سند الأنثى رجل - الفصل 17 - بقلم shosho - مكتملة | روايتك

وقعمز جنبي وليد وقعدنا نراجو في دوري لحد مانادت الممرضة عليا وقفت ووقف معاي وليد وشد يدي ، خشينا عند الدكتورة الدكتورة تبتسم : تفضلو قعمزو ، كيف حالك اليوم اني : الحمد لله تمام مشكورة الدكتورة : شوفي اني طلبتك اليوم نبي ندير في فحوصات اكثر ونبي نتاكد من شي اني : شي شنو ؟ في حاجة ؟ الدكتورة : ايه بس ماتخافيش كل شي ليه علاج والي فيك ماهوش خطير اني بخوف : شن في ؟ الدكتورة : عندك كيس علي المبيض لازم يتحول ، اني توا بنزيد نديرلك الجهاز بيش نعرفو حجمه بالضبط وبعدها تمشي تديري فحوصات تانيه ، والكيس هدا هو سبب تأخر الحمل عندك نحولوه وبعدها نتابعو وان شاء الله خير اني حطيت يدي علي فمي وقعدت نشوفلها وكلامها كان صدمه : بعد يتحول في الاكيد نحمل الدكتورة : والله شن بنقولك الباين انتي اصلا عندك مشكلة تانيه غير الكيس اني بعد نحولك الكيس لو تأخرتي في الحمل نبعتك لدكتور واستشاري في امراض النساء والعقم اني شفت لوليد الي كان ماسك يدي ويشوفلي الدكتورة تابعت : نصيحة ليك تحولي الكيس بأسرع وقت قبل مايكبر اكثر اني تلفتلها : باه كيف عمليه قصدك ؟ الدكتورة : ايه فتح بسيط يعني اني : امتى اقرب موعد نقدر ندير فيه العمليه الدكتورة : انتي توا تديري الجهاز وبعدها الفحوصات واني حنقررلك موعد اني : باهي كتبت الدكتورة التحاليل والفحوصات الي تبيهم اخديت الورقه وطلعت قعمزت علي اول كرسي وليد قعمز جنبي وحط يده علي رجلي : نوسة ماتخافيش حاجة بسيطة هي ياروحي عمليه صغيرة يحولوه وخلاص تم اني حطيت يديا علي وجهي وقعدت نبكي وبصوت متقطع : وليد اني نبي بيبي وكان معاش نقدر نجيب بيبي انا نبي بيبي ولييد وليد جبدني لحضنه : باذن الله ياروحي ربي حيرزقك ببيبي وتبدي احلى ام في الدنيا كلها وتجيبيلي بنوته شعرها مشفشف زي امها هههه اني قعدت نبكي ونضحك : اني نبي ولد زيك وعيونه زيك وليد : لالا عيون امه احلى اني قعدت نبكي تاني وخشيت في حضنه : وليد كان معاش نقدر نجيب بيبي ونحرمك منهم وليد قاملي راسي وحط صبعه علي فمي : اسسس توا ماتضايقيش روحك وباذن الله الي عند ربي خير ، ومسحلي دموعي هيا عاد بطلي بكي تولي شينه راهو لما تبكي اني : هييي ولييد وليد : ههههه غير شوفي الناس كيف يشوفولنا عليك حشمه يادلوعه اني قعدت نشوف حوالينا والقيت الناس كلها فاتحة عيونها فينا قعدت نضحك : هههههه ، وزدت اضبطته وليد : هههههه مجنونه قلت نقوللها بالك تتحشم زادت اني : ههههه يملحو وليد : هي خلينا نمشو نديرو التحاليل وتعالي اغسلي وجهك اني باه خشيت لحمام النساء غسلت وجهي وبعدها طلعنا امشيت درت الي قالتلي عليه الدكتورة ورفعنا النتيجة للدكتورة الدكتورة بعد قرت التقرير حطاته ع الطاولة وشافتلي : ماتخافيش بسيطة ان شاء الله ، تو حنكتبلك علاج تأخديه لمدة أسبوعين وبعدها نديرلك مراجعة تجيني ونحددلك يوم نديرلك فيه العمليه وان شاء الله خير اني : ان شاء الله كتبت الدكتورة الدواء واخدي وليد الورقه وشدلي يدي وطلعنا وليد : اركبي انتي السيارة نشوفلك دواك ونجي اني : باهي ، ركبت السيارة وقعدت نفكر وخايفه من الموضوع شوي وجي وليد ومدلي كيسة الدوا وانطلقنا في الطريق اني كنت طول الوقت حاطة يدي علي خدي ونشوف جهة الروشن وليد يشد يدي : حبيبتي اني تلفتتله وليد : شن رايك نخطمو ع البحر اني : باهي ماعنديش مشكلة وليد باس يدي وحطها ع المارشا وحط يده فوقها اني شفتله وابتسمتله بحب وصلنا للبحر نزلنا وقعدنا نتمشو وهو كان لاف يده علي كتفي