سند الأنثى رجل - الفصل 18 - بقلم shosho - مكتملة | روايتك

اما بعد اذان الفجر علي طول وصل مسج لنوال < ياخميره النوم هي نوضي الفجر اذن > بعدها وصلها مسج تاني < نوال هياا > ونوال تتقلب ويزعج فيها صوت الرسايل ومزال خاطرها بترقد < نواااال > فتحت عيونها قرت المسج صحصحت كتبتله اهو طالعه وناضت شافتنا كلنا راقدين اخديت وشاح بالشوية وحطاته علي راسها وطلعت القت محمود يراجي فيها محمود : باهي الي نضتي نوال : تي نعسانه بكل محمود جبدها وحضنها نوال انصدمت : شن صار ؟ محمود : خاطري فيه الحضن هذا من قبل ، وحط يده علي خدها وبهمس : نحبك نوال تشوف لعيونه : نحبك اكثر وفي اللحظة هادي تطلع وتشوفهم ...... : هيييييي محمود ونوال انخلعو وبعدو علي بعض وشافو وخافو محمود : رحمة الي شفتيه مش لازم حد تاني يعرفه رحمة شافتله شوية بعدين قالتله : مش مصدقه اني الي شفته وين تحسابو روحكم نوال بخوف : انتي فهمتي الموضوع غلط احني احني مش بالقصد يعني رحمة وخرت شوية وقالت : لاوالله شفت وفهمت الموضوع صح وانتي الباين عليك تبي تربية من جديد وانت هذا علاش ماكنتش تبي منى بنت عمي علي خاطر هالفرخه لاعبتلك براسك نوال قعدت تشوفلها مصدومه وشاده روحها احتراما لمحمود محمود بعصبيه : رحمة احترمي نفسك ومن غير دوة فاضيه رحمة : ايه تعصب غير عليا اني بس داير ماتبي مع الصايعه هادي الي مش متربية ومن قبل ماتكمل كلامها يجيهاا كف من محمود الي ماتحملش كلامها محمود وبكل عصبيه : احترررمي نفسك ماتخلينيش نغلط فيييك قلنالك فهمتي الموضوع غلط ، لين تخليني نمد يدي عليك اما نوال فكانت حاطة يدها علي فهمها وساكته ومصدومه رحمة حاطة يدها مكان الكف : ايه عندك حق مد يدك غير عليا اني والا لكن والله تشووف كان ماقلتها ليهم كلههم ، ولفت جت بتخش محمود شد يدها : رحمة اهدي وتعالي ، نوال انتي خشي نوال بخوف : لكن .. قاطعها محمود بعصبيه : قلتلك خشي نوال خشت من غير ولاكلمه وهي الدموع ينزلو منها ومش عارفه شن تدير اما محمود خدي رحمه وتبعد بيها علي الغرفه وقعمزها علي كراسي رحمة : فك يدي نبي نمشي حول من عليا محمود : لا مافيش مشي لين توعديني انه ماتعاوديش الدوة رحمة انهارت بالبكي وحاطة يدها علي خدها ثمحمود قعد مصدوم وقعمز : رحمة اهدي خلاص رحمة مستمرة تبكي محمود : خلاص باهي تو علاش تبكي رحمة وهي تبكي : اها اضربني ومد عليا يدك قدامها ، هي حبيبتك مارضيتش فيها بس اني رضيت فيا ومديت يدك عليا لاني اختك طبيعي ، وطبست راسها تبكي محمود : ماهو انتي نرفزتيني قعدتي تقولي في كلام مش معقول بكل تو معقولة هكي تقولي عليها مش متربية وصايعه في وجهها ترضيها انتي حد يقولهالك والله حتى انتي لو حد يقولها عليك نقتله مش بس نضربه رحمة : لانها هي صايعه وهدا كلام الحق انت سيبت منى علي خاطر وحدة زي هادي محمود بعصبيه : انتي زيدي طولي لسانك وبعدين قولييلي كيف تمد يدك عليا والا زيدي اغلطي وبعدين نوضي ابكي رحمة : اني مانقولش في حاجة كذب قلت كلام الحق وكلام الحق وجاع ، وتلفتت للجهة التانيه ومسحت دموعها محمود يحاول يتمالك اعصابه : انتي فهمتي الموضوع غلط رحمة تتلفتله : شنو الي فهمته من الموضوع غلط محمود : هي اصلا كيف طلعت يعني انتي جيتي في لحظة مانعرفش شن صار وبعدين ايه صح اني نحبها ونبيها ونبي نتزوجها رحمة بهزوة : خلاص امالا خليني نفهم للكل الموضوع هذا باش يزوجوكم بااسرع وقت محمود قاعد شاد اعصابه : رحمة ماتخلينيش ننجن والموضوع هذا مايطلعش منك وقسما بالله لو نسمع حد عارف بس والله يارحمة ماتلومي الا نفسك خلينا خوت طيبين افضل مانبيش نغلط فيك واني حنتزوجها بااسرع وقت انتي مش لازم التلقيح رحمة سكتت شوية وقالتله بمكر : تمام مش حندوي بس انت لو يوم تاني القيتني مع حد ماديرش روحك راجل وقتها وتقعد تدير في الجو عليا ، ووقف وجت بتمشي شدها من يدها وقعمزها بالسيف محمود بعصبيه : الكلام الي قلتيه توا معاش تعاوديه رحمة : اني كلام وماتحملتاشي لو فعل زيك شن كنت حتدير محمود : مااعتقدش تحبي تعرفي شن كنت حندير رحمة شافتلها وناضت ومشت جهة الدار واول ماخشت قابلتها نوال تشوفلها بخوف ، فشافتلها شبحة مكر : ارقدي وراك يوم طويل ههههه نوال تحاول تشد روحها انها ماتريشهاش : اسمعي رحمة مافيش داعي ليه الكلام هذاا رحمة تتغطى : كلام شنو نوال : شي ، وتلفتت للجهة التانيه علي اساس بترقد لكن هي تسحن من داخل وخايفه ومش عارفه شن تدير ، بعتت مسج لمحمود << شن صار طمني راهو بنهبل >> محمود طلع التليفون من جيبه اقري المسج ورد عليها << ان شاء الله نكون قنعتها بس هي صح واعرة رحمة لكن مااعتقدش حتقول انتي ماتخافيش ولو صار اي شي اني جنبك وحنقعد ديما جنبك هي ارقدي وماتفكري في شي >> نوال بعد قرت المسج استريحت نوعا ما ورقدت ع الساعه 10 نورس : هياا نوضو ياخميرات النووم ، انتو الزوز بس قاعدين راقدات نوال : نورس اقلبي وجهك خير مانحذف عليك الفياق يفتحلك راسك نورس : هههههه وين بتلقيه الفيااق تي نووضي هياا ياسرك نوم ، نسيبة نوال نسيبة نوال هياا نوضوو كان بتفطرو هيااا الساعه ١ اني قعمزت وقعدت نلم في شعري : خلاص نوضنا وانتي كان علقتي في حاجة تنفخي الراس نضت اني ونوال وطلعنا القيناهم كيف يفطرو اني ونوال : صباح الخير كلهم : صباح النور وليد : وين وين ع النوم ماشاء الله اني : هههههه تعب امس خدي فينا حصة ، وقعمزت نوال قعدت تشوف لنظرات رحمة وشافت لمحمود كان مبتسم وعادي ورحمة ماكانتش تشوفلها تطمنت شوية وحتى هي جبدتي كرسي وقعمزت ماما : اني عندي نوال ونسيبة من يومهم اكثر وحدات خميرات نوم عمتي : ههههه حتى وليد راهو كان خمير نوم والله ماينوض لين ريقي ييبس رحمة : حتى محمود ياماما والا نسيتي ، اصلا زي بعض طلعو هههههاهاها (ضحكة صفرا ) نوال ومحمود وجوههم تتصفر وتتخضر وفاهمين التلقيحة ، اما احني كنا نحسابوها علي انه وليد ومحمود زي بعض وليد : هههه ايام لما كنا نقرو في المدرسة اني ومحمود نرقدو في دار وحدة ، نعدلو المنبه نسكروه ونرقدو تجي امي تقعد ساعه وهي تنوض فينا مافيناش واحد يتحرك