سند الأنثى رجل - الفصل 7 - بقلم shosho - مكتملة | روايتك

محمود : الوو هو : ايوه محمود محمود : شديناه ولد الكلب ( حشاكم ) واعترف بالي داره وطلع زي ماشكيت من الاول هو : ماتقتلاشي سلموه للكتيبه محمود : باه بنسالك حقا هو : شنو محمود : والا نقولك خلاص فووت ( وفي خاطره يقول زعما نساله والا لا ) هو : شنو ياراجل تكلمم محمود : انت تعرف وحدة اسمها نسيبة قبل هو : علاش القيتها ووين القيتها شن صاايرلهاا وكييف عررفت ؟؟؟؟؟ محمود : تي بالشوية خيررك انت .. وحكاله قصة لما شاف نوال في المستشفى هوو : شن صارلهاا بااه في المستشفى علاش محمود : الي نعرفه انه صارلها انهيار عصبي لما قاللها الكلب (حشاكم ) هدا وليد مات الباقي مانعرفش وتقريبا قعدت اسبوع في المستشفى سالت بتاع الريسيبشن مابتش تعطي معلومات كان تعرف عنوان حوشهم انت والا لقبها اعطيهولي هو : نعرفهم بس شن بتستفيد بتدرس قدام حووشهم والي يطلع تساله والا كيف محمود : والله ماني عارف ياراجل مانعرفش علاش سكررت ايميلها بس علاااش الاختفاء هكي هو : شكله عندهم وراثه الاختفاء محمود : هههههه عن شكلك وخلاص ابعتلي عنوان حوشهم وخلي بالك نلقى طريقه وفعلا خدي عنوان الحوش وجي لحوشنا وعرف للمكان بالزبط وروح ورجع ثاني يوم الظهر شااف باص نوال ونرجس وشاف نوال نزلت وخشت للحوازة وباب الحوازة ديما مفتوح وطبعا حوشنا فيه سور وجنان قعد مركز لااما حوش خشت وبعدها روح قعد هكي قداش يوم ويشوف في نوال وماقدرش يكلمها ،،،،،، بعد سته شهوور مرو سته شهور ببطء عليا مانسيتش وليد ولا لحظة طول الوقت نفكر فيه ونتامل في هداياه ولما نستاحشه هلبا نقعد نبكي بس مافي يدي شي اني مجرد فتاة متحطمة وفاقدة ومكسورة وبس ،،،نحيت الجبس من اربعه شهور فاتو اما محمود بعد نوال كملت امتحاناتها ولاحظ انه معاش جي باص فمعاش جي جهة حوشنا واستسلم انه ماقدرش يجيب شي اما عمتي كملت علاجها الحمد لله وتحاليلها ايجابية مروحة بعد اسبوع طبعا وبالنسبة لاايمن قاعد علي حاله واكتشف بجد انه هاجر تمكنت من قلبه بس هو قاعد مغلول ومش قادر يكلمها خايف يكلمها تقوله انخطبت نورس ونوال ونرجس نجحوو اليوم دايريلهم حفله بسيطة خالتي وخوالي وحنينه وهاجر وصاحبات خواتي اليوم جايين نضنا الصبح قسمنا اعمال الحوش كل وحدة شدت حاجة كملنا مع الساعه واحد الظهر تغدينا وبعدها طلعت بنجيب التورته هاجر : الو نوسة اني : اهلين هاجر : اسمعي استعذريلي من اخواتك راهو مش حنقدر نجي مالقيتش من يجيبني اني : باه اني توا طالعه بنجيب التورته نمر عليك هاجر : باه دقيقه نسال ماما ،،،، قالتلي باهي اني : ربع ساعه ونوصل فيك هاجر : تمام مريت علي هجورة وجبت التورته وبعدها بديت نوتي في روحي لبست فستان اسود وقمت شعري فوق وماحطيت شي علي وجهي واكتفيت بخاتم وليد بس في يديا هاجر : نسيبة خيررك ع الاسود استاحشت نشوف الوان لبسك ومش حاطة شي في وجهك وافتحي شعرك ليش