سند الأنثى رجل - الفصل 11 - بقلم shosho - مكتملة | روايتك

نزلت وشوي وقالو عريسي بيخش وقفت واني طلبت يفتحو اغنيه يادبلة الخطوبة وخش وليد يا دبلة الخطوبه عقبالناكلنا ونبني طوبه طوبه في عش حبنا نتهنى بالخطوبه ونقول من قلبنا خش ببدلته السوداء كان يهبل وضحكته الي سحرتني قطع سرحاني صوت وحدة تقولي : احسن حاجة لبست القفطان الي جبناه احسن من بتاعك هداكا تلفتت والقيتها رحمة قعدت نشوفلها بصدمة واستغراب ضحكت بخبث وامشت قعدت نشوفلها ومستغربه ونحاول نستوعب الكلام بعدها فوتتها وماحاولتش نعكر مزاجي وشفت لوليد الي ولى قريب مني ولى مد يده وسلم عليا بالبوس بالخد نزلت راسي وحاسه خدودي ولو حمر وليد بهمس في ودني : شن الحلاوة هادي تو نشدك نهرب بيك اني : ههههه هاجر غيرت الاغنيه وفتحت اغنيه رامي عياش مبروك مبروك مبروك يا حياة قلبى مبروك هالفرحه فرحتنا والفرحه جمعتنا شو حلوه دنيتنا مبروك مبروك هالفرحه فرحتنا والفرحه جمعتنا شو حلوه دنيتنا مبروك مبروك يا سلام يا سلام شو بتمنى بحياتك تتهنى يا سلام شو بتمنى بحياتك تتهنى هالفرحه فرحتنا والفرحه جمعتنا شو حلوه دنيتنا مبروك مبروك هالفرحه فرحتنا والفرحه جمعتنا شو حلوه دنيتنا مبروك مبروك منى تقدم وفي يدها باكووات الدبلة : هي ياوليد لبسها وليد يقيم باكو الدبلة وياخد الخاتم ولبسهولي وباس يدي طبعا المصورة كانت تاخد في كل اللقطات البنات قلبوها عيااط خالتي : روروروروروري اني كنت فرحانه بنطير حاسة روحي نحلم في احلى حلم مديت يدي خديت دبلة وليد ولبستهاله وليد شد وجهي بين يديه وباس علي راسي وحضني والمصورة مستغله الفرص تصور وتعاود اني : وليد يامهبول بطل ههههه راهو قدام الناس احني هههه حي عليا البنات قلبوها عياط ويقولوله : بالشويية ياوليد ووسسع بالك مش هكي وليد طلقني وقعد يضحك : ههههههه اما اني وجهي احمرر ونضحك وخلاص عمتي فتحية تقدم : روروروروري الف مبروك ياوليدي واضبطاته اني شفت ماما من بعيد دمعتها علي خدها وكانت تصفق وتشوفلي عيونها مليانات حززن وفرحة قدمت بخطوات سريعه واضبطتهاا ماما اضبطتني : الف مبروك ياابنيتي ربي يهنيك وقعدت تبكي اني ماسكة دموعي بالسيف : الله يبارك فيك ياحبيبتي انتي ربي يخليك لينا يارب وبستها علي راسها كانت احلى لحظات تمر عليا فرحتي مش سايعتني اخواتي فرحانات ماما ودموع الفرحه في عيونها عيلتي كلها فرحانه جيت جهة احنينه الي كانت مقعمزة ودموع الفرحه لامعه في عيونها وبست علي راسها واضبطتها حنينه : الف مبروك يابنت الغالي انتي الف مبروك يابنيتي اني : الله يبارك فيك ياحنينه حنينه قعدت تقرا عليا في المعوذات واني نشوفلها ومبتسمه وخلاص رجعت وقفت جنب وليد بعد ماسلمت وبست علي راس عمتي فتحيه خدتلنا المصورة لقطات اني ووليد وماما واخواتي وامه واخواته وكم صورة بروحنا وليد : ربي يصبرني وخلاص اني : هههه خيرك وليد : طالعه تهبببلي وانتي بالحلاوة هادي كيف تبيني نشد روحي هي نحطك فوق كتفي توا ونجري بيك نهربو هي شن رايك اني : ههههه مجنون وليد : يحبك المجنون شن يدير هي اني قربت من ودنه اكثر وهمست : واني نعشقه المجنون وقعمت عيوني وقعدو عيوني في عيونه وليد : نحبك ياورده حياتي انتي اني ابتسمت ونزلت راسي منى : هي وليد بيش تقصو التورته اني ووقفت ومعاي وليد وقصينا التورته وخدي وليد طرف ووكلهوولي والبنات قعدو يعيطوو ههههه وبعدها وكلته اني وصورنا وشوي وطلع وليد وجابو البنات الدربوكة وقعدو يدربكو ويغنو ويرقصو ودارو جو يهبل واني مبتسمه وفرحانه ونشوفلهم وخلاص وشاده روحي بنوض نرقص من الفرحة بس بعدها خايفه يهربو امالي العريس هههه رزنت وقعمزت روحو امالي وليد وهما طلعو من اهني واني وقفت : ووه اعيييت حولو بنلبس بنمشي نلبس بيجامتي كلهم : هههههه واني راكبه في الدروج نسمع في صوت سارة فتحت في المنظومة اغنيه من الاخير نحبه نحبه لوليد التلاوي وليييت نزلت وخشيت قعدت نرقص معاهم هاجر : هههههههه عليك هبلة نوال : ههههههه نشوف فيها شادة روحها من بكري خالتي : ههههه خلي تررقص فررحانه عمتي فادية : هههه ربي يفرحك يابنيتي اني شديت جبدت ماما وقعدت نرقص فيها معاي ماما : ههههه تي اطلقيني اني : تي غير هيا وراس ماما ارقصي معاي عمتي : هههه ارقصي مع البنيه يانادية ورقصت مع ماما ومع البنات ودرنا جو يهبل واخر شي فتحو اغنيه سي لا في وبدو ينقزو ويهوسو ماما : خلاص