سند الأنثى رجل - الفصل 26 - بقلم shosho - مكتملة | روايتك

وليد : يانووسه هيااا وقت عليا اني : بااه ياوليد حااضر هااا دقيقه كملته سوريته واعطيتهاله لبس بسرعه وسقدته وليد نزل اني كيف بنسكر نسمع في صوت عبير ، فتحت الباب وطلعت القيت عبير واقفه وتكلم في وليد قربت من الدروج اكثر وقعدت نسمع ، قعدت نمشي بالشوية مابيتش ندير صوت وووووو وليد حط يده علي كتف عبير : تمام الي يريحك بترجعي لحوشك معاش نقدر نمنعك انتي صاحبة قرار نفسك ، وحول يده وكمل : بس لو احتجتي شيء اني موجود عبير ابتسمت : بجد مش عارفه كيف نشكرك ولاعارفه شن نقولك ، شكرا هلبا اني مصدومة واقفه كاانه من صب عليا ميه سخونه وليد : ماتشكرنيش ع الواجب ، اني نستاذن مستعجل ، وطبس باس بنتها نسيبة : هي السلام عليكم ، وطلع عبير : مع السلامه ، وهي كيف لفت ، جت عينها في عيني انصدمت اني واقفه ومصدومة ومش عارفه اصلا كيف نتصرف ولا شن ندير فجأة عقلي معاش يفكر جسمي معاش يتحررك حسيت بشعور غريب ، شعور كسر اهانة طعن شعور حزن شعور عجز شعور كأنه كنت مستغفلة ، شفت لعبير نظرة قدرت تفهمها هي كويس ، ولفيت خشيت لشقتي وسكرت الباب عبير واقفه مصدومة : نسيبة ، حي عليا اني شن درت + اني سكرت الباب واتكيت عليه كنت نحاول نستوعب شوية ،( كيف حط يده علي كتفها ويعرض في خدماته عليها علاش هو شن دخله فيهاا ترجع لحوشها او لا ) حطيت راسي بين يديا : شن تلبز ياوليد بس شن تلبز ، امشيت بخطوات ثقيلة وقعمزت ع الصالون وحطيت راسي بين يدياا ، نحس في روحي مقهوورة ، مخنوقه ، متضايقه ، متعصبه ، كيف ندير ياربي علاش هكي باه ممكن اني ظلمت وليد مرات هو هكي عادي ، وقفت : مافيش داعي تدوريله اعذار يانسيبة الي داره غلط مفروض كان يحترمني كزوجة ليه قطع افكاري وصراعي بين نفسي صوت طق الباب ، قلبي قعد يدق بسرعه واستغربت ، حولت نبين علي ملامح وجهي انه مافي شي وفتحت الباب ، كانت نورس لما شفتها تنهدت افتحتلها الباب وخشيت رجعت لمكاني نورس خشت بااستغراب : خيرك ؟ اني لارد نورس : نحسابوك قاعده ماجيتيش ، والحق اني ركبت لاني مليت لوطى قلت نفتح النت منك ونقعمز اهني وخلاص لين نروح اني متكيه راسي ع الصالون ومانتكلمش نورس تهز فيا من كتفي : تي خير بلاك ؟ شن صاير ؟ الدكتور قالك حاجة مش كويسة ؟ نسسسسسييبة اني فتحت عيوني بخلعه : تي خيرررك تعيطي نورس : ساعه نكلم فيك ، شن في ؟ شغلتيني اني عدلت تقعميزتي : مش عارفه شن ندير نورس : في شنو ، تي تكلمي يااادراه الكبد اني خنقتني العبرة وحسيت عيوني تعبو دموع ، حكيت عيوني بقوة ،ووبلعت ريقي ، وحكيتلها الموقف نورس ساكته وتشوفلي اني وقفت : قوليلي شن ندير يانورس لأول مرة نحس روحي عاجزة هكي لأول مرة نحس روحي مش عارفه كيف نتصرف ولاعارفه شن ندير ولاعارفه كيف نفهم الي صار نورس : حاولي تدوي مع وليد اني شفتلها : ندوي شن نقوله علاش تكلمت معاها ، هو بروحه يعرف انه وجودها بس مضااايقني يعني مش دايرلي لا حساب ولاقدر ولااكأني في حياته ، كملت واني ندور في الصالة : تعرفي أكثر شي خلاني مصدومة لما حط يده علي كتفها ، حسيت بحاجة نغرست في قلبي شي نغزني وجعتني يانورس نورس : اهدي مرات حركة عفوية يانوسة احسن حل تتكلمي مع وليد اني قعمزت بتعب : تعرفي مش حنتكلم معاه ، وسكتت شوية : حنعرف شن ندير نورس : شن بتديري ؟؟ اني : خليني توا بنزيد نبرمج في راسي باش نعرف كيف نتعامل معاه نورس : ماتهدميش حوشك لسبب تافه اني : اول شي مستحيل نهدم حوشي ونتخلى علي حبي بسهولة حتى لو كان غلط تاني حاجة ماهوش شي تاافه ولازم يتعاقب عليه حنعاقبه حندمه يانورس تو تشوفي نورس : هكي تعجبيني عاقبيه بس اني حطيت راسي بين يديا وعبرتي خنقتني ، غطيت عيوني بكفوف يديا ، ونزلو دموعي نورس : نووسه اني قعدت نبكي ، (( حاسة بضعف ، نتحلف هكي وخلاص ونقول حنعاقبه ، ندير في روحي قوية بس اني ضعيفه في الحقيقة ، خايفه ، خايفه نخسر حب حياتي خايفه نخسر سند بيتي ،حتى لو كان الي صار في عيون غيري شي تافه بس اني نشوف فيه شي كبير بالنسبه ليااا ، وليد اني جربت فقده لمدة سنتين كانت أسوأ أيام حياتي جربت نعيش من غيره عانيت ألم وانكسار وضعف عانيت الوحدة والحزن في غيابه ، وبعد رجعلي مانفكرش اني نخسره تاني ، لكن مافيش مرأة ترضى لزوجها هكي )) نورس حطت يدها علي ظهري وقعدت تمسح عليها : نوسه خلاص اهدي ، والله اتعبي في روحك هكي مرات مش قصده اني قمت راسي بحركة لاإرادية ، ودموعي علي خدي ونتكلم بقهرة : في شن مش قصده يانورس في شن ، هو مايتحكمش في اعضاء جسمه يعني مايتحكمش في يده وين يحط ، وباهي من غير يده علاش يقوللها لو تبي شي اني موجوود ، هووووووو اصلا شنو بالنسبة ليهااا باااش يعرض خدمااااته عليه قوووليلي نورس : باه عندك حق والله حبيبتي عارفه لكن اهدي شوية وفكري بعقلك باش تعرفي كيف تتصرفي ، وقطع عليها صوت تليفونها اني تكيت راسي ع الصالون وغمضت عيوني اما نورس طلعت تليفونها من جيبها : هادي نرجس ، اكيد ماما تدور فيا ، وردت : الو نرجس : وييينك نورس : اني فوق عندك نسيبة نرجس : هي نوسه روحت ، باه خيرك ماتقوليش يابارده ، وبصوت واطي : راني ركبت معاك مليت بروحي نورس : باهي تعالي نرجس : لاتوا بيحطو العشي قالتلكم عمتي فتحية انزلو تعشو انتي ونسيبة نورس : باهي ، وسكرت : هي نوضي اغسلي وجهك ننزلو اني مغمضه عيوني : انزلي انتي قوليلهم تعبانه ، مش حنقدر نشوف وجهها نورس : بيحطو العشي باهي انزلي تعشي بتقعدي من غير عشي اني فتحت عيوني شفتلها : نورس ماتكونيش نفاخه خلاص انزلي انتي تعشي قوليلهم رقدت نورس : عنيييدة وراس مسكر اني : من تتكلم ؟ نورس : اني حتى عنيده لكن مش في نفس مستوى عنادك قاعده اهون منك اني : سكري الباب وراك نورس : بنولي بنركب راهو لاني الباين ماما بتراجي وليد يروح بينا وراجلك الله اعلم امتى يروح اني ساكته نورس : قصدي المغرب كيف يأذن خيرهم حاطين العشي من توا ، والا حقاا في ناس اكيد هذا علاش اني نشوفلهاا نورس وقفت شافتلي : اصلا اني الحمارة الي ندوي معاك قعدت نسال ونجاوب بروحي اني ضحكت غصبن عني : ههههههه عرفتي روحك زي الهبلة نورس شافتلي وطلعت وقربعت الباب اني : هههههه ، ووليت اتكيت ع الصالون وتنهدت : ياربي ساعدني ،،،،،،،، أيمن : السلام عليكم ، أميييي عليييياااا ماافيش حد في الحوش والا شنو عمتي من المطبخ : تعالى في المطبخ احني غير وطي حسك بس أيمن خش للمطبخ : شن تديرو عمتي : نقرضو في عصبان غدوة بنديروه غدي بالك مرت خالك تجينا والبنات وحتى حناك ، قلت نوتوه من اليوم أيمن جبد كرسي وقعمز : بااه مليييح غدوة غدانا عندكم