سند الأنثى رجل - الفصل 8 - بقلم shosho - مكتملة | روايتك

وليد : ايوه اني : الو اهلين وليد : شن اخبارك اني : الحمد لله وانت وليد : تمام اني : كيف فقدت الامل انك تتصل وليد : كنت مع العائلة ونسيت الوقت لين نعست خشيت اتصلت بيك طول اني : بااه وليد اني في هلبا اسئلة في راسي نبي نعرف الي صارلك بالضبط احكيلي كل شي من يوم المشؤوم هداكا لحد اليوم وليد : هذا اليوم المشؤوم هداكا بعد سكرت منك كنت في جهة طريق المطار درست علي محل ودرست قدامي سيارة الراجل الي فيها اول مانزل نسمع في صوت رصاص قمت راسي القيتهم مقنصينه مديت يدي وطلعت مسدسي من تحت الكرسي واتصلت بصاحبي يخدم في كتيبة ونزلت احميت روحي بالسيارة وقنصت الي ضرب الراجل في راسه مات نضت نجري نبي نسعف الراجل بس للاسف كانو مجموعه واحد منهم قنصني في بطني وفي رجلي ماجت الكتيبة لين كان الي قانصني خانب سيارتي وهرب وكان فيها الفون وهدا علاش تكلمي فيا ماتحصليش فيا بعدها فقدت الوعي وسعفوني كان حالتي خطيرة اول مارجعلي الوعي قعدت نسال شن صار في الراجل قالولي توفى بس قبلها ماكنتش نعرف من هو الراجل هذا ولما عرفت انصدمت اني بخوف ومن بين دموعي : من ؟ وليد بتردد : بوك اني شهقت شهقه كبيرره وانهرت بكي وليد : حبيبتي اني نحكيلك مش بيش تبكي خلاص بالله عليك اهدي معاش بنحكي شي هي مادام بتبكي اني مسحت دموعي : كمل معاش نبكي وليد : المهم هما دارولي عمليه اهني في ليبيا قدرو ينحو الرصاصه الي في بطني بس الي في رجلي ماقدروش ينحوها كانت في مكان حساس تعتبر سعفوني بعد ممكن اربع ايام لاالمانيا قعدت من عمليه لعملية سنه واربعه شهور ماوقفتش علي رجليا اني : ياروحي ياما حسيت ياحبيبي وليد : هدا كله كان يهون بالنسبه ليا الا انك تبتعدي عليا كله عادي الا اني مانعرفش شن صاير فيك تعبت نفسيتي هلبا بعد تلاته اسابيع ممكن في المانيا قعدت نتصل بيك بس تليفونك يعطي مقفل وبعدها خارج الخدمه قريب هبلت وندمت علي الكلام الي قلته هداكا اليوم كله فتحت فيس ايميلك مسكر كل برامجك مسكرة ليش سكرتتيهم اني : ايميلي الفيس بعد تلاته ايام العزي سكرته وقررت اني معاش نفتحه بكل ومعاش درت ايميل اصلا اما رقمي فممكن بعد اسبوعين كنت في محل الباين خنبو فوني من الشنطة روحت مالقيتاشي وليد : كأن الدنيا كانت مصممه انها تباعدنا علي بعض اني : اييه الحمد لله ياربي ، اني كنت نحسابك ميت بكل ياوليد قريب هبلت وليد : حكالي محمود اني : كيف حكالك محمود من وين عرف وليد : انتي لما كنتي في المستشفى الباين محمود تعرف علي نوال وشكله حكتله القصه وصلت بيا راهو بعتته لحوشكم يوقف قدام الحوش قعد شهر كامل قالي انك كويسة والي طمني انك كل يوم تطلعي وتخشي يعني مش متزوجة اني : هههههه صار نفس التفكير وليد : هههه ايه وهداكا الي كلمتيه وقالك وليد مات هدا الي قنصني اني : هييييي بجديات وليد : ايه بس شدووه اني : بجد وليد : محمود لم المافيا بتاعه وقام بالواجب وسلموه لكتيبه اني : ربي ينتقم منه