عليهم هاادو عمتي فادية وخالتي : ههههههه كان الجو حلوو هلبا وكنت بنطير من فرررحتي وكل شوي انجي نضبط ماما ماما : عطيتها نبيها تعقل زادت هبلت ياحشمتي وخلاص اني نصفق : هههههه ويافرحة ويش نديرلك *** تجيني والا نطيرلك قعدنا للساعه 12 هكي بالهبال هذا هاجر جاها بوها روحت خالتي وعمتي باتو عندنا اتصلت بوليد اول ماانفتح الخط انفتحت اغنيه بروزت طيفك <<<<<< بروزت طيفــك فــي خَــيالي أمــاني يا مرتســـم ما بين جــفني وعـــيني ما شفـــت مثلك في البشر حَـدّ ثاني انت الوحــــيد اللـّي تحلـِّــي سِـنيني أشـــتاق لك واكــتب شعوري مَعَاني وارسـل لك احساسي ولهفَة حَـنيني وادوّرك .. وألقـــــاك بين المَحَــاني في وســـط قلبـــي مَنزلك يا ضِنيني عايش في كل نبضة غلا في كـياني واشعـــر بحــبك في عـروقي وفيني أحســـد كــلامي لو نطق لك لساني واحسـد على مصافحـك حتى يميني خـــذني غـــرام ولا تفكّـــر تعــاني واشربني حـــب ولا بعــد ترتــويني عيش بعيوني يا غــلا القلب هاني ليلك سمــا جـفنـي وشمسـك جـبيني ودِّي أناظِـــــر فــــي عـيونك ثواني والصمت شاهـد بين شوقــك وبيني ودّي أوقــِّـف في حضــورك زمـاني واوقــِّـف السَّاعَــات سَاعَــة تجـيني أبحــــرت ادوّر في غـَــرامك مُواني واتعَــبْت في مُوجـك وبحرك سِفِيني لا جابتك صدفه .. ولا جـــيت عَاني متى تشوفك يا اريش العـين عيني؟ بروزت طيفك في خيالي اماني يامرتسم مابين جفني وعيني ماشفت مثلك في البشر حد ثاني أنت الوحيد الي تحلي سنيني >>>>> اني كنت نسمع ومبتسمه وعيوني معبيات دموع فرحه اول ماكملت قلت : نحبك ياافرحه عمري نحببك ياقلبي واحلى شي صار في حياتي ياسندي وقلبي وروحي وكل شي بالنسبة ليا وليد : حااسه روحي بنطير ياانوستي من الفرحة انتي توا حلالي ومرتي ولابسة دبلتي مش مصدق مانبيش نفيق منه الحلم هذا ( وجزء من النص مفقود هههههه احترام للقلوب الضعيفه ) ،،،، اما عند هاجر وايمن هاجر : كانو يهبلو هما الزوز ايمن : ربي يباركلهم ان شاء الله عقبالنا ياقلبي هاجر : ان شاء الله يارب ايمن : حبيبتي راهو حتى اني نبي ندير الفاتحه يوم البيان بيش نخش هاجر : حتى اني نبيك انت تلبسني الدبلة ،،،،، نضت تاني يوم الساعه ١ الظهر لان رقدت بعد الفجر تلفتت القيت سارة مقعمزة فاتحة الفيس اني : صباح الخير سارة : صباحية مباركة ياعروس اني شديت المخدة وحذفتها عليها : غريبة ماازعجتينيش سارة : عييت واني نزعج لين يأست منك تقول ميته اني : ههههه لهالدرجة سارة : مش منك للفجر واني نسمع فيك توشوشي اني نضت قعمزت بفزعه : ان شاء الله مش راقده انتي كاسرة ودنك ياحيوانه سارة : هههههه يب سمعت كل شي اني : ياحمارة شن سمعتي سارة : ههههههه الي قلتيه حي ياحي خزي الي مايتحشمو اني : شن قلت ترا سارة : مانقدرش نقول اني : معناها كذابة سارة : ههههه ايه طمني روحك اني : نوضي من قدامي بلعوطة سارة : هههههههه باهي انتي خيرك خايفه شن هدرزتو ترا احكي اني : نوضي من قدامي اني وراجلي انتي شن دخلك سارة : هههههه ايه انتي وراجلك عاد كيف اني : ههههه بطلي تسهويك خيرلك ونضت طلعت القيت ماما كيف راكبه من الدروج : صباح الخير ماما : مسااء النور اني : هههههه باهي ياماما عارفه ظهر تعبانه شن ندير ودرت دورة وصليت ونزلت القيت عمتي وخالتي في المطبخ مقعمزين قعمزت هدرزت عليهم وبعدها تغدينا وقعدنا نهدرزو لليل وروحت خالتي وعمتي جاها ايمن وروحت وهدرزت علي وليد لحد الساعه 2 وهو فرحان تاني يوم امشيت للجامعه حضرت محاضرتي وروحت وامشو الايام عادية ،،،، بعد شهر اني ووليد جونا حلو وبدينا نوازو في اثاث الشقه ونشوفو في صور في النت ايمن يبي يرفع بيان لهاجر ووممكن بعد اسبوعين نوال يتصل بيها محمود كل يوم بس متغير عليها هلبا يعني يتصل يسال علي حالها ويسكر علي طول لو هي اتصلت مايردش نورس يتصل بيها عدنان كل يوم ويستنى فيها علي الاقل تكمل سنتين في الجامعه ويخطب لان هي تبي تقرا طب ماما وخالتي خدو حقهم بالمحكمة وباعو الارض بتاعهم ، اليوم جايه عمتي بيحددو موعد العرس قالي وليد في الصيف بس هما حيقولولي التاريخ ماما : وينهم يانوسه الساعه 7 شكلهم ماهمش جايين اني : والله مانعرف ياماما نتصل بوليد خارج التغطيهرلين نحس في روحي انشغلت شوي ورن فون ماما كانت عمتي ماما : الو ، اهلين فتحيه كيف حالك، ان شاء الله خير ، لالا كيف حالكم ان شاء الله ماصارلكم شي اني رجليا يبسو في مكانهم معاش قدرت نتحرك ماما : لالا ، طلعوه ، عيب يافتحيه المهم سلامه ولدك توا ، الحمد لله ع سلامتكم ياوخيتي ، مع السلامه اني دموعي ينزلو : ماما ماتقوليهاش وليد صارتله حاجة ماما بالله عليك ماما : اهدي مش وليد الي جايبهم اني : كيف امالا منو ماما : قالت وليد صارله شغل جابها ولدها الصغير اسمه محمود دارو حادث والضربة جت جهة ولدها هما كوي... وقط عليها صوت نوال بعييطة : شنوووووووووو ؟ احني لين انخلعنا تلفتنالها اني الوحيدة الي كنت فاهمتها نوال انهارت بكي وطاحت ع الوطا علي ركابها : شن صااارله ياماما صارتله حاجة بالله عليك ياماما ماتقوليهاش ماما بااستغراب : انتي اصلا من وين تعرفيه اني جت نجري اضبطت نوال وقنتها وقلتلها في ودنها : اهدي يانوال خيررك تبي ماما تشك وقمتها وسندتها عليا وركبت بيها ماما : استني وين ماشية بيها تعالي قوليلي وين تعرفيييه انتي اني : خلاص ماما نركبها نفهم منها ونجيك باهي ماما : شن ناويين تجلطوني انتو نرجس : بعيد السو عليك ياماما اهدي تو نوسة تفهم منها وتقولك نورس : خلاص ياماما قعمزي اكيد نوال عندها تفسير اما اني رفعت نوال لداري وسكرتها وهي قعمزت ع السرير واستمرت في البكي وبصوت متقطع : اتصلي بوليد اساليه بالله عليك قوليلي بس كيف حاله شن صارله والله نهبل لو تصيرله حاجة اني : باه اهو تو نتصل اهدي بس ، اتصل بوليد ينادي مايردش نوال : خيرك مايردش عليك حي عليا اكيد صارتله حاجة ارفعيني يانسيبة بالله عليك ارفعيني اني : وين بنرفعك يانوال استهدي بالله تعودي من الشطان باذن الله كويس نوال مستمره في البكي بصوت عالي اني جيت قعمزت جنبها : نوال حبيبتي خلاص اهدي والله كويس صدقيني كان مش كويس عمتي بيكون عندها بال حتى تتصل وتعتذر وبعدين ماما قالت كويس وقالتلها الحمد لله ع سلامته نوال : نبي نشوفه مادخليش اني نبي نتطمن عليه بعيوني اني : نوال مانقدروش راهو اكيد اماليه كلهم معاه كيف تبيني نرفعك وانتي حتى اهني مش شاده روحك شن تبي الناس يشكو فينا يروح للحوش ونمشولهم في حوشهم وصدقيني الما يولي كويس نوال استمرت في البكي قريب ساعه ومن كثر البكي رقدت في سريري غطيتها وطلعت القيت ماما مقعمزة في الصالة ماما : تعالي تعالي اني ( ياربي تو شن بنقوللها الله يسامحك يانوال ع الاقل شديتي روحك شوية ) جيت قعمزت جنب ماما واني منزلة راسي ونفكر شن بنقول ماما : اني نستنى في شرح للدراما الي صارت اني :ماما ... قاطعتني ماما : من غيرر كذب احكي من وين تعرفه اختك ماتقوليليش تكلم فيه بس اني : باه بنحكيلك لكن هي ماتكلميهاش هي مش علاقه يعني مش دايره معاه علاقه قصدي صداقه بس هي ممكن نوال حباته بس .... قاطعتني ماما : حباته شنو شن تقولي انتي قاعده فرخه هي شن تفهم في الدوة هادي اني : ياماما باه نقولو تعلقت بيه كصديق ولما سمعت ماتحملتش ماما : تعرفي اختك صغيرة وقاعده مراهقه وفكوني من الدوة الفاضية انتي لما كنتي تكلمي في وليد اكتشفتك هكي في نفس عمرها وقلتلك قاعده صغيرة ومعاش تكلميه لكن انتي شي راسك يابس وعاندتي واستمريتي تكلمي فيه وعلى ماأظن مش لازم نرجعك لرقده المستشفى والسنتين الكاملات الي تبكي فيهم اني : تو يااماما شن دخل علاقتي بوليد واهو توا الحمد لله حلاله وقاري عليا الفاتحة ماما : ايه وليد صح طلع راجل وخطبك لكن كان جت في حد تاني راك توا تبكي ندم لو كان هذا خوه طلع زيه وجي يخطب في الاخير بااهي اما كان هذا ريحوني من الدوة الفاضيه وصديق ماصديق هدا ماعندناش اني ام ونخاف علي بناتي لو لقدر الله بعد اتعلقت بيه وسيبها تخش في حالة نفسيه اختك اني شن ندير اني : ان شاء الله مايصير الا الخير ياماما خلاص انتي توا مافيش داعي تضغطي عليها ماما : انتي اختها الكبيرة الي مفروض تنصحيها مش تساعديها ع الغلط اني : ماما نوال مادارتش حاجة غلط هي وبعدين هي فاهماته للكلام هذا وبعدين مافيش حد يقدر يتحكم بقلبه ماما : باه كيف حالها توا قاعده تبكي اني : بكت بكت ورقدت ماما : لاحول ولاقوة الا بالله وقعدت مقعمزة جنب ماما للساعه ١ واخواتي رقدو ، وليد مااتصلش بكل كل مرة نتصل بيه مايردش مش عارفه لما تنوض نوال شن حنقوللها واني اساسا مااتطمنتش عليه شوي ورن فوني ، وليد واخيرا : الو حبيبي وليد بصوت تاعب : ايوه ياروحي اني : تطمني ياحبيبي شن صار في محمود ووينك ماتردش انشغلت