سند الأنثى رجل - الفصل 15 - بقلم shosho - مكتملة | روايتك

بعد أسبوع خلال الأسبوع منصور خطب منى وبوها وافق على طول لانه يشوف فيها فرصه ماتتضايعش وانه واضح علي محمود مايبيهاش وليد أكد لمحمود انه يروح طبعا نوال قاعده ماتعرفش انه محمود حيروح وهو كل يوم قعد يكلم فيها يسمعها اغنيه حب ويسكر قعد طول الاسبوع نفس الحركة ،، اليوم عزمت ماما واخواتي يجو يتغدو عندي امس اتصل محمود وهو اليوم مروح يوصل العشيه ، اني ووليد وعبد القادر بس نعرفو وصادف اليوم اخواتي عندي نوال محمود مااتصلش بيها لاامس ولااليوم فقاعده تدور في الحوش وشاده التليفون وتستنى في اتصاله اني جيتها : نوال خيرك نوال : شي اني : احكي نوال : محمود مااتصلش لاامس لا اليوم انشغلت تعودت عليه كل يوم يتصل اني ابتسمت : تو يتصل ماتشغليش بالك هي تعالي بحطو الغدي نوال بضيق : باه قعدنا نوتو في الغدي وطبعا عمتي ورحمة ووفاء عندي حطينا الغدي وبعتت صونيه لوليد وعبد القادر قعدنا نتغدو ونهدرزو بس قعدت مركزة علي نوال تاكل من غير نيه عمتي لنوال : كولي يابنيتي من بكري نشوف فيك تنقشي تنقيش ماما : مش عارفه خيرها موليه هكي معاش تاكل باهي هذا مادايرتلي في الحوش نوال : نأكل اهو عمتي : وين تأكلي مايجوش خمس كواشيك كليتيهم ، وقعدت تحطلها في الكسكسي قدامها وتحطلها في اللحم وتقوللها كولي ونوال تحشمت قعدت تاكل بالسيف واحني نضحكو وخلاص قدرتها عمتي وخلتها تاكل ومابتش تخليها تنوض الى اخر وحدة قمنا السفر وقعدنا نغسلو في الاماعين نورس تمد الصونيه لنوال : ههههه والله قداتك عمتي فتحيه وفاء : ههههه هادي مرت عمي ديما هكي كان اكليتي جنبها مستحيل تخليك تنوضي لين تديرلك تخمه اني : ههههههه تستاهلي بيش معاش تدلعي نوال : تو انتو عاد شن يسلكني منكم مديلي السفرة مدي اني قعدت نوتي في الشاهي والحلويات نورس ونرجس يغسلو في الاماعين ووفاء ونوال يضمو كملنا المطبخ وحطينا الشاهي وقعدنا نهدرزو شوي نسمع في وليد ينادي فيا طلعت القيته واقف يمشط في شعره علي المرايه الي جنب الباب اني : نعم حبيبي وليد : اني توا طالع بنمشي نجيب محمود تبو اي حاجة عبد القادر قاعد اني : تمام دير بالك من الطريق وليد : حاضر ،وقرب مني وشد وجهي بين يديه وباسني علي راسي اني ابتسمت : في حفظ الله وليد : مع السلامه طلع وليد واني وليت خشيت قعمزت جنبهم ماما : كيف حاله وليدك الي في امريكيا عمتي : الحمد لله اهو يكلم فيا مرة مرة تو ليه يومين ماكلمنيش اني شفت لنوال القيتها مركزة معاهم وكأنها تستنى في سيرته ماما : ان شاء الله ربي يوفقه عمتي : ان شاء الله سلمك ،،،،،، اما عند وليد فأمشي للمطار وقعد يستنى لحد ماشاف محمود من بعيد جاي ويتلفت يمين ويسار ويكر في شنطته وليد تقدمله بخطوات سريعه وقرب منه واضبطه محمود اضبطه حتى هو وليد يضرب محمود علي كتفه : معااش تعااودها الحمد