سند الأنثى رجل - الفصل 14 - بقلم shosho - مكتملة | روايتك

ركبت السيارة : السلام عليكم حبيبي وليد بصوت متضايق : وعليكم السلام اهلين اني تلفتتله : حبيبي في شي وليد : كلمني عمي اني : اي من عمامك وخيره وليد : عمي حسن الي بنته منى ، كيف محمود يسافر وكيف مايقولش هو عاطي كلمه في البنت حتى احني لينا حق عليه ومش عارف هلبا دوة المهم ماخلى ماقال اوووف ، وقعد يخبط ع الدومان اني خفت عليه كان معصب هلبا : حبيبي خلاص اهدى كل شي ليه حل والله وليد خبط يده ع الدومان وبعصبية : قوليلي اني توا كيف بنتصرف الفرخ هداكا سافر وحتى في اما بلاد مانعرفوش حتى لو صارله شي مانندروش عليه وجايني توا همي يسمع فيا في كلام قالي بوك عاطي كلمه في البنت وبنتنا ماتقعدش يدبر يجي ياخدها حتى من غير عرس ويسفرها معاه اني : افسخو الخطوبه وليد : انتي قاعده ماتعرفيش عمي اني : مهما يكون يثور في البداية وسايوره يهدأ والبنت جميله وماشاء الله عليها واكيد حيجيها نصيبها انت تحجج بأن مجمود معاش يقدر يروح وكلام هكي وليد تنهد : مااعتقدش حيقتنع حيقلب الدنيا علينا وسكت شوية بعدين قال : تذكرت منصور اني باستغراب : من منصور ؟ وليد : منصور هذا ولد عمي يبي منى بس بوه قاله لا وهي محجوزة لمحمود ولما عرف جي تعارك هو ومحمود وفي الاول ماكناش نعرفو شن السبب ولاحتى محمود بس بعدها اني عرفت انه يبي منى وهكي اني : وكيف عرفت ؟ وليد : مااهو كان بنقول بنتحولو لموضوع تاني بكل اني : احكي وليد: كلمتني لمياء اخته اني قرنت حواجبي وكيف بنولع وليد محاولة تهدئة البركان الي حيطربق في وجهه : هي امها قالتلها اتصلي تعتذر بس وفهمتني كيف انه يحب منى وانه حتى روح قعد يكسر في الحوش اني اهديت شوية بس قاعده قارنه حواجبي : مفروض كالماتك انه مش لازم هي وليد يبتسم : خلاص يااغيوورة هي بس تعتذر اني : اممممممم بااهي وتوا شن حتدير وليد : نفكر نكلم عمي نمهدله الموضوع الاول بينفجر في وجهي هو اكيد وفي الوقت هدا نوصل لمنصور انه احني فسخنا الخطبة وهو يمشي يخطبها وهكي حيكون عمي في موقف صعب وحيوافق اكيد ، منصور يبي منى ويحبها اكيد حيسعدها بس محمود حتى حوش عمي مايمشيش بسبب الموضوع هدا وعمي عارف انه مايبيش الموضوع واي بو بيدور علي سعادة بنته اكيد والافضل منصور اني : والله فكرة ملييحة ، بس قولي كيف حتقدر توصل المعلومه لمنصور وليد سكت اني للتأكيد : ماتفكرش انك تكلم لمياء اكيد وليد : هههههه باه مش مكلمها تو ندبر طريقه يوصله الكلام اني : ايه باه فكر في طريقه المهم ماتفكرش تكلمها بس وليد : هههههه حاضر ياا،، شن تقولك نوال اني : هههههه مش قايله بيش حتى انت تشدها والا وليد : ههههه لالا غير قولي اني : آنسه ناضلي وليد : ههههههههههه اني : ههه ياسر باه ضحك وليد : هههه حاضر انسه ناضلي اني : وليييييد وليد : ههههههه ياعيووونه اني : كأننا واصلين للحوش من بكري شن ماخاطركش تنزل وليد : هياا اني نزلت