وليد : الحمد لله محمود كويس مافيه شي وتليفوني لما سمعت كنت متوتر نزلت وخليته في السيارة اني : اها باه الحمد لله علي سلامته ، قصدي شن حالته بالضبط وليد : الله يسلمك ، عنده كسر في رجله و بيبات الليلة في المستشفى وغدوة الصبح يطلع اني : اها هدرزت مع وليد شوية بعدها رقد لانه كان تاعب طمنت ماما وخشت رقدت ، ركبت لداري نسمع في نوال تتكلم في التليفون وتبكي وكانت عاطيتني ظهرها وقفت ع الباب بدون ماتحس بيا نوال وهي تبكي: ماتكذبش عليا يامحمود بالله عليك قولي حالك كيف محمود بصوت تعبان شوية : والله مافيا حاجة كسر في يدي بس نوال : كسر في رجلك ورقدوك اكيد فيك حاجة تانيه محمود : والله مافيا حاجة الدكتور هكي قال مانعرفش نوال تبكي محمود : علاش تبكي باهي والله مانتحمل دموعك خلاص اني مافيا شي نوال تبكي : كنت خايفه تسيبني حتى انت زي ماسيبنا بابا كنت خايفه نقعد من غيرك انت يامحمود من يوم عرفتك بديت نحس بالامان ، عارف يامحمود لما نشوف فيك تلحق في باص المدرسة وتشوفني لما نخش وتولي لما نطلع نشوف فيك راهو انت تحسابني مانندريش بس اني نشوف فيك محمود بصدمه : كيف .. قاطعاته نوال : نحس بيك نحس بانك قريب مني نحس بأن عيونك تراقب فيا مراقبه عيونك تحسسني إني بأمان تحسسني انك مش حتسمح بشيء سيء يصيرلي ، في يوم انت ماجيتش فيه في المرواح هداكا اليوم حسيت باانك مهناش دورتك بعيوني مالقيتكش بس طلعت موصي صاحب الباص عليا ، ليش درت هذا كله ؟ اني نسمع وخلتني نبكي من كثر ماكلامها يقطع القلب محمود في لحظة ضعف : نوال مانعرفش قلبي يقود فيا نوال : قلبك ؟ محمود استاقظ لروحه : بعدين نكلمك خوي جي ومعاش تبكي نوال : باه دير بالك ع روحك سلام سكرت نوال ومسحت دموعها وبعدها ابتسمت علي كلمته الي قالها < قلبي يقود فيا > تلفتت والقتني انخلعت اني قدمت واضبطتها : خلاص توا ارتحتي تطمنتي نوال : هههه ايه رقدت نوال عندي في الدار هداكا اليوم وقعدنا نهدرزو نصحتها شوية نصائح ،،،،، ثاني يوم الصبح روح محمود للحوش وبدو الناس يجوهم لدرجة وليد مااتصلش بيا ماما : في العشية نمشو لحوش امالي راجلك اني نشرب في النسكافيه : الله ياماما مش عاديه كلمة راجلك ههههه ماما : قله حشم اني : ههههههه تي راجلي ياماما نورس : والله ياماما هادي كان تلقى تمشيله اليوم قبل غدوة اني : للتصحيح الدقيقه هادي قبل الدقيقه الجايه نوال تخش للمطبخ وبخوف وهي تشوف لماما : صباح الخير اني ونورس ونرجس : صباح النور وقعدنا نشوفو لماما ماما وهي واقفه جنب الثلاجه وتكلم في نوال : تعالي نوال بتردد وقدمت جهة ماما لين ولت قدامها ماما شبحت لنوال واضبطتها نوال احني انصدمنا ماما : هي تعالي افطرري وبيش تضمو الحوش العشيه نمشو نزورو سلف اختك نوال تبتسم : باهي فطرنا وبعدها ماما قعدت تدير في الغدي واحني ضمينا الحوش وساعدناها وتغدينا وقعمزنا نهدرزو لعند العصر ماما : بتمشو كلكم نورس : اني لا نرجس : ولااني مافيش داعي نوال : عادي ماما نمشي ماما شبحتلها شوية بعدين قالت : بشرط نوال : شنو ماما : بعد نروح نبيك تفهميني بالزبط باهي وانتي فاهمتيني نوال : باه ماما : هي امالا برو وتو روحكم نوال : هياا هي وركبت تجري ماما : احح وخلاص وتينا روحنا كلمت وليد وقلتله نبي نجيكم بس مانعرفش العنوان بالضبط وليد : خليكم نجيكم اني اني : كيف بس مرات ماما ماتوافقش وليد : علاش ماتوافقش اني راجلك توا نص ساعه ونكون عندكم هي سلام اني : ماشي سلام قلت لماما وقالت اوكي وتينا روحنا واني انقت روحي وحطيت شوية كحل وملمع نوال : نسيبة شوفي حلوة هادي اني شفتلها وتلفتت للمراية : حلوة ايه نوال : غير شوفي مافياش حاجة مش حلوة هكي نغيرها اني : نوال خيرك قلتلك حلوة نوال : يااسرك من المرايه شوفيلي شوية بس اني تلفتلها : قلتلك حلوة خيرك والله طالعه طرف بااهي خلاص هكي ارتحتي نوال : ايه توا ارتحت ، حتى انتي سوريتك حلوة بس شن دايره كحل اني : مش حلو نوال : هو حلو محليك بس مش حلوة تمشيلهم وانتي دايرة كحل وملمع ووليد حيديرلك دعكه اني : هو من نتحيه بيدير دعكه بيدير لكن هكي يشوفني صفرا نوال : عادي طبيعتك احلى وهو ديما يشوف فيك علي طبيعتك اصلا مسحت الكحل درت كريم بس ونزلت وشوية وجي وليد درس السيارة ونزل خش للجنان وليد يسلم علي ماما : كيف حالك ياعمتي كيف حال الصحة ماما : الحمد لله بخير انت كيف حالك والحمد لله ع