاي وليد : لما جاني امس عدنان قالي ، هو يبيها من قبل ؟ اني : ايه ، حبيبي نبي قفطان راهو وليد : باه ياحبيبتي لما يطلعو اخواتك اطلعي معاهم اني ماعنديش كيف نرفعك اني شفتله بوجه براءة : ماهو نقدرش لازم ناخد رايك معايا حبيبي وليد : باه بعد تجيبيه نعطيك رايي واكيد بتختاري واحد حلو اني هزيت بااكتافي : لاا ساهلة هي ياحبيبي وليد شافلي : انتي من الاخير في حاجة في راسك قوليها اني : هههه يابيبي نسوق اني وتمشي معاي انت وندور قفطان وليد : لا اني : حبيييبييي وليد : لا ياحبيبتي خلاص اني طرمت شواربي : علاش باهي وليد : اصلا ظهرك وبتسوقي بيوجعك اختك تسوق بري معاها وخلاص ، كلمة وحدة هيي لا اني قعدت نشوف جهة التلفزيون ومطرمة شواربي مش عاجبني وليد سكت وقعدت يتفرج حتى هو طارتلي بكل وهو معاش تكلم ، امشي نضت وليد : وين ماشية من غير مانشوفله : بنخش للدار وليد : تعالي اهني اني شفتله وقاعده مطرمة شواربي : وين وليد : تعالي يادلوعه اهني جيت قعمزت جنبه وقاعدة مطرمة وليد جبدني ليه ولف يديه عليا : وين ماشية يازعلانه ، وباسني : مش ملاحظة روحك مولية دلوعه بكل ، وباسني تاني : لازم كلمة لا ياحبيبتي مرة مرة اني : باه شن فيها لو اني سقت ماهو كنت نسوق قبل نتزوج وليد :واني مش راضي عليك تسوقي ومافيش داعي اني : مرة وحدة بس والله علشاني ياحبيبي وليد شافلي : حبيبتي سكري الموضوع خلاص اني عيوني تعبو دموع وبعدت من عليه وليد شافلي : نوسة ماتكبريش الموضوع خلاص مش لازم الكلمة الي نقولها نعاودها ميه مرة ، خلاص قلت لا مش لازم من الزعل ، ماتسمعيش في كلامي بكل لازم من الزعل والعناد اني منزلة راسي وزعلانه نبيش نشوفله وليد : نوسة شوفيلي ردي عليا اني شفتله وعيوني معبيات دموع : باه شن فيها ؟؟ ، وقعدت نبكي وليد قرب مني : تو علاش البكا فيها هلبا حاجات اني مش راضي ، ترضي تديري حاجة واني مش راضي عليها ؟ اني : لا بس شن فيها مرة وحدة بس نمشو مع بعض نبي ناخد ذوقك مد يده مسحلي دموعي : باه بطلي بكا ، وحطني علي صدره : باه حاضر نمشو وسوقي لكن هااا مرة وحدة بس اخرر مرة راهو مرة تانيه حتى تبكي مش معدل اني نطيت وشوفتله بفرحة : بجد حبيبي موافق يعني ، وحضنته : ربي يخليك ليا ياعيوني ومايحرمني منك وليد : هههه باه رقبتي يانوستي اني وخرت : حي اسفه والله نسيتها ياحبيبي وليد : حتى هو سوق ينسيك فيا طبعا اني : ههههه ابدا ياحبيبي ، ترا توجع فيك ؟ وليد : لالا لما لفيت يديك عليا بس وجعتني شوية توا تمام اني بسته علي خده : ربي يخليك ليا نحبك وليد قايم حواجبه : ها توا تحبيني كنتي مطرمة شواربك عليا اني : ههههه ايه لما توافق وتخلينيش نزعل نحبك وليد : وكان ماوافقتش اني : نبكي وليد : هههه سلاحك عاد انتي هداا لاقيتيني مانتحملش دموعك كل شوية منزلتيهم اني : ههههههههه << حبيت عيونك انت وغير عيونك ما حبيت مالدنيا كلها انت غيرك انت مالاقيت زعلتك انا ماتزعل مني يا حبيبي مأنت انا لعيونك أنا بدك قلبي وبدك روحي حياتي انا >> ،،،،،، عليا : وينك مختفي معاش تتصل عبد المنعم : ماحبيتش نزعجك في امتحاناتك عليا : انت مش قصة بتزعجني انت كانك بديت تنسحب بالشوية عبد المنعم : انتي شايفه هكي ؟ عليا : ايه نحسك معاش تبي تكلمني عبد المنعم : اني مانبيش نفسد قرايتك بس عليا : انت مش علي قرايتي انت علي خاطر رفضت بس ماحاولتش تفهمني بكل عبد المنعم : اني توا طلعت ماحاولتش نفهمك لما قلتلك ياعليا شن تبيني ندير شن قلتي انتي قلتي مانقدرش نتخلى علي حلمي ، حلمك طلع اهم مني عليا : باه قصدي نقدرو ناجلو الزواج بعد التخرج عبد المنعم : كان اوداني ماخانونيش سمعتك تقولي نبي حتى نشتغل ومانقدرش نتحمل مسؤولية عليا في لحظة ضعف وخوف علي حب يضيع من يديها ، وبتوتر : قصدي اني كنت في هداكا الوقت نفكر بعقلي يعني من لما اني صغيرة نحلم نولي دكتورة بس لو انت خلاص موافق علي ان اني نشتغل عادي عبد المنعم : علي شنو عادي عليا : قصدي علي موضوع الزواج المهم بعد التخرج عبد المنعم : مانقدرش نراجي الفترة هادي كلها ليش ماتكمليش قرايتك عندي عليا : مانقدرش ياعبد المنعم مسؤولية وقراية صعبة عبد المنعم : انتي قاعده ماغيرتيش رايك علاش جايه فاتحه الموضوع من الاول وتناقشي فيه عليا : اووف بنسالك حقا كيف انهيت الموضوع مع امي وامك عبد المنعم : المهم انتي طلعتي من الموضوع ومعاش ضايقاتك خلاص عليا : لانبي نعرف كيف بدت معاش تحب سيرتك عبد المنعم :مش مشكلة سايورها ترضى عليا وتنسى عليا : عبد المنعم خيرك هكي مولي تحكي معايا ببرود بكل عبد المنعم : اني هكي عليا غاضت : باه خليك هكي اني عندي قراية بنسكر عبد المنعم : باه عليا سكرت في وجهه وتغلي عليه ومش طايقه معاملته ومعاش قدرت حتى تقرا قعدت تفكر في الموضوع وخلاص " دائما مايفعل القلب بنا مايوجعنا ، نجازف بقلوبنا في عشق غير معروف نهايته ، وعندما نفكر بعقولنا نخسر مابناه عشق قلوبنا ، نقع في وجع اكبر " اما عبد المنعم فسكر وهو متضايق ، وشوية ورن تليفون "رنا" رد بصوت مخنوق : الو رنا : اهلين عبدو كيف حالك عبد المنعم : ماشية جوك انتي رنا : تمام خيره صوتك هكي؟ عبد المنعم : شي ، قلتلك انتي مرة بعتيلي مسج انه في ناس جايين خاطبينك رفضتيهم رنا سكتت عبد المنعم : الوو رنا : نعم عبد المنعم : ردي رفضتيهم ؟ رنا : لا ، وخنقتها العبرة : حتى قاعدة لابسة دبلته عبد المنعم : كيف يعني هو لبسك الدبلة ؟؟؟ وعلاش ماتقولييش رنا : عبدو اني ماقدرتش نقولك وقت رديت تكلم فيا اني كنت مش عايشة وقت تباعد عليا وقلبك مع غيري اني مانقدرش نعيش من غيرك ياعبد المنعم عبد المنعم : تي انتي دسيتي حاجة كبيرة ليش ماتقوليش من الاول اني لما ماحكيتيش ع الموضوع قلت اكيد رفضاته رنا : ايه والله حنفسخ توا نكلمه عادي نقوله مافيش نصيب عبد المنعم : معاش ينفع يارنا شوفي حياتك ونصيبك رنا : اني حياتي معاك انت بس ياعبد المنعم ماتسيبنيش بالله عليك ، وقعدت تبكي وتترجى فيه عب المنعم : باه خلاص ماتبكيش بس مش حنسيبك !! ،،،،،، مقعمز في سيارته ويفكر في كل الي صار معاه من يوم جي لبنغازي وكيف الاحداث امشت بسرعه خلونا نرجعو بذاكرة حسن ونشوفو الي صار معاه "وصل لحوشهم استقبلوه امه واخواته واقاربه وكل عيلته كانت هي متميزة بلبستها واناقتها قدمت بخطوات بطيئة وصلت ريحتها ليه قبلها مدت يدها وباابتسامه : الحمد لله علي سلامتك حسن :الله يسلمك هي : نورتنا بعد كانت بنغازي ظلام حسن: نورك سابق ، اية والا اميرة ؟ هي : معقولة نسيتني بالسرعه هادي ،مع تقويسة فم حسن ضحك وحك راسه :ليا سنتين حتى اني وحتى انتو كبرتو ماشاء الله معاش نفرق هي باابتسامه : اني السمحة الصغنونه كان قاعد تذكر حسن ضحك : هههه وين ولت السمحه الكبيرة توا ماشاء الله اميرة معناها اميرة بخجل : هههه ايوا ام حسن مبتسمه : هي عدي خود دوش ياحسونه وتلقى الغدا واتي حسن وقف : هي حاضر ، وخش لداره وهو شاد شنطته قعمز ع السرير طلع تليفونه من جيبه القاه كامل شحنه حطه ع الكامدينو وقعد يطلع في حوايجه طلع من داره : وماسك ملابسه بيخش الحمام اميرة جاته بهدوء : تبي نساعدك بشي ؟ حسن شافلها وشاف لملابسه : الحق كان تربحي فيا اجر تكويلي التيشرت اميرة باابتسامه : حاضر من عيوني ، ومدت يدها اخدت التيشرت وتعمدت تحط يدها علي يده ، وبعدها سحبتها بسرعه ، ولفت وامشت حسن قعد سرحان شوية وبعدها خش للحمام .... قطع سرحانه تليفونه طلعه لقاه اميرة ، حس روحه مخنوق فصل عليها ورجع سرح "بعد كمل الغدي بين اهله وناسه وكانو الكل مستاحشينه خش للمطبخ بيغسل يديه لقاها واقفه وعاطياته بالظهر وسرحانه ابتسم وقدم متسلل لين جي وراها : ماتقوليش وين سرحانه اميرة فزت ومخلوعه واضح علي وجهها ، وبصوت بيبي زعلان علي وشك البكا : فجعتني حرام عليك حسن يصب في ميه : ههههه في شن كنتي تفكري اميرة : مش عارفه هكي سرحت فجاة حسن : شكلك ماتغديتيش اميرة باابتسامه : ايه ماهو صايمه حسن بااستغراب : ليش اميرة : اثنين ماهو حسن متفاجئ : مااشاء الله ، شن تقري انتي توا اميرة : السيمستر الثاني قانون حسن : بالتوفيق ، كااني ماشفتش خوك محمد اميرة : ليش ماتعرفش انه مسافر من شهر حسن : لالا وين سافر امير : مانشستر وقعدو يهدرزو الزوز ومنسجمين خشت ام حسن للمطبخ شافتهم يهدرزو الزوز فرحت شاف حسن لامه وابتسملها " رجع حسن بالذاكرة للخلف اكثر حسن : امي اني جاي غدوة لبنغازي ام حسن : روروروري طيب فيك ياوليدي هادي ساعه الفرح ، هي تعالى باش نفرح بيك وعروستك واتية حسن : لاياامي اصلا اني جايك باش بنحكيلك ولما