من السيارة وسكرت الباب وفتحت باب الحوش وخشيت وليد خش وراي وفي يده شكاير : انتي اركبي واني بنحط الحاجات لامي ونلحقك اني : خلي نخش نشوفها حتى اني وليد ابتسملي : باه هي طقيت ع الباب وفتحتلنا وفاء وفاء : اهلين خشو اني : شن اخبارك وكيف حال النونو وفاء : ههههه تمام الحمد لله وليد خش للمطبخ وحط الشكاير وطلع اني خشيت اني وياه للدار القينا عمتي مقعمزة مطبسه راسها وحاطه يدها علي عيونها اني قدمت جيهتها وطبست عليها : عمتي عمتي قعدت تبكي بصوت وليد قدم بسرعه : امي خيرك وفاء : محمود كان يكلم فيها امشيت للمطبخ ورجعتها القيتها تبكي ماعرفتش شن قاللها منهارة بكي من بكري وليد يتنهد بضيق : لاحول ولاقوة الا بالله غير صلي ع النبي ياامي شن قالك بس علاش هالبكي اني طلعت جبت اميه وجيت نجري مديتهالها : خودي عمتي اشربي اميه عمتي قامت راسها وكان عيونها دموع وواضح باكيه لين خلاص شربت اميه ويدها ترعش ومدتهالي اني اخديت الطاسه وحطيتها ع الطاولة وقعمزت جنبها : عميمه ماترعشيش روحك وليد : غير ياامي شن قالك بس وخلاك تبكي هكي عمتي وهي تبكي : خووك معاش يبي يروح بكل قالي بنعيش غادي اني راجلي والي عشت معاه طول عمري امشي وسيبني دفنته تحت التراب وتوا انتو اولاد تبو اطيرو مني بيحرمني من شوفته وليد : ياامي احني قاعدين والله مانسيبوك ومحمود غير حصل خدمه وكويسه يشوف في انه غادي احسن بس والله ياامي تو يستاحش ويجي عمتي : قال معاش نبي نروح لليبيا بكل علاش بس هو شن صارله وليد : انتي ياامي ماترعشيش روحك وهو سايوره يروح واهو قاعد نحاول معاه وحتى كان حيدير زيارات اكيد عمتي تبكي : قاعد غادي بروحه لايعرف حد شن ياكل شن يشرب وين ساكن هو حتى التطييب مايعرف يدير شي كيف عايش وقعدت تبكي بصوت وليد : ياامي الله يهديك بس اهدي هو يخدم وراجل ويدمر اموره والمطاعم في كل مكان عمتي : ديما بيقعد ياكل تلبيز المطاعم وليد : تو يدبر اموره ياامي غير توا انتي هديلي روحك بس وفاء : صح يامرت عمي والله ترعشي في روحك هو راجل وهلبا عزابه يمشو في الغربه ويعيشو غادي يعني ماينخافش عليه قاطعني صوت رحمة الي معبي نوم وهي مشفشفه وعيونه معبيات نوم : شن في خيرركم ماتخلوش حد يرقد وليد : بري كملي نومك هذا وين فقتي باهي والله رحمة : شن في خير ماما دايره عزي عمتي : طالعه كلمه باهيه من فمك رحمة : تي باه نقصو صووتكم بنرقد اني ، وطلعت وخشت لدارها وقربعت الباب وقعدنا نهدرزو علي عمتي لحد مااهدت ونست الموضوع شوية وماركبناش لين رقدت ووفاء جي عبد القادر وركبت هي وياها وبعدها ركبنا احني ،،،،،، نضت الصبح القيت وليد طالع القيت مكالمه من نوال عاودتلها القيتها مشغول ،،،، في الوقت هذا نوال رن عليها رقم غريب ردت علي طول : الو ...: << ....اقولها كبر عن الدنيا حبيبي اشتقت لك ياصدق مشاعر عشتها وبالحب لي وجهت نظر... ....أنا وقلبي نتفق أن الغلا والحب لك ياغير عن كل القلوب وغير عن كل البشر ... ....