معناها عمتي : ايه اكيد كلكم تعالو أيه مرت أحمد وسميه مرت أنور وعليا مقعمزين يقرضو في الخضرة ، وعمتي توازيلهم في الخضرة عمتي : شكلك كيف مروح من الخدمة أيمن : ايه والله عندي قضية لاهي بيها ، حتى لحوشي ماروحتش خطمت طول اهني عمتي : كانك خديت حوشي قريب اهني مش خيرلك حتى المراة ماتقعدش بروحها في الحوش سمية : حق والله تو انتي مستحيل نقدر نقعد بروحي في حوش بعيد أيمن : مايصيرلها شي تعودت أية : وشن بيصيرلها عاادي حوش مسكر عليها غير دلع بس ، وقعدت تقرض في المعدنوس بغل غلها عليا شافت لأية وعرفتها علاش مغلولة علي هاجر ، علي خاطر يوم بيان نوال وكيف الموقف الي صار ، وقعدت تذكر وابتسمت وشاده ضحكتها بالسيف أيمن شافلها : ضحكينا معاك عليا اهني تذكرت وجه أية في هداكا الوقت ، وتقعد تضحك : ههههههههههههههههه كلهم عدنان خاش من باب المطبخ : خيرها ملبوسه تضحك بروحها عليا : هههههه شي خيركم تذكرت حاجة تضحك بس هههه عدنان قعمز : مش طبيعيه اصلا ، باه مديلي ميه عليا : فيك يدين ورجلين على ماأظن عدنان وقف وامشي بيجيب ميه وهو مولي للكرسي خبطه برجله علي ظهرها عليااا : ااااااي يااحمااار ، ووقف ومقدم جيهته تجري بالموس عمتي : حيييي عليااااا تييي قعمزي يااامسحوونه الموس عليا تقدم جهة عدنان ودايره الموس قدامها عدنان مقعمز ويشرب في الميه ومتجاهلها عليا قعدت تضرب فيه برجلها علي رجليها عدنان يمد رجله ويعكفها ، وعليا تجي طااايحة علي أيمن عدنان : ههههههههههه تستاهلي عليا تنوض وتسب وتلعن فيه أيمن شرين تليفونه ناض طلع للصالة ويتكلم أيه شافاته ناضت غسلت يديها عليا قعمزت بعد سب ولعن لعدنان وبعد حرقلها دمها وكملت تقريض أيه طلعت من المطبخ أيمن : لاوالله ،،، امشيتله اني هداكا اليوم لكن ماحصلتاشي ،، لا قضيته تحولت للمحكمة ممكن اول جلسة الاسبوع الجاي ،، خلاص امالا خلينا نشوفوك ، مع السلامه ، سكر وتلفت وراه القي أية وقف شافلها باستغراب أية : أيمن نبي نتكلم معاك في موضوع أيمن يشوفلها بااستغراب أية : تعال نطلعو للجنان القدام ، وامشت جهة الباب أيمن ماشي وراها مستغرب أية وقف ولفتله : شوف لانك زي خوي نعتبر فيك حندويلك ، في موضوع لازم تعرفه أيمن : بخصوص ؟ أية : بخصوص هاجر أيمن يشوفلها ومستغرب أيه كملت : اني امس سمعت شي مش قصدي نسمع ولانتطفل ، لكن بعد سمعته قلت لازم انك تعرف أيمن : اختصري أية : كانت هاجر تهدرز هي ونسيبة علي شخص اسمه موسى والي فهمته انه حبيب هاجر أيمن بصدمه : انتي واعيه للي تقولي فيه ، وتكنطى أية : اهدى اني قصدي انه كان حبيب هاجر يعني في ماضيها ، مانعرفش اذا كان هي حاكيتله او لا بس شي زي هدا كان مفروض انت تعرفه ومايندسش أيمن بعصبيه : شن تخررفي انتي ؟ لشن تبي توصلي ؟ أية : مانبي نوصل لشي الي عليا قلتهولك ولانك زي خوي دويت لمصلحتك ولو مش مصدقني برا أسألها يمكن عنده إجابة ليك ، وتخطاته وخشت للحوش، رجعت للمطبخ بإبتسامه ولاكانها دايره حاجة أما أيمن فقعد مصدوم وواقف في مكانه ، وبعدها طلع ولع سيارته وامشي لحوشه بأسرع ماعنده ،،،،،،،،،،، وليد خاش للحوش : نووسة نووسة ، خش للصالة وفي يده أكياس شافني غافيه علي الصالون ، امشي للمطبخ حط الأكياس ، وجاني اني من كثر التفكير غفيت وليد قعمز علي ركابه ، وحط يده علي شعري