سند الأنثى رجل - الفصل 13 - بقلم shosho - مكتملة | روايتك

استمرت عمتي في البكي واني نحاول نهديها ووفاء قعدت تهدي في رحمة الي حتى هي كانت منهارة وتبكي حالته كانت صعبه اني بروحي لما شفت كيف قايمينه لين رعشت ودمعتي نزلت من عيني ربي ينوضه بالسلامه لان فعلا الاب سند الحوش قعدنا نراجو لعند الساعه تمانيه الصبح لين رن فوني وكان وليد اني : الو وليد طمنا كيف حال عمي وليد : ايوه يانوسة دخلوه للعنايه من لما جينا وتوا الدكتور قال لازم عمليه كسترا لقلبه ساعه تانيه وبيدخلوه غرفه العمليات اني : لاحول ولاقوة الا بالله ربي ينوضه بالسلامه يارب وليد : ان شاء الله امي شن دايرة اني : دمعتها ماجفتش بكل ياوليد من لما طلعتو وهي تبكي توا كييف خداها النوم وليد : ردي بالك عليها نوسة اني : في عيوني حاضر وليد : توا محمود جاي غادي بيسحب فلوس للعمليه ، واني قاعد بالبيجامه ابعتيلي لبسه اني : ان شاء الله حاضر سكرت من وليد وركبت وتيتله لبسه ونزلت القيت عمتي قاعده راقده ورحمة حتى هي رقدت ووفاء كانت تدير في فطور في المطبخ وفاء : شن قال وليد اني : بيديروله عمليه كسترا وهو حاليا في العناية وفاء : يستر الله هادي تالت مرة يديروله كسترا اني : ان شاء الله ينوض بالسلامه وفاء : ان شاء الله تعالي افطري معاي اني حسيت روحي دخت اني : باهي ، احكيلي كيف كانت مصر وفاء : حلوة وعبد القادر ماقصرش معاي في شي كل الي نطلبه يجيبهولي وكانت مناسبه بالنسبه لينا تقدري تقولي تعرفنا علي اطباع بعض اني : قصدك قبل ماتتزوجيه ماكنتش تتكلمو مثلا مش متعودين علي بعض وفاء : لا ماكناش نتكلمو كلمني مرة قالي شروطه وماكان عليا الا اني وافقت ومرة بعد مااقرو الفاتحه في العرس باركنا لبعض وسكر بس اني : معقوله قصدي ع الاقل تعرفتي عليه قبل يعني تعرفي شن يحب وشن مايحبش وفاء : مانعرفش هو مااتصلش بيا واني مانقدرش نتصل لازم هو الي يتصل مش اني اني : فاهمه عليك حتى وليد امس حكالي كيف ان في عيلتكم يعني من لما الولد صغير يحجزوله وحدة من بنات عمه وفاء : ايه صح من لما اني صغيرة يقولو وفاء لعبد القادر وعبد القادر لوفاء ، تقدري تقولي بنيت كل احلامي علي عبد القادر اصلا ماكانتش عندي فرصه اني متلا نرسم فارس احلامي بالطريقه الي نبيها اني عيلتي رسموهولي من لما صغيرة اني : بس يعني انتي توا وعبد القادر متفاهمين يعني وفاء : الحمد لله وهو كويس هلبا معاي ويحترم فيا اني ابتسمتلها : حلو وفاء : هههه حتى انه رومانسي يعني غصبن عني بنحبه اني : هههههه ربي يحفظكم لبعض يارب وقاطع حديثنا صوت حااد : مااشاء الله تضحكو وجوكم حلو وبابا في المستشفى ومانعرفوش عليه شي اني ووفاء شفنا لبعض وعلامات الصدمه علي وجوهنا رحمة تكمل : والا سمعتو شي يفرح يخلي حمامتكم زاهيه اني : رحمة انتي واعيه شن تقولي ؟؟ وفاء : رحمة لو في بالك انه عمي مش واجعني فغيريه تفكيرك وبعدين احني كنا نهدرزو وذكرنا موقف يضحك وتم رحمة : باهي دوم عليكم الفرحة والضحك اني قعدت مصدومة هادي خيرها : لو سمحتي ياريت تعرفي روحك شن تقولي مش معقوله بنضحكو وعمي في المستشفى ومش مضطرة نبررلك اكثر من هكي وكانك عليا اني اكثر وحدة على مااعتقد نعرف قيمه الاب وربي يحفظلكم بوكم وماتحسيه الاحساس هدا ، وتلفتت للجهة التانيه لانها عفلقتني بجديات وفاء : فعلا يارحمه كلامك حار راهو رحمة شبحتلنا شبحه وبعدين طلعت من المطبخ وفاء : ماتعدليش عليها يانوسه هادي ديما هكي راهو بنت عمي وتعودت عليها اني : ماصار شي انسي وفاء : هادي شنو الكيسة اني : اها لبسه لوليد ماهو طلع بالبيجامه محمود جاي بيرفع فلوس بنبعتها معاه وفاء : حتى عبد القادر طلع بالبيجامه خلي نمشي نحطله امالا اني : اوكي غير بسرعه اكيد قريب يوصل ركبت وفاء واني اتصلت بوليد : الو حبيبي وليد : ايوه اني : شن اخبار عمي شن صار دخلوه للعمليه وليد : اهو توا مخششينه ، قلتي لامي اني : لا والله قاعده راقده وليد : باه توا اني بنسكر ولاد عمي جو نكلمك بعدين اني : دير بالك ع روحك باي سكرت من وليد علي صوت الباب ينفتح وكان محمود عطيته اللبسه واخدي الفلوس ونزلت وفاء اعطاته لبسه لراجلها وولى للمستشفى اني : وفاء وليد قالي انه ولاد عمه جو غادي للمستشفى يعني اكيد بيجو عمامكم اهني وفاء : ايه وحتى توا كلمت ماما جايين اني : باهي امالا خلينا نديرو دورة ع الحوش ونحطو طنجرة ع النار وفاء : ايه باهي هي وقعدنا نضمو في الحوش وسيقنا الجنانات علي نوضه عمتي عمتي : شن صار ماكلموكمش اني : توا دخلوه لعمليه بيديروله كسترا وان شاء الله ينوض كويس عمتي : هادي تالت عمليه بيديروهاله وقعدت تبكي اني قعمزت جنبها وحطيت