سلامه وخييك وامك وليد : الله يسلمك بارك الله فيك اني نمد يدي نسلم عليه : كيف حالك الحمد لله ع سلامه اهلك وليد وعيونه قلوب : تمام الله يسلمك وقرب من ودني وهمس : شن الحلاوة هادي اني : هههه نوال : كيف حالك يانسيبنا وليد يسلم عليها : هههه اهلين كيف الحال وركبنا السيارة ماما قعمزت القدام واني وراء كرسي وليد ونوال جنبي وليد يشوفلي من المرايه ومسيب السواقه ماما لاحظتها مركزة عليها مش منتبه ونحس فيها حاطة يدها علي قلبها هههه وصلنا وكان حوشهم زحمه رجالة برا وشكله الحوش معبي سبقتنا ماما خشت للحوش واني ونوال في الجنان نمشو جهة الحوش شوي وطلع محمود من الحوش ولما شاف نوال وقف في مكانه كان شاد عكازاته انسند ع الحيط نوال قامت راسها وجت عينها في عينه كان وجهه مخبش هلبا عيونها تعبو دموع وقربت منه : الحمد لله ع سلامتك كيف حالك اليوم اتصلت بيك مارديتش عليا محمود ينزل راسه : الحمد لله بخير خشو تفضلو اني : الحمد لله ع سلامتك يامحمود كيف حالك توا محمود : الله يسلمك الحمد لله نوال قعدت تشوفله وعيونها معبيات دموع وهو ينزل في راسه ويتحاشى النظر لعيونها جبدت نوال من يدها وخشينا قابلتنا منى : اهلين بمرت خوي اني : هههه اهلين كيف حالك الحمد لله ع سلامه عميمه ومحمود منى : الله يسلمك سلمنا وقعمزنا وقعدو يهدرزو ونوال كانت سرحانه في عالم تاني اني : نوال خيرك نوال : ها شي فتحية : هادي كنتي عفاف خطيبة ولدي الكبير وهي تأشر علي بنيه تسلم علي ماما عفاف تسلم عليا : هذا سلفتي والا اني : ههههه ايه كيف حالك عفاف : الحمد لله تمام ماحصلش الشرف وتعرفنا قبل اني : ايه والله ماما : ماشاء الله يعني مزالك ولد واحد بس مش خاطبتيله فتحية : ايه ان شاء الله حتى هو نفكر نخطبله توا ويديرو العرس مع بعضهم نوال قامت راسها وقعدت تشوف لعمتي بصدمه وخوف ماما : ان شاء الله تحصليله بنت الحلال فتحية : موجودة ان شاء الله غير يوافق بسس نوال خنقتها العبرة قعدنا لحد النغرب وكلمت وليد قلتله لو تقدر روح بينا لاني حسيت نوال في اي وقت حتنهار بكي وخاصه عمتي تعاود وتكرر في موضوع محمود وقالت انه تبيله بنت عمه روحنا للحوش ونوال علي طول ركبت لدارها سكرتها عليها وقعدت تبكي بعد اسبوع جتنا عمتي تاني وحددت موعد العرس وكان بتاريخ 11/6 التاريخ الي اول مرة شفت فيها وليد في البحر بديت نطلع ونوتي في روحي وبعد اسبوع بيان هاجر نطلع معاها ونشرو مع بعض وامشو الايام عادي مافيش شي جديد محمود من يوم دار الحادث مااتصلش بنوال وهي مابتش تتصل تحاول تباعد من عليه ،،،،، جي يوم بيان هاجر بايته عندها اني من اليوم الي قبله بعد اذن راجلي طبعا هههه نوتي في روحي قاعده بنمشي معاها للمزين والفاتحة دايرهالها ايمن مفاجئة ماقاللهاش هاجر : تعرفي تمنيت هو الي يخش يلبسلي الدبلة مانعرفش هو الي كان يبي يقرا الفاتحة ويخش فجأة غير رايه اني ماسكة ضحكتي : معليشي اكيد عنده سبب تو يخش يوم العرس وديري كل الي في خاطرك هاجر : اووف باهي هيا نمشو انتي بتسوقي والا اني : ايه هيا وطلعنا امشينا للمزين اني لبست قفطان اسود قصير وهاجر لبست قفطان كريمه ومن فوق فصوص ذهبي وطلعت تهبل زي الاميرة في الفستان قعدنا لبعد العصر في المزين وطبعا في العصر كانو دايرين فضانيه وايمن جاب شيخ وطلب يقرا الفاتحة وبوها وخوها ماعارضوش وقالو عادي وانقرت الفاتحة وهاجر قاعده ماتندريش روحنا لحوش هاجر وانقلب الحوش زغاريت وقعدو يسلمو عليها واني قبلها كلمت ريم اختها انه توصيهم مايقولولهاش وامشي الوقت وبعدها جت عمتي وعليا وسميه وايه واخواتي وماما وحنينه وعمات ايمن ودارو جو بعدها طلعتلهم هاجر وكلهم فاتحين فمهم انها طالعه تهبل نوال : والله صار منك طالعه طرف هاجر : هههه اصلا اني من قبل طرف نوال : خفي علينا وبعدها جي الوقت الي بتلبس فيه الدبلة كلمني ايمن وقال بيخش توا قلتلها توقف علي اساس عمتي بتلبسها بس عمتي قعدت مقعمزة وهي استغربت وشوية ويخش ايمن كان طالع طرف اني : روروروروروري هاجر حطت يدها علي فمها وانصدمت ونفس الوقت فرحانه ايمن يوقف قدام هاجر ويسلم عليها بالخد وبعدين همس في ودنها : مبروك يامراتي هاجر مصدومه وقعدت تشوف لعيونه وعيونها مليانات دموع وفرحانه اني : احم احم هي لبسو الدبلة ايمن يااخد الخاتم ويقيم يد هاجر ويلبسها الخاتم وباس يدها اني : روروروروروري ايمن بصووت واطي وغايض : وودني