وقعد يلعب بيه بيده ويتفرج عليا واني راقده اني تحركت بإنزعاج ، بعدها فتحت عيوني بالشوية جت عيني في عينه وهو مبتسم وليد مبتسم : ياخميرة النوم خيرك راقده اهني نوضي ارقدي في الدار اني غمضت عيوني وقعدت نتذكر كيف رقدت اهني وتدكرت الي صار امبكري ، فتحت عيوني نضت قعمزت وليد : صحة النوم وناض قعمز جنبي ،ووكيف بيقرب مني اني حطيت يدي قدامه بمعنى وقف ، ونضت وقفت وامشيت بخطوات بطيئة جهة الحمام (حشاكم) ، خشيت وسكرت الباب وليد قعد مقعمز مصدوم ومش فاهم شي اني اول ماخشيت للحمام حسيت قلبي مغموم وكان نلقى نبكي ، بس شديت روحي وغسلت وجهي ، قمت راسي شفت للمراية ، بعدها قعدت نغسل في وجهي بالقووة وقداش مرة ، فتحت الدولاب طلعت شنطة ، حطيت كريم ودرت ملمع بسيط وواسيت شعري ، رديت الشنطة في مكانها شفت لروحي نظرة سريعه في المراية وطلعت القيت وليد متكي ع الحيط الي قدام الباب وحاط يديه في جيوبه وقارن حواجبه ومتكنطي اني لما شفته نزلت عيوني ولفيت بنمشي للدار وليد شد يدي ، اني لما شد جت بين عيوني كيف حط يده علي كتف عبير ، حولت يده بقوة وبسرعه ، ومابيتش حتى نشوفله وليد مصدوم ، وبعصبيه : شن قصدك بالحركة هادي انتي شن الي صاااير فهميني اني مانبيش نشووفله ومكمله طريقي للدار وليد لحقني وبعصبيه : اني لما تتكلمي توقفي تسمعيني وتشووفيلي معاش تتجاهليني لني شفتله نظرة غريبة أول مرة نشوفهاله وليد يشوفلي ومصدوم : شن في ؟ خيرك تعاملي فيا هكي اني لفيت جهة السرير وكيف بنمشي ، وليد شدلي يدي اني كل مايمسني بيده نتذكر الموقف على طول ، حولتله يده بهدوء المرة هادي ، وبهدوء غريب : نبي نرقد لو سمحت ، وليد يشوفلي ومصدوم ومش فاهم شي اني خشيت للسرير وعطيته بظهري وغمضت عيوني وليد تكنطى قرب من السرير اني خفت وقلبي يطق بقوة وليد سحب مخدته بعصبيه ، وامشي جهة الدولاب فتحه وطلع بطانيه ، وقربعه بالقوة وطلع وقربع باب الدار اني فتحت عيوني وتنهدت بضيق واني مخنووقه ،،،،،،،،،، أيمن خشش للحوش بسررعه ومايشوفش في شي قداامه ، قرربع باب الحووش : هااااجر هاااجر هاجر انخلعت طلعت من الدار تجري : نعممم أيمن قرب منها وعيونه شراره تطلع منهم : تعالي هاجر تقرب منه وخايفه ومستغربه : حبيبي شن في ؟ أيمن بهدوء عكس البركان الي في داخله : من هو موسى ؟ هاجر جمدت في مكانهاا ومصدوومه ، فتحت عيونها علي وسعهم أيمن : تكلمي ، صح الدووة معناها والا ، وهو يقرب منها ووووو أيمن خش للحوش بسررعه ومايشوفش في شي قداامه ، قرربع باب الحووش : هااااجر هاااجر هاجر انخلعت طلعت من الدار تجري : نعممم أيمن قرب منها وعيونه شراره تطلع منهم : تعالي هاجر تقرب منه وخايفه ومستغربه : حبيبي شن في ؟ أيمن بهدوء عكس البركان الي في داخله : من هو موسى ؟ هاجر جمدت في مكانهاا ومصدوومه ، فتحت عيونها علي وسعهم أيمن : تكلمي ، صح الدووة معناها والا ، وهو يقرب منها هاجر وخرت ، وبتردد : أيمن نقدر نوضحلك ، خلينا نقعمزو ونحكيلك أيمن جن جنونه : شنننننن حتحححكي اني يجو يقولولي مرتي عندها حبيييب هاجر : أيمن أهدأ هي قصة قديمة ومنتهية من قبل حتى مانعرفك أيمن يشوفلها وعيونه تطلع منهم شرارة هاجر خافت ووخرت : أيمن نقدر نحكيلك كل شي ، بس هي قصة منتهية والله أيمن : وعلاش ماتحكيهاليش من قبل علاش مخليتيني