يدي علي كتفها : خلاص يااعميمه اهدي باذن الله يكون كويس ماترعشيش روحك قاطعنا صوت جرس الباب وفاء : هادو اكيد اماليا تو نفتح اني وطلعت وفاء فتحت وخشت امها واخواتها الزوز امها سعاد اضبطت عمتي وقعدت تبكي هي وياها زادتها علي فيها وفاء : ياماما تو علاش تبكو باذن الله عمي ينوض مافيه شي اني : ان شاء الله ضيفناهم قهوة وقعدنا نستنو في خبر علي عمي عمتي : هادو خيرهم معاش اتصلو ترا اتصلي يانسيبة بوليد اني : باه حاضر اتصلت بوليد مرتين ماردش عليا ووفاء تتصل بعبد القادر مايردش منى ( اخت وفاء والي خاطبينها لمحمود ) : حتى اني جربت محمود مايردش اني : ان شاء الله خير وقطع حديثنا تليفون وفاء وكان خوها وفاء : الو ،، كييف شنو لا لا وطاح منها التليفون وانهارت بيك عمتي : ووووه عليااا عمود حووشي راح ماات منو بياا اني وقعدت تخبط وتعيط وقعدو يعيطو ويبكوو اني كنت بحالة صدمه وقعدت مقعمزة رجليا يبسو ومعاش قدرت نتحرك تذكرت يوم بابا توفى وصووت العيااط بتاع يوم الجنازة دموعي قعدو ينزلوو فقدت الاب اصعب شي الاب الي لما تطيحي تلقي يده هي الي تقيمك الاب الي لما تحتاجي شي يجيبه على طول الاب سند البيت الي من غيره تحس روحك ماتقدر تدير شي ربي يغفرلك يابابا ويرحمك ،،،،،،،، ثاني يوم الجنازة حتكون العصر توا قاعدين نحطو في الغدي صوت القرآن ، عمتي لابسة الاسود ، صوت البكاء ، الوجوه الشاحبة من كثرة الحزن : يوم كئيب هذا الوصف الوحيد الي نقدر نوصف بيه هاليوم دخلو التابوت للصالون وخشت عمتي ورحمة ومنى وارتفع صوت العياط والبكي طلعوهم وبعدها طلعو التابوت وبدي صوت العياط الصوت والجو هذا يذكر فيا بيوم جنازة بابا اليوم الي انحفر حفر في ذاكرتي اليوم الكئيب الي يشبه هاليوم اليوم الي نحط فيه بابا تحت التراب وقعدنا أيتام من غير اب اليوم الي قعدنا فيه من غير سند قعدو دموعي ينزلو لاارادي محمود بصوت عالي علي النساوين الي يعيطو: اسكتووو معااش تعيطووو قسما بالله نسمع عييطة تاانيه تشووفو ، وطلع عمتي كانت تبكي وجنبها ماما تحاول تهديها قعدت حتى هي تبكي معاها صلو الجنازة ودفنوه وروحو وليد واقف قدام باب الجنان : نسسييبة يانسيبة اني : نعمم وليد : تعالي نبي نركب نغير حوايجي ركبت اني وياه في الدروج وهو طول الوقت منزل راسه والحزن مالي وجهه خشينا للشقه وسكرتها خش وليد لدار النوم ووقف ع الدولاب وماتكلمش ولاكلمة اني قربت منه وحطيت يدي علي كتفه ولفتتله وجهه جهتي وليد عيونه كانو مليانات دموع نزل راسه اني علي طول اضبطته وليد دمعته غلباته ونزلت وقعد يبكي وزاد اضبطني اني كنت في موقف مش عارفه حسيت بشيء غريب اول مرة نشوف وليد يبكي وفي حضني قلبي قبضني وسخفني مش حاجة ساهله راجلي ويبكي في حضني وكان حاس بالضعف خليته يبكي وهو مضبطني لحد ماحسيته ارتاح وفكني وقعمز ع السرير اني قعمزت جنبه وشديت يده : حبيبي وليد يمسح دموعه وبعدين قعد يمسح في وجهه بحركات سريعه : تعرفي يانوسة قبل مايخش للعمليه شن قالي اني : شنو وليد : قالي اني حنموت وماتراجونيش دير بالك ع نسيبه قعد يوصي فيا عليك اني عيوني تعبو دموع تفكرت لما بابا قعد يوصي في ايمن عليا نزلت راسي ونزلت دمعتي وليد يمسح دموعه ويرشف خشمه : لما قعد يوصي فيا تقول موس خش في قلبي يانسيبة ، بووي هدا بوووي ( قعد يردد فيها بووي هذا بوي بصووت عالي ) اني قعدت نشوفله بحزن وضميته لياا وقعدت نحاول نهديه كان يبكي زي البيبي لين قعدت نبكي معاه خش وليد خدي دوش هداه شوية وغير ملابسه ونزل ونزلت وراه قعدت نساعد فيه في العوالة وتفريق اللبن والتمر ،،،،،، فاتو ثلاثه أيام العزي اليوم مر اربع ايام علي وفاة عمي نضت الصبح ركبت لشقتي غيرت ملابسي وتيت ملابس لوليد ونزلت وتيت معاهم الفطور وحطينا للناس يفطرو وقعدت نساعد فيهم في ضمان الحوش علي خشه ماما ونورس سلمت عليهم وقالو معاهم نوال بس ماخشتش وراهم طلعت للجنان القيتها واقفه علي محمود وخرت وخشيت للحوش ،،،، اما نوال فأول ماخشت قابلها محمود طالع سلمت عليه نوال : عظم الله اجرك محمود ينزل راسه : وشكر الله سعيك نوال : كيف حالك محمود : الحمد لله وانتي نوال : الحمد لله لحظة صمت وقعدو يشوفو لبعض نظرة نوال كانت وحشة وحب بس نظرة محمود كانت مش مفهومه نظرة حب وحزن وخوف نظرة واحد كأنه يودعها نظرة عاشق مايقدرش يمسك يد حبيبته عاشق مصيره فتاة غير الي حبها محمود نزل عيونه : انتي خشي توا الداخل الرجاله يخطفو اهني واني بنطلع الاولاد يراجو فيا نوال تبتسم : اوكي مع السلامه طلع محمود وبعدها رجع تلفت وراه وشاف نوال ماشيه نزلت دمعه من عينه مسحها وامشي << الفراق في الحب صعب والأصعب أن يكون