اني : ههههه عادي انت عريس تحمل هاجر : ههههه لامانبيش عريس اطرش ايمن : معاش فيها توا لااطرش لااحول لااعور الفاتحة وانقرت هاجر بكل حب : نحببك احلى مفاجئة اني بصوت واطي : تي هياا لبسيه الدبلة هاجر اخدت الدبلة ولبستهاله النساوين :روروروري وبعدها قصو التورته وبعدها طلع ايمن ورحت اني معاهم اما هاجر فكانت طايرة وتنقز وترقص في كل الحوش وفرحانه ،،،، مزال شهر ع العرس مرو الاربعه شهور كله جري وتوتي اليوم اخر يوم في امتحاناتي تبهدلت بين القرايه والشري وحتى هاجر عرسها بعدي بشهرين اما ساره عرسها السنه الجايه نورس بدت تقرا في الجامعه وتكلم في عدنان قاعده نوال محمود يتصل مرة بعد وين يسال عليها ويسكر بسرعه وقاعده تشوف فيه كل يوم لما تمشي للمدرسة ولما تروح وامتحاناتهم تبدا الاسبوع الجاي اني خاشه للحوش : السلام عليكم ولوحت روحي ع الكرسي ماما : وعليكم السلام شنو جاوبتي اني : جاوبت ايه واك واخيرا ماما : هيا باهي تغدي وبيش نمشو نحجزو في العشي يوم الحفله اني : وااك ياماما تعبت بروحي نسوق ونرفع ونجيب معاش قادرة نفرق روحي ماما : شن نديرو باهي يابنتي هي اهو ايمن مش مقصر معاك لكن قداش منه ووليد مش مخليك محتاجة لكن الحاجات هادي انتي تبيها اني : حقا نسيت بنقولك غدوة وليد يبي يخطم عليا بنمشو نختارو دار النوم ماما : من معاه اني : هو معاه رحمه بس ياماما راجلي هو راهو ماما : وكان هذا هادي العادات اني وقفت ونحس الدنيا تلف بيا رجعت قعمزت علي طول وحطيت يدي علي راسي ماما : خيررك اني : مانعرفش دخت امشي اليوم عادي وطلعت احجزنا في العشيه في العشي وبعدها سهرت في الليل مع وليد تاني يوم الساعه خمسه خطم عليا وليد ومعاه رحمة وكان تدير في حركات غريبه كاانه مش عاجبها بس مادورتش اخترنا دار نوم حلوة لونها اسود وحجزها وليد ،،،،، فاتو تلاته اسابيع وبعد اسبوع العرس ووووو ..... مزال أسبوع ع العرس نضت الصبح علي صوت تدربيك ع الباب اكيد عرفتوها منو حتى اني عرفتها : ساارة اقلبي وجهك الساعه تسعه شن جابك توا سارة : نووضي عندي جامعه بنمشي توا يااسرك نووم هيااا اني : امشي لجامعتك وريحيني وغميت وجهي بالمخدة سارة تحاول تفتح الباب لكن مسكر بالمفتاح : باه غير افتحي بنقولك حاجة اني نضت لوحت الورغان ووقفت : اووف هاا خشي سارة فاتتني وخشت قعمزت ع السرير : مزال اسبوع علي عرسك وانتي قاعده راقدة اصلا نبيك تطلعي معاي العشيه قفطان الحفله قاعده ماشريتاشي اني : باه كله باه غير اطلعي توا من عليا خليني نرقد راقده الساعه اربعه سارة : ان شاء الله ساهرة مع وليد ياغبيه مفروض معاش تكلميه اني : وعلاش سارة : بيش يستاحشك ياهبلة اني : زعما سارة : ايه معاش تكلميه اني : والله خشتلي الفكرة لراسي توا اليوم نقوله معاش نكلمك ، لكن خايفه نسمع كلامك وتجي علي راسي سارة : شن بيجي علي راسك عاادي اني : باه توا اطلعي لجامعتك وفكيني من ازعاجك سارة : بتولي ترقدي قصدك والله ماصارت نوضي نوضي دوشي وديريلك اقنعه لوجهك يامهبولة اني تلوحت ع السرير : سارة فكيني منك وبعدين اني واخده موعد عند المزينه بتديرلي تقشير لوجهي وهي تو تهتم بيه سارة : حي ياااحي التسعه ونص شن يوصلني للجامعه كل منك ياحيوانه يانسيبة وطلعت تجري اني بصوت عالي : هههههه غير راك تطيحي في الدروج سارة من بعيد : ماتحااولييييش ترقدي حنتصل بيك ليين نعرف انك نضتي طلعت سارة واني تقلبت تقلبت ماجانيش النوم : اووف منك ياسارة وقمت التليفون واتصلت بوليد : الو وليد : ايوه صباح الورد علي حبيبتي اني نبتسم : صباحو فل ، نايض بكري وليد : اييه ماهو امشيت للمحلات درت دورة عليهم وعندي محل جديد نديرله في صيانه درت دورة ع العمال وهكي وتوا بنمشي اني وعماد نسيبي بنشوف بدلة اني : شن حتاخد لونها ترا وكيف شكلها قولي حبيبي قولي وليد : لا تو تشوفيها مزال سته ايام واخيرا حبيبتي بتولي ليا اني بس اني : اني من يوم حبيتك واني ليك انت بس ، ايه حقا بيبي بنقولك وليد : شنو اني : معاش بنتكلمو في التليفون خلاص مزال اسبوع وخليك تستاحشني وليد : تبصري والا اني : لا مانبصرش وليد : حبيبتي راهو والله الا هلبا اسبوع كامل مانكلمكش مانقدررش اني : عادي بعد هالاسبوع بنولي عندك في الحوش وليد : منين جبتيها الفكرة هادي توا اني : آآ هكي فكرت فيها افضل وليد : بااهي ربي يصبرني وخلاص سكرت من وليد ونضت دوشت ودرت قناع لوجهي