ونقولولها ماناش ماشيين ، تقول تو نمشي نقول لبوكم وهي تقولها من اهني وتلقانا الزوز واقفين قدام الحمام نتعاركو من الي ناض الاول هو يخش الاول محمود : ههههههه ايام الكونغرس ، ويي ياما حصلت جلدات بالسبته ع الصبح احني : ههههههه عمتي : الله يرحمه ويسامحه كلنا : آمين عمتي : بالله ياما يبستولي ريقي اهو توا رجالة ماشاء الله ماما : ان شاء الله ربي يحفظهملك وتفرحي بولدك محمود : آمين كثري منها الدعوة ياعمتي وليد : هههههه تي ارزن ماما : هههههه ان شاء الله ربي يفرحك وليد : ههههه تي ارزن ياراجل محمود : تو شن قلت اني قلت حاجة غلط اني نتمنى لامي الفرح ديما وتفرح بيا ان شاء الله اني : ههههه ايه لاعندك حق محمود : ها قولي لراجلك بالله فهميه رحمة قعدت تشوفله بعدين قالت برفعه حاجب : وانت علاش مستعجل والا شكله ياماما في وحدة في حياته ماما شافت لنوال القتها تشوف لرحمة وهي خايفه وحست انه في حاجة اني قعدت نتنقل بنظري لرحمة ومحمود ونوال عمتي : هههه وكان عنده خلي نمشو نشوفوهاله محمود يشوف لرحمة وماسك اعصابه عارفها علي شن ناوية + قعدنا نهدرزو ونفطرو ورحمة كل شوي تلقح حاجة تخزرط في محمود ونوال ، ونوال كان تلقى تنقز عليها تريشلها شعرها لكن شاده روحها بالسيف ، اني حسيت انه رحمة شاكه في علاقه بينهم + نرجس تنوض : الحمد لله ، ماما اني نبي نتمشى شوية وليد : ماتخشيش للبحر لين يكون حد معاك نوال : ايه بالله فكينا من الرعايش رحمة تتلفتلها : شكلك رعشتي هلبا امس هههاهاها ( ضحكة براده ) محمود يفنص في رحمة وعيونه قريب يطلعو نوال : اكيد بنرعش مش هي اختي ، ولفتت وجهها للجهة التانيه وهي من الداخل قريب تطربق ماما لنرجس : ايه ردي بالك بالله نرجس : حاضر اصلا معاش حنخش للبحر تطمنو ، ولفت وامشت احني قعدنا نلمو في حاجات الفطور وفاء : مرت عمي عبد القادر قال بالك بعدين يجي بنروح معاه اني عمتي : خيرك زيدي اقعدي غيري جوك وروحي معانا وفاء : والله اختي منى توتي لعرسها وتبي تاخدي الفيلو وتبيني نختار معاها عمتي : حددوه وفاء : ايه شهر 8 الجاي ان شاء الله عمتي : باه ان شاء الله علي خير ربي يهنيها ،،،،،،، اما عند هاجر رن فونها لقاته ايمن : الو ايمن : الو اهلين شن الاخبار هاجر : تمام الحمد لله وانت كيف حالك حبيبي ايمن : كويس هي امتى نقدر نروح بيك ليك تلاته ايام توا هاجر : والله مش قادره مجرد اني نفكر بس حنرجع للحوش ونشم ريحته نحس في روحي بنرد مش قادره ايمن : باه كيف الحل والله استاحشتك هاجر : مش بيدي ياحبيبي شن ندير ايمن : معاش نبي صغار اني هاجر : هههههه معليشي ياحبيبي اصبر عليا شوية شهر شهرين ويمشي الوحم وبعدها نجيبو بيبي ننسى كل شي ايمن : نبي ولد اني راهو هاجر : لالا اني نبي بنوته نلبسها طرحات وتطلع طرف زي امها ايمن : ماتبيش ولد يطلع طرف زي بوه ويهبل البنات هاجر بغيض : لامانبيش ايمن : ههههه تي والله نحبك شن يصبرني اني عليك ، اليوم جايك راهو نبي نشوفك وماتديريليش جو( وهو يقلد في صوتها ) ووه خليك