سند الأنثى رجل - الفصل 9 - بقلم shosho - مكتملة | روايتك

اني تو نفتح قدمت وقمت الجرس بصوت خايف : منوو .... : اني ياانسيبة ساارة افتحي فتحتلها الجرس : هادي شكلها خالتي اتطمنو خلاص ماما بانت علي وجهها علامات الارتياح وكذلك اخوات ، فتحنا الباب الداخلي وخشت خالتي تبكي وجت اضبطت ماما : شفت ياوخيتي شفتي هداا خونا هكي يدير فيينا الناس التانيه شن تديرر ياوخيتي ماما تبكي : الله غالب علينا ياانعيمه شن نديرو هي انكتب علينا نولو ارامل ونربو يتامى ومن غير مايسندنا حد سارة وسرور خشو وملامحهم خاايفين ومفزوعين الله اعلم شن داير خالي غادي ومن ضاارب حسبي الله ونعم الوكيل نورس : قعمزو ارتاحوو باين عليكم خايفين هلبا ان شاء الله مش حيقدر يدير شي بعدها طق الباب كلنا التفتنا في خوووف سارة : هذا معاد اكيد ينزل في شنطة ماما نورس فتحت الباب : هيييييي خيرررره وجهك شن صاايرر ماما : تعالى ياامعاد تعالى من داير فيك هكي من ضاربك خالتي وسارة وسرور قعدو يبكو معاد : اني كويس ياخالتي ماتخافيش اني جيت قربت منه : كيف ماتخافش يامعاد احكي شن صايرلك خالتي وهي تبكي : هذااا خووي سندي وسند صغاري اليتامى الي مفروض يووقف معاهم ويعطيهم من جيبه مش يبي ياكل حق امهم وزياده يضرررب فيه شووفي ياوخيتي شوفي كيف ضربلي ولدي من عندي غير ولدي بناتي من عندهم غيرر خوهم قرريب قتله يااناادية قريب قتله نرجس وهي تمدلها طاسه ميه : اشربي ياخالتي نورس : هدي روحك ياخالتي معاش ترعشي روحك اني مضبطة ساره لانها ترعش مع بعضها ونوال متضبطة سروور خايفين معاد : خلاص ياامي اني كويس وقعمز ع الكرسي ، بألم : ااااه نسيبة : معاد خليني نرفعك للمستشفى يضمدولك جروحك ومرات في كسر او شي معاد : لالا مافيا شي خليني خالتي : برا سلم وليدي خليها ترفعك اني : خليني نلبس ونجي، ركبت نجري بعدها قمت يدي وشفت اتصال وليد قاعد مفتووح هيييي الوو وليد وليد : ايوه اني : انت قااعد ع الخط وليد : ايه ماقدرتش نسكر خفت يجي خالك ويدير حاجة اني بخوف : يستر الله حبيبي اني توا نبي نرفع معاد اكيد سمعت انه خالي ضربه وليد : كم عمره هدا معاد قصدي شكله كبير من صوته اني : اصغر مني بسنه وليد بضيق : باه غير ردي بالك من الطريق وفكينا من الجري واني قدام حوشكم تو نطلع وراك اني : من امتى انت قدام حوشنا وليد : بعد ماجت خالتك اصلا كنت قريب من جهتكم جيت بسرعه ودرست قدام حوازتكم اني : ربي يخليك ليا ومايحرمني منك قداش ليا ياحبيبي ماحسيتش بزي هالامان قداش ليا فاقداته بس بما انك موجود ديما حنكون متطمنه وليد يبتسم : ديما حنكون جنبك ووعد مش حنسيبك لو مهما يصير وتيت روحي ونزلت ولعت السيارة وامشي معاي معاد وسارة وكان كل مايقعمز ولا ينوشه شي في جسمه يتالم طلعت السيارة من الجنان وبعدها طلعت من الحوازة شفت وليد مدرس قدام الباب بالضبط ابتسمتله على طول ابتسامه فرحه وحب وردلي نفس الابتسامه وامشي وراي اني : احكولي بالضبط شن الي خلى خالي يضربك الضرب هدا كله سارة : حقير هالي مايتحشم ربي يكسرله يديه ان شاء الله عاارفه كان يبي يضرب ماما امشي معاد شدله يده وقاله نكسرلك يدك قبل ماتمس ماما وهداكا قعد يسب ويلعن معاد ماتحملش قعد يرد عليه لين طاح فيه ضرب ومعاد ماقدراشي عارفه ضخامه خالك معاد : والله مامبردهاله حيشووف ولو يحاول يمس لو بضفره بس شعره من امي اقسم بالله نكسرله عظامه تو نعرف كيف نتعامل معاه اني : معاد ماتخليش الغيض والغضب يغلبك تصرف بعقل ورزانه واني ايمن ولد عمتي محامي نوكلوه لماما وخالتي باذن الله ياخدلهم حقهم ونخلوها في المحكمة وزياده نقدمو عليه شكوى معاد : والله يشووف والله ماني بارد لين ندرهاله تو نعرف كيف الما نبهدله اني : هي وصلنا انزلو معاد ينزل وبتالم من كل حركة ومتحمل بالغصب سارة : بالشوية ساير روحك يامعاد معاد : عن شكله الحقير الما يشوف سارة وهي تساعد فيه : ربي يكسرله يديه وليد بعد نزلنا نزل ورانا وقعمز ع الكراسي الي قدام الاسعاف واحني خشينا وبدو يكشفو علي معاد وداووله جروحه وصوروه الحمد ماعنداشي كسر بس عنده جروح وتورم في ووجهه الممرض : ياانسه تعالي معاي للريسبشن بيش تخلصي ان: اوكي ، شوية ونجي سارة وامشيت معاه وكيف فتحت شنطتي القيت وليد قدامي وليد : قداش حساب الانسه ودفع وليد واني نشوفله وخلاص : علاش .. وليد قاطعني : سكري الموضوع كيف حاله ولد خالتك توا اني : الحمد لله داووله جروحه وتو اكيد قريب يطلع وليد يقرب مني : عارفه استاحشتك كان نلقى تو ناخدك نهرب بيك اني : حتى اني استاحشتك هلبا ، حبيبي شكرا علي وقفتك معاي اليوم اني افتقدت