وقعدنا نتفقدو شن ناقص ماما : الحمد لله معاش ناقص شي كل شي حجزنا فيه اني : ايه الحمد لله تغدينا والعشيه طلعت اني والمزعجه سارة زدت شريت حاجات شخصيه ناقصيني وهي اخدت قفطان وروحنا القيت عمتي وعليا عندنا قعدنا نهدرزو ،،،،، اما في حوش وليد طبعا كان وليد وعبد القادر بيتزوجو مع بعض فتحية واقفه قدام باب دار محمود : تو مش كان حتى انت ربي يهديك راهو زوجتك مع خوتك وريحتني والله معاد عندي جهد ندير عرس تاني محمود متكي علي سريره وشاد التليفون : امي الموضوع هدا كم مرة تكلمت فيه كم مرة قلت اني مانبيش نتزوج كم مرة قلت معاااش تدوولي فييه فتحية : لأمتى بتقعد هكي سايورك بنت عمك حتأخدها بوك والله ماهو متراجع علي كلمته وكان علي عمك كان تقول مانبيش يقيم عليك حتى السلاح يقتلك حط عقلك في راسك محمود : خلاص بنقول لا وخليه يعطيني وحدة في راسي ونرتاح وتتريحو فتحية : الدوة معاك زي الحرث في البحر وطلعت اما محمود خش علي صفحة نوال وقعد يتصفح ونوال القاها مافتحتش اليوم كله خش كتبلها مساء الخير ،،،، نوال كانت تتعشى وصلها اشعار ان وصلها مسج ع الفيس خشت القت رسالة محمود ردت علي طول : مساء النور محمود : كيف حالك نوال : الحمد لله وأنت محمود : كملتي امتحانات والا نوال : ايه حتى النتيجة قريب تطلع محمود : بالنجاح ان شاء الله نوال : ان شاء الله ، شن اخبار عيلتك ( كانت تبي تطول الحديث أطول محمود : تمام يوتو للعرس اهو حايسين نوال : حتى احني حوسة هلبا محمود : شريتي حاجات للعرس انتي نوال : ايه مزالي قفطان الحفله بس محمود : تمام ، كم مقاسك نوال : علاش ؟؟ محمود : شن سؤال بس نوال : 36 محمود : لارد نوال : وانت اكيد اخديت بدلة العرس محمود لارد نوال : الو اما محمود فسكر ولبس حوايجه وطلع نوال قعدت تراجي لين يأست سكرت الفيس وقعدت تغسل معانا في الاماعين وهي سرحانه نورس : نواال شدي هيييي نوال ياهو شدي الصونيه بتطيح مني نوال : ها خيرك تعيطي ها شديتها نورس : ليا ساعه نكلم فيك اني : خلاص ماصار شي ياسر انتي وياها نورس : حقا غدوة عندي محاضرة بنمشي ترفعيني ؟ اني : نورس اكيد تبصري صحح غدوة من الصبح طالعه بنمشي نأكد حجز التورته والنسكافيه نورس : باه وكيف بندير محاضرتي الساعه ١١ اني : صبرك ياربي هي خالتي بايته كان وافقت خودي سيارتها نورس : وكان ماوافقتش اني : بعدين ندبر ونوليلك نوصلك شن بندير نورس : تو بنتحمل الاسبوع هدا بعدها بتسلمي مفتاح السيارة اني : مستفيدة عاد انتي كان تلقيني نمشي اليوم قبل غدوة نورس : حاجة زي هكي هههههه سرور لسارة : حتى انتي امتى بتتزوجي باش نبدا في دار بروحي نوال : ايه علي سيرة الدار من غدوة بنبدأ نحول حاجاتي الدار ليا نورس : عيينك اني بنحول فيها الدار داري صغيرة انتي خودي داري اني : لاانتي لاهي بنسكرها وبنرفع مفتاحها لما نجي اني وصغاري بعدين بنقعد فيها لازم نضمن شي لضنايا سارة : ههههههه غير انتلفي انتي من قبل ماتوصل فيه تفكر في المفرخ نورس جايبة دربوكة :هي ساارة هي نديرو جو نرجس : ايه وراس سارة هيا اني ركبت فوق الطاولة وقعمزت ربعت : هاتي اني تو ندربك سرور : عروسة مطرشقه وبديت ندربك وزغاريت واقلبناها عمتي تخش للمطبخ : تعالو غادي دربكو جنبنا وتتلفتت تشوفني اني ندربك تو في عروسة تدربك في عرسها اني : هههههه اني ياعمتي ونزلت من ع الطاولة واني شادة الدربوكة وماشية وندربك في الطريق ماما : هييييي والله مافيك عقل بكل اني : ههههههه هي ياماما يااميمة العروس تعالي فرحانه واعطااك العالي ماما : غيرر رد بالك تديري ع العار قدام الناس ارزني اني : وووه ياماما شن فيها توا هيااا هيا يديكم ياعيلة سارة : والي مايعرف جونا ان شاء الله ياخد سونا وقعدنا هكي لعند الساعه 12 بعدها خشينا رقدنا نوال قبل ماترقد فتحت الفيس القاته شاف رسائلها ماردش تكنطت بعدين طنشت ورقدت ،،،،، امشو تلاته ايام كله في الجري والتوتي للعرس في حوشنا وحوش وليد اليوم الحنه الصغيرة الساعه 1 الظهر توا كيف روحت من المزين واني خاشه من الحوش عمتي : روروروروري ماما : روروروري وقعدت تبكي واضبطتني اني اضبطتها وقعدت نبكي فكرة اني بنطلع من الحوش وبنسيب ماما واعرة هلبا صح كنت فرحانه بس حزينه اني بنطلع من حوشنا وبنمشي لحوش تاني ومعاش نشوف ماما واخواتي كل يوم وطول اليوم واعرة عمتي تفك ماما مني وهي شاده دمعتها : خلاص يانادية ماتخربيش ع البنت فرحتها ياسر بكي وجتني شدتني من كتافي : شوف ياوخيي العيلة بنتك كبرت وولت العروس وبتدير نسيب ربي يهنيك يابنيتي ويباركلك واضبطتني اني مستمرة نبكي وعرفت شن ناقص فرحتي ناقصها وجود بابا لو كان حي لكان فرحان توا ربي يغفرلك ويرحمك يابابا خشينا الداخل ولبسوني البودري وقعدو يدربكو ويغنو بعدها قعدت نوتي في شناطيا بيرفعوهم العشيه لشقتي نرجس ونورس واقفين علي باب داري ويشوفولي واني نوتي في الشناطي وخلاص سكرتهم اني : خيركم واقفين هكي ؟ نرجس : يعني خلاص نوسة بتتزوجي وبتسيبينا اني خنقتني العبرة : مستحيل نسيبكم اني حتى كان تزوجت حنجيكم ديما وليد حيجيبني نورس : باه كيف نسيبة اقعدي ماتتزوجيش اني : ماتصعبوهاش عليا بالله عليكم نرجس جت تجري اضبطتني ونورس لحقتها اضبطتهم هما الزوز وخلوني نبكي نوال خاشه من باب الدار : خيرر ان شاء الله خيركم فاتحين عزي نرجس تمسح دموعها : نوسه بيرفعو حوايجها يعني خلاص معاش بتقعد معانا نوال خنقتها العبرة بس مابتش تبين : باه علاش توا هدا وليد يحبها وهي تحبه اكيد حتكون فرحانه ، سكتت شوية وقالت : قصدك معاش في انسه ناضلي اني قعدت نبكي ونضحك نرجس وهي تزيد تبكي وتضبطني : ماتمشيش يانوسة ماتمشيش نوال خشت وقعمزت ع السرير وقعدت تشوفلي ونزلت منها دمعه اني شفتها ناضت تجري طلعت من الدار طلعت لحقتها القيت خشت لدارها وملوحة روحها علي سريرها وتبكي اني : نوال نوال تبكي بصوت اني قربت وقعمزت ع السرير وحطيت يدي علي راسها : خلاص تو علاش تبكي مش بتفتكي من الانسه ناضلي نوال قامت راسها شافتلي وبعدين اضبطتني واستمر اليوم كله مرة يبكو مرة يدربكو ورفعو بتاتي وستفوه في شقتي وقالولي شقه حلوة وكبيرة واساسا هي قالي وليد احتمال احتياط بس يعني ممكن بعدها نحولو حنوني ودارو سهرية وامشي الجو حلو تاني يوم جابو كسوة مع المغرب وكنا دايرين زمزامات وخيمه متنقله وجي كل شي حلو وعاودولي حنتي في الليل ورقدنا تاني يوم نضت الساعه 8 ارفعني ايمن للمزين وامشت معاي سارة وهاجر قعدت نراجي للساعه 12 وهو المزين زحمة اني : اووف اعييت ، وشوي ورن فوني كان وليد : الو وليد : ايوه راهو ماتقوليليش كيف اتصلت وكيف خلاص اليوم اصلا بتولي عندي ومستاحشك حتى لو كلمتك اني : ههههه بااهي مش حنقول ، انت وين صوت دوشة وليد : ماشي لااستراحة صاحبي يعني الشباب اهني وهكي اني : باه تمام وليد : حتى انتي صوت دوشة اني : اني في المزين ماتذكرنيش بالله من الساعه تمانيه نراجي وليد : معليشي ياروحي اصبري خلاص هانت ، فطرتي اني : خديت تمرات قبل مانطلع اساسا حاسه روحي متوترة وماعنديش نيه وليد : لكن لازم تاكلي وراك يوم طويل اني : توا حبيبي ماعندي كيف نأكل خلاص تو بعدين ساهل وليد : ذكريني باسم المزين اني : مزين ال ***** وليد : خلاص سكري شوية ونكلمك اني : اوكي سلام شوية وعاودلي وليد : الو وليد : ايوه اسمعي توا في مطعم بيتزا بيجيب بيتزا للمزين باسمك وصيت كولي منها كويس اني : ليش ياحبيبي وبعدين والله ماخاطري متوترة وخايفه وليد : اني راجلك واسمعي كلامي وكولي كويس باهي هي توا بنمشي نحلق سلام اني : شكرا حبيبي ، مع السلامه وبعد حوالي نص ساعه المزينه : وينها حرم وليد مختار اني ضحكت علي حرم وليد وعجبتني في نفس الوقت : اني اني واكليت بيتزا ومعاي هاجر وسارة ووزعت علي البنات الي في المزين في الي اخدو وفي الي مابوش ياخدو بعدها واخيرا جي دوري خشتني المزينه لدار بروحي وبدت تديرلي كملتلي الساعه اربعه واول ماطلعت من الحجرة جو قدامي سارة وهاجر هاجر وهي فاتحه فمها: من هاادي ساارة : والله مانعرف شكلهم بدلولنا عروستنا اني : هههه من غير براده انتي وياها قولولي حلوة والا لا هاجر : الصوت صوت وحدة نعرفها بس الشكل لا سارة : حتى اني الصوت نعرفه لكن الشكل هاديكا مشفشفه وهادي طرف اني : هههه خيزي باه طالعه حلوة والا لا هيا ماتحرقوليش دمي هاجر تشوف لساره : شن رايك انتي ياسارة سارة : والله شن بنقول نقولو الصراحة وخلاص اني : تييي هيااا هاجر جت اضبطتني : طااالعه تهبلي اقسم بالله اليوم وليد يهبل سارة : حولي خليلي مجاال واضبطتني الف مبرووك تهبببلي اني : بالحقا حلوة هاجر وسارة : طررف واتصلنا بايمن ورفعني لحوش خالتي فيلوو بتاعي غادي كان مزال الوقت بكري شرالنا ايمن غدي وقعدنا ناكلو ومع الساعه 6 لبست وساعدوني هاجر وساره وجاني خالي علي رفعني للصالة