قايمتيه شوفي حتى اكسسوارات مش لابسه خاتم بس خيررك اني نشوف للمرايه ونواسي في شعري : مامليتيش من نفس النقااش ديماا سواء في الجامعه سواء لما تجيني في الحووش اني الاسود هذاا الي يعبر علي حالتي وحنقعد نلبسه حتى لو استمر حزني طول العمر هاجر : حرام راهو الي تديري فيه على فكرة اني : لبس الاسود مش محرم هاجر : يكفي انك دايرة جو حزن وتلبسي في الاسود اني : خلينا ننهو الجدال العقيم هدا وهياا ننزلو صوت حد جي هاجر : ربي يهديك بري انزلي انتي مزال بنواسي شعري تو نلحقك نزلت لوطى وكانت خالتي الي جت طبعا كنا مدايرين في الصالة طاولة اكل وحاطين عليها التورته والمشروبات والحلويات وزيناها ببالونات وزينه بعد العشي وولعو البنات المنظومة وقعدو يرقصو وهيجو عليها اني اكتفيت بااني نتفرج عليهم ومبتسمه روحو صاحبات اخواتي ونساوين خوالي قعدت عندنا خالتي باتت وهاجر نستنى في بوها سارة : الحفله جت تهبل سرور : ايه مش عاديه نوال نبي بيجامه نسيت بيجامتي نوال : انتي باه متذكرة اسمك تعالي معاي هاجر : اني بابا جي هي مع السلامه نحنا : مع السلامه سارة : ماحكيتلكش شن صاارر اني : شن صار سارة : بعد غدوة معتصم بيجيب اماله ( معتصم حبيبها طبعا مواليد 84 مهندس علاقتهم ليها سنه ) اني : بالحق مبروووك حبيبتي واضبطتها سارة : الله يبارك فيك مش مصدقه تعرفي فرحانه وماما موافقه بيجيب امه واخواته بعد غدوة اني : باه حلو بكل ربي يتمملك علي خير سارة : عقبالك ياحنه اني غيرت الموضوع : شريتي لبسه سارة : لالا مرات غدوة نطلع شن رايك تطلعيني انت نحب ناخد ذوقك ماما كله باهي كله كويس كله حلو مانتقدش بس انتي تطلعي في الرز عظام قصدي يعني نتنقدي هلبا وانتي عارفه يعني اني : ههههههههه ماتتحشميش على فكرة ، خلاص غدوة نطلعو من اهني سارة : باه تمام استمرت الهدرزة في حوشنا وماهفتوش للساعه 3 خشينا رقدنا تاني يوم طلعت اني وسارة شرت لبسة هي واني عجبتني بلوزة سودا خديتها سارة : مش سادك الاسود الي عندك خوودي الرصاصيه حتى هي حلوة ياسر اسود اني : مامليتوش من نفس الاسطوانه انتي وهاجر امتى بتبطلو نق علي نفس الموضوع سارة : راس مسكر ماتفهميش بكل روحنا وتاني يوم امشينا لحوش خالتي وجو امالي معتصم وخطبوها وتم اليوم علي خير استمر الاسبوع عادي علي ابطال روايتنا لين جي يوم بتروح عمتي امشينا من الصبح لحوش عمتي ووتينا الغدي طيباته ماما دارت كسكسي مسقي واحني وتينا المسير والسلاطة طيارتهم توصل الساعه 2 قعمزنا وقعدنا نراجو فيهم اية ( مرت احمد ) : اووف امتى بيوصلو كلنا تلفتنالها ماما : الساعه واحد قاعده مزال اية : اعييت اني وجعانه طبعا كلنا مصدومين خيررها هادي ماحد رد عليهاا ولاعرفنا اصلا شن نردو عليهاا اية : نواال جيبيلي اميه حاسه روحي تاعبه من كثر الوقوف نوال مصدومه بعدين عوجت فمها : ليش امتى وقفتي انتي اية : بالله امالا من واقف امبكري في المطبخ ونساعد فيكم