من غير أي كلمة وداع >> خشت نوال وكانت طول الوقت سرحانه واني لاحظتها شديتها علي جنب اني : شن صاير امبكري شفتك واقفه علي محمود نوال : شي عزيته بس اني : وهو قاعد يكلم فيك ع التليفون نوال : لا يوم الي روحتي انتي من السفر كلمني في الليل ع الفيس وكان متضايق واني ماقدرتش نخليه هدرزت معاه بس واهو بعدها توفى عمك يعني معاش كلمني اني : باهي نضت من جنب ماما وكنت كيف طالعه من الصالون نشوف وفاء كانت واقفه وطاحت من طولها جتها نجري كانت مغمه عليها اني : ياابنااات تعاااالووو منى ورحمه جو يجرو : شن في شن في خيرها وفاء اني : مانعرفش طاحت صاخت تعال قيموها معاي نمددوها ع الصالون وقمناها مددناها وقعدنا نحاولو نفيقوها بس مابتش تفيق اني قمت تليفوني واتصلت بوليد : الو وليد وليد : ايوه اني : وليد عبد القادر جنبك والا قريب منك وليد : مش بعيد عليا خيرك شن في اني : وفاء طاحت اغمي عليها معاش عرفنا شن نديرو قوله يجي يرفعها للمستشفى او يدير شي وليد قال لعبد القادر وجي خش يجري لبسنا وفاء وقامها وطلعها وامشي بيها يجري للمستشفى ام وفاء ( سعاد ) تبكي : حي عليا بنيتي خيرها شن صارلها بس كانت لابيها لاعليها اني : اهدي يامرت عمي باذن الله مافيها شي غير بالك مش واكلة كويس سعاد : معاش تاكل كويس لاحظتها من يوم الجنازة وتدوخ اني : ان شاء الله خير مرت عمهم : بالك حاامل سعاد : زعما قداش ليكم انتو متزوجين توا اني : شهر ونص سعاد : ان شاء الله قعدنا نراجو في خبر علي وفاء وخفت عليها الحق لحد مارن فوني القيتها هجورة : الو هجوورة هاجر : اهلين شن الاخبار اني : تمام الحمد لله وانتي هاجر : تماام شن حال وليد اني : الحمد لله كويس شن جو ايمن هاجر : تمام قبل شوي كنت نكلم فيه طايرتله اني : اعلاش خيره هاجر : ماهو أجلنا العرس لشهر واحد اني : اعلاش أجلتو هاجر : بابا حناه توفت الاسبوع الي فات ماسمعتيش انتي اني : الله عظم الله اجركم لاوالله ماسمعت هاجر : سلامتها حتى هي توا ليها 100 سنه لما مزال علي عرسي شهر ماتت استغفر الله وخلاص اني : هههههه باه قصدي علاش تأجلوه سته شهور هلبا هاجر : والله بابا هكي قال ، حناه صغيرة ماتت مسكينه ولابيها لاعليها اني : هههههه هبله حرام عليك هاجر: هههههه باه توا طيري ماما تنادي نكلمك بعدين اني : باه سلمي عليها سلام سكرت من هاجر وشوي وخشت وفاء نضنا نجرو كلنا جهتها قعمزت وقعدنا نسالو فيها شن قالولها وفاء : دارولي تحليل وقالولي غدوة ودارولي تغديه وقالولي من التعب يعني بس اني : الحمد لله ع سلامتك وفاء : الله يسلمك بس مش عارفه كاني حسيت الدكتور شاك في حاجة سعاد : ان شاء الله خير في شنو ماقالش وفاء : لا قال غدوة يطلع التحليل وتو نعرفو اني : ان شاء الله كل خير مر اليوم زحمه وناس طالعه وناس خاشه يعزو ،،،،،، ثاني يوم نضت علي صوت تليفوني القيته وليد : الو صباح الخير وليد : صباح النور نسيبة اني في الشقه تعالي اني : حاضر هي جايه نضت غسلت وجهي ولبست وشاحي وطلعت ركبت فتحت الباب بالمفتاح وخشيت سكرته وقعدت انادي : وليد وينك وليد : تعالي في الدار اني خشيت للدار القيت وليد مقعمز ع السرير وحاط يديه علي راسه وساند مرفق يديه علي رجليه اني قربت منه : وليد شن في وليد : محمود اني بخوف : خيره وليد : القيته باعتلي رساله سافر اليوم الفجر اني : كييف سافر وماقال لحد ووين سافر وليد : مانعرفش وين سافر قال سافرت وخلاص اني نعرف علاش سافر اني : قصدك علي قصه خطبوله وليد : ايه اكيد هارب لانه من الاول مايبيش اني : باه وشن قصده بالسفرة يعني اكيد حيرجع وليد : الطريقه الي سافر بيها ماتوحيش انه ناوي يرجع ،سألت في شغله قالولي استقال امس يعني الفكرة مفكر فيها من قبل اني : باه وكسف حتدير توا كيف حتتصرف عمتي لو عرفت حتنهار اكثر من ماهي منهارة وليد : حنقول انه سفره شغل وبعدها نفكر في حاجة تانيه اني : بعدها متلا قول انه حصل شغل غادي وليد : المشكله لو محمود مايتصلش اني : لالا اكيد يتصل يطمنكم وبعدين عنده ع النت وهكي تقدر تتواصل معاه اكيد وليد يمسح وجهه بيده : يستر الله اني حطيت يدي فوق يده : ان شاء الله حيتصل وحتعرف منه وين امشي وليد شافلي وقعد يشبحلي شويه وقالي : نوسه ربي يخليك ليا اني ابتسمت : ويخليك ليا يارب وليد : خليني توا انوض انزيد نشوف صحابه بالك يعرفو حاجة اني : ماشي وطمني طلع وليد واني قعدت مقعمزة وحايره وقعدت نفكر في الي صار محمود لهالدرجة رافض فكرة الزواج يعني انه ممكن يكون يحب ومش راضي يكون مع غيرها باهي نوال شن حنقوللها توا اني مانبيهاش تتعب نفسيتها وهي قاعده صغيره تنهدت ونضت غيرت ملابسي ونزلت خشيت القيتهم