وليد : ان شاء الله ، عارفه مستاحشك مستاحشك هلباا يانسيبة خايف تضيعي مني تاني نبي نجي نخطبك معاش نبي نسيبك دقيقه وحدة اني : بجدد حبيبي وليد : بجد ياعيون حبيبك اييه وممكن غدوة نخلي امي تجيكم اني : ههههه مستعجل لهالدرجة وليد : وأكثرر ، حقاا امبكري قلتيلي في موضوع يخص هدا الي اسمه ايمن بتحكيهولي احكي اني حبيت نغيضه بصراحة استاحشت عصبيته : هدا ايمن قبل مايتوفى بابا وصااه علينا ووصاه عليا اكثر شي وهو الي وقف معانا وساندنا بعد وفاه بابا لولاه راهو ماقدرناش نوقفو علي رجلينا وليد : بااه كثر خيره لخصي شن الموضوع اني : المهم هو علمني السواقه وشرالي سيارة ودربني ووقف جنبي حتى لما طحت وخشيت للمستشفى ماسيبنيش ولالحظة وليد : باااااهي نسيبة اختصرري اني : ههههه باه خيرك معصب انت وليد : كيف تبيني مانعصبش ان شااء الله وانتي طايحة تشكري وتعاودي من بكري فيه اوك هو كان سند ليك افضل مني قووليها يانسيبه بس يعلم الله بالي صار فيا اني : تو من قال هكي وليد : اني قلت لان كلامك هكي يقول اني : ايه ايمن سند بعد بابا لانه خوي وليد : كيف خوك اني : خوي بالرضاعه وليد براحة : باه قلتيها الجمله هادي من بكري والا لازم تعصبيني اني : هههههه استاحشت غيرتك ماهو والا مش من حقي نستاحشك وليد : من حقك لكن مش لازم تعصبيني يامشفشفه اني : ههههههه تبدا وسيم لما تعصب وليد : هههههه هبلة بااهي احكيلي شن قصه خوك بالرضاعه كيف صار اني : احكيتله كيف عمتي رضعتني وليد : باه كويس اني : احكيلي كيف كانت المانيا وليد : حلوة بس نعتبر مااستمتعتش بيها هلبا كنت ندهور بكروسة اني : ياروحي باه حقاا ليش ماكملتش علاجك وليد : معاش قدرت ملييت واصلا مزالي علاج طبيعي بس تو نديره اهني معاش بنطلع من ليبيا اني اني : الاااا في شهر العسل وليد : ههههههههه لا عاد في شهر العسل غصبن عني نديروه شهرين زيادة مش خساارة في حبيبتي اني : نحببببببك ( جزء من النص مفقوود ههههه ) استمرت هدرزتي مع وليد لحد الساعه خمسه الفجر وبعدها رقدنا ونوضوني 9 واني كنت مدروخه نبي نررقد مزعجين اني : ماما بالله عليك خليني نبي نرقد ماما : بتنوضي والا نجيب مالقي ميه توا اني اني : ووااك ياماما ها نضت نضت درت دورتي وقعمزت فطرت بروحي كلهم نايضين قبلي وشوي ورن فوني احبهم ليييش خلووني هوو بالضبط حبيبي رديت : الو صباحو وليد بصوت ناعس : ايوه صباح الورد اني : حبيبي كسوول هدا وين نايض وليد : هههه ساد مرتي ناشطة نايضه بكري فالحة اني : هههه ايه بالضبط نص ساعه ليا فايقه بس هي تعالى افطر معاي وليد : ههههه عبيت عليك والله ياحليلي اني : لاحظت انك مولي تدوي زي حنينه ههههه وليد : ههههههه هدرزت شوي عليه وبعدها سكرت وقعدت نعاون فيهم في ضمان الحوش وبعدها اتصل بيا وليد وقعدت نهدرز معاااه ليين وتي الغدي سكررت مستتااحشين بعضنا هلبا نتمنى مانسكر منه بكل نبي نتطمن عليه كل دقيقه خايفه يضيع مني تاني قعمزنا تغدينا وقعدنا نهدرزو نوال : بالشوية عليك يااعليا راهوو