سند الأنثى رجل - الفصل 27 - بقلم shosho - مكتملة | روايتك

ثاني يوم فقت من الضي الي خش من روشن الصالة فتحت عيوني شوية ، القيت روحي راقده علي كتف وليد ، اخديت نفس وشميت ريحة برفانه ، ابتسمت بهدوء ، ورجعت غمضت عيوني << أتمنى أن أوقف الزمن وأنا معك >> فتحت عيوني بسرعه ، خفت يكون فااق ، قمت راسي بهدوء وشفتله ، كان يشوفلي وواضح انه كيف فايق رديت راسي كيف ماكنت بهدوء ، قلبي يدق بقوة ونتنفس بسرعه ، وعلى طول جت قدامي عيني صورة وليد كيف حط يده علي كتف عبير ، غمضت عيوني بقوة وكأني نبي ننسى المشهد قمت راسي ووخرت من وليد ، قعمزت واعطيته بظهري بعدها نزلت من الكنبة وامشيت جهة الحمام بدون اي كلمة وليد قاعد متكنطي مني ماتكلمش ، امشي للحمام التاني ،،،،،،،،، تكسلت علي سرير، رقدت من ساعه بس ممكن ، تحس في راسها ثقيل من كثر البكي ، فتحت عيونها من صوت الدوشة الي برا الدار ، رجعت سكرتهم وفجأه فتحتهم بسرعه وقعدت تشوف حواليها ، تنهدت وتذكرت الي صار امس ، حطت يدها علي خدها ، وجعها ، تنهدت بحزن وضيق ، ناضت من السرير وامشت جهة المرايه شههققت كان خدها متورم طلعت من الحمام (حشاكم) ، بعد ماحطت كدس كريمه علي خدها وغطاته بشعرها : صباح الخير الكل : صباح النور الحاج رمضان : تعالي جنبي ، واشرلها جنبه امشت قعمزت جنب بوها الحاج رمضان : كيف حالك قالو جيتي متاخر امس ، رقدت بكري اني هاجر ابتسمت : ايه صح القيتك راقد الحاج رمضان : وكيف جال ايمن ، كلميه يجي اليوم يتغدى اهني هاجر : تو نشوفه لكن اليوم تقريبا متغدي عند امه الحاج رمضان : باهي براحته محمد طالع من داره : صباح الخير الكل : صباح النور امه : تعالى افطر محمد : تو نفطر في الجامعه ، وشاف لهاجر : هادي شن موضوعها هاجر بلعت ريقها امها تفنص فيه الحاج رمضان : خيرها محمد : جيتها امس في الليل متاخر وراها حاجة الحاج رمضان شاف لهاجر : شن في ؟ امها تفنص في محمد : مرضت شوية امشي جابها ترتاح اهني شوية محمد قايم حاجبه هاجر شافت لامها الحاج رمضان : خيرك لاباس ،،،،،،،،،، وليد بعد دوش ، خش للدار بياخد حوايجه اني كنت مقعمزة نمشط في شعري ، بهدوء : صباح الخير وليد من غير مايشوفلي : صباح الخير اني نضت طلعت من الدار وامشيت جهة المطبخ وقعدت نوتي في الفطور وليد بعد لبس حوايجه طلع خش للمطبخ القاني دايره فطور ، جبد كرسي وقعمز اني مقعمزة بهدوء عكس الي في داخلي ، ومنزلة راسي نتفرج علي صواني الفطور وليد يهز برجله : ماتبيش تتكلمي اني قلبي يطق بقوة وليد : شن الي صايرلك انتي بالزبط فهميني في شن غالط اني ، مزاجيتك هادي مش حتنفعك ، واجبد خبزة وقعد ياكل بعصبيه اني ساكته وكان نلقى نحضنه ونبكي وليد كمل فطوره ناض من غير ولى كلمة ، طلع وقربع الباب اني خنقتني العبرة ، حطيت راسي بين يديا : يااربي اني الي ندير فيه صح والا غلط ؟ معاش عارفه كيف نتصرف يااربي ساعدني اما وليد نزل ، وكيف بيخش لحوش امه ، طلعت عبير عبير : صباح الخير وليد ، نبي نتكلم معاك في موضوع ضروري وليد : ان شاء الله خير ؟؟ في هاللحظة اني خشيت للصالون ، حولت الستار ، وكيف بنفتح الروشن بنهويه ، تجي عيني علي وليد وعبير حسييت بحاجة خشششت في قلبي ، حاجة طعنتني ، قعدت واقفه مصدومة ونشووف ، معاش قدرت نشوفهم اكثر وهما يتكلمو ، تلفتت ، معاش قدرت نوقف علي رجلياا طحت علي ركاابي ، ودمعه سخووونه نزلت علي خدي ،،،،،،،،،،،،،، في نفس الوقت ماما من الدروج : نوواااااال نررررررجس نوووضووو نورس طالعه من المطبخ : تو نعرف كيف انوضهم ، وركبت من الدروج اول دار ، دار نرجس ، فتحت الباب : ومن الاخيييير عليييه نغييير نحبه نحببببه ، وامشت جهة الروشن ، تحول في الستار وتغني نرجس خدت مخده حطتها علي راسها نورس فتحت الروشن ومستمرة تغني : وهيااااا نووضي هياااا هيااا هيااا نووضي هيااا هياااا ، وتلحن فيها نرجس مابتش تتحرك ، وغامه راسها نورس سكرت التكييف ، وجبدت منها الورغاان ، وبعدها جت جنب الباب وقعدت تدربك : هيييي هييي ياللله هيييي هييي يالله هييي ، ونوووضي هييي يالله هييي ونووضي هييي يالله هييييي نرجس : نووورس ياازعاج بطلي خلاص نضت ، انتي اصلا عارفينك علاش ناايضه وناشطة علي خاطر بنمشو لحوش عمتي نورس اتكت ع الباب : طبعا امالا علي سواد عيونك ، ودرت كيكة ، وفطيرة نرجس : ياريته كل يوم بنمشو لحوش عمتي باش تنزل عليك الفلاحة نورس تلفتت يمينها القت