سند الأنثى رجل - الفصل 16 - بقلم shosho - مكتملة | روايتك

فاتو أربعه شهور وبالضبط قبل عرس هاجر & أيمن بأسبوعين في خلال الاربعه شهور نوال ومحمود جوهم حلو هلبا ومايخلاش الامر من شوية عركات وبعدها يولو عسل نورس وعدنان احلى ثنائي سارة ومعتصم يستنو في عرسهم بفارغ الصبر وكل مرة يوتو حاجة وفاء وعبد القادر فرحانين بالبيبي ووجوده زاد الحب بينهم اني ووليد حياتنا هادية ومتفاهمين الحمد لله ، واني رجعت للجامعه وبديت نقرا وخلاص مزال سميستر ونتخرج هاجر وايمن فرحانين بيطيرو ويوتو لعرسهم بكل فرحة وحب وحماس ،،،،،، طالعه اني ووليد ندور في قفطان لحفله هاجر وليد يأشر علي قفطان اسود طويل وظهره مفتوح : اهو ياحبيبتي حلو اني نشوفله بشك : حلو بس مش هدا الي نبيه وليد : حبيبتي تلاته ايام توا نطلعو واني قاعد ماعرفتش شن هو الي في راسك اني : ارجوك حبيبي اصبر شوي اكيد حنلقاه وليد تنهد بضيق : اهو صابر اني : حبيبي شوف هذا شن رايك ؟ وليد : مش عادي بكل اطلع طول اني : ههههه غير خودي وريحيني والا هكي قصدك وليد : هههههه ايه هيا اني : باه بنروح بيه بنجربه وكان ماطلعش عليا بنرده وليد : متاكد انه حيطلع خدينا القفطان وروحت واول ماخشيت للحوش علي طول خشيت قسته وطلعت لوليد الي كان يتفرج ع التلفزيون في الصالة اني : احم وليد يتلفتلي : شن الحلاوة هادي اني : بجد حبيبي حلو ؟ وليد : والله حلو وطالع عليك مش عادي وقعدت ندور ونشوف في المرايه ونعاود ،،،،،،، اما في حوشنا نورس : ياماما قوليلهم هيا المغرب يأذن بعدين كيف بنرووح ماما تنادي : يانرجس يانواال هيا يهديكم المولى وقت علي أختكم نورس : والله نمشي ناخد قفطان اني وانتو قعمزو نرجس نازلة تجري وتلف في الوشاح : هاا جيت جييت ونوال حتى هي تجري وتلبس في الجاكييت : ها وااتيه نلبس السبيدرو بس نورس طالعه من الباب : اني بنولع السيارة وبنطلع ومادخليش فيكم ، وطلعت نوال ونرجس واقفين علي دولاب الكنادر ويدفو في بعض نوال : تي حولي بناخد السبيدروو نرجس : حتى اني نبي شووزي تي حولي مش قادرة نشوف ماما : اطلعي انتي وياها راهو اختكم امشت نرجس شدت كندرتها في يدها وطلعت تجري حفيانه وكذلك نوال وركبو للسيارة وقعدو يلبسو نورس : ديما نفس الحركة ماتستغنوش عليها نرجس : باهي يانورس اهو جينا خيرك هكي نوال : والله سحنتينا وقعدو طول الطريق هكي وهما يتناقرو وشرو قفاطين معادا نوال ديما تقعد اخر وحدة وروحت للحوش متعفلقه مالقتش حاجة عجبتها محمود : الو حبيبي نوال : اهلين محمود : غير خيرها الحلوة مطرمه شواربها نوال بتعفليق : هكي ديما حظي اني كلهم يحصلو واني لاا لاخر لحظه نقعد محمود : غير بالشوية خيرك نوال : بنمشو مع القفه وماحصلتش قفطان نمشي بيييه ومزال اسبوعين الاسبوع هذا نورس جامعه كل يوم وتروح تاعبه مانحلمش تطلعني ومن الاسبوع الجاي بنمشو لحوش عمتي هكي قالت ماما ومااانعرفش امتى بنشري اووف اووف محمود : ههههههه تو علي خاطر هادي متعفلقه ، نجيبو احلى قفطان لحبيبي اني نوال : اضحك اضحك ، نفكر نلبس القفطان الي انت جيتهولي لبسته في حفلة نسيبة ، بس كلهم شافوه محمود : هههههه انتو البنات بكل كان لبستو حاجة مرة خلاص نوال : طبعاا محمود : باه تو انتي يامهبولة ماتتعفلقيش ، انتي شن رايك في ذوقي ؟ نوال : ذوقك .. حلو يعني عندك ذوق محمود : باه ، المهم انتي شن جوك نوال : تمام وانت محمود : تمام اهو مقعمز في داري الحوش زحمة نوال : علاش محمود : عمامي عندنا ، هي اني توا بنطلع نكلمك بعدين نوال : باه خلي بالك ع روحك محمود : ان شاء الله حتى انتي هي سلام نوال : باي ،،،،،،، اما اني بعد حولت القفطان لبست بلوزة لحد الركبه وبنطلون ولبست وشاحي ودرت مكياج خفيف علي وجهي وليد : هي بننزل حتى اني اني : قالتلي وفاء ان الحوش معبي لوطى وليد : ايه عمامي وعيلاتهم ونزلت اني ووليد ، وليد خش للصالون مع اعمامه واني خشيت للحوش سلمت عليهم كلهم وقعمزت مرت عمهم : شن نسيبة مافيش حويجة اني باستغراب : شنو ؟ مرت عمهم : ماحملتيش ولاحاجة اني : لا والله ماكتبش ربي مرت عمهم التانيه : غريبه سلفتك معاك واهي ماشاء الله قريب تجيب اني : كل شي بيد ربي وقاعد ماكتبليش مرت عمهم : مفروض تمشي تعايني بنت عمهم : ايه ماتسكتيش علي روحك اني باستغراب : باه ان شاء الله وقعدو يهدرزو ويلقحو في الدوة علي الموضوع وفلانه صارلها وفلانه دارت وفلانه فعلت وفلانه ماتجيبش واني متضايقه من دوتهم ،،،،،،،،، اما عند هاجر فكانت كيف مروحة واول ماخشت اتصل بيها ايمن هاجر بتعب : الو حبيبي ايمن : اهلين ياقلبي شن اخبارك هاجر : تمام اهو كيف خشيت للحوش تااعبه ايمن : وين كنتي ؟ هاجر : كملت باقي البتات بيش خلاص نسكر الشناطي وزدت اكدت حجز عشي الحفله ايمن : خلاص هانت نتعبو توا بعدها نرتاحو في حوشنا هاجر : ان شاء الله ايمن : بس ماحكيتليش انك بتطلعي اليوم هاجر : قداش بنحكي ياايمن وعارفني نطلع بسررعه وكل يوم نطلع يعني عارف اني نوتي في روحيمش ماشيه نتدهور ليش تدير منها مشكلة ايمن باستغراب : تي مشكلة شنو اني سالت عادي خيررك انتي هاجر : شي متوترة ياايمن واعييت خلااص مايجي العرس لين اني مش عارف شن يصيرلي ايمن : انتي موترة روحك خليك عاديه وكل شيي يمشي ،،،،،،،، مع الساعه 9 كان الكل روحو واني ارتحت بصراحة من دوتهم يلودو يلودو ويولو لنفس موضوعي حسسوني ليا عشر سنين متزوجة قاعده متضايقه منهم بصراحة ضميت اني ووفاء ورحمة الحوش ودرنا دورة عليها بعدها ركبت اني ووفاء وكل وحدة خشت لشقتها اول ماخشيت غيرت ملابسي وقعدت نوتي في عشا لوليد ونفكر في الكلام اليوم كله ، هل يمكن وليد يكون يفكر في نفس الموضوع ، يعني طبيعي كل شخص يحب يكون أب ، طردت الافكار من راسي وقعدت ندور لحد ماجي وليد استقبلته باابتسامه وبعدها تعشينا مع بعض ودرت فوشار وقعمزنا نتفرجو علي فيلم اني واني حاطة راسي علي كتف وليد وهو لاف يده عليا قمت راسي وشفت لوليد : حبيبي وليد تلفتلي اني : حبيبي ماخاطركش يكون عندك بيبي ؟ وليد شافلي باستغراب : اكيد ، بس شن خطر الموضوع هذا توا ؟ اني : شي عادي ، حبيبي نبي نمشي نعاين وليد وخر وخلاني مقعمزه قدامه بالزبط : ليش ؟ اني بلعت ريقي : هكي يعني بس للإطمئنان وليد رد حضني واتكى ع الكرسي : انسي الموضوع مافيش داعي ، وبعدين علاش الاستعجال كل شي ربي كاتبله وقت اني : باهي ،،،،،،،، فات الاسبوع علي خير ومزال اسبوع علي عرس هاجر & ايمن ماما واخواتي جايين يتغدو عندي بعدها نبي نمشي معاهم لحوش عمتي نوال تليفونها رن ناضت وخشت للدار : الو محمود : اطلعي قدام الباب نوال : اي باب اني في حوش نوسه محمود : ايه عارف اطلعي بسرعه بنقولك حاجة نوال : بس يمكن وليد يجي في اي لحظة او خوتك خيرك محمود محمود : تي هيا ماتكثريش دوه بسرعه نوال : بااه باه ، سكرت وقعدت تشوف فينا وين قاعدين القتنا في المطبخ ومشغولين وماحد مدورها جبدت وشاح وحطاته علي راسها وفتحت الباب بالشوية وطلعت ورداته القت قدامها محمود محمود يمد يده : استاحشتك ياشينه هكي حارمتيني من شوفتك نوال : محمود حبيبي قصدي احني واقفين اهني في اي لحظة يجي حد محمود يمدلها كيسة : شوفيه وقوليلي رايك نوال تفتح الكيسه تحاول تعرف شن فيها : شن هذا ؟ محمود : خشي تواا وبعدين اعرفي ، وقرب من ودنها : خير مانخطفك ونهرب بيك وانتي باللبسه الحلوة هادي نوال تحشمت ودفاته بخفه : صايع بااي محمود : ههههه باي خشت نوال تجري للدار وفتحت الكيسة القاته فستان كان اسود طويل وحلو هلبا نوال : هييي هالمجنوون يهبل ، وعلى طول قساته وجت وقفت ع المرايه ورن فونها نوال : نحبك محمود : هههه ان شاء الله عجبك بس نوال : يهبل مش بس عجبني ، مش عادي ، بجد ذوقك صقع محمود : نبي نشوفه رااهو كيف طااالع عليك نوال : اكيد تبصر طبعاا ، بس تعرف طلعت طرف ، وقعدت تدور وتشوف في المرايه محمود : دبري والله مادخلي نبي نشوفك ،قفطااني والا نبي نشوفك بيه دبري نوال : هههههههه قفطانك صار محمود : ههههههه تي قصدي اني جبته ، ماتغيريش الموضوع هي صوري صورة هكي سريعه واني نراجي فيك هي ع الواتس نوال : احلم فيييش محمود : نوااال من غير مكر نوال : مافيش انت مش قاري عليا