في الغدي نوال : كانك علي عيوني اني نشوف فيك مقعمزة علي الكرسي وتاكلي مرة خيار مرة جزر مرة ياغورت الاخضر واليابس ماشاء الله نحنا شادين ضحكتنا بالسيف حتى من ماما ماما : نوال خلاص اية : هدا جايبه راجلي كله مااكليتش رزق حد نوال : ايه بااه اني انوض نطلع للجنان احسن من رقبتي تنكسر وهي طالعه قابلتها مرت انور جاايه : السلام عليكم كيف الحال نوال : وعليكم السلام الحمد لله تمام كيف حالك انتي سميه : تمام وخشت بينما نوال حطت يديها في جيوبها وحست كاانه في ورقه في جيبها طلعتهاا ولقتهااا ....... ،،،،،،،،، اما احني سلمنا علي سميه واستعذرت التاخير لانه كانت تعاين احبهم لييش خلووني،،، تموت بحبهم عيووني انا مو من احد مجنون انا من هم جن جنووني قمت فوني لقيتها سارة ترن رديت : الوو سارة : الوووووو اهلين اني : اهلين زاهيه سارة: ليش لا جايبتلك خبررر وحاجة مش عاديه اني : ان شاء الله خير سارة : كل الخيررر ياحنه شكلك بتسبقيني اني : تي تكلمي سارة : هذا ياحنه مش خاله معتصم شافاتك عندنا عندها ولد بيقرا براا وعجبتيها هلبا واليوم كلمت ماما وقالتلها نبي نخطب خلاص لان الصيف الجاي ولدها مسافر فقالت فترة حتى تتعرفي عليه ويتعرف عليك اني :....... بينما نوال حطت يديها في جيوبها وحست كاانه في ورقه في جيبها طلعتهاا ولقتهااا ....... هي ايه بالضبط كرت رقم محمود : يسسس يس واخيراا القيتهاا وقعدت تنقز في الجنان وفرحانه وبعدين وقفت وقعدت تفكر زعما نتصل بيه والا لا مرات حتى نساني اووف شن ندير وبعدين حطت الورقه في جيبها وقررت مؤقتا انها ماتتصلش وخشت الداخل ،،،،،،،،، اما احني سلمنا علي سميه واستعذرت التاخير لانه كانت تعاين احبهم لييش خلووني،،، تموت بحبهم عيووني انا مو من احد مجنون انا من هم جن جنووني قمت فوني لقيتها سارة ترن رديت : الوو سارة : الوووووو اهلين اني : اهلين زاهيه سارة: ليش لا جايبتلك خبررر وحاجة مش عاديه اني : ان شاء الله خير سارة : كل الخيررر ياحنه شكلك بتسبقيني اني : تي تكلمي سارة : هذا ياحنه مش خاله معتصم شافاتك عندنا عندها ولد بيقرا براا وعجبتيها هلبا واليوم كلمت ماما وقالتلها نبي نخطب خلاص لان الصيف الجاي ولدها مسافر فقالت فترة حتى تتعرفي عليه ويتعرف عليك وبصراحة فرصه ماتضيعش يانسيبة اني : سكرري ع الموضوع وقوليلها مانبيش نتزوج سارة : نسيبة ... اني قاطعتها : ساارة خلاص انهيه الموضوع هدا سارة : مش ناهية الراجل مايتضيعش وصهيب شكره هلبا مثقف ودكتور بيقرا في كندا في احسن من هكي وبعدين كيف تبيني نقوللها ماتبيش تتزوج واعيه انتي اني : في كامل وعيي وقلت الموضوع هدا سكريه ودبريلها اي حجة سارة : باه فكري في الموضوع واعطيه فررصه لييش الرفض بس اني : مش حنفكر في شي اني مش حنتزوج الا وليد سارة : نوسه وليد الله يرحمه ماتديرش في روحك هكي بالله عليك اني : واني بعد وليد مش راح نتزوج وياريت مووضوع زي هدا معاش