لله ع سلامتك محمود شد كتفه كانت الضربه حارة : تي خيررك ياراجل الله يسلمك وليد : باش معاش تفكر تديرها مرة تانيه محمود : ههههه باه توبة وركبو للسيارة وخلال الطريق وليد احكي لمحمود الي صار وكيف عمه واقف علي منصور محمود : الحمد لله والله جميلك علياا انت مش عادي احسن خوو ، عندي ليك هدية عشي بورديم علي حسابي حاجة صقع وليد : ههههه خلاص تمم ماتتراجعش بس ،،،،، كنا مقعمزين نشربو في الشاهي لين سمعت وليد فتح الباب وناداني : نووسه اني نضت وجيته : نعمم ، وقربت منه اكثر : شن صار حبيبي جبته وليد : ايه اهو قاعد في الدروج البسي حاجة فوق راسك وقوليلي لامي اني بفرحة : بااهي وامشيت لبست بدله الصلاة وجيت لعمتي اني : عمييمه عمييمه تعالي عمتي بخوف : شن في اني ابتسمت : كل خيرر ياعميمه غير هي ساعدي روحك وساعدتها وقفت ، ( عمتي من لما مات عمي حركة رجليها بدت رزينه ) اني شادة في يد عمتي ورافعتها : رحمه تعالي حتى انتي وتلفتت لنوال ضحكتلها وغمزتلها نوال استغربت خلتنا طلعنا للصالة احني جهة الباب ولحقتنا اني : ياعمتي عندي ليك مفاجأة تفررح عمتي : محموود روح اني تلفتلها ابتسمتلها : ايه عمتي قعدت تسرع في مشيتها وطلعت من الباب محمود كان متكي علي حديد الدروج قدام الباب واول ماشاف عمتي طلعت جاها يجري واضبطها عمتي قعدت تبكي : حمييدا الحمد لله ع سلامتك معاش تسيبني وراس وليدي محمود : خلاص معاش تبكي ياامي معاش نسيبكم خلاص عمتي قاعده تبكي ومحمود قعد مضبطها نوال قدمت جهة الممر الي يطلع للباب ووقفت في نص الممر اول ماشافت محمود كيف مضبط عمتي عيوونها تعبوو دموع ، دموع شوق وعتاب وحب وحرمان محمود قام راسه وجت عينه في عين نوال عيونه زغللو دموع قعد يشوفلها وكأنه يملأ في عيونه منها بعد غياب وشوق وغربه عيونه الي تعبو حزن ووحدة الغربه يبي يمليهم بدفء الحب ، قعد مضبط عمتي كأنه فقد الحنان في الغربه المظلمة ويشوف لنوال ويتمنى الوقت يوقف عنده هاللحظة كانت اجمل لحظات بالنسبه لمحمود اني قعدت نراقب في نظرات محمود وحركاته وتأثرت بالموقف قريب بكيت رحمة مقاطعه : ماما خليني نسلم عليه حتى اني خيرك شديتيه عمتي : استاحشته وليدي قريب شهر غاب عليا كانه سنه محمود فك عمتي : خلاص ياامي ههههه بتخليني حتى اني نبكي ، كان يتكلم وعيونه عالقات في نوال محمود سلم علي رحمة وهو يتحرك وعيونه مايتحركوش عيونه ثابتين علي نوال كان يلقى حتى الرمش مايرمشش مايبيش تفوت تانيه من غير مايشوفها كانو عيونه يحكو معنى الشوق الي داخله اني قدمت سلمت عليه : الحمد لله السلامه يامحمود معاش تعاودها وتغيب هكي محمود يحك شعره ويضحك : هههههه اعتبروني نقيس في غلاي عمتي ضرباته ضربه خفيفه علي يده : معاش تقيس غلاك وااضح محمود : ههههه ، وقام عيونه لمكان نوال القاها مهناش قعد يدور بعيونه داخل الحوش مالقهاش نوال لما دموعها غلبوها ونزلو