الشعور هذا قداش ليا افتقدت وقفتك جنبي هادي وحبك وشعوري بالآمان في قربك ومانخافش واني معاك وليد : اني ديما حنكون جنبك ومعاك ومستحيل نسيبك اني : ربي لايحرمني منك بعدها طلع معاد ومعاه سارة واركبنا للسيارة وروحنا ووصلني وليد لحد الحوش وروح خالتي : شن قالولك شن دارولك طمنوني كيف حالك اني : الحمد لله ياخالتي تطمني هو كويس داووله جروحه عماد : حالي باهي ياامي مافيا شي خلاص نوال : ربي يكسر يديه ان شاء الله سرور : شفتي ياسارة ضرب حتى نوال سارة : هييييي هالي مايتحشم خزي حسبي الله ونعم الوكيل فيه ماما : ربيي يهديه ، تعالو ساره معاد تعشو كيف حطينا نسيبة تعالي عصيده اني : عارفتيني ناكلش فيها ياماما تو ندير حاجة تانيه معاد : ماعنديش نيه صحيتي ياخالتي بنطلع في الجنان اني شوية خالتي : غير رد بالك ماتعبش روحك طلع معاد واني خشيت بدلت ولبست بيجامه وطلعت معاه قعدت نهدرز عليه شوية وهو كان متضايق بكل ويفكر حولت نغيرله جوه شوية ،،،،، اما ساره فااتصلت بمعتصم وقعدت تحكيله وتبكي معتصم : خلاص ياحبيبي والله مايقدر يمس شعره منك اني ديما حنقعد جنبك سارة : خاايفه ياحبيبي خاايفه يسببلنا مشاكل اكثر اليوم معاد قريب مات بين يديه المرة الجايه يموت رسمي بين يديه الغجري وقعدت تبكي اكثر معتصم : علاش ماتكلموش اخوالكم التانيين مش عندي خال اسمه علي وواحد حاتم بالك يقدرو يتفاهمو معاه سارة : خوالي سلبيين ويخافو من خالي هذا هلبا معتصم : ماتخافيش اني جنبك وحنقعد ديما جنبك ومايقدر حد يوصل فيك وقعد معتصم يهدي في سارة وبوجوده خلاها تحس بالآمان ،،،، اتصلت بوليد وقعدت نهدرز معاه شوية بعدها هو كان تاعب بيرقد طلعت اني من الدار قعدت ندور نوال وسرور ونرجس رقدو بس نورس وسارة مع وخالتي في دار المعيشة لوطى مش قادرين يرقدو قعمزت معاهم وقعدنا نهدرزو بعدها ركبت معايا سارة فوق ونورس ركبت دارها وخالتي وماما رقدو في دار المعيشه لوطى ومعاد رقد في الصالون رقدنا هداكا اليوم وكل واحد يفكر وشبه كلنا نفس التفكير شن حيصير مع امهاتنا وخالي ،،، ثاني يوم نضنا الصبح درنا فطور وبعدها ضمينا الحوش وبعدها اتصلت بايمن قلتله لو يقدر يجينا في الحوش وفعلا نص ساعه وكان يشرين ماما : اهلين ياايمن كيف حالك وكيف امك اليوم ايمن : كويسة الحمد لله يامرت خالي خالتي : كيف حالك وليدي كيف حال اميمتك ايمن : الحمد لله كويس بارك الله فيك كيف حال صحتك اني نازلة من الدروج : اهليين ايمن شن اخبارك ايمن : تمام شن في اشغلتيني بصراحة لما كلمتيني اني : قعمز وخلي نجيبلك قهوة بعدها نفتحو الموضوع معاد وهو طالع من الصالون : صباح الخير شن هالدوشة ع الصبح وشاف لايمن واستغرب مايعرفاشي خالتي : الساعه ١ صبح عينك ، شن تحس اليوم حالك باهي معاد وهو قاعد يشوف لايمن باستغراب : الحمد لله اني : اييه معاد هذا ايمن ولد عمتي وخوياا طبعاا معاد يقدم يسلم علي ايمن : اهلين شن الجو ايمن : تمام الحمد لله شن امورك لاباس معاد : لايوريك باس الحمد لله تمام مادورش يابرو اني : ندير قهوة ونجي درتلهم قهوة وجيت فرقت عليهم وبعدها قعمزت ايمن وهو يشرب في قهوته : ماتشغلينيش اكثر يانسيبة احكي اني : مافي شي يخوف ، واحكيتله قصه خالي وكيف يبي ياكل حق ماما وخالتي نبي نرفع شكوى ضده لاسباب التعدي بالضرب والتهديد وعدم اعطائهم حقهم في الميراث نبو نعرفو كم الارض تجيب ويقسموها وماما وخالتي يااخدو حقهم في المحكمة مادام مايبيش يعطيهولهم بالطيب ايمن : تمام مش مشكلة نمشو نرفعو شكوى بتوقيع مرت خالي والخاله نعيمه واني نتولى الباقي والحق معاكم يعني باذن الله مش حتطلعو الا وحقكم عندكم خالتي : ربي يهديك ياوخيي توصل فينا لهالمواصيل ماما : اني عادي نوقع المهم يعطيني حقي نبي نضمن لبناتي ايمن : باذن الله يامرت خالي مايصير الا الي تبوه نمشي اني توا للمحكمة ونكتب الشكوى ونجيبلكم ورقه وتوقعو عليها واني نتكلف بالباقي ماما : بارك الله فيك ياوليدي ربي يعطيك مافي بالك وقطع هالحوار رنه فوني احبهم ليش خلوني ، هجورة ، قمت عيني شفت نظرة خاطفه لايمن كان يشوفلي حتى هو : الو هجورة ايمن ركزز معاي اكثر هاجر : اهلا ياقرردة ويينك معاش تدوري رااهو بعد غدوة جاامعه اني : الحمد لله كيف حالك انتي حبيبتي هاجر : شن تخررفي منين جي هالادب ( خساارة فيها اني نحسن في اسلوبها قدام ايمن وهي لساانها ماسالم منه حد كان نفتح المايك توو نوريها القردة ، نقول فيه في خاطري هذا كله طبعا ) اني : والله اهو شوي مشغولة عارفه عمتي روحت اول امس من السفر وقعدنا بايتين عندها وهكي هاجر : ايمن روح اني : لالا