الماكلة مش هاربه عليا وهي تمضغ : خليني بالله ميته جووع ومستاحشه المسقي وررز امك حاجة مش عاديه يسلموو يديك يامرت خالي عدنان وهو خاش للدار : هادي ديما مفجوعه ماتستغربش كان نحكيلكم شن تاكل غاادي عليا : تي اسكت انت اكبر قفاص شفته عدنان : قفااص عييينك نوكل فيك في خمس وجبات وفوقها تبي زيادة كلنا : هييييي خمسسسسسه عليا : وهادو تعتبر فيهم وجباات عدنان : نهاار اسود تفطر الصبح بريووش وعصير وتروح للهوتيل تفتح تن تدير سندوتش تن ومرات جبنه مع الظهر تقولي بنتغدا نرفعها تتغدى العصر تقول جعانه ندخلها لكافي تاخد مرات زوز كيكات ونسكافيه والا عصير ومع المغرب تقول دبروولي جعانه ناخدله همبورغر مرات والا شاورما والا سكالوب حاجة سندوتش هكي ماتجي الساعه ١١ الليل تقول بنتعشى تقوول نعلف في بقررة كلنا : ههههههههههههههههه عليا : بقررة عيينك اضعف منك عدنان : ماهو هذا الي محيرني تقول ياكلو معاك دود بالله حنان مش مرة قولتيلها ياكلو معاك دود حنينه : كاانك عليا نبيها تعاين تو تمشي لفجرة جاارتنا تكشف عليهاا وعندها دوااء يسمن تدير فيييه ياسلام علييه هونا بنت خديجة كانت هكي زيك رقيقه بتموت ولت زي التفيفيحة وجهك هكي مدور ماشاء الله لكن انتو بنات توا تبو الرقااشه وتتسهوكو كلنا : هههههههههههه عدنان : هههههههه الرشاقه ياحناي اسمها هههههه احمد خاش : ضحكوونا شن في عدنان : اشرحوله هداا توا اية : هههه خيرك علي راجلي ياعدنان تعالى ياحمودي تو نشرحلك اني طبعا نوال كان كأن من يكسرلها في رقبتها وشاده روحها بالسيف عدنان : ماتقوليليش خيررها هادي تاكل هكي واشر علي نورس ماما : هادي ديما ماكلتها هكي تنقش تنقيش عدنان جي قعمزي ودف نوال الي كانت مقعمزة جنب نورس : حولي غادي نوال : بالشووية عليا خيررك غجر عدنان : مش حنرد عليك ، وجبد كاشيك نورس من يدها نورس : خيررك عدنان : كسرتيلي رقبتي بماكلتك ، وعبى كاشيكه رز وجي بيوكل نورس نورس لفتت وجهها : شن بيبي اني كلنا ميتين ضحك عدنان ماعدلش عليها ورصلها الكاشيك رصان ماما : ههههههه زيدها كاشيك تااني يااعدنان نورس تمضغ قريب تنخنق كلنا : هههههههههه عمتي : بالشوية علي البنيه تو تنخنق عدنان : مايصيرلها شي ، وعبى كاشيك تاني نورس جت بتوقف بتهرب عدنان شدلها يدها قعمزها بالسيف وبدي يوكل فيها وكلها قريب عشر كواشيك وكلهم معبيات لين خلاص وهي قريب تبكي واحني ميتين عليها ضحك عدنان : هي سلم بينيتي نوضي صحة صحة مااشاء الله علي البطلة نورس فنصت فيه : والله الما تشوف وامشت تجري للمطبخ اني : ههههههه اقسم بالله جو مش طبيعي بكل نوال : ههههههه تعالو نوريكم حاجة ولفتتلنا فوونها وكانت تصور في نورس نرجس : هههههه حي عليك كان تشوفه الما تكسرلك فونك نوال : والله ماماسحاته حاجة تاريخية عدنان ناض لحق نورس ووقف علي الباب يراقب فيها كيف تدور في المطبخ وماتندريش عليه وهو سرحان فيها نورس تلفتت القت عدنان سرحان وجهها ولى الوان عدنان استاقظ : صحة نورس : سلمك عدنان : كولي كويس بلاش ماكلة الدلع ديري بالك ع روحك نورس : ان شاء الله حاضر بعدها نضنا ضمينا المطبخ وغسلنا الاماعين وقعمزنا نهدرزو احبهم ليش خلوني ..