لفت وخشت بسرعه للحمام ( حشاكم ) وليد : هي خشو الدااخل شن بتقعدو واقفين في الدروج عمتي : خلي ننزل ياسر ثقلنا عليكم وخلي نطيب حاجة لمحمود اكيد جعان وليدي اني : لالا بالعكس ياعميمه والله فرحانه بيكم ، واني مخليتله غداه محمود تو نحطهوله عمتي تلفتتلي : وانتي ان شاء الله تعرفي انه جاي اني بخوف : ههههه ايه محمود : هههههه حصلتي يامرت خوي ، ياامي اني قلتلهم ماتقولوش عمتي : تي باهي باه وخشو الداخل فتحت الصالون وقعمزو فيه محمود ووليد وعمتي قعمزت معاهم اني خشيت للدار الي مقعمزين فيها ماما واخواتي ماما : وين امشيتو شن في اني : محمود روح ودايرها مفاجئة لعمتي وفاء : والله ، خلي امالا نمشي نسلم عليه اني : في الصالون تلقيهم ماما : نمشي حتى اني نتحمدله ع سلامته اني : بري ياحنه ههههه حتى هو مرات يولي نسيبك ماما ماسمعتنيش لبست شاربتها وطلعت جهة الصالون نورس : اسمعي وين نوال ماتقوليليش طلعت سلمت عليه بس نرجس : حي عليها كان هذا اني : لالا مش لهالدرجة شافاته من بعيد بس شكلها وبعدين اختفت اشبح وين خشت ، انتو برو شوفوها واني خلي نمشي نحط غدي محمود ،،،، وتيت غدي محمود ورفعتهوله للصالون وطلعت ندور نوال القيت نورس ونرجس واقفين علي باب الحمام اني : خيركم وين نوال نورس : في الحمام وماتبيش تطلع اني قعدت نطقطق طق خفيف : نوال اطلعي نوال بصوت باكي : سيبوني بس تو نطلع نرجس : نونو ماما تو تشك فيك اطلعي اهو روح علاش تبكي اني : نوال اطلعي بندوي معاك في حاجة شوي وانفتح الباب نوال طالعه وعيونها منفخات اني اضبطتها : تو علاش تبكي اهو حبيب القلب وروح نوال تبكي : علاش ماقاليش ؟ واضحة لانه مايبينيش ومايبينيش نعرف اني : بالعكس حبيبتي انتي توا لازم تسمعيله واكيد عنده عذره و بعدها راح تفهمي نوال تمسح دموعها : باه حنشوفو لوين توصل اني : اغسلي وجهك زين وتعالي نعطيك كريمه اخفي بيها واضح انك باكيه كان تشوفك ماما تديرلنا عرس ،،،،، ومع صلاة المغرب نزلت عمتي ورحمة ووفاء روحت لشقتها ووليد طلع ومحمود نزل خش لداره واني شديت في ماما واخواتي يباتو عندي ماما ناضت تصلي واني واخواتي مقعمزين نتفرجو وناكلو في فشار شوي ورن فون نوال كلنا تلفتنالها اني : منو ؟ نوال عيونها ضحكو وقالت بدلع : حبيييبي نورس حذفت عليها المخده : حبك برص خزي ماتتحشمش نوال توقف : اسس انتي ياجماعه عدنان مش فايتني راهو مكالماتكم ياقطوسه وطلعت تجري خشت لدار الي مخصصينها للبيبي وسكرتها اني تلفتت لنورس : شن قصه عدنان نورس : ماهو تعرفي انه عدنان يبيني اني : بس ماحكيتيليش انكم تتكلمو بالتليفون نورس : في اسبوع عرسك عطاني رقمه ولما كلمته بعد ماحتى انتي امشيتي لدبي ومالقيتش وقت نحكيلك اني : اممم به لكن مرة تانيه تصير معاكم حاجة احكولي طول ماتدسوش عليا نرجس : بالنسبه ليا اني ماعندي مانحكي ،،،،،، اما عند نوال : الو محمود