هاجر : علااش اني : الله يسلمك ايه حالها كويس الحمد لله هاجر : من جنبك الي تاخدي وتفترشي اني : اييه هادوكا زبطتيهم هاجر : ايييييييييييييييييييمن اسمعي بنجيك اليوم اني : ههههههههه ماشي امالا نتلاقو والله اني مااعتقدش نقدر نجيك تعالي انتي هاجر : طيري بنمشي نقول لبابا اصلا جاياتك غصبن عنك هي سلام ، طوط طوط سكرت في وجهي اني كملت المكالمة بروحي : ماشي مع السلامه ودرت روحي سكرت ايمن كان يشوفلي ومركز معااي كاانه يبي يعرف اخبارها ماما : ويينها معاش جت هاجر كيف حالها وحال امها اني : الحمد لله كويسة تسلم عليك العشيه ممكن تجيني ايمن يبتسم بلهفه : قااعده مطرشقه اني : ههههه شن بيغيرها قاعده مش حتعقل لين تتزوج ايمن يقرن حواجبه ويحاول يغير الموضوع : ماشي اني توا يامرت خالي خلي نمشي عندي جلسة محكمة توا ماسك قضية نكملها وبعدها ندير الشكوى والعشيه نمر عليك خالتي : صحيييت سلم وليدي ربي يبارك فيك ويعطيك بنت الحلال ياربي ايمن : مش بجميلي ياخالتي تبو اي حاجة تفضلو ماما وخالتي : بارك الله فيك ايمن : هي السلام عليكم معاد : مشكور يامان في حفظ الله اني لحقته طلعت وراه : ايمن ايمن يتلفت : نعم اني : متاكد ان شاء الله يربحوها ويااخدو حقهم ايمن : باذن الله اصلا الحق معاهم هما اني : ان شاء الله . بتجي بعدين العشية ايمن : ان شاء الله تو نمر عليكم اني : سلملي علي عميمه ايمن : اا نسيبة اني : شنو ايمن : تزوجت هاجر ؟؟؟ اني : لالا قاعده ايمن بفرحة : باه تمام سلمي عليها اني ابتسمت : يوصل مع السلامه روح ايمن واني طوول اتصل بهاجر وقلتلها الي صاار هاجر : بالحقااا ووووه خشييي ، اسمعي اسمعي قوليلي شن نلبس بعدين لما نجيك اني : هههههه اي شي مافيش حد براني هاجر : من غير تسهويك تكلمي اني : ههههههه البسي بلوزتك النمر مع الجاكيت الاسود هاجر : مااشي هي بااااي ،، طووط طوط سكررت اني : والله الما نوريها عليها الحركة هادي هالمعفنه ،،،، في حوش وليد كانو مقعمزين كلهم بعد تغدو وليد شاد وليد الصغير ويلعب فيه بوه مختار : يشبهلك ياوليد زيك لما كنت صغير وليد : ههههه ايه صح قارنت صورته بصورتي تقول اني منى : ان شاء الله يكبر ونشوفه زيك وليد : ان شاء الله محمود : ينااري عليا اني ماد سمى علي اسمي وماحد يشبهلي وماحد يتمنى يكون زيني لكن عاادي لاني اصلا فرييد من نوعي وصقع علي جماعه التقليد واشر بحواجبه علي وليد وليد : مافيش حد يبي يكون زيك للاسف محمود : ماهو قلتلك صقع عليكم رحمة : في شنو ياحسرة طولة اللسان والا الشيونية والا الطياشة والا الغجرية مافيك شي يتمناه حد محمود : مش حنررد علييك مانبيش نحرجك بس راهو امهم فتحيه : بطلي يابنت وخيره خوك ماشاء الله عليه زي الغزال مامن بنات يتمنوه بنات عمه بيموتو علي شبحة منه غير ايشريلي بس غدوة نمشي نخطب احلى وحدة فيهم والا شن رايك في بنت اختي عواطف غزاله ماشاء الله عليها وعقل ورزانه ومعروفه تبيك محمود : منوورة ياحاجة ، لكن بنات عمي فوتيهم وعواطف طلعيها من راسك مختار : وخيرهم بنات عمك ياولد برا خود منى ماشاء الله عليها تربيه وعقل ورزانه محمود : يابووي اني مانبيهاش مش بالغصب واني نعتبر فيها زي رحمة اختي رحمة : حشاني اني احلى منها هالشينه فتحيه : وخيرها عوااطف بنت اختي محمود : وااااك اني جاي بنقعمز بنهدرز بنستريح ماعيييتوش من هالموضوع قلت مانبيش يعني مانبييش خلاااص لابنت اختك ولاانت بنات خووك مانيش متزووج تريحو ،وناض متعفلق وطلع وقربع الباب علي قوته وليد : ياامي خيركم عليه خلوه براحته هدا زواج خلوه يختار الي يبيها مختار : اني الكلام هذا مايمشيش معاي اني من لما صغير خاطبله منى بنت عمه وليد : يابوي هو مايبيهاش ويشوف فيها زي اخته وبعدين هي حتى في العمر اكبر منه بسنتين فتحيه : امالا شنو يااخدها يكلم فيها في التليفون ليل نهار مايمشيش معانا الجو هذا احني ايووه وحتى انت راهو غير كنت مسافر كان محمود مايبيش عواطف خودها انت وليد : اني توا طالع السلام عليكم ونااض طلع وخبط الباب نفس خبطة محمود اتصل بيا كنت واقفه نغسل في الاماعين مسحت ايديا ورديت : الو وليد بصوت متضايق : ايوه اني طلعت من المطبخ : اهلين حبيبي كيف حالك وليد : الحمد لله شن اخبارك انتي اني : تمام خيره صوتك كاانك متضايق والا كيف نايض من النوم وليد : لالا عادي الامور تمام ن صار معاكم اني : نبيش نحكي ليش تقولي خيرك وليد : نسيبة قلت الامور تمام اني : بس صوتك مايدلش علي ان الامور تمام يدل علي انك متضايق احكي حبيبي وليد بعصبيه وتكشيخ : قلناا الامور تمام ليش تعلقي اني متصل بيك بنغير جوي