جاكيت لنرجس محطوط ع الكرسي ، وواضح انه محدد ومساوي ، قاامته وحذفااته عليه نرجس : لاااااااااااااااااا حددددته امممممس ، وناضت تجري بتجري وراها نووورس طللعت تجرري وامشت لدار نوال ، وفتحت بسررعه وخشت تجري ، وقفت ورا سرير نوال نوال انخلعت من فتحه الباب بسرعه والجري : ياااابهييييمه اطلعيييي برااا نرجس خاشه تجري ورا نورس ، وتنقز فوق سرير نووال نوال: يااااحيواااانات اقلبووو وجوهكم يامااااااااااامااااا نرجس نقزت من فوق نوال لجهة نورس ، وشدتهاا : توااا تحداديهااالي نورس : هههههه بشررط نرجس : مااصح وجهك قاعده تشرطي نورس : شررط ساااهل ، انوضو نوال ومانخلوهاش ترقد تاني نوال غامه راسها بالمخااد ، طلعت يدهاا وقعدت تدور في الرفوف الي جنب السرير ، شدت الفياق نرجس : كان علي هكي بس سااهله المهم جاكيتي تحداديه نوال حذذفت الفيااق جهتهم ، ويجي ع الحيط نورس ونرجس : ههههههه نورس امشت جهة الروشن ، فتحاته نرجس جبدت منها الورغاان نوال تسب وتلعن نورس سكرت التكييف ، ونقزو هما الزوز فوق السرير ، وقعدو ينقزو ونوال تحتهم ، مرة يعفسو علي رجلها مرة علي يدهااا نوال قعمزت ، شدت رجل نرجس وجبدتها ، خلتها تطيح من علي السرير ، وتلفتت لنورس بتجبدلها رجلها نورس نقزت تجري من السرير وتعتر تجي طايح علي وجهها نوال : ههههههه تستاهلو ياكلبااات اقلبو وجوهكم توا هي نورس ونرجس قعمزو ، نورس تحسس في جبهتها الي طاحت عليها ، ونرجس تحسس في يدها ، وشافو لبعض وجتهم هيستيريا ضحك : هههههههههههههه نوال من مناظرهم قعدت تضحك : ههههههه << ضحكة هبل وبراءة مع أخواتي من أجمل اللحظات جمالاً ، همنا الوحيد هو ازعاج بعضنا ، ليت الأيام تعود ونجتمع عائلة كاملة من جديد بوجود أبي ولترجع تلك السعادة والضحكات الحقيقيه >> ،،،،،،،،،،،،،، عبير : أمس لما كلمتك وقلتلك بنرجع لشقتي بعد طلعت انت ، وسكتت وليد : كملي بعد طلعت ؟ عبير : كانت نسيبة واقفه في الدروج وشكلها فهمت غلط ، لما شافتلي فهمت انها فهمت غلط وحتى انها معاش نزلت اني مانبيش تصير مشكلة بسببي وليد انصدم : هي هذا علاش ، وسيب عبير تدوي بروحها وركب يجري اني كنت مقعمزة تحت الروشن وساندة روحي ع الحيط ، ودموعي ينزلو ، نبي نوقف نشوف من الروشن شن الي قاعد يصير نبي نزيد نتأكد اني ماشفتش وهم ، نبي نوقف نشوف ومانلقاش وليد واقف عليها وليد فتح باب الشقه بسرعه ، خش علي طول شاف لباب الصالون المفتوح ، خشش راسه وشاف اني من كثر الافكار الي في راسي والالم الي نحس بيه ، ماسمعتش حتى صوت الباب كيف انفتح وتسكر ، ساندة راسي ع الحيط ودموعي تنزل وليد لما شافني هكي انصدم دف الباب وخش ، يقرب مني بخطوات سريعه وكيف بيطبسلي شاف للروشن ، كانت عبير قاعده واقفه في مكانها ، عرف اني شفتهم ، قعمز علي ركابه : نوسه اني لما سمعت صوته حسيت بقلبي نقز من مكانه ، فتحت عيوني وليد كان يشوفلي بخوف : حبيبتي خيرك ؟ اني قعدت نبكي اكثر ، ودفيييته وليد طاح لانه كان مقعمز علي ركابه اني وقفت ونبكي وليد وقف بسرعه ، وشد يديا : نوسه اهدي حبيبتي اني نبكي : علاااش قوولي علاش ، وتلفتت جهة الروشن وقعدت نأشر ، معاش قدرت ننطق ، ونبكي وليد جبدني وحضني بقوة اني تشببت فيه وقعدت نبكي اكثر : ع ع علاش وليد قاطعني ، وهو يمسح علي شعري : اسسس خلااص حبيبتي اهدي ، علاش تديري في روحك هكي ياروحي ، انتي حبيبتي مستحيل نشوف لغيرك اني متشبته فيه بالقوة ونبكي ، هدا الي كنت محتاجاته حضنه ، حضنه يخفف عليا كل الآلام حتى لو كان هو السبب فيها ، هو الي يجرحني وهو الي يداويني ، هو الي يوجعني ويخفف عليا ، مافيش غيره يقدر يخفف عليا مافيش غيره يقدر يداوي كل شي فيا + << أنت بيتي ومأواي ، أنت الحضن الدافي ، أنت سندي ، حتى لو أنت من جرحني دائما ماألجأ إليك ، أنت من يرجع لي قوتي أثناء ضعفي ، أنت من أحتاج عند إنكساري ، أنت وحدك فقط >> أني دفيته بقووة ووخرت ، واني نبكي : علااش قولي علااش نبي نعرف علاش بس وليد : نوسه حبيبتي اهدي ، اني نحبك انتي ، انتي بس ، واشر علي قلبه : مستحيل نشوف لاي وحدة غيرك ولا نفكر فيها انتي حيااتي فهمتي اني نبكي ونشهق : ب باه ع علاش ت تحط يد دك عل علي كتفها ع علاش ت تلم تلمس فيها وليد مستغرب ومش فاهم شي من كلامي لانه مقطع : نوسه اهدي اني قدمت جهته بسرعه واضبطته بقوة وقعدت نبكي اكثرر وليد خاف عليا من كثر البكي ، اول مرة يشوفني بالشكل