مقعمزين في الصاله وملتمين علي وفاء اني : السلام عليكم كلهم : وعليكم السلام اني : كيف حالك وفاء اليوم وفاء تبتسم : الحمد لله تمام اني شن صار في تحاليلك خديتيهم وفاء : ايه عبد القادر امشي امبكري ، وابتسمت اني : شنو نتيجة التحاليل منى اختها : طلعت حامل عمره اسبوعين اني : اووه الف مبروك حبيبتي وجيت اضبطتها عمتي تبكي : ربي يباركلك يابنيتي ااه مختار كان خاطره يشوف احفاده وجعتنا عمتي كيف كانت تبكي بحرقه ربي يغفرله ويرحمه ،،،،،،،،،، فات اسبوع علي سفر محمود ومافيش خبر عليه وليد سأل كل صحابه وكلهم مايعرفوش ومااتصلش ولاطمنا عمتي لما عرفت انهارت وقعدت تبكي وارتفعلها السكر ومرضت هلبا اما نوال قاعده ماقلتلهاش واني نفكر فيها فقت علي صوت فوني وكانت هي : الو نوال : الو نسيبه شن الجو اني : تمام الحمد لله شن اخباركم انتو نوال : تمام ، نوسه من الاخير اني متصله بنسألك اني بلعت ريقي : علي شنو نوال : علي محمود ليا اربعه ايام نتصل تليفونه مقفل ونت مافتحش بكل شن حاله اني : شن بنقولك محمود ليه اسبوع مسافر نوال بصدمه : كيف مساافر كيف ماقاليش ووين مسافر وعلاش سافر اني : اني تو نشوف وليد لو العشيه يجيبني عندكم ونحكيلك نوال : احكيلي توا يانسيبة ماانقدرش نصبر اني : هو سافر وبعت مسج لوليد وقاله مسافر ومانعرفوش وين مسافر ، تو نحكيلك مايجيش بالتليفون نوال : باه نراجي فيك باي سكرت من نوال وقعدت نفكر كيف حندير امشيت لوليد قلتله نبي نمشي لماما ووافق ،،،،،،، لبست وتيت روحي نزلت القيت وليد يراجي فيا في السيارة وصلنا نزلت شرينت وفتحولي وخشيت القيت ماما مقعمزة في دار المعيشه ونورس ونرجس معاها بس نوال مهناش اني : وين نوال ؟ ماما : في دارها من الصبح معاش طلعت منها حتى الغدي ماتغديت مش عارفه خيرها البنت هادي اني : خلي نشوفها خليت وليد مقعمز معاهم وركبت للدروج قربت من باب الدار وقعدت نسمع فيها تبكي في الاول وبعدها انفتحت اغنيه اتكيت علي الحيط وقعدت نسمع + << سافرت وعيوني على الهاتف تنام ويفز قلبي كل ما الهاتف يرن ماسمعت صوتك ياحبيبي من ايام والقلب للغالي يشتاق ويحن في القلب خوف وهم واشواق واوهام ارجوك طمني ترى خافقي جن مدري لمن اشكي عذابي والالام بالله قلي اشكي فراقك لمن + سافرت وعيوني على الهاتف تنام ويفز قلبي كل ما الهاتف يرن ماسمعت صوتك ياحبيبي من ايام والقلب للغالي يشتاق ويحن في القلب خوف وهم واشواق واوهام ارجوك طمني ترى خافقي جن مدري لمن اشكي عذابي والالام بالله قلي اشكي فراقك لمن + خدي غدى صفحه ودمعاتي اقلام والليل بدموعي يغنيك ويون يامسافر بقلبي وروحي والانسام ارجع ترى من حبك لشوفتك عن في القلب خوف وهم واشواق واوهام ارجوك طمني ترى خافقي جن مدري لمن اشكي عذابي والالام بالله قلي اشكي فراقك لمن + كل يوم عندي كنها فغيبتك عام والهم كنه ليل في خافقي جن قصه وله فعيون ماتقدر تنام تتمنى صوتك كل ما الهاتف يرن في القلب خوف وهم واشواق واوهام ارجوك طمني ترى خافقي جن مدري لمن اشكي عذابي والالام بالله قلي اشكي فراقك لمن >> + فتحت الباب وخشيت ووووو .............. سافرت وعيوني على الهاتف تنام ويفز قلبي كل ما الهاتف يرن ماسمعت صوتك ياحبيبي من ايام والقلب للغالي يشتاق ويحن في القلب خوف وهم واشواق واوهام ارجوك طمني ترى خافقي جن مدري لمن اشكي عذابي والالام بالله قلي اشكي فراقك لمن + سافرت وعيوني على الهاتف تنام ويفز قلبي كل ما الهاتف يرن ماسمعت صوتك ياحبيبي من ايام والقلب للغالي يشتاق ويحن في القلب خوف وهم واشواق واوهام ارجوك طمني ترى خافقي جن مدري لمن اشكي عذابي والالام بالله قلي اشكي فراقك لمن + خدي غدى صفحه ودمعاتي اقلام والليل بدموعي يغنيك ويون يامسافر بقلبي وروحي والانسام ارجع ترى من حبك لشوفتك عن في القلب خوف وهم واشواق واوهام ارجوك طمني ترى خافقي جن مدري لمن اشكي عذابي والالام بالله قلي اشكي فراقك لمن + كل يوم عندي كنها فغيبتك عام والهم كنه ليل في خافقي جن قصه وله فعيون ماتقدر تنام تتمنى صوتك كل ما الهاتف يرن في القلب خوف وهم واشواق واوهام ارجوك طمني ترى خافقي جن مدري لمن اشكي عذابي والالام بالله قلي اشكي فراقك لمن >> + فتحت الباب وخشيت نوال كانت مقعمزة ع السرير وعاطيتني بظهرها لما سمعت الباب مسحت دموعها وسكرت الاغنيه وناضت قربت مني وسلمت عليا باابتسامه مصطنعه : اهلين كيف حالك خشي اني قعدت ساكته ونشوفلها وخلاص بعدها جبدتها واضبطتها وقعدت نمسح علي شعرها نوال اول ماحضنتها حضنتني بقووة وقعدت تبكي اني : نوال نوال خلاص حبيبتي معاش تبكي نوال بصوت متقطع من كثر البكي : ع علاش با باه امشي اني : بطلي