سند الأنثى رجل - الفصل 30 - بقلم shosho - مكتملة | روايتك

عمتي : كيف حال بوك توا ، قالت امي مرض الفترة الي فاتت واهني خشت عليا بسفره القهوة وتشوف لعبد المنعم من بعيد ودايخه من ريحة عطره ، وماانتبهتش لرجل عدنان وتعتر فيها عبد المنعم متلفت لعمتي : والله الحمد لله توا ... وماكملش جملته لين كانت عليا عثرت وطاحت علي طولها وسفرة القهوة كلها جت في حجر عبد المنعم عبد المنعم ناض يجري لان القهوة سخونه وعيط عليهاا : خيييرك عميه ماتشوفييييش نورس ونرجس : ههههههههههههه ، بعدها حطو يديهم علي فومهم لما فنصت فيهم ماما حنينه : غير برا اجري اغسل رجلييك عبد المنعم امشي للحمام ومتعفلق ويسب ويلعن في عليا وخش للحمام وقربع الباب اما عليا فقعمزت وهي مصدومة وتشوف وخلاص عمتي : اذهب شيرتك ياكبدي حرقتيله رجليه نورس ونرجس يضحكو وغامين افومهم ماما تفنص فيهم : تحشمي انتي وياها نورس : هههههههه تي والله ماقدرت نشد روحي ع الضحك فاتني ماصورتش عدنان فنص في نورس يبيها تبطل ضحك وقعد يضحك حتى هو عمتي : غير نوضي قيمي الفناجين وجيبي امسحي البسااط اجررري عليا : ههههههههههههههههههههههههه نورس ونرجس وعدنان قعدو يضحكو حتى هما ، وماما وعمتي وحنينه من منظر عليا كيف مقعمزة زي العبيطة وتضحك ، قعدو يضحكو اما عبد المنعم ينظف في سرواله في الحمام ويسمع في الضحك وطايرتله ناضت عليا قامت السفرة والفناجين الي طاحو ، وساعدتها نورس ومسحو البساط عبد المنعم كيف طالع من الحمام وقارن حواجبه وطايرتله تقابل هو وعليا خاشه للمطبخ واول ماشافاته زرتها الضحكة اما نورس وراها فقعدت تضحك عليا : اسفه مش قصدي عبد المنعم ماردش عليها وامشي وسيبها ، عليا ونورس خشو للمطبخ ويضحكو بالشوية عبد المنعم خش للدار الي هما فيها : حناي اعطيني مفتاح حوشنا خلي نمشي عمتي : معليشي سامحنا ياوليدي مذهوبه الشيرة هادي عبد المنعم قارن حواجبه : لالا مش مشكلة حنينه : اقعد اهني في سرير في المربوعه ارتاح فيها ، حوشكم راهو غبرة وقداش ليه مسكر عبد المنعم : باهي ، وقام شنطته وخش للمربوعه وسكرها وهو طايرتله ويحس في مكان الحرق علي رجليه عليا ونورس خشو للدار قعمزو وكل مايتفكرو الموقف ينوضو يضحكو ، وعمتي وماما يكشخو عليهم حنينه : هي يافادية حطو الغدي اكيد الولد جعان عمتي وماما ناضو خشو للمطبخ وخشت معاهم عليا تساعد فيهم ، اما عدنان لما ناضو غمز لنورس ، وناض طلع نورس قعدت شوي وطلعت وراه وردت الباب عدنان : استاحشتك يادرية نورس : امس كنت عندنا امتى لحقت تستاحشني عدنان : شي شي مايمشيش معاها الرومانسية بكل نورس : ههههههه من امتى نازلة عليك الرومانسية عدنان قعمز علي كرسي وطلع دخان ، وولعه نورس قربت وقعمزت في الكرسي الي جنبه وقعدو يهدرزو ،،،،،،،،،،، اما نوال في الحوش رنت علي محمود محمود : الو نوال : عاش من سمع صوتك والله وينك امس محمود : ماتفتحيش الموضوع نوال : ههههههه ماتقوليش قاعده طايرتلك من المبارة بس محمود : ع التيشرت الي لابستيه في الصورة ، نهارك اسوود مزال نلقاك لابستيه نوال : اكيد انت مهبول والا مش فايق ، تي هدا التيشرت عشقي محمود : حي عليها هادي نوال تضحك : اسمع قصدي اني مدريدية نشجع في ريال نقطة اخر السطر محمود : نوال راهو نولع السيارة ونجيك نوريك الريال كيف شكله ، اني خطيبتي الي بتولي مرتي تشجع برشا زيني ، زيدي سكري راسك تو لما توصلي عندي تو تشوفي الريال كيف شكله نوال : هههههه باه