هذا ، قعد يمسح علي ظهري ويحاول يهديني اني شاداته بيديا بقووة وحاطة وجهي في كتفه ونبكي وليد يمسح علي شعري بيده : خلاص ياروحي علاش تديري في روحك هكي بس ، نحبك انتي بس اني والله نحبك انتي بس ، خلاص ياروحي ، وباس علي راسي قعدت حاطة وجهي في كتفه وبكيت بكيت لين حسيت روحي فرغت كل الي في قلبي وليد حسني هديت شوية ، قاملي راسي من علي كتفه ، باس علي جبيني وحول الخصلات الس علس وجهي وقعد يمسح في دموعي اني قاعده نشهق من كثر البكي ، قااومت يديه ورديت راسي علي كتفه ، وحضنته بقوة : مش حنخليها تاخدك منيي وليد : ههههه مافي حد يقدر ياخدني منك خلاص يامجنونه بطلي ، حبيبتي علاش تخوفي فيا عليك هكي ، اني نحبك انتي بس اني نبيش نحول من حضنه ، بس اهديت ووقفو دموعي وليد حاط يده علي ظهري ، وقعد يمشي وهو ساندني عليه ، طلعنا من الصالون ، وامشي جهة المطبخ اني منسندة عليه ونحس في روحي ضعيفه وماعنديش جهد وليد صبلي ميه ، ووخرني عليه : خودي اشربي اني نشوفله ومتشبته فيه وليد خدي الطاسه وقعد يشرب فيا كيف البيبي ، بعدها امشينا للصاله قعمزنا ع الصالون ، واني قاعده متشبته فيه وليد يمسح علي راسي بحنان : بكاايه اني ابتسمت غصبن عني ، علي قد مانكون زعلانه بس كلمته هادي تخلي فيا نبتسم لااراديا وليد : ومرتي البكاية ، انتي تقولي تبي تجيبي بيبي ، بعدها لما يبكي كيف تدييري ، وطبس راسه عليا : تقعدي تبكي انتي وياه ؟ اني : ههههه وليد : واخييييرا كان نعرف نزغرت راهو زغرت باهي الي شفت ضحكتك اني : ههههه ياسر وليد باس علي راسي : والله خوفتيني عليك يامشفشفه اني وخرت من عليه ، وقعدت نشوف لعيونه وليد شافلي ابتسم اني : علاش حطيت يدك علي كتفها ؟ وليد شافلي بااستغراب : من ؟ اني : من حيكون عبير ؟ وليد :اني حطيت يدي علي كتفها ؟؟؟!!! اني : ايه ياوليد شفتك بعيوني وليد مستغرب ، بعدها تذكر : اها امس قصدك اني عيوني معبيات دموع ومقهورة وليد : والله ياحبيبتي اكيد حركة عفوية ، والله ماقصدي ، وبعدين هي تبي ترجع لشقتها اني : ايه وانت زعلان لانها حترجع لشقتها وتقوللها كان تبي حاجة اتصلي بيا ، ولفتت وجهي وليد عدلل من تقعميزته ، مد يدي ولفلي وجهي جيهته اني منزلة عيوني ، نزلت مني دمعه وليد مسحها بسرعه : اني نحبك هادي حاجة لازم تعرفيها ، نحبك انتي بس ، انتي الوحيدة الي في قلبي ، نوسة كبريلي عقلك شوية ، والله حركة مامقصودة ، وبعدين المرا الي جاها مش شوية ، صح مادخليش فيها بس هذا تصرفي كإنسان ، هي مهددة من قبل مجرم ، شوفي شن دار فيا اني ومحمود ، وهي مرأة تخيلي شن يدير فيها ، أي حد مش حيرضى اني منزلة عيوني ونسمع : علاش باهي تحط في يدك عليها ، اني بديت كل ماتلمسني نتخيل في يدك علي كتفها وليد شد يدي : والله حركة عفوية ، ومادام هادي بس الي زعلتك ، باس علي يدي : اسف عليها ، تمام هكي اني شفتله قعدت عيونا في عيون بعض وليد شد يديا الزوز قعد يبوس فيهم ، ويشوف لعيوني اني نزلت عيوني وليد قاملي وجهي يبيني نشوف لعيونه ، وباسني ،،،،،،،،،،،،، نورس : اني طلعت ، عندكم خمسه دقايق ماتكونوش في السيارة بتقعدو في الحوش نوال : تو بنتعلم السواقه اصلا اني بنقعدو غير تحت رحمتك نورس شافتلها : تسكتي افضل ، وطلعت نوال : اني بنلبس السبيدرو الاسود نرجس نازلة : لااني بنلبسه نوال تلبس فيه : ملحي البسي الاسود الثاني نرجس : لاانبي هدااا يطلع مع جاكيت بتاعي نوال : خلاص لبست توا ، وكيف بتاخد الفردة التانية جبدتها نرجس بسسررعه : انييي نبيه نوال وقفت : تييي هاتي جاااي نرجس طلعت تجرري للجنان وقعمزت لبساته بسرعه نوال طلعت وراه : تي هاتي يادراه الكبد نرجس : خلاص لبسته هاتي انتي نوال : لا هاتي انتي وقعدو هكي كل وحدة لابسه فردة وتستنى في التانيه امتى تعطيها التانيه نورس طلعت امشت لحوش احنينه طقت الباب روزا فتحت الباب : ماما نورس ماما واتيه نورس شافتلها : قوولي نورس بس روزا : نورس بس نورس : ايوا هكي ، وخشت ، سلمت علي حنينه روزا لبست حجابها : نورس بس اني واتيه نورس شافتلها : ههههه نووورس نووورس روزا : نورس نوورس واخدو حنينه وطلعتها ، وساعدتها روزا وركبتها في السيارة نورس خشت لجنان ، القت نوال ونرجس قاعدين يتعاركو ، وكل وحدة لابسه فردة من السبيدرو ماما طالعه من الحوش : جبتي حناك نورس : جبتها ايه ، اركبي بري حتى انتي ماما ، وانتو الزوز ماتفتحوش الباب لحد بااهي وتونسو بعض