بعيد وريحتك يعع ' شريت عطر جديد هاجر : باه يصير خير ،،،،،،، اما نرجس امشت لنفس المكان الي شافت فيه حسن اول مرة القاته مقعمز ويعزف في نفس مكانه قدمت بهدوء وقعمزت وقعدت تسمع في عزفه بس المرة هادي انصدمت كان يغني وكان صوته حلوو هلباا يام العيون السود ماجوزن انا خدك القيمر انا اتريق منه + واقفه بالباب تصرخ يالطيف لاني مجنونه ولا عقلي خفيف + من ورى التنور تناوشني الرغيف يا رغيف الحلوه يكفيني سنه + ياام العيون السود ماجوزن انا خدك القمر انا اتريق منه + واقفه بالباب وتقولي انا حلوة مشيتها التأني وبرهدنه + لو تحب خادم خادمها انا لعوف الدولة واعوف السلطنه + ياام العيون السود ماجوزن انا خدك القمر انا اتريق منه >> حط العود وتلفت الخلف القاها تشوفله وعرف انها كانت تسمعله ابتسملها نرجس ابتسمت : صوت حلو وعزفك رائع حسن ابتسم بخجل : مش واجد مجرد موهبة نرجس : بس والله انت موهوب حسن : شكرا ، انت من امتى هنا نرجس : من لما بديت تغني حسن ابتسم بخجل : ممكن تكوني اول وحدة تسمعي صوتي نرجس : بجد حسن : ايه ، ع العموم اسمي حسن من بنغازي نرجس : تشرفت اسمي نرجس ، امس ماقدرتش نشكرك علي درته معاي بجد شكرا حسن : العفو هذا الواجب ، كم عمرك نرجس : 18 حسن : اها بطول عمرك ، طشونه نرجس : ههههه ليش انت كم عمرك حسن : شايب اني نرجس : كم حسن :30 نرجس : ماشاء الله متزوج ؟ حسن قرن حواجبه : لا نرجس سكتت حسن خلى روحه عادي : انتي تقري والا نرجس : ايه بنخش جامعه ان شاء الله حسن : باهي موفقه ، شن ناوية تتخصصي نرجس : هندسة ان شاء الله حسن : ماشاء الله مهندسة مرة وحدة نرجس : هههه ان شاء الله ، انت تشتغل اكيد حسن : ايه دكتور عظام نرجس : ماشاء الله ، من امتى تعزف حسن : من عمري عشر سنين كان باتي الله يرحمه يعلم فيا ، حتى لما سافرت قريت في بريطانيا شلته معاي العود كنت نعزف كل مانقعد وحدي نوازي في اماكن هدوء وندندن ، نحب عزف العود من لما صغير ، باتي لما يعزف نقعد نسمعله وفرحان نرجس ابتسمتله : ربي يرحمه ،اني لازم انوض توا تشوفت بمعرفتك حسن : حتى اني تشرفت بيك ياطشة نرجس : هههه سلام حسن : مع السلامه ، وقعد يضحك بروحه وحاس في حاجة في قلبه وقام العود بتاعه وقعد يدندن ،،،،،، نوال تسحبني للدار اني : شن في بس خيرك نوال : رحمة رحمة ديري ليها حل بنقتلها راهو اني : هههههه بتولي حماتك تحمليها نوال : تعرفي خلاص معاش نقدر نشد روحي كان نلقى نريشها من شعرها اني : ههههههههه بعد تتزوجي كيف ان شاء الله اديري نوال : تي يااسر ضحك راني في مصيبه اني مستمرة نضحك ونتسهوك عليها نوال : نسيبة راهو الموضوع جديات رحمة شافتني مع محمود الفجر اني ضحكتي تقلصت وقرنت حواجبي : كيف شافاتك وانتي شن تديري مع محمود للفجر نوال : اني كيف طلعت وقتها وكنت اني ومحمود وهي طلعت فجأة اني : شن تقولي انتي نوال : هذا الي صار ماتشوفيش فيها كيف تلقح من بكري بتهبلني اني : حي عليك انتي شن درتي بس لو تعرف ماما نهارك الاحرف والا تعاودها لعمتي انتي