لهداكا الوقت بنشجع ريال لين نوصل عندك ونشوف الريال كيف شكله محمود : كان في حد بيجيبلي الجلطة هو انتي نوال : ههههههههه ، باه غير شن جوك وشن تدير ووين قاعد محمود : قاعد قدام المحل وليد حاط عمال واني قاعد معاهم ، مزال شوية تشطيبات الديكور نوال : وبيرجع محل اثاث والا زي قبل محمود : ايه اني والله كان نلقاه معرض سيارات لكن المنطقه مش مناسبة وهكي ، خليك شوية نوال : باه محمود قعد يتكلم مع الي جنبه بعدين قاللها : نكلمك بعدين هي سلام ، وسكر اما نوال فكسدت معاش عرفت شن تدير بروحها في الحوش ركبت تلبس وبتمشي لحوش حنينه ،،،،،،،،،،،،، في العزي بدت الزحمة تخف وقاعدين الجيران الاقراب يمشو ويجو وشوية من الاقارب البعاد بحكم انه ماعندهاش هلبا ناس في المطبخ عبير تغسل في الاماعين : مش عارفه كيف نشكركم والله علي وقفتكم في العزي الخاله رجعة ( ام اسامه ) : العفو يابنيتي الناس لبعضها وبعدين اني فاطمة كانت اوخيتي الي ماجابتهاش امي في موتته المرحوم الله يرحمه يااما وقفت معاي ، ماكلة العزي كلها كان ماهي طيبتها ، وبحزن : ربي يغفرلها ويرحمها مراة كانت طيبة علي قد ماشافت من هم ديما تلقيها صابرة وتحمد في ربي مرات حتى ارتاحت من هالدنيا ومن المنجوه الي حصلت فيه عبير بحزن : مسكينه والله ماشافت خير في حياتها ، وخنقتها العبرة لانه هي حالها مش احسن من حال عمتها كيف كان ، قالت في سرها الحمد لله ع كل حال الخالة رجعة حست بحزن عبير : ربي يسعدك حتى انتي يابنيتي واهو افتكيتي منه هداكا وان شاء الله ربي يحفظك لبنيتك عبير : آمين بارك الله فيك واهني طق باب المطبخ الي يفتح ع الجنان وخش اسامهر: السلام عليكم ، في حد ؟ عبير واست حجابها : وعليكم السلام اسامه خش كيف حالك ياعببير عبير : الحمد لله بارك الله فيك اسامه جبد كرسي ووقعمزت جنب امه : وانتي ياامي كيف حالك الخالة رجعه : الحمد لله في نعمه ، وين كنت ؟ اسامه نزل راسه : تطلقنا الخاله رجعه شهقت : هييي صلي ع النبي اسامه : عليه الصلاه والسلام ، هي هذا الي تبيه ياامي عبير تغسل في الاماعين وساكته الخاله رجعه : لاحول ولاقوة الا بالله بينكم ولد ياوليدي علاش الاستعجال اسامه : ياامي شن تبيني نديرها ترا قولولي ليها توا شهرين مسكرة راسها امس كلمني بوها قلتله خلاص غدوة نمشو للمحكمة ونطلقها ، والولد في حضانتها ناخده اني خميس وجمعه ونردهولها السبت وخلاص الخاله رجعه : ربي يهديها الواحد يخرب في حوشه بيديه ، ترا بنيتي ياعبير اميه جنبك بالله عبير : هي حاضر ، وصبتلها اميه وجابتها مدتهالها واهني تخش نسيبة مرة تمشي ومرة تطيح وتقعد تزحف اسامه ناض وقامها : اووووباا الحلووة بدت تمشيي ، وقعد يبوس فيها عبير كملت اخر صونيه في الغسل وتلفتت ابتسمت الخاله رجعه : يعطيك الصحة يابنيتي عبير : الله يسلمك اسامه قعد يلعب في نسيبة ، وعبير قعدت تديرلها في حاجة بتوكلهالها ،،،،،،،،،،،،،،، شرين الباب رحمة : محموود الباب يشرين محمود من الحماام ( حشاكم ) : اني في الحمااام رحمة : اوووف ، وطلعت قربت من الباب : منوو هو من ورا الباب : اني عمرر ، محمود قاعد رحمة ابتسمت : ايه قاعد ، دقيقه بس ، وخشت تجري لبست بتاع الصلاة وولت تجري ، وقفت قدام الباب خدت نفس وفتحت الباب ، ووخرت عمر دف الباب وخش وسكره وراه ، شافلها ونزل راسه رحمة : محمود في الحمام خش للمربوعه وتو نقوله انك جيت ، ولفت وخشت عمر ، صوره عيون رحمة قعدت بين عيونه وقعد سرحان ، بعدها فاق لروحه وخش للمربوعه عمتي طلعتله في المربوعه : اهليين ياوليدي انستنا عمر وقف سلم عليها : الله يأنسك كيف حالك كيف حال صحتك عمتي قعمزت : الحمد لله كويسة ، كيف حالك انت وكيف اخوياتك وبوك عمر : الحمد لله والله بخير ، كيف حال الاولاد عمتي : باهيين والله الحمد لله ، هدا محمود خش يدوش تبيله باش يطلع تو عمر يضحك : هههه عارفه تو نستناه ، هو قالي تعالى اشبح شن يبي عمتي : دارلك مشوار من مصراته جييت عمر : هههه لاوالله من حظه كنت جاي امس لعيلة خالي وجايب اخواتي فجيته علي طول عمتي : جيبهم مرة تانيه البنات يهدرزو عندنا اهي رحمة من نفس العمر يغيرو حتى جوهم عمر : ان شاء الله اما رحمة فعارفه انه محمود يعطل في الدوش ومابتش تقوله انه عمر جي ، خشت تجري للمطبخ ودارت قهوة ، وحطت حلويات ، واخدت السفرة وطلعت بيها ، وقربت من المربوعه : ماما عمتي : تعالي يارحمة والله مافيا رجلين انوض عمر نزل راسه لكن فرحان انه بيشوفها مرة تانيه رحمة اخدت وشاح لفاته بطريقه مرتبه وكانت لابسه بنطلون وبلوزة لنص الفخد لونها زيتي وخشت ومنزلة راسها ، تقول ملاك نازل عليها العقل بشكل فظيع ، وبصوت واطي : السلام عليكم عمر خطف نظرة منها : وعليكم السلام رحمة حطت السفرة ع الطاولة ولفت وطلعت ، وهي مبتسمه واهني طلع محمود من الحمام ويجفف في شعره وجاي جهة المربوعه وشاف رحمة طالعه ومبتسمه : انتي شن كنتي تديري في المربوعه رحمة فاقت من عالمها الي كانت سارحة فيه وجمدت في مكانها محمود يقرب منها وشاد علي سنونه بغيض : شن كنتي تديييري من في في الربوعه ؟ عمتي لما سمعت صوت محمود خافت يدير مشكلة وبتوقف رجليها معاش قدرت : محموود تعااالى هذاا صاااحبك عمر جي محمود يفنص في رحمة ، وشد يدها ضاغط عليها بالقوة : شن كنتي تديري خااشه بالك دايريلك مقابلة شرعيه واني مانندريش رحمة : ااااي حووول غاادي ماما قالتلي خششي القهوة عمر سمع الصوت خاف علي رحمة لكن معاش عرف شن يدير ، وعمتي كذلك محمود ضغط علي يدها بقوة وضاغط علي سنونه ، بعدها طلقها بقوة : اقلبي وجهك مانبيش نشوف وجهك الجهة هادي والله لو تجي اهني رجليك نقصهم رحمة قعدت أتمتم وتسب في محمود وامشت خشت لدارها ، اتكت علي سريرها وابتسمت لما تذكرت نظرات عمر اما محمود خش للصالون قارنهم وطايرتله ، عمر عرفه فماباش يتكلم ، بعدها عمتي ساعدت روحها بالشوية وقفت وطلعت محمود مقعمز وطايرتله ، وعمر سكت سكت وقاله : شن كنت تبيني علاش قلتلي تعالى ؟ محمود ماردش عليه وطايرتله وقارن حواجبه ويهز في رجله عمر سكت وخلاص وقعد يتفرج ع المهبول الي قدامه امتى يهدأ ،،،،،،،،،،،، نوال طقت الباب وفتحتلها نورس نورس : تواضعتي وجيتي نوال تخش وتحول شوزها : كسدت بروحي نورس تقرب من وذنها : غبية فاتك موقف ولا في الاحلام فاتني تصوير بس نوال : شن صار نورس تأشرلها بمعنى اسكتي واشرت علي المربوعه نوال شافت للمربوعه واهني طلع عبد المنعم عبد المنعم شاف لنوال نوال قدمت سلمت عليه : الحمد لله ع سلامه عبد المنعم : الله يسلمك ، مبروك الخطوبة ، مع انك صغيرة ومزال بكري نوال : الله يبارك فيك عبد المنعم لف وامشي وخش للدار الي فيها حنينه نوال عوجت فمها وقعدت تقلد في عبد المنعم : مبروك الخطوبة مع انك صغيرة ومزال بكري ، وااااك مااثقل دمه نورس : ههههه اسسس هو طايرتله نوال : وعلاش ان شاء الله نورس : تعال في المطبخ تو نحكيلك ، وامشو هما الزوز للمطبخ بعدها حطو الغدي وتغدو