احتاجلك واحتاجلك واحتاجلك واحتجالك اكثر من انفاس الغريق اللي جهل موج البحر... ..عروق قلبي تنحني من احترامك يا ملك انجيت في درب الغرام والقلب صاير لك قصر ..... ...في عيني أنته غير والله في عيوني كملك نفس اختلاف العطر بس الزهر هو يبق زهر..... ...الناس في عيوني سوى لكن قلبي مال للك لان المشاعر ما تجي بالغصب ولا بالجبر .... احتاجلك واحتاجلك واحتاجلك واحتاجلك .......اكثر من انفاس الغريق اللي جهل موج البحر .... ....والحب نفس السيف يا يحميك ولا يقتلك وانا بحبك في امان الحب و عيش العمر.... ....اتمتم حرووف الغلا و ارجعك واتعلمك وكتبك في اول سطر واكتبك في اخر سطر..... ....مــاالــوم القلب كل ما زاد الغرام ودلللكــ لان حبك ياكبير الحب في قلبي كبر.... احتاجلك واحتاجلك واحتاجلك واحتاجلك اكثر من انفاس الغريق اللي جهل موج البحر ......... >> نوال قعدت تسمع ومغمضه عيونها وتتأمل في كل كلمه من الاغنيه واول ماكملت الاغنيه تسكر الخط نوال : اووف علاش يدير هكي بس ،،،،،، اني دوشت وطلعت درت فطور بعدها رجعت للدار القيت نوال متصله تانيه اتصلت بيها : الو صباح الخير نوال : اهلين صباح النور اني : نايضه بكري شكلك شن الجو نوال : علاش اصلا اني رقدت بيش حتى انوض اووف ياانسيبة مليت مش قادره نفهم تصرفاته اني : منو ؟ نوال : تستعبط الانسه ناضلي من بيكون غيره يعني اني : هههه تي ماهو انتي هاده علي الموضوع هدان بالشوية عليا ، وخيره شن صار نوال : اتصل سمعني اغنيه وسكر حتى صوته ماسمعتاشي اني : امس اتصل بعمتي هو نوال : باه علاش يدير هكي اني : شن هي الاغنيه ترا ؟ نوال : اقولها كبر عن الدنيا حبيبي اشتقت لك لوليد الشامي اني : يعني هو يحبك نوال : والله ماعاد فهمت يانسيبة اني : بس .. بعدين سكتت نوال : كملي شن بنقولي اني : شي نوال بتشكيك : انتي تعرفي حاجة وماتبيش تقولي والا اني : لالا لو نعرف كنت قلتلك علي طول ، كيف حال ماما وشن جو الهبلات الزوز هادوكا نوال : تمام الحمد لله ، نسيبة كان تعرفي حاجة قولي اني : كله الي نعرفه قلتهولك يعني كنت بنسال نفس السؤال الي ديما علاش سافر بس لانه قاعدين مش فاهمين نوال : باهي تعاليلنا اليوم اني : امس كنت عندكم تعالولي انتو نوال : نورس قاعده ماحفظتش طريقكم بالزبط لانه حتى في العزي نجو وراء ايمن ، غير تعاليلنا انتي اني : والله حبيبتي وليد مش حيقول باه امس جيتكم وحتى اليوم بيتضايق ، انتي معاش تضايقي روحك وان شاء الله بالك وليد حيلقى حل ومحمود يروح نوال : ان شاء الله هي توا طيري ماما تنادي اني : سلمي عليها سلام سكرت منها وقعدت نفكر ، مش حل هذا تقعد هكي حالها ، واني علاش كذبت وماقلتلهاش علي قاله محمود لوليد علي انه يحب واني توا تاكدت انه يحب نوال ، هو يدير هكي لانه عارف روحه حيضعف قدامها ، اووف ان شاء الله وليد يدير حل بس فطرت وبعدها ضميت المطبخ وطلعت طلعت بلوزة لحد الركبه لونها وردي