تنهد : استاحشتك استاااحشتك استاحشتتتك هلبا يانوال انتي شن درتي فيا بس ، استاحشت نظرة البراءة في عيونك ، تعرفي انه لما عيونك يبدو يدمعو تزيد تولي حلوة اكثر يولو جذابات ، يأسرو فيا كل مانشوفهم نوال قعدت تسمع وساكته ومبتسمه محمود : ماتسكتيش استاحشته صوتك الحنون هذا صوتك الطفولي ، لما كنت نتصل بيك لما تقولي الو قلبي يقعد يدق لدرجة نخاف تسمعيه انتي من التليفون ، صوت انفاسك وانتي تسمعي صوت رشفه خشمك لما تبكي نوال : ليش امشيت ليش خليتني محمود تنهد : غصبن عني ماكنتش نبي نجرحك نتمنى تتفاهميني يانوال واهو اول مانحلت مشكلتي رجعت نجري ، كنت نفكر فيك كل دقيقه تلاته اسابيع مرو كانه تلاته سنين نوال تبكي : بس انت عذبتني معاك بمشيك من غير ماتكلمني من غير ماتفهمني خليتني حايره وتايهة ومش عارفه كيف نتصرف نلود في حلقه فارغه محمود : غصبن عني حتى اني مش راضي نشوفك تتعذبي لهذا السبب سافرت نوال : محمود اني نعرف بقصه بنت عمك الي خطبوهالك محمود : من قالك ؟ نوال : نسيبة احكتلي محمود سكت شوية بعدين قاللها : نوال نوال : نعم محمود : نحبك نوال محمود : ايه نحبك ، نحبك اكثر من ما تتصوري حبيتك من اول مرة شفتك فيها لما كنتي تدوري في حجرة الممرضات تذكري ، هداكا اليوم دق قلبي ليك نوال قعدت ساكته ، مصدومه وفرحانه وخايفه في نفس الوقت محمود : معاش نبي نسيبك اني مستحيل نفكر نمشي ونخليك مرة تانيه ، كابوس وان شاء الله مايوليش نوال : اوعدني يامحمود اوعدني معاش تسيبني ؟ محمود : وعد وعد مستحيل نسيبك انتي قلبي وروحي وحياتي كلها في حد يسيب روحه ويمشي نوال : نحبك ربي يخليك ليا محمود بفرحة : ويخليك ليا حبيبي وقلبي انتي نوال مبتسمه وفرحانه كان تلقى تعيط وتغني من الفرحة بس شاده روحها علي خاطر محمود ع الخط بس هههه محمود : حبيبي كأنك ضاعفه نوال : ايه شوية حتى انت ضاعف محمود كيف بيرد قاطعه صوت باب داره يطق عمتي من ورا الباب : حميدا ولد خوك يبيك محمود : باه حاضر هي جاي ، حبيبي اني توا بنمشي نشوف خوي ونكلمك بعدين اوك نوال : اوك محمود : قاعدين اهني انتو الليله نوال : ايه بايتين محمود : ديري بالك ع روحك سلام نوال : سلام كان في سرير لوليد لما كان عزابي ولما تزوجنا ركبه وحطه في الدار هاديكا نوال ركبت فوق السرير وقعدت تنقز وترقص علي اغنيه << طلع عاشق طلع مهتم طلع ذايب طلع مشتاق وانا أحسب وحدي المغرم طلعنا إثنينّا عشّاق + طلع مشغول هو مثلي مثل ما أسهرله يسهرلي وأنا أحسب من زمان أهواه أثاري يحبني من قبلي + ماما : شنو الصوت هذا ؟ نورس : كأنه صوت أغنيه تلقيه تليفون نوال يشرين نرجس : صح في صوت كانه حد ينقز علي حاجة ماما : بالله نوضو شوفوها اشبح شن تدير تو قريب يروح الراجل اني : عادي ياماما خليها براحتها وليد مزال معطل ماما : تي نوضو شوفو اختكم هذا مش تليفون يشرين هي فاتحتها الاغنيه اني ونورس ونرجس نضنا قربنا من الدار وفتحنا الباب + <<أنا خفت إنه يرفضني أو إنه ما يلاحظني طلع مو بس هو ملاحظ طلع دارسني حافظني + أنا من عمري كم ضيعت وأنا أحبه ولا تكلمت خلاص الحين أنا لازم أحبّه بسرعه مافي وقت + نوال : طلع عاشق طلع مهتم طلع ذايب طلع مشتاق اني نورس نرجس نوال تنقز : طلع عاشق طلع مهتم ، ونقزت من السرير وجت بااستني علي خدي وكملت رقصيها اني : بسم الله الرحمن الرحيم نرجس : فيها جن اني متأكدة نورس : أعوذ بكلمات الله التامات من شر ماخلق نوال ماعدلتش علينا وقعدت تضحك بعدين قعدت تبربش في تليفونها وفتحت اغنيه من الاخير نحبه نحبه وقعدت ترقص نورس : ههههههه اقسم بالله ماطبيعيه نرجس : قلتلكم ملبوسه اني متاكدة اني : هههههه اشبح شن قاللها ، يااهبله شن صاار نوال ترقص وتنقز : نحبه نحبه نحبه من الاخير حبيبي نحبه .. نحبه نحبه نحبه وما حد ينسيني في حبه .. عليه نغييييير ومن الاخيييييييير نحبه نحبه .. هو حبي وبس الي شبحه للعين ونس .. عليه نكبد بيه نحس محبوبي يامطيب قلبه اني : هههههه تي فهمينا ياهبلة نورس : هههههه عطيك حبة شن صاار احكي نوال شدت نورس من يدها وقعدت ترقص فيها نورس : ههههههه اقسم بالله خلاص عليها ماما جتنا : هيييييي ياحشمتي حي ع العار الراجل قريب يروح وانتو قالبينه عرس اهني نوال جت باست ماما علي خدها دارتلها زي مادرتلي بعدها شدتها من يديها وقعدت ترقص فيها معاها وتغني ماما : حي ع الحشمة هههههه تي بطلي يافرخه واهدي ههه خيرها شن صارلها هادي نرجس : ههههههه والله مانعرفو ياماما من لما خشينا للدار وهي هكي نوال قدمت شدت نرجس من يدها وقعدت ترقص فيها حتى هي وبعدين جتني اني خلتنا كلنا نرقصو معاها والي توخر تولي تجبدها قعدنا نرقصو معاها ومش فاهمين شي نضحكو علي هبالها وخلاص ماما : خلاص ياسر من الحشمه ديري عقلك في راسك نورس : تي حتى احني عيينا اعتقينا نوال ماتردش عليهم تنقز وترقص وخلاص اني : هههههه خلوها تو تفرغ شحنتها تهدأ تعالو نديرو عشي وطلعنا وخليناها قاعده علي حالها في الدار ماما : نديرلكم عصيده اني : تو ندير حاجة اني ماتعبيش روحك ماما : لالا عادي راجلك ياكل فيها العصيده اني : وليد يحبها هلبا لكن اني حارماته منها مانحبهاش ومانعرفش نديرها ماما : خلاص امالا اني ندير عصيده وانتي ديري حاجة تاكليها اني : باهي وقعدت ماما تدير في العصيده واني قليت دحية كليتها حطو العصيده وقعمزو ماما ونورس ونرجس لكن نووال قاعده في الدار ماما : نواال نوال : نعم ياماما ماما : تعالي تعشي الله يربحك وديري عقلك في راسك نوال : هي هي ، وجت قدام السفرة وطاحت طياح وربعت رجليها وقامت كمامها نورس : نرجس كولي كولي الله اعلم نلحقو والا مانلحقوش واضح من قيمه الكمام نرجس : هههه تشوف للماكله تقول ليها عام مااكلتش نوال بعدم مبالاة : مش حنرد عليكم لأن مزاجي حلو