مع بعض ، وعدنان طلع ، وعبد المنعم خش للمربوعه رقد بعد نص ساعه عليا قربت من المربوعه بالشوية بالشوية ، كان الباب مردود شافت من الفتحة الصغيرة ، عبد المنعم راقد وعاطيها بظهره ، دفت الباب بالشوية بالشوية لين فتحاته بحيث تقدر تخش ، خشت وتمشي علي روس صوابعها ، قربت من طاولة كان عبد المنعم حاط عليها شنطه صغيرة وجنبها البرفان ، قدمت بالشوية وقامت البرفان حفظت اسمه وبخت منه علي يدها وحطاته ولما حطاته دار صوت ، جمدت في مكاانها عبد المنعم تحرك بإنزعاج بس ماتلفتش علييا حتى نفسها شداته وقعدت مجمدة في مكانها ، بعدت شوية بعدها لفت وقعدت تمشي علي روس صوابعها وطلعت من المربووعه تجرري خشت للمطبخ وقعدت تشم في يدها نوال كانت تشرب في ميه : ان شاء الله باللطف عليا قربت منها وشممتها يدها نوال : برفان عبد المنعم نهارك ابيض كيف وصلتي فيه عليا تشم في يدها : يهيبببل يهببل نوال : ههههه اما فيك صحة وجه مش طبيعيه بعد الي درتيه امبكري + في الدار عمتي وماما يهدرزو وحنينه راقده جنبهم ، نورس تتفرج ع التلفزيون ، ونرجس شاده موبايلها ، وصلها مسج حسن : طشة شن جوك ؟ نرجس ابتسمت وردت عليه : تمام وانت حسن : نفكر فيك من بكري والله ماني عارف شن درتي فيا يابنت خليتيني زي المراهقين نرجس قعدت تضحك وماردتش عليه حسن بعت مسج تاني : نجك ليا ياحشوميه انتي نرجس ابتسمت : وين قاعد ؟ حسن : كيف خشيت للعيادة ، نكلمك بعدين ؟ نرجس : باهي عادي حسن : عينك من روحك توا ، نحبك نرجس لما قرت الكلمة قلبها قعد يدق بقوة ومعاش عرفت ترد عليه، هي عارف روحها تحبه ، بس ماتؤمنش بالحب من اول نظرة هي شافاته مرتين بس ، ماتبيش تتسرع ،،،،،،،،،،،،،، بعد أسبوع ، الساعه 12 الظهر اني : حبيبي نحطه البنطلون هذاا وليد يمسدلي تيشرت : لالا هدا مانبيشي ، حطيلي التيشرت هذا والبنطلون الازرق اني طلعت الي قالي عليه ونطبق ونحط في الشنطة طبعا قاعدين نوتو في روحنا غذوة الفجر طيارتنا لتركيا وليد : امتى يوصل عمك قلتيلي اني شفت للساعه : حييي حبيبي اكيد حتى وصل للحوش ، ووقفت نجري وليد : باه مش مشكلة مش هارب هو تلحقي تسلمي عليه اني ندور في لبسه : نبي نستقبله ياحبيبي مستاحشاته قريب يسكر تلاته سنين ماشفته ، وقعدت نفتش في الدولاب بتوتر ومش عارفه شن نلبس وليد جي وراي : اهدي باهي ، ومد يده طلعلي بلوزة بيضا وعليها قونه سودا طويلة : اهم حلوات اني شديتها : مش عارف نحسها ماتطلعش عليا وليد شدلي خدودي : كل شي يطلع عليك مافيش شي مايطلعش عليك اني حطيت يدي علي خده : سلمهولي الي ديما يجامل فيا ويرفعلي في معنوياتي وليد : ههههه ، هي باه البسي بسرعه باش تلحقي تشوفيه اني نزلت راسي فجاة وشاده اللبس في يدي وليد رفعلي راسي : شن صار توا ؟ اني خنقتني العبرة : انت شايف عمي قبل ؟ وليد : لاوالله اول مرة حنشوفه وفرحان اني حنتعرف عليه اني نزلت راسي : باه بعدها جهزت نفسي واني قلبي مقبوض وحاسه روحي خايفه مش عارفه علاش وليد : نوسه خيرك ، انتي كويسة ؟ اني : ايه تمام وصلنا لحوش حنينه نزلت بتردد + في الحوش الداخل كان عمي واصل ، والعيلة كلها مقعمزين في المربوعه عمتي واولادها وايه وسميه وعليا ، ماما واخواتي ، عمي ومرت عمي وعصام ورويدة وعبد المنعم وعلي سميه شادة ولد رويدة وتلعب فيه وفرحانه اول مرة تشوف ولد اختها عمي مقعمزين جنبه اخواتي وكل وحدة تشوفله ودمعتها في عينها + وقفت قدام الباب وشفت لوليد وليد شد يدي : نوسه خيرك اني ساكته وليد طق الباب ويسال فيا : حبيبتي مريضة ؟ فيك حاجة ؟ ماتشغلينيش ؟ اني : شي ، وشفتله وواضح علي عيوني القلق + ماما : هادي اكيد نوسه ، نوضي نورس افتحي لاختك عمي اشرلها : خليك تو انوض اني نفتحلها ، ووقف ، ويمشي بخطوات ثقيله شوية واقفه وقلبي يدق بسرعه ، وينفتح الباب عمي واقف مبتسم : اهلا اهلا اني معاش قدرت نشد دموعي اول ماشفته ، اضبطته بسررعه وقعدت نبكي اما وليد واقف متفاجأ ويشوف لعمي ويدقق فيه كويس عمي يمسح علي ظهري : غير علاش البكي بس + عمي توأم هو وبابا يعني نفس الشكل ، الاختلاف بس انه عمي عنده شيب في لحيته وشعره اما بابا فكان شعره اسود ومافيشي شي اني شفت وجه بابا في عمي ، للحظة شفت بابا الي مستاحشاته ، للحظة شفت الوجه الي ليا قريب تلاته سنين ماشفتاشي ، الي اخداته مني الدنيا ، اغلى شي في حياتي شفته قدامي بعد هالغياب والشوق ، حتى حضنه نفس حضن بابا ، ريحته ريحة بابا قعدت مضبطاته ونبكي ونشم في ريحته ماما واخواتي ناضو ويشوفو شن صار وحتى هما الدمعه الي كانو شادينها نزلت + << عمي يارائحة أبي لاتحرمنا من وجودك فنحن نحتاجك >> بعد سلمت علي العيلة كلها وتحمدت علي سلامتهم ، ووليد سلم ، قعمزت جنب عمي ونشوفله ودموعي ينزلو حنينه حتى هي قعدت تبكي عمي : اني ماجيتش باش تقعدو تبكو هيا عاد يانوسة امسحي دموعك وليد شد يدي ومدلي منديل ، خديت منديل وقعدت نمسح في دموعي عمي : كيف حالك ياوليد ماسمحتلناش الفرصه قبل وتعرفنا وليد : الحمد لله بخير والله ، معليشي الظروف معروفه ، كيف حال صحتك انت وشن اخبارك كنت اني واخواتي نشوفو لعمي لما يحكي وكانه بابا نورس قعدت ساكته ومانزلتش منها دمعه وقعدت تراقب في عمي بعدها معاش قدرت تتماسك ، انهارت بكي وناضت تجرري طلعت من الحوش كلنا شفنا جهتها ، عدنان ناض يجري ولحقها لطفيه مرت عمي : خيرهم بناتك يانادية اللطف ماما نزلت راسها وشادة دمعتها ، اني واخواتي قعدنا نشوفو لبعض ودمعتنا حاصله عمي : اني كان نحسابكم هكي بتديرو راهو والله ماجيت نوال : علاش ياعمي ماتجيش علاش تحرم فينا منك وانت ريحة بابا ، ونزلت دمعتها : احني نشوفو في صورة بابا فيك الي فقدناها من تلاته سنين ، من كثرة وحشتنا ليه لين بدينا نشوفو فيك في صورته وانت تشبهله حتى ريحتك زي ريحته ياعمي ، ياسر انحرمنا من بونا ننحرمو منك حتى انت عمي نزلت دمعته ، اما اني ونرجس وماما فكانو دموعنا ينزلو اكثر مع كل كلمة قالتها نوال نوال ناضت طلعت وخشت للحمام عمي تنهد بضيق ونزل راسه رويدة : خيركم قلبتوها نكد ، عرفينا يانسيبة بوليد اني شفتلها شبحة تقدر تفهمها كويس وليد ارتبك وفهمني اما عبد المنعم ففنص في رويدة عمتي محاولة لتغيير الموضوع : وين راجلك انتي رويدة رويدة تلفتت لعمتي : امشي لامه علي طول واني جيت مع بابا ماما ساكته ومتضايقه بكل اما نورس فلما طلعت طلع وراها عدنان نورس تمشي بسرعه وتبكي عدنان يمشي وراها : نورس راجي نورس شوفيلي خير نورس تمشي وتبكي وصورة بابا بين عيونها عدنان قدر يلحق عليها وشدها من يدها : نورس حبيبتي خيررك نورس تبكي بالعبرة ، وزي البيبي : نبي بابا ياعدنان عدنان انصدم وخنقاته العبرة حتى هو ، مد يده مسحلها دموعها : حبيبتي اهدي ادعيله بالرحمة بس نورس تبكي وتشهق ، اضبطت عدنان عدنان قعد واقف مصدوم ومعاش عرف شن يدير ولف يديه عليه وقعد يهدي فيها + اما نوال فلما خشت للحمام قعدت تبكي وتغسل في وجهها تبي دموعها توقف واهني شرين تليفونها محمود ، حست انه هدا الي كانت تراجي فيه ومحتاجاته في الوقت هدا نوال ردت وهي تبكي : الو محمود محمود خاف بعد سمع صوتها : شن في خيرك ؟ نوال خيرك تبكي نوال قعدت تبكي اكثر محمود : نوال شن صاير ماتخوفينيش ، حبيبي نوال اهدي نوال بصوت متقطع : محمود علاش بابا امشي وسيبنا اعلاش ماقعدش معانا احني استاحشناه والله ، وقعدت تبكي اكثر محمود انصدم من كلام نوال : حبيبي شن خطره الكلام هدا توا ، ادعيله بالرحمة ياروحي والله ماينفع البكاء والحزن فرحوه في قبره بالدعاء وقعدت نوال تبكي ومحمود يهدي فيها عمتي : نوضي يافادية حطو الغدي عمتي وقفت ومعاها ماما وامشو للمطبخ وبعدها لحقتهم سميه وعليا ماما قربت من الحمام وطقت عليه : نوال انتي قاعده في الحمام نوال اهدت شوية بعد نوبة من البكي : حبيبي خليك ، اني طالعه ياماما ماما : خيرك ليك ساعه في الحمام اطلعي ماتشغلينيش ، وامشت محمود : انتي ان شاء الله قاعده في الحمام نوال : ايه ماهو اني امبكري كنت نبكي وخشيت الحمام امشي انت اتصلت محمود : باه اطلعي يامهبولة ومعاش تبكي في الحمام مش كويس نوال فتحت الباب وطلعت بعد ماغسلت وجهها والتليفون قاعد علي ودنها + اني اهديت شوية ، وليد مقعمزة جنبي ومنزل راسه ويهدرز مع عمي ، ومتحشم لانه مرت عمي والبنات مقعمزات وتقيد ، وقف : اني نستاذن توا والحمد لله ع سلامتكم مرة تانيه حنينه : غير قعمز ياوليدي تغدى معانا وليد : مرة تانيه ياحاجة ان شاء الله غير معزوم حنينه : باه باش تجي ها مرة تانيه تتغدى عندي وليد : ان شاء الله باذن الله ، تشرفت بمعرفتك ياعمي + نورس اهدت شوية بعدت من عدنان وقعدت تمسح في دموعها عدنان شد يدها وجبدها وجبد كرسي وقعمزها عليه ، وهو قعمز ركبة ونص قدامها عدنان : قطووسة ساادك بكي راهو وليتي غولة عيونك منفوخات وشينه بكل نورس ابتسمت ، وضرباته بالخفيف علي كتفه ، وقعدت تمسح في عيونها + وليد سلم وطلع ، نضت طلعت وراه وليد لبس كندرته وقرب مني شد يدي : حبيبتي معاش نبي نشوف دموعك باهي اني نزلت راسي وخنقتني العبرة من جديد وليد قاملي راسي بيده : ياسر زعل ياحبيبتي ماتخلينيش نمشي وبالي مشغول عليك اني : واعره ياحبيبي وليد : عارف والله ياروحي شعورك بس شوفي حتى عمك تضايق لما شافكم متضايقات ، وحط يده علي خدي : بوك ادعي ربي يغفرله ويرحمه ، اني نقول نوسه قوية وانتي الكبيرة في اخواتك لازم تكون مصدر قوتهم مش انتي الي تبكي وتزيدي تخليهم يبكي اني : مش بيدي والله علي طول جت صورة بابا قدام عيوني معاش قدرت استاحشته ، ونزلت راسي وليد شد وجهي بين يديه : تشوفيه في الجنه ياروحي ان شاء الله خلاص اهدي توا اني قعدت نشوف لعيونه كيف يعامل فيا زي الطفله ويهدي فيا ، مش عارفه من غير كنت شن حندير هو مصدر قوتي + << حبيبي ابقى بجانبي فأنا من غيرك تائهة لاأعرف طريقي >> + طلع وليد بعد توصيات ، وهو طالع شاف نورس وعدنان دار روحه احول وخر ، وقعد يتنحنح عدنان كان مقعمز ركبه ونص وشاد يدين نورس ويحاول يغيرلها جوها ، بعد سمع صوت وليد ناض وقف جنب نورس وليد قدم ، ابتسملهم : هي نشوفوكم علي خير عدنان اشرله : مع السلامه ياطير نورس كانت منزلة راسها عدنان ولى قعمز من جديد وشد يدها باسها : هياا عاد افرديهاا + اما نوال فبعد طلعت من الحمام وقاعده تتكلم خشت لدار واهني علي طلع من المربوعه ويدور في المطبخ بيشرب ، فخش للدار نوال كانت عاطياته بالظهر وتتكلم : اني لما