بنجي اهني بنجيبك معاي مرة وحدة باش تخطبيهالي ام حسن كشرت : ومن هي ومن وين تعرفها حسن : انتي لو بس تشوفيها عارفك حتحبيها وحتعجبك ام حسن بتردد : باه باه ان شاء الله خير غير تعالى بس " قطع سرحانه صحابه الي جاايين جهته بدوشتهم وقعد معاهم بعدها ،،،،،،، معاد : ينعن شكلها مرة وحدة وينها الحيوانه لتوا طالعه من 10 وتوا الساعه 3 خالتي مقعمزة وقدامها سفرة الغدي : ترا اتصلي بيها ياسرور بالك عند وحدة من صاحباتها سرور : ياماما المرة المليون الي نقولك فيها ماعنديش رصيد خالتي : خودي تليفوني مرض باهي سارة مقعمزين في كافي: بس انت عارف انك تبي طريحة معتصم : طرييحة ؟؟ ههه وعلاش سارة : لانك ماشاورتنيش في شي في الحوش مااخديتش ذوقي معتصم : هههههه انتي خيرك ليك ساعتين هكي نحكو في 100 موضوع غيره وتلودي تلودي وتوليله وبعدين اني درته مفاجأة قلت ماعنده علاش مايبيش يعجبها سارة : ماواثق من نفسه ، شرين تليفونها طلعاته القاته "ماما" وقامت عينها للساعه ووو : هيييييي الساعه 3 نهاري الاسود الما تقتلني ماما وناضت تجري طبعا معتصم لما شهقت انخلع قريب طاح من الكرسي ووقف : باه غير هدي روحك بس ماحسيناش بالوقت طلب معتصم الحساب ودفع وطلعت سارة تجري وطلع وراها ، وهو راكب سيارته : رد بااالك تجرري ها بالشوية مش تقعدي خايفه تجري اني وراك سارة وقفت جنبه : باه باه ، وردت علي امها : ايوا ماما سرور : وينك هدا كله معاد بصوت عالي : قوليلها ترووح توا الحيوانه خيرلها سارة : واااك هالدراه الكبد هدا باه اهو مروحة كنت عند صاحبتي ندى معاد : والله غير تروحي تشوفي الدراه الكبد كيف شكله سرور : هههه فاتحة المايك ياغبية خالتي : قولها غير تروحي حسابك في الحوش سارة : تي وووه وانتو تهددو من قبل مانوصل تخيلو توا واني مروحة يصيرلي حادث ونموت تندمو بعدين علي هدا كله والا نقعد نجري توا وخايفه تصير فيا حاجة في رقبتكم معتصم فنص فيها وشد يدها معاد سكت وسرور شدت ضحكتها خالتي : روحي روحي من غير دوة فاضية سارة : باه اهو مروحة سكرت من امها وركبت سيارتها ومعتصم وراها ،،،،،،، ومر الوقت الساعه 8 بعد المغرب فتحت عيونها الدار مظلمة ، لفت بعيونها القت روحها في دار نوال غمضت عيونها ومر شريط كل الي صار قدام عيونها تمنت في هاديكا اللحظة تكون كانت تحلم او كابوس مجرد ماتفيق تنساه بس للاسف كان واقع قعمزت ، لمت شعرها نزلت من السرير وطلعت من الدار امشت لدارها على طول ، قعدت تدور في تليفونها وتجي عينها ع السلسلة الي فوق السرير على طول خنقتها العبرة ، قدمت ببطء قعمزت ع السرير واخدت السلسلة بين يديها ونزلت دمعه ولحقها باقي الدموع اضبطت السلسلة وتبكي + "وياويل عاشق قد جرحه قلب حبيبه وياويل خائن قد غدر بقلب محبوبه وياويل مخادع قد خدعته مظاهر فخدع قلب مجنون بعشقه وتركه بمنتصف الطريق