حد يفتحه معاي سارة : باه باه اني : المهم رديتو علي امالي معتصم سارة : ايه امس وهو الاسبوع الجاي بيجي اني : ربي يتمملكم علي خير ان شاء الله سارة : ان شاء الله قعدت نهدرز مع سارة لحد ماسمعنا صووت كلاكسات برا عرفنا عمتي جت طلعنا نجرو كلنا خشش احمد السيارة في الجنان ونزلت عمتي عمتهم وماما قعدو يزغرتو : روروروروروري واحني فررحانين سلمنا عليها كلنا واضبطناها وقعدنا دايرين عليها دورة ايمن : مافيش حد بيقولي الحمد لله ع السلامه راهو حتى اني كنت مسااافر سته شهور ماروحتش مافيش حد بيدورني عدنان : طاايحة علينا السبووره احني كلنا : هههههههههههه وسلمنا عليهم بعدها نسمع صووت وحدة تنادي بااعلى صوتها : عمتتتتتتتتتتتتتتتتتي جتتتتتتتتتتتتتت وطلعت تجري عدنان كان واقف قدام الباب الداخلي وعاطيه بالظهر ولما سمع الصوت تلفت وطااااف نورس خشت في عدنان : اااي تي حوول هكي وجت تجري سلمت علي عمتي عدنان قعد واقف مصدوم عمتي : هههههه بالشوية عليك يابنيتي نورس : استاحشتك عدنان : احم قصدي راهو تاسفي ع الضربه براسك نورس : اسفه لكن انت الي واقف في الطريق انت الغالط عدنان : انتي عمياء ماما : هيا خشو الداخل شن بتقعدو واقفين في الجنان وخشينا كلنا وتغدينا وهدرزنا وكان الجو حلو هلبا ونفسيه عمتي كانت كويسة هلبا وواضح تهدرز وتضحك ولمة حلوة هلبا كانت بعد العصر بدو عمات عيله عمتي يجو والجيران والضيوف والحوش تعبى هلبا ودوشة وحصلنا في المطبخ في تقديم الشاهي والقهوة واصحاب ايمن وعدنان شوي شوي يجو مجموعه نوال : اني اعيييت وراسي انتشف من الدوشة بنطلع للجنان الخلفي نرجس : وين بتمشي وبتخليناا تعالي في تلاته نساوين جو توا صبي عصير نوال : فوتيني اعييت وبعدين بنات عماتك ياعليا ليش ماينوضوش يساعدو مقعمزين يضحكو زي البرنسيسات عليا : هادو ديما هكي وجههم بارد مايتحشموش وبيارة نورس : فكونا من القرمه نوال طلعت وامشت للصالة ووقفت ع الباب وقالت بصوت عالي شوية : يابنات لو سمحتو تعالو نبو مساعده في المطبخ طبعا هما قعدو يشبحو لبعض وتخزرطو لانه شبه الي في الصالة سمعو نوال كلهم واحطو في امر الواقع ناضوو وجو للمطبخ وطبعا كانو خمسه ( رنا مواليد ٩٠ مخطوبة، سوسن مواليد ٩١ ، تقوى مواليد 90 ، غفران مواليد 93 ، ضحى مواليد 92) رنا : شنو في ليش ناديتونا عليا : نبو مساعده البنات تقطعوو رنا اغسلي الفناجين والطواسي نبوهم توا سوسن وتيتي مترد حلويات لسفرة الشاهي تقوى وتي سفرة القهوة ضحى صبي عصير وفرقيه وانتي غفران فرقي معاها الشكلاته للنساوين الي جو توا هما مصدومات ويشبحولها وخلاص وكل توجهت ودارت الي قالتلها عليه عليا وتبو الحق احني فرحنا لان عيينا وشوي وخش عدنان القي نورس واقفه ع القهوة : نورس خمسه قهووة جوني ولاد توا نورس : باه حاضر تقوى بدلع : هاتي ندير منك يانورس اصلا قهوتي حلوة ويشكرو فيها عدنان : حتى قهوة نورس مش عاديه ومن بكري هي