شفته في الاول شديت روحي ومابيتش نبكي سلمت عليه بعدها شديت روحي هلبا ومعاش قدرت ياحبيبي صورة بابا قدام عيني ، نسيبة كانت اكثر وحدة فينا منهارة احني شدينا روحنا بس هي من اول ماخشت تبكي واني لما شفتها تبكي معاش قدرت ، استاحشته ياحبيبي استاحشت حنيته علينا استاحشت حضنه علي وقف علي باب الدار رمش عارف شن الي خلاه يوقف ويسمع كلامها محمود يهدي في نوال ، بعدها جاه صاحبه : حبيبي اني توا لازم نسكر ، نكلمك بعدين نوال : ماشي محمود : ديريلي بالك من روحك وفكيني من البكي نوال : باه محمود : خلي تليفونك جنبك نتصل بيك بعدين نتطمن عليك ، وماتخلينيش مشغول ، وماتضايقيش روحك باهي ؟ نوال باه حاضر ، ولفت ولقت علي واقف ويشوفلها انصدمت محمود : ماشي هي سلام وسكر نوال : انت شن تدير اهني علي : من هدا ؟ حبيبك ؟ نوال قامت يدها اليمين وحرك الدبلة بصبعها : خطيبي علي : امتى انخطبتي نوال : كيف انت ماتعرفش الاسبوع الي فات كان بياني علي : لا مانعرفش ، قصدك البنت الصغيره هاديكا الي تدير في زوز قرينات كبرت هكي وزياده مخطوبه نوال رغم كانت متضايق بس ضحكتها كلمته : ههههه امالا شنو بنقعد ديما صغيرة علي مركز فيها : مهما تكبري ديما نشوف فيك قاعده هاديكا للطفله العنيده الصغيرة نوال استغربت من كلامه بس قعدت تضحك وماردتش بولا كلمة علي : اني ندور في المطبخ بنشرب القيت روحي اهني في الدار نوال : ههههه اهو تعال ، وطلعت نوال وخطمت جنب علي علي حس بحاجة نغزت قلبه لما خطمت نوال من جنبه ولف قعد يراقب فيها كيف تدل فيه ع المطبخ + تستمر القصة أدناه وليت للصالون قعمزت جنب عمي عمي لنرجس : امتى طحتي يانرجوسه نرجس : الاسبوع الي فات عمي : ردي بالك مرة تانيه ، شن تقري توا ؟ نرجس : بنخش جامعه ان شاء الله عمي : مااشاء الله كبرررتي نرجس ابتسمت عمي تلفتلي : كيف وليد معاك ؟ مساعدك كويس ؟ اني : الحمد لله ياعمي كويس هلبا معاي عمي : ايه واضح عليه اصلا انه راجل ماشاء الله عليه مرت عمي لطفيه : شن يخدم اني : عنده كم محل مأجرهم وماسك واحد منهم مرت عمي : زي شنو محلات اني : عنده محلين اثاث واتنين ملابس وماسك واحد منهم حنينه : لاهو ماشاء الله عليه عمي : امي احني احتمال نستقرو اهني مرت عمي شافتله ومصدومه من امتى القرار وطارتلها حنينه : ياريت ياوليدي امنيتي هادي تستقر في بلادي وتقعد جنبي ، ياسر خوك ربي خدي امانته وانت عشرين سنه محرومه منك ، مادابيا اني عارفه عمري خلاص مش طامعه نعيش اكثر من الي عشته الحمد لله اني : بطول عمرك ياحنينه عمي : بطول عمرك ياامي اهو الدنيا شغلتنا ، اني بنتقاعد معاش نقدر الخدمة حنينه : الي يريحك ياوليدي ديره أيمن يهدرز مع عصام واحمد مشاركهم في الحديث عبد المنعم يهدرز هو وانور ورويدة ومرت عمي ساكتين ومرة مرة يشاركو + في المطبخ ماما وعمتي يسقو في الغدي ، سميه تقرض في السلاطة وعليا توتي في الصفر ، نوال وعلي واقفين ويهدرزو وكل مانوال بتهرب علي يقعد يفتح في مواضيع معاها فقعدت تهدرز معاه + نورس بعد اهدت خشت ، عدنان خش للصالون وهي خشت للمطبخ + ،،،،،،،،،، في دارها قاعده وتفكر توا ليها اسبوعين قاعده في حوش بوها ، ايمن كل يوم يجيها تطلعله شوية وتتعارك معاه يااما ماتطلعلاشي بكل ، بس اليوم ماجهاش وهي مستغربه وقعدت تراجي ، رغم انها زعلانه منه والي داره فيها مش شوية لكن مستاحشاته ومن حبها ليه مش قادرة تستغني عليه طق الباب ، هي : ادخل خش محمد خوها وسكر الباب وراه هاجر عرفاته شن بيقول موضوع المعتاد : محمد ارجوك ماعنديش خلوق نتكلم في اسطوانه كل يووم محمد قعمز علي الكرسي : واني الاسطوانه هادي بنتكلم فيها كل يوم لين نعرف شن السبب ، توا ليك اسبوعين قاعده اهني الراجل كل يوم يجي واني قاعده مافهمتش شن الي يدور في رااسك الكاسح هداا ، مدايره مافي راسك ومش معتبرة وراك رجالة بكل هاجر حطت راسها بين يديها وماردتش عليه محمد : حنسألكم كل يوم ونفس السؤال ، شن الي صاير بينكم ؟؟؟ لاهو يبي يدوي ولاانتي تبي تدوي ، تكللممي نديرولك حل ماتقعديش هكي مادتيلي وجهك هاجر : محمد اطلع راك درهتلي كبدي اقسم بالله درهت كبدي من هالموضوع الي ماتبيش تمل منه محمد : مانملش ليين نعررررف ، تي غلط الزح الي تديري فيه ، تكلمي نحلووه الموضووع ، في شن غالط معاك الراجل نمشي نتفاهم معاه هاجر : ماغلط في شي اطلع وخليني بروحي بس محمد وقف : والله راسك هذا مايبي الا التكسير علي العناد ، وطلع وقربع الباب ،،،،،،،،،،، حطينا الغدي ، احني النساوين خشينا في دار المعيشه ، وعمي والاولاد زوز قعاد في الصالون والهدرزة والحوش دوشة ، بس في حاجة ناقصه كنت فرحانه بلمة العيلة بس فيحاجة ناقصه جزء القلب مهناش عمود الحوش مهناش ، الي كان هو وعمي احلى خوت مهناش ، بابا مهناش ، قعدت ناكل وحاجة غصه في قلبي عصام خش بيغسل يديه : والله يسلمو يديها الي مدايراته البازين مااشاء الله عمتي : صحة صحة هادي مرت عمك نادية عصام : يسلمو يديك والله ويعطيك الصحة قداش ليا معاد اكليت بازين هكي علي خش بعده : والله باازين صقعع كان في زيادة مانقولش لا ماما : ههههه تعال كول معاناا اهو احني تلاته بس ع الصفرة علي جي يجري وقعمز ربع جنب نوال : زيدي غادي ياسمينه نوال : تي برا روح انت السمين علي : بسم الله ، وبدي ياكل عليا : حي ياحي كمل عليناا الباازين تي اني مزال جعااانه ماما : هههههه اهو مزال في كولو عمتي : هالبنت هادي ماتدير عقل خش عبد المنعم : امي نرفع الشناطي للحوش واهني عليا كانت تاكل في البازين بيدها ، سحبت يدها وقعدت تشوفله ببرائة ، لكن للاسف عبد المنعم ماشافلهاش بكل ، عليا اغتاضت لكن ادعت انه مايشوفلهاش كانت مربعه وطايحة فيها ماكلة تحشمت يقول هادي مجاعه طلع عبد المنعم وهو ماشافلهاش بكل ، عليا حمدت ربي وفي نفس الوقت اغتاضت علي طايح فيها ماكلة وقريب يكمل عليهم ، ومشكلته جي مع عليا ونوال الي مايعرفوش يسايرو في الماكلة بكل الزوز ماشاء الله ، وقعدو طول الوقت يتعاركو اني وقفت : الحمد لله حنينه : غير زيدي كوولي ياانسيبة مااكليتيش باهي عمتي : دوب مانقشتي انتي غير قعمزي خودي حتى لحمة اني : لاوالله الحمد لله شبعت ماعنديش عليه البازين هلبا ، وطلعت للمطبخ عصام واقف ويتكلم بالتليفون وعاطيني ظهره اني : احم ، وقدمت بنغسل يديا عصام سكر التليفون ، وتلفتلي : شن اخبارك يانسيبة اني : الحمد لله تمام وانت عصام : ماشية ، ووقف شوية وطلع + ومشي اليوم هكي قعدنا في حوش حنينه ونهدرزو كان جو عائلي حلو وعمتي طول اليوم تدير في العالة والعيلة كلها موجودة ماعدا انت ياابابا جاني وليد بعد صلاة المغرب ، سلمت وطلعت ركبت السيارة وليد : شن يابيبي جوك توا ؟ اني : الحمد لله احسن ، انت شن درت اليوم وليد : اغلب اليوم قعدت في المحل اني : وين تغديت وليد : مش قتلك عازمتني منى مشيتلها اني : باه تمام قعدنا لحظات صمت وليد : كلمتني عبير امبكري اني قرنت حواجبي على طول وشفتله