ونبي نتطمن عليك ونهدرز عليك لاني لما نهدرز عليك يتغير جوي مش بيش تسالي وتعفلقيني لما نقول مافي شي خلااص اسكت ماتقعديش تشدي الززفت اني خنقتني العبرة والدمعه حصلت في عيني ومارديتش ولا كلمة وليد :الو نسيبة اني لارد وليد : نسيبة الززفت ردي الززح اني لارد وقعدت نبكي من غير صوت وليييد : نسسسيبة اني رشفت خشمي : ماما تنادي عليا نستاذن وليد : وااك نسيبة خلاص والله ماقصدي بس هكي متعفلق وانتي زدتيني اني بصوت يرعش واضح انه نبكي : عادي سلام وليد : نوسة حبيبتي خلاص اسف باه اني لارد وليد : حبيبتي والله ماقصدي بالله عليك معاش تبكي مانتحملش دموعك اني اني انهرت بكي بصووت وليد : نوووسة حبيبي وراس نوستي خلاص اسسف ياعمري والله معاد نكشخ عليك خلاص اسسس بلاش بكي اني بصوت متقطع : اني بس انشغلت عليك ليش تكشخ عليا وليد : اسف مش قصدي والله اسف اخر مرة خلااص هياا نوستي معاش تبكي تعرفيني قلبي رهيف مايتحملش دموعك مع ان راهو لما تبكي تولي حلوة اني : هييي شن قصدك يعني اني شينه وليد : معقولة اني قلت هكي انتي احلى وحدة في الدنيا كلها يامشفشفه ، ااه يانوسه انتي احلى حاجة صاارت في حياتي وانتي الي محلية حياتي اصلا انتي الي مخليا قلبي ينبض ، قلبي في كل نبضة ينادي بااسمك وبحبك غبت عليك سنتين القيت قاعده مخلصه ليا وتحبيني زي قبل واكثر ، نحبببك يااوردة حياتي اني مبتسمه ونسمع فيه وفرحانه ولاكاانه كشخ عليا قبل شوية وليد : الو نوستي اني : عيونها وليد : خلاص يعني سامحتي حبيبك المسكين اني : مانقدرش نطول في زعلي منه وقعدت نهدرز اني ووليد وهو يسمع فيا في احلى كلام قصيته علي خاطر مشاعركم بس ،،،، الساعه 6 توا وقاعدين نراجو في ايمن هاجر جتني قبل شوية قاعده نهدرز اني وياها وعقلها مش معاي بكل حتى هي ليها سته شهور ماشافتش سمح الزول الحب ياحنه ومايدير هاجر تاخد وشاحها : خلينا نقعمزو في الجنان اني برفعه حاجب : شن صاير بتقعمزي في الجنان هاجر : براده على فكرة انغميت اهوي ونبي نطلع نقعمز برا اني كيف بنرد عليها رن فوني ، ايمن شفت لهاجر شوية هاجر : منو اني : الو ايمن : نسيبة اني قريب نوصل فيكم خالتك قاعده عندكم والا اني :ايه قاعده نراجو فيك ايمن : نص ساعه ونص سلام اني : سلام هاجر : جاي اني : ارررزني سارة : ههههههه خليها ياحنه وبعدين عندها حق ولد عمتك طرف هاجر : هييييي ومن وين شفتيه قصدكم يسلم عليكم اني غمزت لسارة : اييه علاش لا زي اخواته هاجر قرنت احواجبها : باهي سارة : هههههههه نبصرو عليكم يامهبولة بس هو تعرفيه ديما عند خالتي واحني مرات نتقابلو معاه في الباب ياخاش ياطالع هاجر : ههههه باهي اني : ختشة ممكن كان اني مش اخته بالرضاعه راهو حرمتيه عليا هاجر : لالا انتي ضامناتك وليد متربع علي قلبك وعيونك وعقلك سارة : حتى اني تطمني خطيبي واخد كل شي هاجر : ايه حقاا نسيت نباركلك الف مبروك سارة : الله يبارك فيك عقبالك انتي وايمن هاجر رفعت يديها فوق : آمين وطوولتها اني : هههههه ان شاء الله باللطف هي نوضي نطلعو في الجنان هاجر : هي هي وشاحي مساوي اني : مسااوي غير هياا سارة بتطلعي سارة : لالا بنكلم معتصم توا طلعت اني وهااجر وهي متوترة تقول يوم زفتها اني : اررخي روحك تقول بنزفوك اليووم هاجر : ههههه ياريته اني : قلة حشم تقول ماما بنات اخر زمن هاجر : خيرره عطل وماكملتش جملتها لين الباب شرين هاجر تواسي في وشاحها : مساوي طالعه حلوة اني : طالعه تهبلي غير اهدي فتحتله نورس من داخل وهو خش قابلاته هاجر علي طول وجت عينها في عينه اني نتفرج عليهم مش حنخش طبعا ونخليهم بروحهم مش مضمونين ههههه ايمن يقدم : السلام عليكم سلم عليا بعدها مد يده لهاجر هاجر توقف وتمد يدها تسلم عليها ويديها يرعشو : كيف حالك ايمن : الحمد لله كيف حالك انتي وشن اخبار صحتك هاجر : الحمد لله تمام الحمد لله ع سلامتك وسلامه مامتك ايمن : الله يسلمك بارك الله فيك ويوو وقاعدين يديهم في يدين بعض طبعا تي والله مايتحشمو لازم نخربها اني : احم احم شن صار ياايمن ايمن يفك يده ووجهه ولى احمر : ها الامور تمام وين مرت خالي اني : الداخل هي وخالتي يراجو فيك في دار المعيشة ايمن : باه شوفيلي الطريق بالك بنات خالاتك اني خشيت خششته وطلعت القيت هاجر قاعده واقفه وسرحانه وتشم في يدها اني : الوو هاجر هاجر : هاا شمي بنه عطره تهبل تذوب يانسيبة اني : ارزني تعرفي واضح من لما خش وانتي في عالم تاني وسرحانه وذايبة ذوبان هاجر : مش مني شوفيه كيف محلو مولي يهبل ووك عليا ياانسيبة وطاحت ع الكرسي وقاعده متضبطة يدها اني : اني بنمشي نشوف شن صار خليك في هيامك