الفاتحه بيش تشوفه محمود : تم باهي اهو شيخ الجامع الي جنبنا نفسه الي قري فاتحه وليد تو نمشي نجيبه يقرا فاتحتنا توا نوال : ماتقدرش محمود : تعرفيني مجنون نديرها ونقدر زياده ماتستفزينيش نوال : اووف منك ، بااهي محمود : معاش تتأففي نوال : اوف باهي محمود : تو شن نقول اني معاش تتأففي نوال : اوف طلعت من غير قصد محمود : تعاود فيها قاعده نوال : هههههه تي اوف والله هكي لااراديا محمود : حي عليها هادي تتأفف قاعده نوال : اووف محمود باهي معاش نعاودها محمود بعصبيه : نوااال نوال : ها والله هكي هكي اوف لالا والله من غير قصد خلااص هاا معاش نعااودها محمود : بتجلطني الفرخه هادي يوم من الايام ، هي سكري وابعتي الصورة نوال : هههههه ، محموود محمود : نعم نوال : حموودي محمود : عيوونه نوال : شكرااا محمود : هبله اني حبيبك ماتشكرينيش نوال : لابنشكرك لانك حبيبي محمود : مااريتش انسانه تحب تعاارض وعنيده اكثر منك نوال : ههههههه وافتخر ياقلبي محمود : ههههه هبله وبتهبليني نوال : ههههههه بعد سكرت نوال حولت الفستان وصورتهوله وهو محطوط ع السرير محموود اتصل وبصوت عالي : تحرقيييلي في دمي انتي نوااال صوري من غير حرق دم هياااا من المحل واني خاطري نشوفك بيه نوال : ههه باه حاضر ها تو نبعت توا محمود : باه هياا ، طوط طوط نوال : هههههه وبعتتله صورة بالقفطان محمود في الدردشة : نوال : هههههه مجنون محمود اتصل : طرررررف حبيبي وقعدو يهدرزو ومحمود حاط السماعات ويتفرج ع الصورة ويعاود وبيهبل فيها بعد ماسكرت اني فتحت الدار وانصدمت بنوال الي لابسه قفطان اول مرة نشوفه نوال واقفه ع المرايه وتلف : شن رايك اني : وين القيتيه ، ماتقوليليش محمود نوال : ايه نجيبيه ليا يااربي وذوقه الي يهبل ، قوليلي حلو والا اني : حلو ايه وطالع عليك حلو ، لكن يانوال احني شن تكلمنا فيه الموضوع هذا من قبل نوال : يانوسه اصلا هو مدهولي ومااعطانيش حتى فرصه نعارض مش اني الي طلبته واكيد عارفتيني مانديرش هكي اني : عارفاتك بس انتي اكيد قلتي انك ماحصلتيش قفطان نوال : والله ماقصدي هكي اني هكي احكيت بس لاني كنت متعفلقه اني : باه ، وليتي طرف يافرخه نوال : عاارفه روحي اني : ياعيني ع الثقه ، هي تعالي تغدي وقعمزنا تغدينا وبعدها ضميت المطبخ بسرعه ووتيت روحي بسرعه واتصلت بوليد انه بنطلعو توا وصلنا لحوش عمتي نزلنا الباب الخارجي كان مفتوح خشينا للجنان قابلتنا سميه مرت انور سلمنا عليها بعدها خشينا الداخل سلمنا علي عمتي وعليا وعمتهم كانت عندهم اني نضت بنخش المطبخ بنشرب ميه ويقابلني ايمن ايمن : اوووووه المشفشفه تي ويييين وين هكي تتزوجي معاش تدوري اني قربت سلمت عليها : هههههه ليك وحشة اهو حتى انت بتتزوج وتنسانا ايمن : انتي الي نسيتي اني نسال عليك وانتي شي شي مغطسة بكل اني : ههههه والله كل مرة بنتصل بيك وننسى ، كيف حالك وشن جوك ايمن : تماام الحمد لله اهو حال البهدلة بين تأثيث الحوش والخدمه والتوتي اني : ربي يعاون ان شاء الله ، كملت والا ايمن : ايه لا كل شي تمام مزال دار النوم بس غدوة توصل ان شاء الله اني : علي خير ان شاء الله وقعدت نهدرز مع ايمن مستااحشاته هلبااا قداش ليا عليه ،،،،،،،،، ثاني يوم امشيت لهاجر واول ماخشيت هاجر جايه جيهتي واضبطتني : كلبه والله استااااحشتك اني : ههههه حتى اني شن جوك ياعروستنا وشن كملتي كل شي هاجر : كل شي واتي لكن خايفه تكون حاجة ناقصه اني : لالا ماتخافيش من التوتر بس وان شاء الله كل شي يمشي تمام هاجر : ان شاء الله تعرفي كان نقولك موليه عصبيه بكل حتى ايمن مش متحملاته من كثر التوتر اني : هههههههه ياعليك هبله ، امس قالي مولية مهبوله شكلي بنتراجع هاجر : ههههههه يتراجع عينه اني : هههههه امس مشيتلهم وحكالي قالي قبل شوية كانت تعارك علي شنو هو مش عارف اصلا علي شن تعاركي هاجر : هههههههههههههههه هو قالي دار النوم قاعده بتتاخر واني قعدت نقوله كييف دار النوم ماتجيش ووين بنرقدوو وكيف وهو يقولي بتجي غدوة واني ولاكااني نسمع قاعده نقوله وين بنرقدو اني : ههههههههههههههههههههههههه