هادي وفيها سبته ذهبيه مع بنطلون جنزاري ووشاح لبست واني واقفه علي المرايه نلف في وشاح الباب انفتح ثبت وشاح واخديت فوني وكيف بنطلع من الدار وليد يخش للدار :من من هاادي ويين وين علي اللبسات الحلوه والحلاوة هادي وقرب من وباسني علي خدي اني ابتسمت بشوية خجل : عيونك الحلوة حبيبي وليد : انتي الحلوة والي خليتي عيوني حلوات بشوفتك اني : ربي يخليك ليا وليد : اليوم شكله بيكون صقع بكل الحاجات الحلوة من الصبح اني شديته من يديه : قعمز احكيلي وليد قعمز : منصور جاني لعندي اليوم في المحل بتاع الاثاث كنت ندير عليه في دورة وعلي الايجار وهكي اني ابتسمت : وحكيتله ؟ وليد : حذفتله الدوة وواضح انه فهمني كان تشوفيه لما قلت انه نبو نفسخو الخطبه ومحمود سافر حتى من عيونه ضحكو اني : ههه حلو وعمك شن صار ؟ وليد : عمي هو الطامة ، وقعد يقلد في صوته ( شن الكلام هذا قوله يروح خير مانمشي نجبده من ودانه البنت حجزتوها يجي يأخدها ) وطوط طوط اني : هههههههههههههههه وليد : هههه اضحكي اضحكي اني بروحي لما يعييط في ودني قريب ضحكت غير قعدت شاد روحي لما قلتله معاش بيروح قريب طلعلي من للتليفون اني : وكان مايوافقش علي منصور باهي وليد يقرن حواجبه : يستر الله ان شاء الله يوافق ، انتي كنتي نازلة اني : ايه نشوف عمتي وليد : امس وعدتك انه نطلعك بس بعدها عارفه الي صار اني : ايه مش مشكلة حبيبي وليد : هي نطلعو توا اني بفرحة : بجد بييبي وليد : ايه بجد بس البسي عبايه اني بسته علي خده : حااضر يااحلى وليد في الدنيا كلها وطلعت عبايتي ولبستها بسرعه وليد شد يدي وانزلنا مع بعض شفنا عمتي واستأذنا منها وطلعنا قعدنا ندورو بالسياره بعدها نزلنا علي الشط وتمشينا وكان جو حلو << اشبك يدي بيدك ونتمشى على شاطيء البحر وعيوننا تضحك حبا هل هناك أجمل من هذا ياسندي >> + اني : حبيبي تذكر اول مرة شفتك فيها ولبستني الخاتم وليد : واني نقدر ننسى البلوزة الي كنتي لابستيها وشافلي وقرن حواجبه بتفنيصه اني تشبكت في يده وحطيت راسي علي كتفه : هههههه وانت ماقصرتش كشخت عليا من اول لحظة ماتقولش هادي مرات تكرهني بتصرفي هذا وليد : متاكد انه ماتقدريش تكرهيني اني قمت راسي وشفتله : تتغيرش بكل انت وليد : ههههههه ابدا يامشفشفه اني : ههههه باااارد وليد : مشفشفه اني : بارد ،، مشفشفه ،، بارد ،، مشفشفه ،، بارد اني : حبيييبي وليد : باه خلاص اصلا ولينا زي المراهقين كأنه مش متزوجين خلاص اعقلي هي اني : ههههه بااارد وليد : مشفشفه اني : بارد وليد : تي خلاااص يامشفشفه بنعاودو من جديد اني : ههه باه حاضر يابارد وقعدنا هكي كلمة بكلمة طول الوقت ههههه ولينا بالزمن لخمس سنين فاتو هبالنا وتسهويكنا مشينا تغدينا وبعدها قعدنا ندورو بالسيارة ونهدرزو لحد مارن تليفون وليد وليد شافلي : اوووبا عمي اني : ان شاء الله خير وليد : ايوه ،، كيف ،، اها ،، باه براحتكم ، مع السلامه سكر وليد وكان واضح انه فرحان