شن درتي بس ديما نقولك ردي بالك نوال : توا صار الي صار كلامك كله ماليشي فايده نبي حل لهالمصيبة اني : محمود شن دار لما شافتكم نوال : تكلم معاها وحسب ماقالي انها مش حتقول لكن اهو تلقح وتلمح للموضوع وتعاود لين حسيت انه ماما حست اووف اوف اووف قعدت مصدومه من الي صار ونفكر شن حنديرو بالهالمصيبه الي حلت علي راس نوال رحمة واعره ومايقدر حد يفهمها في اي لحظة ممكن تقول نورس خاشه للدار : هي تخشو تعومو اني : اني لا وليت كحلة من الشمس نورس : يااي وانتي نوال نوال بضيق : بااه نبدل ونمشو نرجس خاشه للدار : وين بتمشو نورس : انتي قعمزي اهني فكينا منك نرجس : بتعومو نورس : ايه نرجس : حتى اني مش حنمشي اصلا من قال اني مزال بنخش اساسا نورس ونوال بدلو وهما طالعين نورس : ماما احني بنخشو نعومو ماما : باهي غير ردو بالكم بس وماتخشوش الغريق هلبا خليكم قراب نورس ونوال : حاضر محمود ووليد كانو مقعمزين يشوو في حوت ويتناقرو وليد : تي اهني الزفت محمود : تي حول غادي والله ماتعرف تشوي بكل خليها للخبير وليد : اي خبير الي يصور ويفسفس وهو يشوي ليين تحرقه وقول خبير بعدين محمود : اسكت بس وتو تشوف الشوي الصح وليد يتكى ع الكرسي : تو نشووفو البشماط الصح هكي قصدك والا طاب الحوت وكملو الشوي ودرنا سلايط وقعمزنا بناكلو اشرنا لنورس ونوال يطلعو نوال تسحب الفوطة وتلفها عليها : امممم ريحة الحوت تهبل نرجس : مديلي سلاطة اني ماما بنمشي للطاولة التانيه عمتي : خيرك كولي الحوت ماما : ماتاكلش فيه يتدلعو هالبنات نوال : احلى شي الحوت ماتعرفيش تاكلي نورس : مادام نوال قالت هكي معناها سمو بسم الله وكولو قبل ماتبدا هي ع الاقل تلحقو نوال كيف بتتكلم قطعتها جمله رحمة رحمة : تعرفي يانوال كل مانتذكر شكلك في الفجر كيف طلعت خلعتك وانتي مقعمزة ع الشط هههه نقعد نضحك جو عليك هههه ( مع ضحكات صفرا ) اني نوال ومحمود ماما : الفجر شن تديري برا ع الشط نوال وجهها مايتفسرش محمود جياته صاعقه ومعاش عرف شن يقول اني مصدومه ونستنى فيها امتى تكمل باقي الفضيحة رحمة : ماهو ............. نوال ومحمود ... رحمة : تعرفي يانوال كل مانتذكر شكلك في الفجر كيف طلعت خلعتك وانتي مقعمزة ع الشط هههه نقعد نضحك جو عليك هههه ( مع ضحكات صفرا ) اني نوال ومحمود ماما : الفجر شن تديري برا ع الشط نوال وجهها مايتفسرش محمود جياته صاعقه ومعاش عرف شن يقول اني مصدومه ونستنى فيها امتى تكمل باقي الفضيحة رحمة : ماهو طلعت الفجر قعدت نهدرز اني وياها قعمزنا ع الشط وكان الجو يهبل ، ههههه امشي خلعتها نوال ومحمود نوال بتلكليك : اه اي اا صح كنت ماجانيش النوم طلعت قعمزت ع الشط وطلعت رحمة قعدت مقعمزة اني وياها ( رحمة تحرقلهم في دمهم قعدت زي الي يركب بيك في مكان عالي ويطلقك وانت كيف بتطيح يشدك تاني ) اني : هههه ( ضحكة صفرا ) احني والله مانندرو عليها من التعب رقدنا محمود قاعد يشوف لرحمة وهي ماتبيش تشوفله وكان يلقى ينقز عليها ماما : يسلمو يديكم ع الحوت ماشاء الله يهبل نورس : ايه والله حلو ماشاء الله وليد : صحة محمود ونوال قاعدين متلكمسين يشوفو لبعض ولرحمة وقلوبهم بين رجليهم يستنو في اي لحظة رحمة تفضح بيهم ، محمود خايف علي نوال لو ماما عرفت مش عارف شن تديرلها وقاطع تهدرزينا صوت عبد القادر عبد القادر : تي وين حوت من وراي هكي وليد : جيت في وقت تعالى تعالى حوت شواه محمود اول مرة يدير حاجة صقع هكي محمود : تي خيرلك راهو ياوليد عبد القادر : لاماتقولهااش ، وقعد يسلم علينا ، شن اموركم ماما : الحمد لله في نعمه كيف حالك انت باهي عبد القادر : الحمد لله والله ، وقام بنته : اووبا بنيه بابا ، وقعد يبوس فيها وفاء كان تشوفله ومبتسمه كيف شاد بنته رغم انهم متعاركين بس كان فرحانه بشوفته وهو مستاحش بنته ، شعور حلو اني متاكدة ربي مايحرمني منه ونشوف بنتي او ولدي شادهم وليد وفرحان بيهم ، شفت لوليد لقيته يشوف لناحية عبد القادر الي شاد بنته ومبتسم فجأة تلفتلي وابتسملي ، ابتسمتله وفي قلبي خوف ، خايفه من القدر خايفه نحرمك ياحبيبي من هالنعمه قعدنا نهدرزو ونتغدو نرجس : ماما اني نبي نتمشى عمتي : كيف مااكلتش بكل ريحة السلاطه وليد : والله ماحسبتش في حد ماياكلش فيه كان هدا راهو درنا دجاج نرجس : لالا عادي الحمد لله اكليت سلاطه عمتي : تو سلاطة تشبع ماما : في جبنه نديرلك خبزة وجبنه نرجس : لالا تو بعدين كان جعت ندير ماما : باه براحتك غير ردي بالك من روحك وماتبعديش نرجس تحط سماعاتها : باه حاضر ، ولفت وامشت قعدنا نهدرزو ونوال كانت تاكل بسرعه وبعصبيه نوعها لما تعصب تجيها ع الاكل نوال انخنقت بشوكة : كح كح وقعدت تكح ومعاش قدرت تتنفس محمود ينقز من مكانه وهو مفزوع ويضرب علي ظهرها بالشوية يحاول يطلع الشوكة كلنا نضنا التمينا عليها وخايفين وهي قاعده تكح لين وجهها ولى احمر نفسها تسكر ماما تفرفش : حي عليا اني بنتي عبد القادر : لالا مش هكي يامحمود نوال نوال حطي يديك علي رقبتك هكي نوال حطت يديها عبد القادر : ترا شوية يامحمود ، وشدها وحط يده علي بطنها ويحنيلها ظهرها ويضربها نوال كح ، وطلعت الشوكة قعدت تتنفس بسررعه اني نمدلها طاسه اميه : خودي اشربي ماما طاحت قعمزت ع الكرسي رجليها معاش حملوها وراعشه بكل : بارك الله فيك ياوليدي الله يربحك ، وتنهدت عبد القادر : العفو هذا واجبي ، وردي بالك مرة تانيه ركزي في الشوك نوال الدموع ينزلو منه وتتنفس بسرعه ومقعمزه ع الكرسي محمود مقعمز علي ركابه جنبها : نوال كيف تحسي توا كويسة احسن نوال تمسح في دموعها : الحمد لله احسن احسن محمود : باه علاش تبكي ، خلاص مرة تانيه ردي بالك باهي نوال هزت راسها : باهي عمتي كانت تشوف لتصرفات محمود الي ناسي روحه من الخوف علي نوال وكاانها زبطت ، هي ام وتحس بولدها قعدنا نهدرزو ونحاولو نغيرو الموضوع ونلطفو الجو شوية ،،،،، اما عند هاجر شرين جرس حوشهم بلعت ريقها عارفاته ايمن وعارفه لو قربت منه حتتقرف وهو بيتكنطى وهي مش عارفه شن تدير محمد خوها يفتح الباب : اووه نسيبنا انست انست تفضل ايمن يسلم عليه : الله