تدير فيها خليها تديرها تقوى : باه تبيش تذوق قهووتي عدنان : لالا تقوى اغتاضت وخبطت باب المطبخ وطلعت عدنان : خيرها شن تحس هادي رنا : بكل انت ياعدنان وطلعت حتى هي غفران : تتجكتر علي لا شي وماتستاهلش تقوى اصلا طبعا احني واقفين وفييس مصدوم ضحى : علي خاطر الشينه هادي واشرت علي نورس تزعل تقوى مش حتبردها ياعدنان صدقني ولحقتهم طلعت حتى هي نورس اغتاضت منها : وكان في يدها كاشيك حذفاته علي طول يدها وقعمزت وخانقتها العبرة بعدين قعدت تبكي عدنان قعد مصدوم ومش فاهم شي : خيررهم هاادو عليا : مرضى نفسيين مش شي جديد هدا نرجس جس اضبطت نورس : نورس حبيبتي اسس والله مايستاهلو دمعه من دموعك تو ليش تبكي ماتعدليش عليهم اني : قصدي دارو مشكلة من لا شي عدنان قرب من نورس نرجس بعدت من عليها وهو جي قعمز ركبة ونص وقام لنورس راسها : خلاص معاش تبكي اسف كله بسببي ماتعدليش عليهم نورس : ا ااني شن درت ااني مادرت شي ليش هكي عدنان : انتي مادرتي شي بس هما غارو منك لانك احلى منهم فشاطت نار الغيررة ودارو دعكه نورس خدودها ولو حمر وقعدت تضحك وتبكي : ههههه عدنا : ايووه ديما اضحكي هكي معاش تبكي ومعاش تعدلي علي حد يااقطوسة وقرصها من خشمها نورس : اني مش قطوسة عدنان : اني بنقول قطوسة وهياا الاولاد يراجو ديريلي قهوة نوال : انت مزال خاطرك في قهوة قصدك بعد خليتهم يطلعو وهما علي سبلة توا يانوال ظهرك بينكسر في المدان عدنان : ايه عادي تحركي ياسر بيارة وبعدين اني رحمتكم من ثقل الدم نرجس :ههههههه فيها صدقت طيبت نورس القهوة واخداها عدنان واطلع نوال : تقلد في صوت وحركات عدنان ( غارو منك لانك احلى منهم ) ههههههه بعد هكي بععع والله ياعليا خوك طاح علي منقاره عليا : ههههههه حسيت حتى اني نورس : من غير دوة فاضية انتي وياها عدنان زي خوي وبعدين الولد مادار شي عادي نوال : باه خيره وجهك احمر انتي استرخي استرخي كلنا : ههههههه نورس : باردين على فكرة واستمرينا نتسهوكو علي نورس وبعدها نوال طلعت قعمزت في الجنان بتاع المطبخ طلعت الكرت وقعدت تشوف للرقم فترة وبعدها طلعت فونها وكتباته وهي قلبها بيطلع من كثر مايدق بقوة ويديها يرعشو ماكانتش تعرف السبب بس كانت تعرف انه محمود هو سبب دقات هالقلب ،،طووط طووط محمود : الو نوال : احم الو السلام عليكم محمود : وعليكم السلام ،، نعم ؟ نوال : تليفون محمود محمود : ايه منو معاي ؟ نوال : اني نوال ... محمود : لحظة بس نوال : عارفه مش متذكرني محمود : كان تصبري شوية لحظة ، وقعد يتكلم مع صاحبه بعدين قاللها الووووو نوال : نعم محمود : اهلين والله باهي الي سمعتيني صوتك بعد سبعه شهور ياظالمه سبعه شهور يانوال خيررك ليش ماتصلتيش وصلت بيا درست شهر كامل قدام حوشكم وماقدرتش لانوقف عليك ولاقدرت نقدم خطوة نوال : ا ا ماهو ماهو الكرت كنت حطاته في جيب السروال من هداكا اليوم في المستشفى وشكلني معاش لبسته اليوم لبسته القيته فيه