وخشيت قعمزت جنبهم ايمن : هادي الورقه وقعو اهني ووقعت ماما وخالتي ايمن : غدوة بنرفع الورقه هادي للمحكمة وبالنسبة علي قصه الاعتداء نبيك تمشي معاي غدوة يامعاد معاد : مافيشي داعي المهم حق امي وخالتي واني عادي الطريحة وحصلتها ايمن : لا لازم غدوة نمر عليك عطيني رقم تليفونك معاد : تم سجل عندك بعدها روح ايمن خشيت لداري القيت هاجر مضبطة المخدة وجنبها سارة ميته ضحك اني : شن صاار في غياابي شن درتي من فالطة هاجر : وااك يانسيبة يهبل يهبل وهو طالع اني كنت واقفه جنب الغرس وكان في اميه قريب زلقت شدني هو ماخلانيش نطيح وكنت قريبة منه ، وزادت اضبطت المخدة يهبببل يهبببل يهبببل قالي بنتصل بيك بعدين حي عليا نحبببه اني وسارة : هههههههه ربي يلطف وقعدو نهدرزو مع هاجر لين روحت واول ماخشت للحوش رن فونها رقم غريب عرفت انه ايمن خشت لدارها تجري سكرتها والمكالمه الاولى مابتش ترد عليه التانيه لما قريب يفصل ردت : الو ايمن : الو اهلين هاجر : منو معاي ؟ ايمن : اني ايمن هاجر : اها اهلين ايمن سوري كيف حالك ايمن : الحمد لله ان شاء الله ماازعجتكش هاجر : لالا بالعكس عادي ايمن : شن دايرة هاجر : تمام ايمن : في موضوع نبي نحكيه معاك هاجر : تفضل ان شاء الله خير ؟ ايمن : ......... ايمن : الو اهلين هاجر : منو معاي ؟( تدير في الجو ) ايمن : اني ايمن هاجر : اها اهلين ايمن سوري كيف حالك ايمن : الحمد لله ان شاء الله ماازعجتكش هاجر : لالا بالعكس عادي ايمن : شن دايرة هاجر : تمام ايمن : في موضوع نبي نحكيه معاك واسمعيني للاخير هاجر : تفضل ان شاء الله خير ؟ ايمن : من الاخير ياهاجر ماعنديشفي اللف والدوران بصراحة عاجبتني من اول مرة شفتك فيها واقعدت اناشب فيك واول ماعرفت انك خطبتي سافرت لامي وطول السته شهور واني نفكر فيك ماغبتيش علي بالي بكل ماكنتش نؤمن بالحب من اول نظرة بس توا جربته حبتك من اول مرة شفتك فيها في حوش خالي هاجر فرحانه بتطيرر تسمع وخلاص ايمن : انتي شن رايك ؟ هاجر ها اه اكيد، بعدين استاقظت لروحك احم قصدي خليني نفكر فاجئتني بالموضوع انت ايمن : ههههههه اكيد خودي وقتك هاجر : تو ليش تضحك ايمن : هههههه لاني نحبك يامطرشقه هاجر وجهها ولى احمر وردت تلقائيا : حتى اني ايمن : شنو حتى انتي ؟ تحبيني قصدك هاجر : ايه ها لا ايمن : ههههههههه باه خيرك هاجر : ها لاشي ( الحقيقه انها كانت ذايبه من صوته عليك هبله ههههه ) ايمن : ههههههههه باه نحبك اني ( محصل جو الخايب ) هاجر : ها باه معاش تضحك ايمن : هههههههه انتي جو عليك اول مرة نشوفك هكي قبل نبي تردي علي طول ولسانك ملوي علي رقبتي اليوم كله سرحانه من لما جيت امبكري شفتك هاجر حطت يدها تشم فيهاا : مانعرفش عادي ممكن تعبانه شوي ايمن قرن حواجبه: خيرك شن في تحسي في شي مريضه ؟؟؟؟ هاجر تبتسم : لالا كويسه تمام واستمرت الهدرزة بيناتهم وهاجر قاعده علي نفس الحالة مسبهة وسرحانه وتشم في ريحته في يدها ،،،، وفي نفس الوقت كنت اني نهدرز مع وليد وليد : حبيبتي حقا راهو ممكن غدوة نفتح الموضوع مع امي نجي نخطب اني : بالحق حبيبي وليد : اييه معاش نقدر نصبر اني معاش نقدر نخليك بعيده عليا اكثر اني : نحبببببك وليد : ياحليلي وخلاص ، بعدها تنهد تنهيدة ضيق وقال : غدوة بنفتح الموضوع مع امي اني : ان شاء الله بجد حبيبي فرحت وليد : دووم فرحانه يارب اني : حقاا امتى بتكمل علاجك حبيبي ماتهملش روحك وليد : ان الله الاسبوع الجاي في مركز علاج طبيعي بنمشي نشوفه ونرفع تقرير الدكتور ونبدا فيه ان شاء الله اني : بااه ان شاء الله ،،، هاجر : عارف الوقت تاخر هلبا الساعه 2 توا ايمن : نتمنى مانسكرش منك للصبح بس يلا نخلوك ترقدي واضح انك تعبانه هلبا هاجر : شي زي هكي ( تسترزن قااريتها قرايه اني حافظتها بلعوطة ) ايمن : خلاص ليلتك سعيدة هاجر : ليلتك اسعد تصبح ع خير ايمن : وانتي من اهلي هاجر : ههه سلام سكرت وقعدت تشم في ريحة يده وذاايبه حالتها حالة ،،،، ساارة : نووضي هياااا الساعه 10 وجبدت الورغاان اني : اوووف نفاااخه هاااتي الورغاان سارة تفتح فيالروشن : لااا هيااا نوضي افطري معاي اني : جعنك معاد فطرتي هاااتي الورغااان خير مانوضلك سارة : نبيك تنوضي اني اصلاا ووقفت هالباب وقعدت تدربك وروروروري اني : واااااك خلاص اقلبي وجهك نضت سارة : ايوه شاطري تعجبيني اني : اوف هالنفاخه ونضت طلعت من الدار القيتها في دار نرجس ونوال وراقده معاهم سرور سارة : نوووضوو هيااا ووقفت ع البباب تدربك هيااا ياناشطاات هياا نوضوو الساعه ١ (بلعوطة ) نوال شذت الفياق وحذفاته عليها : اقلبي وجهك خيرلك