حبيبي قعدت نهدرز معااه وجوي حلو ،،،،،، اما عند محمود فكان يدور في داره ويبي يتصل بنوال مش قادر ومش عارف شن يقوللها بعدها اتصل نوال : الو محمود : الو اهلين نوال اسمعي مانعرفش علاش اتصلت لكن هكي اتصلت وخلااص حسيت روحي نبي نكلمك معليشي كان ازعجتك نسكر والا مش فاضية نوال : ههههههه خود نفس محمود : ههههه تي ماهو والله من بكري نحوس خفت نتصل نوال : هههههه لالا عادي محمود : قصدك عادي نتصل يعني نوال : ايه عادي محمود فرح : باه قوليلي كيف حالك نوال : تمام الحمد لله شن اخبارك انت وقعدو يهدرزو وتعرفو علي بعض اكثر وعرفو اطباع بعض بعد سكرت نوال مكالمتها جيتها اني قعمزت ربعتلها وشبحتلها شبحة بتاع محقق بيحقق مع المتهم متاعه نوال : خير ان شاء الله ؟؟؟ اني : علاش ماحكيتيليش علي محمود ؟ نوال : شن بنحكيلك هو بس يوم الي كنتي في المستشفى كان عنده صاحبه او شي في المستشفى نفسها فكنت متضايقه وحكيتله وضفته ع الفيس بعدها سكرت الفيس متاعي واهو رقمه مااتصلتش بيه الا امس بعد قريب سبعه شهور اني : اهااا وتوا كنتي تكلمي فيه نوال : ايه هو اتصل اني : هوو باين علي كويس بس ايضا باين عليه بتاع بنات فردي بالك نواال : حنعتبره صديق بس اني : في بالك اني بتفوت عليا كذبة زي هادي كان صديق امس في السيارة علاش تساوي في وشاحك وتعاودي قبل مانمشو ونظراتكم وتشوفيله وهو يسوق من مرايه السيارة مركزة راااهو نوال : باه اني ماننكرش اني مايلتله لكن مافي بيننا شي اني : اني مانقدرش نقولك ماتديريش علاقه ولانقدر نقولك ماتكلميش لاني بروحي دايره علاقه ونحب ونكلم بس ردي بالك انتي تعتبري قاعده صغيرة ومزال بكري علي الكلام هدا صح اني في عمرك لما كلمت وليد بس وليد طلع كويس وحافظ عليا وهذا من حظي طبعا لو كنت كلمت شخص تاني راهو الاحداث تحولت لمجرى تاني نوال : بس حتى محمود باين عليه كويس واني حسيته يبادلني نفس الشعور اني : فكري بعقلك شوية وان شاء الله تطلعي الي اخترتيه يستاهلك ، بعدين تولي سلفتي وحي عليهمم راحوو فيها نوال : ههههههههه قضينا عليهم اني : ههههههههههه وراحت فيها عمتي فتحية نوال : ههههه حكالي حتى علي عنده اخت واعرة في عمرك انتي اني : اها رحمة ايه قالي وليد واعره بس عادي مادورتش ، هي نوضي وتو روحكم هداكا هو خلي نروحو وتو روحهم اخواتي وماما وروحنا نرجس : واخيرا ماما اخر مرة راهو معاش بنباتو ماما : خيرك العفو نرجس : تعرفيني نحبش نرقد من غير مخدتي ماما : وخيرك مارفعتيها نرجس : نسيتها ماما : نسيبة امس هي ونوال جو للحوش ليش ماقلتيلهم نرجس : لييش هما قالو اصلا انهم بيجو طلعو بروحهم ماحد يندري عليهم اني ونوال شفنا لبعض ونبوو نهربوو بس وقفتنا ماما ماما : حقاا علاش جيتوو شن جبتو اني : ها ا ا ا نوال : كنت نبي بلوزتي ماما : اما بلوزة نوال شافتلي : بلوزتي هادي الي