في الحوش ولفت وطلعت نوال ونرجس : فيييييي عييينك ، وخشو يجرو كل وحدة خدت فردة مت السبيدرو التاني ، وطلعو يجرو ، وركبو السيارة نوال : كيف حالك ياحناي حنينه : باهيه الحمد لله ، قاعده مادرتيش عقل راك مخطوبة توا لازم ترزني وراك مسؤولية وحوش معاش هادي البنت الصغيرة الي تلعب وتجري وخلااص ، ارزني ارزني نورس تواسي في المراية : والله ياحنينه مانافع فيها هادي ولاراح تدير عقل ، حتى لو بصغار صغارها نوال : خليته ليك انتي العقل ساد ، يااخدونا بالعين بعدها زوز عاقلات نورس : ها شفتي ياحناي ، طولة لسان بس هذا الي فالحة فيه ماما : كلمتي اختك اكدتيلها تجي نوال : حييي نسيت ماما : كلمييها عمتك عازمتها ، لازم تجي نوال شدت تليفونها وتتصل بيا اني كنت مقعمزة وجنبي وليد ، شرين فوني القيتها نوال رديت طول : الو نوال : اسمعي ماعنديش رصيد بنقولك فيسع وبنسكر ، ماما قالتلي أكديلها علي اليوم الغدي عند عمتي ان شاء الله غير مش ناسية اني ضرب علي جبهتي بالخفيف : نسييت ماقلتش حتى لوليد نوال : ماما قالتلك لازم تجي عازماتك وأكدتلها لإمبكري انتي ووليد وهي توا طيري ، طوط طوط وليد يشوفلي بااستغراب اني : عمتي اليوم عازمتنا ع الغدي وليد : تبي تمشي اني شفتله ووجه براءة وليد يبي يراضيني اصلا ويدور في حاجة : باهي نوضي وتي روحك اني ابتسمت : حتى انت عازماتك وليد : لالا فوتي اني مرة تانيه اني شديت يده : غير هيا حبيبي وليد شد يديا الزوز وباسهم : ماشي ياعيون حبيبك اني بسته علي خده بوسه سريعه ، وشديت يده ووقفت : هي نوض توا وتي روحك وليد مبتسم : غير وتي روحك انتي قبل اني : تعال اصلا نبيك تقولي اما احلى لبسة نلبسها ،،،،،،،،،،، شرين الباب هاجر في دارها مقعمزة وجنبها امها تنصح فيها وتعاود محمد طلع فتح الباب القاه ايمن : اوو ايمن اهلا تفضل ايمن خش وهو مبتسم ومن داخل خايف خششه محمد للمربوعه ، وامشي لهاجر طول ، خش هد ع الدار من غير مايطقطق هاجر شافتله بخلعه محمد : راجل في المربوعه اطلعيله ، وكان متاع تعبانه ومريضه ومش عارف شنو مشيتيها علي بوي ماتمشيش عليا ايوااه فكينا من الجو واطلعي تراضي انتي وراجلك امها : من بكري حتى اني ندوي ونعارد هاجر : اني مش حنطلعله قوله يروح محمد بعصبيه : ماتخلينيش ناكلك وجهك توا اني ، نوضي هاجر ناضت وهي متغيضه ، وطلعو وتمشي جهة الصالون وتسحن من داخل محمد لاامه : خيرهم امها : مانعرفش مابتش تحكي شي محمد : مايطلع الفس الي في بنتك لسانها طويل اصلا امها : باه خلاص فكنا ، خلي انوض ندير قهوة للراجل ، وناضت طلعت من الدار جهة المطبخ اما هاجر فأول ماخشت للصالون .......... هاجر خشت للصالون ، وقعمزت في اقرب مكان وهي ماتبيش تتكلم ولاحتى تشوف لايمن أيمن خدي نفس وناض قعمز جنبها : كيف حالك هاجر من غير ماتشوفله : شن تبي ياأيمن ليش جيت ؟ أيمن شد يدها : جيت نبي نتطمن عليك ، ومد يده التانيه بيحول شعرها من علي خدها ، وأول ماحط يدها علي شعرها هاجر حولتله يده بسرعه ، ووقفت أيمن قعد يشوفلها هاجر قعدت تحط في شعرها علي خدها ، وكيف بتلف بتطلع ، أيمن ناض يجري شدها من يدها ، وحوللها شعرها من خدها بسرعه هاجر : حووول ياأيمن أيمن قعد يشوف لخدها المتورم ومصدوم ، حط يده عليه بالشوية هاجر حولتله يده بقووة ، وردت شعرها وهي ماتبيش تشوفله أيمن شد يدها البسي حوايجك نرفعك نعاينك هاجر ضحكت ضحكة ع الجنب أيمن : هاجر بالله عليك هيا نمشو يديرو حل لخدك متورم هاجر شافتله وهي مبتسمه : حل زي شنو ، وضمدوه وولى كويس ، لكن هذا شن حله ، وأشرت علي قلبها : خدي دكتور يقدر يداويهولي ، أما قلبي الي كسرته مايقدر حد يداويه ، وطلقت يديه بقوة ، ولفت طلعت بسرعه من الصالون وخشت لدارها وسكرت الباب أيمن قعمز وهو نادم علي داره ، بعدها ناض طلع ، ركب سيارته وولع وامشي ،،،،،،،،،، في السيارة اني ساكته ونشوف جهة الروشن وليد شد يدي باسها وحطها ع المارشة ، حركته المعتادة ، اني تلفتتله ابتسمتله وليد : مش كان خليتينا قعدنا في الحوش خير راهو شبعت منك اني : هههه هي وصلنا توا خلاص ، ونزلت وليد نزل وراي ، وخشينا مع بعض طقطقنا ع الباب وفتحلنا عدنان عدنان : اوووو اهلا اهلا تفضلوو ، انستنا ياابو نسيب وليد مبتسم : الله يأنسك شن اخبارك عدنان : طيبيين والله ، خشي يامشفشفه انتي الداخل اني : لالا بنخش معاكم للمربوعه وليد شافلي اني شديت ضحكتي ، ولفيت وخشيت عدنان