يأنسك بارك الله فيك شن الاخبار محمد : ميه ميه شن امورك انت ايمن : تمام والله شن اخبارك الحاج والعائلة محمد : ميه ميه كويسين كلهم والله ، خلي انادي هاجر ايمن ابتسم محمد يخش لدار هاجر : راجلك جي هاجر : باهي تو نطلعله محمد : بتروحي هاجر : لالا محمد : وعلاش ان شاء الله احني مزوجينك باش نفتكو منك والا تقعدي عندنا هاجر : حول من قدامي ماخاطريش فيك نفتكو منك قال قاعده علي قلبك امشي طيح سعدك محمد : كان نعرف منين تجيبي فيها الدوة هادي حتى جداي ماتتكلمش هكي هاجر : اني مافيش حد يتكلم زيني اصلا وهي حول من ع الباب بنسكره محمد : وعلاش هاجر : لاحول ولاقوة الا بالله تو هذا شن بنقوله بنبدل بنبدل حوايجي بتقعد واقف اهني شن تبي في خاطرك ، وسكرت الباب في وجهه محمد من وراء الباب : ههههههههههههههههه تي والله ماتتحشمي غير تطلعي بس الما تشوفي ، وامشي خش لامه قاللها انه ايمن جي وطلع قعمز جنب ايمن هاجر لبست بيجامه حمراء شورت وتيشرت وقامت شعرها فوق ودارت كحل وقلاس وطلعت ايمن اول ماشافها خاشه من الباب عيونه قلووب ولو ووقف طول اما محمد خوها قعد مصدوم هادي نفس المخلوقه الي امبكري شعرها مشفشف هاجر سلمت علي ايمن وبدت الدنيا تدور بيها قعمزت بعيد محمد : هي امالا يانسيب اني نستاذنك عندي شوية خدمه نديرها وانت خود راحتك الحوش حوشك مش براني ايمن : تفضل اذنك معاك ربي يعاون محمد : ان شاء الله هي السلام عليكم ايمن وهاجر : مع السلامه ايمن : تي تعالي قربي اهني خيرك مبعده هاجر بتردد : ايمن تعرف انت ايمن : حتى العطر غيرته شن توا هاجر : كله نشم فيه زي بعضه ايمن اتكنطى واسكت هاجر قربت منه شوية : حبيبي بالله عليك تحملني شوية باهي ، تو يجي ولدنا وتشده بين يديك تنسى كل شي ايمن : باهي باهي يصير خير هاجر : نديرلك قهوة ايمن : لالا بنروح هاجر بزعل : باه براحتك ، ولفتت وجهها للجهة الثانيه ايمن : تو من مفروض يزعل هاجر : اني لانك انت تزعل مني علي خاطر شي مش ذنبي وانت ماتبيش تقدرني وتحس بياا لو انت ماقدرتنيش في وقت زي هذا امتى بتقدرني وبتحس بيا ، وقعدت تبكي ايمن ناض من مكانه وجي قعمز جنبها : باهي اسف خلاص هجوورة هجورتي خلاص معاش تبكي والله هكي ندير من وحشتي ليك مستاحشتك ، وقعد يمسحلها في دموعها ، باه علاش تبكي توا يادلوعه هاجر : متضايقه ونفسيتي تاعبه مستاحشاتك حتى اني لكن مش قادره شن ندير باه هي ايمن وكان مخلي مسافه بينهم : خلاص باه اسف معاش نبي نشوف دميعاتك باه هاجر شافتله كيف مبعد وماتت بالضحك : ههههههههههههههه ايمن : مش كانت تبكي هادي شن صارلها هاجر : هههههههه ، وقعدت تأشر عليه : ههههه جو كيف خايف ومبعد هههه ايمن : ههههههه باه شن ندير الله غالب هاجر : هههههه وقعدو يضحكو زي المجانين الزوز ،،،،،،، ومع المغرب عبد القادر لوفاء : بتروحي وفاء : ايه ، بتروح توا ؟ عبد القادر : ايه وتي روحك بسرعه وفاء ناضت : باهي عبد القادر : هي اني امي مروح تبو حاجة عمتي : خيرك زيدو اقعدو غيرو جوكم وليد : خيرك ياراس زيد اقعد اهو بنديرو مكرونه محمود : ايه والله تفوتك مكرونه بنديرها اني توا وليد : محمود اليوم ناشط عبد القادر : هههه كولو صحة وبالك ربي بيرحمني ماناكلش محمود : تو شن قصدك انت شن قصده هدا امي شن قصده ولدك عبد القادر : هههههه غير ياوليد تذكر المكرونه الي دارهالنا لما في زردة مع اولاد عمي وليد : هههههه تي كل مانذكرها ياراجل نحس في بطني توجعني وووه محمود : خساره فيكم اصلا ديما تقعدو هكي ، ندالة وليد وعبد القادر قعدو هكي يضحكو ويتسهوكو علي محمود وهو مش معدل عليهم وحط طنجرة ع النار وقعد يعول عليها عبد القادر ياخد بنته : هي السلام عليكم عمتي : في حفظ الله كلنا : مع السلامه وفاء : مع السلامه عمتي : بالسلامه سلمي علي امك وفاء : يوصل ، وامشت ورا عبد القادر وركبت السياره وهو ساكت مايتكلمش معاها وفاء اخدت بنتها : عبدو عبد القادر : نعم وفاء : بتقعدي هكي انت زعلان مني عبد القادر ماردش عليها وفاء حطت يدها علي يده ع المارشه : عبدو حبيبي مانتحملش هكي اني راهو مانتحملش نشوفك زعلان مني وماتبيش تكلمني لامتى بتقعد هكي عبد القادر : لين تعرفي غلطتك وفاء : لكن ياحبيبي اني والله ماغلطت وقايلتلك قبل غير انت نسيت ، وبعدين ياعبدو بنتي قاعده صغيره نبي نربيها ونرد بالي منها كويس مانبيش نلهى بغيرها لين تكبر شوية عبد القادر : باهي بااهي وفاء شدت يده وبدلع : يعني خلاص راضي عليا حبيبي عبد القادر تلفتلها وضحك : هههه وفاء ابتسمت وفرحت ،،،،،،،،، محمود يصب في المكرونه : تي حول غاااادي والله نصبها عليك توا وليد : والله مااني متحول من اهني لين تكملها كلها نندري عليك شن تحط فيها مش مستعد نبات في الحمام اني اليوم ، وزاد قرب الكرسي جنبه محمود بصوت عالي : تي ياااااانسيبة اني بفزعه : نعم شن في محمود : تعاااالي خووودي راجلك من عليا خير مانخليهولك مشوه اني قربت منهم : هههههه خيركم بس محمود : نفاااخ خووديه من عليا وليد يضحك : ههههههه تي والله مااني محول من اهني ، حرك مكرونتك حررك واسكت اني قعدت نضحك عليهم ووليت قعمزت في طاولتنا وقعدت نهدرز معاهم رن تليفون نورس خداته وناضت للدار خشت وسكرت وراها الباب نورس : الو عدنان بعصبيه : باهي الي سمعت صوتك والله وينك بس نتصل فوق من عشرين مرة ماترديش وووينك نورس : عدنان اهدى بس ، انت عارف ان احني في البحر وماما طول الوقت جنبي وعيونها عليا امتى تبيني نكلمك عدنان : في اختراع اسمه رسالة ابعتي قوولي مانقدرش نتكلم مش ماترديش خليتيني قريب نطلع من عقلي نورس : اسفه باه والله مابيدي عدنان : باااهي نورس : كيف حالك وشن داير عدنان : ماشي اهو في حوش حناي قاعدين نورس : كيف حالها احنينه عدنان : والله شن بنقولك نورس : شنو عدنان : حناي تاعبه شوية نورس كيف بتتكلم نخش اني بسررعه للدار وامشيت للحمام بسرعه وقعدت نستفرغ نورس : شوية بس وسكرت وجتني تجري : نسيبه خيرك وليد يلحقني وواقف علي الباب : نووسه نوسه شن في بس خيرك طمنيني نورس : خيرها شن صارلها خشت تستفرغ ووو........