نرجس : اوف ياسارة بنرقدو رقدنا متاخر سرور ناضت متعودة عليها ديما هكي سارة : نجييلي اختي الناشطة الي تنوض علي طول سرور : لاني عارفاتك نفاخه ومش حتمشي لين انوضو انوض خير من زيادة نفخ وطلعت اني : ههههههه اقسم بالله عندها حق اكبر نفاخه نرجس : مابعد معتصم في الحصله الي حصل فيها نوال : تحسابيها مععانا حني بس تو بعدين تبدا زي النعجه تنوض فيه برقه وبدلع الغجررية في وجوهنا بس سارة : ههههههه اهو تفهمي في الجووو ورجعت تدربك هياا هيا نوضو هيا هيا نوضو ونضنا كلنا من دوشة سارة نزلنا فطرنا بعدها ايمن كلم معاد وخطم عليه امشي هو وياه واحني ضمينا الحوش وقعدنا نراجو في خبر منهم ،،،،، اما في حوش وليد وليد : امي في موضوع نبي نكلمك فيه فتحيه : شنو ان شاء الله خير وليد : نبيك تمشي تخطبيلي فتحيه : روروروري هالنهار المبارك خليني نمشي نكلم ناجية والعشيه نمشو ناخدو عواطف وليد : امي اني عواطف مانبيهاش نبي بنت تانيه فتحيه : وخيررها بنت اختي ومن هي هالبنت الثانيه من وين جايبها خوك داير مافي راسه ولايبي لاعواطف ولا منى وانت بتدير زيه حتى انت احني ماناخدوش من البرانيه وعندها بنات زي الوردات شوفو خوكم الكبير قلناله بنخطبولك ماتكلمش حتى كلمه وهونا عرسه قريب وليد : امي اني مانيش زي عبد القادر اني مانبيش من العيله في بنت بنت ناس ومحترمه ونبي نخطبها فتحيه : الضنوة ضنوتي والفعل ماهو فعلي بنت منو هاادي وليد : تتذكري الراجل الي قتلوه لما انصبت اني هادي بنته وسالت حتى علي العيله كلها مافيش حد ذمهالي ياامي فتحيه : اني قمت يديا منكم ومعاش دخلني فيكم براا هونا كلم بووك قوله وليد : ماهو لازم انتي توافقي مانقدرش ندير حاجة من غير رضاك فتحيه : بشرط نمشي نشوفها قبل كان شينه وماعجبتنيش ماتحلمش تاخدها ليا راي حتى اني وليد : متاكد انها حتعجبك فتحيه : باه برا ادوي لبوك وان شاء الله يصير خير وليد باس علي راس امه : ربي يخليك لينا ياغالية بعدها طلع امشي لبوه لقاه فايق : السلام عليكم كيف حالك توا يابوي مختار : وعليكم السلام باهي الحمد لله تعال قعمز جنبي وليد يقعمز : بوي نبي ندويلك في موضوع مختار : قول وليد : نبي نخطب يابوي شقتي كامله ونخدم وتوا بنشري سيارة جديدة وعمري هداكا هو مختار : مباارك مقدما خليني نكلم عمك ناخدو بنته ريحانه وليد : يابوي اني مانبيش من العيله مختار : كيف ماتبيش من العيله قصدك تبي برانيه وليد : ايه مختار : جديد هدا الكلام مايمشيش معانا ياوليد احني ماناخدوش من برا وليد : يابوي اني بنات عمي نشوف فيهم زي اخواتي وربي يعطيهم نصيبهم وبعدين شوف اهو عبد الله ولد عمي جمعه واخد برانيه وبنت ناس ماشاء الله عليها وشفت نساباته في عزومة ولده وانت بروحك شكرتهم ناس حقانيين وماشاء الله عليهم مختار : وانت تندري علي روحك كيف تطيح فيهم وبنت منو هادي وليد : بنت عبد الظيم ******* هدا الي قتلوه لما انصبت يابوي مختار : وسالت عليهم انت وليد : ايه سالت وسالت حتى ع البنت وماعابوليش حتى حاجة فيهم ناس ماشاء الله عليهم مختار : وليد راهو زواج عشرة عمر لازم تعرف تختار صح تعيش صح وليد : باذن الله اختياري صح ، شن قلت يابوي مختار : توكل علي الله وارفع امك وليد يبوس علي راس بوه : ربي يخليك لينا ياحاج ويطول في عمرك وطلع وليد والدنيا مش سايعاته ركب لسيارته واتصل بيا على طول اني : الو وليد بفرحه : ايووه اني : اهلين وليد : احم هل يمكنني ان اتكلم مع السيدة نسيبة عبد العظيم اني : ههههه نعم تفضل ياسيد وليد : لقد جئتك وانا انتظر هذه اللحظة فرحتي لاتسعني ابدا اريد ان أن اخطفك واهرب بكي الى مكان لايوجد بيه احد احضنك و... اني قاطعته : ولييييد صاايرتلك حاجة حرارتك مرتفعه وليد : سبحان الله تدير روحك رومانسي وبتقول كلام حلو يحسابوك مريض والا صاير حاجة اما انتو الليبيات نكديات درجة اولى اني : هههههه خف عليا يارومانسي ماهو انت حسيتك بديت تاخد وتعطي وليد : اني قبل بنقول .... اني قاطعته : مانبيش نعرف وليد : سبحان الله عقلك وين امشي توا هي اني : قاعد في مكانه وليد : لاوالله ديما ماشي يسار اني قبل بنقول نطير بيك ونوريك الزهور والمناظر الطبييعيه اني : ههههههههههه ايه بالضبط حتى اني فهمت عليك وليد : عقل مسوس يالطيف اني : هههههه في عييينك بارد على فكرة ، باهي قولي سبب الفرحة وفرحني معاك وليد : نبي نتلاقى معاك نقولك في التليفون ماتمشيش اني : مانعرفش مش حنطلع اليوم وليد : غدوة اني : هو عندي جامعه غدوة لكن ماتحلمش نستنى لغدوة قولي توا وليد : لالالا نبي نشوفك اساسا استاحشتك ومنها مش تبيني نفرحك