باه الي مانغسلش كان هدا مااتصلتش بكل محمود : كان نشدك تعرفي شن نديرلك نوال : شنوو محمود : نقرصك قررصه باهيه نوال : شرير على فكرة محمود : باه كيف حالك وشن اخبارك وليش سكرتي ايميل الفيس نوال : شي هكي تضايقت من حاجه سكرته وفوتته محمود : شن هي نوال : ماتدورش انت كيف حالك محمود : الحمد لله كيف حالك انتي نوال : تمام محمود : كيف حال اختك الي كانت مريضه في المستشفى نوال : الحمد لله كويسة بس مسكينه مش زي قبل محمود : خيرها نوال : كئيبة بكل محمود : عارفه لو حضرتك ماسكرتيش الفيس والا اتصلي من زمان راهو حالها مش هكي نوال : كيف يعني وبعدين لو حضرتك مش ضايف كدس بنات راهوو ماسكرتش الفيس ... استاقظت لروحها وحطت يدها علي فمها محمود : اووووووه وهو هدا الموضوع الي ضايقك معناها فيه غيره هدا نوال : لا مش غيرة هدا خوف محمود : وعلاش تخافي مع اني نبصم بالعشرة الا غيرة ههههه نوال : انت قولي شن قصدك بان لو ماسكرتش الفيس راهو حال نسيبة غير محمود : عارفه من يكون وليد مختار نوال : من يكون محمود : خو محمود مختار نوال : هاهاها من تسهويك محمود : تي والله مانتسهوك الا خوي هي باه نول تخزرطت : اسفه ربي يغفرله ويرحمه ويصبركم محمود : بعيد السو عليييه نوال : شن يعني محمود : يعني خوي مش ميت خوي بس انصاب وسافر نوال : كييف وليش مايكلمش نسيبة محمود : مانعرفش التفاصيل بالضبط لكن في اشياء عرقلاته والباين حاول يوصللها بس ماقدرش نوال : قصدي يعني هو حيي تواا حييي خليني نمشي نقوللها خليني نفرحها ،، بس لحظة لحظة كيف انصاب خوك محمود : اني تفاصيل الي صار بالضبط والله مانزبطه مزبوط صار اشتباك حاجة هكي بالسلاح وقنصوه في بطنه ورجله رجله في البدايه فقدنا الامل انه مزال يمشي عليها بس الحمد لله عمليته نجحت وتوا يمشي بس مش مشية سليمه يعني فيها العرجه نوال : يعني معاش يقدر يمشي عليها سليم تقعد ديما هكي محمود : لالا تبي علاج طبيعي بس وتبدا تمام نوال : حلو بجد فرحتله خليني نمشي نفررح نسيبة محمود : ماشي وسلميلي عليها طلعت نوال تجري من الدار وتنادي بااعلى صووتها : نسييييييييييبة يااااانسيبة تعااالي ووييينك ماما جتها تجري : تي اسسس حي ع العار الناس تحشمي شن صاير علاش تلعلي بس نوال : ووينها ياماما نسيبة اني جيت نجري كنت في الصالة : شن في خيرررك تعيطي نوال جت تجري جيهتي واضبطتني : الحمد لله الحمد لله اني نوال : طلع حي يانسيبة ربي جبر خاطررك وليد حي اني : ش ش شن تقولي نوال جبدتني من يدي ورفعتني للدار وسكرتها اني نشوفلها ومش مستوعبه ومتمنيه كلامها يكون حق : خيرك شن تقولي نوال : يانسيبة وليد طلع حي بس هو كان يعالج برا هدا ليش اختفي اني : ومن قالك نوال : خوه اسمه محمود اني : نوال انتي متاكدة من الي تقولي فيه نوال : وكل الاكيد وزيادة اليوم مروح من السفر اني قعمزت ع الكرسي واني نحاول نستوعب كلامها : يعني وليد حي وليد ماسيبنيش