وضامني ليه اني قمت راسي وشفتله : نحبك وليد باس علي راسي : نموت فيك اني اني : حبيبي كان لاقدر الله مانقدرش نجيب بيبي اني تسيبني وليد : اسس تفائلي خير بس وان شاء الله ربي يرزقني منك احلى بيبيات ، ولو ربي مش كاتب يكون لينا اطفال فعادي قضاء وقدر المهم انتي جنبي واني مهما يكون مستحيل نسيبك الا لو ربي خدي امانته اني تلفتتله بسرعه : بعييد السوو ، وتشبتت فيه ، ربي يخليك ليا انت البو والخو والسند وكل شي بالنسبه ليا مش مستعده نتيتم مرة تانيه خليك جنبي وليد ضمني بقوة : ان شاء الله حاضر ديما حنقعد جنبك ، تو انتي ماتضايقيش روحك بالافكار اني : ان شاء الله وليد : تخشي تعومي حبيبتي مرات حتى يخفف عليك الضيق ، وتوا قريب تظلم والميه مصقعه مليحة اني : لالا حبيبي بنبل ملابسي وماعنديش غيار مرة تانيه وليد : تو نفكر نحجز نمشو لشاليه اسبوع ويمشو معانا العيلة اني : والله فكرة ياروحي ، عادي يمشو معانا ماما واخواتي وليد : ايه طبعا كيد اني نقصد العيلتين نمشو كلنا اني اضبطته : والله فكرة حلوة شكرا ليك حبيبي اكيد اخواتي حيفرحو وليد : ماتشكرنيش حتى هما اخواتي راهو اني : ربي يخليك ليا قعمزنا ع الشط وقعدنا نراقبو في الغروب ونهدرزو وكنت حاسه بأمان وفرحة ،،،،،،،،، اما عند نوال محمود : يانواال نبي نقول لامي نوال : باه اني ماعنديش مشكلة لكن ماما مش مواافقه شن تبيني ندير هي قالتلي قاعده صغيرة خلي اهو بنخش للجامعه هكي بعد سنه ممكن توافق محمود : اووووف الزفت والله ماني قادر نصبر وخلاص حصلت شقه بنشريها وعندي حقها نوال : وين شقه محمود : العمارات الجدد في الشارع الي وراء حوشنا في شقه بيبيعها عجبتني بنتم فيها نوال : باه تو اني نزيد ندوي مع ماما وانك علي اساس تدير خطبه بس وبعدها ساهل محمود : وبنقرأ الفاتحة راهوو نوال : لالا فوتها الفاتحة نبيها اسبوع العرس محمود : لالا نبيها تبدي مرتي ونبي نشوفك ديما وتحت عيون اماليك نوال : محمود والله عارفه بتصير مشاكل محمود : عارفه روحك يعني معاش تقدري تعاندي نوال : وراس محمود خليها في العرس والله عبايه مانقدر نلبسها توا رزينه راهو محمود : بعد العرس بتلبسي خمار فلهذا نبي نلبسك بالتدريج طبقه فوق طبقه ماتجي عندي لين تبدي ميه ميه نوال : هيييي خمار شنوو معاش بنتزوجك معاش صارلي خلاص محمود : هههههه بمزاجك هو يعني نوال : والله حبيبي خمار ووك غمه راهو محمود : تو تتعودي عليه نوال : تي اني العبايه وحامله همها زياده خمار اني لبسي كله سبور والله قصه محمود : عادي الي يحب يقدر يتنازل نوال : باه أبدا انت وتنازل علي شروطك محمود : نوال انهيه الموضوع هداا توا واني كلامي مانتنازلش عليه نوال : اوووف محمود : شن قلنا عليها الاوف احني نوال : باه ها اووف معاش نعاودها محمود : نواال نوال : هههههه باه خلاص تي باهي اصبر عليا متعودة ديما فيا محمود : بااهي ، حقا امتى نقدر نعطيك هدية نجاحك نوال : مش عاارفه ، باه قولي شن هي محمود : لالا خليها مفاجئة نوال : هيا وراس حبيبي وراسي حمودي فضولي بيقتلني محمود : ههههه فضولية هلبا انتي راهو نوال : باه هديلي فضولي وقولي شن الهدية محمود : لاا نوال : حمودي محمود : لا نوال : حبييبي محمود بعناد وهو يضحك : لا نوال : عيوني وقلبي وروحي هياا عاد محمود : ههههه لا نوال : راهو نقول اوف محمود : جرربي وقعدو هكي ونوال تتحايل عليه وهو مسكر راسه ماباش يقوللها ،،،،،،،، ثاني يوم كان جمعه نضت ع الساعه ١١ درت دوش وقعدت نجهز في الفطور وبعدها امشيت بنوض وليد اني قعمزت علي حاشيه السرير : حبيبي وليدد حبيبي وليد : ممم ها اني : حبيبي هي نوض يااكسول وليد جبدني واضبطني وخلاني راقده جنبه : خليني بنرقد اني : خميرر نوم بيبي راهو وليد : اسس اني : راهو صلاة الجمعه حتفوتك وليد : كم الساعه اني 11 ونص وليد : اووف مسهرتيني للساعه تلاته امس كله منك اني : ههههههه ايشي ولاكانه هو السبب وليد : ههههه ، وناض باسني علي راسي وخش للحمام يدوش اني طلعت للمطبخ وقعمزت ع الكرسي وقعدت نراجي فيه وليد ينادي : نووسه اني نضت وجيته : نعم ، وقربت منه بسته علي خده نعيمه نعيمه وليد : الله ينعم عليك ، وين سوريتي اني : حبيبي اهيا معقولة ماشفتهاش وليد : هههه ماشفتش اني : تعال افطر وبعدها البسها وقعمزنا فطرنا وبعدها لبس وليد سوريته العربيه وهو يبخ في العطر اني خاشه للدار : ييي حبيبي حلوة طالعه عليك العربيه وليد يبطم في الكم : عيونك الحلوة ها شوفي تمام اني قربت منه وبسته علي خده : تهببل ، استنى شوية نجيب فوني نصورو مع بعض وليد : هههه باهي هي وصورت اني وياه بعدها هو طلع واني غيرت ملابسي ونزلت لعمتي القيت وفاء لوطى اني : السلام عليكم عمتي ووفاء : وعليكم السلام اهلين سلمت عليهم : شن بتديرو غدي عمتي : بازين لينا مدة عليه اني : انتي بري ارتاحي ياعمتي واني تو نساعد وفاء عمتي : الله يريحك يابنيتي والله معاد قادره نوقف وفاء : قعمزي انتي يامرت عمي واحني تو نديروه ماتخمميش فيه وامشت عمتي قعمزت وقعدت اني ووفاء في المطبخ نحوسو وفاء : حقا نوسه لاباس عبدو قالي وليد قاله امس ماشي يعاين فيك اني : ايه والله درت كشف وفاء : خيرك لاباس اني : والله كلام الناس وسوسني ياوفاء وهما كل مايشوفوني خيرك ماحملتيش خيرك ماحملتيش وفاء : ماتدوريش الناس ديما هكي راهو مايسيبو حد في حاله اني : والله عقدوني لين تضايقت وليد في الاول رفض بعدها قالي باهي نمشو وطلع عندي كيس ع المبيض وفاء : بسيطة معناها حبيبتي يتحول اني : ايه لاحتى الدكتورة قالتلي ساهله وان شاء الله خير وفاء : وامتى بتنحيه ؟ اني : والله توا عطتني علاج اسبوعين وبعدها نمشيلها تاني وهي تزيد تشوف وفاء : باه ان شاء الله خير اني : انتي حسيته جوك مش حلو وفاء وهي متضايقه بكل : عبدو زعلان مني ولاقبل يطلع للجمعه تعاركنا اني : خيركم ؟ وفاء تنهدت : مايبينيش ناخد مانع حمل واني بنتي عمرها شهرين بس اني : باه هو علاش مايبيكش تاخديه قصدي بنتك صغيره وعندك الحق وفاء : مانعرفش قالي لا وفيه اضرار ومش عارف شنو واني لما خديته راحت من بالي نقوله بكل وكل مانحط في بالي بنقولك والله ننسى يحسابني بلعاني مانبيش نقوله اني : ياروحي باه حاولي تفهميه وفاء : ماباش يسمعلي كل مابنجي نشرحله يتكنطى ويطلع ويسيبني اني : مشكله والله ، انتي توا خليه يهدأ شوية ومعاش تجي جيهته ولما تحسيه اهدي حاولي تفهميه بهدوء وفاء : مانتحملاشي هكي زعلان مني بكل تعرفي لين نضايق ونقعد نبكي اني : لالا حبيبي ماتضايقيش روحك وخليه يهدأ وان شاء الله تو يفهم عليك وقعدت نهدرز اني ووفاء لحد ماروحو من صلاة الجمعه ونوضنا روحنا ووتينا سفر الغدي وحطينا قعدنا نتغدو مع بعض وليد : تو في حد يأكل بازين بالكاشيك اني : في اني وليد : عليك دلع عمتي : هههه معليشي تاكل بالي يريحها وليد : امي حشيشتك تدافعي عليها انتي اني : سلم عميمتي ياربي هههه محمود : ههههه معليشي ياوليد وليد : كول واسكت انت ، حقا كلمت صاحبي حجزت دارين في البحر اسبوع نمشو بعد غدوة وحتى اخوات وام نوسه بيمشو رحمة : اوووه مليحة بكل عبد القادر : اني مانقدرش نمشي تمشي معاكم وفاء كان