لابستها ونسيبة مش عارف شن خدت نرجس : مش بلوزتك هادي شفتك حطيتيها نوال : لاماهو نسيتها ماما : مش قادرة نصدق قولي الحق انتي وياها وين امشيتو اني : ياماما خيررك فتحتي معانا تحقيق قلنالك جينا اهني للحوش نوال : ايه ياماما اني راهو ناقصه نوم بنركب نرقد ماحد ينوضني ماما : اححح منكم وخلاااص ربي يصبرني اني : آمين ياماما هي حتى اني بنرقد سلاااام نورس ونرجس شافو لبعض لحقونا نرجس لحقت نوال ونورس لحقتني اني كيف بنسكر باب الدار دافاته نورس : خيرر ان شاء الله نورس : تحسابينا صدقنا كذبتكم احكيلي اني : ووه عليا وقطع كلامي رنه فوني ، احبهم لييش خلووني ،، حبيبي : باه ترا ممكن تطلعي بنرد علي تليفوني نورس برفعه حاجب : منو اني : حلوة هادي منو تي اطلعي بيفصل الخط نورس : قصدك بديتي تكلمي اني : ايه نورس : شن اسمه وكييف تعرفتو احكيلي احكيلي بالله عليك وجت قعمزت ع السرير ( وووه عليا مالقيت ماندير ) ،، اما عند نوال فكانت نفس الشي حاصلة في نرجس نرجس : هيا مافيش هروب احكي نوال : وااااك نسيبة امشت شافت وليد روح من السفر نرجس : كيف كيف مافهمتش وليد مش مات والا ناض حي نوال : ناض حي بالضبط وبري اساليها هي ،، اني : بري اسالي نوال تو تحكيلك ،، نرجس : باه وطلعت نورس باه وطلعت اني ونوال سكرنا باب ديارنا بالمفتاح نورس ونرجس تلاقو في الممر وتلفتو القونا مسكرين البيبان : حماااااراات اني ونوال : ههههههههههه كلمت حبيبي بعدها رقدت لعند الساعه 10 الليل نضت صليت العشي ونزلت القيتهم مقعمزين في دار المعيشه خشيت المطبخ درت طاسه نسكافيه وجيتهم : علي شن تتفرجو نوال : امك فاتحتلنا الجزيرة ماتبيش تغيرها والمسلسل بيبدا ماما : ماهبلكم الا هالتركي ها هاك الجهاز افتحي ، ماتبوش تتعشو اني : اني جعانه نوال نرجس نورس مع بعض : حتى اني نورس ونوال قعدو يجروو يدورو في حاجة حمرا القو تيشرتي احمر الزوز جو يجرو عليا وبزعو النسكافيه عليهم الزوز نرجس : هههههههه تستاهلو اني : ياحماراااات بزعتو النسكافيه بتااااعي نورس : تيششرتي تلبززز ان شاء الله ماتتزوجي يانوال نوال : ان شاء الله فييك يدي انحررقت سخوون اني : تستاهلي انتي وياها ماما : ان شاء الله باللطف تو هذا شن يقولوله نرجس : هادو ياماما زعميتك الي يقولو نفس الكلمة مع بعض يقعدو يمسو حاجة حمراء الي تمس الحمراء الاولى تتزوج هي الاولى ماما : طيح سعدكم وخلاص ، نوضو ديرو حاجة تاكلوها كان جعانين نورس ونوال امشو يغيرو حوايجها بعدها جوو مسحو البساط الي لبزوه بعدها خشينا المطبخ الاربعه نفكرو شن نديرو بناكلو نوال : نبي شكشوكة دحي متاع نورس مش عادية نرجس : ايه نورس ديريلنا نورس : امري لله باه هي نوال طلعي طماطم نرجس مديلي الطاوة والزيت نسيبة طلعيلي سته دحيات هيا وبدت تعطي في الاوامر واحني ماعلينا الا انفذو شكشوكة الدحي بتاعها حاجة مش عاديه وطابت هاديكا الشكشوكة وونادينا ماما وقعمزنا ناكلو علي الطولة بعد كملنا قعدنا نهدرزو بعدين نوال قعدت تدربك ع