بكي نحكيلك شنو الي صار نوال وخرت مني ومسحت دموعها : ها احكيلي اني قدمت جهة مالقي الميه وصبيتلها طاسه ميه ومديتهالها شربتها وبعدها قعمزتها ع السرير اني قعمزت جنبها وشديتلها يديها وقعدت نحكيلها في قصة كيف خطبوله منى وهكي نوال : باه علاش ماقاليش واني نقول علاش يباعد عليا لانه عارف روحه مش حيأخدني يعني هو يعرف ان اني مش ليه وانهارت بكي اني : نوال ماتديريش في روحك هكي احني اصلا مانعرفوش في شنو يفكر محمود نوال تمسح في دموعها : تعرفي يانسيبة لما جيت للعزي وشفتيني واقفه عليه كان يشوفلي في نظرة مافهمتش معناها كان كأنها نظرة وداع اني : احني حسب مافسرنا انه يحب وهذا علاش رافض بنت عمه بشدة نوال : يمكن يكون يحبني يانسيبة اني : مانعرفش مانقدرش نقولك شي مش متاكدة منه نوال : نظرته ياانسيبة لما يشوفلي بحزن هادي كافيه انها تفسرلي الحب الي داخله اني : توا انتي يانوال حاولي معاش تفكري فيه هلبا بيش ماتتعبيش اكثر وبعدين مزال شهرين ع المدرسة بس وبتبدي شهادة لازم تشدي مانبيش حاجة تأثر عليك باهي نوال : ان شاء الله اني : هي توا نوضي اغسلي وجهك وانزلي حتى وليد سأل عليك نوال : باهي هي ناضت نوال غسلت وجهها وحاولت ترسم إبتسامه مزيفه علي وجهها ونزلت اني وياها نوال : اهلين نسيبنا كيف حالك وليد يبتسم : تمام الحمد لله شن اخبارك انتي وقعدو يهدرزو شوية قطع هدرزتنا تليفون وليد قامه شافله وشبحلي شويه اني قعدت نشوفلها وليد رد : ايوه الطرف الثاني : الو وليد وليد وقف : محمود نوال اول ماسمعت اسمه وقفت وقعدت تشوفله بقلق وحتى اني وقفت وليد : وييينك بسس وين امشيت محمود : اني سافرت توا طمن امي عليا اتصلت بنطمنكم بس وليد فتح الباب وطلع للجنان : محمود دير عقلك في راسك وارجع امس مرضت راهي مش ناقصه محمود تنهد : مش حنرجع ياوليد طمن امي وخلاص اني بخير وتوا حصلت خدمه بنخدم فيها وليد : باه وين انت سافرت محمود : مش حنقول وراهو الرقم هدا تليفون في الشارع يعني ماعنديش شفرة ماتحاولش تتصل وليد : محمود انت ناوي تهبلني لينا اسبوع قالبين عليك الدنيا وتوا تقولي مش راجع علي شن ناوي انت محمود : بوي الله يسامحه ويرحمه دمرلي حياتي وعيلتي كلها دمرتني وكتبو عليا نأخد وحدة اني مانبيهاش ( وقعد يعيط بصوت عالي ويقول : مااانبيهاااش اني مااانبيهاااش قلتهااااا الف مرررة ماتبوش تفهموو تواا بنروح بيفوتو سنه وبيأخدوهالي والاااااا اني ماااانبيهاااااش وليد : باه ولي مش حنأخدوهالك والله نوعدك تأخد الي انت تبيهاا محمود : مش حتقدر انت تعرف عمي لو ماناخدهاش مستعد يقتلني واني اهني افضلي وليد : من امتى انت تخااف يامحمود وتهررب محمود بصوت عالي : مشششش خااااايف اني اني مانقدرش نشوووف الي نحبهااا تتعذب معااااي وتشوفني متزوج غيرررها اني مش مستعد ندمر حيااتها زي مااعيلتي دمرتلي حيااتي وليد : اني وعدتك ارجع وخود الي تحبها وحندير اي شي علي خاطر تاخد الي تحبها ارجع علي خاطر امي محمود : ماتحاولش ياوليد مش حنررجع وامي اطلبلي منها السماح وحنتصل بيها مرة مرة وليد : لااحول ولاقوة الا بالله محمود : بنقولك وليد : شنو محمود : نسيبة جنبك وليد تلفت والقاني واقفه ع الباب بقلق ونشوفله وقاله باستغراب : ايه علاش محمود : اعطيهالي وليد : علاش محمود : وليد ماأكثر اسئلتك اعطيهالي بس وليد شافلي ومدلي الموبايل : تعالي يبيك محمود اني شوفتله باستغراب وقدمت وخديت الموبايل شفت لوليد وبعدها رديت : الو محمود بصوت حزين : اهلين نسيبة كيف حالك اني : الحمد لله انت الي كيف حالك ووينك محمود : الحمد لله نسيبة بنطلب منك طلب اني بااستغراب : تفضل ! محمود بنبرة صوت كئيبه جدا : ردي بالك من نوال وقولها تسامحني اني خنقتني العبرة حسيت قلبي تقطع عليه : حاضر بس يامحمود لو تبي نوال تسامحك ارجع وليد شافلي باستغراب ومش فاهم شي محمود تنهد بضيق : مش حنرجع يانسيبة خلاص اني اتخدت قراري قولها تسامحني بس هي اعتبرتني كل شي ليها واني ماقدرتش نوفيلها الظروف جت ضدي اعتبرتني سندها الوحيد واني ماقدرتش نكون معاها طول الوقت قولها تسامحني ارجوك اني : حاضر محمود : ردبي بالك عليها بالله عليك اني : حاضر ان شاء الله محمود : هي السلام عليكم ، طوط طوط اني نزلت التليفون وقعدت نشوف لوليد بحزن وعبرتني خانقتني وليد : شن قال وشن دخل نوال اني : خليني نشرحلك الموضوع هذا في الحوش وليد مسح بيده علي وجهه بالقوة وكان متضايق ومتعفلق بكل اني : ماقدرتش تقنعه بكل وليد : خلاص مسكر راسه خوي ونعرفه لما يسكر راسه اني : حتى اني قالي خلاص اتخدت قراري وليد : الله يسامحك ويرحمك يابوي الله يسامحك اني : ربي يغفرله ويرحمه ، ماتحطوش اللوم علي عمي ممكن هو كان يفكر بمصلحة صغاره مش اكثر وليد : الله يرحمه هي خلي نروحو اني : باه نخش نلبس وشاحي خشيت اني ووليد ماما : كيف حاله وخييك ياوليد وليد باابتسامه مصطنعه : الحمد لله كويس اهو محصل خدمه غادي ماما : وين هو مسافر ؟ وليد شافلي وبعدين قال بتردد : امريكيا ماا : باه ان شاء الله ربي يوفقه وليد : ان شاء الله هي امالا احني نستاذنو ماما : خيركم بكري زيدو نحطو عشي تعشو وليد : والله هداكا هو عندي محل جديد كيف فاتحه بندير عليه دورة ماما : ربي يوفقك ان شاء الله باه امالا سلملي علي امك وليد : يوصل ان شاء الله اني كنت بنلبس وشاحي ركبت فوق ونوال اول ماشافتني لحقتني خشيت للدار وخشت وراي نوال تسكر باب الدار : طمنيني كيف حاله ووين مسافر اني تنهدت : مانعرفوش وين مسافر بس وصاني عليك وقالي اطلبيلي منها السماح نوال : باه هو علاش يدير هكي اني : مش عارفه قاعده مافهمتش شي والباين انه قال شي لوليد نروح نفهم من وليد ونكلمك اوكي نوال : باهي اني : هي توا مع السلامه ومعاش تضايقي روحك نوال : ان شاء الله مع السلامه روحنا للحوش واول ماخشينا خشينا لعمتي طمنها وليد علي محمود وقاللها انه في امريكيا بيش مايخوفهاش وقاللها انه حيكلمها وبعدها ركبنا واول ماخشينا وليد لوح روحه الكنبه : نوسه راسي يوجع فيا جيبيلي حبه راس اني : حاضر هي جبتله حبه راس وميه وخداها وقعد شاد راسه اني بخوف : حبيبي خيرك وليد : راسي بينفجر اني قعمزت وحطيتله راسه علي رجليا وقعدت نديرله في مساج : كيف تحس توا وليد : باه خف شوية اني : نديرلك ليموناضه وليد قاعد شاد راسه : باه ديري نضت درتله ليموناضة وجبتهاله شربها وبعدين قعمزت ورديتله راسه علي رجليا وقعدت نمسدله فيه لحد مااخداه النوم ورقد قعدت نتأمل فيه كيف راقد ومبتسمه لحد مااخداني النوم غفيت ع الكرسي ومافقتش الا علي صوت التليفون قمته بالشوية والقيت وليد قاعد راقد القيتها رحمه رديت : الو رحمة : وينكم ماتبوش تنزلو تتعشو والا متعشيين بروحكم اني قلت بقله صبر : وليد كان مريض وتوا راقد هذا علاش مانزلناش رحمه : خيره شن صارله كان مافيه شي اني : مانعرفش راسه كان يوجع فيها هلبا وهدا وين ارتاح رقد رحمة : باه معناها ماكمش نازلين نتعشووو ؟ اني : صحتين مش حنقدر ننزل ونخليه رحمه : بااهي بااي ، طوط طوط اني حطيت التليفون وتنفست بعصبيه مش عارف المخلوقه هادي خيررها هكي اسلوبهاا قعدت نشوف لوليد كيف راقد بحب ونمسح علي شعره ربي لايحرمني منه قعدت للصبح ع الكرسي ووليد راقد علي رجلي ماقدرتش انوض وانوضه لحد ماهو فاق الفجر والقاني راقده ع الكرسي وليد بصوت واطي : نوسه نوسه حبيبتي اني بخلعه : اها وليد وليد شادني وقامني في غمره اني بصوت ناعس : وليد خيرك وليد : بنخششك للدار مش مرتاحة اهني اني : هههه باه وليد : الفجر أذن كان بتصلي اني : باهي نزلني بيش نتوضأ ونصلي نزلني وليد وتوضينا وصلى بيا واني صليت وراه شعور حلوو هلبا لما راجلك والي تحبيه تصلي وراه وصلاة الفجر حسيت بسعادة وطمأنينه كملنا الصلاة وخشينا للسرير ورقدت علي صدر وليد ومافقتش الا علي الساعه ١١ القيت وليد مهناش نضت درت دورة علي الحوش ونزلت لوطى لقيت نساوين عمهم قعمزت جنبهم وبعدها درنا الغدي وتغدينا وفي العشيه روحو واحني قعدنا مقعمزين جنب عمتي ونهدرزو ،،،،،،، اما عند نوال فاتصل بيها رقم غريب ودولي علي طول قالت محمود وردت : الو <<انتي انتي هذه انتي انتي وين انتي هنا وين ما في الدنيا كنتي منزلك في عيني انا وبأختصار وبكل جنون انا وانتي من نكون أنا أكثر شخص يحبك وأنتي أم أجمل عيون أنتي غير الدنيا كلها أطيب وأجمل اهلها يكفي لا كحلتي عينك عينك أتنزين كحلها كل عام وانتي أجمل حاجة في تاريخي بتحصل يلي بسمة من شفاتك يثبت أن الزين يكمل وحدك الي في شجوني لا فضى الكون في عيوني في تفاصيلك يا أنتي ينطي بالحب لوني ومن غلاك انتي في عمري حتى ظلك صار يجري أن قلبي يحبك أكثر مني رغم أنه في صدري أن حكيتي من اللطافه فاضت الدنيا رهافة ونظرتك لامن سكتي أبلغ نية الثقافة انتي انتي هذه انتي انتي وين انتي هنا وين مافي الدنيا كنتي منزلك في عيني انا >> نوال قعدت تسمع ومبتسمه وعارفه انه هدا محمود واول ماكملت الاغنيه : محمود محمود : ا ا نوال طوط طوط فصل الخط نوال حاولت تعاود ع الرقم بس مايعلقش معاها الخط اتكيت وقعدت تفكر ،،،،،،، روح وليد مع الساعه 9 خش حطيتله عشي وبعدها ركبنا لشقتنا وليد سكر الباب تلفتلي وقرب مني وشد وجهي بين يديه : عارفه اني مستاحشك اني ابتسمت ونزلت عيوني ورجعت شفتله : اني اكثر يانبض قلبي وليد قامني ووووو ( جزء من النص مفقود مش شوركم الباقي ههههه ) ،،،،،، اما نوال فكانت طول الليل تحاول توصل في محمود وقعدت تكتبله في الفايبر والفيس ومافيش رد ،،،،،،، فات اسبوع اي اسبوعين علي سفر محمود فقت الصبح الساعه تمانيه درت فطور لوليد ونوضته وليد ناض دوش وجاني في المطبخ قرب مني وطبس باسني علي خدي : صباح الورد اني ابتسمت : صباحو فل وياسمين وليد يجبد كرسي ويقعمز : شن الفطور الحلو هذا اني : بالعافيه حبيبي وليد : يسلمو اليدين الحلوات ، ايه حبيبتي بنقولك اليوم مش مروح ع الغدي اني : علاش وليد : معزوم ع الغدي اصحابي اني : باه حبيبي حطني عند ماما نتغدى غادي وليد : بتمشي من توا ؟ اني بنمشي من المحل علي طول غادي اني : اوكي براحتك وليد : حبيبتي هيا من غير زعل اني : لاعادي ، بس حبيبي اني مليت من الحوش لو تحسب انه من يوم ماروحنا من دبي معاش طلعنا مع بعض بكل وليا اسبوع ماطلعت من الحوش حاسه روحي ماله من الحوش وليد : ماهو ياحبيبتي تشوفي في الظروف العزي ومعاش فضيت اني : عارفه ياعيوني حتى اني مقدرة فلهذا قلتلك حطني عند ماما وليد : باه حاضر تو نجيك مع الساعه 12 نرفعك اني ابتسمت : شكرا وليد : وبعد نكمل غداي نخطم عليك ونطلعو مع بعض شن رايك اني ابتسمت بفرح : بجد حبيبي وليد : بجد ياعيون حبيبك المهم نشوف الابتسامه الحلوة هادي اني نضت بست علي خده وقعمزت في الكرسي الي جنبه وليد : اوووه غير كان كل يوم نحصل بوسة هكي كل يوم نطلعوو اني : ههههههههه فطرت اني ووليد وطلع هو واني لميت اماعين الفطور ووليت رقدت ساعتين ونضت مع العشرة ونص دوشت واتصلت بماما : الو ماما ماما : اهلين صباح الخير يانوسه اني : صباح الورد مامتي كيف حالك ماما : الحمد لله كويسه انتي كيف حالك وحال راجلك اني : تمام الحمد لله شن اخباركم انتو ماما : تمام اهو كيف جت خالتك متغدية عندنا اني بفرحة : بالحقا حتى اني بنجي نتغدى عندكم ماما : باه مرحبتين بيك واهو بالمرة تهدرزي علي خالتك ساارة بصووت عاالي : مشفشفه تعااالي استاحشتك اني : هههههه قولها جايه جايه ماما : باه امالا نستنوك ع الغدي وليد بيجي والا ؟ اني : لالا وليد معزوم ع الغدي ماما : باه امالا سلمي علي عمتك اني : يوصل مع السلامه سكرت من ماما وقعدت نطلع في لبسه طلعت قونه قصيرة زرقاء وعليها بلوزة ورديه واستشورت شعري وقمته فوق وكملت مع الساعه ١١ ونص قمت فوني واتصلت بهاجر هاجر بصوت ناعس : الو صباح الخير اني : هجوورتي صباحو ورد ان شاء الله راقده هاجر : كنت للاسف وانتي شن حالمه بيا اني : ههههههه تي نووضي الساعه 12 ياسرك نوم هاجر : بلعوطة من يومك الساعه ١١ قاعده اني : ماماتش غير قتلوه هههههه غير صحصحيلي هاجر : تي بنررقد يااهمي اني : ياسرك نومي نوضي قوليلي شن جوك وشن اخبارك وشن جو خوويا معااك هاجر : خووك مسهرني للساعه سبعه هاا وتوا مافياش حيل نوقف حتى الجامعه فوتتها اني : هههههه شن تدوو الوقت هذا كله هاجر : نعبروو علي مشاعرنا اني : ههههههههههه هاجر : تضحكي عندك الحق انتي راجلك راقد جنبك اما احني شن نديرو عالقين الوصله ع التليفون وخلاص اني : هههههههههه وانتو خلاص اخر قرار العرس شهر واحد هاجر : والله خلاص عمك رمضان سكر راسه حددت 15 واحد امشيت غيرت حتى حجز الصالة ، انتي شن جوك اني : تمام اهو نراجي في وليد بنمشي نتغدى عند ماما هاجر : تعرفي مستاحشاتك مش برنامج هكي ياريتك ماتزوجتي اني : هههههه تعالي كان تقدري اليوم تغدي عندنا هاجر : مااعتقدش رمضان يقول بااهي نبي نعزمك اني يوم تاني قعدت نهدرز اني وهجورة لحد ماسمعت صوت الباب انفتح سكرت منها وطلعت من الدار القيت وليد كيف خاش اني : اهلين حبيبي وليد : اهلين ، وقام راسه شافلي وابتسم اوووه منوو هاادي اني : هههه الغولة وليد : شن غولة هاادي عسل وين وين ع الحلاوة هادي اني ابتسمت : عيونك الحلوة وليد : هي خليني نفوت الغدي وانتي فوتي المشية لامك ونقعدو في الحوش اني : هههههه مجنون خلي نلبس عبايتي ، وخشيت للدار وليد خش وراي للدار : بنغير ملابسي في لبسه واتيه اني : ايه حددتلك سوريه وبنطلون وفتحت الدولاب وقربت منه ومديتهمله وليد اخداهم وشد يدي : والله خشت راسي فكرة نفوتو موضوع الغدي ونقعمزو اهني اني : ههههههه لاا وليد : علاش يامكارة اني : ههههه هكي فيش وليد : ملاحظة روحك موليه شريره اني : انيي ؟ وليد : ايه انتي مولية شريره ومكارة اني : هههههه بالعكس طيوبة اني وليد : ( يقلد صوتي ) طيووبه اني ، مكااارة اني : هههههه باه هياا وقت حبيبي غير وليد ملابسه واني لبست عبايتي ونزلت اني وياها خشينا لعمتي سلمت عليها وطلعنا وصلنا نزلت اني ووليد شرينا وفتحولنا الباب خشينا للجنان وفتحتلنا ماما الباب ماما : اهلين تفضلوو سلمت عليا وبعدها سلمت علي وليد وليد : كيف حالك وحال صحتك ماما : الحمد لله في نعمه والله هي خش وليد : لاوالله معليشي مرة تانيه ياعمتي معزوم بنمشي ماما : باه امالا طريقك زينه المهم نراجو فيك مرة تانيه وليد : ان شاء الله هي السلام عليكم طلع وليد واني خشيت سلمت علي خالتي وكانت ماما وخالتي بس مقعمزات في دار المعيشه اني : وين البنات خالتي : فووق كلهم اني : خلي امالا نركبلهم حولت عبايتي وركبت الدروج بالشويه بالشوية اول ماوصلت فوق كانت نرجس طالعه من دارها نرجس : نووووسه وجتني سلمت عليا اني : شن اخبارك سارة لما سمعت نرجس نادت اسمي طلعت من الدار وجتني تجري اضبطتني : كلبة وييينك هكي الي يتزووج ينسى بنت خاالته اني : هههههه تو اني نسيتك ماهو نكلم فيك ديما سارة : ماجيتيناش هكي ليا اسبوعين ماشفتكش من عزي عمك اني : تعاليلي انتي سارة : حتى اني من جديد بتطولي معاش تجي بنعسكر عندك في حوشك اني : ههههههه مش لدرجة تعسكري اني قصدي هكي يعني ديريلي زيارة زيارة يعني سارة : ههههههههه بنعسكر وكان ماتبينيش نعسكر تعالي انتي اني : ههههههههه حاضر تو نجيك كل يوم سارة : خيزي هذا بدل كلمة تفضلي مرحبتين بيك بنيه خالتي شي شي مافيش ذوق بكل اني : ههههههه سلمت عليهم كلهم لكن نوال كانت مهناش اني : نوال وين نورس : راقده في دارها اني باستغراب : رااقده من امتى ترقد الوقت هدا سرور : من لما جينا راقده حتى خشيتلها بنوضها مابتش قالتلي فوتوني مش عارف خيرها اني : خلوني تو نشوفها طقطقت علي باب دارها ماردتش فتحت الباب القيتها عطيتني بظهرها وراقده ومغطية وجهها سكرت الباب وقربت منها وجيت قدامها وحولت الغطا من وجهها نوال مسكرة عيونها : خلوني في حالي اني : نوضي نبيك نوال فتحت عيونها وناضت قعمزت : شن في كلمكم محمود شن اخباره طمنيني نسيبة اني تنهدت : كويس وامس كلم وليد وكلم امه وطمنهم عليه نوال : علاش مايطمنيش عليه ويخليني هكي اني : اهو طمنتك اني وبعدين انتي شن حاله الكئابه هادي الي انتي فيها وحتى كيف حالك لعلمك ماقلتيهاش نوال : كيف حالك ، انتي عارفه يانسيبة الي فيا ماتقعديش تديريلي هكي اني تنهدت : بس غلط الي تديري فيه في روحك هذا هو كويس ونطمن فيك عليه اهو نوال : استاحشته استاحشته مش قادره مايكمنيش اسبوع توا ليا ماسمعتش صوت عاارفه تاني يوم جيتونا فيه اتصل بيا وسمعني اغنيه بعد كملت قالي نوال وسكر اني : يعني هو هو الي كلمك نوال : ايه هوو صوته مستحيل نغلط فيه اني : باه يعني اهو كلمك وسمعتي صوته خلاص علاش العذاب الي دايرتيه لروحك هذا وضاعفه راهو موليه بتموتي ، وينها نوال الي جوها مليح وتلقح وينها الي ضحكتها تنسمع من وين وين وينها الي ديما نتناقر اني وياها ، انتي صغيره ع الهم قاعده نوال : مش حترجع هاديكا نوال لين يرجع محمود اني : حرام راهو الي تديري فيه هذا هي نوضي اغسلي وجهك وصحصحي ونحي هالكئابه وهي انزلي لوطى نوال : خليني يانسيبة ماخاطريش في شي نبي نقعد بروحك اني : قلت نوضي توا اني نوال : نسيبة .. قاطعتها اني : قلت نوضي هيا هيا نوال ابستمت : انسه ناضلي ماتتغيريش انتي اني : ههههه مانتغيرش هي نووضي نوال : نضت هاا ناضت نوال غسل وجهها ونزلنا ماما : ايشي هلال العيد بان نوال تسلم علي خالتي : كنت راقده خالتي : من بكري انوضو فيك ماقدرتش تنوضك الا نوسه نورس : حتى هي انسه ناضلي كلهم : هههههههه اني : ههههههه انسه ملعقه اسكتي نوال ضحكت غصبن عنها : ههههه عجبتني انسه ملعقه ماخطرتش في بالي قبل نورس : انسه ملعقه عينكم خالتي : وين يانوسه محلوة ماشاء الله اني ابتسمت : سلمك عيونك الحلوة ياخالتي سارة : ولى وصار منك والله كان نحسابو بتحلوي راهو زوجناك من زمان اني : ههههه خيزي حلوة من قبل اني قعدنا نهدرزو وتغدينا وقمنا السفر وقعدنا نضمو في المطبخ وقعدت نساعد فيهم سارة توقف ع البباب وتبدأ تدربك : هياا هياا ياعيلة ، هالنهار عليه ندور هالنهار ربيعه نور وبدينا نصفقو ونغنو ودرنا جو ، حتى نوال حسيتها نست شوية وتغير جوها وقعدت تهيج معانا ماما تخش للمطبخ : جتكم الهبله تاني اني جيت لماما وشديت يديها وقعدت نرقص فيها معاي : هههههه هيا ماما هيا ماما : هههه ياحشمتي حتى المتزوجة مادارت عقل نورس : احني اميمتنا عليها سميله *** جيابة البنات غزلة واستمرينا في التصفيق والغني لعند العصر استاحشتهم واستاحشت هالهبال والجو هدا استاحشت هالضحك وجو العيله هذا ،،، جاني وليد لبست عبايتي وطلعت اني ركبت السيارة : السلام عليكم حبيبي وليد بصوت متضايق : وعليكم السلام اهلين اني تلفتتله : حبيبي في شي وليد : ......