تبي وليد : تي لا عاد نبوها هكي لمه يااراجل عبد القادر : لا والله صعبه بكل عندي مواعيد في العياده وهكي نمشي معاكم اول يوم نكسد وبعدها نروح محمود : والله مليحة تغييره جو وليد : شن رايك ياامي عمتي : عادي ياوليدي الي يريحكم ديروه ماعنديش مانع وليد : تمم معناها ، بيش تعطي علم لاامك يانوسه اني : ان شاء الله حاضر وعمك محمود فرحان ياعيني نوال بتمشي معانا كملنا غدانا وضمينا الاماعين وبعدها درنا شاهي وقعمزنا وقعدنا نهدرزو ويخططو علي مشيه بعد غدوة شن نرفعو وشن مانرفعوش واني كلمت ماما وقالت باهي واخواتي فرحو وليد شاد بتول ويلعب فيها واني قعدت نشوفله كيف كان مبتسم ويبوس عليها ويعاود وخنقتني العبرة خفت نحرمه من هالفرحة وهو يحب الصغار وليد يمدلي فونه : صوريني معاها نوسه اني خديت التليفون وابتسمت : باه حاضر غير شدها كويس هكي بيش تبان ، ايواه بالضبط هي وصورتهم ومديتله الفون وقعدت نراقب فيه وهو حس بعيوني وفهم عليا وليد مد بتو لامها وقعد يشوفلي ومبتسم بادلته الابتسامه ،،،،،، ثاني يوم جوني ماما واخواتي باتو عندي باش نطلعو مع بعض جي اليوم الي بعده نضت الساعه 7 وقعدت نوتي في الشنطة وناضت ماما وقعدت تحط في توابل وهكي مرات نقعدو نطيبو بيهم ووتيت فطور وع الساعه تمانيه نوضتهم كلهم وفطرنا ولبسنا ونزلنا القينا محمود في الجنان مقعمز ويدخن وليد : دخان ع الصبح تي لوح ياراجل محمود لما شاف نوال طفاه ونوال تفنص فيه اني : صباح الخير يامحمود محمود : صباح النور شن بتطلعو توا وليد : ايه بعد شوية هيا واتي انت والا محمود : واتي ايه نراجي فيهم يوتو روحهم احني خشينا الداخل القيتهم قاعدين يوتو في روحهم ووفاء مقعمزة في الصالة وشاده بنتها احني : السلام عليكم صباح الخير وفاء : صباح النور اهلين كيف حالكم اليوم ماما : الحمد لله كويسين وقعدنا مقعمزين نراجو في عمتي ورحمة يطلعو ، وبعدو وتو روحهم قعدو محمود ووليد يطلعو في الحاجات ويحطو فيهم في السيارات ركبت اني مع وليد واخواتي ركبو مع نورس علي اساس تطلع ورانا ومحمود ركبت معاه عمتي ورحمة ووفاء وليد واقف علي روشن عمتي : امي ماقلتيش لمنى بالك تبي تمشي عمتي : لاوالله نسيتها وليد : تو نشوف عماد دقيقه واتصل وليد بعماد وقاله لو يقدرو يجو وعطاهم وين احني ماشيين وسكر علي طلعه عبد القادر : شن قاعدين ماامشيتوش وليد : اهو بنطلعو احني انت تزبط المكان والا باش تجي عبد القادر : ايه نزبطه تم انتو غير توكلو تو وليد : ان شاء الله هي مع السلامه وطلعنا وكانت مسافه بعيده يعني ساعه في الطريق وكنا فاتحين اغاني ونهدرزو طول الوقت نورس : والله تعبت من السواقه تي امتى بنوصلو ماما : ياريته خليتي سيارتك في حوشهم وركبنا مع وليد نورس : نجيبها خير ياماما بعدين نروحو علي طول لحوشنا نوال : اني بنررقد ولما نوصلو نوضوني ، وحطت راسها علي الروشن وغمضت عيونها وراحت فيها نومه محمود يسوق وقرب من سيارة نورس وجت في اشارة وقف جنبهم وشاف نوال كيف راقده ع الروشن سرح فيها ومبتسم عمتي : خديت لحم يامحمود محمود سرحان عمتي : حميدا نكلم فيك محمود سرحان في عالم تاني عمتي نخصااته : محمووود محمود انخلع : هاا ياامي شن في خيرك خلعتيني عمتي : ليا ساعه ندوي بروحي وين سرحان محمود : شن قلتي عمتي : خديتو لحم بيش تشوو غادي محمود : وليد قال تو بياخد اكيد يوقف علي جزار وقعد محمود طول الطريق يقرب من سيارة نورس ويشوف لنوال كيف راقده كانت ملامحها طفوليه ويشوف فيها كانها ملاك راقد وقداش مرة قريب دار بيهم حادث يسرح وهو يسوق + وصلنا ونزلنا خشينا للديار محمود ووليد قعدو في دار واحني خدينا دار مع بعض حطينا حاجاتنا وبعدها طلعنا قعمزنا علي طاولة قدام الدار وقعدنا نهدرزو ومحمود ونوال يتبادلو في النظرات من تحت لتحت واني زابطتهم وحتى ماما قعدت مركزة علي نوال ولاحظتها محمود بعت مسج لنوال : خشي بدلي الي لابستيها نوال ردت بمسج بااستعباط : شن هي ؟ محمود : السورية الزفت الي لابستيها علاش غيرتي الي جيتي بيها الاولى نوال : ماهو نبي نعوم محمود قام راسه وفنص فيها وكتبلها : بتنوضي تغيريها والا نجيك توا نوال : خيرك معقد هكي محمود : اني هكي هيا يانوال خيرلك نوال : اووف محمود شافها لما نفخت : حي عليك من الاووف هادي نوال قعدت تضحك احني تلفتنالها قعدنا نشوفولها نوال : هادي صاحبتي هههه مسكينه تبي تمشي للبحر وخوها قايللها لا وقعدت نتسهوك عليها هههه ، وتضحك في ضحكة صفرا بتاع وحدة دايره عمله ، وكان صوتها عالي شوي وهي تبرر محمود سمعها وقعد يضحك وبعتلها : ههههههه فن في التفليم نوال شاده ضحكتها وكتبتله : هههههه كله منك قعدت زي العبيطة محمود : اصلا انتي عبيطة نوال شافتله وفنصت فيها وكتبتله : حقا راهو بالك تحسابني نسيت امبكري لما تدخن مش قلتلي بنسيبه محمود : بنسيبه والله بديت ناخد في واحد في اليوم بس وفي ايام ماندخنش مرات يعني بس نوال : حتى المرات هادي انساها والله معاد نكلمك مانحباشي اني الدخان محمود : تي باهي سااهل سااهل توا انتي نوضي غيري الي لابستيها والبسي لبسه باهيه كان هدا ماتحلميش تعومي نوال : باهي خشت نوال وقعدت تدور في سورية طويلة نرجس شاده السماعات : ماما نبي نتمشى شوية عادي ماما : باه بري لكن ردي بالك من روحك وماتباعديش باش ماتريحيش نرجس : باه حاضر ، وركبت سماعاتها وفتحت اغاني هاديه وقعدت تمشي ع الشط وكل مرة تباعد لحد ماوصلت مكان كان كله رشاد كبيره وكان مكان حلو هلبا وعالي علي البحر وقربت منه وشافت ......... نرجس شاده السماعات : ماما نبي نتمشى شوية عادي ماما : باه بري لكن ردي بالك من روحك وماتباعديش باش ماتريحيش نرجس : باه حاضر ، وركبت سماعاتها وفتحت اغاني هاديه وقعدت تمشي ع الشط وكل مرة تباعد لحد ماوصلت مكان كان كله رشاد كبيره وكان مكان حلو هلبا وعالي علي البحر وقربت منه وشافت واحد عطيها بظهره ومقعمز وشاد عود ويعزف حولت سماعاتها وقدمت وقعمزت بعيد عليه بشوية وراه وقعدت تسمع كان يعزف بشكل حلو هلبا وعلي لحن حزين حلو ، نرجس قعدت تسمع وتشوف للبحر وقعدت سرحانه هو يعزف ويشوف للبحر ويعبر علي في داخله بالعزف قعد يعزف لمدة عشرة دقايق وكان عزفه روعه ، كمل عزف حط العود جنبه وتنهد نرجس كان تشوفله من الخلف وكان تلقى تقدم تطلب منه يعزف ثاني ،،، ماما : يانوسه شوفي اختك وين امشت خيرها عطلت اني : باهي ، وقمت التليفون واتصلت بيها + عند نرجس قطع سرحانها صوت تليفونها نرجس ردت : الو نوسه هو انتبه لصوت التليفون وتلفت القاها مقعمزه وراه قعد يشوفلها كيف تتكلم اني : وينك ماما انشغلت عليك نرجس : هي اهو جايه ، ووقفت شافتله القاته يشوفلها ، كانو عيونه بنيه لونها حلو وخصلات شعره البني تداعب جبهته ولحيته الكثيفه المهملة زايداته وسامه ، نرجس سرحت فيه لوهله بعدها ، ابتسمتله ابتسامه خفيفه هو ابتسم لاارادي من بسمتها وقعد يشوف فيها كيف تبعد ، وبعد ماامشت واختفت تلفت جهة البحر وتنهد ورجع لسرحانه وهو حاس بشيء غريب ،،،،، اما نرجس جتنا وقعمزت ع الكرسي ماما : وين امشيتي نرجس اشرت ع الجهة الي امشت منها : غادي في جهة هكي رشاد وعاليه ع البحر قعمزت شوية