بصوت عالي : لسان طويل وبرادة هدا هو اني تلفتتله : هههههه بالك نسيت حاجة تانيه عدنان رفع حواجبه ، ووليد يشوفلي وكان يلقى يجبدني من شعري ويروح بيا اني شفت لوليد ووشادة ضحكتي عليه كيف يشوفلي ولفيت خشيت قعدت نسلم واني نقعمز : وين هااجر عليا : تلقيها جايه في الطريق نوال : شن حال راجلي ماما شافتلها ورافعه حواجبها اني :ههههه حاله باهي اليوم ماشفتاشي الحق أيه : كبر وسموه عمر ( مثل علي اساس هههه) نوال شبحتلها وباستعباط : منو أيه : انخطبتي وبديتي تقولي عليه حتى راجلك سميه : هههه الحب ياروحي خليها احلى ايام حياتها توا وهي مخطوبة نوال حاجب فوق وحاجب لوطى : وباهي انتي شن واجعك أية لوت شواربها وتلفتت ع الجهة التانيه عدنان بصوت عالي وهو خاش : نبووووو قهوووووة نورس طالعه من المطبخ وهي شاده صفرة القهوة : غير اسكت بس اهي القهوة عدنان : اوووه القطووسة دايرة القهوة نورس وهي مادة القهوة : باه خود خوود ، ومعاش تقولي قطووسة مالقيتش الا المخلوق الي مانحباشي عدنان ياخد القهوة ويمس يدها متعمد ، وقرب من ودنها : ياحليلي من هالطررف نورس وجهها ولى احمر وجبدتها يدها ووخرت عدنان قعد يضحك ، غمزلها ولف وامشي نورس خشت تجري قعمزت في الدار وهي وجهها احممررر كلنا : خيرك نورس : شي بعد شوي جي أيمن : السلام عليكم ، وشاف جهة المربوعه ، وخش : اهلا اهلا كيف حال وليد وقف سلم عليه : الحمد لله شن امورك انت أيمن : بخير والله ، جت نوسة والا وليد قرن حواجبه وطايرتله : ايه الداخل أيمن : خلي نخش نسلم حتى علي مرت خالي ، وطلع وليد يهز برجله ( مجنون ههههه اقنعوه انه خوي ) أيمن يسلم عليا : كيف الحال يامشفشفه وين معاش تدوري هكي ، وليد اخداك مننا ( وطبعا يتكلم بصوت عالي واحني في الصالة قريبه من المربوعه و100% وليد سمعه هههه ) اني : هههه حتى انت اصلا معاش تدور ، وين هاجر امالا أيمن كشر ونزل راسه وماردش علي سؤالي اني شفتله بااستغراب وبصوت واطي : أيمن وين هاجر ؟ أيمن حط يده علي عيونه حكهم : في حوش اهلها اني : ليش ماتعرفش انه احني جايين اليوم أيمن : لا ماتعرفش اني شفتله بتشكيك : باه علاش ماقلتلهاش أيمن سكت ومايبيش يشوفلي اني : شن في أيمن : حتى انتي تعرفي علاش ماقلتيليش ؟ اني شفتله باستغراب ومش فاهمه : علي شن ؟ أيمن بصوت واطي نوعا ما : هي مابتش تقولي كان انتي الي مفروض تقوليلي ، ماتخلينيش ، وسكت وشد علي شاربه اللوطي وتلفت للجهة التانيه اني : مافهمتش علي شنو ياايمن بنقولك ؟ أيمن : ماعلي شي ، ولف وكيف بيطلع عمتي طلعت من المطبخ : ايمن انت جيت ، وين هاجر ؟ أيمن تلفتلها : في حوش اهلها متغدية عند امها عمتي : وعلاش ، اني امس كلمتها وقلتلها اليوم الغدي عندنا قالت باهي حاضر ماقالتش بتتغدى عند امها اني شفت لأيمن ومستغربه مش فاهمه أيمن ولى وقعمز علي الصالون : مانندريش عليها ياامي قالت بتتغدى عند امها رفعتها عمتي : شووفلي اهني ، شن في علاش ماجبتش مرتك ، ماتكونش ماشية حرجاانه أيمن حط يده علي جبته واتكوى ع الصالون : علياااااا ديريلي قهوة عمتي قعمزت جنبه : تكلم ، ان شاء الله رافعها حرجاانه أيمن : استغفر الله العظيم ، لا ياامي تعبت رفعتها عمتي : شوفلي اهني ، رد بالك تزعلها والا تدير حاجة تندم عليها ، نعرفه اني البوري بتاعك لما ينوض عليك خليك ديما وسع بالك ، ونقص من هالاعصاب راهي مرتك حاامل وزيها والله ماتلقى ماشاء الله عليها عقل وفلاحة وزين ، اهو اني قلتلك رد بالك أيمن : تي بااهي ياأمي عمتي : مش باهي هكي وخلاص ، البوري بتاعك نقص منه أيمن وقف : خلاص فهمت ، وطلع بخطوات سريعه عمتي شافتلي : والله مايطلع الا مزعلها ، ترا كلميهالي اني شديت موبايلي : تو نشوفها ، حطيت علي رقم هاجر نادى نادى ماردتش : ماتردش ياعمتي ، واتصلت مرة واتنين وتلاته ، ماردتش ،،،، اما هاجر فكانت في دارهاتبكي لما شرين التليفون توقعاته ايمن داراته صامت من غير ماتشوف ولوحاته ، وشوية طق باب دارها هاجر بصوت عالي : خلووني في حالي محمد خوها يخبط ع الباب : افتحي الباااب خير مانفقعه هاجر ناضت بغيض فتحتله الباب وخشت تلوحت ع السرير واعطاته بظهرها محمد خش وسكر الباب وقعمز ع الكرسي : نووضي اشبحيلي هاجر ملفته وجهها : شن تبي محمد : خيرركم ، شن صاير بينك وبين ايمن هاجر : ماصاير شي اطلع وخليني في حالي محمد : قاعد ماسك اعصابي اني راهو ، تكلمي شن دايرلك هاجر : قلتلك مافي شي اطلع وخليني في حالي محمد وقف بعصبيه : قلت تكلممممي اني ، دايرلك حاجة مزعلك ضااااربك خلي نمشي نفشخه ونتفاهم معاه ، اما كااان دلللع بنااويت هدا الي تديري فيييه فكيني مننه اييوووااه امها خشت من صوت العالي : خيركم محمد يدور بعصبيه : اسالي الهانم هادي الي ماتبيش تتكلم مش دايرتلنا حسااب ، ورااهووو انتي شفته خدددك هاجر ملفته وجهها انصدمت محمد ضربها برجله بالشوية علي رجلها : نووضي شووفيلي اهني ، ضاربك والا ؟ هاجر ناضت قعمزت وبعصبيه : شن تبييي فهمني شن تبي قلتلك اطللللع وخلييييني في حااالي والا مااااانبيش نقوووول اني باااااهي ماااااانبيش ، وبصوت عالي : خلووووني في حاااالي جاااااايه لحوووش بووي اني حتى حووش بوووي ممنوع نجييييييه ، اططلللللعوووو من علييااااا اطلللعو ، مانبي نشوووف حدددد اطللللللعوووو محمد وامها واقفين يشوفولها مصدومين هاجر كانت تعيط بصوت عاالي وتبكي ، كانت منهاارة بكل ، وشافو خدها كيف متورم محمد لين خنقاته العبرة من شكلها كيف كان ، وطلع وقربع الباب اما امها فقعدت تبكي وقعمزت ع السرير وقعدت تحاول تهديها هاجر كانت تبكي باانهيار ،،،،،،،،،،،، عمتي فتحية : باش تجينا وتهدرزي مرة مرة ، وقعدت تبوس في نسيبة عبير : ان شاء الله باذن الله ، مش عارفه كيف نشكرركم والله والا شن نقول عمتي : مادرنا الا الواجب يابنيتي ، انتي عينك من روحك ومن بنيتك وتبي اي حاجة ماتترديش اعتبريني زي امك عبير : ان شاء الله ، واهني شرين تليفونها ، القاته رقم غريب ، ردت : الو المتصل : السلام عليكم هدا تليفون الاستاذة عبير عبير باستغراب : ايوه تفضل المتصل : اني نتصل من مستشفى ***** ، رقمك مسجل عندنا علي المريضه فاطمة **** عبير : ان شاء الله خير ؟ المتصل : عظم الله لكم الآجر ياأختي فقدنا المريضة أمس في الليل تقدرو تجو تستلمو الجثمان عبير طاح منها الموبايل وواقفه مصدومه ، قعدو دموعها ينزلو عمتي خافت : شن في يابنيتي ان شاء الله خير عبير قعدت تبكي وقعمزت ع الكرسي : عمتي فاطمة عمتي : خيرها عبير قعدت تبكي اكثر وحطت يديها علي وجهها عمتي فهمت : انا لله وانا اليه لراجعون ، طولي بالك يابنيتي كلنا ليها ، ربي يغفرلها ويرحمها ، وقعدت تهدي في عبير ،،،،،،،،،،، بالي انشغل بصراحة علي هاجر واضح انها صايره مشكله بينهم ، قعدت نرن نرن بس مافيش رد ، قررت نتصل بأمها : الو امها : اهلين يانسيبة اني : كيف حالك وكيف حال عويلتك امها : الحمد لله كويسة كيف حالك انتي وحال امك واخواتك وراجلك اني : الحمد لله بخير والله ياخالتي سعاد متصلة الحق بنسأل علي هاجر ، ماحصلتهاش علي تليفونها امها : هاجر توا كيف رقدت ، شن بنقولك يابنيتي جت امس في الليل وشكلها متعاركة مع ايمن ، لابت تحكي ولابت تروح مع راجلها حتى جاها امبكري مانعرف حتى شن صار بينهم اني : ان شاء الله خير وهدرزت مع امها شوية وسكرت + أيه : شن يخدم خطيبك يانوال نوال : عنده محلات أيه : محلات مش خدمة ثابته يوم رابح ويوم مفلس مفروض عنده خدمة مضمونه نوال وبصوت واطي في ودن نورس : تو هادي الواحد شن بيرد عليها نورس : هههههههههههههه نوال : ياعنشكلك ، ودارت روحها بريئة أيه : ضحكينا معاك يانورس نورس : ههههههه تدكرت موقف بس ضحكني أية لوت شواربها : بااهي ، ووين بتسكني يانوال نوال بصوت واطي : استغفر الله العظيم جايتها عليا اليوم هادي ، بيبني فوق من شقق خوته أية : مفروض حوشك بروحك نوال : يعني علي اساس تو انتي حوش بروحك ماهو حتى انتي فوق عمتي تسكني أية : أني حمودى وعدني بيبنيلي برا عليا شافتلها حاجب فوق وحاجب لوطى ، وقربت من ودن نورس بصوت واطي : مرت خوي اكبر بلعوطة وتطربق نورس بالضحك : هههههههههههه نورس جاية بين عليا ونوال والي بتقول حاجة تجي في ودنها وضحكتها تفضح فيهم أية لوت شواربها وفاهمه انهم يتسهوكو عليها ، تستاهل سميه خاشة للدار : معليشي يابنات تعالو جيبو صفر الغدي ، يدي اني والله مانقدر نورس ونوال وعليا ونرجس وقفو وامشو للمطبخ + حطينا الغدي وتغدينا وكملنا غدانا بعدها نضنا للمطبخ وقعدنا نضمو فيه ونتساعدو عدنان خاش للمطبخ : مشفشفه انتي راجلك يبيك اني : باهي ، وطلعت خشيت للمربوعه ، القيته بروحه وليد ابتسملي : هي نروحو اني قرنت حواجبي : ليش حبيبي وليد : ساد ياروحي واني نبي نروح نرقد اني : بس حبيبي اني مزال خاطري بنقعد ماهدرزتش حتى علي عميمه وهي تو تزعل مني وليد : بااهي