الطااولة : وهياااا يااهوو هياا هيا احني : هيااا ياهوو هيا هيا نوال : والغاالي ماريتش زيه وهيااا ياهوو هيا هيا احني : هيا ياهوو هيا هيا نوال : ويرفعني يدهور بيااا وهيااا يااهو هيا هيا اني : ايوووه يديكم يااعيله ماما : ياربي لطفك نوال تدربك وتقرب وجهها من ماما وتزيد تغني : وحبيبي ماريييتش زيه هيااا ياهوو هيا هيا حني : هيااا ياهوو هيااا هياا اني : روروروروري ماما : حي ع الحشمه انتي الكبيرة العاقله جوونا الجيراان اني : وبطيرر طياررة خلووني ،،، بندير جناوح كرطوني نواال : ايوووه هذااا هو هذا هو ،،، نورس : هذااا هو الي نبوه هذا هو الجو الصح نرجس : هداا هو الي يصلح نوال : اسسس اسس عندي اغنيه بنقوولها ، ويااشينك هم يااشينك هم ،،، جت العشيقه في ولد العم وهي تشير بحواجبها لنوررس نرجس : هههههه اووو اني : هههههه عليك طياح سعد نورس : شن تخرفوو نوال : وشررتع يازيتونها ،،، عدنان نور عيونها نورس وجهها احمر طبست اخدت شبشب حدفاته علي نوال : طيح سعدك وسعد تفكيركم كلكم ماما : هههههه بنات اخر زمان مايتحشمو وقعدنا هكي لقريب الساعه واحد ندربكوو ونغنو ونشدوو في حاجات علي اساس ميكرفون وجتنا الهبله هداكا اليوم بس كان احلى جو بين اخواتي وماما كيف تشوفلنا وهي مبتسمه وتشوف فينا فرحانين وخاصه اني لين قريب سنتين ماشافتش الهبلة هادي وضحكتي بالشكل هدا كانت حامله همي هلبا خشت كل وحدة لدارها بعد فشلنا اتصل بيا وليد هدرزت معاه لقريب الساعه اربعه بعدها رقدت نضت تاني يوم الساعه 11 صبحت علي وليد بعدها فطرت وقسمنا الاعمال الحوش نوال : اني الحمامات ( حشاكم ) ومعاش نعررف راهو نرجس : اني نكنس وانشف نورس : واني المطبخ اني : واني نقعمز نتفرج علي خواتي الفالحات ونشرب النسكافيه بتاعك نورس : غير احلمي نووضي لودي ع الحوش ياحلوة اني : ماتقولوش نريحو اختنا الكبيرة بكل وضمينا الحووش بعدها تغدينا وقعمزنا في دار المعيشة نرجس كانت فاتحه النت ودرت شهقت ونطت كلنا تلفتنالها مفزوعين نرجس : المدررسة تبدا الاسبووع الجاي اليوم اتنين مزال خمسه ايام بس تقول فيها وهي قريب تبكي ، واحني ياماما قاعدين ماشرينا شي نورس : الشهقه هادي كلها علي خاطر ماشريتي شي مزال الوقت غدوة ترفعكم نسيبة اني :اييه اييه بالضبط يرفعكم السواق هكي قصدك ماما : الله غالب يابنيتي من بيرفعهم تاني اهو لاعندكم لا بو لاخو لاسند لازم تساعدو بعض وخنقتها العبرة ، اني ياريتني متعلمه السواقه من زمان كان هذا مانخليكم تستحقو حاجة وقعدت تبكي اني نضت من مكاني نجري وجيت جنبها بست علي راسها : ياماما تو علاش تبكي والله كنت نبصر علي نورس مش قصدي وبعدين انتي مش مقصره معانا في شي ووين مايبو اخواتي نرفعهم ماما : ربي يخليكم لبعض ومايحرمكم من بعض مش حتلقو الا بعض راهو شوفو اني وخالتكم توا راجلها لما توفى خلالها تلاته اصغار اكبر وحدة صف خامس وهي صغيرة خوتي مايقصروش لكن كل واحد عنده حياته ولاعندنا لابو لا ام قداش مرة انهارت كانت تجيني وتقعد