أشباه احبـــــاب - الفصل 18 - مكتملة | روايتك

عالم القصص والروايات 📚 💜 ارشيف روايات وقصص عالمية 💜 ـ💐🍀🍂🍀🍂🍀🍂🍀🍂 ـ🍀🍂🍀🍂🍀🍂🍀 ـ🍂🍀🍂🍀🍂 ـ🍀🍂🍀 *ـ🍂رقـم الروايـة ②③②* *📚روايــة بعنوان 📚* *(( #اشباه_احباب 1🤦‍♀💔))* 📗#الـــــجزء_الاول 📗 *نوع الروايـ📚ـة:* قصه حب دراميه تتحدث عن فتاه قام عمها الطمعان بمال والدها ب اجراء عمليه تجميل تخفي ملامحها والتسلط ع ورث والدها وابعدها… 🔮🍃🔮🍃🔮 🍃🔮🍃🔮 🔮🍃🔮 🍃🔮 🔮 @ahgeel 👈👈👌 اشباه احباب البارت 18 وائل بدهشه: خير اريام: بس تجي ونتكلم وائل: طيب متى اجي اريام: المساء الساعه 11 لما ينام الكل، الموضوع ضروري يا وائل لا تتاخر وائل: حاضر وبتردد * بسالك بس رنده كيف هيه * اريام ضحكت: عادك تركتها امس مسرع الشوق وائل ب ابتسامه: لا بس بسال عن حالها اريام هزت راسها: بخير بخير قفل وهو يفكر* ايش الموضوع المهم الذي تشتيني اريام به؟ اكيد بتقل لي قصتها وايش حصل بالضبط! عندي فضول قاتل تجاه هذا الموضوع *. قفلت وهي تفكر*يا الله كيف بقوله؟ وائل انا اختك؟ لا لا ما اقدرش، كيف اوجهه بذي الحقيقه، ايش رده فعله! ماقدرتش اتوقع! مستحيل ماقدرش اقولها في وجهه * ........... كانت جالسه ب المطبخ عندما دخل وهي سرحانه : مالك؟ نقزت : هاه ولاشي امير : كانك مهمومه؟ اريام: لا بس افترقت انا وابو ليلى امس تطلقت وناويه اشوف حياتي امير برفع حاجب : صدق اريام : ايوه امير: مش قال ابي تحبيه ومدري ايش اريام: احبه ،لا، ابدا بس كنت جالسه معه عشان ليلى امير بمزاح: طالما افترقتي عنه ايش رايك تتزوجيني! رفعت حواجبها بتعجب امير وقف: تصدقي اول يوم قابلتكم فيه تمنيت اكون ابو ليلى! شافت له بدهشه امير يكمل : شعور غريب اجتاحني اول ماشفت ليلى، تمنيت لو انهي بنتي وجزء مني! وخاصه بعد ما شفتك ذاك اليوم؛ وحسيتك حبيبتي المفقوده! كانت تشوف له بدون كلام وقف هو وخرج ......... المساء بسمه بالمركز دخلت جيهان وجلست جنبها: كيفك يا دكتوره ابتسمت لها:الحمد لله جيهان بتشوف لها: الان ايش صار بينك وبين حبيبك المتهور ذاك بسمه سكتت جيهان برفعه حاجب: تصدقي طلبت منه يوصلني للبيت وبعدين طلب رقمي ومكنته فكرت في شي واخر الليل ارسل لي قال عجبته عيوني وماقدر يقاومها بسمه التفتت لها بعصبيه: كيف جيهان: يووووه مالك اهدائي شوي فتحت تلفونها : ذا رقمه صح بسمه وقفت: اخرجي! جيهان وقفت: اخرج عشان قلت لك الحقيقه؟ عشان ما تظلي مخدوعه به؟ مفكره بيحبك؟ هو شخص يهتم بالشكل بس وكلامه معي دليل واضح! ع العموم خليك ع عماك خرجت وهي مبتسمه وبسمه جلست مقهوره وقف هو السياره خارج وشاف جيهان وهي خارج دخل وبسمه جالسه منقهره معتز: مال وجهك يا دكتوره قالب الوان؟ وقفت بعصبيه: ليش جيت معتز: الظاهر انك ماتعرفي عن الشوق والحب شي وصلت جنبه: ايوه انا تمثل معي دور المحب وغازل الجميلات معتز: بسمه! تعرفي انه فعلا عندك عقده نقص؟ وهو انه ماعندك ثقه بنفسك ! محد بيشوفك جميله اذا انتي ما شفتي نفسك جميله ! الجمال الحقيقي يبدا من داخلك انتي! اول مافعلت العمليه كنتي اول شخص تمنيت اشوفه لما جيت. شفتك انصدمت من وصفك كنت مفكرك وحش؛ لما شفتك تفجاءت بنت عاديه بس عندها عقده الشكل؟ اغرمت بشكلك القبيح ذا يا بسمه، بس انتي للان ما حبيتي نفسك! الناس بيمسكو عيبك انتي قلتي، بس لو تحبي عيبك الناس بتحبه معك ـ انا طلبت منك تحبيني يا بسمه بس كان المفروض اطلب منك تحبي نفسك وبعدين تحبيني؛ فاقد الشي لا يعطيه! جلست بتعب: عذبتني معك اضعاف عذابي السنين ذي كلها، خلاص خليني في حالي! انا صح ماحب نفسي بس حبيتك انت صح ان فاقد الشي لا يعطي بس انا عطيتك، لكن انت مابتقتنع بي بتجلس عينك ع ذي وذي قاطعها : انا خلاص تعبت منك، انا بمشي وجاء دورك انتي تدوريني خرج وهي تشوف بعده مسكت راسها وبكت*حسبي الله عليكم، حسبي الله عليك كيف مازلت احبك وانا اتعذب هكذا * .... ....... كانت بالمطبخ وهي تسمع صياحهم اقتربت تفهم رنده: مافيش مثل ابتهال انت ايش تشتي ب الضبط امير: الخطبه ذي بتخرب ب اي طريقه انا مش متزوج البنت ذيك ام امير: مش وافقت من البدايه؟ امير: ايوه وافقت فكرت نفسي بقدر اتقبلها والان لا صابر: عادك خطبت مسرع بتتقبلها امير وقف: قلت لكم الخطبه ذي بتنتهي وانتم شوفو لكم طريقه تخرجو منها وانتهى طلع غرفته وهي رجعت المطبخ: لا يكون امير بيبطل الخطبه عشان يرجع يتزوجني؟ ايش بيحصل صابر دخل للمطبخ وبصياح: قلتي له شي اريام: لا صابر :والله لو يعرف ل اخذ ليلى منك اريام بصياح :مالك حق صابر: الا لي حق هذي بنت ابني؛ انتي وحدك بس تعرفي كم احب ليلى وايش ممكن افعل، تتصرفي تصرفات غبيه انا بخطف ليلى وانتي اجنني عليها مشي وهي تشوف بعده قلق