نوليلك بعد العصر اني : بااهي وليد : حقا عمه عبير ام خالد اني قرنت حواجبي : خيرها وليد : توفقت امس في الليل ، توا امي قالتلي اتصلو بعبير ، وهي امشت للمستشفى ومش عارفه شكلها كلمت اقارب للمرحومة علي اساس بتدير العزي في شقه عبير وجنازتها العصر اني : ياروحي ربي يغفرلها ويرحمها ، حكتلي وفاء اني علي قصتها وجعتني وليد : يلا ربي يرحمها ، خلاص اني نمشي للجنازة وبعدها نعزي ، ونجيك اني : باه تمام طلع وليد ، واني رجعت للمطبخ بنشوف البنات عدنان مقعمز ع الكرسي وحاط رجلك علي رجل : تي والله ماتعرفو عليا : بتطلع والا نبق فيك الموس اني توا عدنان : بالله تعالي يانسيبة شوفي شوفي كيف يغسلو في الاماعين ، والله ماينظفو باهي اني : ههههه حرام عليك ، وقربت منه بصوت واطي : اسكت خير من يهجمو عليك يوروك نورس وعليا واقفات ع اللاوندينو ويغسلو في الاماعين وطارتلهم من عدنان عدنان بتسهويك : بصراحة الزوز الي يغسلو في الاماعين ماعجبتنيش خدمتكم لو قعدتو هكي بنضطر نغيركم اني : ههههههه نورس شادة الطنجرة ويديها صاابون : تي والله ماتطلعش تو نلبسلك الطنجرة هادي علي راسك عدنان : هههههههههه ، اسمعي هلبا راهو تنبالة وماتعرفيش تخدمي بااهي وفوقها طولة لسان نرجس : ههههههه حرام عليك ياعدنان نايضة من الصبح واقفه في المطبخ ودايره كيكة وفطيرة ، قالت علي خاطر عدنان نورس تلفتتلهاا وفنصت فيها وكان تلقى تنقز عليها نوال تمسح في الاماعين : ماينفعش فيه الخير اصلا عدنان : ههههههه باه ذوقيني من الي درتيه بااش نغير رايي نورس تلفتتله : وكان تكلب ماك ذايقه برا ملح عدنان : هههههه تي علاش اني : ههههههه تستاهل عدنان : امالا بنقول باايرة أية خاشة تدودش للمطبخ : بالله ياانرجس صبيلي طاسه ميه نوال شافتلها ورافعه حاجبها نرجس صبتلها ميه ومدتهالها أيه قعمزت وقعدت تشرب عدنان لنوال : امسسسحي الصونيه باااهي ، علياليمين مافيكم وحدة تدير باهي نوال : تي والله ماتطلعش تقلب وجهك توا الصونيه هادي في وجهك عدنان : هههههههههههه ، وتلفتلي لنورس : انتي يالسمونية نورس ماتحساباشي يكلم فيها عليا تلفتتله : من السمونية عدنان : الي جنبك قولها تحك الطنجرة باهي نورس تلفتتله : من السمونية اني ؟ اني سمونية ؟؟ أية بضحكة صفراء : ههاهاييهاييهيهيههه ، والله انت ياعدنان جو عليك نورس قامت حواجبها وشافتلها نوال : مانوع هده الضحيكة احني : هههههههههههههه عدنان دس ضحكته تحشم منها نوال شدت المغرف وجت جهة عدنان : نووض نووض وانت زي العزوزة الحرفة نووض تووكل هيا ، وتضرب فيه بالمغرف عدنان : هههههه اااي يااعنشكلك بطلي مش طاالع لاازم نراقب شغل العاملات نورس وعليا تلفتوله وكل وحدة يديها صاابون وشادة حاجة من الاماعين وجو جهته اني شادة صونيه عدنان وقف وخر جهة الباب : ههههه هيااا كونو عاملات مؤدبات قدمنا نجرو جهته نبو نريشوه من شعره ، عدنان هررب يجرري ويضحك اني : ههههههه ماريتش زيه في حرق الدم فضيع أية طلعت ومش عاجبها ، مافهمناش شن تحس + عدنان خش للدار مقعمزة فيها حنينه وماما وعمتي وسميه مرت انور عدنان قعمز جنب حنينه : كيف حالك ياحاجة حنينه : باهيه الحمد لله كيف حالك انت وينك ياخايب معاش تجيني لاتسأل عدنان : تي شن ياحناي بديتي تودري لأول أمس كنت عندك حنينه : علي من تكذب تو انت ، اول امس لانه في بيان كان هدا ماجتني عدنان : هههههه والله ياحاجة طلعتي ماشاء الله عليك مزال ماوصلكش فيك الزهايمر حنينه قامت عكاازها من وراها وقعدت تضرب فيه : شن قصدك تو يامعفن ياخايب عدنان قعد يضحك : اااي ياحناي ههههه خلاص اسف هههه وسعي بالك ياحاجة حنينه حطت العكاز عمتي وماما قعدو يضحكو عليه عدنان يحك في رجله من ضرب العكاز : ااحححي ، تلفت لماما : كيف حالك انتي يامرت خالي ماما : في نعمه والله الحمد لله ، كيف حالك انتي وشن اخبار خدمتك عدنان : ماشية والله الحمد لله حنينه : شن امتى ناوي تتزوج انت لين تطق الاربعين عدنان : حرام عليك ياحناي قاعد شباب راني حنينه : شباب شنو ندادك بصغار صغارهم وانت قاعد ماد وجهك تزوج زي خوتك وخلي امك ترتاح منك ومن هرجتك عدنان تلفتلها : ماتقوليليش ياحناي خيره اليوم جياتك عليا راسك وراسي حنينه كيف بتقيم العكاز ، عدنان جبده قبل ماتشده عدنان : ههههه فكينا منه هدااا والله الا ضربته حارة وسمعنا عيطة وحد طاح في الحمام احني طلعنا من المطبخ نجرو وسيبنا الي في ايدينا عدنان