تشكي وهي حايرة كيف تدير سجلت في مدرسة وبدت تقري بعدها تعلمت السواقه احني : نسمعو ماما كملت : وولت ووقفت علي رجليها الراجل سند للمرا مهما تكون المرا صعب تقدر تقسم روحها علي انها اب وام في نفس الوقت ، واني لما توفى بوكم انتو صح ماكنتوش صغار هلبا بس تعتبرو في سن مراهقه الليل مانرقداشي واني نخمم فيكم وكيف حنقدر نوفرلكم كل شي وماانقص عليكم شي ، لما نشوفكم هكي مع بعض وتضحكو وتلعبو عندي بالدنيا ومافيها نورس : احني ياماما مادام انتي معانا ديما حنكون كويسين وماناقصنا شي نرجس قعدت تبكي : ربي يحفظك لينا ياماما احني جنبك ديما نوال جت باشت فوق راس ماما واضبطتها اني : ربي يحفظك ياماما وكلنا جينا اضبطناها وماقطعش هاللحظة الحلوة الا صوت الجرس اني : تو نفتح قمت الجرس ، منوو ؟ ...... : اني خالك عمر افتحي فتحتله الباب الخارجي : ماما هدا خاالي عمر ماما : هي جايه سلمت علي خالي وخششته للصاله وشوي خشتله ماما وطلعو خواتي سلمو عليه بعدها امشينا الاربعه للمطبخ نوتي شن بنضيفوه نورس : مانعرفش علاش احساسي يقول انه في حاجة صايرة نوال : حتى اني جيه خالي عمر لينا للحوش مش بلاش هو من وفاه بابا ماخشش حوشنا نرجس : صح مع انه خوهم الكبير ومفروض يساند خالتي وماما بس مش لاهي يجري في جرة الفلوس بس اني : البرانيه كانو افضل منه نورس : خلااص فكونا هياا نوتو قهوة ودارت نورس قهوة ورفعت مدتها واحني طلعنا قعمزنا كلنا جنبه وكان ساكت يشرب في القهوة وماما تفتح في مواضيع بسكوته زبطنا في حاجة خالي عمر : يابنات في موضوع بندويه مع امك خلونا بروحنا شبحنا لبعض ونضنا ركبنا فوق طبعا الدروج جاي فوق الصاله وفي كراسي تحت الدروج محطوطين قعمزنا ع الدروج طبعا ماما تشوف فينا وتفنص فينا ماعدلناش تي والله مانقدرو لازم نعرفو المهم خالي مقعمز تحت الدروج مايشوفش فينا خالي عمر : شوفي في ارض لبوي في النوفليين تزبطيها ماما : ايه خيرها خالي عمر : من الاخير يانادية نبو نقسموها ونبيك انتي ونعيمه تتنازلو علي حصتكم مقابل مبلغ مالي ماما : ماعنديش مشكلة المهم قصدي هذا حقنا المزبوط ياخوي عندي بنات يتامى بنزوجهم وبيقرو وبتواجهني هلبا حاجات خالي : مقابل عشره الاف ماما : عشررة الاف !! الارض تجيب فوق من خمسه مليوون وحصتنا تعتبر اكثر من هكي يعني تكون حتى اكثر من 500 الف خالي وهو يوقف : اني هذا الي عندي وغدوة بنجيب صاحبي محامي وبتوقعي انتي واختك وكلميه وقوليلها تسكير الراس مش حينفع عشرة الاف سااادينكم ماما وقفت : هذا كلام ياخوي ياولد امي يلي مفروض تكون سند لينا وتسنادنا هذا اقل شي تديره تعطينا حقنا كامل اني راهو هذا وسخ الدنيا لكن علي خااطر بنااتي كان عبد العظيم قاعد حي راهو مش مستحقتلك لكن هذا حقي ونبيه خالي بصووت عالي : ناااااادية ماتتجاوزي حدودك قلت عشرة الاف يعني عشرة الاف ماما : ياااحسرة ياخوي ياااحسرة خالي يقيم يده علي ماما اني لما شفت يده نززلت نجري من الدررووج وجيت وقفت قدام ماما ولحقووني خواتي وقفو