اني : شن صار وليد كيف بيتكلم قطع عليها التليفون تاني : جي في وقته اكيد محمود وليد : ايوه محمود : اهلين كيف حالكم وليد : الحمد لله وانت كيف حالك محمود : ماشيه اهو شن اخبار امك وليد : توا شن اخبار امي علاش قايللها انك معاش بتروح واني نلفق وراك محمود : باش ماتحطش امل ع الفاضي وليد : ذكي والله من يومك تفكر مليح محمود : وليد فكني من الجو والدوة هادي توا يااما معاش نتصل بكل وليد : جرب معاش تتصل بعدين مش حتسمع اخبار حلوة محمود : اخبار حلوة ؟!! منين بتجي وليد : عمي طلقك بالثلاثه واصبحت حر طليق اني : هههههههههههههه وحطيت يدي علي فمي (فعلا كان زي المتزوجة بالسيف وتستنى فيه امتى يطلقها ) وليد شافلي وفنص فيا كان يفنص ويضحك شكله فظيع بكل اني : هههههههه وليد قرصني علي يدي محمود قاعد ع الخط ومش مستوعب : تيي شن تخرط وليد : والله اصبحت طليق بعد أتم العده بتاعك تقدر تتزوج من تبي محمود : وليد بجديات فكني من التسهويك وليد : تي والله الله يارااجل خيرك علاش بنكذب محمود : قصدك منى معاش مخطوبة ليا ؟ يعني خلاص عمي فسخ الخطوبه ؟ باه فهمني كيف صار وكيف عمي اقتنع وليد : روح ياراجل وحطلي عقلك في راسك ولما توصل اهني بعدين نفهمك محمود : بعد اسبوع نروح وليد : امم ايه افضل ع الاقل يكون عمي هادي شوية محمود : ههه غير قولي شن درت بس الي خليته يفسخ وليد : والله ماقايل لين تجي محمود : مااعند راسك الزفت وليد : واني نقول انت لمن طالع محمود : ههههه بالضبط هي خلاص وقت المكالمه بيتم سلام اني قاعده ندلك في يدي الي قرصها وملفته وجهي للجهة التانيه ومطرمة شواربي وليد بفرحة : واخيرا ياحبيبتي هم وانزاح ع الاقل امي معاش ترعش اني صمت وقاعده ملفته وجهي للجهة التانيه وليد تلفتلي : حبيبتي نكلم فيك نوسه ياهو اني قعدت ندلك في يدي ومابيتش نتلفتله وليد درس السيارة وتلفتلي وشد وجهي بيده ولفته جهته اني منزله عيوني ومطرمه شواربي قمت عيوني شفتله شوية وكانو عيوني معبيات دموع ونزلت راسي وليد : حبيبتي خيرك شن في بس علاش زعلانه نووسه شن صار كنتي تضحكي اني شفت ليدي وقعدت ندلك فيها ومارديتش وليد شد يدي : خيرها يدك توجع فيك ، اهاااا هادي الي قرصتك عليها اني : باه الحمد لله وصلت المعلومه واخيرا وليد : هههه تي ماهو انتي تضحكي بصوت عالي اني لفتت وجهي للجهة التانيه وقاعده شاده يدي وليد قام كم العبايه وباس جهة القرصه : هكي نكونو اعتذرنا من اليد الحلوة اني قاعده مطرمه شواربي مزال مش خاطري نرضى وليد لفتلي وجهي جهته : هياا عاد حبيبتي افرديها بلاش دلع اني زدت طرمت شواربي زي البيبي وليد جبدني واضبطني اني قعدت في الاول مقاومة بعدين استلمت وزدت اضبطته وليد : هكي رضت حبيبتي اني : امممممم وليد : نحبببك اني مانرضاش زعلك هيا عاد ياسر دلع ،،،،،،،، اما في حوشنا رن الجرس وكان فاسد مايفتحش من داخل فطلعت بتفتح نورس : منو عدنان : افتحي حبيبتي هدا اني نورس