ناض يجري وجي جهة الحمام : شن فييي احني : مانعرفووش نورس : هادي نرجس في الحمام ، وقربت من الباب وقعدت تطق : نررجس نررجس نرجس كانت طاايحة في الحمام وتبكي : يااماااماا نورس زادت خافت عليها : نررجس ردي عليااا شن صاارلك ، وقعدت تحاول تفتح الباب : نرجس افتحي الباب ماما وعمتي جوو : شن في من الي طاح عليا : شكلها نرجس طاحت في الحمام عدنان قدم جهة الباب : نررجس تقدري تفتحي الباب ردي علينا نرجس تبكي : لاا مش قاادرة نتحررك عدنان وخر وقدم وفقع الباب برجله بقووة كلنا قدمنا بنتطمنو علي نرجس نرجس طايحة وتبكي : رررجلييي عدنان قرب منها : ماتتقدريش تحركيها ؟ وكيف بيقرب بيشد رجلها نرجس : لاا لااا تووجعع بالله عليك ماتمسهاش ماما قدمت وخايفه : شن الي صارلك بس حي عليا عمتي : غير اهدي يانادية ، جيبوولها حاجة تلبسها خلي يرفعها للمستشفى اني امشيت نجري جبتلها عبايتها ، لبستهالها ماما امشت تجري لبست جلابيتها : بنمشي معاها عدنان يحاول يوقف نرجس هو ونورس نرجس تعيط : ااااااه رجلي رجلي رجلييي حااارة عدنان : مافيش حل الا اني نقيمك ، وشاف لنورس نورس : باه لو تقدرها قيمها عدنان قام نرجس : زي الريشة هي ، وطلع بيهاا نورس : نمشي معاكم حتى اني عدنان : ماحد يمشي قعمزو ، اهي مرت خالي سااده ، وطلع اني : طمنونا بس حنينه من الدار : يانسيبة ياعليا يانورس تعاالو شن صار من الي طاحت ، اني معاد قدرت نوقف عليا جتها : هادي نرجس طاحت في الحمام وشكلها رجلها انكسرت حنينه : كيف طاحت يامينتي ، رفعوها للمستشفى عليا : ايه رفعها عدنان + عدنان حط نرجس في السيارة من الخلف وخلى رجلها الي توجع فيها مطروحة ماما ركبت من القدام ، وولع السيارة وامشي ، لاقرب مستشفى + وصلو للمستشفى ، وخش عدنان يجري للاسعاف وقاللهم وجو يجرو اخدو نرجس وحطوها ع البريلا ، وخششوها نرجس تبكي وشده علي فمها ، خشو بيها للاسعاف ، ونادولها دكتور عظام على طول الدكتور خش وشاف لنرجس انصدم : شن صايرلها الممرضة : طايحة ، وكشف عليها دكتور اشرف الباين عنددها كسر في رجلها الدكتور قدم جهة نرجس ويشوفلها نرجس تبكي ومش مركزة ، دارولها صورة لرجليها الزوز وطلع عندها كسر في رجلها اليسار ، جبسولها رجلها بعد كمللها الجبس قامت راسها وشافت للدكتور وهي تمسح في دموعها وركزت اكثر انصدمت الدكتور : الحمد لله ع سلامتك ردي بالك مرة تانيه ،،،،،، احني في حوش عمتي قعدنا مشغولين عليها شن صار معاها اتصلنا بعدنان وقاللنا ، بعدها نسمعو في فون يشرين نوال : في تليفون صوته يشرين في المطبخ نورس : رنه نرجس هادي ، وناضت للمطبخ ، القت التليفون علي الرخامة ، قاماته والقاته معاد ، نورس استغربت نوعا ما معاد علاش يتصل بنرجس نورس ردت بعد تردد : الو معاد بااستغراب : نرجس ؟ نورس : لالا هادي اني نورس معاد : ها اهلين شن الجو وين نرجس نورس : نرجس رفعوهر للمستشفى طاحت وو.. قطعها عليها معاد : شنوووووو وعلاش شن صاارلها ووين طاحت وكيف نورس : تي باهي خليني ندوي ، طاحت في الحمام حشاك ورجلها انكسرت معاد : وين في اما مستشفى نورس : في مستشفى *** لكن هي راهو اكيد مروحة معاد فصل الخط من قبل ماتكمل كلامها نورس : ان شاء الله باللطف ، وحطت التليفون وطلعت من المطبخ ،،،،،،،، ماما وعدنان مقعمزين في ممر الاسعاف وشوية وطلعت الممرضة وحاطة نرجس في كروسة تقود بيها ماما خاافت وقفت وجتها تجري : شن صارلها علاش الكروسه ؟ عدنان : علي اساس كسر في رجلها بس الممرضة : ايه كسر في رجلها بس ، بس راح ننقلوها لغرفتها عدنان بااستغراب : قصدك بتقعد في المستشفى ؟ الممرضة : ايه الدكتور دارلها دخول عدنان : في حاجة خطيرة ؟ ماما : شن في خيرها بنتي ؟ الممرضة : تقدرو تسالو دكتورها ، واشرت ع الدكتور الي طالع من الحجرة عدنان وماما تلفتوله وامشو جهته وفي اللحظة هادي خش معاد يجري ، وشاف ماما جي جهتها : خالتي شن الي صار ماما استغرب جية معاد وكيف عرف عدنان مستغرب اكثر لانه مايعرفاشي معاد : كيف حالها نرجس وينها ؟ ماما : رجلها انكسرت اخدوها علي غرفتها معاد : قصدك بتبات في المستشفى ، خيره صارتلها حاجة ماما : والله مانعرفو اهو بنسالو دكتورها ، وامشو جهة الدكتور عدنان : شن يادكتور طمنا الدكتور : تطمنو هي كويسة كسر بس في رجلها واني درتلها دخول باش نتطمن عليها اكثر معاد قعد يشوفله بتشكيك : باه خلي نمشي نشوفها الدكتور : لامافيش داعي معاد شافله