جنبي قعدت ماما ورانا واحني قدامها اني : بعد احترامي ياخالي ماتفكرش حتى التفكير انك تمد يدك علي ماما خالي ينزل يده بعصبيه : احترررمي نفسك ياقليله الادب نوال : بابا وماما ربونا احسن تربية ياخال خالي يقيم يده ويضررب نوال كف ماما : هييييييي بنتي نورس نرجس اضبطوها يجرو وهي حاطة يدها علي خدها ومصدوومة نورس : الله لايسااامحك خالي كيف قام يده وبيضرب حتى نورس شديتله يدده : ماااعاش الي يمد يده علي اخواتي واني موجوودة خالي : والله ياانادية ماعرفتيش ترربي اني : متربيات احسسسن تربية طوول عمرنا محترمينك لانك خالنا وكبيرر ونفتخرو بيك بس يااحيف للاسف خالنا الي مفروض يكون سندنا جاي يمده في يده عليينا علي خاطر وسخ دنياااا ماما : اني تنااازل والله ماني متناازلة واعلم مافي خيلك اركبه خالي بصووت عالي : قلتتت بتتنازلي يعني بتتنازلي احني وقفنا كلنا قدام ماما من جديد حتى من نوال وهي شاده خدها ونشبحوله بشبحاات غضب وغييض نرجس : الاااا ماما يااخالي اني : ياريت تتفضل تطلع ياااخال خالي : اني تلزووني اني بااه تو تشووفو تو تشوووفي يانادية كان ماخليتكش تتنازلي ورجلك علي راسك فووقها وانتوو واشر علينا احني الما نربيكم يااوسخات نوال بغيض والدمعه في عينها : كم مرة قلنااالك احني متربية غصبن علي الكل احني بنااات عبد العظييم لو ماعندكش علم خالي بهزوة : تو نشوفو بنات عبد العظيم قال وطللع وخبط الباب وراااه بقووة ماما انهارت ع الكرسي وقعدت تبكي بعبرة التمينا عليها كلنا واضبطنااها نرجس : خلاص ياماما ياحبيبتي والله مايقدر يديرلك حاجة ماما : اشرت لنوال تعالي ياابنتي وشدت وجهها بين يديها وقعدت تتحسسلها في خدها : جيبي لاختك ثلج يانسيبة نوال وهي تبكي : مافيا شي ياماما خلاص اني مديتلها ثلج : شديه علي خدك نورس : بجد ماتوقعتاشي لهالدرجة ياماما خيره هكي ماما : طول عمره هكي يقعد طماع فلوس نرجس : خزي علي هكي ماما : خلاص خلونا نخشو للدار ونورس تاكدي من الباب مسكر والا لا خشنا احني للدار ونورس تاكدت من الباب وجت بعدها بشوية اتصل بيا وليد : ايوه سموحتي اني بصوت متضايق : اهلين حبيبي وليد : خيره الحلو صوته زعلان اني : والله ياحبيبي محصلة رعشه قبل شوي وليد بخوف : ان شاء الله خير شن صار ؟ اني : احكيتله الي صار وليد : باه خلاص اهدي ماتضايقيش بروحك تقدر امك وخالتك يوكلو محامي وهو مايقدر يدير شي لو هما مش موافقين اني : ان شاء الله خير وليد : مش ايمن محامي تقريبا والا اني : ايه تو نكلمه بعدين وليد : به وشوي قعد الجرس يشريين بقووة والباب الخارجي يخببط وليد : شن هذا اني بخوف : مانعرفش ياوليد شكله خاالي حي علينا الجررس بيقلعه والباب الخارجي يخبط وليد : ماتخافيش خليني علي الخط وبرو شوفو منو وماتفتحوش لين تعرفو منو اني : باه وطلعت من الدار القيت اخواتي وماما واقفين في الصالة ومش قادرين يتحركو خايفين ماما : تو نشوف اني اني : لالاتو نشوف اني وامشيت جهة الجرس قمته وبخوف : منوو ؟ ووو...........