غافل هاجر بخوف : ياأيمن ياحبيبي والله مسألة قديمة واني مالقيتش داعي نحكيلك أيمن : اني مرتي عندها علااقات قبل واني راقد علي اوداني ، وعندها ماضي يجو يقولوهولي الناس هاجر تكنطت : علاااقاااات شنووو يااأيمن هي علاقه وحدة وانتهت قداش ليها وكانت غلطة وماضيا نظيف الحمد لله أيمن جن جنونه وقدم يجري وشد هاجر من شعرها هاجر عيطت : اااااااي ايمن ايمن شاد علي شعرها : وين نندري اني بالك في علاقه مدسوسة تانيه ،تكلممممممييي هاجر دموعها ينزلو وتحاول تفك يدين أيمن الي ولى زي المجنون من شعرها : أيمن شعري ااااي حراااام عليك أيمن طلقهااا بقوة ودفها هاجر ضربت في الحيط حطت يدها علي بطنها، وتمسح في دموعها بيدها التانيه : حرام عليك شن نسيت اني حااامل ، حاااامل بووولدك وانت قاعد ماتبيش توثق فياااا أيمن مولي زي الثور الهااايج ضرررب الطاااولة الي جنبه برجله وطاحت كلها، وبصوت عالي : علاااااش ماتحكييييش من الاول علاش تخليني زي المضحوووك علياااا علاش وحدة كلبة تجي تحكيلي انك قاعده تذكري فيه وتحكي علييييه وحدة تبي تخرررب حيااااتي واني قدااامهاا غافل مانعرف شي لو انتي حاكيتيلي راااهو ماصارش هكي هاجر ترعش ودموعها ينزلووو : انت خليتلي فررصة نحكي خشيت متكنطي وتضرب وتمد في يدك حتى الي في بطني نسيييته ، كان انت هذا تعااملك اني الحوش معاش نقعد فيه ، ولفت وخشت تجري لدارها ، وسكرتها بالمفتاح أيمن عيونه تطلع منهم شرارة ، وبعدها اهدي شوية وكأنه عقله ولاله من كلام هااجر الأخيرر وبكلمة الحوش معاش نقعد فيه ، امشي يجري جهة دار النوم وقعد يخبط ع الباب : افتتتتحي البااااب هاجر تبكي وتطلع في حوايجها في شنطة أيمن يخبط : اافتحي والا قسما بالله نكسررره هاجر ترعش مع بعضهااا : علاش بنفتح باش تزيد تضررب باااش تزيد تمد يدك عليا مزال ماشبعتش والا أيمن ولى زي الثور الهااايج ، وخر وقدم وفقع الباب هاجر واقفه في زاوية في الدار وتررعش وتبكي أيمن يقدم جهتها : احكي ، وقعمز ع السرير وحط ثقله عليه وهو من العصبيه جسمه يررعش : اهو قعمزت تعالي احكي نسمع فيك هاجر تمسح في دموعها وترعش أيمن بصوووت عاللي : احححححححكي هاجر : باه أيمن راح نحكي اهدأ بس والله نحكيلك كل شي أيمن ساكت ويهز بررجله هاجر بلعت ريقها : كنت في تانيه تانوي كان يلحق فيا من المدرسة مرة واتنين كلمني مابيتش نعدل عليه لين بدي يضايق فيا خديت رقمه في الاول مابيتش نكلمه قعد كل يوم وراي يبيني نكلمه ، امشي كلمته أيمن شافلها والشرارة تطلع من عيونه هاجر خافت وكملت بخوف : قعدت معاه في علاقه تلاته سنين بعدها سافر وانفصلنا أيمن وهو يشد علي سنونه : يعني مسيبك قبل ماتكلميني بسنتين هاجر : ايه أيمن : وعلاش قاعده تذكري فيه علاش قاعده تذكري في ماضيك مزااال تفكري فيه والا هاجر : أيمن والله ماصارت امتى شفتني تذكرته أيمن اني كارهاته من قبل مانعرفك علاش تقول هكي راني حامل بولدك أيمن وقف وجي جهتها : وشن يضمنلي أنك نسيته فعلا ، انتي لأمس تحكي عليه انتي ونسيبة هاجر انصدمت وقعدت تشوفله وفاتحة عيونها أيمن يقرب أكثر : كنتي تحكي عليه والا مزال مانسيتيش يعني علاش تكذبي عليا هاجر : أيمن والله كنا نحكو عادي علي أيام المدرسة وجت سيرته انت من قالك أيمن : مادخلكش من قالي ، ويشوفلها بغيض هاجر : أيمن انت تخوف فيا هكي بنظرتك هادي أيمن : هادي النظرة الي تستاهليها قاعده في حوشي وتذكري في ماضيك ومش ناسيتيه هاجر : أنت علاش تقولي هكي تحسس فيا كأني خاينه أيمن : مجرد أصلا انك تذكريه خيانه ليااا ، ولف بسررعه وقلب الحاجات الي فوق الشكماجة كلهم ع الارض وبصووت عااالي : خياااااانه لياااااا خيااااينه لياااا هاجر انخلعت من تكسير الحاجات وعيطت ، بعدها حطت يدها علي فمها أيمن : علااااااش ياااااهاجر علااااش من لما حبيتك ماقلتيييش علااش مخليتيني غاافل علاااش ، ولف يشوفلها : بنسكرووو سنه مع بعض سنه وانتي قاعده مستغفلتيني ، يجو يقولولي اني يجو يقولولي مرررتك عندها حبيييب اني هاجر اغتاضت : أييييمن هووو مااضي علاش تذكر فيه كأنه حبيبي قاااعد أيمن قعمز ع السرير بغيض ويهز برجله : كملي احكي هاجر : والله احكيتلك كل شييي أيمن بصووت عااالي : احكييييي كم علاقه دااايره هاجر مش متحملة كلام أيمن يحسس فيها كانها وجدة رخيصه : أيمن اني كلمته هو وبعدها انت علاش الكلام الي يجرح هدااا لو بنديرر علاقات كانت سااهله عليا رااهو لكن اني مانيش زي الي في بالك أيمن شاافلها : سااهله صار هاجر : ايه ساااهله لو كنت نبي لكن اني مانيش هكي ، اني من لما سيبني مافكرتش حتى نرجعله ، ليوم بياني الي قريت فيه فاتحتي كلمني لكن اني حبيتك ولو نبي نرجعله لكنت رجعت لكن اني معاش نحبه أيمن وقف : يعني مكلمك هو بعد حتى ماوليتي مرتي قاعد يكلم فيك ، ويقرب منها هاجر انصدمت الكلام طلع من غير قصد منها هي بس تبي تبينله انها تحبه أيمن يقرب وعيونه تطلع منهم شرارة ، وبصوت عاااالي : تكللللللللللممممممممي من امتى يكلم فييييك هاجر : والله مرة وحدة في بياني والله ، حتى هداكا اليوم لما اني وياك كنا ماشيين شفته والله ماتحركت حتى حاجة تجاهه أيمن جن جنونه ، ويقيم يده ويضرب هاجر كف هاجر وجهها قعد متلفت ومصدومه أيمن انصدم وعقله بدي يرجعله ، قعد يوخر بخطوات ثقيله وهو يشوف لجهة هاجر وليده ، كيف ضربهاا هاجر نزلت منها دمعه سخوونه ، قامت يدها وخرت بيها شعرها الي طاح لما ضربها كف وتلفتت ، شافتله بنظرة انكسار أيمن ماقدرش يشوفلها نزل عيونه : ه ه هاجر هاجر قاعده تشوفله ، ضحكت ضحكة انكسار ودموعها ينزلو بروحهم وخده يحررق من الضربة : شكرا ياحبيبي شكرا صح هذا الي نستاهله ،،،،،،،،،،،،،،،، في نفس الوقت شرين تليفونها ، كانت واقفه ع المراية ، قامت التليفون ، سكرت الضي وسكرت باب الدار وخشت سريرها وردت : الو هو : وييينك علاش ماجيتيش اليوم تي حرام عليك نبي نشوفك قعدت نراجي فيك ، هكي حبيبك مضروب ماتجيشي معقولة تو هدا كلام يصير منه هي : ههههههههه محمود خوود نفس محمود : ههههه تي والله قعدت نراجي فيك ، لما خشو امك واخواتك قعدت نشوفلهم نراجي فيك تخشي لين امك زبطتني وانحرجت نوال : ههههه ، وبحزن : والله حتى اني قبل خاطري بنشوفك لكن ماما مابتش تخليني محمود : حرام عليها عمتي تحرم فيا منك نوال : ياروووحي محمود : زيدي تسهوكي نوال : ههههههههه وسكتو الاتنين مايسمعوش الا في صوت نفسهم محمود : نحبك نوال قلبها يطق : حتى اني نحبك محمود : امتى بتجي عندي ونسكر عليك حوش ، وتنهد : ربي يصبرني نوال قلبها يطق بقوة ومبتسمه محمود متكي علي سريره : ونحضنك ونبوسك ونشبع منك نوال خدودها ولو حمر : باه من جاكم اليوم ، وانت كيف راسك تحس تتألم ؟ محمود يكمل علي نفس النغمه : نتألم ياحبيبي وهلبا ، تعالي خففي ألمي نوال : باهي خديت مسكن محمود بنفس اللحن : خديت مافيش منه فايده ، نبيك انتي اني نوال : كيف بااهي مسكن باهي برا للدكتور يزيد يشوفك كان تتألم محمود بنفس اللحن : تخافي عليا نوال : اكيد بنخاف عليك كان ماخفتش عليك علي من بنخاف محمود عارفها متحشمة من كلامه يزيد علي نفس اللحن : تعالي باهي جنبي ، وشوفيني بعيونك واعطيني انتي دواي ، بوسه بس منك ننسى ألمي نوال : اها باهي محمود مات بالضحك : هههههههههههه اها باااه نوال : مابردك سخيف محمود : ههههههههه ماليكش حل انتي ، تهبلي وانتي متحشمة نوال : هههه ياسرك محمود : هههههههه ، وعاود نفس اللحن : نحبك ياحياتي وعمري نوال بصوت واطي : محمود حتى اني نحبك محمود تنهد : نبي نشوفك ياهبلة دبري نوال : نعرفش كيف محمود : تو مش كان قاري عليك الفاتحة راهو نقدر نشوفك وندير شن نبي نوال : شن تدير ماتبي ! محمود ينرفز فيها :ندير هلبا حاجات خاطري فيها نوال : الي هما ؟؟ محمود : هلبا حاجات انتي تفكيرك وين امشي نوال : لا قاعد اهني ، وقالت بصوت واطي : الحمد لله معناها محمود شاد ضحكته : الحمد لله علي شنو نوال : علي كل حال محمود : باه خلينا نقرو الفاتحة توا هكي مع بعض ، مانقدرش نصبر اني راهو نوال : بالله محمود : والله + ((مابعرف كيف بنظرة بتعمل هيك بتاخدنى ليك وبموت عليك ما بعرف شو اللى عن يسحرنى هيك لمسة ايديك ضحكة عينيك حسيت بقربك بالامان صرت بزمان غير اللى كان )) + نوال : محممووووود بطل خيرررلك محمود : تي خطيبتي الززح نوال : خطيبتك مش مرتك محمود : باه لما تولي مرتي عااادي ؟ نوال : محمموووووود محمود : هههههههههه باااهي + ((عم اعشق انا عم اخلق من اول وجديد عاسمك انا عم البس خاتم عمرى بالايد عم حس بلون الدنيا احلى صار عم عيش نهار بالف نهار عم يضحك قلبى متل ولاد صغار صرت المشوار وعليك بغار )) وقعدو يهدرزو لعند الفجر والحب مدفي سهرتهم وفرحتهم ،،،،،،،،،،،، تقلبت بملل في سريري وقلبي مغموم ، حولت الورغان ، ونضت امشيت بهدوء وفتحت الباب بالشوية وطلعت، قعدت نمشي وندور في وليد وين راقد لين وصلت في الصالة كان التلفزيون مفتوح وهو راقد ع الكنبة ، كان فاتحها زي السرير ، قربت اكثر ،كان راقد ، سرحت فيه كان شكله زي البيبي البريء ملامحه الرجولية ، ابتسمت بحب وحزن في نفس الوقت ، مديت يدي حولت خصلات شعره الي نازلات علي عيونه ولفيت من الجهة التانيه للكنبة وواسيت الغطا عليه ، سكرت التلفزيوون ، لفيت بسته علي جبينه بهدوء رجعت لداري قعدت نلود بملل وحاايرة شن ندير مش جايني نوم ، وحايرة كيف نتصرف اني مهما كان مانتحملش يلمس مرأة غيري حتى لو كان من غير قصد ، وبعدين هو هو غالط خليه يتحمل عواقبه ، لكن اني نعاقب في روحي في بعده هكي + << ماأصعب ياحبيبي أن نكون قريبين لهذه الدرجة وبعيدين كل البعد >> + قعدت ندور في الدار ، بعدها امشيت جبدت مخدتي والورغان وطلعت ، امشيت بهدوء حطيت المخده ع الكنبة جنبه ، واسيت الورغان ورقدت بهدوء جنبه لفتت وجهي جهته قعدت نراقب فيه ونتفرج عليه ومبتسمه ، قربت أكثر وحطيت راسي علي صدره وغمضت عيوني + << لقد أدمنت وجودك ياحبيبي بقربي ، أصبحت