يناري عليك ياايمن هاجر : تعرفي قعد يضحك هو في الاخير واني متكنطية لكن بعد ماسكرت قعدت نتفكر ونضحك علي روحي ماعرفتش شن صايرلي اني : هههههههههههه هبلة قعدت نهدرز اني وهاجر وتعشيت عندهم بعدها جاني وليد وروحت ،،،،،،، فاتو ايام العرس علي خير وكنت نمشي يوم لحوش عمتي ويوم لهاجر لحد الحفله كانت حفله مشتركة دايرينها اني علي التليفون : شنو هجوورة امشيتي للمزين هاجر : ايه اني في المزين بعد شوية بتبدا فيا اني : باه اقري المعوذات وخليك هادية ماتتوتريش واني بنجي نمكيج في نفس المزين بتاعك هاجر : باهي ،،، وليد : شن نوسه واتيه اني : ايه شوية نلبس عبايتي بس وليد : باه هي بسرعه لان وقت عليا راهو اني : باه حاضر لبست عبايتي وطلعت بسرعه ، امشيت للمزين لما خشيت كانت هاجر تمكيجلها فماشفتهاش ،،،،،،،،، مع الساعه 6 كانت هاجر واتيه وحتى اني كيف كملتلي هاجر جاها خوها رفعها واني قعدت نراجي في وليد وليد : وين نرفعك توا اني : للحوش حبيبي بنلبس بعدها نمشو للصالة وليد : وين هي الصالة اني : قريبه من حوشنا وصلنا للحوش نزلنا ركبنا واول ماخشينا للشقه اني مغطيه وجهي : انت اقعد اهني ماتخشش للدار نوتي روحي بعدها نخليك تشوفني وليد : هههههه باه غير وريني وجهك اني تلفتت : لالا خليه مفاجئة مع القفطان وليد : هههههه باه هي ياهبلة بسرعه ماعنديش صبر اني خشيت للدار وسكرت لبست القفطان ووسيت روحي ، كان قفطاني احمر وقمت شعري تسريحة فوق وفيها تاج بسيط ومكياج حلو لين قلت شكلي مش اني ووسيت روجي وفتحت باب الدار وليد كان متكي ع الحيط قدام الدار واول مافتحت الباب وقف وقرب من الباب اني : ههههه احمم احم ها قولي شن رايك وليد وقرب مني : شن الحلاوة هاادي بس وين ماشيه بييهاا اني : هههه بجد حلو ؟ وليد : عسسل ، وباسني اني وليد : مافيش عرس قالو ماصارش اني : هههههه وليد : خلاص بنقعدو في الحوش اني : هههههه مجنوني بنتاخرو هيا وليد : نووستي قالو مصارش خلاص قالو قول لنوسه تقعد في الحوش ويقعد وليد يتفرج عليها وعلي هالجمال العسل اني : ههههه ، وبسته وليد : انتي تزيدي تناشبي راهو اني : هههههه هي اني بنلبس عبايتي ولفيت واني نضحك عليه لبست عبايتي وطلعت وركبت السيارة وليد شد يدي وحطها المارشا وحط يده فوقها وقعد كل شوي يقيمها يبوسها ،،،،،، وصلت الصاله خشيت حولت الكاب ووسيت روحي وخشيت لممر الصالة متوجهة لجهة طاوله ماما وعمتي الي شفتهم من بعيد اني قربت من عمتي وسلمت عليها : الف مبروك ربي يهنيهم عقبال لعليا عمتي : ان شاء الله الله يبارك فيك يابنيتي ، كيف حالك وحال راجلك اني : الحمد لله بخير والله سلمت علي ماما واخواتي وعليا وبعدها قعدت نسلم علي نعرفهم وسلمت علي ام هاجر واختها قعمزت جنب ماما وقعدنا نراجو في هاجر وبعد نص ساعه هكي هاجر جت نضت متوجهة لجهة دار العروسه اني خاشه للدار : روروروري حبيبتي انتي الف مبرووك هاجر بتوتر : يباارك فيك ، نوسه شوفيني حلوة اني : من المزين قلتلك طالعه تهبلي والله ماشاء الله عليك هاجر تتلفت لمنى اختها : منو حلوة ؟ منى : تهبلي مش بس حلوة ، ماتتوتريش بس وخليك هاديه واقري المعوذات زفينا هاجر وقعمزت ع الكوشة وبعدها تعشو المعازيم وجي الوقت الي بيخش فيه ايمن هاجر وقفت وقعدت مترقبه ومتوترة هلبا عمتي امشت لايمن هي الي بتدرجه ايمن كان هادي عكس هاجر الي حاسه روحي بتطيح ، وكان طلع جنتل وطرف ايمن يمشي في الممر ومتحشم شوية وكان مبتسم لهاجر من بعيد وصل قدام هاجر بالضبط سلم عليها بالخد وباس راسها قصو التورته وصورو مع بعض وغيرو الدبل ورقصو حتى وكانو يهبلو وماشيين مع بعض جي الوقت الي بيطلعو فيه من الصاله ساعدتها في لبسه الكاب وسلمت عليها وطلعتها بسرعه ماحبيتش تقعد تبكي مع اختها وامها الي كانو دايرين مناحة احرف من مناحة ماما واخواتي يوم حفلتي هاجر اول ماطلعت قامت راسها كانت بتشوف اما سياره تركب وقامت الكاب شوي من علي عيونها وتجي عينها في عين شخص كان مقعمز في سيارته ويشوفلها بتحسر موسى لما سمع بعرسها جي قدام صالة حفلتها كان يشوفلها وهي شاده في