وياويل رجل قد ابكاه انثاه قهرا فلينتظر عقابا من الله " + وقفت وامشت جهة دولابها ، فتحاته وجت عينها ع الصندوق الكبير طلعاته وبعدها شافت القفطان الي هداهولها وريحته قاعده فيه تذكر وقت فاجئها بيه كلامه ليها ، تغزله فيها مدت يدها طلعاته وعلى طول شمت ريحته اضبطاته بقوة وتبكي تبكي قهر وخذلان ، تبكي علي حب قلبها قعمزت علي سريرها بتعب ، مسحت دموعها وفتحت الصندوق ريحته ، ساعته ، هداياه ، حتى الورد الي هداهولها والباقات كانت مجففه ومغلفه مع بعض مررت صوابعها علي هداياه الي معبيه الصندوق وكل مفاجئاته ليها بهالهدايا قاعده تمر قدام عيونها وعلي ذاكرتها قامت الشال بتاعه وحضناااته بقووة وتبكي وتذكر كيف خداته منه " نرجس : البس شي ياحسن والله نحس بالجو صقع حسن : مش صقعان اني وكانو واقفين جنب سيارته ، طبس حسن ع السيارة وطلع الشال ، لفه علي رقبتها وهو يشوف لعيونها نرجس ابتسمت لما وصلتها ريحته وغمضت عيونها ، وحطت يدها علي الشال حسن : ههه خيرك نرجس انحرجت ، ابتسمت بخجل : ريحته حلوة حسن : استني ، وطبس طلع شيشة صنه وقعد يبخ ع الشال نرجس مصدومة : لاحسن حي عليا تولي ريحتي رجالية حسن : ايه عادي باش الي بيكلمك يرفعك محجوزة لراجل نرجس : هههههه من جدك انت ، والله الريحة قوية واخواتي وصاحباتي شن نقوللهم حسن ماعدلش عليها ، وطبس بيحط العطر نرجس : حسن ارجى شافلها باستغراب ، مدت يدها سحبت منه العطر : خليه معاي حسن قعد يضحك : باه خليه " + تستمر القصة أدناه "" وماذا يبقى في الفراق غير ذكريات توجع قلوبنا"" تذكر نرجس وقت هزبتها نورس علي ريحتها ، وهي كانت فرحانه وفرحة الحب الي بداخلها كافية بانه تخلي مزاجها مايتعكرش لاي كلمة وقت روحت للحوش ركبت بسرعه قبل لاتشوفها ماما . ،،،،،،، شاد تليفونه ومتردد يتصل بيها او لا وسرح في خطوات خسرانه للانسانه الي تعشقه بجنون " كان راقد فجأة طق الباب تململ بانزعاج فتحت الباب بهدوء وخشت وسكراته وراها قعمزت ع الكرسي قدام سريره وعيونها عليه تتأمل فيه حس بحد خش بس لانه كان مدهشر بالنوم غط في نوم عميق قعدت تتامل فيه من غير ماتمل ، مدت يدها وحولت الخصلات الي نازلات علي جبهته وقعدت تمسح علي شعره وتتأمل فيه طبست بتبوسه علي جبهته وفجأة فتح حسن عيونه وشافلها بصدمة بساته وقاعده ماتندريش عليه ناض ، شافاته فاتح عيونه نصدمت ووخرت منه وتوترت معاش عرفت شن تدير حسن قعد يشوفلهت بصدمة : اميرة شن تديري اميرة خلاص قريب تبكي من الموقف وخرت : اسفه اسفه بجد ، ولفت طلعت بسرعه قعمز وسرحان ومش مستوعب الي صار وفجأة سرح فيها وفي جمالها وفي اللقطة الي صارت " ،،،،،،، مسحت دموعها نرجس وخلت الصندوق وكل شي في مكانه وناضت وقفت ، طلعت من دارها وسكرتها سمعت صوت دوشة لوطى خشت الحمام غسلت وجهها ونزلت مستغربة خشت لدار المعيشة القت