نوال : لا بس هو مش عارفه بالضبط شن صار تقنص برصاص حاجة هكي المهم يعالج علي رجله واليوم مروح زياده اني : نوال اني مش قادره نستوعب ، وقعدو دموعي ينزلو ماعرفتهمش دموع شنو فرحه صدمه حزن نعرفش حتى شنو مشاعري وقتها كان مشاعر مخلطة فرح وصدمه وشوق وحيرة نوال : تبي نتصلك بمحمود وهو يفهمك اني : اوكي اتصلي نوالل اتصلت بيه ومدتلي الفون محمود : الوو اني نمسح في دموعي : السلام عليكم محمود محمود : وعليكم السلام ؟؟ اني : اني نسيبة محمود الكلام الي قالتهولي نوال ص صح و ول ليد ح حي محمود : ايه صح وحي وزيادة يدور عليك قداش ليه اني : باه هو صحته كويس يعني هو كويس محمود : ميه ميه زي الحصان اني : كيف نوصل فيه محمود : والله هو توا في الطائرة ممكن بعد يوصل نخليك تكلميه ماعنديش مشكلة اني : الساعه كم طيارته محمود : مزال نص ساعه وتوصل توا اني في طريقي للمطار اني : اني جايه غادي للمطار نبي نشوفه ماتخليشي يطلع لين نوصل محمود : تمام اني انضم اموره اني : شكرا بجد مع السلامه، مديت لنوال الفون وطول سجدت سجدة شكر وبعدها قعدت نبكي لااراديا من الفرحه مش مصدقه حلم مانبيش نفيق منه خديت نوال وطلع الف كذبة لماما بيش تخليني نطلع قالت باه بعد طلعت روحي ولعت السيارة وقعدت نجري نبي نوصل بسرعه وصلت للمطار ونوال كلمت محمود عماد : اني عندي صاحبي جايني بنمشي للمكتب طول هي سلام محمود : بيش تجي تتعشى في الليل سلام ، وانت تعالى معايا عندي ليك حاجة جايبها للمطار وليد : شنو محمود وهو يجر شنطة وليد : هي تعالى اني كنت واقفه ونجول بعيوني ندور فيه لحد ماوصلت عيني في عينه حست الدنيا وقفت وقتها والوقت وقف مافيش الا اني وهو في المكان مش حاسه بحد الا بااشتياقي لنظره عيونه هادي كان باين علي وجهه المفاجئة تقدمت بخطوات بطيئة جهته لحد ماصبح بيني وبينه سنتيمترات بس مديت يدي ولمست كتفه كااني نبي نتحسس اني مش في حلم لما شميت ريحته تاكدت اني مش في حلم هدا واقع : و ول ليد وليد يبتسم ابتسامه فرح : ياعيون وليد اني دموعي ينزلو : وليد ليش سيبتني وانهرت بكي وليد يمسح دموعي : اسسس ماتبكيش يانوستي اني اهني ماسيبتكش اني : استاحشتك مزال تحبني انت وليد ؟ وليد : نحبك اكثر من ما تتخيلي كل نبضه تنبض من قلبي تنبض بااسمك اني قاعده مستمرة في الدموع وهو كل دمعه تنزل مني يمسحها ويقولي اسس ياسر بكي عيوني في عيونه نتامل فيه ونملأ في عيوني المشتاقات منه كان ضاعف هلبا بس مولي وسيم اكثر " صدق من قال ان البعد يزيد الحب بين القلوب انا لما اتحمل بعدي عنه انهرت مرضت وها أنا استعيد حياتي بنظره عينيه . احبك يانبضي " قطع تانملنا في بعض صوتي فون ،، احبهم ليش خلوني ، كان ايمن يااويلي : الو ايمن ايمن : الو يانسيبة وييينك وصلت للحوش سيارتك مهناش وقالو من بكري طاالعه رااهو الدنيا ظلمت اني : اهو جايه مش حنعطل ايمن : هياا باه بسررعه اني : اوكي سلام وليد : خيره اني : اها هدا ايمن ولد عمتي ماهو احني عندهم شكله روح للحوش مالقاش سيارته كلمني قالي الدنيا ظلمت وليد : وشن دخله هو اني شاده ضحكتي بالسيف كان زايد وسامه وهو قارن حواجبه : ماهو هو خاف عليا واني في الليل في وضع البلاد هدا مانقدرش نسوق وليد : بااه امالا هي اطلعي واحني نمشو وراك بسيارة محمود اني : مافيش داعي برا سلم علي اهلك وليد : نوصلوك ونروحو وايه هاك فوني سجلي رقمك قاعد ماعنديش شفرة اني سجلت الرقم وبعدها نديت علي نوال وسلمت علي وليد شد يدي وباسها اني تحشمت وجبدت يدي بسرعه : مجنون انت الناس تشوفلنا وليد : مستاحشك شن ندير هي اركبي وسوقي بالشوية اني : حاضر مع السلامه ركبت سيارتي واول ماركبت بدت نوال تسهويك علي بوسه اليد واني فايتتها بكل في عالم تاني اصلا فرحانه ونبيش نعكر مزاجي ووليد نفس الشي اول ماركب محمود : خيزي معاش في حشم بكل مسلسل تركي درتوه وليد : هههههههه سوق واسكت اول ماطلعت من بوابة المطار بديت فيها جري نبي نوصل بسرعه وليد : خيرررها تجري هادي تي اتصل بيهم اتصل محمود بنوال واني ماعدلتش طبعا خلاص الدنيا ظلمت نبي نوصل اتصل المرة التانيه وكان وليد مش محمود وليد : اعطيهالي اعطيهاالي بصوت عالي اني : الو وليد : نقصي السررعه والا نجيك توااا خيرررك هبلتي توا شفت سيارة قريب خشت فيييك والله غيررر توصلي فيااا معاد تحلمي بيها السوااقه اني : هههههه تي والله الا وقت ايمن توا اكيد معسكر قدام الحوش وليد : مادخلاشي فيييك هووو معااش تضحكي ياعن شكلك وشكله ونقصي السرعه اني : بااه حاضر هههههه ،، سكر عليا واني متت بالضحك نقصت السرعه شوية محمود : والله مرت خووي طلعت تعرف تسوق مليح هههههه عن شكلها معاش قدرت نلحقها وليد خبط يده علي حاشيه الباب استمريت الطريق كلها هكي وليد كل شوي يتصل يهزب ويسكر واني خفت من ايمن نبي نروح بسرعه قعدو وراي لين وصلنا حوش عمتي درسو بعيد شوية بحيث يقدرو يشوفوني طبعا ايمن كان معسكر قدام الحوش زي ماتوقعت ومربع يديه اني بلعت ريقي : السلام عليكم ايمن : وينك لتوا نوال : وعليكم السلام نسيبة ايمن : فكيني منك انتي وياها وتكلمي وينك لتوا مش قلنا مافيش سواقه في الليل الساعه تمانيه تواا وينك اني : ماهو ماهو مشينا جبنا حاجة ضروريه من الحوش وجينا نوال كانت تبيها ايمن : اخر مرة هادي وانتي ياانوال مرة تانيه تفكري حاجاتك بكرري اني ونوال : باه حاضر استاذ قلناها مع بعض ايمن : ههههههه خشي انتي ويااها خشي قال استاذ قال طبعا وليد كان يراقب من بعيد ويغلي علي ايمن بعد خشينا روحو لحوشهم وطبعا كان دايرها مفاجئة لااهله فرحو بيه واستقبلوه وكان مستاحشهم وقعد يهدرز معاهم لعند الساعه ١ : اني تاعب بنرقد هي تصبحو ع خير كلهم : وانت من اهل الخير خش لداره وفتح شفرته جديده واتصل بيا اني كنت وقتها فايقه نراجي فيه لين قريب فقدت الامل كلهم رقدو الا اني شوي وشرين فوني ع الهزاز اني : ..........