منظر حلو ماما : باهي معاش تباعدي هلبا اني قعدت نشوف لنرجس كانت تتكلم باارتباك وسرحانه نوال طالعه من الدار وهي لابسه بلوزة زرقاء طويلة شوية اني شفتلها زبطت انه محمود قاللها غيري سوريتك ههههه ماتخافش الا منه نوال : خيرك تشوفيلي هكي اني : ههههه شي نوال : ريحيني نورس : هي تعالو نخشو نعومو خاطري نعوم اني : شوية نسال وليد ، ونضت امشيت جهة الطاولة الي مقعمزين فيها وليد ومحمود ، وكانو حاطين دجاج يشوو فيه اني : وليد وليد وقف وقدم جهتي : شنو اني : نبو نخشو نعومو اني والبنات وليد يشوف جهة الشط : باه مادامه مش زحمة خشو توا واول ماتزحم اطلعو اني ابتسمت : باه حاضر ، وامشيت قلت للبنات هيا وخشينا للبحر لعبنا ودرنا جو استرجعت ايام طفوولتي ههه كنا زي الاطفال انطرو في الميه علي بعض وضحكنا ، وكانت نوال اكثر وحدة فينا تعرف تعوم وقعدت تغطس وتغرق فينا مشينا الجو حلو لحد مااشرلي وليد انه نطلعو نتغدو ، طلعنا نشفنا روحنا وغيرنا ملابسنا وقعمزنا نتغدو مع بعض حتى وليد ومحمود معانا نفس الطاولة محمود : ترا رحمة مديلي الصونيه واشرلها علي صونيه فيها سلاطة ( كانت الصونيه قريبه من نوال وهو طلبها مقصود ، هههه عارفاته اني ) نوال قامت الصونيه ومدتهاله محمود خدي الصونيه ومس يدها وابتسملها نوال ابتسمت وتحشمت ونزلت راسها عمتي تنوض : الحمد لله ، اني بنخش نتكى الداخل شويه حسه الشمس ضربتلي راسي ماما : ايه والله حتى اني حسه راسي وجعني خلي نخش معاك وخشو ماما وعمتي الداخل وقعدنا احني نهدرزو ، ومحمود ونوال شبعانين من النظرات لبعض وليد اشرلي بمعنى هي انوضو اني وقفت وانسحبت اني ووليد وامشينا وقعدنا نتمشو ع الشط وليد : حبيبتي خديتي دواك اني : ايه خديت ، قمت راسي شفتله ، حبيبي خاطري نعوم اني وياك وليد : خليها في الليل احلى اني : امم باه قعدنا نتمشو ع الشط ونهدرزو نرجس ونوال ماشيين جهة البحر نرجس تلفتت شافت نفس الشخص الي امبكري كان لابس شورت وماشي جهة الشط وخش قعد يعوم كان مسافه مش بعيده خشو نرجس ونوال وبعدها خش محمود حتى هو ووفاء ونورس ورحمة قعدو مقعمزين ع الكراسي ويهدرزو محمود غطس وقرب جهة نوال ويجبدها من رجلها يغرقها نوال : وووه اااا وقعدت تقاوم بعدها شدها محمود نوال تخبط فيه وبنفس داهش : باارد باارد حيوان مابردك حول حول من عليا محمود ميت بالضحك ويشد فيها نرجس : هههههه اني ع الشط كنت نراقب فيهم : هههه وليد شوف ههه محمود غرق نوال وليد: هههههه والله الا بارد خوي هذا اني : ههههه مش عارف لمن طالع وليد : تو انتي علي من تلقحي اني : ههههه ماعلي حد وليد : ماعلي حد صار اها ماعلي حد ، وقامني حطني فوق كتفه وشد رجليا اني : ولييد نززلني هيي ياوليد الناس يشوفولنا هههههه تي نزلني ياامجنون وليد : باش نوريك كيف تلقحي اني نخبط فيه بيدي علي ظهره : ههه وليد نزلني بالله عليك معاش نلقح وليد مش معدل عليا وخاش جهة البحر محمود يضحك ويهدي في نوال شافني : غير ياامهبولة هههه اهدي شوفي شوفي نوال تضرب فيه : مانبيش نشووف اطلقني عارفاتك بتستغفلني وتغرقني محمود : هههههه والله معاد مغرقه غير اهدي بيش نطلقك ، شوفي هونا حتى نسيبه مدخلها وليد نوال تلفتت شافتني : هه حي عليه كيف شادها ههههه محمود : بنطلقك ها شدي روحك لاتغرقي ههههه نوال فكت روحها : مانغرقش اني كان انت تقعد بعيد عليا وقعدو يشوفلنا كيف شادني وليد ويضحك وليد قعد يخش بيا للغريق واني مانعرفش نعوم كويس ونزلني من علي كتفه اني كعبشت في رقبته : ولييد طلعني طلعني مانعرفش نعوم غريق هلبا وليد : ههههه ارخي روحك تو نعلمك اني زدت شديت في رقبته : وليد طلعني طلعني وليد : ههههههه ماحسبتكش خوافه هكي ، تي غير ارخي روحك نوال ومحمود قعدو يعومو لين وصلو فينا نوال : هههههههههه منظرك فظيع كيف مكعبشه اني : اسكتي انتي تعرفي تعومي اني مانعرفش ، وتجي موجة ماكانتش كبيرة بس دفتنا ، ووووووه ولييييد وقعدت نبكي وليد : ههههههههه خوافه ، وقعد يعوم بيا لجهة الشط محمود : ههههههههه والله الا طلعتي خوافه حق يانسيبه اني نبكي : اسس انت محمود ونوال ميتين بالضحك وليد : هههههههه تي خلاص اهو بنطلعو اني : معااش تضحك اسكت والله معاد مكلمتك والله كان غرقت ومتت ماني مسامحااتك باهي وليدد: ههههههههههههههههه اني شديت علي رقبته بالقوة : معاااش تضحك وليد يشد ضحكته : تي ااي هههههه رقبتي اني : تستاهل محمود : ههههههه نسيبة هي تجي نعومو اني فنصت فيه : اسكت خيرلك راهوو ان شاء الله تغرقوو ياربي محمود : ههههههههه + وليد ينزلني ع الشط : هههه هي ياخوافه طلعنا اني فكيت روحي وتلفتت مارديتش عليه وقعدت نمشي بسرعه وليد جي وراي : حي حي زعلت نووسة نوستي هههه مشفشفه ياهبلة ههههه اني تلفتتله : معاش تكلمني ، ورجعت تلفتت وامشيت وليد لحقني وشد يدي : ههههه ياهبلة خلاص اسف من غير زعل اني قعدت نبكي : باارد انت وليد : حي معاش تبكي ، وجبدني احضني ، خلاص اسف معاش نعاودها اني قعدت نبكي وندف فيه ونقول : بارد بارد وليد يشد فيا ويتأسف ويعاود + محمود لنوال : نوال نوال شوفي غادي ، خوي يتلصق تو باش تسامحه نوال : هههههههههه مهبولة قعدت تبكي محمود : تي اسس حتى انتي قريب بكيتي لما غرقتك نوال : لانك بارد وخلعتني علي فجأه محمود : باه هي خلاص نطلعو بتظلم نوال : مزال خاطري نعوم محمود : هياا قدامي بدت تزحم شباب اصلا نوال : حبيبي غير نزيدو شوية بسس شوية محمود : نطلعو الفجر تبدأ فاضيه ومليحة نوال : وعد راهو تطلع معاي الفجر محمود : وعد نوال تقول لنرجس الي بعيده عليهم شوية : نرجس هي بنطلعوو نرجس : باه اطلعو تو نلحقكم نوال ومحمود طلعو وقعدت نرجس تعوم وفجأة تتلفت تجي عينها في عين الشاب نفسه الي كان يعزف ابتسملها بادلتله الابتسامه فجأة يجي تيار ونرجس حست انه في حاجة تسحب فيها للخلف قعدت تقاوم ماقدرتش قعد التيار يسحب فيها قعدت تعيط وتقاوم شافها كيف تقاوم وسمعها تعيط قعدت يعوم جهتها بسررعه ، نرجس قاومت قاومت وغرقت واغني عليها اول ماخشت تحت سطح الميه ، غطس بسرعه نورس كانت تراقب في نرجس من بعيد واول ماشافتها وقفت وبخلعه : نررررجس نرررجس غرقت ياااماما اني شفتهاااا ياماما وليد ومحمود : وينها وينها نورس اشرتلهم ع الجهة الي شافت فيها نرجس اخر مرة وليد امشي بسرعه جهة البحر وخش اما محمود امشي لشباب الانقاذ في البحر وقاللهم وجو كلهم يجرو وخشو وخش معاهم ماما تخبط علي وجهها وتبكي : حي عليا بنيتي حي عليا اني قعدت نبكي وحتى نورس وكنا قدمنا جهة الشط ونستنو فيهم امتى ينقذوها كانت لحظات ولاابشع كنا نرعشو وخايفين ونبكو + تستمر القصة أدناه وصل في يدها سحبهاا وهي فاقده الوعي لف يدها علي رقبتها وحاول يشدها كويس وقعد يعوم بيها لحد ماوصلو فيه بتاع الانقاذ وكانو بقارب صغير الراجل مدله يده وساعده انه يركب ع القارب وحط نرجس مددها وقعد يديرلها في اسعافات عدللها راسها ومددها كويس وقد يدلكلها في جهة القلب الراجل : تو نديرلها الاسعافات غير نوصلو بيها للشط هو : حتى نا دكتور ، البنت ماتتنفسش ، وقعد يديرلها في تنفس صناعي لانه مافيش في يده شي تاني خاف تموت ، وبعدها قعد يضغط علي