خالتي وبناتها ومعاد ابتسمت ابتسامه باهته وسلمت عليهم معاد باابتسامه : وين هداا كله نووم ياكسولة من بكري احني اهني نرجس ابتسمت : ايه تعبانه هلبا ليا كم يوم مانرقدش كويس خالتي : حتى وجهك رايح اصفر في حاله يابنتي ماتاكليش بكل انتي راهو معاد قرن حواجبه وقعد يشوفلها ماما : بري تغدي اغداك قاعد فوق الطاولة نرجس : باه بعدين ياماما ماعنديش نية توا ماما : اسمعي الكلام سلم بنيتي خالتي : بري كولي حي عليك يصيرلك هبوط بري غصبي علي روحك وكولي وقعدو هكي يشدو فيه ، فااستسلمت وناضت امشت للمطبخ قامت الصونية وحطتها في الميكرويف تسخن فيها خش معاد وهو ساكت نرجس واقفه وعاطياته بالظهر وتراجي في الميكرويف يكمل وسرحانه معاد شرب مية وقعمز يشوفلها كيف سرحانه ومش منتبهة لشي معاد : كمل تسخين من بكري نرجس انخلعت :ها شنو معاد اشر : قريب حتى تبرد نرجس طلعت الصونية وقعمزت ع الطاولة وجابت زوز كواشيك :تفضل معاي معاد : كولي انتي صحتين نرجس : مانحبش ناكل بروحي معاد : باه تو نسايرك هي سمي بسم الله حطت نرجس الكاشيك في الصونية ولقت روحها تقلب فيها وخلاص ، تحس بنفسها مخنوقه ومش قادرة تاكل معاد شافلها ، حط كاشيكه : شن في يانرجس ؟ نرجس شافتله ودموعها في عيونها : ولا شي معاد : ماتقوليش ولا شي واضح عليك ، شن صاير ؟ نرجس خنقتها العبرة وخلاص دمعتها بتنزل وشادة روحها بالسيف ، شربت ميه وماتبيش تشوف لمعاد معاد : احكي يانرجس نرجس دمعتها غلبتها نزلت ، ومعاش قدرت تشد روحها + << سلم يا حب ع اللي غاب عني وراح ئلو ما نسيت حبو نهار لا ما نسيت ئلو هالئلب بعدو صار كلو جراح مهما ئسي أنا ما ئدرت يوم نسيت ئلو العمر من بعدو شو بينفعني لو ضل بعيد اندهلو ما يسمعني يرجع شي يوم ويرحمني من هالعزاب صارلو كتير مسهرني + تعب الشوق يشتئلو ,, تعب الئلب يندهلو ئلبي ما حب من ئبلو لاااء عندي حنين لعيونه ,, عمري لمين من دونه ان مرئو سنين ما بخونه لو خان كل العشاق >> + وقفت وبتطلع ، شدها معاد من يدها انهارت بكي ومعاش قدرت تقاوم وصورة حسن بالبدلة الرسميه وكلام اخته ذكريات حسن ريحة حسن هدايا حسن كلام حسن كله كافي يخليها تبكي دم بعد الخيانه معاد لما شافها انصدم من حالتها شدلها وجهها بين يديه ، ويديه يرعشو قعد يمسحلها في دموعها نرجس ارتمت في حضنه وهي في اقسى حالات ضعفها تبكي بالعبرة معاد اضبطها ويهدي فيها : نرجس خلاص نرجس حبيبتي خلاص نرجوسة وردتي بطلي بكا نرجس لما قاللها وردتي زادت تبكي اكثر ، وبصوت مش مفهوم :كللم ةة ح س سن هادي كل مة حسن هو ب بس ي يقول ورد دتي معاد مافهمش من كلامها الا كلمة حسن ، غااض ولو ممكن قدامه حسن كان يقتله "وهل رأيتم مثل هدا القلب العاشق بجنون ، قد استسلم قلمي امام قلبه فلطالما كتبت عن عشق عظيم وخططت بيه السطور ولكن امام هدا العشق وقفت كلماتي "