يد ايمن ويتحسر علي اكثر وحدة حبها وخسرها وهو كان السبب في ضياعها هاجر نزلت راسها وكملت الطريق للسياره وركبت وركب جنبها ايمن وامشو لحوشهم وكانت من احلى لياليهم ،،،،،،،،، مرو خمس شهور هاجر وايمن بعد زواجهم امشو شهر عسل لباريس وقضو احلى وقت مع بعض وحبهم كل يوم يزيد وفرحانتلهم هلبا وحتى انه هاجر حامل توا وفاء زادت عليها بنوته وسمتها بتول وعسل زيها نوال ومحمود قاعدين كيف ماهما وعلاقتهم كويسه محمود يبي يدير خطوة رسميه بس لما نوال احكت لماما ماما رفضت تشوف فيها قاعده صغيرة نورس وعدنان عسل الاتنين اني ووليد علاقتنا قاعده حلوة ومتفاهمين الا انه اني قصة الحمل بدت تضايق فيا هلبا والموضوع منرفزني + وقبل يوم عيد زواجنا بيوم اني : وليد حبيبي عيوني وليد : نعم اني : بيبي بنطلب طلب ماترفضهوليش ارجووك وليد : شنو اني : نبي نمشي نعاين غدوة وليد تلفتلي : علاش شن تحسي مريضه من حاجة اني : لا حبيبي مانحس بشي بس هكي كشف يعني وليد : حبيبتي قاعده علي نفس الموضوع والا اني : ياحبيبي الناس لما يدوو والله ركبوني الشك توا بنسكرو سنه متزوجين ووفاء جابت بنوته عسل حتى اني نبي بيبي وليد : باه شوفي دكتوره وخودي موعد غدوة بيش ترتاحي بس اني بسته علي خده : نحبببك يااحلى راجل في الدنيا كلها ، ونضت نجري جبت الموبايل وخديت موعد في عياده غدوة ،،،،،،، ثاني يوم نوتي في روحي بنطلع للعياده ووليد مش راضي هلبا لبست وطلعت ، وصلت المستشفى وقعدت نراجي يجفي دوري لحد ماجي دوري اني : السلام عليكم الدكتورة : وعليكم السلام وليد يخش وراي : السلام عليكم الدكتورة : وعليكم السلام تفضلو قعمزو واشرت ع الكرسي ، شن مشكلة المدام اني : ليا سنه متزوجة وماحملتش وزي ماتعرفي كلام الناس وهكي خشش فيا الشك وبصراحة نبي ندير كشف عام يعني للاطمئنان الدكتورة : ايه هلبا زيك هكي بس اني نقولك ماتستعجليش سنه بس ماهيش مدة طويلة ، بس حنديرلك فحوصات وتحاليل وقعدت في المستشفى بين تحليلات وجهاز وفحوصات وهكي وبعدها روحت نوتي في روحي بنطلع للعياده ووليد مش راضي هلبا لبست وطلعت ، وصلت المستشفى وقعدت نراجي يجفي دوري لحد ماجي دوري اني : السلام عليكم الدكتورة : وعليكم السلام وليد يخش وراي : السلام عليكم الدكتورة : وعليكم السلام تفضلو قعمزو واشرت ع الكرسي ، شن مشكلة المدام اني : ليا سنه متزوجة وماحملتش وزي ماتعرفي كلام الناس وهكي خشش فيا الشك وبصراحة نبي ندير كشف عام يعني للاطمئنان الدكتورة : ايه هلبا زيك هكي بس اني نقولك ماتستعجليش سنه بس ماهيش مدة طويلة ، بس حنديرلك فحوصات وتحاليل وقعدت في المستشفى بين تحليلات وجهاز وفحوصات وهكي ركبت للسيارة وكان وليد مش علي بعضه اني : وليد وليد بتوتر : ها ا نعم اني : خيرك حبيبي كانك مش علي بعضك وليد : لالا عادي اني : انت تكلمت مع الدكتورة وليد تلفتلي : لا علاش اني : شي عادي يمكن قالتلك حاجة وليد : لالا ماتكلمتش معاها واستمر الصمت طول الطريق ، وصلني للحوش وليد : نوسة بنروح متاخر اني اليوم اني : اوك دير بالك ع روحك ، يعني هكي الساعه قداش وليد : بعد العشره اكيد وكان حصلت فرصه نروح ابكر اني : ماشي في حفظ الله نزلت من السيارة واستناني لين خشيت وسكرت الباب وبعدها امشي ، خشيت لعمتي قعدت نهدرز معاها شوية بعدها ركبت ، غيرت ملابسي ولبست لبسه حوش مريحة وبديت نجهز ناويه ندير مفاجأة اليوم لوليد ، اليوم عيد زواجنا رتبت الصاله وغيرت من ديكورها شوية خليت طاولة الاكل في الوسط ، وبعدها خشيت درت بيتزا وكنت مجهزة في الغدي نوعين حار ، وبعدها بديت في التورته زينتها وكملتها وحطيتها في الثلاجة ، وبديت نزين في الصالة وماكملت اني والساعه تسعه ، خديت دوش وبعدها طلعت فستان اسود قصير وبديت نستشور في شعري ودرت ميك اب ، اتصلت بوليد وليد : ايوه اني : حبيبي مروح وليد : نص ساعه تانيه هكي ونطلع ، تبي حاجة اني : لالا سلامتك بس وليد : ماشي اني : نحبك وليد : ههههه بااه اني : ههههه جنبك صحابك وليد : ايه اني : ههههههه باه نحببك وليد : ايه بااه هههه اني : نموت فيك اني وليد : هههههه ايه باه نعرف اني بدلع : ماتحبنيش انت وليد : ها لالا اني ايه اني : ههههه لا والا ايه وليد : هههه تي ايه ايه خلاص عاد اني : باه ههههه خلي بالك ع روحك بيبي وليد : ان شاء الله اني : اممممموه سلااام وليد : هههههههه سلام بعد سكرت قعدت نضحك عليه ، كملت الميك اب ، وخليت شعري مفتوح ، امشيت سخنت الحاجات الحارة وقعدت نوتي في الطاولة ، ستفت الحاجات وغطيتهم ، بعدها خشيت لبست القفطان وطلعتله كعب فضي ورشيت عطر ودرت لمسات اخيرة وكنت خلاص واتيه قعمزت في الصالة وفتحت الروشن بيش لما تجي سيارة وليد نسمعها ، بعد نص ساعه سمعت صوت سيارته نضت نجري حطيت التورته وولعت الشمع وطفيت الضي بسرعه بسرعه ووقفت جنب الطاولة وليد خش لقي الضي مطفي : نووسه حبييبتي ووينك ، وقدم خش للصالة القي جو الشموع وشافني نقرب منه ابتسملي اني قربت منه ووقفت قدامه : كل سنه وانت حبيبي وزوجي وسندي وحياتي كلها وليد سحب يده من وراه ومدلي باقه ورد حمراء كبيرره كانت تهبل : وانت حبيبتي واحلى زوجة في الدنيا كلها ، وباسني علي راسي اني واخديت الباقه : بييبي متذكره وليد حط يده علي خدي : معقوله ننسى اليوم الي وليت فيه اسعد انساان اني حطيت الباقه علي الطوله واضبطته بقوة وليد زاد اضبطني اني : نحبببك وليد قامني وقعد يدوور بياااا في الصالة اني : هههههههه حبيبي وليد : اسسسس قعد يلف بيااا وبعدها نزلني اني اول مانزلت بوسته علي خده : هيا بيبي نطفو الشمع وطفينا الشمع وقصينا التورته مع بعض وكانت احلى ليله ، حتى اننا رقصنا مع بعض وكنت حاسه رووحي بنطير من الفرحة ، واهداني تاكم ذهب ابيض حلو هلبا اني واني حاطه راسي علي كتفه : حبيبي نبي بيبي وليد : حاضر غدوة نمشو نشرو واحد باهي اني : هههههه بارد ، بجد بيبي نبي بيبي اني وليد : باهي ياحبيبتي تو لما ربي يكتبلنا تو يرزقنا ببيبي اني : شن تبي بنت والا ولد وليد : الي من ربي حلو ، لكن نتمناها بنوته وتطلع زي امها اني : بس اني نبي ولد يطلع زيك ، حنكون احسن ام ،،،،،،،، اما عند هاجر وايمن ايمن قعمز وحط يده علي رقبه هاجر وقربها منه : هجوورتي هاجر تحاول تبعده وهي خلاص بيغمى عليها ايمن شافلها باستغراب : خيرك هاجر بإشمئزاز : حول يدك بس ايمن قام يده وهي امشت تجري للحمام وقعدت ترد ايمن بقلق واقف علي باب الحمام ( حشاكم ) : هجورتي نرفع نعاينك هاجر تقدم بتسكر الباب : خليني بس مش طايقاتك ياايمن ، وسكرت الباب ايمن قعد واقف مصدووم و لف وجت قدامه طاولة دفهاا برجله بقوة طاحت باالي فيها وانكسر ، وهو طلع من الحوش وقربع الباب وركب سيارته وقعد يسوق بسرعه : علااش مش طاايقتني علااش اني شن درتلهاا بيش معاش تحبني ، وقعد يخبط في الدومان ،( كان متعفلق وهو مش عارف اصلا علاش هاجر تدير هكي مايعرفش جو وحم وهكي ، درس قدام قهوة وقعمز طلب قهوة وهو شاد راسه بين يديه وكييف كيف هاجر تقولي مش طايقتني اني راجلها كيف تقولي هكي ( هههههه ) اما هاجر لما سمعت صوت التخبيط والتكسير غسلت وجهها وطلعت القت الطاولة طايحة مكسورة وايمن مهناش : اوووف ، وقعدت تلم في التكسير ، قعدت تستنى في ايمن لعند الساعه ١ اتصلت بيه ماردش شوية هكي والباب انفتح هاجر وقفت وامشت تجري جهة الباب : ايمن وينك انشغلت عليك انت كويس ايمن شافلها : ريحتك مني لانك مش طايقتني ، وتخطاها وخش لدار النوم وقعد يفتح في بطم السورية ويطلع في بيجامته ومش متلفتلها هاجر واقفه علي باب الدار : حبيبي انت لازم تفهمني اني قاعده في الشهور الاولى ونتوحم ايمن تلفتلها : باه شن يعني تتوحمي عليا هاجر : ايه شكله هكي وحمي جي عليك شن ندير ياايمن مش بيدي ايمن سكت شوية : باه هاجر : ترفعني عند ماما ؟ ايمن : وعلاش هاجر : ماهو مش طايققه الحوش وقصدي يعني ماتزعلش مني لكن مش قادره نتحملك ايمن : اوووف بااه باه الصبح رباح ، وقام بيجامته وخش وقربع باب الحمام ،،،،،،،، ثاني يوم نضت درت فطور لوليد ونوضته بعدها هو طلع واني قعدت نضم في حوسة امس ، علي رنه فوني قمته القيتها هاجر : الو صباح الخير هاجر : اهلين صباح النور كيف الحال اني : تمام الحمد لله شن جوك انت ، نايضه بكري شكلك هاجر : اسكتي مارقدتش طول الليل اني : خيرك هاجر : مش طايقه لاايمن ولاالحوش كل شوي نرجع توا من لما طلع هو للمكتب قلتله حطني عند ماما اني : هههههههه قصدك جايك وحمك علي ايمن هاجر : بكل تعرفي اسكتي امس تعفلق مني ، واحكتلي الي صار اني : هههههههههه يناري عليك ياوخيي هاجر : ههههه اضحكي عندك حق ، تعرفي زعلان بكل فهمته هدي شوية لكن قاعد مايكلمش فيا اني : هههههه اتصلي بيه ورضيه بالفون مادام مش طايقه تشوفيه رضيه من بعيد لبعيد هاجر : ايه تو نشوفه ، انتي شن جوك اني : تمام اهو قاعده نضم امس عيد زواجي هاجر : والله كل سنه وانتو الزوز بعض ان شاء الله وربي يخليكم لبعض اني : ان شاء الله سلمك ياحنه وقعدت نهدرز مع هجورة وبعد سكرت منها اتصلت بماما سالت عليها وعلي اخواتي قالولي نتيجة نوال ونرجس تطلع اليوم العشيه اني : الو نرجس : اهلين نوسة اني : كيف الحال شن اخباركم نرجس : تمام الحمد لله اهو نراجو في النتيجة اني : هي اكيد تنزل اول شي ع النت ، عندك الموقع والا ؟ نرجس : ايه عندي وفاتحه صفحة الوزارة نستنى اهو ، كان تشوفي نوال ولاهامها بكل اني : هههههه ديما هكي هاديكا ديما تقول عارفه روحي ناجحة نرجس : فضيعه تعرفي واثقه من نفسها كان تشوفيها توا مقعمزة ع التلفزيون وتاكل ولا على بالها نوال بصوت عالي : نسمممممع فييييك راااهوووو بطلي قرررمه اني ونرجس : هههههههه اني : هههه هي بري راجي نتيجتك واول ماتحصلو خبر كلموني نرجس : ان شاء الله سلمي علي وليد ، باي اني : يوصل سلامكملت ضماني بعدها لبست بنطلون وبلوزة ولفيت وشاحي وطلعت وسكرت وراي باب الشقه وفاء تسكر باب شقتها : اهلا صباح الخير اني قربت منها وسلمت عليها : صباح الورد شن اخبارك ، اوووه العسوولة سلمها ياربي هاتيها انزلها منك وفاء تمدلي بتول : ههه نشوفها عندك يارب اني : آمين يارب ، بست عليها ، بدت تشبهلك هلباا وفاء : اني نحس فيها تجيب من مرت عمي اني : صحح فيها شبه من عميمه نزلنا وخشينا لعمتي القيناها في المطبخ تغسل في الاماعين اني كيف حالك اليوم عميمه عمتي تمسح يديها : باهيه الحمد لله اهو من الصبح واني نحوس والله معاد قادر نوقف ، وقعمزت ع الكرسي اني : ياعميمه علاش اتعبي في روحك اهو في رحمة واني ووفاء تبي حاجة قوليلنا عمتي : رحمة روحت من الجامعه خشت رقدت طول وانتو عندكم حياش يابنيتي قداش بنقوللكم ديرولي اني : خلاص انتي توا بري ارتاحي واني نكمل المطبخ عمتي صحيتي ، سلم بنيتي اني : العفو مش بجميلي وفاء : مرت عمي نخليي جنبك بتو وخلي نساعد نوسه عمتي : بااهي هاتيها تو نشدها عطت وفاء بنتها لعمتي وقعدت تضم في الحوش وساعدتني في المطبخ بعدها حطينا غدي لعمتي وتساعدنا فيه لحد ماناضت رحمة وفاء : رحمة حبيبتي راهو حطينا الغدي ع النار ردي بالك عليه الرز بس مزال يطيب اني عبدو قريب يروح بنركب نحط غداي اني : حتى اني وليد معاش يعطل بيجي رحمة : اووف بااهي باه ، وخشت للحمام ( حشاكم ) وقربعاته اني لين انخلعت وشفت لوفاء وفاء : ماتدورريش اني : لاتعودت اصلا علي تصرفاته وفاء : هههههه افضل شي تتعودي لانها مستحيل تتغير ديما تقعد هكي اني : ربي يهدي ، هي عميمه مع السلامه توا عمتي : في حفظ الله باركم الله فيكم وفاء : ولو العفو تبي اي حاجة كلميني يامرت عمي عمتي : سلامتكم يابنيتي برو ياسر تعبتكم معاي ركبت اني ووفاء وكل وحدة فينا خشت لشقتها وتيت الغدي واتصلت بوليد وليد : ايوه اني : الو حبيبي مروح ؟ وليد : ايه نص ساعه تانيه اني حبيبي سحبت التحاليل وليد : ها ايه نروح ونتكلمو اني : في حاجة ؟ وليد : لالا هي سلام توا اني : سلام ،،،،،، اما وليد وليد : باه وهالشي يعني يأثر الدكتورة : هو يأثر حاليا ولازم نزيلوه ، اما بعد الازاله فمانقدرش نقولك الا بعد الفحوصات ، وانت جيبها غدوة ونزيد نديرلها فحوصات وليد : ان شاء الله بارك الله فيك الدكتورة : وفيك بارك الله ، وتوا حاول ماتخوفهاش لانه واضح عليها خوافه والموضوع بسيط خليها عليا اني نشرحلها وليد : ان شاء الله هي السلام عليكم الدكتورة : وعليكم السلام ،،،،،، كنت مقعمزة نتفرج لحد ماسمعت صوت الباب اني نضت وقربت منه : اهلييين حبيبي وليد يبتسم : اهلين اني حصنته وبسته علي خده : استاحشتك وليد شدني وجهي بين يده : هلبا والا شوية اني حطيت يديا علي يديه : هلبااا هلباا وليد ضمني لصدره بقوه لين اني استغربت : ربي يخليك ليا ولايحرمني من اني : ولامنك يااروحي انت بعد اتغدينا قعمزنا نتفرجو وليد يتلفتلي : حبيبتي غدوة بنولو للدكتورة اني بخوف : علاش في حاجة ؟ وليد : لا مافي شي يانوستي بس هكي يعني بتزيد تديرلك فحوصات اني : ماهو درت تحاليل وجهاز وليد : انتي خلينا غدوة نمشو ونفهمو من الدكتورة بااهي وماتخافيش لانه لو في حاجة تخوف راهو قالتلي اني ارتحت شوية ورجعت اتكيت علي كتفه : باه نمشو شوي ورن فووني القيتها نرجس اني : الو نرجس : نجحت يانوووسه نجحت ممتاز اني : الف مبروووك حبيبتي عقبال للتخرج نرجس ترشف خشمها وتبكي : الحمد لله ياربي اني : هههههه حي ع المهبولة تبكي نرجس : دمووع فرحة اني : دووم الفرحة يارب ، ونوال شنو نرجس : حتى هي ممتاز مش مصدقه روحها قاعده مصدومه قالت في خطأ قالت نجيب جيد جيد جدا لكن ممتاز هلبا اني : ههههههههه هبلة عطيهالي نرجس : نونو هاك تبيك نوسه نوال تجبد الفون وبصوت عالي : الوووو اني بعدت الفون ورديته : غير خيرك تعيطي بس ، الف مبرووك النجاح نوال : يباارك فيك ياحنه ، وتي الهديه اني : ههههه همك في الهدية انتي نوال : طبعا اهم حاجة المهم هكي وازيلك هديه مليحة بس اني : باه حاضر احلى هديه ليكم نوال : ياوخييتي سلم وخيتي الكريمة وحتى نسيبنا قوله نبي الهديه راهو ، واسمعي تعاليلنا باش تباركي اني : هههههه باهي ، تو نشوف وليد لو يقدر نجيكم نوال : قوليله ونقي عليه وديري هكي جو دلع وهكي انتي ادرى طبعا تو يوافق اني : ههههههههه بااهي المهم شن اخباركم نوال : حي عليك ان شاء الله جنبك اني : ههههه هي سلام نوال : بااي سكرت واني نضحك : نوال ونرجس نجحو ممتاز وليد : شهاده ثانويه هما اني : ايه وليد قام تليفونه خلي نباركلهم واتصل بماما باركلها علي اخواتي في الاول بعدها اعطاته نرجس باركلها بعدها اخداته نوال نوال : الو نسييبنا وليد : ههههه اهلين مبارك مباارك النجااح نوال : يبارك فييك ، وتي الهديه بس وليد : ههههه باه حاضر شن تبي انتي تكون هديتك اني شفتله وعرفتها قالتله نبي هديه شي هالبنت ماتعقلش نوال : اي شي من نسيبنا مليح ، واثقه في ذوقك اني وليد : هههه باهي خلاص تو ناخدها علي ذوقي بعد ماسكر من نوال اني : حبيبي نطلب طلب وليد : باه حاضر هيا اني : غير اعرف طلبي وليد : ( يقلد صوتي ) حبيبي نمشو نباركولهم وبعدين والله استاحشت ماما اني : ههههههههههه وليد: هههههه صح والا اني : ههههه صح وليد : هي باهي وتي روحك نمشي نصلي ونجي نلقاك واتيه اني : باه حاضر وتيت روحي وروح وليد من الجامع وامشينا خدينا قاتو واني اخديتلهم هدايا ووليد خدالهم هديه هديه شرينت ع الجرس فتحتلنا نرجس نرجس من الفرحة اضبطتني : الله يباارك فيك يارب وليد سلم علي نرجس وعطاها القاتو تدخله وخشينا سلمنا علي ماما ونورس ونوال واعطيت اني ووليد الهدايا ليهم وبعدها قصو القاتو واكلينا منه وامشي الجو حلو وروحنا ،،،،،،، ثاني يوم مزال ساعه علي موعد الدكتورة قاعده نوتي في روحي لبست وشاحي : واتيه اني حبيبي وليد يسكر التلفزيون : هيا ركبنا السيارة وكان وليد طول الوقت ساكت ماركزتش هلبا ، وصلنا المشفى نزلنا خشينا قعمزت ع الكراسي وقعمز جنبي وليد وقعدنا نراجو في دوري لحد مانادت الممرضة عليا وقفت ووقف معاي وليد وشد يدي ، خشينا عند الدكتورة الدكتورة تبتسم : تفضلو قعمزو ، كيف حالك اليوم اني : الحمد لله تمام مشكورة الدكتورة : شوفي اني طلبتك اليوم نبي ندير في فحوصات اكثر ونبي نتاكد من شي اني : شي شنو ؟ في حاجة ؟ الدكتورة : ايه بس ماتخافيش كل شي ليه علاج والي فيك ماهوش خطير اني بخوف : شن في ؟ الدكتورة : ................................. اني حطيت يدي علي فمي وقعدت نشوفلها وكلامها كان صدمه