غدوة نجي نقولك اني : لاوالله وليد مانقدر نصبر لغدوة مانرقدش الليل كان هذا وليد : هههههه قصقاصه يالطيف اني : تي غيرر قول هياا من غير براده وليد : ستكونين لي فقط وترتدين خاتمي في اصبعك الايسر وازفك بالابيض كملكة ترتدي تاجا جميلا اني : مولي شااعر لحظة قصدك قصدك حبيبي وليد : بالضبط اني : بجددد بيبي وليد : اعطيني موعد تقدر تجيكموفيه امي والا هاتي رقم تليفونك امك وخليها تتفاهم معاها اني : تماااام تو نبعتلك الرقم بعديييين ، حبيبي مش مصدقه بنطير من الفرحة وليد : حتى اني ماتشوفيش فيا نشعر من بكري اول ماوافقو كلمتك طوول ياقلبي انتي وقعدت نهدرز معاه وبعد سكر اضبطت الفون وبعدها فتحت اغنيه هيفاء فرحانه فرحانة حبيبي قلبي ما صدق لقاك .. دلوقتى حاسة بأمااان ان شاء الله اعيش عمرى كله معاه.. عمرى ما هبعد مهما كاااان الواحدة من الدنيا تتمنى ايه غير حد ترتاح معاااااه .. يبقى حبيبها شايلها فى عينيه ويحلى معني الحياااااه فرحانة الليلة انا فرحانة كل العيون شايفانا مبسوطة متلخبطة ومكسوفة اساسي حاجة معروفة .. شوف اد ايه حوالينا انا من النهاردة خلاص كلى ليك .. وانت حبيبى الوحيييد نسينى روحى وانا بين ايديك .. جوايا احساس جديييد معقولة كل اللي انا حلمت بيه .. قدام عينيا خلااااص حبيبي جنبي وعينيا فى عينيه .. الله على ده احسااس فرحانة الليلة انا فرحانة كل العيون شايفانا مبسوطة متلخبطة ومكسوفة اساسي حاجة معروفة .. شوف اد ايه حوالينا وقعدت نلف في الدار وانقز وفرحاانه سارة خشت : ان شاء الله خيرر اني جيت اضبطتهااا : معقولة كل اللي انا حلمت بيه ،، قدام عينيا خلااص ،، حبيبي جنبي وعينيا في عينيه ،،، الله على ده احسااس ،، فرحانه الليله انا فرحانه ، وقعدت نلف في الدار ونرقص سارة : تي شن في ياهبلة اني : وليد بيجيب اماليه بيخطبني وووه واخيراا ياااسارة سارة : الف مبروووك ياااقلبي ان شاء الله يولي من حلالك يارب ماشفتيش شوية اني : ان شاء الله يارب بنمشي نصلي ركعتين شكر لربي الحمد لله وعيوني تعبو دموع سارة : لالا الا هاادو خلاص الحمد لله ربي فرحك بعدها هذا كله ليش الدموع اني : حاسة كااني في حلم مانبيش نفيق منه بعد كل هالمعاناة سارة : ربي يفرحك يارب واضبطتني فرحتلك كلبة اقسم بالله ،،،،، اما نوال فكانت مقعمزة وصلها مسج << نقدر نتصل بيك >> قعدت شوية وردت << عادي >> اتصل على طول : الو محمود : اهلين يالطرف نوال : بنبدو محمود محمود : باه اهلين يالشينه نوال : شينه عينك محمود : مااهو بنقول حلوة والا طرف نخاف تطلعيلي من الفون نوال : اني حلوة وطرف عارفه روحي بس انت مافيش داعي تقول محمود : باه ها سكت ياام لسان ، قوليلي شن جوك نوال : تمام وانت محمود : اهو ماشيه شن دايرة نوال : عندنا خالتي كنت مكسدة مع بنت خالتي محمود : شن اسمها ؟ نوال : سرور محمود : اسمها حلوو ، باه هي حلوة والا شينه نوال تكنطت : ماانعرفش اسالها بروحك وهي سلااام محمود : تي غير خيرك وسعي بالك نوال : لما تتكلم كويس اتصل وبعدين انت مش محتاج بنت خالتي عندك ماشاء الله ماينعدوش واكيد كلهم حلو لانك باين تشوف للشكل هلباا ومادام هكي تفكيرك معاش تتصل بيا اني مش زي البنات الي بالهبل عندك لو هما تلعب بيهم اني مش زيهم ، مش زيهم فاااهم محمود : ياريت تنقصي صوتك اول شي تاني شي اني ماقلتلك شي لدرجة يخليك تنبكي فيا هكي كنت نبصر لااكثر وبالنسبة لقصه بنات مابنات ياريت معاش تعااوديها هادي لان صديقاتي في الفيس زوز بس والباقي يبعتو في طلب ونقبل اني وياريت يانوال توزني كلامك قبل ماتطلعيه اني مانيش من الي يلعب ببنات الناس ويديرهم بجو الكسااد نوال حست بكلامها غلط وانفعلت : اوكي اوكي اسفه مش قصدي بكلامي بس انت عفلقتني وخليتني نقول كلام خارج عن قصدي محمود : مااصار شي ، بس شنو القصة تاني مرة تجيبيلي سيرة بنات مابنات لهالدرجة تغاري نوال : ليش بنغار ماعندي علاش بنغار عادي اصلا شن الي يخليني نغار محمود : ههههههه اها بالزبط نوال : شن يضحك محمود : ههههه انتي تفترشي في الكلام نوال بتعفليق : باه خلاص ساد ضحك محود : حاضر ها ههههههههه خلاص خلاص ماقدرتش نمسك روحي نوال : لو تضحك تاني نسكر محمود : خلاص باهي انتي خيرك متعفلقه نوال : ماخيرنيش وبطل تسهويك محمود : باه ها سكرنا الموضوع ،قوليلي امتى تبدا المدرسة نوال : الاحد محمود : ووتيتي روحك نوال : لامزال محمود : مزالك يومين بس شن تستني نوال : صارو شوية ظروف في الحوش ونسيبة هي الي بطلعنا التهينا بيها ممكن بعدين العشية نذكرها محمود : شن في ان شاء الله خير ؟ نوال : مانبيش نشغلك مشكلة وان شاء الله حتنحل محمود : شن تشغلي ماتشغلي هادي احكيلي بالك نقدر نساعدكم نوال : هذا ..... احكتله القصه كلها واحكتله حتى كيف ضربها كف محمود : كيييييف يتجرأ يمد يده اعطيني اسمه بس اقسم بالله نكسرهاله ونكسرله عظامه كلهم نوال غلبتها دمعتها وقعدت تبكي محمود : تبكي قصدك نواال بالله عليك امسحي دموعك والله نقتله قتل هالحقير ولد ال..... استغفر الله ياربي نوال من بين دموعها : عمره ماحد مد عليا يده حتى من بابا الله يرحمه محمود : والله نكسرها يده الي خلت دموعك ينزلو خلاص وراس نوال عيوني بطلي بكي نوال سكتت بعدين قالتله : عيوني ؟؟؟ محمود تنهد : ديري روحك ماسمعتي شي نوال : اوكي محمود : المهم انتي توا ماتضايقيش روحك وكل شي ينحل باذن الله ،،،،، سمعنا صوت الجرس نزلت اني وسارة ونورس وسرور نزلو نوال : محمود اني بنسكر توا ايمن وعماد اكيد جو خليني نشوف شن صار محمود : باه البسي حجاب قبل ماتطلعي نوال : نعم محمود : شنو نعم ايه البسي هما كبار وانتي مش صغيرة نوال : نتكلمو بعدين في الموضوع خليني نشوفهم محمود : مااشي ماشي نوال : باي محمود طووط طوط سكر نوال ماعدلتش ونزلت تجري ماما : شنو صار ياوليدي طمنا ايمن : تمت الشكوى وارتفعت عليه قضية وبعتوله طلب استجواب خالتي : ان شاء الله خير وخلاص عماد : تطمني ياامي ايمن حقاني والله ماقصر ايمن : واجبي هذا خالتي : بارك الله فيك ياوليدي ربي يعطيك مافي بالك ايمن : ان شاء الله هي اني نستاذن ماما : وين والله ماك طالع تغدى معانا ايمن : والله مافي داعي يامرت خالي علاش الحلف وقعمزنا تغدينا كلنا وايمن هو وعماد صفرة في الصالون بعد الغدي ايمن روح وخالتي حتى هي روحت درنا دورة ع الحوش نرجس : نسيبة راهو مزال يومين بس ع المدرسة امتى بنشرو نوال : معاش في وقت حتى البدلة تو بناخدوها واتيه قبل نبي نخيط ماما : البسي بدلتك السنه الي فاتت من بين ماخيطتي نورس : ايه صح هي اكثر شي تبي اسبوع اسبوع مشي بيها بعدين اشري بدلة جديدة اني : علي راحتكم هي نوضو وتو روحكم ماما تمشي معانا ماما : اني كان تديري فيا خير تحطيني عند عمتك وبعد تكملو اخطمو غادي اني : اييه عمتي نسيناها مرة وحدة خلاص وتي روحك نحطك وانتي نورس نورس : تو نمشي مع ماما لعمتي نوال برفعه حاجب : بتشوفي حبيبي القلب نورس : بطلي سماطة نرجس : هههههه هو بالصراحة هالطرف ويستاهل يمشو علي خاطره اني : هههههههه اما والله ياماما بناتك طلعو غاطسين نرجس : اني حشااني نورس بس قصدددك حتى نواااال نوال شافتلي وفنصت : اني هذا ماناقصني اني برفعه حاجب : حشااها نوال هههههههه نرجس : حيييي منو نورس : منو منو قوليلنا اني : ههههههه تي هياا نوضو وتو روحكم وقت ركبو وتو روحهم وحتى اني ركبت لبست بلوزة لونها حني وبنطلون جينز ووشاح مزكرش فيه الحني نورس : بلووزتك حلوة نسيبة اني : مش حنعطيهالك نورس : خيزي ع القفاصه نرجس تلف في الوشاح : ايه حلوة امتى شريتيها نوال : حي علي امك حيي نرجس بخلعه : خيررك نوال : من قالك اقربي الوشاااح نرجس : القيته في الدولاب اخديته نوال : متاعي ياحمارة بنمشي بيه اول يوم نرجس : باه عادي بري بيه مانيش واكلاته اني بنلبسه وبنرده وكييف بيبدو يتعااركو ماما : خلااص انتي وياها ماشيين للسوق اشروو كدس اوشحة ياسر نوال : ياماما هذا الوشاح جديد اني مالبستاشي هي ناضت لبساته نرجس : تي هوو عقااب وشااح مكدس في السوق نوال : ارميه امالا اني : ووواااك منك انتي وياها كان ماتطلعوش قدامي توا قسما بالله ماكم مااشيين الزوز طلعنا وسكرنا الباب ركبت ولعت السيارة طلعت بيها من الجنان اني : نوال انزلي سكري الباب نوال : اني نلبس في السبيدرو قولي لنرجس اني : نرجس انزلي نرجس : نلف في الوشاح اني قولي لنورس نورس كانت تتكلم في التليفون ماقدرتش نقوللها ماما : يا وحدة منكم تنزل نوال : نرجس انزلي نرجس : انزلي انتي اني : انزلووو انتو الزوز نوال : تنزل هي نرجس : انتي انزلي اني : الزوووز تنزلوووو يااما والله تو تقعدو في الحوش مرة وحدة نوال ونرجس : اوووف ،،، وصلت ماما لحوش عمتي بعدها امشينا للمحلات واشرو نوال ونرجس وشاحات وشناطي وشوزات ونقول فيهم جمع لان كل وحدة خدت من كل حاجة خمسة وخدو بدالي ثانوي وبعدها امشو خدو مذكرات وكراسات وادوات وخطمنا علي حوش عمتي القيناهم مقعمزين في دار المعيشه وعدناان موجود طبعا ويخنب في نظرات مش مقصر روحنا المغرب للحوش نرجس ونوال قعدو ينظمو في حاجاتهم نورس قعمزت مع ماما واني ركبت داري كلمت حبيبي ياحنه بعدها نزلنا درنا عشي وتعشينا وهدرزنا وبعدها كل وحدة خشت لدارها ورقدت ......