تواسي في روحها وفتحت بفرحة وابتسامه : اهليين عدنان خش شد يدها : اهلين بضي عيوني استاحشتك نورس تحاول تسحب يدها : هيي عدنان تو تطلع ماما تورينا عدنان : نقوللها خلاص هادي مراتي نورس فكت يدها : عدنان اعقل ماما : يانوووورس منو جيي نورس : هدا عدناااان ياماما ، تفضلل ياعدناان عدنان بصوت واطي : هههههه باه اني جنبك نسمع فيك نورس : ماهو مرات الصوت العالي يردلك عقلك لراسك عدنان : عقلي عندك رديه انتي نورس توقف علي راس صوابعها وتضربه بيدها ضربه خفيفه علي راسه : ان شاء الله توا رجع لراسك عدنان : ههههههههه عاوديها اللقطه كيف نورس رجعت وقفت علي راس صوابعها وضرباته بس المره هادي اقوى عدنان يحك راسه : تي احححي هههههه لكن شكلك فضيع وانتي واقفه علي روس صوابعك ماحسبتكش درية هكي نورس : هاهاهاها خش خش وخش عدنان مد لنورس كيف وخش للصالون وخشت ماما سلمت عليه ماما : أنستنا أنستنا عدنان : الله يأنسك بارك الله فيك يامرت خالي شن اخباركم وشن اخبار البنات كلهم ماما : الحمد لله في نعمه كيف حال امك عدنان : الحمد لله كويسه ، مريت علي حناي قلت خلي نمر عليكم بالك تبو حاجة والا ناقصتكم حاجة ماما : بارك الله فيك صحيت ماناقصنا شي الحمد لله عدنان : والله يامرت خالي لو ناقصاتك حاجة ماتدسي وقوليلي واني نجيبها ماما : صحيت ماتقصرش نعرفك والله كل شي متوفر اهو نورس بدت تسوق والحمد لله عدنان : باه الحمد لله ، المهم لو تبي شي كلميني بس ،،، اما نورس كانت في المطبخ تدير في القهوة وماما كانت صايمه يعني بتدير فنجان واحد لعدنان امشي صبتله فيها ملح وهي تتخيل في شكله كيف بيشربه وميته بالضحك نرجس خاشه للمطبخ : بسم الله الرحمن الرحيم ياماما البنت لبسها جن تضحك بروحها نورس :ههههههههههههههه نرجس تقرب بالشوية : اعوذ بكلمات الله التامات من شر ماخلق ، نورس انتي طبيعيه نورس : ههههههههههه تعاالي حطيت لعدنان في القهوة ملح وووه نتخايل في شكله نرجس : ههههههههههه حي عليك بتقتليه اليوم نورس : خلي نشوفو الدرية من هي حولي هي خلي نرفعها خشت نورس للصالون : تفضل عدنان ياخد الفنجان : يسلمو يديك نورس بابتسامه براءة : الله يسلمك عدنان يشرب شوية وكح كح كح ماما : بسم الله عدنان ياخد طاسه الميه ويشرب نورس : خيره ماعجباتكش قهوتي ياعدنان تررن ترن التليفون الارضي يشرين نورس كيف بتنوض ماما : تو انوض نشوف اني هادي اكيد خالتك وطلعت ماما من الصالون عدنان : انتي درتيها متاكدة القهوة نورس بحزن مصطنع : ايه علاش مش حلوة قصدك عدنان : لالا مليحة مش عاديه مع ابتسامه صفراء وكمل يشرب في الفنجان بسرعه ويبلع فيه بالسيف واول ماكمله نورس : ههههههههههههه صحة صحة عدنان : خيرك تضحكي نورس : ههههههههههه شي عدنان : بلعاني حاطة فيها ملح والا نورس : ههههههه الحمد لله ع السلامه عدنان كيف بيتكلم خشت ماما قطعت عليهم وقعدو يهدرزو ونورس تشوف لعدنان في نظرات انتصار وهو يتحلف فيها ،،،،،،،