مجنونه بك ، لم أحتمل هدا البعد ، دائما أنا هكذا أتظاهر بالقوة ولكن بوجودك أصبح ضعيفه لاحول لي ، ضعيفه أمام حضنك وحنانك ياحبيبي >> + ،،،،،،،،، نرجعو لهاجر وأيمن أيمن متكي ع الحيط ونادم علي مدة يده هاجر مقعمزة وتطلع في حوايجها ، وكل ماتنزل منها دمعه تمسحها بسرعه ، ماتبيشي يشوفهاا أيمن بضعف : هاجر خلينا نتفاهمو هاجر قامت راسها شافتله بعيونها الي معبيات دموع ، ضحكت ضحكة سخرية : قاعد تقول في نفس الكلام الي كنت نقولك فيه لما خشيت هاد عليا ، وأشرت علي خدها : وضربتني ، ونزلت راسها وقعدت تطلع في حوايجها (( هاجر صح قاعده تطلع في حوايجها بس فوق من قلبها ، تبيه يمنعها تبيه يتأسف ويقوللها معاش نعاودها ياحبيبتي ، هي تحبه ومش قادرة تطلع بهالسهولة ، لكن هو جرحها ، وأهانها ، كبريائها هو الي يقود فيها تواا ، تحاول تبان قدامه قوية تحاول توريه انه مايقدرش يكسرها بالسهولة هادي ، بس هو في الحقيقه فعلا كسرها وجرحها )) أيمن قدم وقاام الشنطة بقووة ، وقلبها ، وطاحو الحوايج الي فيها هاجر وقفت : شن الي قاعد تديررر فيه انت أيمن ينحي في الحوايج : مستحيل نخليك تطلعي من الحوش وتسيبيني هاجر تتكلم ودموعها علي خدها : لمااا تحترمني بعدها نقعد فيه الحووش ، وجبدت منه الشنطة بقووة : اني مش حنقعد في الحوش وتوا يااما ترفعني يااما نكلم محمد تو خمسه دقايق يكون عندي أيمن جبد منها الشنطة ولوحها بعيد ، تلفتلها : اسف باهي والله غررت هاجر ماتديريش فياا هكي هاجر : شن ينفع كلمة أسف شن تنفعني توا ، تمد يدك عليا ياأيمن ، علااش علي خاطر كلام قالوهولك انت بروحك قلت يبو يخربو بيني وبينك ، بس انت شنو جتني كيف الثور الهايج ، وبعدها ماحكيتلك قاعد مش مصدقني ، مش مستعده نعيش معاك في قلة ثقه ، وامشت جهة الدولاب أيمن لف جيهتها : باه اسف والله الي تبيها حاضر ، والله نعرف روحي غبي ولما نتعصب مانشوف في شي قدامي بس والله نحبك ، وقدم جهتها شد يدها : هجورة حبيبتي اسف هاجر فكت يده بقووة ، وطلعت عبايه من الدولاب ، وقعدت تلبس فيها ودموعها ينزلو : بتوصلني والا نكلم محمد أيمن : باه نرفعك امتى ماتبي بس ماتمشيش وانتي زعلانه مني هاجر لفت ، طلعت وشاح وقعدت تلف فيه ، وقدمت ع الشكماجة اخدت تليفونها أيمن يلود وراها ويتأسف ويعاود هاجر فتحت تليفونها أيمن جبده منها : لاا ماتكلميشي باهي تو نرفعك ، لكن غدوة تروحي معاي هاجر شافتله : لما تحترمني بعدها نروح معاك أيمن يشدها من يديها : اسف حبيبتي بالله عليك سامحيني هاجر دموعها ينزلو ، وملفته وجهها للجهة التانيه : هيا بنمشي أيمن : باه ارفعي معاك لبسة وحدة ع الاقل ، ماترفعيش هلبا حوايج ارفعي داب ماتبدلي بس ، غدوة بنروح بيك باهي ، هجوورة ، ردي عليا هاجر فكت يديها وامشت طلعت شنطة صغيرة ، حطت فيها زوز لبسات ، وحاجاتها أيمن يلود وراها ونادم هاجر طلعت قبله من الدااار فتحت باب الحوش وطلعت وقفت قدام السيارة أيمن اخدي مفتاح السيارة ، فتحلها السيارة ، وقدم بخطوات سريعه فتحلها باب السيارة ، ركبت وسكر الباب هاجر ابتسمت بقهر ، وفي ثواني اختفت الابتسامه لما وجعها خدها أيمن ركب السيارة ، ولع وقعد يطول في الطريق ، وكان يلقى يولي بيها ، بس عارف روحه غلط غلطة كبيرة ، وهاجر مش حترضى ،،،،،، ثاني يوم ...........