الصدر بيديه الزوز نرجس بدت تتنفس وبدت تفيق شوية شوية قعمزها وعدلها وقرب راسها من جهة حاشيه القارب نرجس اول مافاقت بدت تتقيأ وساعدها الوضع الي حطها بيه وصلو للشط وساعدها علي النزول والمشي لانها كانت دايخه هو : الحمد لله ع سلامتك ، ردي بالك مرة تانيه باهي نرجس بصوت دايخ : باه احني شفناهم امشينا نجرو جهتهم اني اضبطتها : الحمد لله ع سلامتك خوفتينا علييك نرجس : اني كويسة ماتخافوش وشدتها ماما اضبطتها وقعدت تبكي نرجس بتعب : خلاص ياماما والله اني كويسة ، وتلفتت جهة الي واقف وراها ومبتسم ، اشكريه هو ياماما ماما : بارك الله فيك ياوليدي ربي يفرحك ويرزقك يارب اني : شكرا بارك الله فيك وليد طالع من البحر : الحمد لله ع سلامتك يانرجس خشاشوها الداخل خدينا نرجس وخششناها للدار ومددناها وليد يقدم جهته ويمد يده : مشكور بارك الله فيك ...: وفيك بارك الله هذا الواجب ، ويمدله يده ، ان حسن وليد : اهلا وسهلا اني وليد تشرفنا حسن : بالجودة ، هي امالا اني نطلب الاذن وليد : تفضل مشكور مرة تانيه حسن : العفو مع السلامه مشي حسن وهو يفكر في نرجس ويبتسم ويقول في خاطره : نرجس نرجس حلو اسمها لنقنها خشت خاطري فيها حاجة غريبه شدتني ليها + ماما حصلتها رعشه مقعمزة ووجهها قاعد اصفر ومعاش قادره توقف علي رجليها اني نمدلها طاسه ميه : خوددي ياماما اشربي وهدي روحك عمتي : والله مسكينه حصلتها رعشه وفاء : الحمد لله ع سلامتها نورس تقعمز : حتى اني معاش قادرة نوقف علي رجليا من الرعاش ، شفتها بعيوني كيف تغرق وتحاول تقاوم ، وقربت من جهة راس نرجس وحضنتها وقعدت تبكي اني : خلاص يانورس الحمد لله ع كل حال ماتزيديهاش وليد ينادي من قدام الدار : نووسه يانوسه اني طلعت : نعم وليد : كيف حالها توا اني : الحمد لله وقعدت نبكي وليد : معاش تبكي خلاص الحمد لله ع سلامتها اني : خفت نخسرها ارعشت عليها وليد يمسحلي دموعي : ربي يحفظها واهو الحمد لله ربي نجاها خلاص عاد نوستي بطلي بكي + امشت الرعشه علي خير وليد قال لو تبو نروحو نروحو بس نرجس قالت لا خليكم ومانحرمكمش وقعدنا في الليل متاخر اني ووليد مقعمزين ع الشط وهو حاضني واني منسنده عليه وليد : هي حبيبتي تاخر الوقت خشي ارتاحي تعبتي هلبا اليوم اني : ايه والله تعبانه وليد : خودي دواك ماتنسيش اني : باه حاضر ، وبسته علي خده ، بنرقد بعيده عليك اليوم وليد شد وجهي بين يديه : بنستاحشك اليوم اني : والاسبوع هذا كله وليد : ماتخلينيش تو نهرب بيك ونروحو لحوشنا اني : هههههه ندمت شكلك وليد : ههههههه والله ندمت هي راقده بعيده عليا ، باهي غدوة ناخدو دار اني وياك بس اني : مش كاانه عيب بعدين وليد : تي شن عيب مرتي اني : هههه به دير الي يريحك وليد : انتي راحتي وباسني خشينا كل واحد للدار الي فيها ورقدنا ،،،، اما بعد اذان الفجر علي طول وصل مسج لنوال < ياخميره النوم هي نوضي الفجر اذن > بعدها وصلها مسج تاني < نوال هياا > ونوال تتقلب ويزعج فيها صوت الرسايل ومزال خاطرها بترقد < نواااال > فتحت عيونها قرت المسج صحصحت كتبتله اهو طالعه وناضت شافتنا كلنا راقدين اخديت وشاح بالشوية وحطاته علي راسها وطلعت القت محمود يراجي فيها محمود : باهي الي نضتي نوال : تي نعسانه بكل محمود جبدها وحضنها نوال انصدمت : شن صار ؟ محمود : خاطري فيه الحضن هذا من قبل ، وحط يده علي خدها وبهمس : نحبك نوال تشوف لعيونه : نحبك اكثر وفي اللحظة هادي تطلع وتشوفهم ...... : هيييييي محمود ونوال انخلعو وبعدو علي بعض وشافو وخافو وانصدمو ومعاش عرفو شن يديرو ......