ومانبيش نعكره اني : هههههه مادام مزاجها حلو معناها الله يعوضكم في العصيده لحقو علي فمين ماما : حقا تعالي جاي يافرخه علاش كنتي ترقصي نوال انخنقت : كح كح كح مدي اميه نورس تمدلها الميه : طار السو هههه طار السو ياماما خيرك البنت قريب ماتت ماما : ماتقوليليش طلعتيله امبكري هذا الي كنتي تكلمي فيه نوال : تو يااماما ماعندكش فيا ثقه انتي والا شنو ماما : اني قلتلك من قبل معاش تكلميه ماليشي علاقه بالثقه هذا والراجل خاطبيله اني : ماصارش من الخطبه ياماما فسخوها نوال تلفتتلي بسرعه : بجدياات قصدك هذا علاش روح اني : اييه تقدملها ولد عمهم الثاني يبيها ماما : حتى لو كان معاش تكلميه نوال قامت يدها من الصونيه ووقفت اكل : يعني ضروري لما نفرح تديرو حاجة تعكرلي مزاجي اني : ماما خلينا نتكلمو في الموضوع بعدين توا انتو تعشو وكل شي ليه حل نوال تنوض : الحمد لله شبعت شبعه حلوة وطلعت من الدار اني : ياماما خفي عليها شوية ، وراهو محمود يحبها وهو والله كويس واخلاقه ماشاء الله ، وشوفي من كثر حبه ليها سافر بيش يهرب من الزواج لانه عارفها تحبه ومايبيش يجرحها ماما : حتى اني أم و نخاف علي بنتي عاجبك حالها الايام الي فاتو لاتاكل ولانشوفو فيها ، وبعدين هي قاعده صغيره علي الكلام هذا اني : ياماما توا والله قد ماتحاولي معاها مستحيل تقتنع وخاصه تعرفيها نوال عنيده وزياده حباته هي ، كل مابتضغطي عليها بتزيد تعاند نورس : صح ياماما وحتى كان نوال صغيره بس والله تفكيرها وعقلها كبير ماينخافش عليها ماما : انتي اسكتي ، حتى انتي تحسابيني مانعرفش انك تكلمي في عدنان غير ندير في روحي مانندريش نورس تخزرطت : آ مش هكي ... قاطعتها ماما : تو خليني انتي حسابك بعدين لانك دسيتي عليا اني : انتي ياماما لو تبي نوال تحكيلك وماتدس عليك شي ماتضغطيش عليها وقعدت نقنع في ماما لين نوعا ما أقتنعت + روح وليد وخش قعمز معانا حطيتله العصيدة وليد : اوووه عصيده اني : ههههه ماما دارتها وليد : يسلمو يديك ياعمتي والله قداش ليا معاش اكليتها ماما : صحة صحة وليد : سلمك وقعد وليد يأكل ويشكر في العصيده ويعاود ويلقح يبيني نتعلمها بطريقه غير مباشره اني : فهمت ياوليد حااضر تو نتعلمها وليد : هههههه ماما : ايه مادام راجلك يحبها تعلميها علاش لا مش واعره هي + كمل وليد عشاه ودرت شاهي خفيف وقعدنا نهدرزو مع بعض لعند 12 وليد : هي نستأذنك ياعمتي تصبحي ع خير ماما : اذنك معاك ، قدامك كل خير وليد : تصبحو علي خير اخواتي : وانت بخير فرشت لماما واخواتي في الدار الي مدايريينها للبيبي ورقدنا كلنا معادا نوال نوال اول ماحست انه الكل رقد طلعت لدار التلفزيون ردت الباب وقعدت تراجي في مكالمه محمود وشوي ورن عليها وقعدو يهدرزو لعند الساعه 3 محمود شرح لنوال كل شي وقعد يحكيلها ع الاسابيع الي قضاهم في لندن ايه طلع ماشي لندن ، ورقدو هما فرحانين